Post: #1
Title: أحدث لافتة بالخرطوم
Author: Ameer Elfatih
Date: 05-31-2009, 11:54 AM
Parent: #0
|
Post: #2
Title: Re: أحدث لافتة بالخرطوم
Author: Ameer Elfatih
Date: 05-31-2009, 12:02 PM
Parent: #1
سمح الوصوفو --- حاج الماحى
--------------------------------------------------------------------------------
سَمح الوصوفو يا رب نشوفو حَرَمو وسُرُوفو ..نَعقِبْ نطوفو الراوي سَمّ ونقّر دفوفو *** مَدحاً مُوزّن ..فوق الحُروفو بالألف.. الله ربي اللطوفو *** بالباء .. بهلّو الأسرار في جوفو بالتاء .... توانى مِسْكو العَسوفو *** بالثاء .. ثنايا بَرقاً خَطوفو يالجيم .. مجمّل سمحات وصوفو *** بالحاء .. حُيُالو ضرع العجوفو بالخاء ...........لخلقو ينظر يشوفو *** بالدال .. دَواياَ للصايبو جوفو بالذال ..لى ذكراً شاع في الخيوفو *** بالراء .. رءوفاً للناس عَطوفو بالزين ....... لى زياً يوي العَكوفو *** بالسين .. يساعد للكان لهوفو بالشين.. شفاعتو يوم الوقوفو *** بالصاد .. صحابتو شايلين سيوفو بالضاد .. يضوّي بين الألوفو *** بالطاء .. مُطهّر قلبو الرؤفو بالظاء.. يظِلّو الغيم رفوفو *** بالعين ..علامتو فوق الكتوفو بالغين .. غَفَرْلو وأمّن لى خوفو *** بالفاء .. فصيحاَ للسر كَشوفو بالقاف ....... قفّل باب الخسوفو *** بالكاف .. لى كفاَ ينبع سُرُوفو باللام ..... لِماهو يا رب نشوفو *** بالميم .. معاهو يوم الوقوفو بالنون .. نروّح لى ذاك غوفو *** بالهاء .. نهاجر ونسعى ونطوفو بالواو ...ولامِن آخر الحروفو *** بالياء.. يمينو يكرم ضيوفو
يا ربّي سَآلك تقبل لى مطلب *** تعطيني جملاً كَبِبي أصهب مُو الدون قِصيّر وماهو المشقلب *** أصهب بشاري طايع مأدب صدراً مفجَّج في شوفتو ترغب *** سَرجاَ سناري محكوم مذهب والفروة مِرعِزْ اتنيها واركب *** فوقو إن رفعت من حينو جَلّب قُلتْ يا سلاماً أقبل وقبقب *** تسمع مشيهو رجليهو طَبْ طَبْ ينسف دوايرو بينات يلعب *** ليهو المسافة تِنْصّرْوتقرب الماحي فوقو بىمدحو يطرب *** بى زمزميتو والزاد محقّب إن ردت تاكل وإن ردت تشرب *** هوِّى ومُناي في ام سور وكوكب القبة خضراء ونساما هبهب *** نوصل نزورو وفي شفاعتو نُكتب
|
Post: #3
Title: Re: أحدث لافتة بالخرطوم
Author: سلمى الشيخ سلامة
Date: 05-31-2009, 12:57 PM
Parent: #2
ما ابعد الشقة بين سمح الوصوفو وبين الموصوف فى هذه اللوحة الاعلانية فرق مئات الالاف من السنوات الضوئية
|
Post: #4
Title: Re: أحدث لافتة بالخرطوم
Author: مصطفى توفيق
Date: 05-31-2009, 01:10 PM
Parent: #3
حاجة غريبة فعلا الجهل مصيبة ايش دخل سمح الوصوفو بالصورة وتخصص المحل ؟
|
Post: #5
Title: Re: أحدث لافتة بالخرطوم
Author: Ameer Elfatih
Date: 06-01-2009, 02:53 PM
Parent: #4
Quote: حاجة غريبة فعلا الجهل مصيبة ايش دخل سمح الوصوفو بالصورة وتخصص المحل ؟ |
تخيّل سألتهم ما عرفوا يقولوا شنو
|
Post: #6
Title: Re: أحدث لافتة بالخرطوم
Author: Adil Hamza
Date: 06-01-2009, 03:21 PM
Parent: #5
سلام يا أمير
انت عمود الكهرباء ده جوة الملحمة
عادل
|
Post: #7
Title: Re: أحدث لافتة بالخرطوم
Author: حسن الجيلى سعيد
Date: 06-01-2009, 05:54 PM
Parent: #6
Quote: انت عمود الكهرباء ده جوة الملحمة |
يالنبى زرتك
|
Post: #8
Title: Re: أحدث لافتة بالخرطوم
Author: سناء عبد السيد
Date: 06-01-2009, 06:06 PM
هذا زمانك يا مهازل فامرحي
شن جاب الزول الكريه ده للممدوح , اسه بكره يجوا يطلعوا لينا نبي
|
Post: #9
Title: Re: أحدث لافتة بالخرطوم
Author: BitAlhana
Date: 06-01-2009, 07:01 PM
Parent: #8
باااااااااااالغ لكن يا خوانا
بس زول انفعالي و عواطفي...
اسي كان قام انقلاب؟ يجري ولا يقعد يفك ليكم في اللوحه ؟؟؟
|
Post: #10
Title: Re: أحدث لافتة بالخرطوم
Author: ثروت سوار الدهب
Date: 06-02-2009, 06:28 AM
Parent: #9
كيلو الدهنسة بكم؟
|
Post: #11
Title: Re: أحدث لافتة بالخرطوم
Author: Elbagir Osman
Date: 06-02-2009, 06:50 AM
Parent: #9
قال الشاعر المطبلاتي شفيق الكمالي في صدام
"تبارك وجهك الوضاء فينا كوجه الله ينضح بالجلال"
والعياذ بالله
فانتهى بوجهه الوضاء في حفرة
الباقر موسى
|
|