Post: #1
Title: الشللية في المنبر
Author: عصام دقداق
Date: 06-02-2009, 06:48 PM
اسماء اصبح المنبر دونهم لاطعم لها جديرين بمتابعة كل مايسطرة اقلامهم ولكن هنالك بوستات يستحق ان يقف عندها قليلا ولانعبرها مرور الكرام ؟ ولكن يعبر من فوقها الكثير يعني نقول في شللية في المنبر ولاشنوووووووووو
|
Post: #2
Title: Re: الشللية في المنبر
Author: اساسي
Date: 06-02-2009, 06:59 PM
Parent: #1
اكيد في شللية , ودي حاجة طبيعية جدا في الحياة العامة وفي حياة اي زول , اسع انت في الحلة او في الجامعة او في المكتب بتمسك من طرف ساكت وتتونس مع اي زول في اي حاجة؟
دي طبيعة الحياة يا صاح فالناس بتمشي للاماكن البتلقى فيها نفسها ويكون في لغة مشتركة ويا حبذا لو كان في تاريخ دراسي او (اهتمامي) يعني تمثيل غنا شعر صحافة شفتنة سفر اي حاجة تلم الزول في ناسه , ومقياس المواضيع المهمة بختلف من زول لي زول , في زول بشوف انه بوستات الفن هي اهم مواضيع يجب مناقشتها وفي تاني بشوف انه السياسة دي عصب الحياة وفي تانين بشوفوا التداعي والذكريات اهم من اي حاجة وفي ناس قريعتي راحت بشوفوا بوستات قريعتي راحت دي اهم بوستات وكدا
فانت ذاتك عندك اهتمامتك وما قاعد تكتب في كل البوستات البتنزل في المنبر دا لانه عندك مقياسك الخاص للحاجات البتشارك فيا البتعتقد انها مهمة والدليل انك بتشوف في حاجات لا طعم لها ودي عندها ناسها وفي حاجات عندها طعم ويمر بها مرور الكرام ودي البوستات مثار اهتمامك
ولا شنو ؟
|
Post: #3
Title: Re: الشللية في المنبر
Author: الرفاعي عبدالعاطي حجر
Date: 06-02-2009, 07:11 PM
Parent: #2
او سمسمرة يعني انت محتاج ليك كم سمسار يمنحوا باصات للدخول ...
جيب معاك سيف عيسى طبعا سمسمار سياسي ويا حبذا حافظ فتنة ...
وتلاتة اربعة سماسرة مؤتمر وطني
..............................................................حجر.
|
Post: #4
Title: Re: الشللية في المنبر
Author: عصام دقداق
Date: 06-02-2009, 07:25 PM
Parent: #3
اولا التحية اساسي لمداخلتك
حجر نحن لانقذف بالحجر هنا وهناك وخير الكلام ماقله ودله ولاننشر مئات البوستات ونشتكي لطوب الارض ربما لموقف ما لانعلمة قادك في حقد دفين لماتفعلة ربما الموقف هنا او في السودان جعلك تبحث عن الرزق في موقع اخر ؟ نحن اصحاب مبادي واحترام وادب في التعامل دون الولوج للسب والتعرض للاخرين حتي لايقل مقدارنا عند الاخرين ولانطرق كل الابواب الا ماهو جدير بالوقوف الية لان الوقت كالسيف ان لم تقطعة قطعك ولذلك نجعل وقتا لغير ذلك من السباب وغيرة للعمل الصالح وعدم استخدام النت البلوشي في المكاتب لتقضية الوقت وسباب الاخرين ريحوا نفسكم شوية اها طبعا بعد شوية حنشوف صحبك بلدياتي والخاتم عدلان واسمو عاجبني شديد اختار اسم جميل وكبير زي عمتوبلغهم بالبوست ولا ارسل ليهم الرابط يشيلوا عكاكيزهم ويقعوا ضرب وسب
هداك الله
|
|