احزروا ايها الهلالاب من سيناريو الحكومة الخبيث.........

محاولات الحكومة المتكررة للسيطرة علي نادي الهلال نادي الحركة الوطنيةلن تنجح لذلك ننصح الحكومة بالكف عن تحركاتها الجبانة وسعيها
الخبيث لمحاولة النيل من الهلال .
ونقول للحكومة الهلال ليس المريخ يمكن ان تعينوا لة رئيسا مثل جمال الوالي.
الهلال لة جماهير تحمية ولة قادة يديرون دولة وليس نادي رياضي.
جماهير النادي وابناءة واقطابه علي دراية كاملة بالسيناريو الخبيث الذي تخطط لة حكومةالضلال.
بعد ان سيطرت الحكومة علي نادي المريخ سيطرة كاملة بعد ان قامت بتعيين ابنها جمال الوالي ومدة بالمال وضمنت تعاطف المريخاب بكل سهولةووقوف جماهير المريخ واعلامة معها في كافة القضايا التي تحتاج لتجيشش الجماهير مثل قضية المحكمة الجنائية
وفي اطار سعيها للانتخابات القادمة تحاول الحكومة تنفيذ اجندتها القاضية بالسيطرة علي نادي الحركة الوطنيةبكل الوسائل
قامت الحكومة بدعم نادي المريخ ببناء الاستاد
دعم مالي لتدعيم صفوف الفريق بالمحترفين
- دعم مالي للسيطرة علي اعلام المريخ
- دعم مالي لشراء واغراء لاعبي الهلال المحترفين والمحليين
اما مايخص الهلال فتجد المؤمرات ومحاولة خلق الفتن
-دعم المريخ ضد الهلال للسيطرة علي الممتاز
-دعم الاتحاد ضد الهلال ووضح جليا في الدورة السابقة من خلال معاكسة الهلال
- محاولة تشوية صورة رئيس الهلال وانة المسؤال عن فقد الهلال للبطولة الافريقية 2007
- محاولات خلق الفتن والمؤمرات واثارة البلبلة داخل النادي
- محاولة سرقت محترفي الهلال وتطفيش البقية
- محاولة اظهار النادي بانة فقير وتلميع نادي المريخ بانة النادي الغني
- دعم الاعلام الاحمر للنيل من الهلال وتبخيس انتصاراتة
- قيادة حملة اعلامية لتشوية الهلال بانة يقوم برشوة الحكام
والان يقوم النظام بمحاولة تعطيل مسيرة الهلال حتي لايستطيع الفوز بالبطولة الافريقية والممتاز
وذلك من خلال دعم المريخ (ودعم البشير الاخير محاولة لزر الرمادفي العيون بعد الانتقادات التي وجهت لة)
- دعم المريخ لجلب محترفين جدد لدعم الفريق في البطولة الافريقية
- دعم المريخ لاستضافة سيكافاللاحتكاك ورفع الروح المعنوية بكاس البطولة (المضمون)
- دعم المريخ بمعسكر خارجي
وبعد ان فشل النظام في جميع مؤامراتة السابقة ووجد ان الهلال لايقهر وان المال الحرام يذهب من حيث مااتي
بدا في تحريك اخر كرت لدية وهو قرار المحكمة الاخير ادناة

خاص - النيلين: قررت المحمة الادارية العليا بحل مجلس ادارة نادي الهلال العاصمي وذلك بعد قبول الطعن المقدم في عددية أعضاء مجلس الادارة ... وسيوافيكم النيلين بتفاصيل اوفى خلال الساعات القادمة.



ولكن هيهات فمثل هذا السيناريو الخبيث لن يمر ولن ينطلي علي الهلال وجماهيرة الوفية
الحكومة الان تريد ان تحكم قبضتها من خلال هذا القرار البائس بان
تخلق بلبلة وسط رواد واقطاب النادي وتثير الفتن
تدعم فئة من ابناء الهلال ضد اخري
تحاول ان تدس الماجورين والمرتزقة وسط جماهير الهلال
ومن ثم تتدخل بشكل خبيث وتظهر بانها حادبة علي مصلحة الهلال
وتقوم بتعين لجنة تسسير ومن ثم الانقضاض علي نادي الهلال
وتحاول ان تحرك اعلامها والاعلام الاحمر لتظهر للجماهير ان انقاذ الهلال
لن يتم الا من خلال الحكومة وهي تحاول من زمن لتقول لجماهير الهلال شوفوا لمن سيطرنا علي المريخ دعمناه بالاموال كيف
ولكن هيهات لن ينجح السيناريو الخبيث لان الهلال ليس المريخ
الهلال سيد البلد وللهلال رب يحمية
وللهلال جماهير تاكل الظلط
وللهلال رجال يدركون مقام الهلال ولن يبخلوا علية
وللهلال لاعبين لاتغريهم اموال الوالي انهم يعشقون الهلال فقط
وللهلال تاريخ وسمعة طيبةوانجازات جعلت منة فريقا محبوبا ولة قواعد خارج السودان
ونعلنها داوية
ارفعوا ايديكم الخبيثة ايها المافونين عن الهلال
ارفعوا ايديكم ياسارقي قوت الشعب عن سيد البلد
ارفعوا ايديكم عنا فنحن لسنا المريخ

ونرفع ايدينا عاليا لرب العالمين ان يحمي الهلال من خبثكم
وندعوا كل الهلالاب للالتفاف حول الفريق في هذة الفترة الحرجة والوقوف ضد كل المحاولات والمؤمرات التي تستهدف الهلال

• المحكمة العليا تؤيد قرار التحكيمية والهلال يقدم طلب مراجعة
اصدرت المحكمة العليا القومية الدائرة المدنية قراراً امس جاء فيه الغاء قرار محكمة الاستئناف القاضي بالغاء قرار محكمة الطعون الادارية وايدت قرار لجنة التحكيم الشبابية الذي قضى باعتماد الضباط الاربعة علي ان يكمل المجلس الهلالي لخمسة عشر عضواً ورفضت الطعون المقدمة من هشام محمد احمد وآخرين ضد الفريق بحر وآخرين لهذا من المنتظر ان يقوم المطعون ضدهم الفريق بحر وآخرون بتقديم طلب مراجعة للقرار الذي صدر امس وايقاف تنفيذه .



قوون هاتفت الاستاذ عبد العزيز علي سيد احمد واستفسرته عن الموقف فقال : ان هنالك تناقضا في القرار الذي ايد قرار التحكيمية الذي هو ضد مجلس الهلال ورفضت الطعون لمصلحة الهلال مما يتطلب تقديم طلب مراجعة لايضاح الامر ثم اتباع خطوات اخرى فيما بعد واكد ان القضية سارت علي النحو التالي :
اعتمدت المفوضية مجلس الهلال من تسعة اعضاء وقالت التحكيمية ان القرار غير صحيح حيث اعتمدت الضباط الاربعة على أن تجري انتخابات لتكملة المجلس الـ 15 عضوا ثم طعن مجلس الهلال في القرار لمحكمة الطعون الادارية التي الغت قرار لجنة التحكيم الشبابية واعتمدت قرار المفوض ثم تقدم الطاعنون بطعن ضد هذا القرار للمحكمة العليا التي اصدرت قرارها امس من شقين ايدت قرار التحكيمية ورفضت الطعن .
من جهة اخرى تفيد متابعات قوون ان اتجاهاً برز في دوائر مجلس الهلال بان لا يقدموا اي استئناف ويتركوا الأمر كما جاء توطئة لمغادرتهم وتسليم النادي لآخرين .

وهذا ماتريدة حكومة السجم فنرجوا من مجلس الهلال عدم التسرع ووقوف ضد هذة المؤمرة الخبيثة

كاجوري اخوي
مسكاقمي
حسع دخل المريخ شنو فيما يحصل للهلال
أهو جنس سلبطتكم دي البتيجيب ليكم الهوا
خلوا المريخ في حالوا
وألحقوا فريقكم وناديكم
ودا ما وقت الهجوم على الاخرين
ورفقاً بحالكم حنسكت وما حنتكلم عن المسكوت
قال نادي الحركة الوطنية قال

كاجوري ....لك التقدير والمحبة ....
ياأخوي الله يرضى عليك .. ركز شوية ...

Quote: ارفعوا ايديكم ياسارقي قوت الشعب عن سيد البلد

البلد دي أنتو سيادتها كيفن عاااد ؟ جبتوا ليها شنو عشان تتسيدوها ؟ وبعدين الحكومة هي حكومة البلد رضينا أو أبينا ،، أها أنتو كيف سياد البلد والحكومة حكومة البلد وتتأمر ضدكم ؟ يعني لو أنتو سياد البلد فالمفروض الحكومة تكون حكومتكم وكده !!!! بعدين ياأخوي حركة وطنية بتاعت شنو؟!!! ياخوي ما تفكوها في نفسكم ساااكت !!! أنتو الطردتوا الانجليز ونحنا ما عارفين ولا كيف؟ ولا إنتو الاعلنتوا الاستقلال وبرضو نحن غافلين ؟ الله يرضى عليك خليك من احلام زلوط دي وركز على حال الهلال مع سيادة صلاح إدريس .. وخلوا المريخ في حاله !!! ولاّ لازم حكاية الكاشف أخوي دي تطبق !!!!

يعنى حســــى بيه البوست ده نقدر نقول المريخ مؤتمر وطنى عديل كده ولا حكومة وحدة وطنية

الاخ حمزاوي
مسكاقمي ورحمة اللة وبركاتة

خلوا المريخ في حالوا
وألحقوا فريقكم وناديكم
ودا ما وقت الهجوم على الاخرين

نحنا بنسرد في حقائق ولم نهاجم احد ونحنا فريقنا متل الهوان ديل مابقدروا علية

ولك الود ياحبوب

الاخ عماد محمود سلامات

البلد دي أنتو سيادتها كيفن عاااد ؟ جبتوا ليها شنو عشان تتسيدوها ؟ وبعدين الحكومة هي حكومة البلد رضينا أو أبينا ،، أها أنتو كيف سياد البلد والحكومة حكومة البلد وتتأمر ضدكم ؟ يعني لو أنتو سياد البلد فالمفروض الحكومة تكون حكومتكم وكده !!!! بعدين ياأخوي حركة وطنية بتاعت شنو؟!!! ياخوي ما تفكوها في نفسكم ساااكت !!! أنتو الطردتوا الانجليز ونحنا ما عارفين ولا كيف؟ ولا إنتو الاعلنتوا الاستقلال وبرضو نحن غافلين ؟ الله يرضى عليك خليك من احلام زلوط دي وركز على حال الهلال مع سيادة صلاح إدريس .. وخلوا المريخ في حاله !!! ولاّ لازم حكاية الكاشف أخوي دي تطبق !!!!

اولا انحنا البلد كفاية انها بوجودنا ثلاث مرات علي التوالي في بطولة افريقيا ومن ضمن الثمانية الكبار صار لها وجود
ثانيا منو الصعد بعد ثلاثين عام بالمنتخب اظنك قايل المريخ براهوا
ثالثا نحن موجودون دائما مع الكبار افريقيا
وانجازاتنا لاتحصي ورفعنا اسم البلد عاليا في كل المحافل الدولية

ونعم نحنا ساهمنا في طرد الانجليز انت فاكرنا بنلعب كورة بس وناضلنا من اجل استقلال السودان
وبعدين صلاح ادريس كان سمح وكان كعب جاء للمجلس بالانتخابات الحرة النزية ولو اتفقنا اواختلفنا معة برضوا بنصارعوا
بالارضية المنطلق منها وهي الديمقراطية

والحكومة ماحكومتنا لانها جاءت علي ظهر دبابة.
ونحنا بنسرد في حقائق وماعندنا اي مشكلة مع المريخ اذا كان التنافس شريف ولكن اذا شارك الحكومةوساندها في مختطاتها الخبيثة
لتدمير الهلال فلن نتركة في حالة وبكون زنا علي خراب عشه.

ولك كل التقدير والمحبة ياعمدة

كاجوري ياحبييييب ...

Quote: اولا انحنا البلد كفاية انها بوجودنا ثلاث مرات علي التوالي في بطولة افريقيا ومن ضمن الثمانية الكبار صار لها وجود

يعني أول ماكان في حاجة أسمها السوداااان ولا كيف ؟ يعني كان محتلة وجيتوا حررتوها من المستعمر؟ غايتو دي بااالغته فيها ياكجوري ياخ ..

Quote: ثانيا منو الصعد بعد ثلاثين عام بالمنتخب اظنك قايل المريخ براهوا

المنتخب يمثله هلاريخ ودربه مازدا المريخابي ورغم ذلك لم نقل بأننا من صعد بالمنتخب بعد ثلاثين عام ..

Quote: ثالثا نحن موجودون دائما مع الكبار افريقيا

ودي عملتوا فيها شنو ؟ ياهوالخروج من الادوار الاولى والخروج قبل النهائي ( سوى مرتين ) ده يعني أنكم سياد بلد ... طيب الجااااب للبلد دي كاسات عدييييل كده يكون شنو مالكها ؟ ههههههه .

Quote: وانجازاتنا لاتحصي ورفعنا اسم البلد عاليا في كل المحافل الدولية

دي ياتي ياالحبيب ؟!!!! وين رفعتوا راسنا وأنتو شايلين الفضائح وييين ما ماشين !!!!

Quote: ونعم نحنا ساهمنا في طرد الانجليز انت فاكرنا بنلعب كورة بس وناضلنا من اجل استقلال السودان

ياتو نضال ده ياكاجوري !!! طارق أحمد أدم نزل علم الاستعمار !! ولاّ الثعلب قاتل في بحري !!! ولاّ الدحيش كان شايل رشاش ولاّّ جكسا وكسلا حررا الرهائن من الانجليز ولاّ....ولاّ ....

Quote: والحكومة ماحكومتنا

طالما الحكومة مش حكومتكم .. تبقى البلد ما بلدكم ولا أنتم أسيادها ... ههههه . سلام ياالحبيب .. ذاكر كويس سمح ؟

الاخ بدرالدين اسحاق سلامات


يعنى حســــى بيه البوست ده نقدر نقول المريخ مؤتمر وطنى عديل كده ولا حكومة وحدة وطنية

انا لاقلت مؤتمر وطني ولا حكومة وحدة انا قلت الحكومة سيطرت علي النادي واصبح المريخ تابع لها
يعني المريخ اصبح فريق حكومة المؤتمر الوطني كدي لاحظ المريخ في كمبالا اذا مصطفي عثمان اسماعيل هناكوفي ليبيا وفي الخليج والدعم المادي واضح من خلال جمال الوالي

ولك الود ياحبوب

* حسب علمنا فإن الأخ صلاح إدريس رئيس الهلال نفسه لا يمانع في التنسيق مع المريخ في الجوانب الإدارية.. لكن كتاب الهلال الذين يعانون من فوبيا الوالي ويخشون سطوة من انتزع منهم كليتشي استنكروا دعوة الحبيب تكعيب وجاهروا برفضها!


* وذهب بعضهم إلى أبعد من ذلك مطالبين الأهلة بالحذر من خبث المريخ ممثلاً في رئيسه جمال الوالي!


* ونحن نسأل هؤلاء: من الذي قال لكم إن رئيس المريخ يرغب في خدمة الهلال؟


منقول من عمود مزمل ابوالقاسم
اعتراف واضح بالمخطط الخبيث الذي يدعمة ويساندة رئيس نادي المريخ

لا حولااااااااااااااااااااااااااااا

يعنى الحكومه دى خلت شغلها .. خلت دارفور .. تشاد .. أبيى .. المحكمه الدوليه .. و..و..و

وقبلت عايزه تسيطر على الهلال..

أسمعوا نصيحتى

الحكومه دى مابتعترف إلا بالزول الشايل السلاح

شيلوا سلاحكم وأدخلوا الغابه

نضال المنابر دا مجرب وما بجيب نتيجه

الاخ اسامة سلامات

الحكومة حاولت السيطرة علي النشاطات الاجتماعيةللجاليات ماتحاول فريق الهلال العدد مشجعنة يفوق العشرةمليون

الحكومه دى مابتعترف إلا بالزول الشايل السلاح

شيلوا سلاحكم وأدخلوا الغابه

نضال المنابر دا مجرب وما بجيب نتيجه

نحنا مابناضل عبر المنابر مع انة نضال مشروع نحنا بس بنسرد في حقائقوكان للسلاح شلناهوا قبل مانعرف طريق المنابر

ارقد عافية

دى يعنى نفهم أنها محاولة منك لتسييس الرياضه ولا نفهمها كيف ؟؟ ؟

يعنى عايز كل جمهور الهلال يعارض الحكومة ؟؟

قديمه العبوا غيرها ؟؟؟ وكان غيركم اشطر ؟؟؟

الاخ ناجي وعليك السلام ورحمة اللة وبركاتة

ماانا العايز اسيس الرياضة دي حكومتك ياخوي عايز تسيطر علي اي شيء وكل شيء

ولعلمك انا ماعايز ادعوا جماهير الهلال لتعارض الحكومة كما زكرت انت
انا داير كل الشعب السوداني يعارض حكومة الظلام واولهم انت ياحبيب

ولك الود

واحزروا من كتابات الاعلام الاحمر فهم لايريدون اي خير للهلال ولايسعون للتنافس الشريف

وادناة من عمود مزمل ابوالقاسم



نهاية مسلسل أوشين
* مرة أخرى وعد قطب الهلال الكاردينال جماهير الهلال بإحضار قودوين، وصدقته الجماهير وذهبت إلى المطار للمرة الثانية وانتظرت فلم تر قودوين ولا يحزنون!


* مرة أخرى نجت الخراف من مذبحة مروعة كان من المفروض أن تتم في باحة المطار!


* مسلسل أوشين ـ أقصد قودوين ـ مستمر!


* اشترط اللاعب على الكاردينال أن يدفع له المبلغ الذي استحقه عقب إعادة تعاقده مع الهلال في يونيو 2007 لمدة 3 سنوات.. وقدره 120 ألف دولار.


* قال قودوين إن الهلال كسب من ورائه مبلغ مليون دولار بإعارته لنادي النصر الإماراتي ونادي أهلي جدة السعودي دون أن يدفع له أي شيء منها.. وهذا صحيح!


* لذا طلب منحه مبلغ المائة وعشرين ألف دولار كي يعود إلى الهلال!


* وفي حديثه للإذاعة الرياضية أمس أعلن الكاردينال أنه رفع يده من الصفقة مستنكراً مساومة اللاعب وما أسماها (محاولات لي الذراع)!


* وقال الكاردينال إن بوضياف أكد له أن هناك أندية أخرى ترغب في التعاقد مع قودوين فرد عليه قائلاً: (قودوين لاعب الهلال ولديه عقد يستمر حتى 2010 وده يعني أنه أصبح مثل المرأة المتزوجة).. وأردف متسائلاً: (في مرة متزوجة بيعرسوها مرتين)؟


* مسلسل أوشين قارب على نهايته!


* توقفت المفاوضات، ورفع الكاردينال الراية البيضاء وطلب من قودوين ووكيله عدم الاتصال به.. ويئس صديقنا همشري من إمكانية الحضور مع أوشين أقصد قودوين إلى الخرطوم فذهب من أبو ظبي إلى دبي ومنها إلى المنامة متأبطاً خفي حنين (مع فانيلة وارغو)!


* الخلاصة تؤكد أن الكاردينال فشل في الإيفاء بوعده لجماهير الهلال التي صدقته وذهبت إلى المطار عدة مرات بلا جدوى.. وعجز عن إحضار قودوين لأنه رفض أن يدفع له مبلغ مائة وعشرون ألف دولار فقط!


* ونتساءل: كيف يريد من يرفض دفع هذا المبلغ الزهيد.. ويفشل في إقناع لاعب هلالي بالعودة إلى الهلال أن يقنع جماهير الهلال بأنه سيسجل لها إيداهو من المريخ الذي يقوده جمال الوالي؟


* كما قال شلبي: إذا كانت تلك هي طريقة الكاردينال في التسجيلات فيا ضباح ألعب لعبك.. الحبة ما بتجيك!


* قضية قودوين أكدت أن التسجيلات لا تتم على صفحات الصحف.. وأن الجعجعة الفارغة والمانشيتات الضخمة في الجرايد لا تأتي بالمحترفين.. وانطبق عليها المثل الشعبي الذي يقول: (ألمي حار ولا لعب قعونج)!


وياهلال

ماك هوين سهل قيادك سيد نفسك مين اسيادك

كاجوري تحيه طيبه

الهلال اكبر من الحكومه

ثق ان السكر لا يمكن ان يزيب


ملح البحر

بلاش حيكومه ما دايرين طابق

كفانه طابق الغزال في الهوبنه

كل الود

الاخ طارق شاطر تحياتي

فعلا ياطارق الهلال اكبر من الحكومة ولكن الحكومة تحاول بكل خبث لتعمل معاول هدمها في الهلال

ولكن هيهات فالهلال محمي بجماهيروا

اذا تركونا في حالنا صدقني ياطارق نبنيء الف طابق من حر مالنا ومن عرق جبينا ما من اموال البترول

ولك الود ياحبيب

وحول موقف المجلس حالياً من هذه القضية قال السيد صلاح ادريس بان جميع اعضاء المجلس قد قرروا بأنه فى حالة حل هذا المجلس بألا يأتى أي منهم عبر وسائل التعيين ، وقال بأننا سنناهض القرار بالقانون ، وقال بأنه على الرغم من كون المجلس ليس طرفاً اصيلاً فى القضية الا اننا سنتقدم للمحكمة طالبين بأن نكون مدعى عليه كطرف ثانٍ وطمأن السيد صلاح ادريس جماهير الهلال بأن المجلس باقٍ بإذن الله ولن يتهرب من مسؤولياته وهو ممسك بكل الخيوط.
وتحدث بعد ذلك كل من الاستاذ عماد الطيب والاستاذ الطيب العباسى المحاميان عن بعض الجوانب القانونية فى القرار ومخالفة هذه الجوانب للقانون.

دة كلام مسؤل جدا من رئيس نادي الهلال ومجلس نادي الهلال نعم جاءتم بامر جماهير الهلال

وسوف تبقوا بامرها ولا والف لا للتعيين ونعم بالديمقراطية والتعيين يمكن ان يقبل بة الناس الهوان ليس الهلال

فوق فوق هلالنا فوق

ونرفع ايدينا عاليا لرب العالمين ان يحمي الهلال من خبثكم






Thanks

محمد سلامات

ونرفع ايدينا عاليا لرب العالمين ان يحمي الهلال من خبثكم

ولو سمحت شيل صورة البرنس الزول النضيف الجميل المهذب دة من بروفايلك

وخت صورتك اوصورة البشير او صورة جمال الوالي لانوا ده مكانها الصحيح

ومسلسل الخبث والخبائث مستمر من بني صهيون وتفيد الاخبار انهم يسعون لاستهداف الهلال

في لاعبة النعيم الصحافة (رونالدينهو )

علي الاخوة مطالعة جريدة قون اليوم