16 إلى 20 ترليون قدم مكعب حجم إكتشاف الغاز الطبيعي في حقل ( 8 )ـ سنار

و لازال البحث جاريا
Significant gas reserves discovered in Sudan
Jun 01, 2009 at 13:56 View count (92) | | | |

White Nile Petroleum Operating Co, or WNPOC, has discovered significant amounts of dry, non-associated natural gas in onshore block eight, the company's Vice President Ali Faroug Abbas said on Monday.

"We discovered gas in two wells - Hosan and Tawakul - in block eight," Abbas told Zawya Dow Jones in an exclusive interview in Abu Dhabi.

"Our plan now is to explore for more gas and oil in this block, and to commercialize it," Abbas said.

WNPOC, in which Sudan National Petroleum Corp, or Sudapet, and Malaysia's Petroliam Nasional Berhad, or Petronas, each own 50 precent, made a 108 billion cubic feet discovery in the block in March. In November, the company found 15 billion cubic feet of gas reserves at Hosan, Abbas said.

"We are hopeful we will find more gas in block eight. The potential (after initial tests) is for 16 trillion to 20 trillion cubic feet," he added.

The latest announcement comes as Sudan, Africa's largest state, prepares to celebrate its 10th anniversary of becoming an oil exporting country. Sudan is presently pumping about 520,000 barrels a day of crude.

So far, the only other gas discovery in Sudan was made in 2005 by Petroenergy E&P, which is a joint venture between Sudapet and China National Petroleum Corp, or CNPC, in block six. The gas will be used to fire a 400 megawatt power plant in the area.

The gas discovered in block eight will also be utilized domestically, with Sudapet and Petronas presently screening potential power generation and fertiliser projects. Revenues generated will go towards further gas exploration, Abbas said.

"If this potential is realized we will start exporting gas to the east, to countries like Korea, China, Japan and Malaysia but it is unlikely to go to the West until sanctions are lifted," Abbas said.

Zawya Dow Jones

ايوه ياثروت جيب الاخبار الذى تنفع العباد وخليك من ناس درق سيدو ده والتعويضات

الحبيب محمد دودي
تحياتي الطيبات لشخصكم الفاضل

انت عارف الاخ ثروت سوار الذهب لو مشى في الطريق دا ممكن احقق الاصلاح المنشود وبهذه المناسب اذكر له قصة حدثت في دولة افريقية وهي ان منظمة من منظمات الامم المتحدة وجدت اهل قرية يجهدون في رفع مياه الشرب من الابار فمثلا الفتاة تجلس ساعتين بالتمام حتى تخلص وهكذا حال الاخرين فقررت هذه المنظمة مساعدتهم بعمل مضخات سريعة يستطيع الشخص ان يخلص في زمن اقل وبالتالي يقل الجهد ويستفاد من الوقت . وبعد ايام بسيطة رجعت المنظمة لتجد هذه الاليات قد تعطلت تماما وحليمة رجعت لي قديمها. ففكر المختصين في سبب تعطل هذه الاليات ولم يجدوا شيئا منطقيا ظاهريا لعلهم ان الاليات بصورة جيدة وسوف تتحمل العمل لسنين طويلة . وبعد دراسة مستفيضة اتضح ان الفتيات والفتيان كانوا هم السبب في هذا العطل لانهم قد تعودا على التاخير في مورد الماء فكان لهم بمثابة النقاهة من قفلة البيت وفيه فرصة ليلتقي الحبيب بمحبوبته والصديقة بصديقتها بدون مواعيد لان مورد الماء كان مختلط فطبيعي ان تكون الفتاة موجودة الى جانب الفتى دون اشكالية من اهل القرية لكن ليس من الطبيعي عندهم وقوف الفتاة مع الفتى في قارعة الطريق وهكذا . والقصة طويلة فالخلاصة ان اي اصلاح يجب ان يراعي مشاعر الاخرين ومعتقداتهم ومخاطبتها بالتدرج وبالمنطق والتي هي احسن .
من هنا تحياتي الى الحبيب الهادي وطني الذي يحرص دائما على الاستشهاد بهذه القصة واتمنى ان نراه قريبا جدا في هذا المنبر فهو شاب يتمتع بصفات وخصال كريمة وله عقل راجح وقريحة متقدة ونظرة ثاقبة .

وتحياتي لك يا اخي ثروت سوار الذهب .

وشكرا

المصدر:http://business.maktoob.com/20090000004440/Significant_...in_Sudan/Article.htm

دودي و عمر شكرا على المرور

يقدر احتياطي روسيا ب40 ترليون قدم مكعب من الغاز
بينما قطر ب25
حيث هو مصدر الدخل الرئيسي للدولة الخليجية
اذ بلغت صادراتها من الغاز الطبيعي 40 مليار دولار العام المنصرم.

من الخبر الوارد نستشف ان سنار فقط من الممكن أن تقارب المستوى القطري لو توفر لها البنى التحتية لاستخراج و نقل و تصدير الغاز القطري.

و الاهم من ذلك حسن الادارة لعملية اقتصادية بهذه الضحامة.

أخي ثروت... هل تنصحني بشراء عقال قبل أن أنزل السودان إجازة؟!؟

شكرا يا ثروت على الخبر الصباحي الجميل فمنزلي يتربع وسط هذه الكميات المكتشفة من الغاز

Quote: فمنزلي يتربع وسط هذه الكميات المكتشفة من الغاز

منزلك بس يالعشا ؟؟ عرب الله ليهم الله ، العقب داك كلو ما عندو نصيب في الثروة ؟؟ تحياتي لعشيرتي في سنار

Quote: العقب داك كلو ما عندو نصيب في الثروة ؟؟

العقب دايرنو وقت الحارة ساى يا العشاء

الاخ الحلاوي

الثروة لكامل السودان بدون شك. على المناطق المكتشف فيها يجب ان تحظي بنصيب وافر من التنمية البشرية و الاقتصادية.

و هذا دور ابناء و بنات المنطقة.

تسلم

Quote: Ali Faroug Abbas

الأخ ثروت :
شكرا لجلب مثل هذه الأخبار السارة
المهندس علي فاروق عباس شاهين
ولد وترعرع في هذه الأنحاء
وتعلم فيها وجده كان من رجالات الزراعة (مهندسا للوابورات )
في ذات المنطقة

اذن هو يخبر المنطقة اضافة لتسلحه بالعلم

اذن ما علينا بعد الآن إلا حزم الحقائب والتوجه نحو منطقتنا
الطيب شيقوق :
يصرح أن بئر البردانة سيتوقف لمدة اسبوع
لأعمال الصيانة الدورية
وقد أثر هذا التوقف في حركة صادر الغاز الطبيعي
لدول الاتحاد الأوربي
بهاء /طوكيو

Quote: العقب دايرنو وقت الحارة ساى يا العشاء

أريتو يشبه أبوه

الاخ بهاء الدين الهادي

Quote: المهندس علي فاروق عباس شاهين ولد وترعرع في هذه الأنحاء وتعلم فيها وجده كان من رجالات الزراعة (مهندسا للوابورات ) في ذات المنطقة اذن هو يخبر المنطقة اضافة لتسلحه بالعلم

تعجبني دائما بحضورك وحفظك لمعلومات ابناء المنطقة
يا ريت اكان وريتنا من اى بلد او اى قرية هذا العالم

Quote: اذن ما علينا بعد الآن إلا حزم الحقائب والتوجه نحو منطقتنا

تاني هلا هلا ما بخلوا ليك حدبة طرف الحلة تطلق فيها البهائم

Quote: يصرح أن بئر البردانة سيتوقف لمدة اسبوع لأعمال الصيانة الدورية وقد أثر هذا التوقف في حركة صادر الغاز الطبيعي لدول الاتحاد الأوربي بهاء /طوكيو

عليك النبي دى بعيدة؟ انظر كيف صارت دويلات الخليج بعد ان كانت جبال وصحاري ؟

تسلم يا الحبيب




عبد الرحمن ود مضوي

افو افو حرم نتقاسم معاكم النبقة

ثروت كيفك يامان ومشتاقون

Quote: شكرا يا ثروت على الخبر الصباحي الجميل فمنزلي يتربع وسط هذه الكميات المكتشفة من الغاز

يا الطيب ياخ خليت لينا شنو إنت ما عندك كم بير بترول وكده.
غايتو يا حبيب لو فعلا الإكتشاف ده وقع في منزلك بقول ليك من هسع جهز نفسك لاول حوار حاجريهو معاك لمجلة Fortune وإحتمال كبير إنك تكون في قائمة اثرى عشرة رجال في العالم مع ناس كارلوس سليم وبيل غيتس.
LOOOOl

ود الميرغني

Quote: غايتو يا حبيب لو فعلا الإكتشاف ده وقع في منزلك بقول ليك من هسع جهز نفسك لاول حوار حاجريهو معاك لمجلة Fortune وإحتمال كبير إنك تكون في قائمة اثرى عشرة رجال في العالم مع ناس كارلوس سليم وبيل غيتس.

طبعا اخوك عندما تجي وتجري معاهو الحوار بيكون جالس في كرسي بلف دوران - انت بس تسعل وانا اخد لفتين بالكرسي عشان اجي قالب اجاوبك .

لقيتني كيف؟

الطيب آخوي :

Quote: بهاء عيسى

مرات عديدة أنبهك أن ليس اسمي بهاء عيسى
ياخي اسمي بهاءالدين الهادي
علي فاروق تربى في قرية كساب الجعليين
ودرس فيها مع بقية اخوته وأخواته
وكلهم أصبحوا أعلاما في مجالات تخصصهم
بهاء/كساب الجعليين

الاخ بهاء الدين الهادي

عفوا يا عزيزي بس الزحمة وارتباط الاسم الاخر في كثير من التعاملات معي

من هسع جاك نهيرك في الناس ؟ كدى خلينا نقبض ونضمن اول حاجة وبعد داك تشوف ليك جنس نتري .

الوليد بن طلال
نجيب سايروس
الطيب شيقوق
سعد الحريري

ود المكي

Quote: الوليد بن طلال نجيب سايروس الطيب شيقوق سعد الحريري

ديل ما ضاقوا ليها طعم اصبر بس وشوف طعمها عندى .

تاني الراكوبة الماكنة
الزريبة الملانة ضان للضيوف
العربية السمحة لنسوان ولادة الليل معاها السواق الهميم البنوم مفتاح عربيتو في جيبو - بس قولت غاو الحق قام ليها اتنفض دور العربية عاني بيها اختصاصي النساء والتوليد .

والزريبة الملانة حطب لتولع النيران بالليل لعشاء ضيوف الهجعة

وعييييييك تقول لي ابن طلال الشائل النعمة حائم بيها مع ناس كوندا

الاخ محمد فضل المكي

Quote: الوليد بن طلال نجيب سايروس الطيب شيقوق سعد الحريري

الطيب قدامه مهام شاقة
حتى لا يصير كما قال و لعله ونستون شيرشل عن عرب الخليج: انهم لا يملكون النفط بل يجلسون عليه فقط.

و المالك هنا تنظيم سياسي ذو عقلية احتكارية نهمة. ليس لها رصيد في مفهوم توزيع الثروة و السلطة يذكر.

تحاياي

Quote: من هسع جاك نهيرك في الناس ؟ كدى خلينا نقبض ونضمن اول حاجة وبعد داك تشوف ليك جنس نتري .

[B]سلام عليكم يا ناس النفط

والله ود شيقوق بعد دا بعكل علالة البورد دا

غايتوا شوفوا ليكم صرفه

خبر جميل جداً

سلام للجميع

-----------
على فكرة يا ودشيقوق استاذ بهاء الهادي درسني انا في حنتوب وكان حسب
الروايات المتدولة انه اصغر استاذ مر على تاريخ حنتوب ، له ولك وللجميع التحية

Quote: استاذ بهاء الهادي درسني انا في حنتوب وكان حسب الروايات المتدولة انه اصغر استاذ مر على تاريخ حنتوب ، له ولك وللجميع التحية

الأخ سيف ( الآن الأخ)
ذياك وقت مر بحلوه وحلوه

الكتوف اتلاحقت يا سيف
أها استعد يا سيادة المستشار
بعد كدا محتاجنك للاستشارات القانونية
في امبراطورية الغاز والفتريتة
تحياتي ومودتي
ماذا حدث في شأن الكتاب(حنتوب)
بهاء/طوكيو

Quote: أها استعد يا سيادة المستشار بعد كدا محتاجنك للاستشارات القانونية في امبراطورية الغاز والفتريتة

وحياتك تاني جنا البردانة دا ما يخلي زول يعتب بهناك

وما تقول عندو خبرة في موضوع التعامل الإستعلائي الممارس من دول النفط

اهم شي امسكوا ما يقطع إقامتوا لحدي ما يبلغ الهدي محله

ومنتظرين غاز حقل 8 سنار

سلام للجميع

سيف ود البخيت

Quote: سلام عليكم يا ناس النفط والله ود شيقوق بعد دا بعكل علالة البورد دا غايتوا شوفوا ليكم صرفه

امنيتي في الدنيا دي كلها القى مال واعين عمال يخدموني وانا اتفرغ للمنبر ده بس

Quote: على فكرة يا ودشيقوق استاذ بهاء الهادي درسني انا في حنتوب وكان حسب الروايات المتدولة انه اصغر استاذ مر على تاريخ حنتوب ، له ولك وللجميع التحية

مالك كاشف حالو يا ود البخيت هسع انا قائل زولي ده بلقى ليهو بعد الغاز الكتير ده خمسة ستة حجات مع ام اولادو .

Quote: طبعا اخوك عندما تجي وتجري معاهو الحوار بيكون جالس في كرسي بلف دوران - انت بس تسعل وانا اخد لفتين بالكرسي عشان اجي قالب اجاوبك . لقيتني كيف؟

سمو الشيخ الطيب لف بالكرس واعمل اي اي حاجة لكن بس ارقعني بثلاثة اربعة مليون دولار كده عشان اتخلص من الشغلانة بتاعة التحليل الاعلامي و السياسي والحاجات البتقصر الاجل دي وما تنسى اني زميلك في مهنة المحاماة يعني بيناتنا تصريح عرايض وطلب تفاصيل(ملح وملاح)
وتفضلوا بقبول فائق الاحترام والتقدير.
Looooool

سمو الشيخ الطيب لف بالكرس واعمل اي اي حاجة لكن بس ارقعني بثلاثة اربعة مليون دولار كده عشان اتخلص من الشغلانة بتاعة التحليل الاعلامي و السياسي والحاجات البتقصر الاجل دي وما تنسى اني زميلك في مهنة المحاماة يعني بيناتنا تصريح عرايض وطلب تفاصيل(ملح وملاح)


لالا يا فتوح نحن محتاجون لعلاقاتك الدولية للترويج لهذا البرودكت - نلبسك الجلابية والعقال وتتكامل كوندا لعمل مذكرات تفاهم مع شركاتها النفطية .

الاخ سيف

Quote: سلام عليكم يا ناس النفط والله ود شيقوق بعد دا بعكل علالة البورد دا غايتوا شوفوا ليكم صرفه خبر جميل جداً سلام للجميع

تلاحظ ان المكتشف الفعلي هو 108 بليون قدم مكّعب من بئر و 15 بليون من الاخري. هذا يعني ان ان بقية الحقل لازال بكرا(و حسب التصريح نستنتج ان بالحقل اكثر من اثنين ابار على الاقل)
و تلاحظ ايضا التقديرات التجربية الاولى فقط تقول 16 إلى 20 ترليون احتياطي من منظور البئران . و هي نسب قد تتعدل إلى الاعلى في الغالب. مادام هي التجراب اولية حسب فاروق عباس نائب رئيس شركة النيل الابيض للبترول.

فعلا طفرة نوعية
و ناس بترول ساي الجماعة.

تحاياي

الاخ الفاتح

Quote: يا الطيب ياخ خليت لينا شنو إنت ما عندك كم بير بترول وكده. غايتو يا حبيب لو فعلا الإكتشاف ده وقع في منزلك بقول ليك من هسع جهز نفسك لاول حوار حاجريهو معاك لمجلة Fortune وإحتمال كبير إنك تكون في قائمة اثرى عشرة رجال في العالم مع ناس كارلوس سليم وبيل غيتس.

الموضوع يحتاج لرؤى سياسية و مختلفة عن الممارس الان
و لا سيجد الطيب شيقوق نفسه مرحّل عن داره بالقوة الجبرية كضحايا السدود.
سيكون في تقارير حقوق الانسان اقرب من تقارير مجلة فورشن.
Just a reality check

تحاياي

بالمناسبة
بورداب اليابان كلهم اتلموا هنا.
هل دي صدفة؟

الاخ بهاء طابت اوقاتك

Quote: الأخ ثروت : شكرا لجلب مثل هذه الأخبار السارة المهندس علي فاروق عباس شاهين ولد وترعرع في هذه الأنحاء وتعلم فيها وجده كان من رجالات الزراعة (مهندسا للوابورات ) في ذات المنطقة اذن هو يخبر المنطقة اضافة لتسلحه بالعلم اذن ما علينا بعد الآن إلا حزم الحقائب والتوجه نحو منطقتنا الطيب شيقوق : يصرح أن بئر البردانة سيتوقف لمدة اسبوع لأعمال الصيانة الدورية وقد أثر هذا التوقف في حركة صادر الغاز الطبيعي لدول الاتحاد الأوربي بهاء /

الاخبار سارة دون شك تشكر على التيّمن.
و لكن وراءها ما وراءها من حراك منتظر او فاعل في اللحظة الراهنة.
لو تلاحظ كم السياسة الملقى خلف التصريح.

جيد ان ان نتعرف على ابناء السودان الممسكين بالاعمال الحساسة.
فهم لا يقلوا درجة من الاهتام الأتي قريبا، عن السياسين و الفنانين و الرياضيين.
و ستسلط عليهم الاضواء بشقيها الإيجابي و السلبي.
فان كان في الاماكن فانا انصحهم بالشفافية و التفاعل و التواضع و الخضوع لرغبة الناس في التعرف على ماذا يصنعون و كيف يصنعون
و عشرات الاسئلة من هكذا قبيل.
مثلا هل من سبيل للتوسع في موضوع الغاز من قبل الاخ فاروق بالشرح؟


خلاص يا زول تعال من بكرة في بيتنا في سنار(انا لي اربعة و عشرين ساعة بقيت من سكان المنطقة)

تحاياي

الطيب شيقوق

Quote: شكرا يا ثروت على الخبر الصباحي الجميل فمنزلي يتربع وسط هذه الكميات المكتشفة من

ياخي انت ماك قريبي!
لا
لازم تكون قريبي بلقيها صرفة القرابة دي ما تخاف.
اها يا قريبي انا و الحاجة و الوليدات و جاينك من دقش. جهز الديوان بس و قول لناس البيت قريبي جاي.

تحاياي

الاخ محمد الامين موسى

Quote: أخي ثروت... هل تنصحني بشراء عقال قبل أن أنزل السودان إجازة؟!

في البداية جيب معاك طاقية من جنوب شرق أسيا العاملة زي المركب دي.
و بنصحك تجهز طاقية كابويات من النوع التكساسي، الظروف ما معروفة و الهوا ممكن يقلب.

تحاياي

وانفتح باب جديد للمآكلة
ياربى دا البمسكوا منو عرفنا ابو الجاز نهب البترول
اها الغاز دا الحينهبو منو؟

Quote: تلاحظ ان المكتشف الفعلي هو 108 بليون قدم مكّعب من بئر و 15 بليون من الاخري. هذا يعني ان ان بقية الحقل لازال بكرا(و حسب التصريح نستنتج ان بالحقل اكثر من اثنين ابار على الاقل) و تلاحظ ايضا التقديرات التجربية الاولى فقط تقول 16 إلى 20 ترليون احتياطي من منظور البئران . و هي نسب قد تتعدل إلى الاعلى في الغالب. مادام هي التجراب اولية حسب فاروق عباس نائب رئيس شركة النيل الابيض للبترول.

هييييييييييع ثروت قريبي الجاب خبر الثروة البترولية

بالمناسبة ملاحظتك عن ناس اليابان في محلها اولا الفاتح وحيدر اصدقاء جايين من هسع للديون وبهاء الدين الهادي قريبي ونصف البترول والغاز البتحكي عنو تحت زريبة بقراتهم .

بالمناسبة جاني خبر الرق صوتو يجيب الضهبان

الطيب
خلاص
اكتب لينا كتاب
اسمه: الرق في السودان

و الرق لمن لا يعرف مصطلاحات البترول
هو الحفَارة
بالانجليزي
Rig


شايف صورة الرق في الموقع

بحاول انزلها هنا

Quote: المالك هنا تنظيم سياسي ذو عقلية احتكارية نهمة. ليس لها رصيد في مفهوم توزيع الثروة و السلطة يذكر.

العزيز ثروت،
جبت الكلام الفوقوا الفايدة..خبر مفرح بجد ولكن.....
في واقع معقد للغاية مثل حال بلدنا الذي تحركه الاصولية
والجهل والاستعلاء العرقي والديني والقبلي والاستقطاب الخارجي
إكتشافات زي دي حتزيد الطين بلة.. والله يكضب الشينة..

Quote: و الرق لمن لا يعرف مصطلاحات البترول هو الحفَارة بالانجليزي

يا سلام عليك يا قريبي فعلا الرق هو حفارة البترول بالانجليزي Rig

Quote: و الرق لمن لا يعرف مصطلاحات البترول هو الحفَارة بالانجليزي

يا سلام عليك يا قريبي فعلا الرق هو حفارة البترول بالانجليزي Rig

Quote: عرفنا ابو الجاز نهب البترول اها الغاز دا الحينهبو منو؟

غازي صلاح الدين

ضياء

Quote: وانفتح باب جديد للمآكلة ياربى دا البمسكوا منو عرفنا ابو الجاز نهب البترول اها الغاز دا الحينهبو منو؟

نعم بلا شك
لو استمرينا في دور المتفرج
كما أكل الثور الابيض(البترول) من قبل.

راجع ليك برواقة

سلامات عزيزي

Quote: لو استمرينا في دور المتفرج كما أكل الثور الابيض(البترول) من قبل

الأخ ثروت :
صباح الخير أو مساؤه كيفما اتفق
الشواهد على هذا عديدة ولا تحتاج لكثير اجتهاد
والأنكى أن انسان هذه المنطقة مغلوب على أمره
ولا يعرف كثيرا عما يدور حوله
وأكاد أجزم أنهم لا يعرون حتى خبر هذه الثروة التي ترقد تحت مواطيء اقدامهم
ناهيك عن دفاعهم عن حقهم المشروع
الموضوع سيكون معقد جدا
خاصة وأن مسارات هذه الاكتشافات
تمر عبر أراضي مملوكة منذ عصور قديمة
وحتما ستكون هناك اشكالات جمة

وغدا قريب للعنت والمشقة
وضيق الحال والخروج من المولد

لا توجد تكوينات للدفاع
والأفراد حتما سيقمعوا بالقوة
ولا عزاء
بهاء/طوكيو

Quote: فان كان في الامكان فانا انصحهم بالشفافية و التفاعل و التواضع و الخضوع لرغبة الناس في التعرف على ماذا يصنعون و كيف يصنعون و عشرات الاسئلة من هكذا قبيل.

ثروت تحياتي.
أتفق معك تماما في أن مثل هذه الامور او الثروات ينبغي أن تدار بشفافية. ولكن هذه الشفافية ومن دون وجود الآليات التي تفعلها ستصبح عرجاء وبلا معنى. واقصد بآليات هذه: الصحافة الحرة والقضاء المستقل والبرلمان المنتخب.وكل هذه المؤسسات الثلاث في سودان اليوم تفتقد لخاصية الإستقلالية.في فترة التسعينات كتبت مقالا في صحيفة الخرطوم بعنوان " الجنرال العظيم وتحديات نيجيريا" حول الدور الذي قام به الجنرال ابوبكر في تسليم السلطة لحكومة منتخبةبعد وفاة الجنرال الكئيب ساني اباتشا.وإختتمت ذلك المقال بإقتباس من مجلة الإكونوميست يقول" من المؤسف أن الشعب النيجيري تجري تحت اقدامه انهار من النفط دون أن يجني من عائداتها شيئا" .أها عدم الشفافية ده هو البخلي الناس ليوم الليلة ما عارفين اموال النفط دي قاعده تمشي وين؟ بالمناسبة ما هو ترتيب السودان وفقا لآخر تقرير من منظمة " الشفافية العالمية؟

مودتي وإحترامي

Quote: فمنزلي يتربع وسط هذه الكميات المكتشفة من الغاز

الطيب شيقوق... إنت مش قريبي؟
حبوبة جد خالة عمك مش بتبقى لي خالتي؟!؟
حتى لو ما مصدق... أسأل عوض ديون!

السلام عليكم
........


الله يكضب الشينة

بس اظنها دارفور جديدة انفتحت علينا


..

محمد الامين موسى

Quote: الطيب شيقوق... إنت مش قريبي؟ حبوبة جد خالة عمك مش بتبقى لي خالتي؟!؟ حتى لو ما مصدق... أسأل عوض ديون!

ههههههههههههههههههههههههههههها الله يجازيك بدينا من هسع في التلصق ؟

تعال ساى ات ما محتاج للتلصق ده . ات عندك مهارات اعلامية متميزة ونحن في حاجة لكوادر مؤهلة للترويج في الاسواق العالمية

شفت كلامك الكان في التلفزيون السمح داك و الكنت بتطلع كلماتو بمهلة لحدى تشحف روح المزيعة ده الاستايل الدايرنو في هذه المرحلة .

اوعاك تبقى لي زى الفاتح وليد ميرغني تقوم تجاوب قبال يتموا ليك السعال .

اجلس في الكرسي الوثير ولما تسألك المزيعة خت ليها ايدك في ناضرك واتكي رويسك على محل خاتي ايدك في ناضرك وعاين ليها بطرف عينك ساى زى حقارة ( يعني بتفكر بعمق وبتجاوب بمهنية) وبعدين اخد ليل تدورة في الكرسي زى جمل العصارة وتجي مقبل بكرسيك لافي جهة المزيعة وترمي ليها اجابة تكون concised and precised اوعاك تزيد . وبعدين لما يجيبوا ليك الشربات اتمهل ما تبقى شلفان قرطع جغمة جغمة وخلي ليك باقي كتير في الكباية لزوم الفنجرة سااااى .

جاييك تاني

الحمد لله يا ثروت العترت ليك في حاجة خلتك تفك طريق السيد الصادق شوية ..... اخر الرجعة شوية وابحث لنا عن الذهب في بني شنقول والعطرون في اقاصي غرب السودان علي الاقل نجمع انفاسنا التورتها لينا الفترة الماضية
تسلم

Quote: تعال ساى ات ما محتاج للتلصق ده . ات عندك مهارات اعلامية متميزة ونحن في حاجة لكوادر مؤهلة للترويج في الاسواق العالمية

كان كده! حأرسل ليك رقم حسابي على المسنجر ترسل لأخوك عشرة آلاف يورو يصلح بيها حالو لحدي ما الغاز يطلع... وليك علي الترويج يغطي الأسواق العالمية لحدي ما يصل سوق أبجهل زاتو!!! وأخوك جادي من الآن الشيشة أنبوبة غاز عديل... وحتى التنفس حنقول باي باي للأكسجين!

أحفظ مالك

محمد الامين موسى

طالما عندك كل هذه الاوبشنات امورك متسهلة طاب



المنصور

نحن بنروج لبترولنا انت بتروج لشنو ؟

الاخ مهدي

Quote: الحمد لله يا ثروت العترت ليك في حاجة خلتك تفك طريق السيد الصادق شوية ..... اخر الرجعة شوية وابحث لنا عن الذهب في بني شنقول والعطرون في اقاصي غرب السودان علي الاقل نجمع انفاسنا التورتها لينا الفترة الماضية تسلم

ليه بني شنقول ما اطير اثيوبيا و اقعد هناك و اريحكم فد مرة.
شكرا على المرور
و ما تزعل يا سيدي كلوه باونه

و لو سمحت داير رايك في قصة العاز الماطبيعي دي.

احفظ مالك؟

مالو برضو راي
عندنا منه في سودان كتير و متوفر
و هو طاقة المستقبل دون شك
لكن بطريقتك دي ناس سنار بفلقوك

تحاياي المنصور جعفر

الزول

Quote: الله يكضب الشينة بس اظنها دارفور جديدة انفتحت علينا

بضربها المنظم للنسيج الاجتماعي و استرخاصها دماء الناس و هدر كرامتهم ،كل شيئ جائز من الإنقاذ، فقط فالنتسلح جيدا لدرء مفاسدها
و سلاحنا الوعي بالحقوق و السلم الاهلي و حراك الجماعي لايقاف النزيف الاقتصادي جرأ الاحتكار و المفسدة و سوء الإدارة و انسداد انابيب التوزيع العادل للثروات.
تحاياي

الاخ محمد

Quote: غازي صلاح الدين

يا لها من بشارة!
المهوَم دا بيكون بياكل ناشف

لمة حرامية وذمم واسعة.

لكن ما عمل؟

سلامات

Quote: و لو سمحت داير رايك في قصة العاز الماطبيعي دي.

سلام يا ثروت مرة اخري
نحن البترول شفنا ليهو شي لما يطلعوا لينا غاز خليهو في باطن الارض محفوظ في امان الله .افضل من يدخل في جيوب التماسيح الكبار ...

الاخ مهدي

Quote: نحن البترول شفنا ليهو شي لما يطلعوا لينا غاز خليهو في باطن الارض محفوظ في امان الله .افضل من يدخل في جيوب التماسيح الكبار ...

هذه حقيقة، تاكلت ثروات البترول
غير أن يوم 30 يونيو 2009 يوم كئيب يسطر العام العشون من الانقلاب العسكري فانه ايضا يسطر العام العاشر من أبحار اول ناقلة محملة بالبترول من ميناء بشائر.

و الغاز استخراجه بات في حكم التنفيذ و التسويق.

و هل سنتظر اهدار ثرواتنا واحدة تلو الاخرى؟
ام ترانا فاعلون شيئا

تحاياي

!!!

Quote: اها الغاز دا الحينهبو منو؟

أبو الغاز ...!

سلام ناذر
و هل أصبح قدرنا، رفعت عنه الاقلام و جفت عنه الصحف
ان تؤكل ثرواتنا و نحن نتفرج؟