Post: #1
Title: ايها القذر المثير للاشمئزاز !
Author: حامد محمد حامد
Date: 05-29-2009, 05:13 PM
منقول من كتاب لغة الجسد...الان وباربرا بييز
|
Post: #2
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:15 PM
Parent: #1
التمخط
|
Post: #3
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:20 PM
Parent: #2
يتمخط الاوربيون والغربيون فى مناديل من القماش او الورق
بينما يبصق الاسيويون كما اليابانيون
ماذا عن السودانيون ( يبصقون ويتمخطون بدون مناديل ورقا كان او قماش واحيانا يفضلون اكمام ثيابهم او اطرافها)
|
Post: #4
Title: Re: ايها القذر المثير للاشمئزاز !
Author: معروف حمدين
Date: 05-29-2009, 05:25 PM
Parent: #3
بوست غير موفق !!!!!!
|
Post: #7
Title: Re: ايها القذر المثير للاشمئزاز !
Author: حبيب نورة
Date: 05-29-2009, 05:35 PM
Parent: #4
حامد كيفنك
علي اليمين هسة في سيرتك
مع بهاء في البيت
وحشة يا مان
اها يا معروف
البوست غير موفق من ياتو ناحية
واللا لي أسباب (مجهولة)!!
غايتو شاكرين و (حامدين) للمرور الغير موفق !
|
Post: #5
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:29 PM
Parent: #3
كل جانب ينزعج مما يراه من سلوك الجانب الاخر"المثير للاشمئزاز"
هذا الفرق الثقافى هو نتيجة مباشرة لانتشار مرض السل فى القرون الماضية , ففى اوروبا, كان مرض السل هو ايدز ذلك العصر , حيث كان مرضا لا يرجى منه الشفاء, لذلك وجهت الحكومات الناس للتمخط لتجنب زيادة انتشار المرض , لذلك ينزعج الغربيون جدا من البصق فالشخص الذى يبصق يمكن ان ينشر مرض السل لهذا كان الناس يحذرون ذلك كما كانوا سيفعلون اذا كان مرض الايدز ينفل عن طريق البصق, ولو كان مرض السل مشكلة عند الشرقيين او فى الدول الشرقية لكان رد الفعل الثقافى مماثلا لما عند الغربيين ونتيجة لذلك ينزعج اليابانيون جدا عندما يخرج شخص ما منديلا ويتمخط فيه ثم يضعه مرة اخرى فى جيبه .
|
Post: #6
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:35 PM
Parent: #5
الاسيويون يعتقدون وهم على صواب ان البصق خيار صحى اكثر , ولكنها عادة منفرة بالنسبة للغربيين والاوربيين ولهذا يمكن ان تفشل اجتماعات العمل بين الغربيين والاوربيين كطرف والشرقيين كطرف اخر عندما يصابون جميعا بالبرد, لذا لا تتضايق من الاسيوى الذى يبصق ولا تتمخط ابدا امام شخص يابانى.
|
Post: #9
Title: Re: ايها القذر المثير للاشمئزاز !
Author: معروف حمدين
Date: 05-29-2009, 05:40 PM
Parent: #6
| Quote: غايتو شاكرين و (حامدين) للمرور الغير موفق ! |
صدقت
شكرن كتيرن
|
Post: #10
Title: Re: ايها القذر المثير للاشمئزاز !
Author: حبيب نورة
Date: 05-29-2009, 05:44 PM
Parent: #9
لأسباب معروفة عني
نتجاوز الفكرة
خلينا نتابع البوست
ونكون من (الحامدين) !!
شكرن كتيرن!
|
Post: #11
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:46 PM
Parent: #6
اذا لم تكن متاكدا من اسلوب التعامل بادب مع ثقافة شخص اخر فاسال اهل البلد لتعرف كيف تسير الامور
ويجب وضع خلفية الشخص الثقافية فى الاعتبار دائما قبل التوصل لاستنتاجات تتعلق بمعنى لغة جسده واشاراته
|
Post: #8
Title: Re: ايها القذر المثير للاشمئزاز !
Author: AnwarKing
Date: 05-29-2009, 05:39 PM
Parent: #5
سلام ومتابعة يا الحبيب
|
Post: #12
Title: Re: ايها القذر المثير للاشمئزاز !
Author: AnwarKing
Date: 05-29-2009, 05:46 PM
Parent: #8
لا أعرف إن كان هو نفس الكتاب أم لا (أعتقد في كتاب تاني بعنوان إيماءات الجسد؟!)...
وفيهو برضو عن الفوارق الثقافية ما بين الغربيين والشرقيين...مثال القُرب الشديد من الوجه
عند الحديث...وعدم ترك مساحة ما بينك وبين محاورك...فبينما يقترب منك الآسيوي عند الحديث معك
لإبداء الحميمية...يبتعد الغربي تاركاً مساحة بينك وبينه...
في الكتاب قصة طريفة عن ياباني وأمريكي في حفل عشاء...يقترب الياباني للحديث ويبتعد الأمريكي
لترك مساحة بينهما...حتى أصبحوا كأنهم يرقصون على أنغام الموسيقى
في السلام أيضاً توجد فوارق كبيرة بين الثقافات...والأخوة في شمال الوادي شغالي "بوس الخدود"...
وفي الخليج بوس "الخشم-النخرة"، بينما نقتصر نحن -السودانيون- السلام على الكتف و العناق عند طول المسافة....
الله يخلينا نحن...ويدينا العافية ويحقق الفي مرادنا يا رب...
نتابع
|
Post: #13
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:52 PM
Parent: #12
حبيب نورة وحبيبنا كمان
القلوب شواهد ايها المتمرد
تشكرات وتمنيات كثيرات
|
Post: #15
Title: Re: ايها القذر المثير للاشمئزاز !
Author: حبيب نورة
Date: 05-29-2009, 05:54 PM
Parent: #12
يا عمك
البوست بقي علمي
قبيل كان عربسات
Quote: في الكتاب قصة طريفة عن ياباني وأمريكي في حفل عشاء...يقترب الياباني للحديث ويبتعد الأمريكي
لترك مساحة بينهما...حتى أصبحوا كأنهم يرقصون على أنغام الموسيقى |
Quote: السلام أيضاً توجد فوارق كبيرة بين الثقافات...والأخوة في شمال الوادي شغالي "بوس الخدود"...
وفي الخليج بوس "الخشم-النخرة"، بينما نقتصر نحن -السودانيون- السلام على الكتف و العناق عند طول المسافة |
يا عمك انت لسة في رأيك القديم؟؟
|
Post: #18
Title: Re: ايها القذر المثير للاشمئزاز !
Author: AnwarKing
Date: 05-29-2009, 07:01 PM
Parent: #15
| Quote: يا عمك انت لسة في رأيك القديم؟؟ |
أعمل شنو عاد يا حبيب نورة...أبيت تصلّح لي قعدتك دي كلو كلو...
طبعاً مع الأشواق والذي منو...
__________________
السلام بطريقة الإنحناء تقديراً وإجلالاً لشخص التاني...
يعتبره البعض إنحناءة "دونية" بينما هو تقدير في الثقافات الآسيوية...
وإنحناءة أوباما...رئيس العالم...للعاهل السعودي الملك عبد الله،
ملك السعودية تعجب حولها الكثيرين...
لكن أفسرها من نشأة أوباما في آسيا وتأثير الثقافة عليه...
المهم...
|
Post: #19
Title: Re: ايها القذر المثير للاشمئزاز !
Author: حبيب نورة
Date: 05-29-2009, 07:16 PM
Parent: #18
يا عمك
مشيت كوريا
ولفيت بلاد الدنيا كلها
وانا لسة متفرجخ
| Quote: أعمل شنو عاد يا حبيب نورة...أبيت تصلّح لي قعدتك دي كلو كلو |
عارف يا ود دفع الله
أديت البوست طعم تاني
وبالمناسبة
أخبار أنور كنق شنو؟؟
www.anwarking.com
|
Post: #21
Title: Re: ايها القذر المثير للاشمئزاز !
Author: AnwarKing
Date: 05-29-2009, 07:49 PM
Parent: #19
حبيب نورة...وحبيبي أنا...
البوست طاعم من يد صاحبو...ليدك بنكهتها الجميلة...
والله يا صديقي موقع أنور كنق موجود وشغّال في أمانة الله... بشوفوهو الناس برة السودان،
بس لأنو الشركة المضيفة شركة أمريكية تنفذ قانون مقاطعة السودان التابع لوزارة الخزانة
الأمريكية...بقى ما ممكن تشوفو من السودان...
طبعاً ده بيتماشى مع أهداف الموقع نفسه...وهو إستهداف السودانيين خارج السودان،
عشان كدة ما حاولت أغيرو من محلو داك...
وأهو كلو يوم تتراكم علينا مصيبة...وقعدة الحكومة وهبالتها...في حالها!
المستقبل كلو في هذه الإنترنت يا حبيب نورة...وناسنا بهناك ما خلو أسم ما عملو منو
شربات...حتى الفسيخ ما سلم منها...
لو عندك زمن...ممكن تشوف بعض الأحلام الأفريقية المشتركة مع أحبائنا في تيد
http://www.ted.com/index.php/talks/neil_turok_makes_his_ted_prize_wish.html
والحلم ب انشتاين من أفريقيا الحبيبة...
خلال التقديم ده حا تشوف موقعنا كقارة أفريقية كيف (إقتصادياً، وعلمياً والخ)...وكمان حا تشوف
التبنؤ بمستقبلنا وفقاً للإحصائيات والمعلومات الموجودة كيف!!!
الصراحة لله يا حبيب نورة... أنحنا ما دايرين نتقدم مع سبق الإصرار والترصد...
وغايتو ربك يستر...والأمل بابو مفتوح!
مودتي يا غالي
أنور
|
Post: #22
Title: Re: ايها القذر المثير للاشمئزاز !
Author: حبيب نورة
Date: 05-29-2009, 07:56 PM
Parent: #21
يا أنور
جداً انا فاضي شغلة
و مشينا نتنور
لكن بمناسبة الموقع
انا في القاهرة
برضو تضامنا مع القضية ما ح يشتغل؟
| Quote: أنحنا ما دايرين نتقدم مع سبق الإصرار والترصد... |
بس أنت كدة جبت التايهة
زي ما بقولوا المصريين !
لكن البوست يا عمك تبارك الله
|
Post: #16
Title: Re: ايها القذر المثير للاشمئزاز !
Author: حامد محمد حامد
Date: 05-29-2009, 05:56 PM
Parent: #12
العزيز انور
ياخى ليك وحشة كبيرة , عساك بخير وعافية مع الاهل
كمان ما تنسى تهدى الناس عندك وخليهم يروقوها شوية
شكرا على المرور وكن بخير
|
Post: #14
Title: Re: ...
Author: ombadda
Date: 05-29-2009, 05:54 PM
Parent: #8
حامد
سلام
أرجو أن تواصل فى هذا البوست قدر ما أستطعت.. نقد السلوكيات خطوة أولى لإصلاحها..
بمناسبة البصق..هناك عادة مصاحبة للبصق وهى التمباك (أو السعوط) ..منظر مقزز حيث
ترى الواحد يضع سفة مدنكلة وعند بصقها يكون هناك كمية من الإفرازات اللعابية..
منظره وهو يبصق السفة أمام الناس ..وبصق السفة فى أى مكان حتى ولو من خلال شباك حافلة متحركة..
لا نمنع الناس من التمباك -رغم علاقته بسرطان الفم- لكن نطلب منهم أن يبصقوها فى مكان معين بعيدا عن
أعين الناس (الحمام مثلا)...
|
Post: #17
Title: Re: ...
Author: حامد محمد حامد
Date: 05-29-2009, 06:11 PM
Parent: #14
بمناسبة البصق..هناك عادة مصاحبة للبصق وهى التمباك (أو السعوط) ..منظر مقزز
دكتور امبدة
لك تحياتى وعساك بخير
بمناسبة بصق الزول للتمباك لاحظت حاجة غريبة اثناء رحلتى الاخيرة للسعودية قبل اسبوعين وفى احدى الجمعيات ( بيت يجتمع فيه اهل المنطقة كل مساء وفى المناسبات)يجى الواحد يخت السفة فى خشمه ويمسح ما تبقى فى يده على سطح الموكيت ولا من شاف ولا من درى.
والغريبة السبت( الباسكت) الكبير اللى بيتفوا فيه التمباك حينما يتداوله الايدى من شخص الى اخر وبالذات لو العشرة فى الكوتشينة مسخنة
|
Post: #20
Title: Re: ...
Author: ASHRAF MUSTAFA
Date: 05-29-2009, 07:32 PM
Parent: #17
ولدنا حامد محمد حامد
مشتاقيييييييييييييييييييييييييييييييييين كتتتتتتتتتتتتتتتتتتتتتتتتتتير
طولنا ما سمعنا عنك
عسي المانع خير؟؟
سعيد بوجودك الباهي
والبوست موفق جدا
الي الامام
|
Post: #23
Title: Re: ...
Author: حامد محمد حامد
Date: 05-29-2009, 09:23 PM
Parent: #20
اشرف مصطفى ايها الغالى
كيف امورك والله انت فى البال بس مشاغل الدنيا
تشكر على المرور ومعليش كنت بره شوية اسف على التاخير فى الرد
كن بخير
|
Post: #24
Title: Re: ...
Author: حامد محمد حامد
Date: 05-29-2009, 09:33 PM
Parent: #23
يا كينج ايه الحلاوة دى ( على حد تعبير المصريين)
كما ذكرت ان هناك تقاليد مختلفة عند تبادل التحاياوالانحناءة مثالا , قطعا لم يفعلها اوباما لغرض اخر فمثلا اليابان من الدول التى لم يتعود شعبها على التصافح بالايدى والتقبيل والاحتضان, حيث يعتبر فيها مثل هذا الاتصال البدنى قلة ادب.
فينحنى اليابانى عند اول لقاء وينحنى الشخص ذو المكانة الاعلى اقل من الشخص العادى.
وفى اليابان تاكد ان حذاءك نظيف تماما وفى حالة جيدة فعند كل انحناءة هناك تفحص للحذاء
|
Post: #25
Title: Re: ...
Author: حامد محمد حامد
Date: 05-29-2009, 09:59 PM
Parent: #24
هل تلمس ام لا تلمس ؟
شعور شخص ما بالاساءة من عدمه اذا لمسه شخص اخر اثناء المحادثة.
من خلال بعض التجارب الشخصية لنفر من الناس وبعض الابحاث ممنوع اللمس فى :-
المانيا. اليابان. انجلترا. امريكا وكندا. استراليا. نيوزيلندا. استونيا. البرتغال . اوروبا الشمالية. اسكندنافيا
مقبول اللمس فى :-
الهند . تركيا . فرنسا. ايطاليا . اليونان. اسبانيا. الشرق الاوسط. اجزاء من اسيا. روسيا
والله اعلم
|
Post: #26
Title: Re: ...
Author: عاصم ابوبكر حامد
Date: 05-29-2009, 10:10 PM
Parent: #25
البوست بقى علمى بحت جدا
واصبحت هنالك شواهد وما شابه ذلك ....
على السيد حبيب نورة مغادرة البوست فورا لانه طاشئ شبكة ..
|
|