Post: #1
Title: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: خالد المحرب
Date: 06-04-2009, 10:15 PM
الشكرأجزله لك استاذ عمر الجزلى لحرصك في تقديم هذا الذهب الخالص
الاستاذ الكبير (عثمان حسين) الذي عشت معه لحظات حياتى الحلوه وكان ونيسى ومازال وسيظل
نعم اخى عمر هذا العملاق كنت اعيش معه بكل حواسى 0
حبيت مره واحده 0 كل اغانى العملاق فى شى من الحزن لكن فيها سلوى لمن كان يحب
بمعنى الحب الحقيقى 00 الحب الذى لايقبل الا ان يكون حب00
|
Post: #2
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: طارق ميرغني
Date: 06-04-2009, 11:07 PM
Parent: #1
لكن اخي محرب وكما عودونا دائما في تخريب المزاج قطعوا اغنية قصتنا بعد دقيقتين من انطلاقها
لموجز الانباء.
طيب قلنا موجز كويس ليه عدم التنسيق.
كل تلفزيونات الدنيا ببساطة ممكن يوقفوا الحلقه قبل تلك الدقيقتين لتقديم الاغنيه كاملة بعد موجز
الانباء .
عشان ما يبوظوا تسجيلاتنا ... ولا شنو ؟
|
Post: #3
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: عمر عبد الله فضل المولى
Date: 06-04-2009, 11:21 PM
Parent: #2
رحم الله الراحل ابوعفان واسكنه فسيح جناته
سيظل صوت الراحل عبر اغنياته الطروبة في وجداننا ما وفي جدان كل الاجيال
فكلما استمعت النفس الى الى هذا القيثارة الفنية السامقة استبد بها الطرب
وتداعت الذكريات الجميلة واستعادت النفس نضارها وجمالها وفاضت الجوانح بالشوق
|
Post: #4
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: خالد المحرب
Date: 06-04-2009, 11:52 PM
Parent: #2
الأخ الفاضل :
طارق ميرغني
كل ماأستطيع قوله في صدد هذا الموضوع:
(ياهو ده الســــــــــــودان)..........تنسيق؟؟!! (الأمور كلها تتم ببساطة وعفوية)
أتفق معاك تماماً في هذا الموضوع
تحياتي:
|
Post: #5
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: نادر الفضلى
Date: 06-05-2009, 03:55 AM
Parent: #4
الأخ خالد المحرب
تحياتى
عثمان حسين فنان مبدع وأعماله خادة فى وجداننا
والإعلامى عمر الجزلى صاحب ذوق راقى ..
وإعلامى صاحب رسالة واعية .. عبر برنامجه أسماء فى حياتنا
أدعوك لتصفح موقع مزيكا سودانية وهو يقيم أسبوع الوفاء للراحل المقيم عثمان حسين
فهنالك ستعيش فى رحاب عثمان حسين تتنقل بين تاريخه وأغانيه
الرابط : http://www.sudanesesongs.net/
الذكــرى الأولـــى لــرحــــيــل الــفــنــان عــثــمــان حــســيــن
*
|
Post: #6
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: خالد المحرب
Date: 06-06-2009, 06:53 PM
Parent: #5
الاخ عمر عبد العاطى000 تحياتى الكتار ات عارف انا احب كثئر من الفنانيين السوداننيين
اللحو عندو غناهو ابوداؤد عندو غناهو وردى ابواللمين مصطفى سيد احمد
وغيرهم كثر كل واحد تستمتع باغنيات معينه منه وهذا بالنسبه لى ولكن قصتى مع
عثمان حسين كانت ليها وضع خاص جدا صادفت ايام الهوى مع غربه فكنت امتلك
كل اغنيات عثمان حسين00 فهذا الفنان له وضع خاص وسيظل شكرا
|
Post: #7
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: خالد المحرب
Date: 06-06-2009, 07:15 PM
Parent: #6
Quote: عثمان حسين فنان مبدع وأعماله خادة فى وجداننا
والإعلامى عمر الجزلى صاحب ذوق راقى ..
وإعلامى صاحب رسالة واعية .. عبر برنامجه أسماء فى حياتنا
|
الاخ نادر الفضلى شكرا جزيلا 00 ات عارف تكلمنا عن العملاق كثيرا
د احمد ولدى شاب وانا لقيت كتير من الشباب (الجادين) بحبو عثمان
امثاله 00 بمعنى عثمان حسين زول هشك بشك ما بسمعو 0 لانه دهب خالص
|
Post: #8
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: خالد المحرب
Date: 06-06-2009, 10:00 PM
Parent: #7
اصلى بعدك ماهويت00 كلام من شاعر وفنان من منجم دهب
|
Post: #9
Title: Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص
Author: abdulhalim altilib
Date: 06-07-2009, 07:01 AM
Parent: #8
أخي العزيز / خالد
تحياتي وتقديري ،
عثمان حسين وما أدراك ما عثمان حسين
هو فعلاً نيلنا الثالث كما أسماه
الاعلامي الكبير ذو النون بشرى .
نسأل الله له الرحمة والمغفرة وأن
يسكنه الله عالي الجنان في الفردوس الأعلى .
ومازلت أستحضر أغنياته والتي شنف آذاننا
بها قبل أكثر من ربع قرن ، عندما شرفني
وأكرمني بإحياء حفل زواجي في نادي الشرطة
بالخرطوم ، بُعيد انتفاضة أبريل بشهرين فقط .
وكلما شاهدت شريط الزواج أتخيل نفسي وكأنني
مازلت ذاك الشاب المزهو بشبابه وبتلك القامة
السامقة التي أحيت ليلة فرحه والتي لا ولن تنسى .
شكراً لك أخي ود المحرب ، فقد أعدتنا القهقرى
لنستحضر ذاك الزمن الجميل ، الطاعم الغنا
السمحة خصال الناس فيه ، المترعة نفوسهم بحب
الآخرين .. كيف لا وقد عشنا زمن عثمان حسين .
والحروف السابقة كانت قصتنا زمن الحب والزواج
وهاك قصتنا .. مع بازرعة وعثمان حسين :
بالمعزة ..بالمودة بيننا بي أغلي .. الصلات
بالهوي العشناه بي أعصابنا خمسة سنين ومات
بالعذاب الشفته والسر الكتمته معاك وبأقل الطيبات
استحلفك اترك سبيلي وسيبني وحدي اقاسي مر الذكريات
أنا بحناني الغالي خصيتك وحبيتك بكل جوارحي وعواطفي العميقة
وانا شلت من اجلك هموم الدنيا قاسيت من جراحه وكل ضيقة
ولس سعادتك انت كم ضحيت واتغربت ما خليت طريقة
وفي مسيري المضني من اجل الحقيقة
كل طائر مرتحل عبر البحر قاصد الاهل حملته اشواقي الدفيقة
ليك يا حبيبي للوطن لي ترابه لشطآنه للدار الوريقة
لكن حنانك او حتي مشاعرك نحوي ما كانت حقيقة
ومابيدي لو ضباب الغيرة اعماني وزيف لي الحقيقة
وا نت نبع حناني انت كياني وأخيلتي الطليقة
أن حصل زلت خطاي معاك او ضلت طريقة يا اجمل حقيقة
برضه سامحتك لحبي ما لاجلك للمعاني الكنت انظم فيها حولك
ونحن عشناها بدموعنا بالضنى في كل دقيقة
يا حبيبي لم تزل قصتنا قصة حب اقوي من الحقيقة
شكراً تاني وتالت أخي خالد ،
مودتي ،
( ليمو )
|
|