Post: #1
Title: انشالله خير يا جماعة
Author: Siham Elmugammar
Date: 05-19-2009, 10:24 AM
Parent: #0
لغة بعض الكيزان اتغيرت كدى مالها؟!!!!!
والله قاعده اقرا مداخلة لواحد فيهم وواحده فيهن فى بوست الا ارجعت البصر كرتين
أتاكد من الاسماء!!!!!
فى شنو يا جماعة؟؟؟
انشالله تكون الانتخابات بس
مكنة الموضوعية الجديدة دى الواحد خايف
تكون تداعى لبعض الجسد بالسهر و الحمى
اها انشالله خير
|
Post: #2
Title: Re: انشالله خير يا جماعة
Author: خضر حسين خليل
Date: 05-19-2009, 10:37 AM
Parent: #1
لكل مقام مقال
يا سهام
هسي المقام مقام حريات هبطرش ومقام انتخابات في الطريق . وانشاء الله تدوم
تحياتي سهام
|
Post: #5
Title: Re: انشالله خير يا جماعة
Author: Siham Elmugammar
Date: 05-19-2009, 10:54 AM
Parent: #2
يا خضر مافى مشكلة والله
لكن الواحد بيخاف على الناس لانو عمليات الزرع دى عندها مخاطرها
و ممكن يحصل Rejection و كده
|
Post: #3
Title: Re: انشالله خير يا جماعة
Author: سيف بخيت موسي
Date: 05-19-2009, 10:37 AM
Parent: #1
سهام أختي
إزيك
حقيقة ختفت العنوان دا من خشمي
لكن أنا سؤالي ودهشتي عن ( إختفاء بوستات رئسينا المتوقع د. عثمان الريح،
وكمان بوستات التريقة عليه)
دمت سهام وجميع من تحبين بألف عافية
---------------
أما عن الكيزان وفقه الضرورة " المصلحة" ما تنخلعي .
|
Post: #4
Title: Re: انشالله خير يا جماعة
Author: عبدالكريم الامين احمد
Date: 05-19-2009, 10:51 AM
Parent: #3
هلا يا سهام
وده الدرش والعصر والمزاررة وتقفيل نفاجات الكضوبات
كل هذه الاسباب وغيرها تجعل بني كوز يمارسون لعبة الحربائية الشديد المفاجئة
والانحناء للعاصفة...(ولكن علي الناس ان لا يامنو المويةو تحت التبن)
|
Post: #6
Title: Re: انشالله خير يا جماعة
Author: Nader Abu Kadouk
Date: 05-19-2009, 10:59 AM
Parent: #4
| Quote: وده الدرش والعصر والمزاررة وتقفيل نفاجات الكضوبات |
بالضبط كده يا سهام
الفتره الفاتت دي كانت عباره عن مطاردات لكضب الكيزان
اتفضحوا و بان الكضب الكتير
إحتمال الحال دي تكون تكتيك مرحلي
الاحتمال التاني انهم إتعلموا من الغلط وده إحتمال بعيد شويه
بت المجمر وينك غاطسه
|
Post: #10
Title: Re: انشالله خير يا جماعة
Author: Siham Elmugammar
Date: 05-19-2009, 01:43 PM
Parent: #6
سلام يا نادر
والله التخطيط المرحلى ما عندنا معاهو مشكلة
لكن انا خايفة عليهم:) :) :)
انا غاتسه فى العلى يا اخوى
|
Post: #7
Title: Re: انشالله خير يا جماعة
Author: Siham Elmugammar
Date: 05-19-2009, 11:02 AM
Parent: #3
و دمت كمان يا سيف
عاد حلفت و اتنضرت العنوان يرجع لى خشمك فى موضوع عثمان الريح
لأنو و بصراحة يصادف هوى فى نفسى
ياخ دة كان فيهو تمرين ديمقراطى الف
|
Post: #8
Title: Re: انشالله خير يا جماعة
Author: Nasir Ahmed Elmustafa
Date: 05-19-2009, 11:05 AM
Parent: #1
الاخت سهام
شنو يعني لا بعجبكم العجب لا الصيام في رجب
لا الدكتاتورية عجبتكم ولا الديمقراطية نافعة
الظاهر قصتكم مع الكيزان زي قصة جحا وولدو والحمار
|
Post: #9
Title: Re: انشالله خير يا جماعة
Author: Siham Elmugammar
Date: 05-19-2009, 11:24 AM
Quote: هلا يا سهام
وده الدرش والعصر والمزاررة وتقفيل نفاجات الكضوبات
كل هذه الاسباب وغيرها تجعل بني كوز يمارسون لعبة الحربائية الشديد المفاجئة
والانحناء للعاصفة...(ولكن علي الناس ان لا يامنو المويةو تحت التبن) |
هلا يا بييير
لكن ده ما انحناء شديد و ما بتصدق
من نحن كنا خاتين ليكم الغواصات
و بنعرف اجتماعاتكم و نسخ محاضركم بتجينا
لى اانصائح تتجادع بينهم من نوع يا اخى حاول توخى الموضوعية و الاعتراف بالخطأ مهم
وما بعرف شنو داك عن المسحوقين و الغلابة
والحلف ما يخش راسى قدر ما قدمت حسن النوايا "انتقاد الحكومة"
ياخ ده لف التاريخ و المبالغة
( احيلك لود جبرالله او بهاء ود عيشة وفى كل خير)
|
Post: #11
Title: Re: انشالله خير يا جماعة
Author: Siham Elmugammar
Date: 05-19-2009, 04:06 PM
Quote: الاخت سهام
شنو يعني لا بعجبكم العجب لا الصيام في رجب
لا الدكتاتورية عجبتكم ولا الديمقراطية نافعة
الظاهر قصتكم مع الكيزان زي قصة جحا وولدو والحمار |
الأخ مرحب بيك Nasir Ahmed Elmustafa
والله نحن ناس بسيطين و قانعين اىى حاجة بتعجبنا و كما عجبتنا بنسكت سااااااى
لكن هسة الجاب سيرة الديمقراطية شنو؟؟؟؟
انا كلامى عن فى طريقة جديده لنج هنا ما متعودين عليها
و خايفين على الناس ديل وكده
|
Post: #12
Title: Re: انشالله خير يا جماعة
Author: Safia Mohamed
Date: 05-20-2009, 05:28 AM
Parent: #11
سهام ازيك
شوق وكدة
من زمن سفنجتي البنية ما ظهرتي لعل المانع خير
بس كلامك دة ذكرني طوالي نشيد الثعلب والديك
برز الثعلب يوما في ثياب الواعظينا
هي نسيت النشيد لكن من مفاده قال نادو لي الديك يجي ياذن لصلاة الصبح
قام الديك قال ليه يا زول من متين ليك انت بتنادي للصلاة
كدي اسال جدودي الدخلتهم في بطنك هههههههههههه
المهم المية تكضب الغطاس والتحدي كبير واهو قاعدين ونشوف
تكتيك مرحلي ولا سياسة استراتيجية ما اظنها تكون كدي على قولة الديك للثعلب
تحياتي
صفية
|
Post: #13
Title: Re: انشالله خير يا جماعة
Author: خالد العبيد
Date: 05-20-2009, 05:54 AM
Parent: #12
يا كيكي
سلام
Quote: هلا يا سهام
وده الدرش والعصر والمزاررة وتقفيل نفاجات الكضوبات
كل هذه الاسباب وغيرها تجعل بني كوز يمارسون لعبة الحربائية الشديد المفاجئة
والانحناء للعاصفة...(ولكن علي الناس ان لا يامنو المويةو تحت التبن |
)
ماعارف اتذكرت قصة القرد ليه!
يعيش ملاسي!!
|
Post: #14
Title: Re: انشالله خير يا جماعة
Author: Siham Elmugammar
Date: 05-20-2009, 06:06 AM
Parent: #12
يا صفية اتعاقبنا والله
مشيت ليك فى بوست الكتاحة و انتى كنتى هنا :)
والله وماطالبانى حليفة كنتى عاوزة اسألك من سفنجتك بهناك
____________________
جميل ان يكتب الكيزان عن الموضوعية و الديمقراطية
لكننا نحتفظ بحقنا فى ان نتشكك فى الهدف؟؟؟
لا اعتقد انو القصة هو انحناء لعاصفة كشف كذبهم هنا
الناس ديل يا صفية قاعدين يستعدو للانتخابات استعداد منظم
و نحن لليلة ماعارفين ح نصوت لمنو
شفتى الهنا الانحنا فيهو؟؟؟
كونى بعافية
ما القاك عقبتينى تانى فى الكتاحة:)
|
Post: #15
Title: Re: انشالله خير يا جماعة
Author: HAIDER ALZAIN
Date: 05-20-2009, 06:37 AM
Parent: #14
| Quote: انشالله خير يا جماعة |
خير تب ..!!
وياهم ذاااتهم ما تغيروا تلقي الموضوعية والحياد في الحاجات الهامشية ..
وساعة الجد يبين الكوز ...
تحياتي بت المجمر ...
|
Post: #16
Title: Re: انشالله خير يا جماعة
Author: Siham Elmugammar
Date: 05-20-2009, 08:31 AM
Parent: #15
يا حيدر سلام
الخير جانا و جاكم
عندى صاحبتى جدا كانت كوزة
اهااا لما لغاية السنتين الاوائل فى الانقاذ
بعداك فكت دربهم
وقالت لى والله ما كنت قايلاهم كده.....
لكن لازالت تتبنى فكرة اقامة المشروع الحضارى!!!!!
يعنى بالنسبة ليها حصل خطأ فى التطبيق و الناس لما وصلت السلطة
عميت ابصارها ببريقها و.... و.....
عشان كده كلامك
| Quote: ساعة الجد يبين الكوز ... |
اإذا قلنا وقت الجد هو العمل على بناء دولة ديمقراطية تؤمن بالتعددية
وتحمى حقوق المواطنة
ح تجى تقول لى نطبق الشريعة كيف؟؟؟
و لاتجوز الولاية لغير المسلم
هىىىىىىىىىىى دنيا
|
Post: #17
Title: Re: انشالله خير يا جماعة
Author: Safia Mohamed
Date: 05-21-2009, 08:25 AM
Parent: #14
| Quote: يا صفية اتعاقبنا والله |
العقبك عززاك على قولة امي
سلام تاني
|
Post: #18
Title: Re: انشالله خير يا جماعة
Author: مدثر محمد ادم
Date: 05-21-2009, 09:36 AM
Parent: #17
الرائعة سهام سلامات
ديل حيرو الثعلب ذاتو
|
Post: #19
Title: Re: انشالله خير يا جماعة
Author: Hussein Mallasi
Date: 05-21-2009, 09:45 AM
Parent: #18
| Quote: الرائعة سهام سلامات |
|
Post: #20
Title: Re: انشالله خير يا جماعة
Author: عبدالكريم الامين احمد
Date: 05-21-2009, 10:01 AM
Parent: #19
Quote: ماعارف اتذكرت قصة القرد ليه!
يعيش ملاسي!! |
هلا يا ابو الخلد
وخير دليل علي صحة وعافية بوست سهام
هو ملاسي البقي يضاحك مع الناس بعد ان كان عامل فيها عشرة بقرش
|
Post: #21
Title: Re: انشالله خير يا جماعة
Author: HAIDER ALZAIN
Date: 05-21-2009, 10:06 AM
Parent: #20
| Quote: ملاسي البقي يضاحك مع الناس بعد ان كان عامل فيها عشرة بقرش |
سلام يا باشمهندس ..
ملاسي اكتشف بعد لو .. انه سيفه سيف عُشر ساكت .. فاتوهط وقعد أرضاً ..
* التعديل لتحديد مكان جلوس ملاسي
|
Post: #22
Title: Re: انشالله خير يا جماعة
Author: عبدالكريم الامين احمد
Date: 05-21-2009, 10:13 AM
Parent: #21
Quote:
ملاسي اكتشف بعد لو .. انه سيفه سيف عُشر ساكت .. فاتوهط وقعد أرضاً |
هلا ياحيدر وحبابك
وبعد ده مافي ليهو اي طريقة
لانو سيف العشر ده زااااتو مطلب شعبي ودايرين نقلعو منو..
فمثل خطاب ملاسي ومن لف لفه خطاب خطير ساند وعاضد وطبل للطغاة
مفروض خطاب زي ده يقعد بعيد بدون سيف حتي لو كان سيف عشر...
...
خطاب مفروض يتعصر ويتمصر ويندرش وعليه ان يقعد يضاحك بس
|
Post: #23
Title: Re: انشالله خير يا جماعة
Author: Siham Elmugammar
Date: 05-21-2009, 03:16 PM
Parent: #22
مدثر سلام
والله الثعلب اصلو متحير من يوم خرج فى رحلتو
متلبس ثياب الواعظينا
ملاسى وشك ضاحك و سيف عشرك مسلول :)
اتمنى ان تكون بخير
يا صفية يااااخ مالك ملخبتة كلام امك
العقبك عزاك دى بتتقال فى البكا
لمن تجى واحده للعزا وتلقى ناس ختت يدها
ما فيشين تقوم توصى ليهم و تقول كلمو فلانه و فلانه انى جيت
اها فلانات ديل يقومو يعتبرها عزت و لما يموت ليها زول ما بيفطوها فى خت اليد
ده شنو يااااخ التقول ولدوك فى ماليزيا
(ودى مطاعنة لد. نجاة محمود)
|
Post: #24
Title: Re: انشالله خير يا جماعة
Author: Siham Elmugammar
Date: 05-21-2009, 03:37 PM
Parent: #23
خالد العبيد ...كيكى... حيدر الزين
مرة صديقى ود جبرالله جا داخل بوست اتذكر انو كان جميل
و اعتقد ان فيهو نقاش نوع من حيث انه و كذلك يا كيكى
اههااا قام كتب معليش يا جماعه على التأخير اصلى كنت بتعابط مع كيزان بهناك
:) :)
اها انا زاتى كنت بتعابط فى بوست الكذب القذر لكشف المزيد من الادعاء القذر
ملاسى ده ماكلم على ضحكو يعنى حرام يضحك والا شنو
(طبعا لانو ضحك معاى ما بقدر اقول غير كده)
والله ضحكتو عجبتنى بالحيل و ملاسى لذيذ لمن يكون مزاجه رايق
يعنى زى لمن يكون عندك ولد مشاغب تجى تجضمو يقوم يضحك ليك
يقوم حيلك يموت :) :) :) :)
لكن ما عندى مانع فى طابور العشر و اظن ملاسى زاااتو كايس لطابور
انا متأكده انو خرمان بعرفو من ضحكتو :) :) :)
خالد العبيد شكر لرفع البوست و انا متأكدة انك لقيتنى مشغولة
فى فضح المدعية قلت تعمل فينى جميلة
____________________________
انا مصرة انو الشغل ده شغل انتخابات
|
|