|
|
 عملت لينا شنو في الكهرباء؟
|
واحد مسطول مشى لسد مروي من دغش الرحمن،
حسب ما كانت السطلة رابطة معاهو،
وقف جنب السد وقال ليهو: يا السد.. السد هوي ..
عملت لينا شنو في الكهرباء؟
|
|
 
|
|
|
|
|
|
|
 Re: عملت لينا شنو في الكهرباء؟ (Re: Nasruddin Al Basheer)
|
| Quote: عملت لينا شنو في الكهرباء؟ |
الاستاذ نصرالدين ود البشير
** مساءك خير..
** فأجابه السد :- الرد الرد الرد.
** وظل المسطول هائماً فى هذه الاجابه المُبهمه ,, وعندها علم السد بأن الواويه قويه وانها بكرتين ولابد من إقناع السائل بحجج قويه تُشفى غليله:-
** حقيقة لقد تم أفتتاحى قبل الاوان وإنصهر السلكان ولم يوضح ذلك المدير الجبان والامر عندهم سيان طالما أن المسؤوليه لايتحملها إنسان فى بلاد النسيان والكل للمال العام ناهب وشبعان ,, أنسى يامنسا ومن الاحسن تشوف ليك جنريتر فرمضان على الابواب - السد ...السد... الرد ... الرد.... الرد..
(ودام الود بين االجميع)
(ابو محمد فؤاد - دبي)
| |
|
|
|
|
|
|
|
|
|
Re: عملت لينا شنو في الكهرباء؟ (Re: عبدالكريم أحمد الامين)
|
Quote: ** فأجابه السد :- الرد الرد الرد.
** وظل المسطول هائماً فى هذه الاجابه المُبهمه ,, وعندها علم السد بأن الواويه قويه وانها بكرتين ولابد من إقناع السائل بحجج قويه تُشفى غليله:-
** حقيقة لقد تم أفتتاحى قبل الاوان وإنصهر السلكان ولم يوضح ذلك المدير الجبان والامر عندهم سيان طالما أن المسؤوليه لايتحملها إنسان فى بلاد النسيان والكل للمال العام ناهب وشبعان ,, أنسى يامنسا ومن الاحسن تشوف ليك جنريتر فرمضان على الابواب - السد ...السد... الرد ... الرد.... الرد..
|
أستاذنا العزيز عبد الكريم أحمد
صباح الخير وأسعد الله أوقاتك كلها
أضحكني تداعيك مع المسطول المسكين الذي أصبح حائراً منك ومن السد، والراجل فاكر
نفسو وحده المسطول بأحاديث السد، ولكن يظهر إنو الحيرة بتربط السطلة (بالطاء)،
لكل الشعب السوداني الذي أصبح هو الآخر محتاراً في السد الجابوهو فزعة رقد سلطة..
النكتة دي كانت مدخل لموضوع السد الذي سد نفسنا من التنمية في السودان..
الموضوع ما حايقيف في النكتة دي.. النكتة انتهت لكن مشكلة السد قائمة ومنفرجة.
بس شيلوا معانا الصبر..
| |
|
|
|
|
|
|
|
|
|
Re: عملت لينا شنو في الكهرباء؟ (Re: Nasruddin Al Basheer)
|
فى ندوة فى الاسبوع الماضي شارك فيها
جاء فيها غلوطية اشبه بالنكتة
وحكى الاستاذ ان مواطني احد القرى ذهبوا لادارة السد لان الكهرباء والماء قطعت لديهم لايام كثيرة وكان هذا الامر قبيل افتتاح السد بيوم واحد فقط
ذهب المواطن لادارة السد فقيل له ان الموضوع برمته تم تحويله للولاية
ذهب للولاية قيل له بانهم لا علم لهم حتى ببرنامج تشغيل السد ناهيك عن امر بهذه الاهمية
عاد لادارة السد مرة اخرى
قيل له بان (فلان فقط) هو الذي بيده الامر وحله
ذهب لمكتب فلان قيل له انه فى الخرطوم منذ اسبوعين
سالهم متى يعود
قال (العلم عند الله)
اضطر للحضور الى الخرطوم باحثا عن (موظف دولة) من اولى مسئولياته ان يتواجد بمكتبه لادارة شئون العباد
لم يجد الموظف رغم ان له مكتب اخر بالخرطوم يدير به امور مكتبه بجواله هناك
فى النهاية
قالوا له
الموظف (للرد)
على وزن السد (للرد)
| |
|
|
|
|
|
|
|
|
|
Re: عملت لينا شنو في الكهرباء؟ (Re: دوت مجاك)
|
Quote: سالهم متى يعود
قال (العلم عند الله)
اضطر للحضور الى الخرطوم باحثا عن (موظف دولة) من اولى مسئولياته ان يتواجد بمكتبه لادارة شئون العباد
لم يجد الموظف رغم ان له مكتب اخر بالخرطوم يدير به امور مكتبه بجواله هناك
فى النهاية
قالوا له
الموظف (للرد)
على وزن السد (للرد) |
الأخ العزيز دوت مجاك
مساك الله بالخير والنعيم
تعرف مثل هذه الأشياء لا تحدث إلا في السودان البلد العجيب، يعني بكل برود
ممكن يكون في موظف واحد متحكم في أمور عباد الله وبيتعامل معاهم بمنتهى
البرود واللا مبالاة زي حكاية صاحبنا الموجود في الخرطوم في مكان مجهول
وخلى الناس وراهو عطشانين.. السد نفسو بيتحكم فيهو اسامة عبد الله وما بعيد
يسموهو سد أسامة عبد الله بقرار جمهوري لأن أسامة هذا هو الوحيد المسؤول
عن إدارة السد ويتبع مباشرة للقصر الجمهوري..
تعرف الشيء الحصل في السد إياهو يستحق أن تكتب عنه مجلدات وكتب كثيرة،
لأن تداعيات ما بعد السد والاحتفاليات الكاذبة دللت على إنا شعب لا يكترث..
وكما يقولون عيش رجباً ترى عجباً..
| |
|
|
|
|
|
|
|
|
|
Re: عملت لينا شنو في الكهرباء؟ (Re: عبد الخالق عابد)
|
Quote: العزيز نصرالدين
السلامات ومشتاقين كتير
قلت لى قال ليهو عملت لينا شنو فى الكهرباء
ياخى ده مسطول مباااااااالغه الله يجازيه
ويجازى هذا الزمن الردئ
|
الصديق العزيز عبد الخالق
كيفك يا رجل عساك والأسرة بخير
الناس وقت ما لقت كهرباء، قلنا أحسن تستمتع بالنكات..
وبرضو شيء أفضل من لا شيء..
| |
|
|
|
|
|
|
|
|
|
Re: عملت لينا شنو في الكهرباء؟ (Re: Nasruddin Al Basheer)
|
الحظ العاثر والسد العاقر
لم يكن يعتقد أسوأ المتشائمين بأن يشرب السودان المقلب من سد مروي،
وهو مقلب كبير ومؤلم.. قد تتحمل الصدمة لو خدعت في لاعب كرة أو مدرب
طلع (ماسورة) فسيكون الحل موجوداً لديك بالاستغناء عن خدماته وتتعوض
الله في الخسارة المالية، ولكن أن يطلع سد مشيد من المواسير والخرسانة
والأسمنت والسيخ والحديد (ماسورة) فهذا أمر صعب للغاية ولا يمكن تحمل
خسارته بسهولة..
يقال بأن إدارة السد بعثت بوفد إلى مايرنو لمعرفة سبب التأخر في الإنجاب
(إنجاب الكهرباء طبعاً).. طلب فكي إبراهيم أن يحضروا له السد في مايرنو،
فاستغرب أعضاء الوفد وأكدوا باستحالة إحضار السد، فقال له فكي إبراهيم
تيّب في سورة؟ (يقصد صورة)، فأخرجوا له صورة حديثة للسد.. نظر الفكي للصورة
ثم تمتم بكلمات وبسمل وحوقل ورفع رأسه للسماء وأخذ يردد لا إله إلا الله..
لا إله إلا الله.. فسأله أحدهم: في شنو يا الشيخ إن شاء الله خير؟
فقال الفكي: عين.. عين قوية من واحد صيني عيونو سغاااااار
عضو الوفد: طيب ما في طريقة تطلع العين؟
الفكي: ما في طريقة.. الصيني ما مسلم.. بس ممكن نرد على الصيني بسد تاني..
ثم أضاف لما رأى استغراب أعضاء الوفد.. زي ما عمر البشير رد على كوكامبو بالسد..
فرجع الوفد إلى الخرطوم وأسفو في عيونو ودرب الرجعة ما عرفو..
| |
|
|
|
|
|
|
|
|
|
Re: عملت لينا شنو في الكهرباء؟ (Re: على محمد على بشير)
|
لكن يجب أن نعترف بعيبنا وهو أننا شعب يستعجل النتائج، فالإنقاذ يادوووب ليها
عشرين سنة بس وبدينا ننتقد فيها ونجلدها بسيطان النقد والسخرية رغم الإنجازات
الضخمة التي حققها الكيزان لأنفسهم..
وكذلك السد يادووب اكتمل وبدينا نستعجل توليد الكهرباء، ونحن عارفين مرات كتيرة
الإنجاب بيتأخر لأي سبب من الأسباب، مرات بكون نتيجة لالتهابات ومضاعفات ومرات بكون
لعوامل نفسية متعددة. والإنجاب نفسه مسألة قسمة ونصيب، فهل يعني إذا السد ما ولّد
كهرباء نشن عليهو حملة ونرهقو نفسياً ومعنوياً؟ هسه بالله عليكم الطرائف والنكات الحلوة
الطلعت في السد دي ما فائدة من فوائد السد؟ أما الكهرباء فملحوقة، ممكن نولدها من
أي سد تاني أو نولدها من مصادر طاقة أخرى.. الصبر كويس يا جماعة والكهرباء جاية جاية
عاجلاً أم آجلاً.. بس أرجو أن تقدروا الظروف النفسية السيئة التي يمر بها السد.. يعني شوفوا
حتى المسطول الرمدان السجمان ده بقى يسخر ويتدخل في حمل وولادة السد.. يا جماعة السخرية
وصلت لدرجة إنو الكمساري بتاع البص لما يجي في محطة سد مروي بنادي على الركاب (الماسورة..
في حد نازل)..
من هنا أوجه رسالة للجميع بأن يكفوا عن الانتقادات اللاذعة للسد لأنها لن تخدم غرض، ودعونا
نتفاءل بالغد ونغني للوطن الخالد:
وطن السدود نبنيك بالأموال نجود.. وطني وطني..
| |
|
|
|
|
|
|
|
|
|
Re: عملت لينا شنو في الكهرباء؟ (Re: Nasruddin Al Basheer)
|
Quote: الكمساري بتاع البص لما يجي في محطة سد مروي بنادي على الركاب (الماسورة..
في حد نازل).. |
نصر الدين سلام
يظل السد إهراماً من اهرامات مروي القديمة وامتداد للنقع والمصورات وغيرها من آثار مملكة مروي وكوش ، وبرضو شيء خير من لا شيء والبركة في السد ..ودونك سد مأرب ...
| |
|
|
|
|
|
|
|
|
|
Re: عملت لينا شنو في الكهرباء؟ (Re: عبدالرحمن الحلاوي)
|
| Quote: يظل السد إهراماً من اهرامات مروي القديمة وامتداد للنقع والمصورات وغيرها من آثار مملكة مروي وكوش ، وبرضو شيء خير من لا شيء والبركة في السد ..ودونك سد مأرب ... |
تحياتي يا حلاوي
وبكده يكون السد اتلحس وراح في حق الله..
ونكون محتاجين لمن يكتب تاريخ السد..
أنا برشح محمد فرح لذلك..
| |
|
|
|
|
|
|
| |
Nasruddin Al Basheer
عبدالكريم أحمد الامين
دوت مجاك
عبد الخالق عابد
على محمد على بشير
عبدالرحمن الحلاوي
osama idris
فيس بوك
تويتر
انستقرام
يوتيوب
بنتيريست