Post: #1
Title: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-04-2009, 11:27 AM
Parent: #0
هي مباراة لاعبين ولاعبين فقط ... لا مدرب ولا اتحاد عام لا اداريين ولا جمهور .. وما ساكتبه لن يفهمه الا من مارس كرة القدم بصورة فعلية وتنافسية فقط ..
اغلب ظني سيخرج منتخبنا بنتيجة مقنعة وايجابية من مباراته المرتقبة مع منتخب بنين ... لكن باي حال من الاحوال لن تكون هذه المباراة مقياس للمنتخبين ولاعبيهم ... الفرق كبير بين المنتخبين لصالح بيني بالتأكيد ... لكن توجد مباريات المنطق لا يحكمها بل تحكمها ظروف اخرى .
هذه الظروف الاخري هي الان تتحكم في مباراة فريقنا القومي ضد بنين .. واولها ان اللاعبين الذين يمثلون السودان الان امام محك شخصي يحدد على اساسه مستقبلهم الكروي وسمعتهم الشخصية في المستديرة ... ثانيها ذهاب مازدا الى بنين قبل الفريق القومي ممنا ينبى بانه سيكون المشرف الفعلي على المباراة وهذا سيكون ايجابي جدا .. ليس لان مازدا صاحب فكر كروي عالي .. ولكن لان المباراة القادمة ليسة مباراة فكر وخطط بقدر ما هي مباراة تحفيز وتحريك واستخدام العامل النفسي ...
مثل هذه المباريات في عرف كرة القدم لا تسمى مباريات ولكنا نسميها معارك ... نعم معارك .. الفيصل فيها للحماس والبزل واللياقة لا للمهارة والتنظيم والامكانيات الفنية ... ودائما ما تكون نتيجتها لصالح الفريق الضعيف من ناحية الامكانات المهيئ نفسيا لتقديم مردود نفسي عالي شرط ان تكون الطاقة متوفرة والدافع موجود
هي مبارة تمثل لكل لاعب ان يكون او لا يكون
اهم شي ولا اظنه سيفوت على مدرب ولاعب كبير مثل مازدا
هذه المبارياة تلعب بطريقة الدافوري من قبل الفريق الضعيف
الاستراتيجة التي تبنى عليها هذه المباريات هي تشتيت الفريق الخصم المنظم وضرب تنظيمه الذي هو مصدر قوته ...
يعني الكورة مفروض تكون هرجلة بعد شحن اللاعبين نفسيا بصورة عالية ..
اهم شي ضرب تنظيم الفريق الخصم وهذا شي هين ويحتاج الى ظروف واسباب معينة لتنفيذه وهي متوفرة الان
اولها معدل عالي جدا من اللياقة البدنية وهو موجود بكثرة فالخواجة لم يفعل شي لمجموعته المختارة للفريق القومي غير تمارين اللياقة
ثانيها معدل اعمار اللاعبين صغيرة نسبيا مما يعني ان قوة تحملهم البدنية عالية ونفسيتهم قابلة للشحذ وهذا يتوقف على الشخصية التي ستشحذهم نفسيا .. ومازدا خير من يستطيع ذلك
ثالثا الوضع النفسي والضغط والرغبة في اثبات الذات .. وهو وضع الاعبين الذين يمثلون المنتخب حاليا هم اما امتحان اثبات ذات اما ان يفشلوا واما ان ينجحوا
رابعا الهرجلة وهي ابلغ وصف لحال المنتخب الان ... كل زول يلعب عشان نفسه فقط لا احد سواها ..
اها مين يتحدى
|
Post: #2
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Hussein Mallasi
Date: 06-04-2009, 11:31 AM
Parent: #1
كنت داخل أتحدى بس التعويل على الهرجلة أقنعني 
|
Post: #3
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-04-2009, 11:56 AM
Parent: #2
عينك تشوف يا ملاسي
اصعب شي على فريق منظم انه يلعب اما فريق غير منظم تماما وجاي مخصوص عشان يبوظ الكورة
الامثلة كتيرة
الارجنتين ضد الكاميرون 0:1
السنغال ضد فرنسا 0:1
الهلال السوداني ضد الهلال السعودي 0:1
السودان ضد مصر 4:0
|
Post: #4
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: السيد المسلمي
Date: 06-04-2009, 12:59 PM
Parent: #3
الاخ وليد سلام
Quote: الاستراتيجة التي تبنى عليها هذه المباريات هي تشتيت الفريق الخصم المنظم وضرب تنظيمه الذي هو مصدر قوته ...
يعني الكورة مفروض تكون هرجلة بعد شحن اللاعبين نفسيا بصورة عالية .. |
كده وبناً علي الاستراتيجيه الخطيره دي نحن غالبين غالبين،، !!!!!!
النقوم نجهز النوبه والدلاليك !!!!
معقوله بس ياوليد تبني فرضياتك للفوز علي ضعف منتخبنا الوطني !!
يبقي علي كلامك دا أنا في إعتقادي لن نحقق أي نتيجه إيجابيه،،
|
Post: #5
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-04-2009, 01:11 PM
Parent: #4
استنى وشوف
|
Post: #6
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-04-2009, 01:14 PM
Parent: #5
اهو السيد المسلمي دق صدره واتحدي
مين غيرو
|
Post: #7
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Nasruddin Al Basheer
Date: 06-04-2009, 01:18 PM
Parent: #4
الدكتور قال لأهل المريض:
ولدكم ده عندو سرطان في الرئة وتعطل تام في وظائف الكلى
وارتفاع حاد في ضغط الدم وزيادة في ضربات القلب..
لكن لو ربنا كتب ليهو يعيش حا يعيش..
|
Post: #8
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: خالد عبد الله محمود
Date: 06-04-2009, 03:31 PM
Parent: #7
أبقي قابلني يا وليد
المنتخب سافر و هو مهزوم معنوياً و بلاعبين مجبرين على اللعب للمنتخب في ظل وجود هذا المدرب الذي فرض عليهم من قبل الإتحاد.
اللاعبين هم أكثر من سيستفيد من هذه الهزيمة لزيادة الضغط على الإتحاد لإبعاد المدرب
شخصياً أتمني هزيمة المنتخب و لكن ليس بعدد كبير من الأهداف ليس بسبب عدم الوطنية لكن لأن فوائد الهزيمة على المنتخب على المدي البعيد ستكون أكبر من فوائد تحقيق نتيجة إيجابية, أي نتيجة إيجابية معناها بقاء هذا المدرب الكارثة لفترة أطول.
|
Post: #9
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: حمزه بابكر الكوبي
Date: 06-04-2009, 05:22 PM
Parent: #8
والله ياوليد ياريت لو التمني بجيب نتيجه
ونظريتك دي انا بعمل ليها كروس ولكن رغم ذلك اتمني من قلبي انها تصدق
غايتو بنين الشفناها لعبت قدام غانا والله لو جاء المنتخب اللعب قدام تونس ما يعمل حاجه
بقصد كوره تونس الاتهزمنا فيها بهدف ريتشارد وليست المباراه الاخيره .
تحياتي
|
Post: #10
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: على محمد على بشير
Date: 06-04-2009, 05:35 PM
Parent: #9
| Quote: الســودان سيخرج بنتيجة ايجابية في مباراة بنين |
ابقى قابلنى يا الشفت 
|
Post: #11
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-06-2009, 10:33 AM
Parent: #10
>>>>>
|
Post: #13
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: طارق شاطر
Date: 06-06-2009, 09:32 PM
Parent: #1
| Quote: هي مبارة تمثل لكل لاعب ان يكون او لا يكون |
تعادل شنو ياوليد دحنا حا نشوف ضرب
انافي وانته في واستيفن شداد في
عزرا للوطن الجميل ويا حليلك يا المنتخب
الله يسترناااااااااااااااااااااااااااااااااااا
|
Post: #14
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-08-2009, 10:33 AM
Parent: #13
اها ...!؟
|
Post: #15
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: عمر الفاروق
Date: 06-08-2009, 11:03 AM
Parent: #14
اها شنو يا وليد !!؟؟
اووووعا تقول لي 1-صفر نتيجة ايجابية ..
خاب ظنك يا صديقي وان كان كلامك الاول كلام صاح عن الهرجلة..
المنتخب البنيني منتخب غير منظم وكل الحصل انو الناس حكمت على مباراة غانا ونتيجتها ..
بالمناسبة انا متأكد إنو اي زول شاف المباراة امبارح حا يكون قال : اااااخخخخخخخخخخ والله لو كان لعبنا بي الاساسيين هيثم والعجب وطمبل وعلاء الدين وعمر بخيت كان فزنا!!!
بس ده كلام غلط وغلط كبير !!!
ثقافة اللاعب السوداني واااحدة الكبير ولاصغير منهم العندو خبرة والمبتدئ كللللهم بيطلعوا برة وبي فهم انو يتغلبو بس ما كتير!!
خمسات الوداد وسبعات الوحدات خلتنا نفهم في عقليتنا الغير احترافية انو الفوز يب فارق هدف وهدفين انتصار وتشريف للبلد!!
لعبنا امبارح عشان نحافظ على الخسارة بي هدف وانا متأكد منننن البشاش الكابتن لحددددددي الحمري الجديد لنج بيكونوا طالعين مبسوطيين وحتى مازدا بيكون قال ليهم قووود لك شباب حلوين حلوين !!
شوف يا قريبك اللاعب السوداني لعب على مر تاريخه بي تنظيم وخطط واضحة وفهم كروي فقط وفقط في عهد مدربين ريكاردو مع الهلال وهورست مع المريخ !!!!
غير كده فكلللللو لت وعجن وخشو العبو كورتكم البتعرفوها !!!
|
Post: #16
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-08-2009, 11:26 AM
Parent: #15
اكتر من ايجابية يا عمر
واوريك كيف
يتأهل ثلاثة فرق من المجموعة المكونة من اربعة فرق
نتيجة واحد صفر في بنين ايجابية جدا
وما اظنك كنت طمعان في اكتر منها حتى لو كان الفريق القومي لاعب بكل نجومه
واحد صفر يعني تلعب مرتاح ضد بنين في السودان انين صفر احتمال كبير تاهلنا قياسا على مستوى فريقنا وفريق بنين
حا ينضربو رايح جاي
وبتبقى امبارتين البيناتهم هي الفيصل
Quote: شوف يا قريبك اللاعب السوداني لعب على مر تاريخه بي تنظيم وخطط واضحة وفهم كروي فقط وفقط في عهد مدربين ريكاردو مع الهلال وهورست مع المريخ !!!!
غير كده فكلللللو لت وعجن وخشو العبو كورتكم البتعرفوها !!! |
صحيح مية المية
وانا بعتبرها نتيجة ايجابية ليه
لانو كل الناس متوقة انو الكورة امبارح تكون من 3 ولي فوق
|
Post: #17
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Maawya Hussein
Date: 06-08-2009, 12:01 PM
يا وليد ما ننسي اخر كوره لينا كانت مع بنين (في بنين) اتغلبنا فيها 3 صفر وبي هيثمنا وعجبنا ! كوره امبارح دي لو المعز كان مركز لو اتلعبت يومين الفريق البنيني ما كان حا يجيب قون ..اول مره اشوف دفاع سوداني متماسك للدرجه دي الباشا وسامي عبد الله وبله جابر كانوا مقفلين الكوره صاح ولاعبين بي وعي شديد ..الفريق بيفتقد صانع العاب ولو كان في النعيم ولا راجي عبد العاطي ممكن كانو يحلو المشكله دي ..مفروض ننسي حكايه النجوم والخبره دي شويه ..ولوحضرت كوره مصر والجزائر امبارح بتلقي نجوميه وخبره المنتخب المصري (نفس المنتخب الجاب كاس افريقيا وبي نفس المدرب) ما قدروا يعملوا حاجه مع شباب الجزائر
|
Post: #18
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Maawya Hussein
Date: 06-08-2009, 12:08 PM
Parent: #17
بالمناسبه المعلق بتاع الـ art امبارح قال مدرب السودان يحمل شهاده الطب النفسي للتعامل مع اللاعبين من بين سته مدربين في العالم مسجلين في الفيفا ..وقال انو المدرب رفض تدريب منتخب بنين وقبل بتدريب المنتخب السوداني
|
Post: #19
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: على محمد على بشير
Date: 06-08-2009, 06:30 PM
Parent: #18
| Quote: مدرب السودان يحمل شهاده الطب النفسي للتعامل مع اللاعبين من بين سته مدربين في العالم مسجلين في الفيفا |
والله يا معاويه دى موبالغه عديل كدا
ياخ قسطنطين دا داير ليهو طبيب نفسى براهو
|
Post: #20
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Amin Mohamed Suliman
Date: 06-08-2009, 08:41 PM
Parent: #19
وليد يا شفت ، سلام عليكم
يعني لو غلبنا من بنين نتيجه إيجابيه ، كاس عالم شنو الدايريين نمشيو ؟
|
Post: #21
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-09-2009, 05:33 PM
Parent: #20
| Quote: كاس عالم شنو الدايريين نمشيو ؟ |
يا ايمن
بنين تأهلت للمجموعات دي بجدارة وهي مصنفة من قبل الفيفيا من الفرق التي تطورت كثيرا
غلينا منها واحد صفر في بلدها مكسب باعتبار ماقاله لك معاويا عاليه اننا في اخر مباراة بكامل نجومنا اتغلبنا منها 3 صفر
يا ايمن غانا متصدرت المجموعة نغلبت على بنين في غانا واحد صفر بعد حراق روح وبنين كانت هي الافضل
|
Post: #23
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-09-2009, 05:43 PM
Parent: #19
يا على
تتصور فعلا عنده شهادة وهي عند سته مدربين فقط في اوربا هو واحد منهم
لكن هو زاتو مجنتر
|
Post: #22
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-09-2009, 05:39 PM
Parent: #18
يا معاوية رقم اعتراضي على طريقة المدرب
لكن الفريق الحالي يحتاج الى ثلاثة لاعبين فقط
طرف شمال ود الزومة
وصانع العاب هيثم مصطفى تحديدا
ومهاجم اما هيثم طمبل ولو حلت مشكلة ايداهور يكون 100%
|
Post: #24
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Amin Mohamed Suliman
Date: 06-09-2009, 06:06 PM
Parent: #22
| Quote: يا ايمن غانا متصدرت المجموعة نغلبت على بنين في غانا واحد صفر بعد حراق روح وبنين كانت هي الافضل |
يا وحيد !
و الله أنا كان سألوني ، أقول ما نمشي أي حته لحدي ما المستوي يتصلح و نبقي مؤهلين لكأس العالم ، لكن قصه نتأهل بالصدف و الحظ و نمشي ناخد عشره ما جايه !! علي العموم نحن ما حا نتأهل لا بالحظ و لا الكوره !
تحياتي تاني يا وحيد !
|
Post: #25
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-09-2009, 06:13 PM
Parent: #24
يا ايمن يعني نبطلا الكورة ؟!
طيب الجمهور الماعنده وسيلة ترفيه الا الكورة في بلدنا دي نقنعه كيف بتشجيع الفلفت ؟
|
Post: #26
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Amin Mohamed Suliman
Date: 06-09-2009, 06:39 PM
Parent: #25
والله يا وحيد إنت مش مفروض تبطل الكوره ، إنت مفروض تبطل الكتابه هنا زاتو !!!
-----------------------------------------------------------------------------------
المره الجايه كان ما فهمت الحاصل شنو يا وليد ، بقولها ليك عديل ، لكن بشيل حسك ! 
|
Post: #31
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-10-2009, 04:39 PM
Parent: #26
يا (امين) خليك مفتح وحرك اللعب
|
Post: #27
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: طارق شاطر
Date: 06-09-2009, 08:55 PM
Parent: #1
| Quote: يعني الكورة مفروض تكون هرجلة بعد شحن اللاعبين نفسيا بصورة عالية .. |
المتحدي وليد شكرا لحسن الظن في ماذدا وقسطنطين
هرجلنا في الكوره
الجماعه تقول قرو بوستيك ده عرفونا جاين نهرجل
ختو لينا هدف واحد متل الالفا
تحدي بتاع ماذا ياعمي
|
Post: #28
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: حمزه بابكر الكوبي
Date: 06-09-2009, 10:33 PM
Parent: #27
Quote: حا ينضربو رايح جاي
وبتبقى امبارتين البيناتهم هي الفيصل |
تعرف ياشفت لو اتضربوا رايح جاي مامحتاجين اتنين صفر لانه واحد بكفينا
بنكون زدنا عليهم نقطه بتعادلنا مع مالي .
|
Post: #29
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Abd Alla Elhabib
Date: 06-09-2009, 11:05 PM
Parent: #28
يا أمين سلام
الشفت ده زول صاحبنا ياخ
بالله عليك ما تـشيل حسـو
خليهو يخت ليهو سـفة أو
يولع سيجارة بعداك بلاحظ !!
-----------------------
طلعت حقانى يا وليد في هيثم
سـيدا ... أحــييك !
|
Post: #30
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: Amin Mohamed Suliman
Date: 06-09-2009, 11:22 PM
Parent: #29
يا ود الحبيب سلام
ياخي صاحبك ده اديتو مليون فرصه و ما لاحظ ، و الله ما فضل إلا أمشي ليه بالدرب !
خايف بعد ده كلو ما يلاحظ !!!
|
Post: #36
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-11-2009, 11:11 AM
Parent: #29
يا عبد الله الحبيب
والله هيثم لعاب مافي كلام
حاليا مافي صانع العاب في البلد دي غيره
اجنبي ولا محلي
|
Post: #33
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-10-2009, 04:55 PM
Parent: #28
يا حمزة كلامك صاح
|
Post: #32
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-10-2009, 04:46 PM
Parent: #27
يا شاطر الهدف المتل الالف غلط القون الحرس القديم
|
Post: #34
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: السيد المسلمي
Date: 06-10-2009, 09:37 PM
Parent: #32
إنهزمنا من منتخب بنين بهدف ،،،
ولم نحزن لتلك الهزيمه بل هي إيجابيه !!!
إيجابيه كيف ؟؟
نهزم منتخب غانا في الخرطوم!!
ومنتخب غانا كان قد هزم المنتخب مالي في العاصمه الماليه!!
_______________
إيجابيه بيضاء مكويه ،،
|
Post: #35
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: وليد محمد المبارك
Date: 06-11-2009, 11:06 AM
Parent: #34
| Quote: نهزم منتخب غانا في الخرطوم!! |
السيد المسلي
انت ما مجمع يا ابوي
نذكرك بانه الثلاث فرق الاولى تتأهل الى البطولة الافريقية
المعني
انه فريقنا محتاج يقصى بنين ليتاهل الى نهائيات الامم الافريقية
كده وقع ليك
ولا ازيد الشرح
|
Post: #37
Title: Re: الســودان سيخرج بنتيجة ايجابية في مباراة بنين .. مين يتحدى ؟؟
Author: السيد المسلمي
Date: 06-11-2009, 09:30 PM
Parent: #35
كده واضح ياوليد،،
تسلم ،،،
|
|