الله لا يريح ابوكم لا دنيا لا اخرة كان بتعذبوني كده!!!!

كانت هذه دعوت ام سودانية على زوجها وابنائها فى مكان عام امام مسمع من مختلف الجنسيات (داخل صالة المخازن الكبري بالحياة بلازا فى الدوحة - قطر) ، كانت صدمة حقيقية اثرت الصمت خوفاً من لسانها الذي لم يرحم زوجها وابنائها فما عساه ان تفعل بي.

سودانية وفي الحياة بلازا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



طيب ما تكورك في بيتهم
مارقاها للحياة بلازا مالها

Quote: كانت هذه دعوت ام سودانية على زوجها وابنائها فى مكان عام امام مسمع من مختلف الجنسيات (داخل صالة المخازن الكبري بالحياة بلازا فى الدوحة - قطر) ، كانت صدمة حقيقية اثرت الصمت خوفاً من لسانها الذي لم يرحم زوجها وابنائها فما عساه ان تفعل بي.

ما عقدا وهى خضراء .. واسع بقى ليهو بمبى !!

Quote: طيب ما تكورك في بيتهم مارقاها للحياة بلازا مالها

o هو كوراك ساكت .
o انا لحدي هذه اللحظة مذهول من الموقف ، بفكر ليه المرة دي عملت كده ليه ماهي الاسباب التي جعلتها تنفجر بهذه الصورة .
o وكان زوجها راجل سئ كيف سمح لها بالخروج والتسوق فى مجمعات كبيرة.

الاخ علي
تحياتي واحترامي ،،،

Quote: ما عقدا وهى خضراء .. واسع بقى ليهو بمبى !!

ليس عيباً ان يختلف زوجين فيما بينهما ، لكن العيب ان نجاهر بمشاكلنا للعامة ، غير السودانيين.

الأخ العزيز معز ..

يسعد مساك ..

أحييك على هذا البوست الرائع ..

بصراحة كواريك السودانيات في الأماكن العامة مع أطفالهن حاجة مخجلة ومخزية لدرجة بعيدة بالذات

لو الواحد اتشبك في حاجة وأمه ما عايزة تشتريها ليه ..غايتو عينك ما تشوف إلا النور .. بكاء

الطفل بصوت عالي من ناحية , وكواريك أمه من الناحية التانية والعالم كله يتفرج باستغراب ..

إنك لن تهدي من أحببت لكن الله يهدي من يشاء !!!!

يا معاذ يا خوي كيفنك

العيب من منو ؟
منها ؟
واللا منو هو ؟
واللا من الذمن العفن ؟؟


الدولاب ده كان معاها في الحياة (((بلازا )) واللا هايم في مكانا اخر ؟؟
ربنا يسترها وزجها ...

ولكني اعيب الاتنين معا ...

والله يا معاذ من زمان اصلا النسوان البجوا المخازن كفاويهم كانت كدة
مرة جات مرة سرقت ليها شيلة بالفين ريال ومعاها بناتها ضربوا لي ناس خدمة العملاء دايرين مشورة قلت ليهم البوليس بس...وانا ما نازل ذاتو...غايتو الكاشيرية السودانيين اسبوع كامل كانو مدنقرين راسهم.

انت اطلع بباب المستودع مالك ومال البوابة الرئيسية







بالله طلع حبيبنا عبدالعزيز من تحت التربيزة دي ياخ

Quote: أحييك على هذا البوست الرائع ..

الاخت عواطف ادريس
تحياتي واحترامي ،،،
o فى حاجات كثيرة فى مفاهيمنا كسودانين هي (غلط ) ونحنا مصرين نمشي بيها اولها تربية الاطفال خاصة موضوع (النهرة) فى كثير من الاحيان نشاهد الصياح على اطفالنا فى اماكن عامة دون مراعاة لمشاعرهم، خاصة عندما يلعبون مع اصحابهم، وبمرور الايام يصبح الامر عندنا سهل وعادي ، زمان كنا نشاهد حالات كتيرة "ام تقوم بضرب طفلها امام اصحابه لانو خرج من البيت وذهب للعب الكرة مع اصحابه دون اذن" ، نعم الطفل هنا اخطاء ، لكن لا يمكن معالجة الخطاء بخطاء اكبر بتصغير طفلك امام اصحابه.

مــعاذ

يا كع مشتاقين ،،،

Quote: الدولاب ده كان معاها في الحياة (((بلازا )) واللا هايم في مكانا اخر ؟؟

لا كان معاها ولدين واحد فى عمر 10 سنة وده كان نفسي اعضيه فى راسه ، والتاني من كترت ما سريع ما قدرت اميز عمره كم!!!

والله يا موسي ما عارفين نلقاها من الرجال والنسوان ، تذكر الزول الجانا فى ابها بسروال وعراكي وقال عاوز يتوظف.

Quote: .بالله طلع حبيبنا عبدالعزيز من تحت التربيزة دي ياخ

دي صورة لعبد العزيز اول ما بدأ يتعلم (الحبي) دخل تحت الكرسي ، قلت احتفظ بيها للمستقبل لما يكبر شوية.

تحياتي للجميع ،،،
ما سـاقـني لفتـح هـذا الـبوست ليـس عكـس الجـوانب السلـبية لنسـاء بـلادي فى بـلاد المهجـر ، انما (الصدفة ) هي التي جمعتني بتلك السيدة فى ذلك المكان، لاسمع ذلك الكلام الذي يشيب له الراس ، اذا هذه حالة شاذة ومثال سئ لنساء بلادي ، لكن ما اغضبني اكثر هو عدم اكتراث اطفال تلك السيدة لصياحها.