Post: #1
Title: الأخوة والأصدقاء بنيو يورك :- السلام عليكم ...
Author: سفيان بشير نابرى
Date: 05-20-2009, 11:40 AM
تحية طيبة وتقدير
لدى صديق سوف يصل نيو يورك في يوم الجمعة القادم
لمطار نيو يورك في تمام الساعة 3 ونص عصراً وهو شاب
صغير السِن وليس له إي احد هناك أتمني من احد الزملاء
والاصدقاء هنا أن يستقبله في المطار لو امكن ذلك ومحاولة
تطمينه فأنتم دون غيركم تعلمون صعوبة مثل هذه التجربة
لشاب حديث السِن ولم يخرج مطلقاً من السودان بل من لم يخرج
من الخرطوم اطلاقاً .
|
Post: #2
Title: Re: الأخوة والأصدقاء بنيو يورك :- السلام عليكم ...
Author: Sabri Elshareef
Date: 05-20-2009, 11:52 AM
Parent: #1
سفيان
تحية طيبه
انا بعيد شويه من نيو يورك لكن ممكن احدث له الاصحاب هناك
سوف ارسل لك رسالة عبر الماسنجر
|
Post: #3
Title: Re: الأخوة والأصدقاء بنيو يورك :- السلام عليكم ...
Author: عبدالمجيد صالح
Date: 05-20-2009, 12:03 PM
Parent: #1
عالياً حتي يجد من يعاونه ويساعده
سفيان نابري
محمد داوؤد عبدالسلام قجة يسلم عليك ويقوليك الشهدا فاقداك
|
Post: #4
Title: Re: الأخوة والأصدقاء بنيو يورك :- السلام عليكم ...
Author: Tabaldina
Date: 05-20-2009, 01:59 PM
Parent: #3
..
.
اخوتنا فى NY
السمع يكلم الماسمع بالزول دا
__________
فتحت وكالة سفر وهجرة ولا شنو !!
|
Post: #5
Title: Re: الأخوة والأصدقاء بنيو يورك :- السلام عليكم ...
Author: سيف الدولة كامل
Date: 05-20-2009, 03:44 PM
Parent: #4
سفيان ,,, ما عيب عليك,,,,, التلفون في البروفايل
شن الفايدة من الخوة البينا,,, اتصل في اي وقت
اعمل مس كول,,, رسل تلفونك في مسج,, منتظرك
سيف الدولة كامل
نيويورك
|
Post: #6
Title: Re: الأخوة والأصدقاء بنيو يورك :- السلام عليكم ...
Author: ابراهيم عدلان
Date: 05-20-2009, 04:15 PM
Parent: #5
الغالي سفيان رسل لي معلومات السفرية و الاسم و ارقد قفي
|
Post: #7
Title: Re: الأخوة والأصدقاء بنيو يورك :- السلام عليكم ...
Author: سفيان بشير نابرى
Date: 05-21-2009, 07:27 AM
Parent: #6
صديقي وصاحبي صبرى الشريف
كيفك يا راجل ؟
في انتظار ماسنجرك الداخلي
كمان ان تفاصيل السفرية سوف
اكتبها هنا بعد قليل .
عبد المجيد يا صديقي
كيفك ؟ ووين ايامك ؟
محمد داؤود قجه صديق
نقي بي قلب طفل احبه
واعشق حكاويه رجل بطعم
الحب والمحبة والانسانية
جمعنى به القدر في الكثير
واشتركنا معاً في الكثير
صاحب لا يخذل صاحبه ابداً
له مني المحبة التي لا تتقطع
المحبة التي تبحث كُل السبل
لتتواصل ... اغريه منىّ السلام
السلام الاكيد يا صاحبي .
تبلدينا -1-
ياريت السمع بي البوست ده
يكلم الماسمع
ولم افتح وكالة بعد
الصديق والصاحب سيف الدولة
بالجد كنت علي بالي وانا
اكتب هذا البوست لمعرفتى بانك
في نيو يورك لكن لان عادتى لا
ادخل برفائلات الناس هنا الا للشديد
القوى لم ادخل برفائلك ابداً
ولن اشكرك علي ما تفضلت به فقط سوف
اتصل عليك اليوم باذن الله بخصوص هذا
الشاب (محمد عيسي) .
صاحبي ود عدلان زمن يا صديقي زمن زمييين
وطوييييل اتمنى انك تكون بخير وصحة جيدة؟
قطع شك بعد كلام انت واخوى سيف ح ارقد قفى
اسم الشاب محمد عيسي وحسب بيانات السفرية
حيصل نيو يورك عصر الجمعة الساعة 3 ونص
واسمهم محمد عيسي .
ح اضيف كل البيانات بعد قليل من تذكرة السفرية
مباشرة .
لكم جميعاً محبتى وتقديرى .
|
Post: #8
Title: Re: الأخوة والأصدقاء بنيو يورك :- السلام عليكم ...
Author: برنابا تيموثاوس
Date: 05-21-2009, 08:02 AM
Parent: #7
وين ياسفيان جيد ان نسمع وانت تساعد هذا الشاب وشكرا على هذا العمل
صديقك برنابا
|
Post: #9
Title: Re: الأخوة والأصدقاء بنيو يورك :- السلام عليكم ...
Author: سفيان بشير نابرى
Date: 05-22-2009, 10:12 PM
Parent: #8
يا سلاااااام يا برنابا تيموثاوس
يا سلااام يا صاحبى والله مشتاق ليك
الشوق الواااااحد داك البتعرفو
سالته منك وقالو جيت القاهرة ومشيت
وانا ما لاقيتك ؟! معاي الايام دي نور
الانبياء تصدق !!! ايوة كاديا ياهو ذاتو
بذات غلبتو ونقتو ديك
يا برنابا مشتاقين ياخ للدين
ياقِس ياخ ما تنسانا من صالح الدعوات
ومن صالح المزك والجيتارات
رسلته ليك هنا وفي الفيس بوك وما جانى رد منك
طمنى عليك ياخ .
اخى سيف الدولة طمنا علي محمد عيسي
اظنو وصلك ؟! صورو وجيبو لينا هنا ياخ
ينوبك ثواب فينا .
محبتى لكم جميعاً
|
Post: #10
Title: Re: الأخوة والأصدقاء بنيو يورك :- السلام عليكم ...
Author: سيف الدولة كامل
Date: 05-23-2009, 00:16 AM
Parent: #9
الحبيب \سفيان,,,, تحياتنا الغالية
اطمئن محمد عيسي قاعد وصلنا البيت والحمد لله
الصورة الا تدفع حتي نوريك ليها,,,,,,,,,,,
لي باكر ان شاء الله
|
Post: #11
Title: Re: الأخوة والأصدقاء بنيو يورك :- السلام عليكم ...
Author: سفيان بشير نابرى
Date: 05-23-2009, 08:41 AM
Parent: #10
Quote: اطمئن محمد عيسي قاعد وصلنا البيت والحمد لله
الصورة الا تدفع حتي نوريك ليها,,,,,,,,,,,
|
الحمد لله .. الحمد لله
يا صاحبي وجياة الله مطمن تب
طالما هو معاك عوجة مافي
وتشكرات بينا برضو مافي
وليك اللحم ولينا العضم
لوووووووووول
الولد ده حكااااي ولزيييز
وقصاص قصص جد غايتو حتستمتع
بي حكاياتو .
بطل يا سيف ياخ ونزل الصورة
خلينا نضحك في اندهاشتو .
|
Post: #12
Title: Re: الأخوة والأصدقاء بنيو يورك :- السلام عليكم ...
Author: د.نجاة محمود
Date: 05-23-2009, 12:02 PM
Parent: #11
وكيف كان يكون الحال لو ما كنت سوداني واهل الحارة ديل اهلي
يعيش سفيان ويعيش سيف ويعيش البورد
الوطن الافتراضي..
|
Post: #13
Title: Re: الأخوة والأصدقاء بنيو يورك :- السلام عليكم ...
Author: سفيان بشير نابرى
Date: 05-23-2009, 01:38 PM
Parent: #12
تسلمى يا نجاة تسلمى يا صديقة
وسلمى لي علي صاحبي الفي يمينك ده
وقول ليهو منتظرين مناظرتك مع
زميلك المرشح عثمان الريح
يا ود السكه حديد يا ود ناظر المحطة
وقولي ليهو السكه حديد زماااااان قربت
المسافات بس هسي المصيبة الاسمها الانتر نت
ده لغاها مرة واحده هههههههههه
|
Post: #14
Title: Re: الأخوة والأصدقاء بنيو يورك :- السلام عليكم ...
Author: سيف الدولة كامل
Date: 05-24-2009, 03:41 PM
Parent: #13
الاخت \ دكتورة نجاة ,,و شكرا ليك وربنا يديكم العافية
ومرحب بكل الاخوان وفي اي وقت,, وربنا يدم المحبة بين البورداب
معزتي وتقديري
|
|