الرئيس السوداني يقول ان بلاده ستبني محطة نووية للكهرباء!!

Quote: مدني في 26/5 (سونا)..أهلنا وأحبابنا في الحوش وجنوب الجزيرة , السلام عليكم ورحمة الله وبركاته , نحمد الله سبحانه وتعالى أن جئناكم اليوم للاحتفال سوية بإنجاز طريق الشريف زين العابدين الهندي هذا الطريق الذي تأتي أهميته من رمزيته لأنه كان تكريما لشخص يستحق التكريم , لأن الطريق هو إماطة للأذى عن الطريق , شارع الإسفلت إماطة أذى عن الطريق , والشريف ظل طول حياته يعمل على إزالة الأذى عن طريق الشعب السوداني , لا نقول هذا الكلام رياء , أو كسب سياسي لكن من حق الرجل ومقدار الرجل الذي تعرفونه كما نعرفه , الرجل الزاهد وأنا أمنحه وسام الرجل الأول في السودان , لأن الشريف زين العابدين هو وريث الشريف حسين الذي كان الوريث الشرعي لأزهري وهذه سلسلة من الرجال والرموز الذين كرسوا حياتهم للوطن والمواطن ولم يعملوا لدنيا أو كسب شخصي , كان يمكن أن تأتيهم المناصب , وتزاد لهم الأموال لكن كان همهم واحد وهو المواطن السوداني , وكلما لقيته قال لي أريد منك شيئين فقط ديمقراطية راشدة وعدل حاسم , ديمقراطية راشدة للشعب السوداني لأنه شعب كريم وأصيل , يستحق الحرية والديمقراطية والتفاني في خدمته , نعم شعب سوداني يستحق العدل ويحب العدالة ويكره الظلم , وتلك كانت منطقة الشريف ديمقراطية راشدة وعدل حاسم أو حسم عادل لأن قضايا الوطن تحتاج لحسم بعدالة وعدم ظلم إنسان كل إنسان يأخذ حقه لأن كل المواطنين سواسية لا فرق لعربي على أعجمي إلا بالتقوى كلكم لآدم وآدم من تراب إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم , هذا شعب سوداني يكره الظلم ويرفض القهر والتجبر , هذا الشعب المعلم الذي علم الناس الحرية , هذا الشعب في القرن التاسع عشر حين خافت الدنيا كلها وخضعت للإمبراطورية العظمى التي لا تغيب عنها الشمس غابت شمسها هنا في السودان , هذا الشعب المعلم الذي علم الناس الحرية ولهذا كانت أول دولة إفريقية جنوب الصحراء تنال استقلالها هي السودان , كان السودان وكانت الحركة الوطنية برجالها ونسائها بقيادة الزعيم إسماعيل الأزهري رحمه الله , كان استقلالا كاملا غير منقوص هذا هو السودان وهذا هو الشعب السوداني ولأجل هذا حين آتي رئيسا للشعب السوداني لزم أن كون رئيسا استحق الشعب السوداني يمثل الشعب السوداني ويعبر عنه ويرفض الظلم والقهر والاستعمار نحن مع الحرية , الحرية لنا , الحرية للشعوب , الحرية لفلسطين والعراق وأفغانستان , ديل نحن الشعب السوداني سنظل نقاوم ونناضل ونجاهد ضد الاستعمار , نحن أول دولة إفريقية نالت استقلالها الناس ديل حاولوا معنا , بالحرب في الجنوب فهزمناهم , وفتحوا لنا جبهة في الشرق فهزمناهم , وفتحوا لنا جبهة في دارفور وسنهزمهم , حاولوا تركيعنا وإذلالنا بمنع القمح الأمريكي والدقيق المستورد لكنهم لم يعرفوا الشعب السوداني الذي خيرناه بين الاستقلال والكرامة ورفض القمح الأمريكي أو الذل والهوان والدقيق الأمريكي فاختار الشعب السوداني الحرية والعزة والكرامة , زرعنا القمح في الجزيرة والنيل الأبيض والأزرق والشمالية , هددونا بالحصار الاقتصادي ومنع الدولارات والتمويل والمشروعات ونحن كل يوم نرد عليهم بمشروع جديد بسد جديد وكبري جديد وطريق جديد ومستشفى جديد ومدرسة وجامعة وشفخانة ومستشفى ونقول لأهلنا في الجزيرة كله قادم نحن عملنا محطات حرارية كل يوم محطات جديدة وسنبني السدود من أجل مياه رخيصة وبعد الفراغ من هذا سنبني محطة نووية للكهرباء ومن يستطيع منعنا وإيقافنا , وقد قلنا أن مشروع الجزيرة هو شيخ وناظر وأمير المشاريع, به 2 مليون فدان مروية ري دائم برنامجنا لها يقوم على إعادة تأهيل منظمات الري وإدراج تقنية جديدة في الري وإدخال محصولات جديدة وتركيبة محصولية جديدة لأننا نريد إنتاجية عالية ودخل لنعمل منه نموذج لأنه مشروع مؤسس يحتاج إلي عمل في بنيات الري الأساسية وتطويرها وتحديثها لزراعة المساحات كلها لا توجد منطقة مقطوعة أو عطشانة , نريد أن نكافح الآفات ونبحث عن المشروعات المناسبة للمنطقة ومناخها ولأرضها وتربتها ومزارعها نريد أن نعمل دخل إضافي للمزارع الذي نريده أن يسكن في منزل جيد وينعم بخدمات جيدة مياه وكهرباء وصحة وهاتف وتلفاز نريد المزارع أن يمتلك كل شيء , يا جماعة هذه الأربعين فدان تجعل الإنسان يعيش عيشة كريمة لديه عربة وأبقار وأغنام والمال لتعليم أولاده وعلاجهم في أي مكان , ولا نقول هذا الكلام أماني ولا كسب سياسي , ولكنها خطط وبرامج موضوعة للنهضة الزراعية لإخراج المشروع من كل أزماته ومشاكله لأن المشروع إذا وقف على رجليه سيحمل السودان كله وسيفيض خيره للدول المجاورة , أخوانا وأهلنا أصحاب الكروت وملاك الأراضي , القانون جديد قال يتم تمليك حواشة للمزارع وهذه الأرض لديها ملاك آخرون ولا يمكن أن تكون مملوكة لشخصين في آن واحد هنالك مالك جديد سيأخذ حقه ومالك جديد والحساب ولد , سنشكل لجان وهذا الأخ الوالي واتحاد المزارعين وإدارة المشروع ووزارة الزراعة الاتحادية لعمل الدراسات لإعطاء أصحاب الأراضي القديمة حقهم وكيفية تمليك الأراضي الجديدة للملاك الجدد حتى يطمئن المزارع على حواشته , وحين قلنا بتمليكها ليس من أجل البيع بل حتى لا تنزع منه وتصبح من حقه ملك له ولأسرته يورثها لأولاده , نريد أن نصنع استقرار نفسي للمزارع القاعد لربطه بهذه الأرض لخيرها الكثير والوفير وحتى تتم فلاحتها لمصلحتهم ومصلحة البلد , نحن معكم أهل الجزيرة من أجل توفير الخدمات , نريد كهرباء لكل فرد , ومياه صحية نظيفة لكل فرد وحيوان , نريد تعليم لكل أطفالنا , وعلاج بالمنطقة , لا نريد لأحد أن يذهب للخرطوم , أو الأردن أو أوربا , لديكم كوادر متوفرة وعلماء وبقليل من الإمكانات التي سنعمل على تنسيقها لن يكون هناك إنسان محتاج لأن يأخذ مريض خارج منطقته , نريد توفير العلاج والتعليم والخدمات , نريد نقل المدينة للريف لأن هذه هي العدالة وأنتم تستحقون وهذه هي المناطق المعنية بالتعمير وليس المدن , بكم وسواعدكم , ومعكم ومع الله سبحانه وتعالى وبعون الله كل الأماني ستتحقق , نترحم على الشريف زين العابدين الهندي الذي كنت أستمع له يوم الخميس ليلة تسلمي للسلطة سمعته يقول (البلد وصلت مرحلة لو أخذها كلب لن يقول له أحد جر) كانت هذه هي حالة البلد وهي حالة لا تشبه البلد هل نحن دولة نستحق أن يأخذها كلب ولا يقول له أحد جر , ونحن جئنا لإزالة المسغبة والأسباب التي دعت الشريف لقول هذا الكلام , ونقول له نحن اليوم فوق ورأسنا فوق وبلدنا لن يقترب منها أحد لأنها محروسة بأهلها ورجالها ونساءها وشهدائها وتاريخها وجغرافيتها وإمكانياتها وبمقدراتها سنحافظ عليها وعلى استقلالها وسنقدم في سبيلها المهج كما قدمنا الزبير محمد صالح النائب الأول وإبراهيم شمس الدين والعلماء والطلبة والمزارعين والعمال وكل فئات الشعب السوداني شهداء مضوا أمامنا سقوا هذه الأرض بدمائهم . الله اكبر

آي ممكن جدا ... أنا اعتقد انو لو قدرنا شغلنا كهربة السد،
ممكن نعمل طاقة بديلة من اللالوب خليك من نعمل محطة نووية ..!!

Quote: ممكن نعمل طاقة بديلة من اللالوب

لالوب شنو ياعزاز؟ ركزي شوية!
الراجل قال نووية
يعني من نوي البلح

الكريم ود على، لك التحية و التقدير

Quote: لأن الشريف زين العابدين هو وريث الشريف حسين الذي كان الوريث الشرعي لأزهري وهذه سلسلة من الرجال والرموز الذين كرسوا حياتهم للوطن والمواطن ولم يعملوا لدنيا أو كسب شخصي , كان يمكن أن تأتيهم المناصب , وتزاد لهم الأموال لكن كان همهم واحد وهو المواطن السوداني

قول حق أريد به بــــــــــــــاطــــــــــل





ش

ليه لا ؟؟

Quote: ليه لا ؟؟

لأنو ما ممكن تجيب لينا سمك...

لأنو ما ممكن تجيب لينا سمك...

سمك شون كمان ..

السم اليطوطرك .. يا الاصلك مطوطر ...

- كلفة إنشاء محطة طاقة نووية بنحو 1.5 – 2 مليار دولار
- من اللحظة التي تصادق فيها الدولة على إنشاء مثل هذه المحطة، سيحتاج الأمر ثماني سنوات لإنشائها، نحو أربع سنوات للتخطيط والمصادقة في اللجنة الخاصة للمنشآت الأمنية ونحو أربع سنوات أخرى لبنائها
- تبقى مسألة النفايات النووية والتخلص منها وخطورتها البيئية والصحية

Quote: كلفة إنشاء محطة طاقة نووية بنحو 1.5 – 2 مليار دولار - من اللحظة التي تصادق فيها الدولة على إنشاء مثل هذه المحطة، سيحتاج الأمر ثماني سنوات لإنشائها، نحو أربع سنوات للتخطيط والمصادقة في اللجنة الخاصة للمنشآت الأمنية ونحو أربع سنوات أخرى لبنائها - تبقى مسألة النفايات النووية والتخلص منها وخطورتها البيئية والصحية

مشوار الالف ميل يبدأ بخطوة

والمبدي متموم

سير سير يا البشير

بلاد حباها الله بكل شىء، ومع ذلك ما زلنا نستورد الذرة الشامية لتأكلها
الدواجن (أقسم بالله) بأنني ذهلتُ بالأمس عندما قال مذيع الفضائية السودانية
عن إتجاه الدولة لإستيراد الذرة الشامية. وكلنا يعرف بأن عيش الريف يمكن
زراعته داخل الحيشان. ما زلنا نستورد القمح والتوم الصيني أي والله نستورد التوم
من الصين والشطة من اثيوبيا....

وتقول لي نووي يا نووي،،،
ألم تكف عن الكذب الصراح بعد؟
ألم تكف عن الوعود الجوفاء بعد؟

فقط نحتاج لجرعات ماء نسد بها الرمق
في المدن التي تقع ما بين النيلين
ونريد ماء فقط،
نووي قال الكاذب الأشر!

Quote: مشوار الالف ميل يبدأ بخطوة والمبدي متموم سير سير يا البشير

هم بدوا لكن يا عمر عثمان ...

ياخي السد التموهو ما قادرين يشغلو خليك من النووية ..

ولعلمك يا عمر عثمان القصة ما بالاماني والوعود وشغل الكسب السياسي الفارغ دا
الحكاية محتاجة امكانيات وقدرات واهم حاجة ( نزاهة ) لمشروع زي دا وبالسودان ما متوفر الكلام دا ولا حايتوفر طالما ناس القشير ديل قاعدين بالسودان ..



امسك ( سير سير يا بشير دي في ياتو Way )
ما تكون عاكس الشارع بس

Quote: - كلفة إنشاء محطة طاقة نووية بنحو 1.5 – 2 مليار دولار - من اللحظة التي تصادق فيها الدولة على إنشاء مثل هذه المحطة، سيحتاج الأمر ثماني سنوات لإنشائها، نحو أربع سنوات للتخطيط والمصادقة في اللجنة الخاصة للمنشآت الأمنية ونحو أربع سنوات أخرى لبنائها - تبقى مسألة النفايات النووية والتخلص منها وخطورتها البيئية والصحية

يا واصل
أنا لا افهم موقفكم انت وعزاز
هل تستبعدون الخطوة ؟ ولماذا؟ هل لأننا لا نملك نفطا يتزايد انتاجه بما سيكفي لتمويل المشروع خلال سنتين فقط
ثم اذا كنت تستكثر التكلفة التي اوردتها .. ألا ترى انها تقل عن تكلفة سد مروي؟ يعني ممكن بنفس الطريقة؟
ثم بخصوص مدة الانشاءفأنت تعلم أنه يمكن استيراد محطة جاهزة من الصين او روسيا مثلا ويبقى تركيبها وباشراف الوكالة الدولية للطاقة النووية
واما النفايات ، فسيكون حالها حل كل الدول التي لديها محطات نووية لاغراض السلمية.. أم وقفت علينا نحن؟
الا تريدون الخير لوطنكم؟
أم لا تريدونه على يد هذه الحكومة بالذات ؟
بمعنى ان لسان حالكم هو : سودان ( شحاد ) بلا طاقة مستدامة وبلا نماء ولا تقدم ولا عصرنة خير من سودان نام متقدم ومزدهر على يد هذا البشير؟
هذا اسمه ( الحسد السياسي )!!!!! خذوا عني هذا المصطلح فمعظم الكتابات الشامتة والناقدة في هذا البورد تتأسس عليه : الحسد السياسي والايدولوجي كمان!!!
انتم تكرهون هذا السودان في الواقع فقط لانه ليس على شروطكم ومقاسكم، وتحبون سودانا آخر خيالي لا تدرون كيف ومتى ستحققونه وبأي شعب!!!
تريدون - منا نحن عامة الشعب السوداني - ان ننتظر ذلك التنوير في الظلام الدامس الذي يليق بنا مش كدا؟
الله يهديكم الى خير انفسكم وشعبكم الذي اخترتم النأي عنه ليس فكريا فقط ولكن جغرافيا وحياتيا ايضا.. وتريدون تغييره حسب شروطكم وبالريموت كنترول آمين
_______________
رب اشرح لي صدري

Quote: انتم تكرهون هذا السودان في الواقع فقط لانه ليس على شروطكم ومقاسكم، وتحبون سودانا آخر خيالي لا تدرون كيف ومتى ستحققونه وبأي شعب!!!

هذا حديث كونفيشيوسى بامتياز يامحمدعبدالقادر
وفى تقديرى من ابرع واميز القول فى تشخيص مرض وعلل المعارضة بمختلف انتماءاتها.

Quote: - كلفة إنشاء محطة طاقة نووية بنحو 1.5 – 2 مليار دولار - من اللحظة التي تصادق فيها الدولة على إنشاء مثل هذه المحطة، سيحتاج الأمر ثماني سنوات لإنشائها، نحو أربع سنوات للتخطيط والمصادقة في اللجنة الخاصة للمنشآت الأمنية ونحو أربع سنوات أخرى لبنائها - تبقى مسألة النفايات النووية والتخلص منها وخطورتها البيئية والصحية

هو انحنا مصنا القرارات الدولية في كبابي العصير و شربناها المجتمع الدولي
لمن جا يبارك لينا القيادة الرشيدة تقول لي 2 مليار ضولار؟

انحنا الدولة المتقدمة اللي كل بيت فيهو بير حقو براهو تقول لي صعبة المحطة؟

دفن نفايات؟؟؟ يعني شنو؟ ما ليل نهار ندفن في البني آدمين تغلبنا النفايات؟

دي مقدور عليها بنعلمها ... بنعملها ...

هيييييييع هلا هلا ...

يا جماعة زول يجي يرمي لينا طلاق هنا علشان يحرر الموضوع

الموضوع دا تمت مناقشته هنا من قبل في بوست
مفاعل نووي سوداني ؟ رئيس زي دا اصلو ما معقول نسلمه

وهذا ما كتبته في ردي Re: مفاعل نووي سوداني ؟ رئيس زي دا اصلو ما معقول نسلمه

Quote: الكلام دا ما جديد ومن السنة الفاتت تم الاتفاق بين حكومة السودان (وزارة العلوم والتقانة) والوكالة الدولية للطاقة الذرية (IAEA) للبدء في إنشاء محطات نووية لغرض البحوث وتوليد الطاقة الكهربائية.. المشاريع والتشغيل سيكون تحت مراقبة وإشراف الوكالة الدولية.. السودان دولة موقعة على معاهدة الحد من انتشار الأسلحة النووية (NPT).. وتحت البند الرابع من المعاهدة يحق للسودان لاستعمال الطاقة النووية للأغراض السلمية. للاطلاع على معاهدة الNPT اضغط على الرابط أدناه http://www.iaea.org/Publications/Documents/Infcircs/Others/infcirc140.pdf ---------------- البترول لن يدوم للأبد (ولا حتى لـ30 سنة مقبلة) وفي هذه الظروف (يجب) على السودان كدولة تخطط للنمو والتطور أن تتقدم في مجال الطاقة النووية حتى تكون لديها مصادر متنوعة للطاقة البديلة حين ينضب النفط.. سد مروي قد يحل المشكلة مؤقتاً.. ولكن مع النمو المتوقع والمرجو للسودان بالتأكيد لن يكفي هذا السد في سد الاحتياجات.. موضوع الطاقة النووية يدخل في ضمن التخطيط طويل المدى (عشر سنوات وما بعد).. ------------------ نعم يمكن شراء مفاعل نووي.. وهو الحل الأمثل للسودان.. وهناك شركات ومؤسسات تقوم فعلاً بهذه التجارة بصورة واضحة تحت اشراف حكوماتها والوكالة الدولية IAEA الأردن (يشتري) مفاعلاً نووياً من شركة فرنسية الصين (تشتري) 4 مفاعلات نووية من شركة أمريكية فنزويلا (تشتري) مفاعلاً نووياً متوسط الحجم من الأرجنتين الهند (ستشتري) مفاعلات نووية من الولايات المتحدة ----------------------------- أزمة إيران سببها رفضها للإشراف الدولي على منشآتها.. أما السودان فهو يبدأ بداية صحيحة بالاتفاق مع الوكالة الدولية قبل البدء.. وهذه الأخيرة لن توفر مجهوداً في إنجاح هذه المشاريع ما دامت مشرفة عليها بل وربما تساعد السودان على الوصول إلى صفقات cost effective وتسهيل الأمور.. وهذا واحد من الأهداف الأساسية لإنشاء هذه الوكالة.. يمكنكم مراجعة النظام الأساسي للوكالة (الرابط للنسخة العربية).. مثلاً المادة الثالثة تقول

كما أضفت في Re: مفاعل نووي سوداني ؟ رئيس زي دا اصلو ما معقول نسلمه

Quote: عالمياً.. توجد 30 (ثلاثون) دولة تمتلك ما مجموعه 436 مفاعلا نوويا عاملا (operational) لغرض التوليد الكهربائي .. وتولد إجمالي 371,927 ميقاواط من الطاقة الكهربائية.. أكثر دول العالم امتلاكاً للمفاعلات هي: الولايات المتحدة (104 مفاعل).. فرنسا (59 مفاعل).. اليابان (53 مفاعل).. روسيا (31 مفاعل).. من الدول التي تمتلك مفاعلات نووية قليلة: أرمينيا (1).. ليتوانيا (1).. سلوفينيا (1).. بلغاريا (2).. البرازيل (2).. المكسيك (2).. رومانيا (2).. حنوب أفريقيا (2).. من الدول التي تخطط لإنشاء مفاعلات للطاقة: مصر وإيران وبولندا وإيطاليا وتايلندا وتركيا..

ياخى ابني ليك صرف صحى لناس الخرطوم ديل
بعداك تعال اتفاصح

ناس ماقادره تتخلص من فضلاتها
(ده خليك من انهيار المدارس والمراكز الصحيه
وغيره................)
المشوبره فوق شنو ماعارف.......!

Quote: يا واصل أنا لا افهم موقفكم انت وعزاز هل تستبعدون الخطوة ؟ ولماذا؟ هل لأننا لا نملك نفطا يتزايد انتاجه بما سيكفي لتمويل المشروع خلال سنتين فقط ثم اذا كنت تستكثر التكلفة التي اوردتها .. ألا ترى انها تقل عن تكلفة سد مروي؟ يعني ممكن بنفس الطريقة؟ ثم بخصوص مدة الانشاءفأنت تعلم أنه يمكن استيراد محطة جاهزة من الصين او روسيا مثلا ويبقى تركيبها وباشراف الوكالة الدولية للطاقة النووية واما النفايات ، فسيكون حالها حل كل الدول التي لديها محطات نووية لاغراض السلمية.. أم وقفت علينا نحن؟ الا تريدون الخير لوطنكم؟ أم لا تريدونه على يد هذه الحكومة بالذات ؟ بمعنى ان لسان حالكم هو : سودان ( شحاد ) بلا طاقة مستدامة وبلا نماء ولا تقدم ولا عصرنة خير من سودان نام متقدم ومزدهر على يد هذا البشير؟ هذا اسمه ( الحسد السياسي )!!!!! خذوا عني هذا المصطلح فمعظم الكتابات الشامتة والناقدة في هذا البورد تتأسس عليه : الحسد السياسي والايدولوجي كمان!!! انتم تكرهون هذا السودان في الواقع فقط لانه ليس على شروطكم ومقاسكم، وتحبون سودانا آخر خيالي لا تدرون كيف ومتى ستحققونه وبأي شعب!!! تريدون - منا نحن عامة الشعب السوداني - ان ننتظر ذلك التنوير في الظلام الدامس الذي يليق بنا مش كدا؟ الله يهديكم الى خير انفسكم وشعبكم الذي اخترتم النأي عنه ليس فكريا فقط ولكن جغرافيا وحياتيا ايضا.. وتريدون تغييره حسب شروطكم وبالريموت كنترول آمين _______________ رب اشرح لي صدري

قطعة فنية تستحق نختها في برواز يليق بيها
ولكن لدي سؤال أرجو ألا يشتت ذهن المستغرق في التأمل : الزول ده من صحو؟

يا عزاز عجبتني في مداخلة الاخ سبيل

" نحن عامة الشعب السوداني "

يا اخوي المداخة كلها طاعمة و لزيزة و همبريبها عالي ...
ياخي حلوة لمن ممكن تاكلها بزرايرها (رد) (عدل) (ملفك)

Quote: يا واصل أنا لا افهم موقفكم انت وعزاز

وماهو موقفي?

الأخ واصل
هذا الكاذب الشرير يكذب ويكذب ويتحرى الكذب .... فشلوا في زراعة 90 فدان قطن ، وفشلوا كذلك في إعادة تأهيل (فبركة) (محلج) قطن واحد ، وفشلوا في تأهيل (5) كيلو من ترعة الجزيرة الرئسية ... جعلوا مواطن الجزيرة متسول ... الآن يحدثنا عن الوطن والوطنين والشرفاء وكمان محطة نووية ... ملعون وملعون وكاذب أشر ... هل يعلم كم عدد كان نصيب المزارع ونصيب البنوك والزكاة والأمن في قمح موسم 2009 ؟ للجحيم هو ومن يصفق ويهلل ويكبر له
الشفيع

Quote: سمك شون كمان .. السم اليطوطرك .. يا الاصلك مطوطر ...

؟؟؟؟؟؟؟؟؟؟؟؟؟؟؟؟؟؟؟؟

Quote: يا واصل أنا لا افهم موقفكم انت وعزاز هل تستبعدون الخطوة ؟ ولماذا؟ هل لأننا لا نملك نفطا يتزايد انتاجه بما سيكفي لتمويل المشروع خلال سنتين فقط ثم اذا كنت تستكثر التكلفة التي اوردتها .. ألا ترى انها تقل عن تكلفة سد مروي؟ يعني ممكن بنفس الطريقة؟ ثم بخصوص مدة الانشاءفأنت تعلم أنه يمكن استيراد محطة جاهزة من الصين او روسيا مثلا ويبقى تركيبها وباشراف الوكالة الدولية للطاقة النووية واما النفايات ، فسيكون حالها حل كل الدول التي لديها محطات نووية لاغراض السلمية.. أم وقفت علينا نحن؟ الا تريدون الخير لوطنكم؟ أم لا تريدونه على يد هذه الحكومة بالذات ؟ بمعنى ان لسان حالكم هو : سودان ( شحاد ) بلا طاقة مستدامة وبلا نماء ولا تقدم ولا عصرنة خير من سودان نام متقدم ومزدهر على يد هذا البشير؟ هذا اسمه ( الحسد السياسي )!!!!! خذوا عني هذا المصطلح فمعظم الكتابات الشامتة والناقدة في هذا البورد تتأسس عليه : الحسد السياسي والايدولوجي كمان!!! انتم تكرهون هذا السودان في الواقع فقط لانه ليس على شروطكم ومقاسكم، وتحبون سودانا آخر خيالي لا تدرون كيف ومتى ستحققونه وبأي شعب!!! تريدون - منا نحن عامة الشعب السوداني - ان ننتظر ذلك التنوير في الظلام الدامس الذي يليق بنا مش كدا؟ الله يهديكم الى خير انفسكم وشعبكم الذي اخترتم النأي عنه ليس فكريا فقط ولكن جغرافيا وحياتيا ايضا.. وتريدون تغييره حسب شروطكم وبالريموت كنترول آمين _______________ رب اشرح لي صدري

كلام غير موفق خاصة اني لم ابدي رأيا في الموضوع وانما اتيت بالخبر ومعلومات اضافية وخرجت علينا بهذا الكلام الذي اعتبره مزايدة ومراهقة سياسية ليس الا وحتى لو ان اشخاصا مثل عزاز لهم رأي مختلف فمن الخطأان تحاول ان تجردهم من وطنيتهم بهذا الأسلوب لأنهم بامكانهم ان يقولوا نفس الكلام عنك.

Quote: - تبقى مسألة النفايات النووية والتخلص منها وخطورتها البيئية والصحية

دي محلولة...يعملوا ليها لجنة برئاسة النجم المُشع...المتعافي!

Quote: الزول ده من صحو؟

الزول ياتو؟
أنا وللا البشير ؟
كان على البشير انت عارفاهو سواااي ما حداس ، ودي العاجبني فيو، وبل سواتو بتغلب حديسو وبتسبقو مرات
وكان علي أنا العبد الفقير الى الله ( لا مؤتمر وطني ولا عندي حزب ولا مصلحة مع زول .. الا قولة الحق ونصرة الله تعالى ما استطعت امتثالا لقوله عز وجل : ان الانسان لفي خسر الا الذين آمنوا وعملوا الصالحات وتواصوا بالحق وتواصوا بالصبر
أهاالمحيرك شنو في كلامي
زول عادي مؤيد للبشير في تنمية البلد وحسم التمرد بالسلاح زيو وزي اي رئيس الله خلقوا
ودا مصدر خلافاتي مع كتيرين في البورد دا
واعتقد تماما انو البشير بامكانو انشاء محطة نووية فعلا للكهرباء خلال فترة ولايته المضمونة والمقبلة (!!!!!!!!!!)
________________
رب اشرح لي صدري

Quote: واعتقد تماما انو البشير بامكانو انشاء محطة نووية فعلا للكهرباء خلال فترة ولايته المضمونة والمقبلة

هي !!! مالك ما قلت ان شاء الله؟؟

متأكد انو خلاص رمى حبلو فوقها ولا راد لأمره؟

غايتو الله وقت تدوو تختو توقيع، وفي الكلام المقعد تنسى تقول بمشئتو ...

الكلام ده نيء ولا شنو؟؟؟

Quote: ياخي السد التموهو ما قادرين يشغلو خليك من النووية ..

طيب ياحيدر ماتجي انت وانا وكلنا الاداري والمهندس والطبيب والقانوني ...... الخ

نساعدهم ما عشان خاطر المؤتمر الوطني عشان خاطر السودان ومساعدتنا تبدأ من الحفاظ

على وحدة وسلامة السودان نتفق على خطوط حمراء كلنا حكام ومعارضين نتفق على الاشادة

بالحاجة الصاح وتشجيع الامنيات الطيبة عسي ان تصبح حقيقة.

تعرف ياحيدر مرات بجيني شعور انو في ناس وسودانيين يتمنو فشل سد مروي نكاية في

الانقاذ او المؤتمر الوطني ... وين عبدالناصر وين السادات كل نفس ذائقة الموت

لكن السد العالي قاعد ومصر تتمتع بتيار كهربائي منتظم ورخيص.

Quote: البشير: (الدايرنا يَجرِّب لحسة كوعو) أكَّد الرئيس عمر البشير مواصلة إنشاء العديد من مشاريع التنمية لتعزيز ضمانات قيام نهضة تنموية عادلة ومستقرة تنتظم كل ولايات السودان، لتكون رداً حاسماً على كل المؤامرات والمكايدات التي تَستهدف البلاد. وتَعهّد الرئيس لدى مخاطبته أمس الحشد الجماهيري بولاية الجزيرة بمناسبة الاحتفال بإفتتاح كوبري رفاعة - الحصاحيصا بإعادة إعمار مشروع الجزيرة وتطويره، لتغيير التركيبة المحصولية لزيادة الإنتاج والدخل ورفع مستوى دخل المزارعين. ودعا لتنسيق الجهود بين الحكومة ومُلاك الأراضي الزراعية للنهوض بالمشروع، وتوطين صناعة المنتجات محلياً بدلاً من تصديرها موادا خاما لتتحقق الاستفادة القصوى وتعم الفائدة الجميع.وشَدّدَ البشير على ضرورة الاتجاه للزراعة والإنتاج والاعتماد على المنتجات الوطنية ومقاطعة الإعانات والإغاثات والسلع المستوردة على رأسها اللبن المجفف. وأشار الرئيس إلى ان استهداف السودان بات عملاً مخططاً له ويعود الى ان حكومة الوحدة الوطنية تنتهج نهجاً إسلامياً وَتَتَمسّك بمبادرة الدين والقيم في تسيير دولاب الدولة. وقال: (الدايرنا يجي يجرِّبنا والطمعان في خيراتنا يجرِّب لحسة كوعو). داعياً لضرورة وحدة أبناء الشعب السوداني في الوقت الراهن بمختلف قبائلهم وكياناتهم السياسية لتعزيز التعايش وضمان الاستقرار ودفع عجلة التنمية.

يا ستي ان شاء الله تعالى
لكن بس نحنا قلنا

Quote: انو البشير بامكانو

ما قلنا سيفعل ذلك غدا بالتأكيد
خلاص
بامكانو ان شاء الله تبارك وتعالي
_______________
رب اشرح لي صدري

Quote: واعتقد تماما انو البشير بامكانو انشاء محطة نووية فعلا للكهرباء خلال فترة ولايته المضمونة والمقبلة (!!!!!!!!!!)

لا يا اخوي انا قاصدة (المضمونة) الدرعتها لينا من غير دلائل
وانا فكري انو الانتخابات هي الحد الفاصل اتاري اسئلة الامتحان
موزعنها من بدري ...!!!!

غايتو نحن فعلاً تسمية دولة خسارة فينا ... نشيد سدود ونغرق بلاد من اجل توليد الكهرباء بل ونقتل الشباب الذين وقفوا ضد إغراق بلادهم (فى كجبار وفى أمري) وقبل ان تجف دمائهم نسعى لبناء محطة ننوية لتوليد الكهرباء

لم اجد جملة مناسبة لوصف ما يدور بالعربية ولكني ساوجزها بالنوبية

"إنقو منجا سولتون إترا تفينا" engo menja soltoun etirra tufeina

حقوق الترجمة محفوظة للناطقين بها

دا خطاب طوباوي اخير منه خطاب محمد سبيل الفوق يا عمر عثمان رغم انك بتكرر نفس الفكرة في نيات الناس البيخاطوك هنا ...

Quote: نتفق على الاشادة بالحاجة الصاح وتشجيع الامنيات الطيبة عسي ان تصبح حقيقة.

دي بنخليها ليكم يا عمر عثمان زينوها ولمعوها وزيدوها ( كوزين ) موية .. انا بتكلم عن العيوب
عن الفساد .. عن الرشوة .. عن المحسوبية .. عن انعدام الحريات .. عن الاغتصابات البتحصل .. عن العطالة وانعدام الفرص ..عن الفجوة الاجتماعية الحاصلة واختفاء الطبقة الوسطي .. عن نهب المال العام .. واهم حاجة عن عدم احترام حقي الانساني في عيش حياة كريمة وفق خيارات متعددة املك فيها راي اتكلم عن تدني مستوي التعليم وهجرة العقول بسبب سياسات الصالح العام وتدني الاجور والخدمات عن رفع الدعم عن التعليم والصحة .. عن و عن وعن ..
وانت بتجي تتكلم لي عن محطة نووية .. صُرح بيها كشطحة بشيرية اخري وجاي تزايد بيها ..
قبل يومين او تلاتة كنت بستمع لخطاب الرئيس المفدي في اجتماع الوزراء بملكال ..
اتكلم عن سياسة التعليم وبعضمة لسانه قال انه وقت جوا للحكم ( وقصده بالدبابة ) قابلتهم مشكلة في قلة المدارس والجامعات وكان لابد من التوسع فيها فقابلتهم مشكلة هل يهتموا بتوفير الكتاب والمعلم المؤهل والكيفية ام يهتموا بالكمية ويفتحوا المدارس على حساب تاهيل الابناء بدون ادني معايير تعليمية مفيدة ..
وقال يا جماعة لقينا انه الخيار التاني انسب نفتح المدارس ونفتح الجامعات وبعد داك الله يسهل والامور بتتحل لي قدام ..
وعشرين سنة ما اتحلت الامور يا عمر عثمان ..

المناسبة ذكرني كلام البشير بعد اعترافه بفشل سياسة التعليم وعدم اخذ الراي الصحيح والعلمي والتسرع وما يقدم فيها قال ( وطبعا ابناءنا اهم حاجة ديل المستقبل ونحن لو ما اهتمينا بيهم البيهتم بيهم منو ؟ وعشان كدة جات سياستنا ورؤانا )
شفت كيف يا حبيب بيفشل ويحتفل بفشله ويزين ليهو بجملة عاطفية في النهاية ( وي كير ) زي ما بتحاول تقدم ليها انت هنا بمفهوم ايد ابوي على ايد اخوي ..
لا يا عمر عثمان يرحل الانقاذيون غير مأسوف عليهم ويسلموا خيار الشعب للشعب ليختار المهندس والطبيب والعامل الكفء ليقوم بواجبه في نهضة البلد بدل ان يجلس الانقاذيون ويختارون المهندس والعامل والطبيب بناءاً على الولاء له وليس كفاءته ..

Quote: لا يا اخوي انا قاصدة (المضمونة) الدرعتها لينا من غير دلائل وانا فكري انو الانتخابات هي الحد الفاصل اتاري اسئلة الامتحان موزعنها من بدري ...!!!!

عليك الله يا عزاز انتي بوعيك دا كلوا
ما قادرة تستنبطي انو جقلبة الاحزاب المعارضة دي كلها:
دايرين حكومة قومية
تأجيل الانتخابات
نتائج الاحصاء ما ياها
تسليم البشير عشان مجرم
الجماهير المرقت ضد الجنائية منومة مغنطيسيا أو هي فورة لبن ساكت
الجرسة دي كلها عشان شنو بالله؟ تفتكري من شدة حرصهم على مصلحة الوطن مثلا؟!!!
تب ما ظنيت
دا كلو عشان الحاجة بقت مضمووونة في نظر المعارضة
والزول بقى البلزو ما برميو: انجازات ملموسة وثقة بالنفس وكاريزما وشعبية كاسحة وتحسن خدمات
اما انا وانت فنقول : ان شاء الله الذي يؤتي الملك من يشاء وينزع الملك ممن يشاء( اللهم ول الاصلح واهدنا الى طاعته واهدنا الصراط المستقيم) قولي آمين
_______________
رب اشرح لي صدري

Quote: جقلبة الاحزاب المعارضة دي كلها:

هي كانت في الاصل حاكمة بديمقراطية كمان

ناسك ديل سرقوها بليل

جقلبة شنو يامحمد

طبعا ده ما غريب على اسلامي يساند فاقدين شرعية وحرامية سلطة

Quote: عليك الله يا عزاز انتي بوعيك دا كلوا ما قادرة تستنبطي انو جقلبة الاحزاب المعارضة دي كلها: دايرين حكومة قومية تأجيل الانتخابات نتائج الاحصاء ما ياها تسليم البشير عشان مجرم الجماهير المرقت ضد الجنائية منومة مغنطيسيا أو هي فورة لبن ساكت الجرسة دي كلها عشان شنو بالله؟ تفتكري من شدة حرصهم على مصلحة الوطن مثلا؟!!! تب ما ظنيت دا كلو عشان الحاجة بقت مضمووونة في نظر المعارضة والزول بقى البلزو ما برميو: انجازات ملموسة وثقة بالنفس وكاريزما وشعبية كاسحة وتحسن خدمات اما انا وانت فنقول : ان شاء الله الذي يؤتي الملك من يشاء وينزع الملك ممن يشاء( اللهم ول الاصلح واهدنا الى طاعته واهدنا الصراط المستقيم) قولي آمين

ده كلو ما بيحلك ...
ليه ما قلت المضمونة ان شاء الله او بإذن الله؟
و الضمان شنو؟
ليه؟ ده السؤال المفصلي في اللحظة دي لانو على ضوئها بنفرز الكيمان
انت وقت ما كوز ولا جبهجي طرحت رؤيتك دي راقد فوق راي؟ ولا استشراف للمستقبل
لمن نسيت تقول ان شاء الله، وهو الله عز جلاله البتدعيهو في ذيل كل مداخلة يشرح لك صدرك ..

Quote: وبعد الفراغ من هذا سنبني محطة نووية للكهرباء ومن يستطيع منعنا وإيقافنا

هل يعلم السيد رئيس الجمهورية كم عدد (الابخانات و السيوفنات ) بولاية الخرطوم ؟. و لحين عمل الصرف الصحي للعاصمة الحضارية !!!!!,. علي الرئيس التوقف عن احلام زلوط.


مع الاعتذار لزلوط في سرقة احلامه

Quote: كلام غير موفق خاصة اني لم ابدي رأيا في الموضوع وانما اتيت بالخبر ومعلومات اضافية وخرجت علينا بهذا الكلام الذي اعتبره مزايدة ومراهقة سياسية ليس الا وحتى لو ان اشخاصا مثل عزاز لهم رأي مختلف فمن الخطأان تحاول ان تجردهم من وطنيتهم بهذا الأسلوب لأنهم بامكانهم ان يقولوا نفس الكلام عنك.

واصل اخوي
اولا من الناحية الاعلامية هنالك ما يسمي ترتيب اجندة الرأي العام
فعن طريق تسليط الضوء الاعلامي واستلفات المتلقي نحو جانب من جوانب شخص ما او جهة ما فان هذا يعد موقفا عمليا له اهداف سواء لصالح او ضد هذا الشخص
والامانة المهنية تقتضي الطرح بحياد دون الاشارة والتركيز على شئ معين دون سواه
انت في هذا البوست تحاول تقديم الرئيس بصورة تسئ اليه من اخلال انتقاء جوانب وانواع معينة من تصريحاته .. فهل تعتبر نفسك محايدا وليس لك غرض؟ أم ماذا تظننا ؟
ثم بخصوص قولك انني اشكك في وطنيتكم
هذا غير صحيح
وانما اعتقد بأن المدخل نحو ممارسة حقوقنا الوطنية ينبغي ان يكون منسجما مع الشرط الموضوعي لشعبنا ووطننا ومصالحه وثقافته وخياراته التي يشهد عليها التاريخ ، لا ان نناضل بشروط خارج قابلياته الثقافية
هذا كل شئ
_____________
رب اشرح لي صدري

Quote: انت في هذا البوست تحاول تقديم الرئيس بصورة تسئ اليه من اخلال انتقاء جوانب وانواع معينة من تصريحاته

انا اوردت خطاب البشير كاملا غير منقوص من وكالة سونا ولم اصدر حكما فاين الإساءة?

Quote: ثم بخصوص قولك انني اشكك في وطنيتكم هذا غير صحيح

Quote: انتم تكرهون هذا السودان

وماذا تسمي هذا?

سـلام يا واصل،، وعـزاز والجمـيع:
هسي بالله الفرق شنو بين كـلام البشـير عن (القنبلة) النووية دي، وبين : الدايرنا يجي يجرِّبنا والطمعان في خيراتنا يجرِّب لحسة كوعو؟! يعني بالنسبة لي أنا قومة النفس ما في ليها داعي من أصلو، وزي ما قالوا بقينا بس نضحك مما نسمع،، وممكن تسمعوا لأي خطاب للرئيس في أي من أرياف السودان عشان تتسلوا بنوع الكـلام دا وزي: المحكمة ومدعي المحكمة وقضاة المحكمة وأمريكا وفرنسا وبريطانيا كلهم تحت جزمتي دي.. ورئيس زي دا أصلو ما شفنا.. وزي كلامو للجزيرة مع بن جدو، قال شنو: قال (رشحت) معلومات إنو عرفات مات بالسم الختوه ليهو في الدوا.. وناس الإنقاذ ديل كلهم حتى كضب زي الناس ما بعرفوا ليهو،، هو ما شاف كولن باول، مع إنو كان (مجبورة خادم الفكي على الصلاة)،، لامن داير يدلل على أسلحة صدام حسين الكيماوية والما لاقينها ليوم الليلة، لكن برضو كان شايل معاهو خرط وصور أقمار صناعية ومعلومات إستخباراتية الخ الخ.. وتاني رئيس ونّاس زي دا أصلو ما ممكن نسلمو.. تحياتي.

حسي قبيل انت موش قلت

Quote: وكان علي أنا العبد الفقير الى الله ( لا مؤتمر وطني ولا عندي حزب ولا مصلحة مع زول

وبعدين تقول:

Quote: واصل اخوي اولا من الناحية الاعلامية هنالك ما يسمي ترتيب اجندة الرأي العام فعن طريق تسليط الضوء الاعلامي واستلفات المتلقي نحو جانب من جوانب شخص ما او جهة ما فان هذا يعد موقفا عمليا له اهداف سواء لصالح او ضد هذا الشخص والامانة المهنية تقتضي الطرح بحياد دون الاشارة والتركيز على شئ معين دون سواه انت في هذا البوست تحاول تقديم الرئيس بصورة تسئ اليه من اخلال انتقاء جوانب وانواع معينة من تصريحاته .. فهل تعتبر نفسك محايدا وليس لك غرض؟ أم ماذا تظننا ؟

انا من رأي تبقى مؤتمر وطني القاعد ليها شنو؟
قوم الحق خوانك قامو بالبلد ما خلو فيها حاجة!

احلفك الرئيس أو نوابه الرئيس حاوجننا نمشي نفتش ليهم الكعب و نخت توم و شمار؟
هم ما مقصرين بيجيبو لينا الكلام لحد عندنا و انحنا نسمع و نستعجب ...

حسي واصل خاتي انو نقل ليك الكلام؟
يعني نجيب من وين كلام مقعد و مرتب؟ إلا نكتبو انحنا ونعمل دوبينق ونخش في منتجة
وعمل درامي ... نكضب؟ نجيب من وين؟؟؟

Quote: ثم بخصوص قولك انني اشكك في وطنيتكم هذا غير صحيح وانما اعتقد بأن المدخل نحو ممارسة حقوقنا الوطنية ينبغي ان يكون منسجما مع الشرط الموضوعي لشعبنا ووطننا ومصالحه وثقافته وخياراته التي يشهد عليها التاريخ ، لا ان نناضل بشروط خارج قابلياته الثقافية هذا كل شئ

لوحة أخرى سريالية جميلة تحتاج برواز تاني ...

يا اخوانا فضو لينا منبر نعلق فيهو الاعمال الفنية دي!

Quote: انا من رأي تبقى مؤتمر وطني القاعد ليها شنو؟

والله غالية ونصيحتك غالية
بس خليني استخير
_______________
رب اشرح لي صدري

لالوب شنو يا عزاز؟؟حصحاص القنقليز بيعمل في شنو؟؟؟!!
إزيك يا واصل يا خوي..
لنا

ياااااااااااااة السودان ............. نووووووووووى

و الله يكون احلا بلد لوا الكهرباء رخيصة و ما بتقطع

انشاء الله نعيش و نشوف السودان فيهوا نووى (بس يكون حلال)

الله ينصرك و يسهل ليك طريقك و تجيب لينا النووى.


والله انا لو ممكن اقابل الرئيس دة حا اقول ليهوا حاجة و احدة

Quote: السواااي ما حداس

..........................................................
ياخى انا عاجبنى السلطان قابوس

Quote: Quote: انتم تكرهون هذا السودان وماذا تسمي هذا?

واصل
هناك سودان الانقاذ وما قبله ومابعده
يتحدد السودان الذي نبغضه او نحبه على المضامين السائدة فيه سياسيا واجتماعيا وثقافيا ومعيشيا
every one thinks & seeks the SUDAN that suits him, others should go to hell
فتصوراتنا للسودان الجميل متباينة واحيانا متناقضة
لذا فلا امل في هدوء جذري وتبني مشترك لنمط محدد
كل يغني على ليلاه ويعتبر ان ليلاه هي وحدها ليلي وغيره اعمى ويحتاج الى حل مشكلته لرؤية ما هو واضح وبسيط ولا لبس فيه وطاخ طاخ طاخ في كل مكان
اها فهمتني؟
انتم تكرهون السودان فعلا، لكن تحبون سودانكم الغالي الخيالي ، تكرهون سودان البشير المختلف طبعا عن سودان نميري المختلف عن سودان الديمقراطيات الفاشلة والمختلف عن السودان الجديد بتاع الجماعة التانيين وهلم جرية!!!
_______________
رب اشرح لي صدري

Quote: بس خليني استخير

قبل ولا

Quote: خلال فترة ولايته المضمونة والمقبلة

Quote: "إنقو منجا سولتون إترا تفينا" engo menja soltoun etirra tufeina

والله لم أجد أصدق من هذا التعبير النوبي الحكيم الصادر
من نفس نوبية ساخرة، في الإستدلال على تخرصات رئيسنا الذي
يجيش البلاد كلها من اجل إفتتاح كبري وينشىء سدا (غامضا)
ثم يعلن وزراءه عن نيتهم لتصدير الكهرباء لدول الجوار، وقبل
أن يجف الحلقوم الكاذب، يأتي ويقول سننشىء محطة نووية ثم
يصرّح تنبل من وزرائه بأن الكهرباء لن تستقر الا بحلول عام
كذا ....

المثل النوبي إن أمكنني ترجمته يقول...
هؤلاء يأخذون من اللبن لقمة ويغمسونها
في المُلاح...أو كما قيل..

أشتر والدنيا فانية....

________________________________
نووي قال نووي، وهو كاذب أشر!

بدل الطاقة النووية دي محطة كبيرة لتوليد الكهرباء من حركة الهواء

أرخص عشرات المرات في تكلفتها وأسلم وأأمن وتنتج كهرباء لحوالي مليون بيت

http://www.youtube.com/watch?v=Y7Qs2gFlt-o&feature=related

(الشريف زين العابدين الهندي الذي كنت أستمع له يوم الخميس ليلة تسلمي للسلطة سمعته يقول (البلد وصلت مرحلة لو أخذها كلب لن يقول له أحد جر) كانت هذه هي حالة البلد وهي حالة لا تشبه البلد هل نحن دولة نستحق أن يأخذها كلب ولا يقول له أحد جر )

Quote: الرئيس السوداني يقول ان بلاده ستبني محطة نووية للكهرباء!!

*وقال الرئيس البشير

الحيوقفنا منوا
ومنوا البيقدر يوقفنا


اخلاقيا كيدا يا سيادة الرئيس
شي ضار بالبيئة ويولد نفايات
ما دايرنو... ومرفوض


تحياتي
للجميع.