Post: #1
Title: الدكتور عبد الله جعفر "فى حواك" يا بكرى
Author: أبوذر بابكر
Date: 06-01-2009, 06:08 AM
Parent: #0
كيف الحال يا حاج بكرى وعساك وأهلك شداد وطيبين
إتصل بى أخونا السمح د. عبد الله جعفر عبر ماسنجر المنبر
وقال إنه ما بقدر يكتب ويشارك فى مواضيع المنبر
أطنه كمان رسل ليك رسالة بالخصوص ده، وأنا كمان برضه رسلت ليك
شكله كده يا بكرى عنده إشكال فى "الباسورد" على الرغم من إنه بقدر يدخل عادى ويستخدم الماسنجر كمان
بس ما بقدر يشارك فى كتابة المواضيع والردود
عبد الله عضو عتيق معانا هنا ومن أزهى وأجمل وأعلى الأقلام
وأكيد كل الزملاء القدام معانا هنا بعرفوه
وهسه هو فى حواك يا بكرى
نأمل ونتمنى ونرجو تشوف ليه دبارة
وليك وليهو التحية والود
|
Post: #2
Title: Re: الدكتور عبد الله جعفر "فى حواك" يا بكرى
Author: أبوذر بابكر
Date: 06-01-2009, 03:49 PM
In
|
Post: #3
Title: Re: الدكتور عبد الله جعفر "فى حواك" يا بكرى
Author: الوليد محمد الامين
Date: 06-01-2009, 10:04 PM
Parent: #2
الاخ ابوذر
معك نكرر النداء
وتحياتي عبرك للدكتور عبدالله جعفر مع رجائي له ان يعود للكتابة هنا وبقوة .
|
Post: #4
Title: Re: الدكتور عبد الله جعفر "فى حواك" يا بكرى
Author: أبوذر بابكر
Date: 06-02-2009, 09:32 AM
Parent: #3
الوليد العزيز
كيف الحال
شكرا ياخ على المؤازرة
وعشمنا فى بكرى يرجع لينا الزول الأخضر السمح ده
|
Post: #5
Title: Re: الدكتور عبد الله جعفر "فى حواك" يا بكرى
Author: أبوذر بابكر
Date: 06-10-2009, 07:16 AM
بكرى
يا بكرى
ياخ عبد الله ده "الآبرى" بتاعو انبل وشربو كمان
لسه مستنيك وراجيك
قال رسل ليك رسالة وشرح الحاصل بيهو وحاصل بينا
يعنى الشوق والحنين
وقيام الليل وشنو وشنو
عليك الله عاين ليهو يا حاج
|
Post: #6
Title: Re: الدكتور عبد الله جعفر "فى حواك" يا بكرى
Author: Amin Mahmoud Zorba
Date: 06-10-2009, 02:17 PM
Parent: #5
العزيز ابو آمنة
لك ماتتمنى
الصديق عبد الله جعفر واحد من اميز الشخصيات التي تعرفت عليها اسفيراً عبر سودانايل في العام 2002
واستمرت علاقتناعبر الاسافير والهواتف واللهفات حتى الان وقد لايجدي البعاد هكذا عن الحرمان
وعبد الله طوال علاقته هنا بالكتابة كان مثالاً للرجل الخلوق والشاعر المبدع له التحية عبرك
ومثل عبد الله لايسعى بل نسعى اليه
اتمنى أن يسعى بكري الى عبد الله الان قبل امبارح
ومن اميز اصدقاء عبد الله في هذا الموقع الرجل الجميل الخلوق بروف (ابن النخيل )
وعلاء شاموق ونزار عثمان ( السمندل ) والشاعر محمد مدني وشيري وكوستا ذلك الجبل وآخرين
اتمنى أن توجه ادارة المنبر رسالة لهم جميعاً تحسهم على العودة
ليساهموا في تطوير هذا المنبر الذي جمعهم يوماً على المحبة والتواصل ولمة الشتات
على ادارة المنبر الرجوع الى الارشيف وتوجيه رسائل للمنبرين الزمان تحسهم على المشاركة وتعرف اسباب العكوف
وقد تكون هناك الكثير من الاسباب الفنية والادارية واسباب اخرى
وقد تساعد الاراء في ادارة المنبر بشكل جديد ورؤية جديدة
فهذا المنبر من دون جرح الشاهد او شهادته لعب ولازال يعلب دوراً كبيراً في ربط العالمين بالوطن والقيم
واجمل الذكريات التي انهارت على ظهر الواقع ولكنها اصبحت اجمل ما حملناه في الخواطر
كسرة
كنا سمندل ومدني وشخصي نعيش في مدينة واحدة ونلتقي كل يوم
وحين يلتقي مدني وسمندل وانا لست معهم واعرف ذلك واشعر بالغيرة
اسع يا مطر انا في حالة غيرة عشان عبد الله رسل ليك انت وما رسل لي انا
دي انت وعبد الله بتحلوها كيف
هذه بعض اسهامات عبد الله جعفر في العام 2003
خطوة اولي
لا شئ في الخاطر الا الرحيل
من الخرطوم
الي شيري وبقية احبات العقد النضيد
فقط لمن يريد ان يهدي وردا او حرفا ابيضاً لبغداد
لا تسل ابداً
ــــــــــــــــــــــــــــــــــــ
وهنا بدأالامر بشكل مختلف
احمد والنصف الاخر من الحلم
وهنا الامر أكثر اختلافاًوأكثر محبة لكتابة عبد الله جعفر
ما بين وجهك والرحيل
وهنا لم يحنمل الهدهد ابداع عبد الله جعفر
آه من جرحي وجرحك يا بلادي...عبد الله جعفر
وهذه الكتابة بينه وبين ابن النخيل و نزيف الحزن وحديقة في قلب النخلة
كنت كمن يسير على ظمأ
وهذا هو الملف الشخصي للشاعر المجيد عبد الله جعفر
User Profile
الملف الشخصي ل Abdalla Gaafar
اللقب: Abdalla Gaafar
: ()
عدد البوستات: 1021
تاريخ التسجيل: 10-02-2003
محل الاقامة: Finland
: Not shown
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى:
التلفون:0000000000000000000000
الجامعة/المعهد: ( PhD Forestry ( Tree physiology
الحالة الاجتماعية: Married
العنوان الدائم: Forests National Corporation
O. o. Box 658
Khartoum
Sudan
الفنان المفضل:
اللون السياسى:
النوع: Male
الهوايات المفضلة:
الوظيفة: Researcher/ Forestry
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال: 3
معلومات اضافية:
مكان العمل:
مكان الميلاد فى السودان: Merawi
صورتى:
|
Post: #7
Title: Re: الدكتور عبد الله جعفر "فى حواك" يا بكرى
Author: Amin Mahmoud Zorba
Date: 06-11-2009, 02:39 PM
Parent: #6
وينك يا مطر والناس عطاشا
|
Post: #8
Title: Re: الدكتور عبد الله جعفر "فى حواك" يا بكرى
Author: Amin Mahmoud Zorba
Date: 06-12-2009, 03:39 PM
Parent: #7
يا مطر
يا عبد الله جعفر
هل من جديد
|
Post: #9
Title: Re: الدكتور عبد الله جعفر "فى حواك" يا بكرى
Author: أبوذر بابكر
Date: 06-13-2009, 06:54 AM
Parent: #6
الصديق أمين
تحياتى وعذب الأمنيات
عبد الله زى ما انت قلت وأزيد كتير
ورغما عن انشغاله فى فترة الدراسة، البى إتش دى، برضه كان معانا
نستأنس بنوره وننعم بإخضرار حضوره العميم
اختفى بعدها ردحا من الغياب، وخلى لينا الكتير من العذاب
ويظهر إنه انغمس فى الشغل فى البلد
ساعد على كده برضه يا أمين إنه المحل هنا بقى ما مشجع ولا محفز، اليباب غلب الخضرة
والجفاف اصبح مسيطر وخوت الديار على اهلها
غاب الصحاب اجمعين، إنت بقيت شويه، ومحمد مدنى فات تب، والسمندل وابن النخيل بقو أثر بعد عين
تانى البقعده شنو بالله ؟
الإلفة القديمة البدأ بيها المحل هنا، اتشلهتت واتشتت، والناس كترت هنا واتحول المثل العتيق داك وبقى
الكترة بتغلب السماحة
بدل الكترة الكانت قاعد تغلب الشجاعة ديك
أهو بدينا فى ترميم الدروب القديمة المعطرة، وهسه انا شادى الضراع وبحاول الملم فى الأشجار النديانة الزمان
قاعد اكورك لى جورج بنيوتى وجبران وصلاح شتات، وشتات الشتات، وياسر محجوب
تتذكر ياسر ده يا أمين ؟
ياسر محجوب الزول الما عادى داك
وربك كريم
إنت بس خلى روحك معانا شويه وخلينا نكورك ليهم كلهم، لعل وعسى، ربنا يستجيب لينا، ولو بما تيسر من الناس السمحين
وتانى ننده شيخنا بكرى
يا بكرى نحن فى حواك
الحقنا وانجدنا
|
Post: #10
Title: Re: الدكتور عبد الله جعفر "فى حواك" يا بكرى
Author: Amin Mahmoud Zorba
Date: 06-14-2009, 01:32 PM
Parent: #9
يا سلام يامطر
دي ريحتك ولا دعاش
زمن ملون واصحاب قيافة
ياسر محجوب
تعرف ياسر حته مني وياسر زينة اخوانوا وياسر قيامة رابطة
كيف انساه دي عشرة عمر وكمان كنت بتصل عليه من وقت الى آخر
اشتاق شاموق يبدو أن يزن اخذه الى عالم الابوة الساحر
وكوستا وين يامطر
تعال نفتح الدروب نلمم ماتبقى من رفاق
هلموا ايها
الذين اشعوا هنا
|
Post: #11
Title: Re: الدكتور عبد الله جعفر "فى حواك" يا بكرى
Author: الوليد محمد الامين
Date: 06-14-2009, 02:19 PM
Parent: #10
يازوربا
ياحليل زمان وسنين زمان ...
ياخي ناس ودشاموق ديل مشوا وين ذاتو ؟
كان في ناس كتابين زي ميرفت وابكر ادم اسماعيل وووووو.....وغايتو ربك كريم .
|
Post: #12
Title: Re: الدكتور عبد الله جعفر "فى حواك" يا بكرى
Author: Amin Mahmoud Zorba
Date: 06-15-2009, 12:51 PM
Parent: #11
تعرف يا وليد انت بتديني احساس غريب بإننا كبرنا جداً جداً
وبعد ده الا يلحقونا بسفوفة جنزبيل وكباية حلبة او قرفة
يازول مالك بتنادي في السنين البعيدة
قول .... يا عبد الله جعفر
|
|