Post: #1
Title: تركي الدخيل وبتال القوس محاوران من الدرجة الاولى فاين انتم منهم؟
Author: عمر الفاروق
Date: 06-04-2009, 10:12 AM
ما شوفت لي محاوريين عرب بقدرة وكفاءة وحضور تركي الدخيل وبتال القوس ..
الأول يقدم برنامج اضاءات عبر قناة العربية والثاني يقدم البرنامج الرياضي في المرمى ..
الإتنين سعوديين ..
كل ما احضرهم استرجع كلامنا حق زمان (حق ناس استاذنا الموصلي) نحن زماان ونحن علمنا العرب ونحن اول من ادخل التلفزيون مع المصريين ونحن ونحن ..
كل ما احضرهم استرجع عمر الجزلي المكنكش في برنامج حواري هزيييل جامد مفتعل ضحكات وقهقهات ثقيلة اسئلة جامدة تسميع لما في الورقة ..
كل ما احضرهم بقرب احلف تاني ما اشاهد لي اي برنامج حواري سوداني في قناة سودانية ..
كل مقدمين البرامج الحوارية عندنا في السودان بيسأل السؤال وما بيسمع الاجابة من الضيف لانه بيكون بيعاين في الورقة عشان يسأل السؤال التاني..
كل او معظم المقدمين السودانيين ما بيقدر يستخلص سؤال من اجابات الضيف مع إنو الضيف بيكون في رده فتح ليك مليون باب ومليون طاقة لي اسئلة اكتر متعة تفتح باب حوار جمييل..
بتال القوس محاور جرئ جدا يساوي بين كل الضيوف فاللاعب والاداري عنده واحد مهما كان مركزه الاجتماعي ..يسال السؤال بوضوح ويستمع للاجابة ويزنق الضيف لحدددي ما يجيب اخرو ويطلع بي المعلومة ..
تركي الدخيل بيزاكر كويس وبيجهز للحلقة بي صورة منظمة يقدم الادلة والبراهين بالتاريخ والزمن ..
يصنع من اجاباتك اسئلة غير متوقعة ..
وين نحن من الناس ديل؟؟؟؟؟؟
هل يشاهد مقدمو البرامج عندنا مثل هذه اللقاءات للاستفادة منها؟؟
هل يجهز مقدمو البرامج عندنا الاسئلة قبل وقت كافي ويقومون ببحث متواصل قبل تسجيل الحلقات ام هو ابداوود بي اقل مجهود ولقاء مع ضيف يتمه فنان مصاحب ؟؟
تخريمة :
مقدم البارمج في قناة الجزيرة احمد منصور محاور ممتاز وان كان حااار وحااااد في نقاشاته الا انه يجهز للحلقة بتروي ومزاكرة شخص داخل للامتحان النهائي يجمع كل صغيرة وكبيرة فله ايضا تحية خاصة واعجاب خاص..
|
Post: #2
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: كمال حامد
Date: 06-04-2009, 02:04 PM
Parent: #1
الأخ عمر الفاروق
باستثناء عمر الجزلي لا أعلم محاورا في تلفزيون السودان له مقدرات حوارية جيدة
أما الباقين فتجدهم يحاورون الضيف وعلى عيونهم و ملامحهم برود وتجهم
أما الشباب منهم ففي غالب الأحيان لا يشعرونك بالتكافؤ مع الضيف
أسوأ ما في البرامج الحوارية في تلفزيون السودان أن المذيع المحاور يشعرك أنه يمارس في وظيفة
سيكون هناك لقاء ممتع وساخن جدا غدا الجمعة بين تركي الدخيل وشاعر عراقي
|
Post: #3
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: عمر الفاروق
Date: 06-04-2009, 05:56 PM
Parent: #2
الاخ كمال :
تحياتي..ومعليش خليني اختلف معاك في عمر الجزلي كمان فبعد كل هذه الفترة لم يطور نفسه وظل في نفس القالب الروتيني وبالمناسبة معلومات تاريخية مغلوطة كثيرة يذكرها عمر الجزلي . يشفع لعمر الجزلي حبه اللا محدود للراحل عثمان حسين :)
|
Post: #4
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: دينا خالد
Date: 06-04-2009, 08:23 PM
Parent: #3
| Quote: تركي الدخيل وبتال القوس |
هسه دي اسماء محاورين ولا اسماء بهارات هندية ؟؟
ولا مفاتيح الميكانيكية البسموها براهم ديك ؟
هسه دا لما تعرف اسمو الحوار ذاتو يكون انتهى !!!
قال بتال قال
بتاااااااال ! او بطال بلغتنا ..
ـــــــــــــــــ
| Quote: باستثناء عمر الجزلي لا أعلم محاورا في تلفزيون السودان له مقدرات حوارية جيدة |
لوووووووووول ! تستاهل تستااااااهل .. شمتانه فيك ..
|
Post: #5
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: Hussein Mallasi
Date: 06-04-2009, 08:31 PM
Parent: #4
| Quote: يشفع لعمر الجزلي حبه اللا محدود للراحل عثمان حسين :) |
و للنميري.
|
Post: #6
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: Hussein Mallasi
Date: 06-04-2009, 08:33 PM
Parent: #5
الزول البقدم برنامج مراجعات في قناة النيل الأرزق ما بطال.
_____
إسمو الطاهر التوم أو نحو ذلك.
|
Post: #7
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: دينا خالد
Date: 06-04-2009, 08:37 PM
Parent: #5
ووووووووووووووووه ,,,,
قول اتنين
ـــــــــــ
وللصبغة ..
|
Post: #8
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: Hussein Mallasi
Date: 06-04-2009, 08:42 PM
Parent: #7
الصبغة عادلها حبه لعثمان حسين؛ و بالتالي لم يعد له من أدوات القبول إلا حبه للنميري.
|
Post: #9
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: عامر تيتاوى
Date: 06-04-2009, 10:39 PM
Parent: #8
السر فى ذلك ياصديقى عمرربما يرجع الى
كونهم فى الاساس صحافيون وهذا يرتبط
بالاعداد الجيد والقدرة على استنباط
الاسئلة من خلال الحوار والاحاطة بالموضوع
بكل جوانبه بعكس المذيع الذى يؤتى به
لتقديم برنامج اعده غيره وقد ينجح اذا
كان يتمتع بالحضور الجيد ولكن عندما
يكون المعد هو من يقدم البرنامج فمن
الطبيعى ان يسيطر على محاور اللقاء
بصورة افضل دون ان يترهل الحوار
ويتشعب الى جوانب اقل اهمية وحيوية
فبتال وتركى واحمد منصور صحافيون
بالاساس لذلك نجحوا بفضل ذلك ومواهبهم
الخاصة فى العمل التلفزيونى
وهذا لايمنع وجود مقدمى ومقدماتبرامج
تلفزيونية
اخرى نجحت دون ان تكون قد مارست
الصحافة
|
Post: #10
Title: Re: تركي الدخيل وبتال القوس محاوران من الدرجة الاولى فاين انتم منهم؟
Author: haleem
Date: 06-04-2009, 10:59 PM
Parent: #9
Quote:
ربما يرجع الى
كونهم فى الاساس صحافيون |
السبب ما لانهم صحفيين بالأساس..ولكن الاعلام صناعة ..
وكل واحد منهم وراهو فريق كامل في الاعداد..وفلفلة كل كبيرة وصغيرة عن الشخص المستضاف..
مش زي عمر الجزلي..مستضيف عثمان خالد..وفي نص اللقاء يفتح خشمو قدر الليلة وبكرة
عندما يفاجأ بأن القاص أبوبكر خالد هو شقيق عثمان خالد
|
|