Post: #1
Title: ايه قصة البواليس المدورة في المنبر دي!
Author: Marouf Sanad
Date: 05-26-2009, 07:27 PM
اي زول تهبشو يقول ليك:
زمان لمن كنت بوليس!
|
Post: #2
Title: Re: ايه قصة البواليس المدورة في المنبر دي!
Author: osman righeem
Date: 05-26-2009, 07:47 PM
Parent: #1
اها انت كنت بوليس؟
غايتو انا ما كنت و الحمد لله
|
Post: #3
Title: Re: ايه قصة البواليس المدورة في المنبر دي!
Author: Marouf Sanad
Date: 05-26-2009, 07:56 PM
Parent: #2
اهلا يا رغيم
| Quote: اها انت كنت بوليس؟ |
I never have, and I never will
مع تقديري للصديق عادل حمزة
|
Post: #4
Title: Re: ايه قصة البواليس المدورة في المنبر دي!
Author: سيف النصر محي الدين محمد أحمد
Date: 05-26-2009, 07:59 PM
Parent: #3
سلامات يا عريس
غايتو في ناس كده مستعدين يعملوا السبعة و ذمتها عشان يرجعوا ...انشاالله برتبة امباشي.
|
Post: #5
Title: Re: ايه قصة البواليس المدورة في المنبر دي!
Author: خدر
Date: 05-26-2009, 08:03 PM
Parent: #4
اها انا مرقت من السجن الليلة
___
كسرة يا ابوعلي
|
Post: #6
Title: Re: ايه قصة البواليس المدورة في المنبر دي!
Author: الطيب عثمان يوسف
Date: 05-26-2009, 08:09 PM
Parent: #5
*** أنا ..... الحمد لله
|
Post: #8
Title: Re: ايه قصة البواليس المدورة في المنبر دي!
Author: الطيب عثمان يوسف
Date: 05-26-2009, 08:16 PM
Parent: #6
*** بس يا عمك
ماورانا الكسره دى قبل أم فى أم بعد السجن
*** حمدا لله على السـلامه حاج الخدر
همسه :
الكسرات أنواع ... أوع تكون الكسره ديييك
|
Post: #41
Title: Re: ايه قصة البواليس المدورة في المنبر دي!
Author: خدر
Date: 05-27-2009, 08:54 AM
Parent: #8
الطيب سلامات
كسره يا ابوعلي حقتنا دي بتاعت حسن عطية الله يرحمو
و الاكسبرشن ده جا من انو حسن عطية كان رائد الكسرة (تخفيف الايقاع في نهاية الاغنية)
و ده كان اول تطوير لي كسرة إغنية الحقيبة.
و ابوعلي في كلامي هو معروف سند العريس المطرطش البخاف من البوليس
و حمانا الله و إياكم يا الطيب الكسرة إياها
يا الطيب نحن اتلاقينا في جدة سنة 1995
متذكر ؟ 
|
Post: #7
Title: Re: ايه قصة البواليس المدورة في المنبر دي!
Author: Marouf Sanad
Date: 05-26-2009, 08:10 PM
Parent: #5
Quote: سلامات يا عريس
غايتو في ناس كده مستعدين يعملوا السبعة و ذمتها عشان يرجعوا ...انشاالله برتبة امباشي. |
سلامات يا دوك
ياخي خليهم يرجعو من قدام وشنا كدا ولا كدا
|
Post: #9
Title: Re: ايه قصة البواليس المدورة في المنبر دي!
Author: Marouf Sanad
Date: 05-27-2009, 03:28 AM
Parent: #7
| Quote: اها انا مرقت من السجن الليلة |
يا مولانا ازيك
بس اوعى تقول لي السجن برضو ملان بواليس ذي هنا!
|
Post: #10
Title: Re: ايه قصة البواليس المدورة في المنبر دي!
Author: حيدر حسن ميرغني
Date: 05-27-2009, 03:45 AM
Parent: #9
يامعروف ما بواليس ياخي
قول "ضباط شرطة" إكراما للتراتبية البوليسية
عندهم بوستات قيَمة جدا
تجدني دائما في دواس خفيف مع واحد منهم
مابعجبو كلام اخوانا "الملكية" في الحاجات العندها علاقة بعملو "زمان"
مثلا يقولو فلانة صدمتها ركشة خوفا من الكشة يقول ألف لا ويجي بعد داك يعتذر لما الشغلة توضح ليهو
الله يهديهو ويهدينا
_
ياعمر ماتزعل
|
Post: #11
Title: Re: ايه قصة البواليس المدورة في المنبر دي!
Author: Marouf Sanad
Date: 05-27-2009, 03:54 AM
Parent: #10
| Quote: *** أنا ..... الحمد لله |
الطيب
سلام
ات الحمد لله مالك؟
بوليس برضو؟
|
Post: #13
Title: Re: ايه قصة البواليس المدورة في المنبر دي!
Author: Marouf Sanad
Date: 05-27-2009, 04:07 AM
Parent: #11
| Quote: مثلا يقولو فلانة صدمتها ركشة خوفا من الكشة يقول ألف لا ويجي بعد داك يعتذر لما الشغلة توضح ليهو |
حيدر سلام
مش كدا وبس
وكمان بعد شوية يجي يقعد يمدح في حبيبنا المصطفى ذي الما حاصل حاجة!
|
Post: #12
Title: Re: ايه قصة البواليس المدورة في المنبر دي!
Author: معتصم مكاوي
Date: 05-27-2009, 04:06 AM
Parent: #1
السادات قال :
اللي ما اغتناش في عهدي ده ما حيغتنيش !!
نميري قال :
اللي ما ببقوش كلاب لهب في عهدي ده ما حيبقوش !!
عمر البشير قال :
اللي مابيعرفش يعمل عجين الفلاحة زيي كده وفي عهدي ديه ما حيعرفش !!
|
Post: #14
Title: Re: ايه قصة البواليس المدورة في المنبر دي!
Author: Marouf Sanad
Date: 05-27-2009, 04:14 AM
Parent: #12
| Quote: اللي مابيعرفش يعمل عجين الفلاحة زيي كده وفي عهدي ديه ما حيعرفش !! |
معتصم مكاوي
سلام
عجين الفلاحة دا شنو؟
عامل ذي البوليس كدا؟
|
Post: #15
Title: Re: ايه قصة البواليس المدورة في المنبر دي!
Author: أسامة عبد الجليل
Date: 05-27-2009, 04:26 AM
Parent: #14
سلام يا معروف..
انت لاحظت واحد فيهم
جاري وراء الحقيقة
وحالف الا يبيتها الحراسة!!!!
|
Post: #16
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:27 AM
Parent: #15
ديل أهلي البقيف في الدارة وسط الدارة واتنبر
وأقول للدنيا ديل أهلي
عرب ممزوجة بي دم الزنوج الحارة ديل أهلي
ديل قبيلتي لما أدور أفصّل للبدور فصلي
أسياد روحي والاحساس وسافر في بحار شوقهم زمان عقلي
أقول بعضي الاقيهم تشربوا في مسارب الروح بقوا كلي
محل قبلت القاهم معاي معاي زي ضلي
لو ما جيت من زي ديل وا أسفاي وا مأساتي وا ذلي
تصور كيف يكون الحال لو ما كنت بوليس وأهل الحارة ما أهلي
|
Post: #17
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:31 AM
Parent: #16
سلام يا سادة يا زينين ويا طيبين
ويا أكرم شعوب الدنيا في الدارين
وأعز الناس أنوف وسيوف
ولكن برضو متواضعين
بدور الليلة أقول أبيات من الدوباي
وأقول شعري ومعاني غناي
فوق أم زين
وأفصل قولي للعارفين وما عارفين
أصلوا أم زين قبيلة الريدة والعاشقين
يضوي شبابها
حتى الشابو في أحضانها مو شايبين
ولادها غلابة.. ديمه تعابة
إلا الحكمة ريادين وعذريين
نحب الناس وكل الناس
وعشان بنحب وأهل الحب صحيح مساكين
لما الناس تنوم ترتاح نكون صاحيين
نغالب الشوق وسهرانين
سنين ما ضقنا غمدة عين
نحسب في نجوم الليل
ونرجى نجوم وليها حساب وألف حساب
لما تضوي فوق الكاكي والترلين
وعشان الريده شوق وحنين
نهارنا وليلنا متشابهين
داقين الكدر ماشين
|
Post: #18
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:32 AM
Parent: #17
نخفف محنة المسكين
نكفكف دمعة المظلوم
ونبقى الضلة والراكوبة للتايهين
ونفرد ريش جناح منتوف
على الخائفين
وندي الزاد.. حتى أكان نقص أو زاد
ونفضل نحن مريوقين
وكيفن عاد ونحن الريده مالكانا
وبقت زي عبره ما سكانا
وحمتنا الزاد ..و كيف الزاد
وناساً غيرنا محرومين
عاد يا سادتي الزينين
عرفتو أم زين ؟
نحن قبيلة مالها تنين
وليها فروع وفيها بطون
وإتخن زول يدق صدره
ويقول أنا جعلي ولا بشاري
وحتى إن كان من المجانين
في أحشاها يبقى جنين
وصوتو يروح وذاتو يروح
وتب ما يبين
إلا يتوب يضم أيدينه في الجنبين
ويفتح سبعه في الكرعين
ويمشي يقيف يدق تعظيم
|
Post: #19
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:34 AM
Parent: #18
ينادي الأولياء الصالحين ومعروفين
وياما رجال وليها رتب
شيوخ الفزعه والنجده
الملت صفحاتهم الحجبات من القوانين
وديل الرجعو الرايحات
واعادو البسمه للسمحين
وتمو الشينة للشينين
وكان بخراتهم البارود
والتعويذه حرف السين
دحين يا سادة يا زينين
عرفتو أم الزين؟؟
صلوا على نبينا الزين.. عشان العين
ولادي كتار ومنتشرين
وما بتعدوا إلا الحكمة معدودين
عيالي على حدود دارفور
برام وكتم .. نيالا ضعين
عيال دينار.. عيال تورشين
وواحدين في محمد قول
وفي سنكات وفي قلابات
عيال دقنه الجسور وفطين
وناسي كمان.. على هيبان
في كادقلي.. وأم روابة
دار شيكان.. ودار الثورة
والمهدي الأقام الدين
|
Post: #20
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:35 AM
Parent: #19
ولادي في كوستي والجبلين
سنجه ومدني والكاملين
بلاد مرتاحه بين نهرين
وفارده الخضره .. مد العين
وناشره عليها ضلالات من الياسمين
عيالي هناك في فنجاك
في كنجور وفي كاكا
في توريت وتركاكا
بلاداً فيها كل أصيل
تلاقي الظبيه فيها مقيل
والخرتيت يصافي الفيل
ودايماً ناسها مبتهجين
على النقارة مجتمعين
بناتها تسوي كالوزين
وشبانهم حباب العافية
فيل وحصين
ولادي هناك في حلفا دغيم
وفي أرقين
في شندي وكريمه وأرقو
في نوري وحفير وبدين
بلادي يتغنى ليها النيل
يردد في العديل والزين
ولما يلاقي شتلات النخيل
عاشقين ومتقالدين
|
Post: #21
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:37 AM
Parent: #20
يميلو شمال يميلو يمين
تقول بالعجوة سكرانين
وهم واعيين
عيالي هنالك وناسي هنوك
ناسي في مفرد النيلين
فيهم ناس مشلخة تي
وفيهم ناس مشلخة اتش
وناس فصداتها مترادفين
وناساً ساده لكن برضو معروفين
دحين ياساده يا زينين
عرفتو أم زين؟؟
عيالها اسود وليها زنود
فراساً عيال فراس بيملو العين
شعاره العين
وكفاً تقبض الظالمين
عليها غصون من الزيتون
نمت في الطور على سينين
وإتفرج عليهم وشوف وقت مارقين
صلي على نبينا الزين
داك أبو قاش بحز الصفحه والجنبات
ود أبو لطاش .. وبوتاً يغرم العضمات
دواخله فرن وقعره حديد
على الأسفلت ليهو رنين
وده الفارسي البشق العضمه والمجهول
حوافر فرسه متطابقين ومتناغمين
إيقاعها يصحي الليل
قوافي ملحنات تلحين
وده الفارس الترس مندلي في العتمور
زوامله هجين
وليها أنين وليها حنين
بشاريات
ولما تقابل الهمباته والشفاته والضايعين
تتكامل مع الهجاني
تفتح عين وتقفل عين مع التنشين
وداك الفارس المصلوب علي الساحات
على الطرقات وفي الميادين
أخو السمحات
تنوشه الريح ونار الصيف
يودي شمال يجيب ليمين
يلاقي الموت.. وأحزان جاريه في العجلات
تنهش في حشا الأمات
وفي الجايين وفي الماشيين
وفي أعمامنا والخالات
وفي أكبادنا والمستقبل الحلوين
وداك الفارس المجهول
داجي وماشي كالماشين
رامي أضانو بين الناس وفاتح عين
ومزروع في بطون الليل كما السكين
عاد يا سادتي الزينين
عرفتو أ م زين؟؟
|
Post: #22
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 05:39 AM
Parent: #21
بكل الفخر اتشرف بالانتماء إلى هذه القبيلة فمن عمل بالشرطة لا يمكن في يوم من الأيام أن يتبراً من قبيلتها حتى وإن تقاعد
بالمعاش فهي القبيلة التي نفخر بالانتماء إليها وهي الشجرة التي نتكيء عليها في الملمات والمحن.وختاماً أخوتي بقبيلة الفرسان لكم مني
ألف تحية ومليون سلام لكل أفراد القبيلة إبتداءاً من السيد المدير العام وإنتهاءاً بآخر مستجد واقف انتباه الآن وحكمداره يرفع في
التمام...
نقلاً عن موقع رئاسة الشرطة (بتصرف)
|
Post: #24
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-27-2009, 06:23 AM
Parent: #22
عمر عثمان
سلام
انت يا عمر مابتسمع النصيحة ولا شنو؟ اعمل حسابك البوست ده ملغم (مرسال وكده)
عذرا صاحب البوست انا برضو من البواليس
لكم الود
|
Post: #26
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 06:35 AM
Parent: #24
Quote: عمر عثمان
سلام
انت يا عمر مابتسمع النصيحة ولا شنو؟ اعمل حسابك البوست ده ملغم (مرسال وكده)
عذرا صاحب البوست انا برضو من البواليس
لكم الود |
تعرف يا سيادتو ابراهيم في (بعض) الاحيان في (بعض) الملكية لازم تفهمم حاجة ياسيادتك خش في حقل الالغام ده
واضرب صفارة لباقي البوليس خلينا نشوف القصة دي حدها وين ؟
|
Post: #23
Title: Re: ايه قصة البواليس المدورة في المنبر دي!
Author: Emad Abdulla
Date: 05-27-2009, 06:09 AM
Parent: #19
قصة عجيبة ياخ !!
هي بقت تهمة يعني يا عريس ؟؟
البوليس بقى جنس من المهن معيب يعني ؟
في رجال بواليس من أنقى و أشرف و أكرم العناصر الوطنية الممكن تمر عليك يا عريس ..
و زيهم زي الخلايق التانية .. فيهم الكعب الما بيتشكر و فيهم السمح الما ليهو حد .
بعدين الكاكي ما لون سياسي ، الكاكي لون وظيفة .. تسودها الممارسة ، و برضو الممارسة بتبيضها ( زيها و أي مهنة ) ..
المشكلة لو في .. ما بتكون فيها .. بتبقي في تواريخ ذواكرنا عنها .
ثم ياخي هذا الوطن السوداني العجيب مليان بالمهن المليانة بالقبح علي أظرط ما يكون .. و كذا بالجمال بأبدع ما يكون .
يكتب عمر عثمان الدايرو في حدود حريتو .. يكتب معروف الدايرو برضو في حدود حريتو .. و علان و فرتكان ..
المحك في إعمال أدوات الحوار الصاح .. و المساجلة المبرأة من النوايا سابقة الإحتقان .
بدون الغمز و اللمز و الوصايا .. و تجييش الإشارات و الإيحاءات .
ألصق ليك الختم اللايووق بتاع : مالكم كيف تحكمون ؟؟
....
و صباحية مباركة يا عريس .
|
Post: #25
Title: Re: ايه قصة البواليس المدورة في المنبر دي!
Author: علاء الدين يوسف علي محمد
Date: 05-27-2009, 06:30 AM
Parent: #23
يا عريس
سلامات
شكل البوست بقى زي زاكي و مزكوك
إنت ياتو فيهم!!!؟
|
Post: #27
Title: Re: ايه قصة البواليس المدورة في المنبر دي!
Author: المر
Date: 05-27-2009, 06:42 AM
Parent: #25
والمباحث برضو؟
|
Post: #28
Title: Re: ايه قصة البواليس المدورة في المنبر دي!
Author: الصادق عوض
Date: 05-27-2009, 06:43 AM
Parent: #23
هوي يا ناس هوي ..
هداك ليهو عمر واقف في الدروة ...
دايرين تشوتوهو ....
دايرين تعملوهو كوارع ذاتو مخيرين ...
إلا بالله البوليس دا أخاتوهو ....
ما بنقبل فوقو......
و جنابو عمر دا ذاتو لو غلط.... دا ما معناتو البوليس كلو غلطان ....
هسي لو شفنا لينا واحد لابس عمه و بشاغل في البنات ..
.معناها أي واحد بتاع عمه متصابي و بتاع بنات ؟ :)
ود بوليس سابق
|
Post: #29
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 06:46 AM
Parent: #28
معروف ازيك
طرف السوط هبشني..
ياخي انا اخوي من مرافيد البوليس وساكة ليهو عضوية هنا بي جاي..
ما اجيبو ؟؟
|
Post: #30
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 06:49 AM
Parent: #29
Quote: ياخي انا اخوي من مرافيد البوليس وساكة ليهو عضوية هنا بي جاي..
ما اجيبو ؟؟ |
سارة تحياتي
ياريت تشرفينا بمعرفة اخوك منو ؟
|
Post: #31
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 06:53 AM
Parent: #30
اخوي آخر دفعة في الاحزاب
الدفعة(59) علي ما اعتقد..
بوريك اسمو بس اصبر علي
|
Post: #32
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 07:07 AM
Parent: #31
Quote: اخوي آخر دفعة في الاحزاب
الدفعة(59) علي ما اعتقد..
بوريك اسمو بس اصبر علي |
الدفعة (59) الجونير بتاعين دفعتنا (56) طبعا في (57) و (58) وديل من الصف وشرطة فنية
الدفعة (59) اخر دفعة تدخل كلية الشرطة من الثانوي مباشرة ومن بعدها اصبح الدخول للجامعيين
طبعا ناس (59) ديل اكاد اكون بعرفم كلهم يا بالاسم يا بالشكل
على العموم تحياتي له ولكل ضباط (59)
|
Post: #33
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 07:14 AM
Parent: #32
معناها بتعرف عمر الطيب واسامة عثمان ومامون والطيب حامد وياسر ووووو
ناس ممتازين بمعني الكلمة
|
Post: #34
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-27-2009, 07:26 AM
Parent: #33
الاخت سارة
الدفعة 59 نسميها اخر وليد شرعى لكلية الشرطة لانو بعدها جات الدفعة 60 وكما قال المرحوم الزبير من هنا تبدا الشرطة.
بعدين ياعمر كان تقول ليهم القصيدة كتبها السيد اللواء محى الين محمد على وهو غنى عن التعريف.
ولكم الود
|
Post: #35
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-27-2009, 07:52 AM
Parent: #34
الاخ الصادق عوض
اسال الوالد عن الاسماء الواردة فى الرسالة ادناه وستجد الاجابة
والله فعلا ود بوليس, واى بوليس؟
لك الود
Quote: رساله للسيد الفريق شرطه .. محمّد الحسن يوسف .. بقلم: مقدّم شرطه "م" محمّد عبد اللّه الصّايغ
السبت, 23 مايو 2009 10:07
مقدّم شرطه " م "
محمّد عبد اللّه الصّايغ
ليته كان بيد عمرو
سعادة الفريق محمّد الحسن يوسف
جلسنا يا سيدي الى السيد سيد احمد الحسين وزير داخليّة الديمقراطيّه الثالثه في ذلك الاجتماع والّذي جاء في يوم شتوي من شهر فبراير من العام 1987 وكأنّما على رؤوسنا الطّير . كان الجّوّ ثقيلا مفعما برائحة ال .. خيانة ربّما .. كانت هنالك بعض الوجوه يبدو عليها " الارتياح " .. نعم .. ولكن .. لا تبتئس يا سيّدي فهي لم تكن بذلك الحجم لا كمّا ولا كيفا . جلسوا عصبة .. متجاورين و .. صفّقوا في ذلك اليوم حتّى أدمت أكفّهم .. نفس الوجوه .. رأيتهم يصفّقون لك ، في مرّات سابقه ، حتّى يخرجوا عن الوقار ان كان ثمة . توجّست خيفة وانا اضع نفسي داخل تلك القاعه بدار الشرطه ببري والتي كان ملحوظا فيها غيابك والفريق اوّل فيصل محمّد خليل ، للمرّة الاولى ، عن اجتماع في ذلك المستوى .. حاولت ، بلا جدوى ، طرد تلك الافكار " السوداء " وجلست أحدّث نفسي .... انّنا في عهد ديمقراطي صنعناه بأيدينا ال " حاضره " هذه .. أذن الامر لم يكن حلما بل حقيقة ماثله ولا يمكن أن يكون هنالك ضرب " تحت الحزام " أمّا هذه القلّة المستبشره والّتي بدا عليها " الارتياح " فلربّما تسعها عبارة " ... واذا تفرّقوا ضاعوا " .
سيدي الفريق
وأنت تبني هذه القوّه في تمهّل " طوبه طوبه " بقوّة خارقه كانت فيك .. تشعلها قمحا و .. وعدا وتمنّي لم تكن ترمي الى العلاقات " الرخيصه " بينك وبين زملائك .. بل كنت تحفر في دواخلهم حتّى تصل الى الارض الثابته كي تقيم عليها بنايتك من أجل أن يمضوا بهذه القوّه الى حيث أردت لها أن تكون ... تعلّمنا منك يا سيدي كيف يكون الحزم والحسم مبدأ وكيف يكون القائد عنوانا و .. هيبه وكيف يكون الضّعف سبّة .. كيف ولماذا يفخر الرجال برجل مثلهم يأكل الطّعام ويمشي على ساقين ولا تأخذه في الحقّ لومة لائم .. تعلّمنا الشجاعة والقوّه وأخذ الحقّ لصاحبه " حمرة عين " .. تعلّمنا كيف نتّخذ القرار في اكثر الاوقات حرجا وتعلّمنا .. أن رضاء الرئيس ليس سلعة تباع وتشترى ولكن هو شيئ لا يتأتّى الاّ من خلال الأمانه و البذل والعطاء والتفاني .. علّمتنا يا سيدي كيفيّة التمييز بين القيادات العظيمه .. القويّه والتي خلقت لتلعب دورا في التاريخ وتلك الرخوه والتي لوجودها وعدمه نفس الاثر الى أن يقضي اللّه أمرا كان مفعولا .. لم يكن اي شخص ليجرؤ على الدخول الى مكتبك قبل مراجعة هندامه وزيّه العسكري وقبل التثبّت والمراجعه الدقيقه لما أتى او استدعي من أجله .. والجميع يعلمون ان الرجل الّذين هم بصدد الدخول اليه ليس أيّ رجل ولكنّه المتعمّق المترفّع عن سفاسف الأمور العارف لكلّ صغيره وكبيره .. بواطن الامور وظواهرها .. دقائقها والعين الفاحصه والّتي لا تقنع أبدا بما هو باد .
في بداية الثمانينيات عندما تمّ نقلكم مديرا لشرطة العاصمه القوميّه كنت انا ضابطا بشرطة المرور والنجده . وصل خطاب يحمل توقيعكم لكل المناطق في اليوم التالي لاستلامكم بانّه على كل ضابط بطرفه اجراءات محكمة شرطه الحضور لمكتبكم صباح اليوم التالي ومعه كل الاجراءات المتعلّقه بتلك المحكمه . في السويعات التي سبقت ذلك الموعد عكف الجميع على تكملة اجراءاتهم وسافر البعض الى حيث يوجد الشهود لكل انحاء السودان مدني .. الابيض .. الدامر .. كسلا .. ومنهم من حضر مباشرة الى مكتبكم من تلك السفريّات وقد هالني حجم تلك المتأخّرات من عدد الساده الضبّاط الذين ضاق بهم مبنى المديريّه على سعته .. كانوا هنالك في الوقت المضروب بالثانيه .. ومن ذلك تعلّمنا ان العدل انّما هو في سرعة الفصل وان مصائر الرجال شيئ مقدّس لا يجب التلاعب به .. تعلّمنا من هو القائد "المهيب" الذي توزن كلماته بميزان الذّهب ولا يذهب حرف منها ادراج الرياح
سيّدي الفريق
لقد كنّا نندهش من النظام الذي كان يسود المباحث المركزيّه تحت قيادتكم .. كل هذه الادارات .. الحضور في مواعيد محدّده .. رفع الدفاتر .. نزول الاوامر .. المتابعه الدقيقه للتنفيذ ..التنسيق بين الادارات المختلفه الميدان .. التحقيق .. الانتربول .. السجلاّت ... كيف كنت تقاتل من اجل ضؤ الشمس والهواء الطلق .. تحارب الظّلام وخفافيشه وهوامه .. وتبني اراءك في البشر على التعامل المباشر معهم فانتفى عن محيطك ناقلو الاخبار ومروّجو الاشاعات وماسحو الجوخ والوالغون في اعراض ومحارم الاخرين .
سيدي الفريق
لقد كان ذلك الاجتماع في ذلك اليوم الشتوي من فبرائر من العام 1987 هو بداية التقويم الفعلي ل " ثورة " الانقاذ الوطني " بيد " السيد وزير داخليّة الديمقراطيّه الثالثه .. في ذلك الاجتماع دفن الوطن الّذي عرفنا ، دفنت الشرطه ودفنّا نحن ومعنا أيضا دفن أصحاب الوجوه الّتي بدا عليها " الارتياح " .. ومن المقابر عاد رجلان ما زالا يبحثان ، حتّى الان ، عن سرادق العزاء ... انت والفريق أوّل فيصل محمد خليل عليه رحمة اللّه ورضوانه .
سيدي الفريق
انا ضابط عمل تحت قيادتك ..كنت أنوي الكتابة في شكل مختلف ولكني عجّلت بكتابة هذه الرساله اليكم لاسباب أولها أنّني انّما أردت أن أسمعك صوتي ... بكلمة وفاء ، في زمن عزّ فيه الوفاء ، من على بعد سحيق بحساب المسافة والمكان.. بحقّ في حقّك في هذه الحياة الفّانيه . وثانيها انّ الرجال امثالك يجب التوثيق لهم .. يجب أن يعرفهم شعبهم .. ان يعرف ذلك الشّعب أي قائد فقد ومتى وكيف .. أيّ قائد فقد .. ليس في ظلمات الصالح العام الاخيره .. ليس بمعاولهم والّتي ما عادت تؤاخذ ولكن ويا أسفي من " ولكن " هذه ....يا ليتها كانت يا سيّدي بيد عمرو... فالقائد الذي يقول لجنوده " اتبعوني " هو غير القائد الذي يقول لهم ، من مكمنه الآمن ، " اهجموا " ... انّه هو من كان يتطلّب الموقف وجوده .. في الّليل الحالك ذاك ..... و " النّي للنار " . وثالثها يا سيّدي حتّى أضم صوتي للزميل العزيز المقدّم " م " تاج السر محمد حسين لتحريضكم على ان تكتب لان الامر ليس ملكك .. فدعه يكون أوّل شيئ في حياتك يخرج عن طوعك ..لأنّه صفحة نابضة من تاريخ هذه القوّة التي أحببت .. هو جزء من تأريخ السودان ويهم شعب السودان العظيم الذي عملت من أجله .. هذا الشعب الّذي ما زال " ينقّب " ، ومعه أيضا " ينقّب " السيد وزير داخليّة الديمقراطيّه الثالثه ، في " أسباب " انهيار الدّوله الّتي كان اسمها السودان وأيضا انهيار الديمقراطيّه الثالثه بتلك الصوره " الهشّه " نعم الهشّه و.. " المزريه " و " المهينة " أيضا ...
|
|
Post: #36
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 07:57 AM
Parent: #35
| Quote: الدفعة 59 نسميها اخر وليد شرعى لكلية الشرطة لانو بعدها جات الدفعة 60 وكما قال المرحوم الزبير من هنا تبدا الشرطة. |
عشان كدة كمية منهم شالوهم الصالح العام باعتبار انهم آخر دفعة في الاحزاب,,ودفعوهم التمن بالرفد من طرف
|
Post: #37
Title: Re: ايه قصة البواليس المدورة في المنبر دي!
Author: Munir
Date: 05-27-2009, 08:14 AM
Parent: #36
Quote: قصة عجيبة ياخ !!
هي بقت تهمة يعني يا عريس ؟؟
البوليس بقى جنس من المهن معيب يعني ؟
في رجال بواليس من أنقى و أشرف و أكرم العناصر الوطنية الممكن تمر عليك يا عريس ..
و زيهم زي الخلايق التانية .. فيهم الكعب الما بيتشكر و فيهم السمح الما ليهو حد .
بعدين الكاكي ما لون سياسي ، الكاكي لون وظيفة .. تسودها الممارسة ، و برضو الممارسة بتبيضها ( زيها و أي مهنة ) ..
المشكلة لو في .. ما بتكون فيها .. بتبقي في تواريخ ذواكرنا عنها .
ثم ياخي هذا الوطن السوداني العجيب مليان بالمهن المليانة بالقبح علي أظرط ما يكون .. و كذا بالجمال بأبدع ما يكون .
يكتب عمر عثمان الدايرو في حدود حريتو .. يكتب معروف الدايرو برضو في حدود حريتو .. و علان و فرتكان ..
المحك في إعمال أدوات الحوار الصاح .. و المساجلة المبرأة من النوايا سابقة الإحتقان .
بدون الغمز و اللمز و الوصايا .. و تجييش الإشارات و الإيحاءات .
ألصق ليك الختم اللايووق بتاع : مالكم كيف تحكمون ؟؟
....
و صباحية مباركة يا عريس . |
دا الكلام يا عماد ..
.
.
|
Post: #38
Title: Re: ايه قصة البواليس المدورة في المنبر دي!
Author: حيدر حسن ميرغني
Date: 05-27-2009, 08:41 AM
Parent: #37
تحية للشرطة بواليس وضباط
وللعزيز عمر كيفما يكتب
هذا لوزم توضيح إن اعتقد احدا انني قد اسئت لاي شيئ يتعلق بالشرطة
|
Post: #40
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 08:53 AM
Parent: #38
Quote: تحية للشرطة بواليس وضباط
وللعزيز عمر كيفما يكتب
هذا لوزم توضيح إن اعتقد احدا انني قد اسئت لاي شيئ يتعلق بالشرطة |
الاخ حيدر يا اخي انت زول محترم شديد وموقفك واضح ومفهوم حتى بدون التوضيح ده.
قريبك بابكر دفعتي برضو زول راقي شديد والله التقول شوايقة.
|
Post: #42
Title: Re: ايه قصة البواليس المدورة في المنبر دي!
Author: فيصل عثمان الحسن
Date: 05-27-2009, 09:00 AM
Parent: #38
( تحية للشرطة بواليس وضباط
وللعزيز عمر كيفما يكتب
هذا لوزم توضيح إن اعتقد احدا انني قد اسئت لاي شيئ يتعلق بالشرطة )
حاشاك يا حيدر انت ماك الزول البتسئ وماك محتاج لاعتذار , وأخونا معروف
ذاتو ما ظنيتو عايز يسئ لأحد وأظنو غرض البوست المداعبة والمعاكسة , يا معروف
ياخ ما تشلت لو العرس سخن معاك ممكن نطلب من بت الشيخ ترخى ليك شوية , وندخل
أخونا عادل حمزة واسطة خير .
تحياتى لصاحب البوست ولكل المرور الكريم .
|
Post: #44
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 09:20 AM
Parent: #33
Quote: معناها بتعرف عمر الطيب واسامة عثمان ومامون والطيب حامد وياسر ووووو
ناس ممتازين بمعني الكلمة |
بعرفم بالحيل ...... بالذات الاخير ده !!!
|
Post: #39
Title: Re: ايه قصة البواليس المدورة في المنبر دي!
Author: معتصم مكاوي
Date: 05-27-2009, 08:49 AM
Parent: #14
قالوا البرقص ما بغتي دقنو !!
عجين الفلاحة ما ياهو الرقيص الأشتر
الما خلا ليهو بلد ما رقص فيهو
عامل زي البوليس دي حلوة
وملعوبة ضحكتني بالجد ..
|
Post: #43
Title: Re: ايه قصة البواليس المدورة في المنبر دي!
Author: الصادق عوض
Date: 05-27-2009, 09:09 AM
Parent: #39
wrongly posted in another post .....:)
جنابو ابراهيم الرشيد عبدالرحمن وراق....
سألت الوالد من الفريق أوّل فيصل محمد خليل عليه رحمة اللّه ورضوانه و الفريق محمّد الحسن يوسف....
قال لي ديل أميز ضباط مروا على تاريخ الشرطه ...و كان لازم يزاحوا عشان الانقلاب بتاع الانقاذ ينجح ....و احالوهم للتقاعد لاسباب تافهه جداً ...
الوالد قال " في زول عاقل بحيل للمعاش أميز مدير عام شرطة عشان رفض يطلع يستقبل ضابط المخابرات المصري بالذي الرسمي؟؟؟؟، وصل الساعه 2 صباحا و عاوزين يلموا ليهو كل اللواءات و الفرقاء ألفي الخرطوم ...يعني عشان يورو معزة مصر ليهم لازم يشيلو الفريق برا؟"
أما الفريق محمّد الحسن يوسف.....مدير شرطه معتمدية الخرطوم...يكفي ردوا لي لوزير الداخلية " سعاتك أنا ما بتاع طرمبات بنزين "
تسلم...
|
Post: #45
Title: Re: ايه قصة البواليس المدورة في المنبر دي!
Author: فيصل عثمان الحسن
Date: 05-27-2009, 09:37 AM
Parent: #43
المداخلة فى مكان غير مناسب قمت بنقلها للبوست المختص لذا تم التعديل .
|
Post: #46
Title: Re: ايه قصة البواليس المدورة في المنبر دي!
Author: محمد الجزولي
Date: 05-27-2009, 10:13 AM
Parent: #45
اها .. براك جِبتَ الكُمر .. لنفسك !!! ..
شوف يامعروف ... لو الموضوع موضوع بوليس بس ؟ !!!!
انا زاتو بوليس !!!! .. { وشوف علامات التعجب دي } ..
لأنو البوليس مناي ومنى { مامنى أختي} منى عيني !! وماتسألني ليه ؟ !!!! ..
ولاحظ اني تربية عساكر (دَيش) .. !! مابوليس !! ..
وحتى يامعروف (هنا) في منبر السجم والرماد ده ، مابلقى نفسي إلا مع كتابات (البواليص) ..
ومهوس بيها ومتابعة زي متابعة ظلي لي !! .. لأنها الأبدع والأظرف والأقيم لي !! ..
اها انت عَرستَ وإنتفت جواك حاجة الــ (حِرمان من شئ ماااااا ) جاي تفكها فينا في البوليس
وماأدراك مابلويص !!!! .. شنو ياأخي هو نحن ناقصْينَك ولا شنو ؟؟ !!! ..
!!!!!!
!!!
!!
!
ـــ
خَليِتنا نستهلك كمية من علامة التعجب !!!!!! لا يعلم مَداها إلا الله !!!! ...
وبس !!
!!!!!
!!
!
.
|
Post: #47
Title: Re: ايه قصة البواليس المدورة في المنبر دي!
Author: esam gabralla
Date: 05-27-2009, 10:24 AM
Parent: #46
يا معروف و يا عماد و فيصل و الجميع
سلام
والله يا عماد يا صاحب غضبتك على معروف غير مبرره ابدا, لانو واضح انو يتهكم على بعض الاشخاص هنا و ليس على الكل. و معروف قطعا ما من الناس البيجو شايتين بالاحكام العامة. ياخوى انت برضو ماسكاك قصة "الغيرة على الشرطة" الشابكنا بيها عمر عثمان دى? مع انك الكلية ما تميتا و يشاع انك رفدوك لانك كسرت التعلمجى? لو تميتا كان اسا الا نقوم صوف ...
بالجد, كلنا عندنا في اسرنا و معارفنا و اصحابنا ناس في البوليس, من اهلى كان محمد احمد صالح - معروف بالمصري - و ولدو اسامة , بيتنا في مدنى كان مؤجر ميز لضباط البوليس , صاحبناهم و كانو الذ ناس رغم انو البيت انتهى و مفروض يتجدع في الكوشة بعد رحيلهم ... ده كلو معروف و مفهوم
اها انا كلام معروف ده زاتو ريحنى و لسبب واحد اسمو عمر عثمان, العرفتو انو الزول ده اول دفعتو و كان بمعايير ناس البوليس ضابط ناجح و شاطر. من حق عمر عثمان انو يكتب زى ما عاوز و ينتمى لاى جهة عاوزا زيو و زى الباقيين. لكن ينصب نفسو المتحدث الرسمى و المدافع الاوحد عن الشرطة لتجيير مواقفها لصالح الانقاذ و المؤتمر الوطنى دى ما مبلوعة, و يصل الامر مرحلة نفي رسمى و غير رسمى لاحداث شهد الجميع بحدوثها زى قصة مقتل نادية ست الشاى الماساوية, ده كلو و هو متقمص شخصية الغيرة على الشرطة, و هو الاعلى صوتا و انتشارا هنا.
البزهج هو حركات ناس المهنة الواحدة دى ما بيجو يختلفو مع بعض مراعاة للزمالة و ايه كده ما عارف , باستثناء الاخ الطيب عثمان يوسف اللى حاول كذا مرة توضيح انو داخل الشرطة في مواقف و اراء مغايرة عما يقول به عمر , و انا اعرف انه داخل الشرطة زمان ناس قدموا على كل المستويات المهنية و الانسانية و الثقافية و غيرها الكثير جدا, و كفاية انو الدنيا لمت الواحد في "اريرة" زى فيصل عثمان الحسن من اندر البشر في النبل و الصدق و المبدئية و الاستقامة و الظرافة كمان رغم حماقتو العجيبة.
يا عماد و الطيب و فيصل و من لف لفكم من البوليس السابقين و الحاليين , سكوتكم على انتحال و سرقة صوتكم بواسطة عمر او غيرو هو البيقود لحلق صورة خاطئة عنكم .... دى مسئوليتكم قبل ما تجو تزرزرونا نحن الملكية ديل
ممكن تكملو لينا رسالة مقدّم شرطه "م" محمّد عبد اللّه الصّايغ و تشرحو شوية ملابسات الاحداث دى لانها مهمة
و يا فيصل انت زاتك ليه ما تكتب عن تجربتك الما ساهلة من الانتفاضة لغاية الاعتقال و التعذيب الاتعرضتا ليهو في الانقاذ .... عشان الزميل عمر و امثاله يعرفو حاجة
سلام تانى
|
Post: #50
Title: Re: ايه قصة البواليس المدورة في المنبر دي!
Author: omer osman
Date: 05-27-2009, 11:41 AM
Parent: #47
الاخ عصام جبر الله
في هذا المنبر تقاطعات كثيرة بمعني ان تجد عضو تتفق معه في أمر ولنقل على سبيل المثال الفريق الذي تشجعه
وتختلف معه في الحزب الذي تنتمي اليه او تتفق معه في حب المهنة البوليس وتتختلف معه في الفريق الذي تشجعه
وهكذا ... من يوم ما دخلت هذا المنبر لم اتفق معك او تتفق معي ولا رغبة لي في ذلك على الاطلاق يمكن حاجة نفسية
متبادلة بيننا ساكت من ربنا كده. وده واضح من كلامك انو مشكلتك مافي البواليس الفي المنبر مشكلتك في عمر عثمان
شلت الشيلة كلها ختيته في رأسي واتهمتني بسرقة لسان ضباط الشرطة ولم اسمع بانهم قد ابلغوا سيادتك بان لسانهم
قد سرق والفاعل عمر عثمان.عصام في حديث كريم لرسولنا صلي الله عليه وسلم يقول في مامعناه (ذمة المسلمين وجوارهم واحدة
يسعى بذمتهم أدناهم) وقياساً على ذلك اقول لك ذمة البوليس واحدة يسعي بذمتهم ادناهم ولنقل انه انا لاعتبارات لاتعرفها
والمنافحة والدفاع الموضوعي وليس العاطفي عن البوليس فرض كفاية لنا نحن منتسبي هذه القوة اذا قام به البعض سقط عن الباقين
وبالتالي انا لم انصب نفسي ناطقاً رسميا او المدافع الاوحد عن الشرطة. وانما هو واجبي اتجاه هذه المدرسة التى لم تقصر اتجاهي
عصام الفتنة نائمة لعن الله من ايقظها وبالتالي لايمكن ان افهم تحريضك لللاخوان عماد والطيب وفيصل بعدم السكوت على انتحال
وسرقة صوتهم الا في اطار ايقاظ الفتنة وليس انا من ينقل صورة خاطئة عن الشرطة او منتسبيها لكن انا وغيري من ضباط الشرطة
في هذا المنبر سنقف بالمرصاد لكل من تسول له نفسه النيل من الشرطة او منتسبيها بمثل هذا الهراء والاستهزاء.
اخيرا عصام لاعلاقة لانتمائي للمؤتمر الوطني بدفاعي الغريزي عن الشرطة ولدي مقالات منشورة في الصحف السودانية ومواقع الانترنت في
مقام الدفاع عن الشرطة من قبل ان انضم للمؤتمر الوطني وهي موجودة وموثقة بتواريخها.
* امثلة لمقالات قديمة :
1- مقال بعنوان لا ياعثمان ميرغني عقد الامن لم يخرج عن قبضة الشرطة - صحيفة السوداني مايو 2008م
2- مقال بعنوان كلاكيت تاني مرة عقد الامن لم يخرج عن قبضة الشرطة - صحيفة السوداني مايو 2008م
3- مقال بعنوان الشرطة السودانية وبركان وفاة دكتور جون قرنق - صحيفة السوداني - 2005م
4- مقال عن شهداء الشرطة في احداث سوبا - 2005م
علماً بانني لم انضم للمؤتمر الوطني الا في اغسطس 2008م
|
Post: #48
Title: Re: ايه قصة البواليس المدورة في المنبر دي!
Author: محمد مكى محمد
Date: 05-27-2009, 11:08 AM
Parent: #45
سلامات يا عريس
تعرف شرطة السودان دى أكثر الأجهزة الأمنيه تهميشا,وحتى الآن بعد أن فصلوا خيرة ضباطها وزادها تهميشا بأن حشروا فيها موالين لهم ,ثم زادو الطين بلة بعد تقسيمها,والأنكأ من ذلك خلقوا أجهزه موزاية لها.
لو إتكلمت عن (أبوطيره),الما معروف جيش ولا بوليس ده !!!ديل الكنا بنهتف ضدهم(يا بوليس ماهيتك كم?) وكانوا بيسكونا زقاق زقاق وبيتلبوا وراك حيطه ورا حيطه,
والحبوبات بيساههن فى المظاهره بما تيسر ,جردل مويه ويسقوا المتظاهرين,وممكن طبعا يدخلوك البيت وتقعد لغايه ما الكريهين ما يركبوا الكومر ويغورا .وكمان كانن بيفتحوا البيبان البيودو على حوض المواسير(لما السودان كان فيهو موية,كان حوض فيهو تلاته أربعه مواسير فى حوش الرجال أو حوش الصالون,للضيوف عشان الغسيل والوضوء) ويفتحوا المواسير وتلقى بنات البيت ماسكات ليهن قطع مبلوله,طبعا للتقليل من آثار البمبان,ليهن أجمل تحايا ..رحم الله من تغمدهن.
كذلك التحايا لشرفاء الشرطه المهمشين.
|
Post: #49
Title: Re: ايه قصة البواليس المدورة في المنبر دي!
Author: مزمل خيرى
Date: 05-27-2009, 11:30 AM
Parent: #48
مع احترامى وتقديرى لكل ضباط الشرطة والجنود بس والله الحال فى الشرطة وخاصة مرتبات الافراد يغنى عن السؤال ..!!
معقولة الشرطى يشتغل 24 فى اليوم ويأخد راحة يوم واخر الشهر ياخد مرتب 221 جنية بس ؟ والصول ياخد 350 جنية .؟
والله دا السبب الاساسى البيخلى ناس الشرطة ينهبوا المواطن لمن يقبضوهو فى حتة ( ضيقة )
والعجب كمان ناس المرور .. ديل كمان كوم براهو و طبعاناس المرور متخصصين فى لوارى القش والخضار . ماعارف السر فى كدة شنو ؟
قريبا بوست خاص بشرطة المرور وعمايلهم السودة ضد المواطن المغلوب على أمرة ..!!
-----
جنابو عمر معليش ما قاصدك انت بالتحديد .. تسلم ..!!
|
Post: #51
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-27-2009, 12:34 PM
Parent: #49
الاخ مزمل
قلت...
| Quote: مع احترامى وتقديرى لكل ضباط الشرطة والجنود |
دى كويسة منك وكل من يشارككك الراى....
ثم قلت....
Quote: والله دا السبب الاساسى البيخلى ناس الشرطة ينهبوا المواطن لمن يقبضوهو فى حتة ( ضيقة )
|
فاماانك تسخر وتتهكم على الشرطة بتقديمك الاحترام والتقدير ثم تورد انهم ينهبون المواطن...
فكيف يستقيم ذلك؟
او تطلق الكلام على عواهنه وتناقض نفسك بنفسك.....
فان كنت تسخر وتتهكم,لن نعيرك التفاتا...
وان كان غير ذلك,فاعلم اخى ان الكلمة سلاح (ما فيها كما كنت) وما تخطه بيدك يقراه الاخرون وبه يكون حكمهم
اما لك او عليك...
لك احترامى وتقديرى.
|
Post: #52
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 02:09 PM
Parent: #51
| Quote: بعرفم بالحيل ...... بالذات الاخير ده !!! |
لو ما عملتا كدة يعرفوك كيف بوليس يا عمر؟؟
تحياتي..
|
Post: #59
Title: Re: ايه قصة البواليس المدورة في المنبر دي!
Author: omer osman
Date: 05-28-2009, 06:17 AM
Parent: #52
Quote: لو ما عملتا كدة يعرفوك كيف بوليس يا عمر؟؟
تحياتي.. |
شكرا سارة حقيقة البوليس لايدركها الا البوليس او من عاشر البوليس عن قرب
معاً لمزيد من البواليس في هذا المنبر الحر الذي يريد البعض خنق حريته
وتحديد من يحق له التواجد فيه من عدمه ...........
|
Post: #53
Title: Re: ايه قصة البواليس المدورة في المنبر دي!
Author: مزمل خيرى
Date: 05-27-2009, 02:32 PM
Parent: #51
المحترم ابراهيم
اسف اذا وصلك اخر السوط وانا لا اقصد شخص معين بالمنـبر ، انا اتحدث عن الحالة العامة للشرطة ودا مابيمنع انى اكن ليها الاحترام وانا معليش عممت المسألة ولكن الشهادة لله فى عساكر كويسين جدا ولكن ( البعض ) نهابيييين عديل كدة ..!! والكلام دة بقولو وانا واثق من نفسى جدا ، امشى ضواحى المعمورة والفردوس بالليل وشوف البيحصل من بعض افراد الشرطة ..!! عليك الله امشى مبانى الأدارة العامة للشرطة الأمنية وشوف المخالفات المرتكبة من بعض الافراد ..!!
اكرر انا ماعندى قصد مع اى شخص ولكن دا الحاصل وكل الناس عارفة كدة ..!!
|
Post: #54
Title: Re: ايه قصة البواليس المدورة في المنبر دي!
Author: رأفت ميلاد
Date: 05-27-2009, 02:50 PM
Parent: #53
الطيب .. عمر .. إبراهيم .. عماد .. فيصل
معروف ضاع يا رجالة
إنتو سارة دى بوليسة
|
Post: #55
Title: Re: ايه قصة البواليس المدورة في المنبر دي!
Author: سارة علي
Date: 05-27-2009, 02:54 PM
Parent: #54
| Quote: إنتو سارة دى بوليسة |
من منازلهم يا رأفت..
انا عندي اخو من ناس الصالح العام..ذكي ولماح واتخلق عشان يبقي بوليس..
الحكومة خسرتو..
وهو خسارة عليها..
|
Post: #56
Title: Re: ايه قصة البواليس المدورة في المنبر دي!
Author: رأفت ميلاد
Date: 05-27-2009, 03:14 PM
Parent: #55
| Quote: انا عندي اخو من ناس الصالح العام..ذكي ولماح واتخلق عشان يبقي بوليس.. |
طيب دى ما مواصفات الصالح العام زااااتا .. المفتح وعندو ضمير .. ما بنفع
غايتو لكن برضو أختيه .. ما تقولى لى أخوك .. البوليس ياهو البوليس 
|
Post: #57
Title: Re: ايه قصة البواليس المدورة في المنبر دي!
Author: Marouf Sanad
Date: 05-27-2009, 04:18 PM
Parent: #56
ابو مهيار سلام
Quote: انت لاحظت واحد فيهم
جاري وراء الحقيقة
وحالف الا يبيتها الحراسة!!!! |
انا برضو لاحظت واحد مبيت الحقيقة في الحراسة
وحالف مافي زول يطلعا, ولا حتى بي ضمانة
|
Post: #58
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-28-2009, 06:04 AM
Parent: #53
الاخ مزمل
فى رجال بوليس من انقى واشرف الرجال قدموا للوطن الكثير, والشرطة مثلها واى شريحة فى المجتمع فيها الصالح
والطالح
Quote: عليك الله امشى مبانى الأدارة العامة للشرطة الأمنية وشوف المخالفات المرتكبة من بعض الافراد ..!!
|
وحديثك هذا دليل على ان الشرطة تحاسب افرادها الذين يرتكبون المخالفات وقامت بانشاء محكمة شرطة بادارة
الشرطة الامنية, ويمكنك الاطلاع على السوابق القانونية للمحاكمات فى موقع رئاسة الشرطة.
لك الود
|
Post: #60
Title: Re: ايه قصة البواليس المدورة في المنبر دي!
Author: سارة علي
Date: 05-28-2009, 06:35 AM
Parent: #58
اتخيل يا عمر عثمان المفروض كان يكون بوليس وعن جدارة في العيلة منو؟؟
امي...
امي دي لو كان مسموح في زمنا المرأة تكون بوليس كان هسه بقوها مدير مخابرات..
ياخ امي لا بتفوت عليها شاردة لا واردة..
ما شاء الله عليها..
علي فكرة نسيت اقول ليك اخوها(خالي) اترفد من البوليس قبل اخوي برتبة عميد..
دة كمان ذكاءه كوم براه
..يا كافي البلاء العيلة كلها مرافيد انقاذ..
لمن حسسونا..
|
Post: #61
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 06:39 AM
Parent: #58
Quote: البعض خنق حريته
وتحديد من يحق له التواجد فيه من عدمه ........... |
عمر عثمان ازيك
وشكرا على القصيدة
يا زول اتواجد طوالي,
ما قلنا ليك ما تتواجد
|
Post: #62
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 06:43 AM
Parent: #61
| Quote: انت يا عمر مابتسمع النصيحة ولا شنو؟ اعمل حسابك البوست ده ملغم (مرسال وكده) |
ابراهيم الرشيد مرحبا
ياخي بطل الافكار البوليسية دي
|
Post: #63
Title: Re: ايه قصة البواليس المدورة في المنبر دي!
Author: إسماعيل التاج
Date: 05-28-2009, 07:01 AM
Parent: #62
| Quote: علماً بانني لم انضم للمؤتمر الوطني الا في اغسطس 2008م |
محلية سودانيز أونلاين.
|
Post: #64
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 07:35 AM
Parent: #63
عماد صاحبي
ان هال مندى,,,ان شا الله تمام
مرحبا بالشرطة, وناس البريد والبرق, ووقاية النباتات وكل الناس
لا نحجر على احد ولا ينبغي لنا!
الجزئية البريئة في كلامي دا انو لاحظت انو في ناس بوليس كتار فجأة كدا,
اغلبهم ناس تمام ومية مية وفيهم مبدعين اثروا الساحة والله, الخ,,,
الجزئية الغير بريئة, والتي اشرت اليها دون غمز ولا لمز وهي:| Quote: واحد اسمو عمر عثمان, العرفتو انو الزول ده اول دفعتو و كان بمعايير ناس البوليس ضابط ناجح و شاطر. من حق عمر عثمان انو يكتب زى ما عاوز و ينتمى لاى جهة عاوزا زيو و زى الباقيين. لكن ينصب نفسو المتحدث الرسمى و المدافع الاوحد عن الشرطة لتجيير مواقفها لصالح الانقاذ و المؤتمر الوطنى دى ما مبلوعة, و يصل الامر مرحلة نفي رسمى و غير رسمى لاحداث شهد الجميع بحدوثها زى قصة مقتل نادية ست الشاى الماساوية, ده كلو و هو متقمص شخصية الغيرة على الشرطة, و هو الاعلى صوتا و انتشارا هنا. |
ولا ازيد على كلام عصام جبر الله
|
Post: #65
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 07:42 AM
Parent: #64
Quote: شكل البوست بقى زي زاكي و مزكوك
إنت ياتو فيهم!!!؟ |
علاء سلام
شقت ليك مواطن ساكي ليهو بوليس
|
Post: #66
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 07:47 AM
Parent: #65
المر
كان حاولتهم شديد برضو
|
Post: #67
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 07:51 AM
Parent: #66
الصادق
Quote: هسي لو شفنا لينا واحد لابس عمه و بشاغل في البنات ..
.معناها أي واحد بتاع عمه متصابي و بتاع بنات ؟ :) |
لا ما معناتا
|
Post: #68
Title: Re: ايه قصة البواليس المدورة في المنبر دي!
Author: سارة علي
Date: 05-28-2009, 07:54 AM
Parent: #67
معروف سند..
ياخ انتا لسه فيك الملايكة..
بطل لئامة,,
ههههههه
امرق خلينا ناخد راحتنا في البوست دة
مضايقنا في بوستيك مالك؟؟
تكره الواحد الاستلام..
|
Post: #69
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 08:02 AM
Parent: #67
Quote: ياخي انا اخوي من مرافيد البوليس وساكة ليهو عضوية هنا بي جاي..
ما اجيبو ؟؟ |
يا سارة
سلام
كان ناس البوليس الواقفين لينا في الباب ديل خشو لينا لي جوة شوية الدفار دا لسة بشيل
|
Post: #70
Title: Re: ايه قصة البواليس المدورة في المنبر دي!
Author: سارة علي
Date: 05-28-2009, 08:11 AM
Parent: #69
| Quote: كان ناس البوليس الواقفين لينا في الباب ديل خشو لينا لي جوة شوية الدفار دا لسة بشيل |
بكرررررررررررررررررررري
الحق
معروف سند قال انو سودانيز اون لاين دفار..
قادر تتخيل معاي انو موقع(هادف) زي سودانيز يوصف بالدفار؟؟
معناها معروف قاصد يقول انك يا بكري فيما معناه انك سواق دفار...
ومن هنا الرجاء تطبيق اللائحة عليه..
اسحب باسويردو..
منها بتلقي ليك كم دعوة من المدام..
ومنها انحنا(المرافيد واهل المرافيد) نتجدع في البوست دة..
|
Post: #71
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 08:12 AM
Parent: #69
Quote: يا معروف
ياخ ما تشلت لو العرس سخن معاك ممكن نطلب من بت الشيخ ترخى ليك شوية , |
عزيزنا فيصل الحسن
ايوة عليك الله اتوسط لينا عند زميلكم دا
loool
|
Post: #72
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 08:22 AM
Parent: #71
| Quote: معروف سند قال انو سودانيز اون لاين دفار.. |
سارة
جابت ليها فتن!
انا ما قلت سودانيز اون لاين دفار
قلت سودانيز اون لاين دتكام
|
Post: #73
Title: Re: ايه قصة البواليس المدورة في المنبر دي!
Author: سارة علي
Date: 05-28-2009, 08:28 AM
Parent: #72
لقيتوني كيف يا جنابوهات..
(جمع جنابو)
انفع مخبر مش؟؟
لكن بالفتنة دي اكيد بنفع مخبر مؤتمرجي...
|
Post: #74
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 08:36 AM
Parent: #73
محمد الجزولي
وين يا زول
اتذكرت قصتك الزمان بتاعت الزول الشال حصان السواري دقا بيهو الدلجة
loool
|
Post: #75
Title: Re: ايه قصة البواليس المدورة في المنبر دي!
Author: Marouf Sanad
Date: 05-28-2009, 08:43 AM
Parent: #74
عزيزي عصام جبر الله
| Quote: والله يا عماد يا صاحب غضبتك على معروف غير مبرره ابدا |
اهلنا الحافرية ديل انا بعرفهم كويس,
مرات بكونوا بفتشوا ليهم لي زول يورورو ليهو ساكت بلا سبب
شكرا لدعمك يا صديق
|
Post: #76
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-28-2009, 09:53 AM
Parent: #73
سارة
تنفعى ونص وخمسة..
لكن ما قلتى لينا اخوك البوليس منو؟
انا عرفته... اول حرف فى اسمه ي... وعنده صلعة... وصحبه معتز خوجلى...
لقيتينى كيف؟ لسه بوليس موش؟
لك التحية
|
Post: #77
Title: Re: ايه قصة البواليس المدورة في المنبر دي!
Author: سارة علي
Date: 05-28-2009, 01:27 PM
Parent: #76
| Quote: عرفته... اول حرف فى اسمه ي... وعنده صلعة... وصحبه معتز خوجلى... |
انا لو ما شقية البيدخلني شنو في جرجرة مع البواليس..
ههههههههههههههههههههههههههههههههههههههه
يا ابراهيم..
اخوي دة من شدة ما بريدو لمن ما عارف اوصف ليكم كيف..
والله ما شايفة ربناخلق في الدنيا غيرو..
ما عارفة انا ذاتي فارقتو كيف؟؟
هيجت علي المواجع..
الله يسامحك..
ــــــــــــــــــــــ
معروف دة لسه قاعد في الدفار دة(علي قولو)..
|
Post: #78
Title: Re: ايه قصة البواليس المدورة في المنبر دي!
Author: omer osman
Date: 05-28-2009, 01:32 PM
Parent: #77
| Quote: لكن بالفتنة دي اكيد بنفع مخبر مؤتمرجي... |
سارة ... زمان في البلاغة كان في حاجة اسمها الذم بما يشبه المدح او العكس
اها كلامك ده باقي لي بندرج تحت واحد من الاتنين ديل ... على العموم الفيك اتعرفت ... هههههههه
|
Post: #79
Title: Re: ايه قصة البواليس المدورة في المنبر دي!
Author: osama dahab
Date: 05-28-2009, 09:33 PM
Parent: #78
سألنى صديقى الصغير يومها
ماهو الهدف من وجود البوليس ؟
ما اهميته؟
فاجبته بسؤال
لو لم يكن هناك ....كيف تتخيل شكل العالم او الوطن او الحى الذى تسكنه؟
سكت برهة
فقلت اعلم تماما بان البعض يسئ للمهنة ولكن كل المهن فيها الصالح وغيره
والعيب ليس فى الموظف العام وحده
العيب يشمل المواطن الذى لايعرف حقوقه فلا يطالب ولا يتمسك بها
فيستغل البعض هذا الجهل ويتكسب من ورائه او يشبع به مركبات النقص خاصته
وهذا ينطبق على كل المهن
ومن اهم طرق المعالجة
الالمام والمعرفة على الاقل بالقوانين التى تختص بما تمر عليك اوما يحتمل مرورك بها من مواقف فى محيطك العادى
والبوليس مقيد بقانون قوى ورادع هو قانون الشرطة ولا يفعل ما يحلو له
وسوابق ومحاكمات الشرطة مليئه باشكال الردع والعقاب لمن اساء استخدام السلطة
ومن اهم التوجيهات للشرطى خلق علاقه طيبه مع المواطن الصالح
وان يكون دوما فى خدمته وعونه دون كلل او ملل حتى يجد القدر الكافى من عون المواطن له
مما يساعد فى منع الجريمة قبل وقوعها وكشفها وتقديم الجناة للجهات العدلية للاصلاح ان وقعت.
مع التحايا لكل شرائح المجتمع التى تسهم فى خلق بيئه نظيفة صالحة لحياة مجتمع راق
|
Post: #80
Title: Re: ايه قصة البواليس المدورة في المنبر دي!
Author: osama dahab
Date: 05-29-2009, 12:26 PM
Parent: #79
فوق من اجل البوليس
|
Post: #81
Title: Re: ايه قصة البواليس المدورة في المنبر دي!
Author: سارة علي
Date: 05-29-2009, 11:51 PM
Parent: #80
وفوق تانية من اجل مرافيد البوليس..
وناس الدفار
|
Post: #82
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-30-2009, 05:54 AM
Parent: #81
وفوق تالتة
لكل من يحب ويحترم البوليس
|
Post: #83
Title: Re: ايه قصة البواليس المدورة في المنبر دي!
Author: مزمل خيرى
Date: 05-30-2009, 06:43 AM
Parent: #82
المحترم جنابو وراق
احكى ليك قصة حصلت قريب فى احدى اقسام الشرطة بولاية الخرطوم ، وصل بلاغ سرقة للقسم المعنى بوقوع حادثة سرقة فى منزل دبلوماسى باحدى ضواحى الخرطوم الراقية وتحرك المتحرى المناوب مع تيم من مباحث القسم لزيارة مكان الحادث ، تتخيل حصل شنو ؟ اثناء تجول افراد المباحث فى ارجاء المنزل للعثور على اى دليل يقود للجانى عثر احد الافراد على كروت اسكراتش فى احدى الغرف موضوعة فى طربيزة طوالى شالة وختاها فى جيبو وانتهت مهمة فريق البحث ورجعوا القسم ، بعد خروجهم مباشرة الخواجية فقدت الكروت ومشت القسم وقابلت رئيس القسم واشتكت من تصرف فرد المباحث باخد كروت الشحن بدون اذنها وطبعا رئيس القسم زعل من الاتهام دا ودافع من زولو دفاع شديد بس صاحبتك الخواجية جابت الدليل القاطع وهو شريط كاميرا المراقبة الموزعة فى كل ارجاء المنزل والضابط المسكين شاف زولو وهو بيشيل كروت الشحن وبيختها فى جيبو وكانت فضيحة بجلاجل .!! تم الاعتذار للخواجية وتشكيل مجلس تحقيق للرقيب المعنى وتحويلو لمحكمة شرطة وتم عزلو من رتبة الرقيب الى رتبة العريف ونقلو لرئاسة المحافظة فى تلك المحلية .. مع احترامى تانى للشرطة ياوراق دا انت بتسميهو شنو ؟
مش حاميها حراميها .؟؟
|
Post: #86
Title: Re: ايه قصة البواليس المدورة في المنبر دي!
Author: ابراهيم الرشيد عبدالرحمن وراق
Date: 05-30-2009, 07:54 AM
Parent: #83
| Quote: وتشكيل مجلس تحقيق للرقيب المعنى وتحويلو لمحكمة شرطة وتم عزلو من رتبة الرقيب الى رتبة العريف ونقلو لرئاسة المحافظة فى تلك المحلية .. |
الاخ مزمل
تحياتى
لم نقل ان افراد الشرطة منزهون عن الخطا, وكما ذكرت لك سابقا انهم شريحة فى المجتمع فيها الصالح والطالح
وهو ما اتفقت فيه معنا, ولا ندافع عنها بالباطل, والشرطة ليست فوق النقد, والاقتباس اعلاه دليل على ان الشرطة
تحاسب منسوبيها لذا انشات المحاكم التى اشرت اليها بادارة امن الشرطة للفصل فى الاتهامات الموجهة الى رجال
الشرطة.
لك الود
|
Post: #84
Title: Re: ايه قصة البواليس المدورة في المنبر دي!
Author: Mohamed Yassin Khalifa
Date: 05-30-2009, 06:56 AM
Parent: #82
الأخ العزيز (العريس) معروف
تعرف لما أخونا علي سر الختم فتح البوست بتاع دفتر أحوال الشرطة قلتا ليهم يا ناس البوليس
ما تعملو لينا إنقلاب في البورد ده... ويعلم الله الحذزت منه شكله صايير!
يا أخي مشكلتهم بس إنهم ناس كويسين الجونا ديل... يعلم الله إنهم ناس راقيين ما ناس إنقلابات
التحية لكل أشراف البوليس كان جوه كان بره....
|
Post: #85
Title: Re: ايه قصة البواليس المدورة في المنبر دي!
Author: عبدالغفار محمد سعيد
Date: 05-30-2009, 07:23 AM
Parent: #84
كتب عمر عثمان:
| Quote: علماً بانني لم انضم للمؤتمر الوطني الا في اغسطس 2008م |
أها ورجعوك الشغل ياجنابو(عمر عثمان) وله لسه الإجراءت ماكتملت؟
بعدين رأيك شنو فى العمله البوليس مع المرحومة السيدة/ نادية ست الشاى؟
|
Post: #87
Title: Re: ايه قصة البواليس المدورة في المنبر دي!
Author: omer osman
Date: 05-30-2009, 11:27 AM
Parent: #85
Quote: أها ورجعوك الشغل ياجنابو(عمر عثمان) وله لسه الإجراءت ماكتملت؟
|
لسه .... عندك لي واسطة !!!!!!!!!!!
|
Post: #88
Title: Re: ايه قصة البواليس المدورة في المنبر دي!
Author: عبدالغفار محمد سعيد
Date: 06-01-2009, 09:54 AM
Parent: #87
واسطة أكثر من عضويتك فى المؤتمر الوطنى...... وكثيرك للتلج!!!
ولله غرائب
|
Post: #89
Title: Re: ايه قصة البواليس المدورة في المنبر دي!
Author: Osama Mohammed
Date: 06-01-2009, 10:10 AM
Parent: #88
| Quote: واسطة أكثر من عضويتك فى المؤتمر الوطنى...... وكثيرك للتلج!!! |
قرقرقرقرقرقرقرقرقرقر
يا عبدو
الرزق يحب الخفية .... كسير التلج ده ضمن الخفية .....(وش غامز )
|
|