(المدّعي) العام ..يرفع إييدو ..!!

اوووول المدّعين (العوام)الناس البتكون بتسمع اغنية عزيز دنياي من اي فنان ومااا ان يصل الفنان للحتة بتاعت :
و لووووووو تعرف عايش على عطفك وكل حياااتي من املااااكااااك..(دي ما عندها علاقة بي كااك ود الصايم والبشرى)
طواااالي تلقاهم صفقوا للفنان ده ويا سلااااااااااااام يا استاذ مهما كان هذا الفنان وإن كان طلال حلفا :)
والاعجب لمن يقوم الفنان يعمل فيها رايق ويقول :
بتعرف يووم في دنيا غيابك يساوي سنين في دنيا هناك ..
يا سلااااااااااااااااااااااام يا استاااااذ

تاني المدّعين (العوام) برضو البتجي عليها الكاميرا التصوير في عرس بت جيرانهم وتعمل فيها نظام هي عااادية بينما هي بتصلح في الطرحة وفي يدها منديل ابيض ولاغية وجود الكاميرا بينما الظاااهر انو من جوة قلبها فررررر فررررررر فررررر ..

المدّعي التالت(وده ما عام) البيكون قاعد في جلسة فيها بنات ونظام عامل فيها سرحااااااااان عشان يضفي جانب جمالي يصطاد بيهو قلوب العذارى ونظام الود رايق ولو في بت نادتو بيعمل فيها ما سامع يا عصااام عصااام ليلتفت فجأة :
والله معليش يا سمر ما كنت معاكم ..

تخريمة :
لو ما لقيت طريقة ترفع يدك مع الجماعة ديل ما تستعجل لسة الدعوات(العامة) ما خلصت وساعدونا بالله بي المدّعين والمدّعيات الاحياء منهم والاموات ..