Post: #1
Title: Elhadi مليون مرحب والدود قرقر حبس الدرب..
Author: lana mahdi
Date: 05-19-2009, 10:10 PM
Re: المهدي: علي أوباما أن يقدم ما يطمئن العرب والمسلمين... بخطوة أبوقردة
هلا هلا هلا و كملت الفرحة
ألف مرحب بك يا حبيب بيننا قلماً واعياً و عقلاً رصيناً..و....سيفاً على الباطل
ومأثورة الفروسية:
قـالو الــدود قرقر حبس الدرب
الليلة الدود قرقـر حبس الدرب
الدود يا عيـال مطر الخلا الهرّّاج
الدود يـا عيال كم درّّج المحتاج
الدود يا عيال فتح الدرب مدهاج
الدود يا عيال صقر الخلا البرّاج
تلقاه في أوّلن تاني للعقاب درّاج
الدود يا عيال فوق سدرو ليهو زنود
الدود يا عيـال فوق إيدو ليهو نهود
الدود يا عيال بنتر بقول أنا دود
الدود يا عيال توب عرضو مو مقدود
الدود يا عيال أسد الخلا أبو خـدود
حالف باليمين لا يجيب وجوهن سود
أمـانة في أب حشيش وأب قـيق
سيفو الفي الجفير مهرو البسك في القيد
وراكم كتال ضحوة هلالي أب زيد
كل اليمسكو يكـاكي ويرمي الـبيض
يــا وليدات الكجر
كعب التغـا والحقر
سخيل ما بناطح بقر
والسحلية ما بتبلع دقر
الليله أب كريق عرّش مع البيّـاح
ود بيت اللقـا والدنـقر الـنّقـاح
في قلب المحاص والكافت اللفّـاح
أركزو يا عيال خلق العيال فضّـاح
ما شفنا أم دريقة بتكتل التمســاح
تقديري
لنا
|
|