Post: #1
Title: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-22-2009, 11:10 PM
Parent: #0
الاخ خدر سلامات وتحايا
لعلك لم تفهم ما اقصد في البوست المحذوف ففهم الاخوة المتداخلين الموضوع خطاء بناءاً علي ردك
في عدد يوم 19 مايو صرحت الفنانة شروق ابوالناس لجريدة فنون (لن اغني الغناء الغناء الهابط ولو وزوني ذهب) وهي تلبس الفستان الفي صورة ادناءة( ساحمل الصورة لاحقا)
لك مطلق الحرية في الحكم علي اللبس اذا كان خليع او محتشم
انا في نظري الغناء الهابط ولا اللبس الخليع
موصلي
ساعود غدا لمشكة تقنية
|
Post: #2
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-22-2009, 11:34 PM
Parent: #1
سلامات يا محمد
مرحب بالحوار الهادئ معاكـ , و يا سيدي ياريت تقدر توضح موقفكـ هنا بشكل اوضح و ما تغيب عشان لا نظلمكـ ولا نظلم
روحنا او نظلم الفنانة شروق ابوالناس .
قصة انو الناس الدخلت البوست بعدي فهموا الموضوع بناء علي ردي عليكـ دي ما صحيحة يا محمد , الناس الدخلت بعدي
كلها ردت عليكـ من واقع عنوان بوستكـ و متن بوستكـ , نحن هنا في سودانيزاولاين ما قاعدين نباري آرأء بعضنا , كل
واحد فينا هنا عندو موقفو الفكري الممكن يختلف او يتفق مع اخرين.
Quote: في عدد يوم 19 مايو شرق لجريدة فنون (لن اغني الغناء الغناء الهابط ولو وزوني ذهب) وهي تلبس الفسان الفي صورة ادناءة لك مطلق الحرية في الحكم علي اللبس خليع او محتش
انا في نظري الغناء الهابط ولا البس الخليع
موصلي ساعود غداً |
الكلام ده يا محمد برضو ما مفهوم و يبدو لي انو عندكـ مشكلة في بعض مفاتيح كيبوردكـ , فألله يرضي علي والديكـ
راجع كتابتكـ قبل ما ترسلها لانو بتخلينا نحن هنا ما فاهمين انت قاصد شنو .
انت قلت في صورة ادناه و مشيت نمت , انا جيت وراكـ ما لقيت الصورة و فتشت عليكـ لقيتكـ نايم
اها انا اسوي شنو اسه ؟؟
امشي انوم بس لمن انت تصحي و تجي توضح وجهة نظركـ 
|
Post: #3
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-23-2009, 00:08 AM
Parent: #2
Quote: لكلام ده يا محمد برضو ما مفهوم و يبدو لي انو عندكـ مشكلة في بعض مفاتيح كيبوردكـ , فألله يرضي علي والديكـ
راجع كتابتكـ قبل ما ترسلها لانو بتخلينا نحن هنا ما فاهمين انت قاصد شنو .
انت قلت في صورة ادناه و مشيت نمت , انا جيت وراكـ ما لقيت الصورة و فتشت عليكـ لقيتكـ نايم
اها انا اسوي شنو اسه ؟؟
امشي انوم بس لمن انت تصحي و تجي توضح وجهة نظرك |
في انتظارك يا محمد
|
Post: #4
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Abd Alla Elhabib
Date: 05-23-2009, 00:19 AM
Parent: #3
مع إحترامي الأكيد للمبدعين الأستاذ الموصلى والأستاذ طارق
لكن.. هـل نفـهم من عنوان البوست يا محـمد الأمين أنك لا
ترغب في مشاركة بقية أعـضاء الـمنبر ??
|
Post: #5
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-23-2009, 00:59 AM
Parent: #4
Quote: مع إحترامي الأكيد للمبدعين الأستاذ الموصلى والأستاذ طارق
لكن.. هـل نفـهم من عنوان البوست يا محـمد الأمين أنك لا
ترغب في مشاركة بقية أعـضاء الـمنبر ?? |
ياعبد الله ياخوي .. اولاً سلامات ..
خلي المنبر كلو! انحنا بس الشاركنا في البوست
داك مادايرنا !!!!! ولا !.. عملنا كمان تابعين !!!! اها .. انا ده ...
قاعد في البوست ده ، واي تطاول او كلام مافي محلو في الفنانة شروق
اول زول حاينط ليهو في حلقو ... تيف .. ومساءلة حوار هادئ دي انا
مامن انصاره ، يازول هي اعراض ناس! حوار هادئ شنو ؟!
هسع العنوان ده زاتو فُرقيعة ساكت !!!!
وادي قعده .. فُرجُخْت ..
ـــ
الموصلي وخدر سلامات ..
|
Post: #6
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-23-2009, 01:11 AM
Parent: #5
| Quote: موضوع الاساءة لشروق ابوالناس |
اها بكده تكون (مُعترف) انو تَمَ إساءة للفنانة شروق ــ
اها برضو إذا ده إعتراف ؟!!.. بس ! تعتزر خلينا من حوار هادئ ولا طحنية ..
فلسفات كتيرة مادايرين !! تعتزر وتقطع وشك !!! بس !
|
Post: #16
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 09:05 AM
Parent: #6
| Quote: فلسفات كتيرة مادايرين !! تعتزر وتقطع وشك !!! بس |
انا لم اقصد الاساءة لشروق من بعيد اوقريب
واذا انت فهمت كدي انا اعتذر بشدة للجميع
|
Post: #10
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 08:49 AM
Parent: #4
Quote: مع إحترامي الأكيد للمبدعين الأستاذ الموصلى والأستاذ طارق
لكن.. هـل نفـهم من عنوان البوست يا محـمد الأمين أنك لا
ترغب في مشاركة بقية أعـضاء الـمنبر ?? |
ماكدي بس عندي مشكلة في الكيبورد وصعب علي ارد علي كل زول بالتفصيل
|
Post: #21
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 10:28 AM
Parent: #3
| Quote: في انتظارك يا محمد |
موصلي سلامات
قبل ان يحذف البوست
انا عارف انك من الذين وقفوا وراء شروق
بس بصراحة بصراحة شديدة جدا صوت شروق متوااااضع جدا جدا
وتعبك دة رايح شمار في مرقة
اذا افترضنا انك مقتنع بصوت وامكانتها الفنية ما ممكن تكون مقتنع بالصورة دي في وسط مجتمع سوداني محافظ يعني ذي ماقال احد الزملاء من قبل ان شروق وراها دكاترة وبروفات يبقي تعبكم ضاع شمار في مرقة
ياخي شروق دي ماعندها مستشارين ولاشنو
يعني بصراحة شديدة الغناء الهابط ولا البس الخليع
|
Post: #7
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 08:01 AM
Parent: #2
Quote: الكلام ده يا محمد برضو ما مفهوم و يبدو لي انو عندكـ مشكلة في بعض مفاتيح كيبوردكـ , فألله يرضي علي والديكـ
راجع كتابتكـ قبل ما ترسلها لانو بتخلينا نحن هنا ما فاهمين انت قاصد شنو |
فعلا ياخدر عندي مشكلة في الكيبورد بتاع البيت عشان كدة الكلام جايط علية الان انافي المكتب وح ارد بالتفصيل
|
Post: #8
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: ترهاقا
Date: 05-23-2009, 08:09 AM
Parent: #7
Quote: وهي تلبس الفسان الفي صورة ادناءة لك مطلق الحرية في الحكم علي اللبس خليع او محتش
|
الفيك اتعرف ياخوي ، وتعظيم سلام للفنانة شروق
|
Post: #9
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 08:39 AM
Parent: #1
الصورة الاولي
|
Post: #11
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-23-2009, 08:55 AM
Parent: #9
*
ـــ
بكري اسحب الـخـ..... !! ده !! ..
|
Post: #12
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 08:56 AM
Parent: #9
نفس الصورة مع نص الكلام المكتوب
|
Post: #13
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 09:03 AM
Parent: #12
يعني بصراحة الصورة دي احسن منها الغناء الهابط ياخدر
اظنك فهمتني
|
Post: #14
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-23-2009, 09:04 AM
Parent: #12
وقطعان الوش ده حَساسَا منك ؟!!!
ـــ
غايتو اتجدع لسع فاضل كتير لبكري عشان يصحىَ !!!
|
Post: #17
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 09:10 AM
Parent: #14
ود الجزولي فهمت كلامي ولا لسع مصر علي رايك
|
Post: #20
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-23-2009, 09:31 AM
Parent: #17
| Quote: ود الجزولي فهمت كلامي ولا لسع مصر علي رايك |
طيب خليك حَصيف وجيب دلايل!! ... يعني رابط ، او مصدر
موش صورة!! وكلام! والسلام!! ياود الأمين ..
ـــ
ولا ما هو ده الفهم ؟!!!
|
Post: #22
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 10:38 AM
Parent: #20
http://www.fenoon.net/
|
Post: #15
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عمر الفاروق
Date: 05-23-2009, 09:05 AM
Parent: #12
احونا محمد ..:
والله انا ما فاهم اي شي وما عارف بوست شنو الاتحذف وبوست شنو الاساءة والحاصل زاااتو شنو ..
لكن من البوست ده قدرت اتخيل الكلام الحصل ..
مبدئيا كده يا حبوب ما تستجيب للاستفزازت حقت الناس ديل وشيل الصور دي من هنا تقديرا واحتراما لي ناس تانيين مع انك ما غلطت وطالما صور زي دي سمح ليها تنزل في جريدة فممكن تنزل في اي حتة تانية ..
لكن عشان ما الناس ترميها فيك وكمان بالمرة تخلي روحك في السيف سايد شييل الصور دي يا حبيب ..
وخت ليهم رابط الجريدة او المجلة والعايز يمشي بي جاااازو ..
سر ونحن من امامك في موضوع الغنا الهابط ده وانا جايي للرد على التصريحات دي ..
بس يا حبوب عشان اقدر اخش هنا مرتاح علييييك الله شيل لي الصور دي..
تحياتي..
|
Post: #18
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 09:15 AM
Parent: #15
عمر سلامات ياعمك
الصورة دي سمح بيها مجلس المصنفات الادبية والاجهزة الامنية وكل مراقبين الجرايد
الصورة دي اي اسرة في السودان اطلعت عليها
اوكي سوف احذف الصورة بس منتظر رد خدر وموصلي
كل الود
|
Post: #19
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عمر الفاروق
Date: 05-23-2009, 09:20 AM
Parent: #15
بالمناسبة الغنا الهابط احسن مليووووون مرة من عمل الدعايات للصابون والمعجون والشعيرية واسبيرات تايوتا وعاااااااد هي ما صلصة وحللللتك ابدااااااااااع البرنس عاااد هي ما صلصة ..
عااارف والله ما عملتا شروق لكن شروق الفشلت في الغناء حاولت تدخل عنوووة وغصبا عبر بوابات الدعايات وحاليا يبدو انها تسووق لنفسها بي التصريحات النارية الفطيير (حلوووة نارية وفطير دي)..
والله افضل لي مليووون مرة اسمع نجاة سمك ونجاة غرزة ( للاختصار حا نطلع نجاة خارج القوس لي قدام)..
والله ان اسمع السمك ده في الموووردة والشحم ده لي الجبجبة والضعف ده سووووؤ تغذية وهاااااك هااااك البقجلي ده من الاستاذة نجاة سمك والله لهو افضل لي مليووونين مرة من سماع لست اكتمك الخبر بي صوت شروق ..
ووالله ان اسمع الغرزة مااااافي وسججججل لي وووووب انا سجججل لي الغرزة من العصفورة نجاة غرزة لهو افضضل مليونين وخمسمية مرة من ان اسمع وييييييييينك وطيب شذاااااااك(لازم تطلع لسانك مترين في شذاك دي لو سمحت) عاجباني عيونك يا الملاك من شروق ابو الناس..
عليه فإن نجاة(غرزة+سمك) وهبوطهن لعمري هو افضل من صعود شروق ابو الناس بصوتها وطريقة غناءها المبشتنة ..
اهبطن عزيزاتي نجاة(سمك+غرزة) ولو هبوووطاً إضطرارياً فنحن من خلفكن (ده ما عندو علاقة بي الحت والجبجبة) ..
ويا شروق اريييييييييتك ما تهبطي فهو المتنفس الوحيد الذي نلوووذ إليه من ضغوطات الدنيا ونبث فيه همومنا ونشكو اليه احزاننا فياخ علييييك الله ما تهبطي ودعي الذهب لي اااال ملة ..
والشحم ده عملوا لي شنو ؟؟ لي الجبببببجبة ..والضعف ده ..سووووووء تغذذذذذذذذذية ..
|
Post: #23
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عماد محمود علي
Date: 05-23-2009, 10:50 AM
Parent: #19
| Quote: لكن عشان ما الناس ترميها فيك وكمان بالمرة تخلي روحك في السيف سايد شييل الصور دي يا حبيب .. وخت ليهم رابط الجريدة او المجلة والعايز يمشي بي جاااازو .. |
لعناية الأخ محمد .... وعين العقل ياود الفاروق ... أثني وأبصم بالعشرة ...
مع تحياتي للاستاذ الموصلي والعزيز خدر ......
|
Post: #24
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 10:57 AM
Parent: #23
Quote: الصورة دي سمح بيها مجلس المصنفات الادبية والاجهزة الامنية وكل مراقبين الجرايد
|
|
Post: #25
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عماد محمود علي
Date: 05-23-2009, 11:07 AM
Parent: #24
| Quote: الصورة دي سمح بيها مجلس المصنفات الادبية والاجهزة الامنية وكل مراقبين الجرايد |
يا سيدي نحن عرفين كده .. بس بلاش حكاية وكنا نخوص مع الخائضين دي ... أو موت الجماعة عرس ...
|
Post: #26
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 11:26 AM
Parent: #25
بس لما يرد خضر وموصلي
|
Post: #27
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 11:51 AM
Parent: #26
محمد الامين و ضيوفكـ صباح الخير
حسب ما فهمت من بوستكـ يا محمد انو
- شروق صرحت لجريدة سودانية و قالت (لن اردد أغنية هابطة ولو وزنوني ذهباَ).
- مرفق مع الريبورتاج صورة للفنانة شروق ابوالناس .
الماقادر افهمو يا محمد
هل انت ما راضي عن الصورة ؟
ولا ما راضي عن تصريح الفنانة شروق بأنها لن تردد غني هابط ؟
عشان نقدر نتحاور فوق فهم لي مواقف بعض
___
انا ضد انو محمد يسحب صورة الفنانة شروق من البوست بالمناسبة , دي صورة منشورة و بموافقة صاحبتها في صحيفة يومية.
|
Post: #28
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 11:56 AM
Parent: #27
يا محمد
عملت ليكـ مونتاج بسيط للصورتين النقلتهم عشان الفكرة تكون كاملة
(صفحة فيها صورة مكتوب عليها تصريح)
_
الاعتذار لي الفنانة شروق و إدارة الصحيفة لانو جزء من وجه شروق ناقص بسبب إسكانر محمد موش بسببي
|
Post: #31
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:03 PM
Parent: #28
الصورة من الجريدة
بس الصورة كبيرة شوية ياعمك
|
Post: #29
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 11:57 AM
Parent: #27
هل انت ما راضي عن الصورة ؟
امسك في دي بس وقرض علي كدة
|
Post: #30
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 12:01 PM
Parent: #29
ليه معترض علي الصورة ؟
|
Post: #32
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عمر الفاروق
Date: 05-23-2009, 12:07 PM
Parent: #30
يا خدر اخوي :
معليش اجاوب ليك نيابة عن محمد لكن يبدو انك بتدردق في محمد وتسوقو واااحدة واااحدة ..
انت عارف تماما إنو محمد حا يقول ليك الصورة فاضحة وفيها عري وبالمناسبة ده جزء انا متأكد تماااما إنو نسبي وممكن زول يشوفو لبس عااادي جدا وزول تاني يشوفو لبس خليع وهااابط..
محمد الامين نظريتو وااااضحة إنو اخييير ليها تغني الهابط بدل ما تلبس الهاااابط ..
يعني الغنا الهابط البقولوا فيهو الشحم ده واللحم ده شروق ما غنتو للاسف شروق بي صورتها اللي نشرتها دي ادتهم ليها بيان بي العمل واللي ما يشتريش يتفرج ..اتوقع ده ما يقصده محمد الامين ..
ولو انت جيت يا خدر وقلت شروق لبسها ما هابط او شروق نفسها قالت كده فبرضو ليكم الحق لكن بي المقابل شروق كمان ما تجي تقول ده غنا هابط وده ما هابط لانو برررضو نسبي
|
Post: #33
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:08 PM
Parent: #30
معترض ياعمك بشدة
لان الغناء الهابط احسن من الكشيف
وذي ماعارف ياعمك اصبح اكل عيش لظروف البلد
|
Post: #34
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-23-2009, 12:17 PM
Parent: #30
انشر الصوره وماتسمع كلام اي زول لانو مافي زول خايف منها صوره عاديه جدا
وملايين السودانيات عندهن مثل هذه الصور ولكنهن لسن بفنانات
كفايه ان نعامل المرآة مثل الدولاب المغلق
انشر الصوره اكبر مما نشرتها
فهذا لن يصب شروق
انشر وتكون قد قدمت خدمه للفن السوداني
الذي اصبح تلفزيونه الذي اصبح يصور الرقصات الشعبية بالحجاب وغطا الراس
انشر الصورة لمصلحة الممثلة المسكينه الجايبنها رابطة راسها وهي نايمه في عنقريبها ولا سريرها في البيت
انشر الصوره عشان البفكو النقاب في الطيارة فور اقلاعها ويتزين باحسن ما قدمته باريس من تبرج
انشر الصورة كي يتوقف نفاق النفس
لي قدام
|
Post: #35
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:24 PM
Parent: #34
متاكد ياعمك
يعني بتغشونا بالفن رسالة
|
Post: #36
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:29 PM
Parent: #35
| Quote: انشر الصوره وماتسمع كلام اي زول لانو مافي زول خايف منها صوره عاديه جدا |
ولوكانت بنتك من لحمك ودمك برضو حتكون راضي؟؟؟؟؟؟؟؟؟؟؟؟
|
Post: #39
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 12:39 PM
Parent: #36
اهو يا محمد عمر الفاروق جاوب ليكـ
القضايا دي نسبية يا محمد , ما تراه انت خليع او (كِشيف) يراه غيركـ عادي و ما تراه انت عادي يراه غيركـ
(كِشيف). يعني بعض القراء بشوفو انو الفنانة شروق لابسه علي الموضه و آخرين بشوفو انو لبسها ما محتشم لكن
قطع شكـ مافي زول غيركـ قال انها متعريه ( ده الشرح الوحيد المقبول اللقيتو لكلمة كِشيف دي)
يا محمد انا ممكن اكتب ليكـ كلام كتير هنا عن تأريخ حِراكـ المجتمعات و بالذات في المستوي بتاع المرأة
و ده الناس إنقسموا فيهو بين مؤيد و معارض لكنهم اتفقوا كلهم في انو (زينة المرأه) قيمة تتحدد وفق قِيم
مجتمعها.
انا و موصلي و زملاء آخرين في البوست المسحوب كلامنا ليكـ كان انو عنوان بوستكـ + متن بوستكـ كانو في مجملهم
شتائم مباشرة للفنانة شروق و سجلنا اعتراضنا علي ده و علي طرحكـ المبتسر الذي شحنته بعبارات تفيد تجريم شروق
دون ان تأتي بالخبر كاملا
كنت اتمني يا محمد انكـ تركز علي جوهر القضية موضوع النقاش (آدآء المغنية - التشكيلية - الشاعرة -المشخصاتية
- الخ) و و تبعد قدر الامكان عن إلصاق تُهم غير مُتفق عليها لمجرد لبسها او حديثها او اخبارها التي
تتناقلها وسائط الاعلام من لبس و خلافه , في منابر عامة فهذه قضية لا تهمنا كسكان لهذه المنابر.
لو كنت كتبت تبرير عمر ليكـ الفوق ده و جبت الصورة كان بكون بوستكـ المسحوب مقبول. Full stop
__
كِشيف دي كلمة بايخة جدا بالمناسبة
|
Post: #40
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:46 PM
Parent: #39
| Quote: كِشيف دي كلمة بايخة جدا بالمناسبة |
طيب دة يقولوا علية شنو ماتعري بل كشف لجزء من الجسد
|
Post: #45
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-23-2009, 06:17 PM
Parent: #36
Quote:
ولوكانت بنتك من لحمك ودمك برضو حتكون راضي؟؟؟؟؟؟؟؟؟؟؟؟ |
يا محمد انت تفتكر ان حاغيير ليك يبقي بتحلم
جدا تلبسو بتي
لانو الصورة المتبرجه دي موجوده في خيالكم
انتو انسانه لابسه فستان مفصل بطريقه معينه
وخلاص مافيهو اي حاجه معينه
لكنكم اعتدمتم علي الخيال العلمي
|
Post: #37
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: baha eassa
Date: 05-23-2009, 12:31 PM
Parent: #34
Quote: انشر الصوره اكبر مما نشرتها
فهذا لن يصب شروق |
الموصلي يافنان .. كلامك صح واصلا هو ماقال اللبس في البوست المشين الذي
تراجع عنه الان 180 درجة لانه كان بعنوان الكشيف والاغاني الهابطة الجـاب
اللبس الخليع دة شنو هسي .. واصلا هو مالقي غير شروق ملايين البنات لابسات
زي ماعايزين وهم احرار .. يامصلح
|
Post: #38
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-23-2009, 12:38 PM
Parent: #37
| Quote: تراجع عنه الان 180 درجة لانه كان بعنوان الكشيف والاغاني الهابطة الجـاب |
لم اتراجع ولا سنتمر بس الكشيف والغناء الهابط كلوا عند العرب صابون
|
Post: #41
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: baha eassa
Date: 05-23-2009, 12:50 PM
Parent: #38
| Quote: لم اتراجع ولا سنتمر بس الكشيف والغناء الهابط كلوا عند العرب صابون |
والله كلامك دة الهابط .. صابون شنو وبطيخ شنو
|
Post: #42
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: عمر الفاروق
Date: 05-23-2009, 12:54 PM
Parent: #30
Quote: انشر الصوره وماتسمع كلام اي زول لانو مافي زول خايف منها صوره عاديه جدا
وملايين السودانيات عندهن مثل هذه الصور ولكنهن لسن بفنانات
كفايه ان نعامل المرآة مثل الدولاب المغلق
انشر الصوره اكبر مما نشرتها
فهذا لن يصب شروق
انشر وتكون قد قدمت خدمه للفن السوداني
الذي اصبح تلفزيونه الذي اصبح يصور الرقصات الشعبية بالحجاب وغطا الراس
انشر الصورة لمصلحة الممثلة المسكينه الجايبنها رابطة راسها وهي نايمه في عنقريبها ولا سريرها في البيت
انشر الصوره عشان البفكو النقاب في الطيارة فور اقلاعها ويتزين باحسن ما قدمته باريس من تبرج
انشر الصورة كي يتوقف نفاق النفس |
واله يا موصلي اسمح لي في الحتة دي اقول ليك بالجد إنتو ناس بتعاين حركاااات!!
شغااااالييين علي كييفكم ..
اخجلتكم شروق لأنو لاصورة كانت منزلاها في جريدة وبالتالي هي موافقة عليها ..
لكن والله ووالله ووالله يا موصلي لو كان محمد نزل نففففس الصورة دي وانت كنت قايل انها ما نزلت في الجريدة والله يا موووصلي وانا متاااكد لاني بعرررفك وبعرف طريقة ردودك ومدى محافظتك على ان يحترم الناس بعضهم كنت اوووول حاجة حا تقولا ليهو يا محمد احذف الصورة دي ..
انا كنت متمني محمد يستخدم طعم زي ده وما يقول الصورة دي نازلة في جريدة ..
عارفك حا تقول لي طالما شروق موافقة على لاصورة يبقا تاني ماف حد يقدر يتكلم ..
لكن بالجد انتو يا قول حبوبتي البدوووروووهو تقولوا ليهو موحمد والبيتابوووهوو تقولوا ليهو سوجممت ..
عن نفسي ما حا هتم بي موضوع لاصورة ده شديد شروق تلبس عريان شروق تلبس حجاب شروق تلبس كم اه وكم لأ شروق تلبس كمين لأ شروق ماااااااا فناااااانة ان طارت السما وان قدت الواااطة ..
كل محاولاتها لي لفت الانتباه بائت بالفشل إلا من المطبلاتية وناس الواسطات الفي الجرايد والتلفزيون ..
وطالما شروق سلكت الدرب ده عشان تصل للمستمع والله ما حا تصل..
عليييك الله يا موصلي انت عمرك الفني كم؟؟؟ انا متاكد طيييلة العشرة سنوات الفاتت دي تصريحاتك للاعلام ما اتعدت الخمسة تصريحت وده انت الموووووووصلي..
شروق الما قامت من قعر الواااطة الفنية دي ياخ ده اللقاء الجغلومية ليها !!!!!
شروق قالت شروق فعلت شروق سووت شروق وابوعركي شروق والنخلي شروق والموصلي شروق وبدور شروق والاسد ..
وده كللللللللللللللللو وشروق ما اتقدمت خطوة واااااحدة في الغنا السوداني ..
شروق تصرح وناس حليمة جمكسين وفاطنة كركبة ماشييييييييييييييييييييييييين ..
|
Post: #43
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 01:13 PM
Parent: #42
| Quote: طيب دة يقولوا علية شنو ماتعري بل كشف لجزء من الجسد |
يعني يا محمد كلامي كلو الانا قلتو ده انت ما ترد فيهو إلا علي التعليق الاخير عن (كلمة) ؟
رأيكـ شنو ياخي في كلامي كلو ؟
|
Post: #44
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-23-2009, 01:32 PM
Parent: #43
كلامي ده عملت لي فيهو شنو ؟
Quote: القضايا دي نسبية يا محمد , ما تراه انت خليع او (كِشيف) يراه غيركـ عادي و ما تراه انت عادي يراه غيركـ
(كِشيف). يعني بعض القراء بشوفو انو الفنانة شروق لابسه علي الموضه و آخرين بشوفو انو لبسها ما محتشم لكن
قطع شكـ مافي زول غيركـ قال انها متعريه ( ده الشرح الوحيد المقبول اللقيتو لكلمة كِشيف دي)
يا محمد انا ممكن اكتب ليكـ كلام كتير هنا عن تأريخ حِراكـ المجتمعات و بالذات في المستوي بتاع المرأة
و ده الناس إنقسموا فيهو بين مؤيد و معارض لكنهم اتفقوا كلهم في انو (زينة المرأه) قيمة تتحدد وفق قِيم
مجتمعها.
انا و موصلي و زملاء آخرين في البوست المسحوب كلامنا ليكـ كان انو عنوان بوستكـ + متن بوستكـ كانو في مجملهم
شتائم مباشرة للفنانة شروق و سجلنا اعتراضنا علي ده و علي طرحكـ المبتسر الذي شحنته بعبارات تفيد تجريم شروق
دون ان تأتي بالخبر كاملا
كنت اتمني يا محمد انكـ تركز علي جوهر القضية موضوع النقاش (آدآء المغنية - التشكيلية - الشاعرة -المشخصاتية
- الخ) و و تبعد قدر الامكان عن إلصاق تُهم غير مُتفق عليها لمجرد لبسها او حديثها او اخبارها التي
تتناقلها وسائط الاعلام من لبس و خلافه , في منابر عامة فهذه قضية لا تهمنا كسكان لهذه المنابر.
لو كنت كتبت تبرير عمر ليكـ الفوق ده و جبت الصورة كان بكون بوستكـ المسحوب مقبول. Full stop |
|
Post: #46
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-24-2009, 07:42 AM
Parent: #44
خدر صباح الخير
Quote: يعني يا محمد كلامي كلو الانا قلتو ده انت ما ترد فيهو إلا علي التعليق الاخير عن (كلمة) ؟
رأيكـ شنو ياخي في كلامي كلو ؟ |
فكرتك وصلت ياخدر اكيد ماحتزيد من كلام موصلي
|
Post: #47
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Tabaldina
Date: 05-24-2009, 08:09 AM
Parent: #46
..
.
Quote: انشر الصوره عشان البفكو النقاب في الطيارة فور اقلاعها ويتزين باحسن ما قدمته باريس من تبرج
انشر الصورة كي يتوقف نفاق النفس |
__________
الخطوط الجوية السعودية فى اولى رحلتها
الى الشرق الاعلى .. !!
|
Post: #48
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-24-2009, 11:10 AM
Parent: #47
Quote: الخطوط الجوية السعودية فى اولى رحلتها
الى الشرق الاعلى .. !! |
تبلدينا سلام عليك
|
Post: #49
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Tabaldina
Date: 05-24-2009, 11:27 AM
Parent: #48
..
.
وعليكم السلام يا موصلى يا رائع ..
ما قصدى شئ بس سرحت فى سفرية للخطوط
الجوية السعودية من الرياض لاستانبول ..
وتردد فى داخلى شتات بين سودانير وسعودى اير ..وبس
_____________
مع احترامى لك ود. معز لتبنيكم لشروق أبوالناس
بصراحة من حفل التتويج بتاع مركز عبدالكريم ميرغنى
وكان به قامات من الشعراء والادباء واداء لشروق
والله من ديك انا تانى الا اشوف اسم شروق مكتوب ..
لااكتر ولا اقل ..
|
Post: #50
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Rihab Khalifa
Date: 05-24-2009, 11:31 AM
Parent: #49
| Quote: قصة انو الناس الدخلت البوست بعدي فهموا الموضوع بناء علي ردي عليكـ دي ما صحيحة يا محمد. |
والله يا خدر الحته دي بتضايقني بشكل لمن اقراها
ياخ انتو عرفتو من وين؟ بتعلمو الغيب ولا بتشمو علي
ضهر ايدكم ولا بتقرو سرائر الناس لمن تدوهم التابعيه
دي و تعرفو انه فهم خدر اثر علي فهمهم
|
Post: #56
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-25-2009, 03:12 AM
Parent: #49
واله ياتبلدينا بسلم عليك نسبة لانك غبت كتير
وعجبني تعليقك
لانو بذكرني الطيارة لمن تقوم
وتتغير الهدوم
بس نحن فالحين في بتنا المسكينه
الاصلو في المجتمع الحولها مافي زول
شكا منها
|
Post: #51
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-24-2009, 11:55 AM
Parent: #48
ام كلثوم
ليلي مراد
وردة الجزائرية
ماجده الرومي
اصالة نصري
__
ديفيليه مولانا خدر للكشيف 
|
Post: #52
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-24-2009, 12:20 PM
Parent: #51
عارفه يا رحاب
فعلا دي فكرة خطاء تماما , و اعتقد انها بتتقال كتير في حالات بكون صعب علي الزول انو يرد علي انتقاد الناس لي فكرتو.
انا بالمقابل كتير جدا بدخل بوستات و بلقي زميل تاني كفاني مشقة الرد و قال تقريبا نفس كلامي العاوز اقولو
بنسحب و بقفل البوست و بكون مبسوط انو فكرتي وصلت.
و قد يحدث انو ادخل بوست و اثناء كتابتي لردي بكون في زميل تاني كتب نفس ردي و نزل كلامو قبل ردي (عامل زمني).
والحالات كتيره و في مُجملها لا تعني تناسل ردود الاخرين بُناء علي رد زميل سابق ليهم
|
Post: #53
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-24-2009, 01:31 PM
Parent: #51
لالوب بلدنا دة مالوا
خضر عملت وجع قلب
امش واجيك راجع
|
Post: #54
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: نيازي عبدالله مرحوم احمد
Date: 05-24-2009, 03:13 PM
Parent: #53
جنس اللبس دا هنا في السودان رااااقد لابساتو بناتنا ولا يدل علي سقوط الاخلاق ولا يستدعي انتباهي انا شخصيا
المناسبات في السودان بقت عرض للازياء فقط وبدون قومه وقعده نقول الله يهدينا سواء السبيل جمعيا
|
Post: #55
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-24-2009, 05:16 PM
Parent: #51
محمد سلامات تاني
منذ بداية البوست و انا متعمد انو ما اهاجمكـ او اوصفكـ بالضحالة (لا سامح الله) و ركزت جدا في انو اكسبكـ في البوست
ده لصالح لبس شروق الانت منتقدو ده , ببساطة لانو لبس عادي و مافيهو شي خليع حسب وجهة نظري انا لكن يبدو و من
متابعتي لي ردودكـ في البوست انكـ متوقع انو نجيب شروق دي و نتكيها و نضبحها ليكـ لانو لبسها ما عاجبكـ . و بالمرة
نضبح ليلي مراد و ام كلثوم و ماجده الرومي لانو صدرهم و ضراعاتهم كاشفات و القصة دي بتزعج محمد جدا.
صور الفنانات العظيمات الجبتهم ليكـ هنا ديل كان غرضي منهم انو اوريكـ تطور الاناقة خلال العصور الفاتت إبتداء
من ام كلثوم و اللي الموضة في زمنها كانت كما في الصورة اعلاه كذلكـ وردة و ماجدة و اخيرا اصالة نصري
الصور دي ما عشان توري مستوي العري في الدول العربية قدرما قصدت فيها انو اشرح انو الفنان ده شخص مختلف و العيون بتكون عليهو دائما لذلكـ هو مطالب دائما انو يلبس وفق الاناقة النابعة من عصرو و مجتمعو. ما اظنكـ بتحتاج احكي ليكـ عن دورة حياة اللبس في مجتمعاتنا العربية و الافريقية كمان و اللي بدأ صغير و عريان و تحول الي مغطي بفضل تأخر و إنحطاط عقلية افراد مجتمعاتنا و نظرتهم للمرأة فقط علي انها فريسة كما سماها اخونا محسن خالد علي لسان بطل روايتو.
لبس الفنانة شروق ابوالناس في الصورة الانت ارفقتها لبس عادي جدا في تقديري ما فيهو ما يعيب شروق او يقلل منها او حتي يوصفها بالتعري (الكشيف) زي ما قالوا ليكـ الزملاء قبلي . و لو عاوز تشوف التعري و الكشيف الانت بتقولو ده امشي قوقل اسماء المطربات و الممثلات العرب المعاصرات و ساعتها حا تعرف الفرق بين لبس شروق و بين التعري او الكشيف الانت بتقولو ده.
اتمني انكـ تعتذر لي روحكـ في الاول عن الفهم المُلتبس و المغلوط القلتو في بوستكـ الاول و بوستكـ ده و تعتذر لي شروق ابو الناس عن كلامكـ في حقها و تعتذر لينا نحنا ديل عن زمننا الضاع هنا في شرح قضايا ما محتاجة شرح اصلا .
فائق مودتي يا محمد
|
Post: #57
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-25-2009, 08:10 AM
Parent: #55
خضر ياحبيبنا انت مشكتك حبك لشروق مصيطر علي عواطفك وماقادر تقول الحقيقة
ياسيدي الفاضل انا لا اتحدث عن فنانة تغني في فنادق خمسة نجوم في شرتون القاهرة اودبي اتحدث عن فنانة تغني في السودان ذي ندي القلعة سميرة دنيا و نجاة سمك ونجاة غرزة وحواء ساردين وسميرة مرتبة انا اتحدث عن فنانة تغني في امبدة والكلاكة والحاج يوسف المايقوما وكرور والموردة والمرغنية كسلا والسكة حديد عطبرة وديم سلك الفاشر وشندي فوق
يعني بالوضوح لوغنت شروق في احد هذة الاحياء العريقة حيقرصوهاااااااااااااا
| Quote: منذ بداية البوست و انا متعمد انو ما اهاجمكـ او اوصفكـ بالضحالة (لا سامح الله) و ركزت جدا في انو اكسبكـ في البوست |
لك مطلق الحرية وماحازعل منك نهائيا لان اختلاف الراي لايفسد للود قضية
تعالباخضر نخلي كلام المثقفين دة ونرجع لي واقعناودينا هل ترضي هذا لبنتك اواختك اوقربتك الافي السودان قالوا ليك باطل وديوس
Quote: حكم لبس المرأة للملابس الشفافة والضيقة قال فضيلة الشيخ صالح الفوزان : الاجابة:يجب أن لا يكون لباس ال... حكم لبس المرأة للملابس الشفافة والضيقة
قال فضيلة الشيخ صالح الفوزان :
الاجابة:
يجب أن لا يكون لباس المرأة شفافاً غير ساتر يرى من ورائه لون بشرتها وأن لا يكون ضيقاً يبين حجم أعضاءها لما ورد عن النبي صلى الله عليه وسلم أنه قال : " صنفان من أهل النار لم أراهما : نساء كاسيات عاريات مائلات مميلات رؤوسهن كأسنمة البخت لا يدخلن الجنة ولا يجدن ريحها ورجال معهم سياط كأذناب البقر يضربون بها عباد الله " . قال شيخ الإسلام ابن تيميه رحمه الله في مجموع الفتاوى وقد فسر قوله صلى الله عليه وسلم : " كاسيات عاريات " بأن تكتسي ما لا يسترها فهي كاسية وهي في الحقيقة عارية مثل من تكتسي الثوب الرقيق الذي يصف بشرتها أو الثوب الضيق الذي يبدي تقاطيع خلقها مثل عجيزتها وساعدها ونحو ذلك وإنما كسوة المرأة ما يسترها فلا يبدي جسمها ولا حجم أعضاءها لكونه كثيفاً واسعاً (1)
(1) التنبيهات للشيخ صالح الفوزان ص 23
|
http://www.7wa.arb-woman.com/more/12168.html
|
Post: #58
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-25-2009, 09:56 AM
Parent: #57
صباح الخير محمد
واحد - يا سيدي ما من حقي الا انو اشتمكـ لانو دي مااخلاقي .
اتنين - لو انتبهت لكلامي جيدا انا تحدثت عن كلمتين مهمات (الاناقة - المجتمعات) وده اعتقد فيهو رد كافي
لسؤالكـ عن غناء شروق او زميلاتها في قري و اقاليم السودان
تلاته - مافي حوجة للتعاطف اصلا , انا البوست ده دخلتو عشان اساهم مع الزملاء هنا في ارساء دور ايجابي
لسودانيزاونلاين في نقد الاخرين و نبهت بأنو ماعايزين الباسوردات الشايلنها دي تكون مُبرر لشتم ذيد او
التعريض عبيد دون بينه, يعني بأختصار انا مع النقد الايجابي و ضد النقد السلبي .
شروق من اكثر المطربات الاتعرضو للنقد في سودانيزاولاين , لكن كل النقد الاتوجة لي شروق كان حول قضايا
فنية, المزعج انكـ يا محمد الوحيد الاتكلم عن لبس شروق. و ده حا يكون تقليد فعلا مزعج إذا سمحنا بأنو يمر
لو إتكلمنا عن الدين يا محمد انت ذاتكـ بنطلونكـ و كرفتتكـ العاجبنكـ ديل فيهم حُرمة
Quote: يرى شيخنا الألباني أن لبس البنطال للرجل لا يجوز أي محرم لما يشتمل عليه من تحديد العورة والتشبه بالكفار وقد أشكل علي كونه تشبها بالكفار عنده مع أنه لا يرى لبس المعطف تشبها وكلاهما قد شاع لبسه بين المسلمين ولم يعد من خصائص الكفار فسألته إذا كان اللباس من لباس الكفار ثم شاع بين المسلمين هل يبقى تشبها بالكفار لمن لبسه من المسلمين أم ينتفي التشبه فقال ينتفي التشبه ثم سألته لم البنطال تعده تشبها والمعطف( الجاكيت) لا تعده تشبها مع أن كليهما من لباس الكفار ثم شاع بين المسلمين فأخبرني أن العبرة بالصالحين لا بالطالحين ففهمت من كلامه أن الشيخ رحمه الله
لا يعد البنطال كالمعطف في انتفاء التشبه بالكفار لأن غالب الصالحين لم يلبسوه أي البنطال بخلاف المعطف .
ومرة سألته عن أمر التشبه في البنطال لكونه صار عاما في المسلمين وغيرهم فقال هب أنه ليس تشبها أليس تحديدا للعورة فقلت إذا لم يكن محددا للعورة؟ فقال هذا من الخيال .
وسألته عمن يلبس بنطالا وفوقه معطف يغطي عورته فقال لا يجوز تنتفي هنا علة تحديد العورة وتبقى علة التشبه بالكفار . |
http://majles.alukah.net/showthread.php?t=29433
|
Post: #59
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-25-2009, 12:02 PM
Parent: #58
| Quote: واحد - يا سيدي ما من حقي الا انو اشتمكـ لانو دي مااخلاقي |
اثق في ذالك
| Quote: انا تحدثت عن كلمتين مهمات (الاناقة - المجتمعات) |
اللة يخليك
بس تمشيا مع المجتمع والدين والاخلاق والاعراف والتقاليد
شروق لاتعيش في مجتمع اصالة وام كلثوم
تعيش في مجتمعناالبسيط دة بتاع التوب والجلابية مجمتع امبدة والكلاكلة وحلفا ومروي والفاشر ....الخ
اما الالباني الذي حرم الانتفاضة الفلسطنية من الطبيعي ان يحرم البنطلون
http://www.youtube.com/watch?v=-whhEpj__g4
|
Post: #60
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-25-2009, 01:11 PM
Parent: #59
Quote: [بس تمشيا مع المجتمع والدين والاخلاق والاعراف والتقاليد
شروق لاتعيش في مجتمع اصالة وام كلثوم
تعيش في مجتمعناالبسيط دة بتاع التوب والجلابية مجمتع امبدة والكلاكلة وحلفا ومروي والفاشر ....الخ
|
هذا بعد هبوب عفار الانقاذ
|
Post: #61
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-25-2009, 01:46 PM
Parent: #60
| Quote: هذا بعد هبوب عفار الانقاذ |
لا اعتقد ان الانظمة لها المقدرة علي تغير عقلية الشعوب سوي كانت يمنية اويسارية
|
Post: #62
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الجزولي
Date: 05-25-2009, 01:58 PM
Parent: #61
| Quote: يجب أن لا يكون لباس المرأة شفافاً غير ساتر يرى من ورائه لون بشرتها وأن لا يكون ضيقاً يبين حجم أعضاءها لما ورد عن النبي صلى الله عليه وسلم أنه قال : " صنفان من أهل النار لم أراهما : نساء كاسيات عاريات مائلات مميلات رؤوسهن كأسنمة البخت لا يدخلن الجنة ولا يجدن ريحها ورجال معهم سياط كأذناب البقر يضربون بها عباد الله " . قال شيخ الإسلام ابن تيميه رحمه الله في مجموع الفتاوى وقد فسر قوله صلى الله عليه وسلم : " كاسيات عاريات " بأن تكتسي ما لا يسترها فهي كاسية وهي في الحقيقة عارية مثل من تكتسي الثوب الرقيق الذي يصف بشرتها أو الثوب الضيق الذي يبدي تقاطيع خلقها مثل عجيزتها وساعدها ونحو ذلك وإنما كسوة المرأة ما يسترها فلا يبدي جسمها ولا حجم أعضاءها لكونه كثيفاً واسعاً (1) |
وبهذه اليجب .. يجب ان لا تغني المرأة اساساً !!!! ..
ــــ
بايز اوي .. الرابط الوُرد اعلاه ، لم اجد فيه مايفيني ـ بمصدر !!..
|
Post: #63
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: خدر
Date: 05-25-2009, 02:57 PM
Parent: #62
| Quote: لا اعتقد ان الانظمة لها المقدرة علي تغير عقلية الشعوب سوي كانت يمنية اويسارية |
لها المقدرة يا محمد و كلامكـ عن لبس شروق خير مثال
كدي امشي اسأل حبوبتكـ ربنا يمد في ايامها او (اي حبوبة من جيلها) قول ليها في عرسكـ كنت لابسه شنو ؟
ورقصتي رقيص العروس و انت لابسه شنو ؟
و تعال نتم الونسة
|
Post: #65
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: Elmosley
Date: 05-26-2009, 09:56 AM
Parent: #61
| Quote: لا اعتقد ان الانظمة لها المقدرة علي تغير عقلية الشعوب سوي كانت يمنية اويسارية |
يعني يت تبو حميد عاوز تقول لي ان عشرين سنه من عمر الاعلام الموجه الانقاذي ليس له تاثير علي من ترعرعوا
وتربو في كنفه
كدي فكر براحه وتعال
|
Post: #64
Title: Re: حوار هادي مع الاخوان خدر والموصلي في موضوع الاساءة لشروق ابوالناس
Author: محمد الامين محمد
Date: 05-26-2009, 08:08 AM
Parent: #19
كدي امشي اسأل حبوبتكـ ربنا يمد في ايامها او (اي حبوبة من جيلها) قول ليها في عرسكـ كنت لابسه شنو ؟
تعيش انت
انا ماعارف باقي الحبوبات كيف لكن حبوبتي بحكم انها كانت بنت عز وامراء علي حسب الرويات ماكانوا بشفوا الشارع نهايك عن اللبس
|
|