Post: #1
Title: إستقيل يا ..................... !
Author: داليا حافظ
Date: 05-20-2009, 09:45 AM
Parent: #0
أعلن رئيس مجلس العموم البريطاني مايكل مارتن الثلاثاء استقالته من منصبه بسبب فضيحة استغلال بعض
أعضاء البرلمان والحكومة لنظام "استعادة نفقات" .
وذكرت شبكة "سي ان ان" الإخبارية الأمريكية أن استقالة مارتن وهي الأولى من نوعها لرئيس مجلس العموم
منذ عام 1695 جاءت بعد حملة صحفية شرسة طالت الكثير من النواب وحتى رئيس مجلس العموم بتهمة استغلال
نظام "استعادة نفقات" المخصص لتعويض أعضاء الحكومة والنواب عن نفقات تتعلق بأداء مهامهم الحكومية
والتي اتضح فيما بعد قيام بعض النواب والوزراء بالتزوير فيها ، الأمر الذي أدى إلى اهتزاز الثقة
في سلطة الحكومة والبرلمان وتدني شعبية "حزب العمال" الحاكم.
وكانت الصحف البريطانية كشفت أن عمليات التزوير شملت طلبات لتعويضات عن أقساط لشراء بيوت النواب
والتي اتضح أنها مدفوعة بالفعل، بل وشملت التجاوزات مطالبة عدة أفراد من نفس عائلات النواب
بتعويضات عن نفس الأقساط، وذلك بالإضافة إلى نفقات كمالية صرفة منها نفقات لشراء وسائد حريرية
وأجهزة تلفاز وأخرى لتشذيب الحدائق وطعام كلاب.
المصدر شبكة محيط .
|
Post: #2
Title: Re: إستقيل يا ..................... !
Author: داليا حافظ
Date: 05-20-2009, 09:49 AM
Parent: #1
الخبر تناقلته وكالات الأنباء والإذاعات والفضائيات ...وهو هنا للتدليل .
وراجعين .
|
Post: #3
Title: Re: إستقيل يا ..................... !
Author: داليا حافظ
Date: 05-20-2009, 09:52 AM
Parent: #2
ثقافة الإستقالات متى تنور بلدنا ؟
|
Post: #4
Title: Re: إستقيل يا ..................... !
Author: داليا حافظ
Date: 05-20-2009, 09:56 AM
Parent: #3
متين حنسمع بإستقالة رئيس ..وزير ..مدير إدارة حيوية ....أي زول مسلط على رقاب البني آدمين .
معقوول البلد دي عدمت الضمير ؟
|
Post: #6
Title: Re: إستقيل يا ..................... !
Author: Baha Elhadi
Date: 05-20-2009, 10:00 AM
Parent: #4
داليا تحياتي :
لمان حمار الوادي يهنق
ولمان يشبعوا سرقة
بنقلوهم لموقع تاني عشان يسرقوا
وهكذا دواليب
أو دواليك
ما فرقت
لن ياتي هذا الوقت
هومثل العنقاء
في هذا البلد الذي انا فيه
هم لا دين لهم
ولكن وزير اذا أفسد مدير مكتبه
غدا تطالعنا الصحف بخبر انتحاره
شفافية حد الموت
لينا الله
بهاء /طوكيو
|
Post: #10
Title: Re: إستقيل يا ..................... !
Author: داليا حافظ
Date: 05-20-2009, 10:20 AM
Parent: #6
دي ما دايرنها ولا حلمانين بيها يا بهاء وهم زاتم بشوفوها كتيرة علينا ...بس ياخي يحلو عننا .
"الفجع" ..ما ليهو حد !
|
Post: #7
Title: Re: إستقيل يا ..................... !
Author: Tabaldina
Date: 05-20-2009, 10:00 AM
Parent: #4
..
.
اهم استقالة استقالة
مدير وحدة السدود
ومدير الهيئة القومية للكهرباء
_________
الواحد هنا بستنشق عطر لافندر
احسن من الناس البره ديل ..
إزيك
|
Post: #9
Title: Re: إستقيل يا ..................... !
Author: داليا حافظ
Date: 05-20-2009, 10:09 AM
Parent: #7
كنا جايين لترشيحات الإستقالات
تبلدينا
إقتراح اول منك
1/Quote: اهم استقالة استقالة
مدير وحدة السدود
ومدير الهيئة القومية للكهرباء |
نثني باب الترشيحات مفتوح وهو غرض البوست اللقطو تبلدينا .
|
Post: #15
Title: Re: إستقيل يا ..................... !
Author: elfadl abdellatif
Date: 05-20-2009, 10:28 AM
Parent: #4
داليا
تحياتي
والله انتي طماعة شدييد ومتفائلة اشد من الشديد ذاتو .. استقالة? ليه? هم قاعدين يغلطوا عشان يستقيلو? يا ستي بلاش الاستقالة ونعتبر المسئول دة ما عندو احساس وما حاسي بي غلطو .. وممكن يلبس التهمة لاي موظف عندو .. وين ثقافة الاقالات?
والاسباب البتخلي الوزراء يستقيلو في العالم الاول ربما كانت مفخرة عندنا وتتم بموجبها ترقية المسئول عنها ..
تصوري الوزير ممكن يستقيل بسبب حادث حركة هناك .. وهنا كان كسر الدنيا كلها .. اكتر حاجة يعملها انو يرفد مدير مكتبو لانو ما اتخذ الاجراء الفلاني
الناس ديل حيشعروا بالمسئولية متين ? يعني الا يوم يسألهم الله .. بحكم انو الوحيد الذي يحق له ان يسألهم .. فهو الذي وضعهم حيث هم ولهذا فلن يستقيلو الا بامره تعالى .. وزي ما بنقول الزارعنا غير الله اليجي يقلعنا
انتي مستعجلة مالك .. هي زي ما قال زين العابدين حلبة كل زول بياخد عرضتو ويمشي .. فذرهم يخوضوا ويلعبوا حتى يلاقوا يومهم الذي يوعدون
ونحن المساكين ديل مجبورين نستحمل كل ما يجري لنا وكمان بيني وبينك نستاهل .. مو هيك?
|
Post: #19
Title: Re: إستقيل يا ..................... !
Author: داليا حافظ
Date: 05-20-2009, 10:39 AM
Parent: #15
Quote: وين ثقافة الاقالات?
|
انا قلت الإستقالات ..لأنها بتنبع من الشخص وضميرو وده الشيء الوحيد البثبت حسن نية المسؤول ..وممكن
يعفيهو من المسؤلية .
الإقالات دي ما بتحصل يا الفضل في حكومة اصلوا ما بتقول انها علطانة .
|
Post: #5
Title: Re: إستقيل يا ..................... !
Author: الصادق عوض
Date: 05-20-2009, 09:59 AM
Parent: #2
الله يخيبكم يالانجليز ....
هسي دي عليك الله يا داليا سرقتهم مع الرجال ؟
مخدات و تلفزيونات و حشاشات جناين ؟
يعني لا عمارات رباط، ولا مزارع جداد ولا يخوت رئاسيه ...؟
هسي براون و حكومتو ديل ما عندهم استراحه محارب لي مايكل مارتن دا؟
عاد يا الانجليز نجي نعلمكم السرقة كمان ؟
حكم والله....."بكسر الحاء لحدي ما تصبح تفاح لاوندي "
|
Post: #8
Title: Re: إستقيل يا ..................... !
Author: داليا حافظ
Date: 05-20-2009, 10:06 AM
Parent: #5
| Quote: يعني لا عمارات رباط، |
عمرك أطول من عمري يا الصادق لانو عمارة الرباط كانت من الأشياء الكنت حأستعرضا ...البدل
كانت تخلي وزير الداخلية إستقيل ..يقوم يترقى ...!
طيب الحكومة محابية ضميرك وين ياخ؟
|
Post: #11
Title: Re: إستقيل يا ..................... !
Author: فتحي الصديق
Date: 05-20-2009, 10:24 AM
Parent: #8
عبدالباسط سبدرات..القانوني ..وزير التربية والتعليم ..ووزير العدل ..ووزير الحكم الاتحادي..والذي ترك الخراب في كل مرفق حل به..
|
Post: #14
Title: Re: إستقيل يا ..................... !
Author: فتحي الصديق
Date: 05-20-2009, 10:27 AM
Parent: #11
دقيقة بالله...واحد تاني..
الصافي جعفر.. الذي أحال أحلام المغتربين بالفيلا والمزرعة بجانبها..الى مجرد شراكة في مزرعة دواجن جماعية..
|
Post: #23
Title: Re: إستقيل يا ..................... !
Author: داليا حافظ
Date: 05-20-2009, 10:58 AM
Parent: #14
3/ Quote: الصافي جعفر.. الذي أحال أحلام المغتربين بالفيلا والمزرعة بجانبها..الى مجرد شراكة في
مزرعة دواجن جماعية.. |
|
Post: #17
Title: Re: إستقيل يا ..................... !
Author: داليا حافظ
Date: 05-20-2009, 10:34 AM
Parent: #11
فتحي صديق
قال
إستقيل يا
2/ ونكتفي بمنصبو الحالي يا وزير العدل .
|
Post: #12
Title: Re: إستقيل يا ..................... !
Author: الصادق عوض
Date: 05-20-2009, 10:26 AM
Parent: #8
انتي عارفا يا داليا ...الناس دي فاهما قصة العمارات بتاعت الرباط دي غلط .....
العمارات دي كانت العربون الدفعوهو ناس البوليس والداخلية عشان ياخدو حريتهم .....شفتي الحرية دي غالية كيف ...
هسي ناس الجيش لو لقو طريقة ...يهدو ليك عمارات الخرطوم دي كلها بس المحارب دا يفارقهم فراق الطريفي لجملو ...
قيل أن طريفي الزمن دا بادل جملو برقشة لكن برضو إضطر يفارقا لانو والي الجداد السابق داك قال رقشة الطريفي دي ما تقطع أي كوبري .....
قرينا إنو ...عشان يورونا البلد دي نضيفة كيف ....مش المشير قال إنو بت أخوه محمد قعدت بالسنين بدون شغل ...لحدي ما في النهاية إتزوجت .....
اهة يا داليا ...العرس ولا الشغل ؟
|
Post: #13
Title: Re: إستقيل يا ..................... !
Author: داليا حافظ
Date: 05-20-2009, 10:27 AM
Parent: #8
ما حدث لنادية صابون ألا يتطلب إستقالة الوالي .او حتى المعتمد ؟
..................................
نفوسنا رخيييييصة عندك يا بلد
|
Post: #18
Title: Re: إستقيل يا ..................... !
Author: Nader Abu Kadouk
Date: 05-20-2009, 10:38 AM
Parent: #13
ما حدث للشعب السوداني خلال العشرين سنه الماضيه
يتطلب
إستقالة الكيزان من الدنيا
داليا إزيك
|
Post: #21
Title: Re: إستقيل يا ..................... !
Author: داليا حافظ
Date: 05-20-2009, 10:46 AM
Parent: #18
| Quote: إستقالة الكيزان من الدنيا |
دي صعبة يانادر ..لكن خلينا نقول معفول كل الكيزان بلا ضمائر ؟
|
Post: #16
Title: Re: إستقيل يا ..................... !
Author: بدر الدين الأمير
Date: 05-20-2009, 10:29 AM
Parent: #8
داليا حافظ
لك التقدير تقولين:
Quote:
معقوول البلد دي عدمت الضمير ؟ |
ومتى حكمها ياسيدتى صاحب ضمير
|
Post: #20
Title: Re: إستقيل يا ..................... !
Author: داليا حافظ
Date: 05-20-2009, 10:41 AM
Parent: #16
وزير الإعلام القاعد ليها شنو بعد قانون الصحافة (الفضيحة ) !
|
Post: #22
Title: Re: إستقيل يا ..................... !
Author: داليا حافظ
Date: 05-20-2009, 10:56 AM
Parent: #16
| Quote: ومتى حكمها ياسيدتى صاحب ضمير |
بدرالدين الأمير
تحياتي
يعني نفقد الامل ولا ندغدغ الضماير ؟
والله إحترنا
|
Post: #24
Title: Re: إستقيل يا ..................... !
Author: elfadl abdellatif
Date: 05-20-2009, 10:59 AM
Parent: #16
تحضرني هنا ابيات للشاعر ابراهيم طوقان يقول فيها
ما جحدنا افضالكم غير انا لم تزل في نفوسنا امنية
في يدينا بقية من بلاد فاستريحوا كي لا تطير البقية
|
Post: #25
Title: Re: إستقيل يا ..................... !
Author: داليا حافظ
Date: 05-20-2009, 11:07 AM
Parent: #24
| Quote: في يدينا بقية من بلاد فاستريحوا كي لا تطير البقية |
إبراهيم طوقان ده شاعر رقيق إختار تعبير دبلوماسي...
وهي تعني :
إستقيلوا
..............................
بيت في محلو تماما يا الفضل
|
Post: #26
Title: Re: إستقيل يا ..................... !
Author: عواطف ادريس اسماعيل
Date: 05-20-2009, 11:14 AM
Parent: #25
| Quote: ثقافة الإستقالات متى تنور بلدنا ؟ |
عمتحلمي يا بعد عمري ..
دة احنا عندنا ثقافة اللزق في الكرسي والسوبر قلو يكسب ..!!!
يسعد مساك ..
|
Post: #27
Title: Re: إستقيل يا ..................... !
Author: داليا حافظ
Date: 05-20-2009, 11:29 AM
Parent: #26
| Quote: عمتحلمي يا بعد عمري .. |
تعرفي يا طوفة الواحد كان بحلم يشوف حالة زي دي قبل ما يفوت ..ولاننا فتنا بقينا نحلم بيها قبل
ما نموت .
................................
شفتيهم صعبو أحلامنا كيف ؟
|
Post: #28
Title: Re: إستقيل يا ..................... !
Author: داليا حافظ
Date: 05-20-2009, 11:43 AM
Parent: #27
وقال وزير النقل السوداني مبروك مبارك سالم: "لا تتوفر لدينا معلومات دقيقة لحد الآن حول
اسباب الحادث، ولكننا نعتقد ان سوء الاحوال الجوية هو السبب الرئيسي لما جرى."
وكانت تصريحات المسؤولين السودانيين بشأن عدد ضحايا الطائرة المنكوبة متضاربة في بادئ الامر،
حيث تراجع رئيس الخدمات الطبية في مطار الخرطوم عن تصريحات قال فيها إن عدد الضحايا بلغ 120 شخصا.
نقلا عن bbcarabic.com
لا أثر لضمير .
|
Post: #29
Title: Re: إستقيل يا ..................... !
Author: عواطف ادريس اسماعيل
Date: 05-20-2009, 11:55 AM
Parent: #28
ست الحسن والدلال ..
عليك أن تعلمي أن عدد الضحايا في السودان شيء غير مهم فالأحياء أولى بالمعروف خصوصا وأنهم ذهبوا
إلى غير رجعة فلم صدعة الراس إذا ؟؟
حتى إحصائيات أعداد السكان جاء من يكذبها ويؤكد عدم صحتها والناس لا يزالون على قيد الحياة فما
بالك يا بعد عمري بالضحايا .. وسلامتها أم حسن !!!
|
Post: #31
Title: Re: إستقيل يا ..................... !
Author: داليا حافظ
Date: 05-20-2009, 12:02 PM
Parent: #29
Quote: تشير إحصائيات منظمة اليونسكو سنة 2008 إلى إن نسبة الأمية في الوطن العربي هي %30 وترتفع
بين النساء لتصل إلى نحو 50%. وأعلى نسبة للامية هي في العراق %61 ، أما في مصر فبلغت %
42 وفي الأردن %12 ، وفي سورية %19 وفي لبنان %14 ، وفي العربية السعودية %14 ، وفي اليمن %39 وفي
قطر 9% وفي البحرين 3% وفي الكويت 6,7% ، وفي تونس %10 ، وفي الجزائر %28 ، وفي المغرب %38 وفي
السودان 50%. ويقدر عدد سكان الوطن العربي سنة 2008 بـ330 مليون نسمة ، ولذا فان عدد الأميين
والأميات فيه يقدر بمئة مليون نسمة. وتدل هذه النسبة على مدى التخلف الذي تعيشه أمتنا ، وخطورة
هذا العائق على نهوضها وتحررها من التخلف والفقر والمرض. وتؤلف ظاهرة الأمية تحديـاً خطيراً لدولنا
ومجتمعاتنا فخلال ( 28 ) سنة لم تستطع جهود حكوماتنا ومؤسساتنا التربوية والاجتماعية تخفيض نسبة
الأمية إلا إلى %30 بعد أن كانت سنة 1980 ( 59,9% ). |
نقلا عن الدستور
فايتنا بس العراق ....تمشوا من ربنا وين ؟
|
Post: #30
Title: Re: إستقيل يا ..................... !
Author: زهير عثمان حمد
Date: 05-20-2009, 12:02 PM
Parent: #28
داليا حافظ
تحياتي
والله أنت ما عندك موضوع !!!! منو اللي ح يستقيل دا السيد وزير الدفاع السوداني مثلا ودا مثال حي علي أنو ثقافة الاستقالة في حزب التمكين ما موجودة شوفي معي مشاكلوا....
العدل والمواساة وصلت أمدرمان ما أستقال أسرائيل ضربت الشرق ما أستقال تشاد ضربت بالطائرات ما أستقال يعني يتم أحتلال السودان ما ح يستقيل مافي زوال في السودان بحب يستقيل الصالح العام أرحم عشان نتعاطف معهو ونقول مسكين كان بشتغل شديد وادوا الصالح العام مافي أستقالات وكمان أمكن في توريث عن قريب رأيك شنو
|
Post: #35
Title: Re: إستقيل يا ..................... !
Author: داليا حافظ
Date: 05-20-2009, 12:22 PM
Parent: #30
| Quote: منو اللي ح يستقيل دا |
ما لزم نياس يا زهير لازم نحاول ونحاول ..والفجر جاي جاي .
..............................
ده ما موضوع ..دي محاولة لهز الضمائر ..وتبقى محاولة .
|
Post: #32
Title: Re: إستقيل يا ..................... !
Author: داليا حافظ
Date: 05-20-2009, 12:12 PM
Parent: #28
Quote: أكد مسؤول سوداني أنباء وقوع غارة جوية على شرق السودان في وقت سابق من العام الحالي.
وقال وزير الدولة مبروك مبارك سليم لقناة إخبارية عربية إن العديد من الأشخاص قتلوا في الغارة التي
وقعت الشهر الماضي.
ولم يعلق مسؤولون إسرائيليون على أنباء مفادها ان طائراتهم الحربية ربما كانت تورطت في الهجوم. |
bbcarabic.com
إستقيل ياخ
|
Post: #33
Title: Re: إستقيل يا ..................... !
Author: أحمد الشايقي
Date: 05-20-2009, 12:18 PM
Parent: #32
مؤتمر الإعلاميين المهاجرين/ المغتربين, كلف ما يزيد على المليار جنيـه سوداني,
ولم يكن سوى تظاهرة خطابية استمع فيها المؤتمرون للخطابات التي يسمعونها يومياً في التلفزيون السوداني ثم لا يطيقون إكمال الاستماع فيغيرون القناة لقنوات أخرى
لا أحد يستطيع الحصول على تكلفة المؤتمر ولا على أسس الدعوة له , لا أحـد,
تجول القوات التشادية وقصفها الجوي وتوغلها داخل الأراضي السودانية تزامـن مع انعقاد المؤتمـر ولم يفتح الله على أي مؤتمر من الاعلاميين المفترضين بالتساؤل عن ذلك.....
أحمد الشايقي
|
Post: #36
Title: Re: إستقيل يا ..................... !
Author: الفاتح شلبي
Date: 05-20-2009, 12:33 PM
Parent: #34
| Quote: ثقافة الإستقالات متى تنور بلدنا ؟ |
الاخت داليا
الظاهر انت لسع فيك بقايا امل فى الناس دي
نحن وصلنا مرحلة لمن نسمع سيرة أمل بنقول "أمل دي بت منو؟"
|
Post: #38
Title: Re: إستقيل يا ..................... !
Author: Amin Mahmoud Zorba
Date: 05-20-2009, 01:20 PM
Parent: #36
الذين يزرعون الاسلاك الشائكة في الطرقات وامام ابوابنا
لا يعرفون فعل الحب
|
Post: #42
Title: Re: إستقيل يا ..................... !
Author: داليا حافظ
Date: 05-21-2009, 09:08 AM
Parent: #38
Quote: الذين يزرعون الاسلاك الشائكة في الطرقات وامام ابوابنا
لا يعرفون فعل الحب |
يا سلاااام يا زوربا .
|
Post: #41
Title: Re: إستقيل يا ..................... !
Author: داليا حافظ
Date: 05-21-2009, 08:44 AM
Parent: #36
| Quote: الظاهر انت لسع فيك بقايا امل فى الناس دي |
طبعا لسة عندي أمل يا الفاتح لكن ما فيهم ..
في التغيير
|
Post: #40
Title: Re: إستقيل يا ..................... !
Author: داليا حافظ
Date: 05-21-2009, 08:35 AM
Parent: #33
| Quote: مؤتمر الإعلاميين المهاجرين/ المغتربين, كلف ما يزيد على المليار جنيـه سوداني, |
| Quote: تجول القوات التشادية وقصفها الجوي وتوغلها داخل الأراضي السودانية تزامـن مع انعقاد المؤتمـر ولم يفتح الله على أي مؤتمر من الاعلاميين المفترضين بالتساؤل عن ذلك..... |
يا أحمد كان سألو برضو ما بلقو الإجابة .
|
Post: #39
Title: Re: إستقيل يا ..................... !
Author: داليا حافظ
Date: 05-20-2009, 01:49 PM
Parent: #32
| Quote: وام): قال المجلس القومي للسكان في تقرير قدمه للبرلمان السوداني أمس حول الوضع السكاني للعام 2007، إن 95 بالمائة من السودانيين دون خط الفقر. وأكد التقرير زيادة معدل النمو السكاني الذي وصل إلى 53ر،2، موضحاً أن 45 بالمائة من السكان أقل من عمر 15 سنة، و52 بالمائة ما بين 15-64 سنة، و3 بالمائة 6 سنوات فما فوق. وطالب التقرير بتشديد ضوابط إقامة الأجانب في البلاد وتطبيق قانون الهجرة.من جانبه، أكد محمد الحسن الأمين نائب رئيس البرلمان ضرورة وضع استراتيجية قومية لتوزيع الخدمات الضرورية بصورة متوازنة في كافة الولايات. |
بدون تعليق .
|
Post: #37
Title: Re: إستقيل يا ..................... !
Author: يوسف الخضر
Date: 05-20-2009, 12:46 PM
Parent: #25
كذلك من أشهر ماكتب أبراهيم ..
الشاعر الرقيق فعلا.. هزيل الجسم..نحيله منذ صغره..
الذي توفي في مثل هذا الشهر..وهو في عز الشباب..
موطني...
مَــوطِــنِــي مَــوطِــنِــي
الحُسَامُ و اليَـرَاعُ ..
لا الكـلامُ والنزاعُ..
رَمْــــــزُنا..
مَـجدُنا و عـهدُنا..
وواجـبٌ منَ الوَفا..
يهُــــــزُّنا..
عِـــــــزُّنا ..
غايةٌ تُـشَــرِّفُ..
و رايـةٌ ترَفـرِفُ..
يا هَـــنَــاكْ فـي عُـــلاكْ..
قاهِراً عِـــداكْ ..
|
Post: #43
Title: Re: إستقيل يا ..................... !
Author: داليا حافظ
Date: 05-21-2009, 09:35 AM
Parent: #37
Quote: مَــوطِــنِــي مَــوطِــنِــي
الحُسَامُ و اليَـرَاعُ ..
لا الكـلامُ والنزاعُ..
رَمْــــــزُنا..
مَـجدُنا و عـهدُنا..
وواجـبٌ منَ الوَفا..
يهُــــــزُّنا..
عِـــــــزُّنا ..
غايةٌ تُـشَــرِّفُ..
و رايـةٌ ترَفـرِفُ..
يا هَـــنَــاكْ فـي عُـــلاكْ..
قاهِراً عِـــداكْ .. |
نتمناه كذلك يا يوسف ..كلا يحب الوطن على طريقته .
|
Post: #44
Title: Re: إستقيل يا ..................... !
Author: شمائل النور
Date: 05-21-2009, 01:47 PM
Parent: #43
.
..
ادب الاستقالة وفقه الاستقالة،ليتنا نكتسبه
طبعا ياداليا (بعد التحايا طبعا)
مسالة انكـ تستقيل لانكـ مااستطعت ان تحقق ما اتيت لاجله انا في نظري مسالة اخلاقية في الاساس الاول. وغاية في الشفافية وتحمد كثيرا للمستقيل
ومسالة تستقيل لانكـ اتفضحت او ضبطت لك كذا عملية فساد او كثرت عليك الحملات الصحفية، هذه تحمد كثيراً للحكومات لانها تجبر المستقيل علي الاستقالة ولانها لبت رغبة الرأى الآخر
فيا داليا
لا الاول ولا الثاني ما ظنيتو ح يحصل
خلينا نردد
استقيل يـــــا ثقيل!
استقيل يـــــا ثقيل!
استقيل يـــــا ثقيل!
|
Post: #45
Title: Re: إستقيل يا ..................... !
Author: إبراهيم عبد الحليم
Date: 05-21-2009, 03:44 PM
Parent: #44
| Quote: ثقافة الإستقالات متى تنور بلدنا ؟ |
فعلا متى؟
إبراهيم عبد الحليم
|
|