Post: #1
Title: انت طبعا مولود هنا !!!
Author: ALZOLZATOO
Date: 05-25-2009, 02:04 PM
Parent: #0
دي طبعا كلمة اعتيادية لمن تكون بتتكلم مع زول وتجي المناسبة وتقول ليهو انت طبعا مولود هنا وكلمة هنا دي بتدل على المكان الموجود فيهو الشخصين .
لكن لمن تكون زول مقدم برنامج ومستضيف ليك زول تاني وتقول ليهو انت طبعا مولود هنا اها لمن انت تكون خارج الاستوديو وخارج البلد كمان جملة انت طبعا مولود هنا دي بتشوفها غريبة جدا من مقدم البرنامج لانو مقدم البرنامج مش بتكلم مع الشخص المستضاف لوحده وانما بيكون بيتكلم او بيعكس لي كل المشاهدين واقع الحوار .
امبارح في قناة النيل الازرق بنتين جميلتين مستضيفين ليهم فنان صاعد من منطقة الشايقية
اها وخلال الحوار عايزه تعرف انو الغنى ده جابو من وين لانو الفنان ( مولود هنا طبعا ) اها قالت ليهو انت طبعا مولود هنا ويصادق انو كان معاي واحد لسانو شبه طويل قال لي الزول ده مولود في البحر ولا شنو مولود هنا دي شنو .
تبسمت ضاحكا وقلت ليهو الزولة قاصده انو مولود في العاصمة قال لي طيب ماتقول في الخرطوم ولا امدرمان او على اسوا الفروض العاصمة عشان الناس البتشاهد تعرف قلت ليهو ياخي ماتحكها شديد غلطت الزول السمح بي ربع لووووووووول يكه
بعدين قلت ليهو الزولة دي مستهلكنها شديد يمكن الاستهلاك الشديد ده زاتووو يكون وراء انت مولود هنا
قال لي انت اصلو ماتشوف ليك واحده سمحه وإلا طلعتها زي الشعرة من العجينة .
طبعا سؤالي اكيد ما ح يكون الزول ده مولود وين لكن سؤالي الاستهلاك الكتير لي مقدم البرنامج مش ضار بي صحتو لووووووووول
تحياتي للقناة الجميلة " كلمة للقناة دي فيها تلاتة نقط ممكن تختو النقطتين في اي واحد من الحرفين الفي النص"
زاتووووو
|
Post: #2
Title: Re: انت طبعا مولود هنا !!!
Author: Faisal Elrasheed
Date: 05-25-2009, 02:26 PM
Parent: #1
| Quote: تحياتي للقناة الجميلة " كلمة للقناة دي فيها تلاتة نقط ممكن تختو النقطتين في اي واحد من الحرفين الفي النص |
احيي روحك العاليه وتقديرك للفن والجمال
حلوه دي صاح عجبتك
انا زاتي كيفتني
النيل الازرق دي والله كان ما الزوله دي ما بتلقي ليك زول (هنا) مصنقر فيها المغارب
واحد صاحبنا بكاي شديد من البقدرو الجمال والفن كتغطيه
لقيته مصنقر المغارب ويتامل في زولتك دي
ومندمج شديد مع البرنامج
وللاسف اسم البرنامج ما كان عارفو
مع انه كل يوم بخت كرسيه من العصر
مره اقترح لي قال لي الزوله دي كان جابوها في استديو الرياضه كان حتكون كارثه .... ويا سلام كان الهلال غلب كمان ... واتعشينا كوارع
مجهود شديد يا عمك
|
Post: #3
Title: Re: انت طبعا مولود هنا !!!
Author: ALZOLZATOO
Date: 05-25-2009, 02:31 PM
Parent: #2
حبيبنا فيصل الرشيد
ياخي انا القى اسمك ده اخش توووووووووووش جوه الاستديو لوووووووووول يكه في زول ح يغالطك يقول ليك دي اسامي ساكت
مشاركتك قيمة وظريفة
تحياتي
زاتووووو
|
Post: #4
Title: Re: انت طبعا مولود هنا !!!
Author: Dalal Ezzaldin
Date: 05-25-2009, 03:22 PM
Parent: #3
زاتو ازيك
| Quote: انت طبعا مولود هنا |
دا ما من الاستهلاك .. دا من اللخمه
الوحده ما تعرفها بتفكر في الكميرا ولا في مكياجها ولا في ختت التوب ولا في شنو ؟؟
الضيف دا اخر حاجه بفكروا فيها
ماوريتنا الضيف جاوب كيف
|
Post: #5
Title: Re: انت طبعا مولود هنا !!!
Author: ALZOLZATOO
Date: 05-25-2009, 03:25 PM
Parent: #4
حبيبتنا دلال
الضيف زاتووو كان ملخوم بالتوب والمكياج والكاميرا
وقال ايوا انا مولود هنا لووووووووووووووول يكه
تحياتي
زاتووووو
|
Post: #6
Title: Re: انت طبعا مولود هنا !!!
Author: Faisal Elrasheed
Date: 05-25-2009, 03:33 PM
Parent: #5
| Quote: وقال ايوا انا مولود هنا لووووووووووووووول يكه |
لكن ما قلته لي (وش متحير)
المزيعة دي ما اظنها مولوده هنا ..يا جات هنا بالغلط
|
Post: #9
Title: Re: انت طبعا مولود هنا !!!
Author: ALZOLZATOO
Date: 05-26-2009, 06:31 AM
Parent: #6
حبيبنا فيصل ،
حسب اعتقادي انو الزولة دي على ا سوا الفروض مولودة في لندن ياباريس
لانو الجو عندنا هلالابي مابخلي ليهو جلد احمر واصفر حائم لوووووول يكه
اما من ناحية انو جات بالغلط لا اعتقد ذلك لانو حاليا تكاد تكون ماسكه معظم البرامج في النيل الازرق
ومن هنا ليها التحية على المجهود الجبار ، بالمناسبة انت مقدمي البرنامج ديل العداد بتاعهم كيف
عندهم اوفر تايم ولا مكافاة شهرية ولا بس يدوك راتب الشهر فقط
تحياتي
زاتوووو
|
Post: #7
Title: Re: انت طبعا مولود هنا !!!
Author: Dalal Ezzaldin
Date: 05-25-2009, 03:38 PM
Parent: #5
| Quote: وقال ايوا انا مولود هنا لووووووووووووووول يكه |
شوفت كيف ... كُر علينا نحنا المشاهدين 
بنتفرج سااااااي
|
Post: #8
Title: Re: انت طبعا مولود هنا !!!
Author: ALZOLZATOO
Date: 05-26-2009, 06:25 AM
Parent: #7
حبيبتنا دلال ،
بنتفرج ساي وبس حقو ناس القنوات دي يدونا بدل نظر
بعدين الذ حاجة كان مستضيفين واحد مسئول زراعي اها بعدو طوالي مستضيفين الشاب الظريف ده
بعدين المخرج ماعمل بريك اعلاني جابو طوالي واحد بيلبس الضيف التاني المايكروفون وظبط ليهو الطنبور في يدو وجاب قزازة بيبسي الحجم العائلي وملاء ليهو الكباية لووووووول دي كلها شوووف عيني
زمان كان العصائر احمر واصفر لكن بعد الازمة المالية دي المشروبات ذاته اتغيرت
تحياتي
زاتوووو
|
Post: #10
Title: Re: انت طبعا مولود هنا !!!
Author: السيد المسلمي
Date: 06-05-2009, 10:42 PM
Parent: #8
| Quote: بعدين المخرج ماعمل بريك اعلاني جابو طوالي واحد بيلبس الضيف التاني المايكروفون وظبط ليهو الطنبور في يدو وجاب قزازة بيبسي الحجم العائلي وملاء ليهو الكباية لووووووول دي كلها شوووف عيني |
القصة يازاتو ياحبيب بقت مكرره و بطريقه سمجه جدا،،
حتي انها اصبحت لاتمثل لهم حرجاً......
_______________________________________________________________
بعدين يازاتو المخرج دا زاااتو مولود وين؟؟ لووووووووول
|
Post: #11
Title: Re: انت طبعا مولود هنا !!!
Author: الزوول
Date: 06-06-2009, 04:25 AM
Parent: #10
السلام عليكم
الزوول ......ذاتوو 
تحياتي
.........
متابع معاك ( ومن غيرك) برامج زولتنا دي وبرامج القناة عامة
والقفشات الكتيرة البتحصل في قنواتنا السودانية
ولكن كتير ما أقعد أؤولها لى لأبتعادي الطويل عن البلد (انتو كيف؟)
وأقول ياخي مفروض ما أظلم الناس وأضخم الحاجات أكتر من اللازم...
الناس في السودان بيخترعوا لغة مؤقتة يتفاهموا بيها لزمن وبعدين يخلوها عشان يخترعوا تاني
وبيفهموها بكل سهولة ...في حين الناس الزينا ديل بيكونو مسطحين وما ناقشين حاجة..
والسؤال الفلسفي هل يجب على ناس القنوات ديل يتكلموا زينا عشان يوصلوا لينا المطلوب
أو نحن مفروض نتجاوب معاهم ونفهم لغتهم ولهجتهم ولو ما فهمت دي مشكلتك براك
وبذلك يكون الحق عليك ... مفروض تفهم طوالي انو (انت مولود هنا) دي المقصود منها شنو
الكلام ده برضو بيودينا لحاجة تانية
تفاعل السودانيين مع الشعوب التانية وهل مفروض نحول لهجتنا عشان يفهمونا ...أو نتكلم كلامنا العادي ده ...والعايز يفهم يفهم والما عايز ما عايز
مثلاً واحد في الرياض ينوي السفر لجدة وداير يشرح لواحد سعودي
مفروض يقول ليهو (أنا أبغي أسير جده)
أو يقول ليهو (هوي ...اسمع يا زول ...أنا ماشي جده)
لأنو الجماعة ديل عادي ممكن يفهمو (انا ماشي) دي بمعناها الحرفي
ماشي(walking) بكرعينو لغاية جده 
..........
|
Post: #13
Title: Re: انت طبعا مولود هنا !!!
Author: ALZOLZATOO
Date: 06-06-2009, 07:09 AM
Parent: #11
حبيبنا الزول
وعليكم السلام ورحمة الله وبركاته
ياحبيبنا نحن مطولين الغيبة وقالوا الله يكفينا شر قالوا من طول الغيبة جاب الغنائم
من ناحية اللغة والكلام المستخدم نادرا ماتفوت علي كلمة ولم اعرف معناها بي لهجتنا المحلية او رطانة شباب امدرمان .
لكن المشكلة تكمن في توصيل وربط كل المشاهدين بالقناة والبرنامج انا شخصيا فاهمها تماما بتقول في شنو لكن من المفترض ان توضح المذيعة الجميلة ان الفنان الشاب مولود في العاصمة لانو في غير سودانيون متابعين للقناة او سودانيون مغتربون من غير العاصمة وكلمة من هنا دي ح يفهموها في السودان
بالمناسبة انا من الناس المعجبين بي مقدمة البرامج وقالوا المالامك مادارك او العكس صحيح
امس كنت بحضر برضو في برنامج مستضيفين فيهو ناس دار الرياضة امدرمان اها في مذيع خارج الاستديو عمل لقاء مع كمال آفرو والمذيع توووووووش دخل ليك في كمال افرو اسئلة بدون مايقدم اسم القناة
اها كمال افرو قال ليهو ياخي انتو منو لوووووووووووووووول يكه قال ليهو نحن ناس قناة النيل الازرق
شفته انا متابعين كيف !!! لوووووووول
انا غايتو شغال بي لهجتي القديمة يعني اي زول بعرفو غير سوداني ح تلاقيهو بتكلم معاي لهجة سودانية
يوم بالصدفة لقيت واحد جمب البحر قال لي يافردة حديتك سنينة اها انا افتكرتو سوداني سلمت عليهو
لقيتو سعودي قلت ليهو علي الايمان اول مرة ادقس قال لي طلعت فردة منقرضة اها اتونست معاهو قال لي انا عشت مع سودانيين في جدة كتير قلت ليهو انت بقيت زول وشماشي كمان لووووووول يكه
تحياتي
زاتووووو
|
Post: #12
Title: Re: انت طبعا مولود هنا !!!
Author: ALZOLZATOO
Date: 06-06-2009, 06:51 AM
Parent: #10
حبيبنا السيد المسلمي
والله لي اسع انا متحير من المنظر داك بعدين الذ حاجة ماشفتهم جابو كباية جديدة يكونوا كبوا البيبسي في كباية الضيف القبلو ولا شنو كل شئ جائز
المخرج طبعا مولود هناك لووووووووووول يكه
تحياتي
زاتووووو
|
|