|
|
|
 Re: بالمعزه بالموده البينا 00 انا حبيت عمر الجزلى لحبه للعملاق عثمان حسين 0 يقدم لنا دهب خالص (Re: خالد المحرب)
|
أخي العزيز / خالد
تحياتي وتقديري ،
عثمان حسين وما أدراك ما عثمان حسين
هو فعلاً نيلنا الثالث كما أسماه
الاعلامي الكبير ذو النون بشرى .
نسأل الله له الرحمة والمغفرة وأن
يسكنه الله عالي الجنان في الفردوس الأعلى .
ومازلت أستحضر أغنياته والتي شنف آذاننا
بها قبل أكثر من ربع قرن ، عندما شرفني
وأكرمني بإحياء حفل زواجي في نادي الشرطة
بالخرطوم ، بُعيد انتفاضة أبريل بشهرين فقط .
وكلما شاهدت شريط الزواج أتخيل نفسي وكأنني
مازلت ذاك الشاب المزهو بشبابه وبتلك القامة
السامقة التي أحيت ليلة فرحه والتي لا ولن تنسى .
شكراً لك أخي ود المحرب ، فقد أعدتنا القهقرى
لنستحضر ذاك الزمن الجميل ، الطاعم الغنا
السمحة خصال الناس فيه ، المترعة نفوسهم بحب
الآخرين .. كيف لا وقد عشنا زمن عثمان حسين .
والحروف السابقة كانت قصتنا زمن الحب والزواج
وهاك قصتنا .. مع بازرعة وعثمان حسين :
بالمعزة ..بالمودة بيننا بي أغلي .. الصلات
بالهوي العشناه بي أعصابنا خمسة سنين ومات
بالعذاب الشفته والسر الكتمته معاك وبأقل الطيبات
استحلفك اترك سبيلي وسيبني وحدي اقاسي مر الذكريات
أنا بحناني الغالي خصيتك وحبيتك بكل جوارحي وعواطفي العميقة
وانا شلت من اجلك هموم الدنيا قاسيت من جراحه وكل ضيقة
ولس سعادتك انت كم ضحيت واتغربت ما خليت طريقة
وفي مسيري المضني من اجل الحقيقة
كل طائر مرتحل عبر البحر قاصد الاهل حملته اشواقي الدفيقة
ليك يا حبيبي للوطن لي ترابه لشطآنه للدار الوريقة
لكن حنانك او حتي مشاعرك نحوي ما كانت حقيقة
ومابيدي لو ضباب الغيرة اعماني وزيف لي الحقيقة
وا نت نبع حناني انت كياني وأخيلتي الطليقة
أن حصل زلت خطاي معاك او ضلت طريقة يا اجمل حقيقة
برضه سامحتك لحبي ما لاجلك للمعاني الكنت انظم فيها حولك
ونحن عشناها بدموعنا بالضنى في كل دقيقة
يا حبيبي لم تزل قصتنا قصة حب اقوي من الحقيقة
شكراً تاني وتالت أخي خالد ،
مودتي ،
( ليمو )
| |
 
|
|
|
|
|
| |
خالد المحرب
عمر عبد الله فضل المولى
نادر الفضلى
abdulhalim altilib
فيس بوك
تويتر
انستقرام
يوتيوب
بنتيريست