الكلام الحلو ده القالو منو؟

اعجبني هذا المسدار ولا ادري من كتبه..

Quote: طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً: شديت ال Pentium واصبح يبرطع جايط وال Internet دقش قلبتو صايت صايت على ام شعراً حلال ما طولنو وسائط وعطشان الغرام ما برونو 2 K.Bite فرد عليه الطيب قائلاً: الفيك يا طه Virus والله الكريم الشافي وما بفيدك طبيب حتى ان بقيت Mc Kafi غير لخلوخة الهرفة أم قليباً جافي وأركز للتجيك يا طه Options مافي استسلم طه وأنشد: إيميلك وصل زود علي الهم والفكر انشغل ال Ram عليك وال ROM يالصلاح جميع أنا والحبيب نتلم ويا ساكن الضريح سيدى الحسن Dot Com الليلة ام شلوخ لاقيتا عند ال Chat وال Virus ضرب قلبي ومحى الفايلات يوم شافني الفقير البكتب البخرات قال Defrag ما بفيد أحسن To Reformat بعد ما كت فقير بخراتي Word و Excel دقشتني أم رشوم خلت درايفي إختل Mother Board القلب الكان زمان Intel بقى Chipset رخيص كل ما ربطتو أنحل الخبر الأكيد اليلة جابو ال Yahoo وقال ست البنات إيميلنا مي طارياهو ست القوام Hardware نظامو براهو غرامك Virus الهجعة البقرض الجاهو

كلام طاااعم بس سيدو مو خابرنو

والله كلام جميل وينم عن نفس شاعرة وطريفة واستمتعت أيما استمتاع به

شكرا لك

Quote: والله كلام جميل وينم عن نفس شاعرة وطريفة واستمتعت أيما استمتاع به

سلام ابو النور .. تصدق بعد ده لقيتو مقيد لصالح شاعر مجهول!!

تشكر على الطلة

قوقلو يا عبدالله قوقل ..

ما تخللو صفحه

بطربنا النضم اب ملافظاً

سمحه ..


خالص الود

.

Quote: قوقلو يا عبدالله قوقل .. ما تخللو صفحه

ليك علي يا خطاب اجيبلك خبرو

ما قدرت والله يا اخوانا
الناس الحرفاء يساعدونا

عبد الله
سلام
كلام سمح

UP

up

اب شدييييييييييييييييد



خالص الود

Quote: اب شدييييييييييييييييد

العزيز ياسر بيناوي

تميراتك الفي يديك ديل زاتن شداد
ود لقاي ولا بتي مودة

تسلم ياعزيز

الاخ العزيز عبدالله عثمان

تحية وسلام لك
صعب ان تجد من يفيدك وحتى القوقل
رغم ان النص موجود في النت
وقد كتب هذا النص في عام 2006

لنا منبر خاص في منتدى النافذة لصاحبه عبدالله الاسد
مختص بشعر الهمباتة نكتب فيه مساديرنا
وهي قصائد مستحدثة وباقلامنا نحن وعلى منوال الرباعيات القديمة للدوبيت

هذا النص كتبة الاخ الدكتور عصام الاسد والذي يكتب باسم krinka
وهو مقيم بالامارات العربية وشقيق الااخ الباشمهندس عبدالله الاسد
اليك برابط النص وبقية القصائد

http://al-nafitha.com/vb/showthread.php?t=3548

الشكر موصول لك ولحبيبنا krinka واخيه جيلاني (عبدالله الاسد)

ولك المودة

العزيز عبدالله ود وداعة
اشكرك على الإفادة ادناه

Quote: هذا النص كتبة الاخ الدكتور عصام الاسد والذي يكتب باسم krinka وهو مقيم بالامارات العربية وشقيق الااخ الباشمهندس عبدالله الاسد اليك برابط النص وبقية القصائد http://al-nafitha.com/vb/showthread.php?t=3548

منتدى النافذة رائع يا عبدالله
لك مودتي

Quote: لنا منبر خاص في منتدى النافذة لصاحبه عبدالله الاسد مختص بشعر الهمباتة نكتب فيه مساديرنا وهي قصائد مستحدثة وباقلامنا نحن وعلى منوال الرباعيات القديمة للدوبيت

اقترح يا عبدالله ان تفتح بوست عن ثقافة الدوبيت .. رواده وفطاحلته
والمعاصرين من المبدعين فيه ثم مجاراتكم بشعر الهمباتة وأهل البادية
بلغة العصر الحديث..
الف شكر لك والاخوين عصام وجيلاني مع جزيل شكري مرة ثانية

Quote: يا الهمباته هُوي ليكم سلامـي تحيَّـه من زولاً مِشَيِّـلْ للقـرَاْف دُغشيَّـه مَليان بالجرُوحْ ما دايره عيـلْ الكَيَّـه يا جَقلا السلام همباتـي عـازم الجيَّـه ****

من منبر العولمة والهمباتة..منتديات النافذة

Quote: *** ناشْقِينْ للجنوبْ حين حضَّرت شُوقاره ودَّ امْ زُورْ هَدَرْ عينيهو واقده شـراره دا ابْضَهَرا غِلِفْ ما طوَّعُـوه جَسَـاره ما بَاكُلْ تِحِتْ بَاكُـلْ قَفَـا النُّـوَّاره **** ودَّ امْ زُورْ بقولْ فِيكْ الكـلام الزّيـن ضَالع في خَلاكْ زُورَكْ مَـلان وبَدِيـن حـارِسْ للمُـرَاحْ واللهِ تمـلا العِيـن دُومَاتك بِنِزَنْ حِيـن تَسـوِّي الشِّيـن **** شِلنَاهُو النَّهارْ رَاكبينْ ضَهَـرْ عنَّافِـي ما كَلِّينا تَبْ يا خَيَّـه حَاشـا عَوافِـي نازلِين الدَّنَادِر ناس رُكُـوب وحَوَافِـي أبشرِي يا البَوَادي الجَاكِي دي الكَرْدَافِي

Quote: **** مُشتاقْ كُردفان لسَحابِـكْ المَاطِرْنـي يا سِتْ الكَرَمْ خيـرِك كتيـر غامِرْنـي كيف اتْرُكْ رُبُوعِكْ ما الجَمَال آسِرنـي فيك قارْصَاً حِلُو يا خِلِّي ما تذكِّرْنـي ****

المسادير التالية من نفس المصدر ..

Quote: يا الهمباتَه هُويْ هيَّجْتُو لـي أشجَانِـي ذكَّرتُوني الأهَل والغُربه مـو عَاجْبَانـي جارياتْ الدُّموعْ والعَبْرَه يُوتْ خانْقانِي هايِمْ بالْخَلا وسَـادِرْ مَعَـايْ جَيْلانـي ***

Quote: **** داوَسْنا الفَزَعْ كَجَراً بسـوِّي الشِّينـه بارُودنا اتربطْ وزخيره صابَّـه علينـا في شان جقلا نثبت كان سمعنا حنينهـا زولِك في السَّما شالعْ كبـرق العِينـه ****

Quote: -- ملامح في الرجــــــال زولا مكانته اتعلت هيله السارحه هيله الصاهله حلفه متلت ما تلوموه لو جلــــــجل زمـــــــايله ادلت ماكــــمن عتره في قـــدامه قط مانحلت ضرب الصي يفـــتش لي القميره الهلت بعد عـــسوله تاب.. لما المقاصد جـــلت --

Quote: يوم سكوت دخل في شندي راكب ابدومه باطن كفه فوق ام عـــــشره قعده وقومه مـــــــا هماه جيش لاقاه ولا حـيــكومه شـال بي ضراعه من قدامها زهرة رومه --

سلامات

عبد الله عثمان وعميق شكرى للكلام السمح

Quote: ان تفتح بوست عن ثقافة الدوبيت .. رواده وفطاحلته والمعاصرين من المبدعين فيه ثم مجاراتكم بشعر الهمباتة وأهل البادية بلغة العصر الحديث..

كده شوف شاعرنا عبدالله البشرى ده هنا نضمه سمح كيفن

شكل ما مرت على البوست ده انا جبت ليك هنا


تعـــالــــــوا انبسطـــوا (توجد ناس مبسوطة جوا)


تحياتى