|
Re: التلفزيون السوداني يستخدم لغة الرق في برامجه الدرامية! (Re: Hadia Mohamed)
|
سلام يا بدر الدين لا بد من السعي لنشر ثقافة الحساسية تجاه الآخرين و جعلها سلوكا اجتماعيا عاما بحيث يصبح مستنكرا من الناس استعمال كلمات مثل هذه و أخرى مثل متخلف عقليا... بالإضافة لتقنين منع الإساءة إلى الآخر و تجريمها. الملفت يا بدر الدين إنو كلمة (سيدك) دي بالذات ما مستعملة في السودان للتعامل مع خدم المنازل ما عارف الناس ديل جابوها من وين. أنا البعرفو الناس بستعملو خالتك و عمك... لكن نعمل شنو مع التقليد الغريب دا.
| |
|
|
|
|
|
|
Re: التلفزيون السوداني يستخدم لغة الرق في برامجه الدرامية! (Re: Elawad)
|
هادية محمد
سلام
Quote: كان الكاتب مطرطش المخرج مالو والله لو قلت لى ذولة بتشتغل عندك فى البيت سيدك دى الا ترح فيها. ده تقليد لى دراما ناس تانين ما نحن , دى كلمة ما مستعمله عندنا. |
نعم كلمة سيد غير مستعملة في السودان، لكن هي المحاكاة!
يفترض ان تكون هنالك اجراءات لضبط الجودة قبل طرح تلك الاعمال على الجمهور.
| |
|
|
|
|
|
|
Re: التلفزيون السوداني يستخدم لغة الرق في برامجه الدرامية! (Re: Badreldin Ahmed Musa)
|
العوض
سلام
Quote: لا بد من السعي لنشر ثقافة الحساسية تجاه الآخرين و جعلها سلوكا اجتماعيا عاما بحيث يصبح مستنكرا من الناس استعمال كلمات مثل هذه و أخرى مثل متخلف عقليا... بالإضافة لتقنين منع الإساءة إلى الآخر و تجريمها. الملفت يا بدر الدين إنو كلمة (سيدك) دي بالذات ما مستعملة في السودان للتعامل مع خدم المنازل ما عارف الناس ديل جابوها من وين. أنا البعرفو الناس بستعملو خالتك و عمك... لكن نعمل شنو مع التقليد الغريب دا. |
ايوة يا العوض الحساسية في استخدام اللغة مطلوبة في السودان.
الناس بتقول عمك فلان و خالتك فلانة لكن "سيدك" دي جديدة لنج.
| |
|
|
|
|
|
|
Re: التلفزيون السوداني يستخدم لغة الرق في برامجه الدرامية! (Re: عبداللطيف حسن علي)
|
اخى بدر الدين مهم جدا التعامل بوعى مع المفردات ونبذ تلك التى تكرس مفاهيم عنصرية
اشارتك اعادتنى لتقصى حالات التقليد الغبى فى المسلسلات السودانية كتير من العبارات والمشاهد تنقل من المسلسلات المصرية
مثال الجرس يدق ولا الباب يخبط تسمع يارب دا منو الجاينا فى الساعة دى نسخة مضحكة منقولة من المشاهد المصرية نحنا فى السودان نتوقع ضيوف فى اى لحظة وما بنستغرب من مواقيت الزيارات
| |
|
|
|
|
|
|
Re: التلفزيون السوداني يستخدم لغة الرق في برامجه الدرامية! (Re: mohmmed said ahmed)
|
محمد سيداحمد
سلام
Quote: مهم جدا التعامل بوعى مع المفردات ونبذ تلك التى تكرس مفاهيم عنصرية
اشارتك اعادتنى لتقصى حالات التقليد الغبى فى المسلسلات السودانية كتير من العبارات والمشاهد تنقل من المسلسلات المصرية |
نعم من المهم التعامل بلغة الواقع!
خدم المنازل هم عمال، يكدحون تحت اكثر ظروف العمل شخصنة و يكفي ما يعانون جراء ذلك.
الاجير سيد نفسه، يبيع قدرته على العمل ليحصل على ما يسد رمقه/ها بشرف، يجب ان يحصل
على التقدير المناسب.
اما ان يستلف التلفزيون مفردات المسلسلات المصرية و يستخدمها في السودان من غيرما حساسية
ذلك سيساعد فقط خلق وعي زائف بالسيادة لدي الاغنياء و الغبن لدي من تضطرهم ظروفهم للعمل
في المنازل.
لا يا تلفزيون السودان!
---- الغريب اعيش في مكان لو صدرت تلك اللغة من التلفزيون و ضبط عليها لاستدعى اعتذار من مدير المحطة و
الممثلين وربما ايضا قدموا بعض البرامج العامة لمحو ما فعلوه!
| |
|
|
|
|
|
|
Re: التلفزيون السوداني يستخدم لغة الرق في برامجه الدرامية! (Re: Badreldin Ahmed Musa)
|
احمد امين
سلام
Quote: متوقعين شنو فى زمن اللاموهبه واللافن وتفشى القبلية والعرقية |
والله يا احمد بنتوقع اداء احسن لان فنانينا عندهم كلية و مؤهلين اكاديميا و شايفين الحاصل
في البلد ومفروض يكونوا حملة وعي لا ان يكونوا ادوات لحمل ثقافة الجهل و الاستعلاء.
يعني مفروض الواحد منهم يعترض على نص بتلك الصيغة و يمتنع عن استعماله حتي لو ادى به ان يفقد
وظيفته.
| |
|
|
|
|
|
|
|