اعضاء البورد المشفرين والمبرمجين

الـــبـرمــجــة الـــعــقــلــيــة‏

بالتأكيد أنّك لم تلاحظ أنّ كلمة (في) مكتوبة مرتين في كل جُملة .. أليس كذلك ؟ (ارجع للصورة مرة اخري)
هل تعرف ماذا حدث ؟
إنّه طبقاً لخبراتك السابقة .. فقد تمت برمجة عقلك أنّ كلمة ( في )
لا تـُكتب سوى مرة واحدة في الجملة.. لذلك لم يرها عقلك
وجعلك ترى الجملة ( في ضوء تجاربك السابقة ) لا كما يجب أن تراها !
ماذا يعني هذا الكلام ؟
القصد من هذه الأمثلة هو التوضيح أننا نرى العالم طبقا لبرمجتنا السابقة فقط .. لا كما يجب أن نراه..نحن لا نرى الحقيقة إلاّ من خلال تجاربنا نحن !!

أختلف معك

حين نختلف مع شخص ما في الرأي، يتمسّك كلٌّ منا برأيه الذي كوَّنته خبراته و تجاربه السابقة ..
حاول أن ترى الصورة الحقيقية .. ليس كل ما تراه هو بالضرورة صحيح ..! لأنَّ ما تراه هو ما تمَّت برمجة عقلك عليه ... ألم تُخطئ منذ قليل في قراءة حرف (في) الزائد ؟ أعد التفكير في كل ما تراه صحيحا بالنسبة لك ..
اقبل النقاش و أعد النظر في أفكار من يختلفون معك ..
إنهم – فقط – لم تكن لهم تجاربك السابقة التي تؤهلهم كي يفكروا مثلما تفكر ... لماذا لا تتقبل فكرة أنهم ربما يكونون على شيء من الصواب ؟
حاول أن تتفهم وجهة نظر الآخرين و لا تتمسك برأيك دائماً لمجرَّد أنَّه رأيك .. أعد النظر في برمجتك السابقة و لا تفترض دائما أنَّ كل ما تراه صوابا


(منقول من الاميل )

اساسي؟؟

بالغت بالغت بالغت بالغت..

بوستيك دة وقع معاي في جرح..

ماشة انوم..
لانك حليت لي مشكلة مجنناني كم يوم..
وبالصدفة اتحلت هنا..

الله يخليك

الأخ السمانى مبارك، أساسى (كما يحلو لكم)
لك التحية و الإحترام...




بوست هادف و فيه مضمون قلما يتوافر أمثاله فى هذه الأيام..


شكراً لهذه الجرعة التوعوية، و ربنا يهدىء الخواطر و يزيد الود بين خلقه

أكرر إعجابى بصلب البوست و لك الشكر على مشاركتنا به و فيه و معكم !!!






ش

الاخ اساسي تحية طيبة

هل للشكل المثلث اى علاقة بهذا التشويش العقلي يعني لو كان الكلام مكتوب داخل شكل مربع او دائري هل كان سيحدث نفس التأثير

لانو كثيرا من نسمع عن تأثيرات مختلفة للاشكال على حياة الاسنان وخصوصا الشكل المثلث.

Quote: بوست هادف و فيه مضمون قلما يتوافر أمثاله فى هذه الأيام.. شكراً لهذه الجرعة التوعوية، و ربنا يهدىء الخواطر و يزيد الود بين خلقه أكرر إعجابى بصلب البوست و لك الشكر على مشاركتنا به و فيه و معكم !!!

الاخ شكري

تحية

اعتقد كما قلت ان لنا حاجة بالكثير من تثقيف الذات في الكثير من العلوم الحياتية والفكرية لان سرعة الحياة بدأت تشكل خطرا علي اذهاننا واصبحت تصرفاتنا عبارة عن ردود افعال تلقائية
الامر الذي يولد الكثير من الاخطاء والهفوات وايضا يولد الكثير من الملل والرتابة

دم بخير

Quote: اساسي؟؟ بالغت بالغت بالغت بالغت.. بوستيك دة وقع معاي في جرح.. ماشة انوم.. لانك حليت لي مشكلة مجنناني كم يوم.. وبالصدفة اتحلت هنا.. الله يخليك

والله شكرن لي يا سارة وجزاني الله خير الجزاء عنكم

من هنا ولي قدام الاستشارات الزي دي حيكون عليها رسوم

ان شاء الله نوم العوافي

Quote: ل للشكل المثلث اى علاقة بهذا التشويش العقلي يعني لو كان الكلام مكتوب داخل شكل مربع او دائري هل كان سيحدث نفس التأثير لانو كثيرا من نسمع عن تأثيرات مختلفة للاشكال على حياة الاسنان وخصوصا الشكل المثلث.

الاخ عثمان

تحية

مثلك فكرت في نفس الامر وان كانت هذه الكتابة مكتوبة علي السطر بدون اي شكل هل كان الامر سيختلف ؟؟
نتيجة تفكيري خلصت الي ان الشكل او القالب الذي تنظر من خلاله الي الاخر يؤثر علي طريقة رؤيتك لما يخرج منه من افعال او اقوال
وان الامور اذا ردت الي البساطة ومحاولة تجاوز كل الاشكال المرتبطة في ذهنك بالاخر ستكون واضحة وجلية وهو امر يدعم الفكرة الرئيسية

مبالغة يالسماني

بوستيك ده
حا يخليني اعمل خط رجعة حقيقي

حبيبنا الاساسي

ياخي تصدق وبدون مبالغة انا علقت على الموضوع قلت معقول اساسي يغلط غلطة زي دي

لكن قريت الموضوع تحت واتكيفت من نفسي عديل كده قلت معناها انا بتريث في الكلام والواحد بيدي فرصة لي غيرو برضو

لكن المثلثات دي مبالغة عديل كده ذكرتني عمرو خالد لمن يجيب ليك التكتيك الحربي بتاع موقعة من مواقع الاسلام لوووووووووووووول بس ناقصاك العصاية بتاعة نشرة الاحوال الجوية

نرجو من الجميع قراءة نقد الاخر او وجهة نظر من يختلف معه الاخرين دون النظر مباشرة لاسم العضو وتصنيف الموضوع على انه مع او ضد

تحياتي

زاتووووو

سنيرنا زاتووو

طبعا وبما انك سنيري لازم تكون زول مفتح (كشافة بس) ودي ثقتنا في سنايرنا ما بتقع الارض

Quote: نرجو من الجميع قراءة نقد الاخر او وجهة نظر من يختلف معه الاخرين دون النظر مباشرة لاسم العضو وتصنيف الموضوع على انه مع او ضد

تعرف مع انها الطريقة الصحيحة لكن صعب الموجودين هنا يلتزموا بالطريقة دي اعتقد جازما ان الاخر هو من يحدد دخولي او تجاهلي للبوست وليست الكتابة الموجودة
وهذا ما اظنه يحكم المكان هنا

الاخ / اساسي


للحقيقة وبالجد قاعد استمتع بكتاباتك جدا، لأنها بصراحة قاعد توريني وجهة النظر الأخري،+ رؤية الجيل الجديد مقابل رؤانا كجيل قديم، وبجد فيها المفيد علي الأقل بتكون محاولة قيمة للتواصل مع جيل يملك الكثير والمثير، ويتفوق علينا في اشياء كثيرة وخاصة في التعبير المباشر عن ارائه، يتخيل لي من القراءات المتكررة لكثير من بوستات الشباب، انو جيلنا والاجيال التي سبقتنا لم توفر قدوة جيدة للجيل الحالي..

شكرا للصورة المعبرة وللكثير مما تكتب
وجة نظرك وصلت بالكامل

يا أساسي كتبت رد من الصباح وشكلو طفش
زهجت أنا من النت التعبان
وكلامي كلو خليتو ليه
حردت
بس بضيف المشاركة اللي أصلاً كانت معنية بالمشاركة
إيميل جميل وصلني له علاقة بموضوعك نوعا ًما
إن شاء الله تكون مفيدة
وسلمت للبوست المثقف الجميل

----------------------------------------------------------------------------
قبل أن تحكم على غيرك


تعتقد أنك تجيد الحكم على الآخرين.. حسناً.. ومن منا لا يعتقد ذلك.....!


أجرت إحدى المؤسسات الأمريكية هذا الاختبار لعدد من طلاب الجامعات لتحديد مقدرتهم على الحكم على الغير وهو مترجم بتصرف.

سؤالان صعبان
سؤال 1:
إذا عَرفتَ إن امرأة حبلى، لديها ثمانية أطفالِ:
- ثلاثة منهم يعانون من الصم .
- اثنان منهم فاقدو البصر
- أحدهم متخلّف عقلياً،
و كَانَ المرأة تعاني من مرض الزهري، هَلْ تَوصي لها بالإجهاضُ؟.......


أقرأ السؤالَ القادمَ قبل النَظْر في الإجابة.


سؤال 2:
لقد حان الوقت لانتخاب زعيم عالمي جديدِ، وصوتك أنت سيرجح اختيار المرشح ، ولديك ثلاثة مرشحين هذه صفاتهم :


المرشّح الأول :
يخالط سياسيين منحرفين، ويَستشيرُ العرافات والمنجمين.
لديه عشيقتان.. يدخن بشراهة ويَشْربُ من 8 إلى 10 كؤوس مارتيني في اليوم.


المرشّح الثاني :
طْرُدَ مِنْ الوظيفة مرّتين، يَنَامُ حتى الظهرِ،
تناول المخدرات وهو طالبا بالجامعة .
يتناول ربع زجاجة مِنْ الويسكي كُلَّ مَسَاءٍ.

المرشّح الثالث :
كان بطلَ حربِ ونال عدة أوسمة. نباتي، لا يُدخّنُ، قليلا ما يَشْربُ الخمر ولم يخن يوما زوجتَه.

أي من هؤلاء المرشّحين ستختار؟
قرّرُ أولاً. . . لا تنظرُ للإجابة..،
عندما تقرر .. قم بقراءة المعلومات التالية.
المرشّح الأول هو الرئيس الأمريكي فرانكلين دي . روزفلت.
المرشّح الثاني هو الزعيم البريطاني ونستون تَشِرشِل..
المرشّح الثالث هو الزعيم الألماني أدولف هتلر.


وبالمناسبة، إذا قُلتَ نعم لسؤالِ الإجهاضَ..... تكون قد قَتلتَ بيتهوفن......!


انتظر حتى تَرى نهايةَ المقال!... استمر بالقِراءة. . .


لا تخف من مُحَاوَلَة الشيءِ جديدِ.
تذكّرْ.. أن الهواة. . . بَنو السفن.
بينما بنى التايتانك مهندسون محترفون. . ..


وأخيراً، هل لك أن تتخيل العَمَل لدى الشركة التالية والتي لها


أكثر مِنْ 500 مستخدم وأوصافهم كالتالي:
* 29 منهم اتهم بسوءِ معاملة زوجاتهم.
* 7 سبق اعتقالهم للاحتيال.
* 19 قاموا بكتابة صكوك (شيكات) بدون رصيد.
* 117 ساهموا بطريقة مباشرة أو غير مباشرة في إفلاس شركتين على الأقل..!
* 3 تم اعتقالهم لاعتدائهم على الغير.
* 71 منهم لا يَستطيعُ الحصول على قروض لعجزه عن سداد ديون سابقة.
* 14 تم اعتقالهم في تهمِ متعلّقة بالمخدراتِ
* 8 اعتقلوا لقيامهم بالسرقة.
* 21 حالياً متّهمون في دعاوي مختلفة.
* 84 منهم سبق وأن اعتقلوا لقيادة السيارة وهم مخمورين.


هَلّ بالإمكان أَنْ تَحْزرَ أَيّ منظمة هذه؟



لا.. أنها ليست المافيا.... الأمر... أسوأ من ذلك....
إنهم أعضاء الكونغرس الأمريكي
نفس المجموعة التي تسن المئات من القوانين حتى لا يقوم أحد باختراقها
--------------------------------------------------------------------------------

بت قضيم

صباح الخيرات

وجميل ان اراك بالجوار , طبعا الاميل الانزلتيه دا قيم جدا وامتداد رائع للموضوع بطريقة اعجبتني جدا , بالاضافة لانها معلومات كانت مفاجئة لي جدا ,
طبعا الحتة بتاعة انتخاب الرئيس دي ممكن اواصل فيها واضيف مرشحين ينزلوا قبالة بعض

المرشح الاول :
كان مدمن مخدرات في شبابه
لا يهمه كثيرا ان تظهره الكاميرات ثملا الان وقد تجاوز الخمسين
ولا يقبل الاخر و هو صاحب مقولة من ليس معي فهو عدوى

المرشح الثاني :
رغم انه من عائلة غنية الا انه اشتهر بورعه وزهده
من اكبر دعاة الحريات في بلده
انفق جزء كبير من ثروته في اعمال الخير
لم يتعاط الخمر او المخدرات في حياته

واقول للطلبه الامريكان ديل اختاروا مرشحكم الان , وبعد الترشيح قم بقراءة معلومات المرشحين

الاول جورج بوش الابن
الثاني اسامة بن لادن

شكرا للاضافة القيمة بت قضيم

اساسي .. سلام :

Quote: اعضاء البورد المشفرين والمبرمجين

افتكرتك بتقصد الموقوفين .. وعلي العموم حكاية اختلاف الراي والرؤي موضوع
في غاية الاهمية خاصة في هذا المكان الذي يكون فيه الاختلاف خلاف؟؟ والاصرار علي
الراي دون نقاش هو الديدن السائد للاسف

Quote: افتكرتك بتقصد الموقوفين .

تعرف يا بهاء عيسى اضحتني جدا عارف ليه لانك صدقت بوستي هذا من حيث لا تدري , قل لي كيف؟
انت الان حكمت علي الموضوع من العنوان بعبارتك دي ودا مقصد البوست زاتو , طبعا قضيتك النظرت ليها انا بشوفها قضية عادلة وهي الموقوفين لكن في النهاية تحسب في باب رؤية الاخر , المشكلة يا بهاء انه الكثير من العضوية تحكم علي موضوعك من خلال عنوانه وعلي ذلك يتم التداخل معك ولا تكلف نفسها بالقراءة جيدا فانت مصنف عندهم مسبقا ويكفي عنوانك للاختلاف معك حتي ولو كنت تقول في نفس كلامهم .
طبعا ما طالبني حليفة لكن اتذكرتك صباح اليوم وانا صاحي من النوم وماسكة معاي اغنية ابو عركي لشاعرها سعد الدين ابراهيم , عن حبيبتي بقول لكم , واتذكرت في بوست روزمين وعصرتك في تقيمك لسعد الدين ابراهيم طبعا ضحكت من الصباح وقلت صحبي وقع بحسن نيته

ياخ الواحد مشتاق لي مصر الايامات دي صدق كيف القاهرة وايامها

Quote: للحقيقة وبالجد قاعد استمتع بكتاباتك جدا، لأنها بصراحة قاعد توريني وجهة النظر الأخري،+ رؤية الجيل الجديد مقابل رؤانا كجيل قديم، وبجد فيها المفيد علي الأقل بتكون محاولة قيمة للتواصل مع جيل يملك الكثير والمثير، ويتفوق علينا في اشياء كثيرة وخاصة في التعبير المباشر عن ارائه، يتخيل لي من القراءات المتكررة لكثير من بوستات الشباب، انو جيلنا والاجيال التي سبقتنا لم توفر قدوة جيدة للجيل الحالي.. شكرا للصورة المعبرة وللكثير مما تكتب وجة نظرك وصلت بالكامل

الاخ جمال المنصوري

بالتأكيد انا احتفي جدا بهذه الكلمات الجميلة وبهذه النظرة المتدبرة منك للاخر , وهو امر جميل لو احسن الجميع اتباعه لكان الحال افضل بكثير مما هو عليه الان . فلو نظر اي منا للاخر علي انه شخص مختلف معه فكريا وهو امر محمود في ان استفيد منه وافيده بما لدي كانت كثير من المشكلات حلت , ولكن كما اسلفت انت ان الورثة التي حملناها كانت ثقيلة ومنهكة وخارت بها بعض القوى, وان الحاصل الان ما هو الا تداعي لاحباطات كبرى كان يتقلب فيها جيلنا ومن قبلنا حتي انه يصعب ايجاد مخطئ لمحاسبته

لا اخفيك اني ابتسمت علي كلماتك في استمتاعك بكتاباتي , فلو كنت عضوا في هذا المنبر قبل خمس سنوات او يزدن لكان لك رأيا اخر في كتاباتي الامر الذي يدعوني ان ارفع يدي لله ان لا تفكر في عمل بحث لموضوعات قديمة لي او دخول ارشيفي لاحتفظ بنظرتك تلك عنى . وكما ادعو الله ان لا تفتح سيرتي امام دكتور ياسر
دمت بخير يا جمال

Quote: مبالغة يالسماني بوستيك ده حا يخليني اعمل خط رجعة حقيقي

وليد الشفت

صباحات الله بي خيرن

جميل جدا ان يراجع الانسان مواقفه , ويعيد تقيم ذاته دائما ولا يقوم بتقيم الاخرين وتصنيفهم حسب معطيات راسخة في ذهنيه , انا شخصيا بشوف نفسي اتغيرت والعايز يعاملني علي نفس اساس اني اساسي قبل 5 سنوات حيكون اخطأ في حق نفسه وفي حقي , تعرف مشكلتنا وين يا وليد ما في رؤية الاخر لك ورؤيتك له علي انك سيئ او جيد ولكن مشكلتنا الحقيقة هي قوالبنا الذهنية الثابتة والتي نريد ان نمررها علي الجميع يعني المتفق معاي في الراي دا احسن زول حتي لو كان تاكي ليهو زول يضبح فيهو والمختلف معاي لو كان ملاك هو اسؤأ انسان . وكدا

تسجيل حضور مرة تانية,,
نظام اعجاب بي البوست وكدة..

Quote: تسجيل حضور نظام اعجاب بي البوست وكدة..

نثني يا سارة .




شكرا أساسي .

Quote: نثني يا سارة . شكرا أساسي .

طبعا دا مولد عديل الليلة سارة وبت قضيم وداليا حافظ

الواحد حاسي بروح معنوية متفجرة وكدا , وزعلان من الزول الرسل الاميل دا من زمان ما رسلوا ماله؟

تسلمي يا داليا ومتابع تقريبا كل بوستاتك

Quote: تسجيل حضور مرة تانية,, نظام اعجاب بي البوست وكدة..

الاخت سارة
بالطريقة دي انا حاعتبرك من قرائي المخلصين وكدا
طبعا انا مستمتع جدا باعجابك بالبوست وحضورك

وان شاء الله المشكلة الكانت مؤرقاك انتهت الان واصبح نومك هانئا

شكرا للحضور المتالق

دي من زمان بسمعها في البورد وما لاقي ليها فرقة مناسبة

تسلم يا اساسي..
زي ما قلت ليك امبارح بوستيك دي ربنا سهلو لي..لو كان في زول قال لي الكلام دة عن طريق السمع ما كنتا اشتغلت بيه..وسمعتو كتيررر..ياما اتقال لي ادي فرصة لي نفسك وشوفي الامور من زاوية اخري وما لازم كلامك يكون الصح ..وهلما وجرا..
لكن..
لمن جيت هنا وشفتا النظريات دي شوف العين..
اقتنعتا..
عارف ..حاجة كدة زي شنو كدة ما عارفة اوصفا ليك..
انتا فاهمني ..صح..
المهم اتفتحت لي حاجة من خلال البوست دة..وعن طريقو اتحلت لي حاجة وفتح لي عيوني لي حاجات,,,
(فاهم حاجة؟)
ما فوكها حاجة لوما فهمتا الحاجة..
هههههههههههههههههه
خليني امشي انوم عشان انا شكلي كدة بديت اهضرب
بجيك انداح ليك هنا بكرة

ـــــــــــــ
شكرا اساسي

الأخ / السماني

تحية جميلة بجمال ما تكتب

لا يحاسب الانسان بما ضيه انما ينظر اليه بماله اليوم، فالماضي بخيره وشره يخضع لحكم الماضي، ومن من الناس ماضيه انصع من حاضرة، ومن كان منا بلا خطئة فليكن اول من يرجم، الانسان ابن البيئة والظروف المحيطة، وهو في ممارسته التعلم اليومي في تطور مستمر، وارجو ان يكون دائما الي الاحسن...

ادعو الله لي ولك ان تكون اعمالنا دائما من الصالحات

دمت بالف عافيه

تسلم علي صالح الدعوات يا استاذ منصوري

ونسال الله الافضل والاحسن دائما

وربنا يديم المعروف بين الخلائق والعباد

Quote: ياما اتقال لي ادي فرصة لي نفسك وشوفي الامور من زاوية اخري

اكيد واضح واضح كلامك واكيد هم شايفين الانت ما كنت شايفاه , وجميل ان تتفق رؤاك وناصحيك وربنا يوفقك دائما في خياراتك واختيار افضلها

بعدين قصة كل ما اجي داخل البورد انت ماشة تنومي دي شنو ؟؟
اديتني احساس باني فاليوم ههههه ولا فيلم سهرة احسن منه النوم
ياخي جاني ليك احساس باني برنامج الحقل والعلم نص الليل

تنومي بعافية

Quote: تعرف مشكلتنا وين يا وليد ما في رؤية الاخر لك ورؤيتك له علي انك سيئ او جيد ولكن مشكلتنا الحقيقة هي قوالبنا الذهنية الثابتة والتي نريد ان نمررها علي الجميع يعني المتفق معاي في الراي دا احسن زول حتي لو كان تاكي ليهو زول يضبح فيهو والمختلف معاي لو كان ملاك هو اسؤأ انسان . وكدا

يا ولد
كلامك درر,,

Quote: يا ولد كلامك درر,,

معاذ صديقي
كيف حالك

يعني اسع مفروض اقول ليك شكرا يا وريف لمرورك الرائع؟؟

اكضب عليك يعني يا معاذ ؟؟

النصيحة لي وجه الله , بعد دخول سارة وداليا اقوم ارد عليك ؟؟ ما زي كاني اكلت التحلية والجاتوهات و جابو لي صحن فتة ؟؟
بتتاكل الفتة يا معاذ بعد الجاتوه؟
مشتاقين يا صاح

أهو نظريات والسلام!

صحي كلامك يا اساسي .. مافي داعي للغولاط

فوووق..
دة بوست مفروض اي عضو في المنبر يشوفو..
عسي ولعل يرجع تمبس..
وهبة ...لا



دلال؟؟؟

دي شنو الحاجة المجنونة الخاتاها دي؟؟

هسي دي كعونجة ولا حصان؟؟
ــــــــــــــــــــــ
متحسسة اقول تصبحوا علي خير...

سرو وانت من اهلو

Quote: دلال؟؟؟ دي شنو الحاجة المجنونة الخاتاها دي؟؟ هسي دي كعونجة ولا حصان؟؟

شوفتي كيف ... مافي زول غلط .. بس في تعصب للرأي
انت عارفه الصوره دي لو كانت ثابته كان ما ممكن تكون غير قعونجه
عشان كدا لازم الزول بتريث في الحكم ( يتريث دي كيف معاك )

معليش بتكوني نومتي وقمتي .. ونومتي تاني
تصبحي على خير

Quote: معليش بتكوني نومتي وقمتي .. ونومتي تاني تصبحي على خير

هههههههههههههههه
لا المرة دي متخارجة للعمل..
واتريث دي لا تعليق عليها..

عارفة يا دلال انحنا السودانين ديل التعجل في الحكم علي الاشياء طبيعة فينا..
حاجة كدة زي ما تكون في الجينات بتاعتنا(علي قول امي)
طبعا امي كل ما نغلط في شئ تلصقو في جينات ابوي وتقول(دي حاجة في جينات ابوكم)..
امي دي لو تمت تعليمها السودان دة ما كان بشيلا هي وباقي الشعب السوداني..
ههههههههه

Quote: لا المرة دي متخارجة للعمل..

وانا متخارجه من العمل

Quote: امي دي لو تمت تعليمها السودان دة ما كان بشيلا هي وباقي الشعب السوداني..

هي وحبوبتي كانو قلبو البلد



يلا نتلاقي في ساعة خير

Quote: النصيحة لي وجه الله , بعد دخول سارة وداليا اقوم ارد عليك ؟؟ ما زي كاني اكلت التحلية والجاتوهات و جابو لي صحن فتة ؟؟ بتتاكل الفتة يا معاذ بعد الجاتوه؟

لووول يا أساسي ..بعد شوية بجيك
القرقوش الناشف ..كتر السليقة !!
--------------------------
بوست مفيد وحلال مشاكل مزمنة
وجاذب للفراشات الجـميلـة
(الوصف أعلاه لا يشمل معاذ) !