ما بين المعهد وكلية الموسيقى والدراما والوهمة الكبرى ..بيق زيرو!!

هو زاااااتو لمن كان معهد عمل شنو ؟؟؟
لمن كان معهد غنانا وموسيقانا كانت وين ؟؟؟
حا تقدونا بي الكوريين ؟؟ تطييير عيشة الكوريين ..
حا تزحمونا بي المناهج ؟؟؟ اها والحصل شنو ؟؟؟
دكتورة بيان الفالقانا بي يا حلييييل المعهد ولمن كان معهد ما هي محصلتها كخريجة من المعهد وكفنانة قدمت للبلد ؟؟ قاعدة في ماليزيا وهمومها اكيد اكبر من الفن ..
تماضر اتخرجت من المعهد اها والحصل شنو للتمثيل في البلد ؟؟
الموصلي اتخرج من المعهد اها وموسيقانا قاعدة وين ؟؟؟
محمد نعيم سعد وفرقة الاصدقاء وما ادراك ما المعهدياها مسرحياتهم البي الاصابع دي؟؟؟؟
الناس البتقرا في المعهد حاسة بي روحا فوووق الجميع وكانهم صفوة الصفوة ولو في واحد خريج المعهد قابل واحد خريج كلية الموسيقى والدراما بيقرررب يقول ليهو انت قايل روحك فنان ؟؟؟
الغريبة معظم المهاجمين للكلية مشو سكوووها وقرو فيها عشان الواحد منهم يخت ليهو (دال) كبييييرة ويقولوا ليهو دكتور فلان وبروف فرتكان ويا دكتور فيصل ويا دكتور انس ويا يا يايا ويايا توري..

بعدين ياخ في زول ما موهوب لكن عندو الرغبة يخش الفن اها ما تدوهو فرصة معاكم ؟؟؟
مجموعو ونسبتو بتدخلو اها ما يخش؟؟؟
حا تقولوا لي لا؟؟؟؟
حا اقول ليكم يعني اسة الدكتور ده لمن دخل كلية الطب كان بيعرف يعالج ؟؟
وهو في اخطر من انك تتعلم الجراحة ولا في اكتر من انك تكون فنان في زراعة الاسنان وفتح الراس وشرط البطن !!!!
عايز اتعلم البنقز وانا ما بعرف كررربك ودبق دبق دبق اها المشكلة وين ؟؟
طبعا الوهمة الكبيرة الفنان حاااالة خاصة والفن غير المهن ويا عمر الطب ما زي الفن والهندسة ما زي الفن والفن والفن والفن وروروروووووووووووك من الفن ..
في ناس كتاااااار اتعلموا الكورة كبااااااار وده بيقودنا لي انو ممكن الموهبة تكتسب ولو حبببببة وتبقا مصطنعة وشنو يعني؟..
اي زول جواهو في طاقة ابداعية منهم العااارفا ومنهم الما جايب خبرا ومنهم البيقتحم الشغلانة رجاااالة ..
المعهد كضبة كبيييييييييرة زحمتونا بيها عشان عشتو فيها ايام جميلة خستكات وونسات زيها زي القدة بتاعت العجايز البيجيبوهم في اسماء في حياتنا ويقولوا ليكم لمممن اتخرجنا من كلية غردون وغادرنا لتحضير الماجستير في عاصمة الضباب لندن في الستينات!!!
المعهد هو كلية الدراما ..
كلية الدراما هي المعهد..
في طلاب اسسسسسة اولاد صغااار وحلوين بيعزفوا البينانو ده زي ما الله خلقو ..
في مخرجين زي الورد وافكارهم العلمية قمممة ..
في بتاعين نوتة شطااااااار..
المنهج وما ادراك ما المنهج ده موضوع تاني..
شبكتونا الابداع يولد من رحم المعاناة واااخرتا جايبين لي صور لي حوض وسخان وبيانو مكسر؟؟؟
طيب يلللا الدو ..
اهو المعاناة جاتكم فييييي صمة خشمكم ..
حيرتونا معاكم والله يا جماعة ..
استاذنا الكبير الموصلي تتهمني بالعيش على جلباب الماضي وانت اكتتتر زول ماسك فيهو فلا انت عايشت كلية الموسيقى والدراما ولا انت قريب منها وكللل البيجيك حكااااوي وقصص..
دكتورة بيان مسخخخخخت علينا المعهد وكل مرة تصر وتلح اصرااارا انها تورينا انها عاصرت الفن الجميل وايام الابداع وما ادراك ما القصص بتاعت الشووو ديك وفاااتت سيف الدين الدشوقي غااادي وهو يقدنا بي حي العرب وقصيدته الانثى امدرمان ..
ذبحتــــــــــــــــــــــــــــــــــــــــــــــووووووونا ..

عمر افتكر ماصاح
تفتح بوست جانبي بي هنا في موضوع
اصلا مفتوح
تعال بي هناك قول راييك ودافع عن الحكومه واعمل الدايرو
نحن بنحترم رأييك
لكن بكلامك ده مافي زول حيجي يرد عليك
لانو مهاترة ليس الا
انا جيت عشان انصحك لما بيننا من حسن الاحترام
نحن في محنة ومشكلة قد لاتهمك كثيرا

Quote: لانو مهاترة ليس الا نحن في محنة ومشكلة قد لاتهمك كثيرا

Quote: بعدين ياخ في زول ما موهوب لكن عندو الرغبة يخش الفن اها ما تدوهو فرصة معاكم ؟؟؟

صعب صعب والله ياعمر نديهو فرصة لانو القصه بتاعت الفن دى
فى الاساس موهبة او خلينا نقول الاولوية للناس العندهم موهبة
الدراسة فرصة عظيمة لصقلها وتنميتها واطلاق عنانها ...
بعدين ياخى اذا المعهد دا ما حقنا ؟ اضنينا ديل ما حقاتنا ؟؟
قال ادونى فرصة قال !!!
ياخ تمبس قال ما بديك فرصة شوف عينى دى مره كتب قال ليك
والله يا عمر طوووووول ما انا قاعد فى السعودية دى ما تغنى !!
اها امشى غالطوا !!

Quote: طبعا الوهمة الكبيرة الفنان حاااالة خاصة والفن غير المهن ويا عمر الطب ما زي الفن والهندسة ما زي الفن والفن والفن والفن وروروروووووووووووك من الفن ..

ابدددددددا ياسيدى المهندس المعمارى بمتحن فنون ،، رسم يعنى
ولو ما موهوب فى الرسم ممكن يقعد طول عمرو مهندس فاشل هسه شووية
الله نجدهم بالكمبيوتر دا ... والطبيب دا ذى الترزى لازم يكون موهوب فى
حكاية القص دى وفنان .. عشان كدا فى جراح سمعتو ومهارتو فى الجراحة بتطبق
الافاق وفى جراح بقعد طوووووول عمره مغمور .. الدراسة لوحدها لاتصنع
جراح ولا مهندس ايضا .. ( الله يشوفنى من كوجان والذين معه) بس قول يا ساتر ..

Quote: استاذنا الكبير الموصلي تتهمني بالعيش على جلباب الماضي وانت اكتتتر زول ماسك فيهو فلا انت عايشت كلية الموسيقى والدراما ولا انت قريب منها وكللل البيجيك حكااااوي وقصص

يا عمـــــــــر ؟ ياخى انا دايره اخلى صحبتك .. بصراحة
شكلك مضغوط وحالتك النفسية تعبانة شوية .. بقى الكلام الشين يمرق
منك عااااااادى ولا ترمش لك عين ..
فى اااخر قطرة من صحبتى ليك خلينى اقول ليك عيب .. عيب كدا !!

اهو انت براك قلتها (استاذنا) الموصلى ! استاذ الموصلى درس فى المعهد
واظنو دررس كمان .. وكان عايش فيه وكان قريب منو .. والحكاوى والقصص
دى افادات وشهادات ،، عندنا فى القانون بشنقو بيها الزول عدييييييل بعدموا !!
يعنى عندها قيمتها .. وياخ مش كتر خيرو لسه مهتم وبسمع وبناقش فى
حاجه هو بعيد منها .. ما جحد ولا اتنكر ؟؟ راى الموسيقار الموصلى فى القانون
اسمه راى خبير لايمكن تجاهله بل وبتسمعوا بالقروش يعنى استشارتو بالشى الفلانى ا وهو اهم راى ممكن يتسمع حول المعهد.
ولو عدت لى صوابك قليلا .. ح تكتب كلام غير دا ..









ـــــــــــــ
بعدين يا عمر انت عرست وانتهيت .. نحن الموصلى دا مشركين ليه لسه
عندنا حفلات ما اتعملت ..

دينا اعتقد ان عمر
عمل قصة ضربو رماه
تسلمي يابت الاصول
================
تخريمة لغاية ماقريت مشركين ليهو اتكيفت قلت ياربي دايرين يعرسوني
بعدين تميت الجملة فاحبطت وخاب فالي
ها ها

Quote: بعدين يا عمر انت عرست وانتهيت .. نحن الموصلى دا مشركين ليه لسه عندنا حفلات ما اتعملت ..

Quote: تخريمة لغاية ماقريت مشركين ليهو اتكيفت قلت ياربي دايرين يعرسوني بعدين تميت الجملة فاحبطت وخاب فالي

حتى انت يا موصلي

Quote: حتى انت يا موصلي

ياخي ما نتغطى وسط الغفار ده بي
ابتسامه
لست ببروتس
هسع جبت الابتسامات الحرمنا ليهن
بكري من وين

عزيزي جدا عمر الفاروق

سلام

أوافقك في بعض ما جئت به

و أخالفك في :

Quote: في طلاب اسسسسسة اولاد صغااار وحلوين بيعزفوا البينانو ده زي ما الله خلقو .. في مخرجين زي الورد وافكارهم العلمية قمممة .. في بتاعين نوتة شطااااااار..

لأنو الموصلي كان فنان بالقريحة و البديهة و قام بصقل موهبته بالمعهد...ثم تشامخ بالدراسة.
وردي بعد أن تطاول عملاقا دخل معهد الموسيقى ...

هناك خيط رفيع بين العبقرية الموروثة و الدراسة المقننة ...كان للمصادفة دورا هامافي هذا .
لا أريد أن أضرب لك أمثلة من دول أخرى ....فهي لا تعد و لا تحصى ...
و لكن ..
كل الكوريين إستغربوا من أن الرعيل الأول مثلا لم يعرف شيئا إسمه النوتة الموسيقية ...
فهل كان يمكن لرعيلنا الأول الملهم أن يتغاضى عن توزيع الكوريين الموسيقي لفنهم ؟؟؟أم كانوا سيتورعون عن دخول المعهد ؟؟؟

دمتم

عزيزي ابو جهينة
عمر ده لو شاف اوبرا نهر الدم التي ابكتني انا وابو عركي
في زيارتنا المشتركة لكوريا الشمالية لعرف ان الله واحد
والغريبة ان الذين الفوها فيهم واحد من الذين تم طردتهم
اليس هذا هو رفس النعمة
=============

دينا الحبوبة
ارجو الا اكون قد اثقلت عليك بنكتتي تلك

سلمي الشيخ :
اووول شي نتفق على انها ما مهاترة ...
تاااني شي هي مشكلة تهمني اذا ما زي همكم فهي اكتر منو ..
همكم انتو هم مداخلات واسترجاع ماضي تليد ويااا حليل البينش الفلاني ويا سلاااام على ايام لمتنا مع ناس فرتكان ويااالتلك الايام الرائعة التي زالت بدخول الانقاذ قاتلها الله ..
وبما إنو المعهد حاليا منضوي (بيكتبوها كده ؟) تحت لواء جامعة لاسودان فهي تهمني لني خريج من هذه الجامعة ..
وزي ما كتبت لي استاذنا الموصلي انا زيييكم واااحد وامكن افضل من ناس فيكم هنا بافتراض إنو وبييي صغر سني ده درست في ما سميتهو بالمعهد كمساعد تدريس يعني زييي وزي عثمان مصطفى وفيصل احمد سعد وباقي الناس البقوا اساتذة في المعهد ..
يعني باختصار يا سلمى انا بكتب بعين الخبير والشاهد اللي شاف حاجة ..
وكمان ابشرك وانا طالب في الجامعة كل اصحابي واصدقائي من كلية الدراما والموسيقى ومن كلية الفنون ولايفوتني هنا ان ارسل التحيات الصالحات لي حبيبنا عازف الفلوت غاندي وعبره لفرقته الجميلة وقتها بقيادة عماد ببو ..

Quote: يعني باختصار يا سلمى انا بكتب بعين الخبير والشاهد اللي شاف حاجة ..

سلمى دى هسه فتحت خشمها ؟ بعدين كلمة خبير ما بتطلق
لكل من يعمل فى الحاجةاو شافها ..دى عندها شروط غيير ...سمح؟

Quote: سميتهو بالمعهد كمساعد تدريس يعني زييي وزي عثمان مصطفى وفيصل احمد سعد وباقي الناس البقوا اساتذة في المعهد

انت درست مساعد فى جامعة السودان فى كلية مختلفة ؟ ولا فى معهد الموسيقى
نفسه ؟؟ اى كلية الموسيقى يعنى !

اذا كانت الاجابه انك درست فى المعهد دا ذاتو ... يبقى اذا عرف السبب بطل العجب ... وحقو يقفلو البوست دا والبوستات المجاوره التى تتساءل عن سبب انهيار المعهد .. ياخى دا مش كويس انو حيطو لسه واقفة اصلو الشجر داك قالوا بيموت واقفا ... وووووب .. والله ليك حق اذن دا مش بيق زيرو .. دا زيرو على الشمال...
وطبعا لما تقوم لى كعويج الكلام مافى زول بحصلك ..
هسه لو فى زول اتخرج من الهندسة جامعة الخرطوم واشتغل
معيد فى كلية الهندسة ،، بقول لى ناس الاداب انا
بعرف الاداب اكتر منكم لانى اشتغلت فى الجامعه التابعة ليها الكلية بتاعتكم ؟؟
لولوة من ابو اللول ذاتو !!! انشالله الكلام ما يطلع كدا !!













ــــــــــ
اها الناس الرسلت ليهم التحايا ديل ولااااااااا بعرفهم !!
الكلام الفوق دا كللللللو يا قول ناس الغرب اسمو
(ضرضرى وطية) اهااا تعال مرحب بى غلاطك ..

Quote: وبما إنو المعهد حاليا منضوي (بيكتبوها كده ؟) تحت لواء جامعة لاسودان فهي تهمني لني خريج من هذه الجامعة ..

ياااااااا دووووب انا فهمت الناس بتكورك افصلوا المعهد
من الجامعه لييه ؟؟؟ والله ليكم حق !!

أخي / عمر الفاروق
تحياتي ،


لكن ما بالغت في هجومك على المعهد ،
وكيف يكون الحال لو ما كنت (معهدابي) ؟!!



الأخت / دينا خالد
تحياتي ،

Quote: اها الناس الرسلت ليهم التحايا ديل ولااااااااا بعرفهم !! الكلام الفوق دا كللللللو يا قول ناس الغرب اسمو (ضرضرى وطية) اهااا تعال مرحب بى غلاطك ..

قانونية فقرية وخطيرة ؟!!!



مودتي ،





( ليمو )

غاندي ؟

التلب ؟؟؟؟؟؟؟
ياخ اوووع بكون ببو دا انت ؟؟

كان كدا سمعنا بيك سمعنا بيك ...(تانى ما تهرشنى )
لوووووووول .



مودتى الاكيدة ..

تضامنــــــــوا مع عمر الفاروق في محنته ......
ها ها ها ها ها ها ..

خالص التحايا
الزميل العزيز
عمر الفاروق
شخصيا كان بودي أن ينحصر النقاش في بوست واحد بغض النظر عمن كتبو فقط لأسباب كتيره منها عدم مقدرة الزول على التشبيح ، بقت ليقاتنا ما بتساعدنا ...
الشى الآخر لو اُتيحت لى الفرقة ؛كلامك فيهو الكتير جداً المحتاج يتقال ليك فيهو اعد ...
ابسط شى مافيهو منهجة نقد مؤسس ...والخ
كلامك كلو مصدات بعبارات وضعتها ليلتف الناس حولها ، لتقول انك وضعت نقاط ضعفك وتعرفها فلا احتاج للتذكير وهو في حد ذاته دليل على الضعف ...الخ..
عموما اتمنى ان اجد متسع لاخد وادي معاك في البوست ده بقدر ما نستطيع...


كلية الموسيقى والدراما بين مطرقة الإدارة وسندان الإتحاد!

التحايا النواضر...

وووووووووووووووووووو
كدا انت كمان ياتروتسكى زودتها ..
عمر دا تقول لى نقد ممنهج ومنهجة نقد مؤسس
ونقاط ضعفك .. حولااااااااا تانى يحلنا الحلا بلة

على العموم هو هددنى فى الخاص وقال ما عندو طريقة الا الاحد
ح يجى يبهدلنا قال ... بشرى الفاروق ياخ ..









ـــــــــــ
لحد الاحد بنسرح ونمرح وعادى نقول لى الحبيب بكرى
يا بكرى اسحب البوست ..

التحايا
الرد ده مخصوص لدينا فقط
نبداء انا قريت في المعهد وكملتا في الكلية
وغاندي ببو زملاء لنا في الدراسة في تلك الفترة وبالمناسبة ممكن
الفاروق ده يكون اشتغل في المعهد تدريس بالطريقة الاتية : بعد انضمام
المعهد الى جامعة السودان كانت هناك مواد اسمها مواد الجامعة
عربي
انجليزي
علم نفس
ودراسات اسلامية ... الاخيرة هذة لم تدرس في المعهد او درست وانا ما فاكر
فكان فعلا المعيد خريج الجامعة في كلية التربية انجليزي بجي بدرسنا انجليزي
في المعهد
واحدة من الطرائف .. مره جاء استاذ من جامعة السودان يدرس لغة انجليزية في المعهد
واكتشف بالصدفة ان احد طلابه في المعهد هو استاذه في المرحلة المتوسطة لنفس المادة
شوفي المطب ده ... الاستاذ طالب والطالب في المرحلة المتوسطة هوالاستاذ ..
الطالب كانو اسمو احمد انجليزي الاستاذ كان بعد ينتهي من الشرح يقول ولا ما كده يا استاذ
احمد ... مفارقه عجيبة
اما بالنسبة لعلم النفس فا دي قصة تانية اذكر ان احد المعيدين كان يدرس محاضرات علم
النفس من كراسة قديمة قام احد الطلاب بسرقة تلك الكراسة فانتهى المقرر
واحد تاني درسنا كل مناهج علم النفس التربوي ولمنا جاء عند فرويد ومدرسة التحليل النفسي
فرويد هذا يهودي كافر خلوكم منه فسلخناهو سلخ الجن
ممكن الفاروق ده يكون واحد منهم

التحايا لغاندي عازف الفلوت المميز والمتواجد الان بفرنسا
والتحية لعماد محي الدين ببو عازف الجيتار المميز الموجود الان بالسودان
دينا ... ببو وغاندي ليس لهم ذنب ان عمر الفاروق حفظ اسمائهم
ولكي كامل محبتي
لو في اخطاء ارجوك سامحيني

العزيز الجمام

شكرا للتصحيح ..

والتحية عبرك لغاندى وببو ..
وفعلا انا قايله الاسماء دى هضربة من الفاروق
ذى علوية حواجب وعزيزة فرن ... ومنو كواريك ..
فمعزرة للمبدعين
بس كمان كلمهم ما يصاحبو عمر دا .. لانو سمعتهم بتبوظ .

Quote: عربي انجليزي علم نفس

اها ياجمام التلااااته ديل حاولتهم واحدة واحدة
ما لقيت حاجة تناسب الفاروق !!
معقول يكون بدرس عربى ؟؟ مستحيل طبعا
انجليزى ؟؟ دى مستبعده !
علم نفس دى لى هسسه هو ما سمع بيها ..
اظنو اول مرة ح يقراها هنا ..

على ما اعتقد بكون ضيعهم فى الحاسوب !!













ـــــــــــــ
كل الكلام انا معاكم لكن ذى ما قال ملاسى فى بوست كررى
( الصادق دا خلو بعيد ) لووووول ... اها انامشاكل مع
الفاروق دا انا بررررره ....

العزيز استاذى الموصلى

ياخ انا لاقياك ويييييين !!
دى ولا فى الامنيات .. احلامنا كانت متواضعه
انحصرت فى حفلة ... لوووووول
عارف انا قلت ما افرض عليك الرد فى هذا
البوست لانى حسيت انك ماداير ترد فيه واحترمت رغبتك ،
بس . تصدق الليلة الصباح كنت بسمع ليك فى غنا سممممح
بتاع ايامك ال فى المعهد .













ـــــــــــ
لكن احبطتنى بانو الكلام كان محض نكته !!!
لووووووووب ... كان تخلينى بالاحساس الاول داك ..

هيجتك دى بتاعت زول راس السوط ووصلو,
اوع بس تكون من الجماعة الخربو المعهد؟

Quote: هو زاااااتو لمن كان معهد عمل شنو ؟؟؟ لمن كان معهد غنانا وموسيقانا كانت وين ؟؟؟

عمل شنو ده كلام زول يا صغيرنى جدا يا ما بستمع لى اغانى
ولا بعرف سمندل ولا عقد الجلاد ولا الموصلى ولا مصطفى سيد احمد ولا الخالدى
ولا حنان النيل و لابعرف عثمان النو ولا شاف السديم ولا النفير ولا الاصدقاء
ولا بعرف قاسم ابوذيد ولا قرنى ولا طاف ولا شاف اعمال اولاد قصر الشباب الكلهم طلاب لى اساتذة
خريجين المعهد المفترى عليه وعلى تاريخه,
انت خليك من كانت وين ورينا هسى وصلت لى وين بى المجهودات الجديدة
وييين وين الاغنيات الخاصة وينهم خريجين الكليه مقارنه بى العمالقة؟
الواحد يسمع اغانى كلها رش ودش ووش كأننا راكبين مجروس بدون بريك.

الموسيقي غاندي آدم طلب نشر هذا الرد لعمر (الفاروق )

Quote: بعدين ياخ في زول ما موهوب لكن عندو الرغبة يخش الفن اها ما تدوهو فرصة معاكم ؟؟؟ ده كلام عمر ( الفاروق) العشرة دي للنسوان ما مشكلة البعدها ...... وانت لو صاحبنا انا وعماد ورينا الكلام ده معناتو شنو اعتذار لكل من دخل البوست واعتذار خاص لكل زول جادي في شغلو من بتاعين الآورنيش لغاية اي زول جادي في عملو وبحترم عمل الناس التانية واعتذر لأستاذ الموصلي ومعليش الزول ده كلامو عامل كده : دو ديمينش+5 فا دييز سي احتمال يا عماد ده يكون الزول القال لي ناصر تاج الدين ..اضرب دو دبل صوله ارتكاز ري ماينر سيفن الكلام ده ورينا ليهو معناهو شنو لو انت فعلا درستنا ؟ (موهوب ) م غاندي ادم ادم 0033659560336 عماد الدين محي الدين 0912230788 خريجي قصر الشباب والأطفال و معهد الموسيقى والمسرح كلية الموسيقى والدراما وكمان ابشرك وانا طالب في الجامعة كل اصحابي واصدقائي من كلية الدراما والموسيقى ومن كلية الفنون ولايفوتني هنا ان ارسل التحيات الصالحات لي حبيبنا عازف الفلوت غاندي وعبره لفرقته الجميلة وقتها بقيادة عماد ببو .. الفرقة الجميلة دي فرقة عبد الوهاب وردي ..... الرد كتابة في هذا البوست لأنو انت اسأت لناس ما بتعرفهم واتصلبطت في ناس ما بعرفوك ولو كنت صاحبنا اسي انت كده زاتو ما صاحبنا ... التحايا لمعتصم ود الجمام واستاذ الموصلي

ياغاندي ياخ انتو وليداتنا
وشايلن هم كلية الموسيقي او معهدها مافرقت التسمية
العاوز اقولو لعمر هنا نحن بنرمي للاصلاح وحقو عمر يتفهم الحته دي
يعني نحن ما (امينه رزق) في الافلام القديمه
ولمن هم صغار في العمر ولا يعرفونها
فهي دوما تمثل دور المرآة المغلوب علي امرها الشكاية البكاية
مره واحده بس خالفت ادوارها فمثلت دور شريره
ونحن الدور ده ذاتو مابنعرف ليهو
وبنقول لي عمر انت زول نشط وناشط تعال خت ايدك معانا وساعد وانا عارفك ممكن تساعد بشكل ما
وليس بالضرورة ان تكون خريجا من تلك الكلية او ذاك المعهد
كل الود

لا هي نكته جات من واقع حلم نبع من حقيقه
========================
شكرا لرفع المعنويات والتشجيع الجميل
فعلا لكن لقيت السآله مشت والناش بترد
وهسع عمر هو الماداير

الأخت العزيزة / دينا
تحياتي ،

Quote: التلب ؟؟؟؟؟؟؟ ياخ اوووع بكون ببو دا انت ؟؟ كان كدا سمعنا بيك سمعنا بيك ...(تانى ما تهرشنى ) لوووووووول .

ياريت .. !؟ كنت أود أن أكونه ولكن ... !؟


وزي ما قال ليك أخونا معتصم ود الجمام :

Quote: التحايا لغاندي عازف الفلوت المميز والمتواجد الان بفرنسا والتحية لعماد محي الدين ببو عازف الجيتار المميز الموجود الان بالسودان

و بعد ده .. أنا البقيت خايف من هرشتك لي !! ( ده أنا غلبان يا بيه) ؟!!



مودتي ،




( ليمو )

استاذنا الموصلي:
عملتني انا الما داير؟؟؟؟؟؟؟؟؟؟
خييييير يا استاذنا مقبووولة منك والله ..

تخريمة :

Quote: وكمان ابشرك وانا طالب في الجامعة كل اصحابي واصدقائي من كلية الدراما والموسيقى ومن كلية الفنون ولايفوتني هنا ان ارسل التحيات الصالحات لي حبيبنا عازف الفلوت غاندي وعبره لفرقته الجميلة وقتها بقيادة عماد ببو ..

يعني يا اسامة متكتتر علي صحبة الناس ديل لممن مشيت سكيتهم وقلت ليهم في زول عامل فيها صاحبكم ؟؟
اقرا الكلام الفوق ده كويس وتعال وريني وين انا قلت عماد ببو ده صاحبي؟؟؟؟
ووالله التحايا برسلا ليهو شاء أم ابى فالراجل ما قصصر معانا ابدا وقدم لينا من الجمايل ومرقنا من ورطات كتيييرة ولسسسة ليهو التحايا.
موضوع غاندي ده هييين مقدور عليهو ودي ما حتتو بس طالما بتلاقيهو وماشاء الله عليك شكلك زول وصصصاااااااااااال فقول ليهو عمر قال ليك السؤال بتاع الكرة الارضية لمن رميتا نظر ادوك فيهو كم ؟؟

طيب يا جماعة عشان الناس شكلها فهمت عدم ردي ده زوغة وزي في ناس جات اخدت راحتا (بقيادة اختنا دينا) ومن لف لفها ..(ياخ اخيييرا ظبطت معاي لف لفها دي..) اهو جيتكم وكمان خزلتك يا دينا وما انتظرت للاحد ما عارف قصة الاحد دي شنو عيبي لي السبت ده مااالو ؟؟ اصلك وقت عملتيني مسيحي وبكون يوم الاحد مؤجز فياخ كملي جميلك واتوقعي معاها ممكن عاااادي اكون يهودي ولي يوم يسبتون اشياء اخرى ..
تخريمة :
مييييييييييييييييين هادية دي؟؟

Quote: مييييييييييييييييين هادية دي؟؟

دي ست وجعه خريجه هاجرت بعد ذلك الاغلاق المعيب
الذي احدثته الان (غاظ) للمعهد ولمدة فاقت السنتين ثم اتت بعميد غفر الله له ماتاخر وما تقدم من ذنب فطرحه ارضا ثم ذبحه ذبحا

Quote: استاذنا الموصلي: عملتني انا الما داير؟؟؟؟؟؟؟؟؟؟ خييييير يا استاذنا مقبووولة منك والله

عمر دي لو فهمتها ان بقصد (انك هارب)
اذا فانا اعتذر ودي تبقي مني هترشه
لكن لو فهمتها انو اقرار منك بانو الحوار بكون بي غادي
بتبقي حسن النية عندي
المهم قطعا انا متآكد من عودتك للرد علي المتداخلين
عمر كلنا اخوانك وبنحاورك بي هنا وبي هناك
كل البطلبو منك انو تخلي نفسك رزين او بالعربي عمر البنعرفو
وباكد ليك انو كل الناس الضربت بيهم مثل ديل هم نتاج معهد الموسيقي والمسرح
واساتذتهم هم خريجو ذلك المعهد
=============
وانو المعهد المفتري عليه ده هو الذي اعاد انتاج الموسيقي القديمة بروح عصرية من خلال عزف خريجيه
فعاد الراحلان الي عهدهما ابراهيم عوض وعثمان حسين وانتفض ابراهيم الكاشف
واستقاد غير الدارسين من اساليب العزف الجديدة فابدعو

يا عمر الفاروق
هادية دى زولة ساىىىىىىىىىىىىى كدى زولة الله فى بلد الله وعندها رأى
أها تقول شنو يا ود امى ,
يا استاذ الموصلى كيفنك انا مشيت السودان وطبعا مشيت المعهداسلم على العمال
والاساتذة لقيت الحال ما يدافع عنه الا مستفيد من الوضع طلعته بى حسره
واتمنى أن ينصلح الحال.

والله البوست بقا ممتع وإن كنت لا احبذ البوست الذي يطابق المثل الذي يقول لا تضع كل البيض في سلة واحدة لكن أهو حكمتو بااالغة ووضع لينا كل البيض في بوست واحد ..

معتصم ود الجمام :
الرد لي دينا خالد برضو ..طالما شايف كل الناس بقت تنقي تنقية في الردود خصوصا وإنو دينا دي ماشاء الله شايف سوقا حاااار فلا بأس بأن نرد ثروو دينا ..
كلامك صااااح انا درست في الجامعة دراسات اسلامية فانا خريج جامعة القران الكريم قسم الفقه تخصص محج ..(ولا هو زاااتو صحي الحج عبادات) غايتو ما علينا ..
ادرس دراسات اسلامية ادرس انجليزي ادرس فيزياء ادرس موسيقى الفهم وااااحد إني درست طلاب كلية الدراما وطلاب كلية الفنون الجميلة يعني انا وبروف احمد كنا بنصرف من شباك وااااحد وبركب ترحيل الجامعة مع اساتذة الجامعة الما عندهم عربات بعد كده ما بيناتنا او ما فرقت ادرس شنو مش؟؟

Quote: ببو وغاندي ليس لهم ذنب ان عمر الفاروق حفظ اسمائهم

Quote: نبداء انا قريت في المعهد وكملتا في الكلية وغاندي ببو زملاء لنا في الدراسة في تلك الفترة وبالمناسبة ممكن

طيب انت مااالك يا الفااالح وناااجح اسمك ما بيتحفظ ؟؟؟
مالك صغييير ولا جااااهل ولا ماااك من المبدعين ؟؟
يعني بي كلامك ده كان انا مفروض عااادي اقول ولي اصحاب من الكلية بقيادة ود الجمام مش؟؟
بعدين ياخ الواحد معاكم ما يرسل تحايا؟؟
خلاص ياخ ولااا تزعل عماد ببو ليس لديك اي تحايا مني واريييتا ما وصلتك ولو وصلتك ادي البحر نصو وانا اديتك قدرو ..
بس انت شد حيلك لي اجيال قادمة وخليها تتسلبط فيك وفي اسمك سمح؟

Quote: لو في اخطاء ارجوك سامحيني

ارجوووك سامحيهو يا دينا ..ارجوووك ..

هادية الزولة الساااااااي:

Quote: عمل شنو ده كلام زول يا صغيرنى جدا يا ما بستمع لى اغانى ولا بعرف سمندل ولا عقد الجلاد ولا الموصلى ولا مصطفى سيد احمد ولا الخالدى ولا حنان النيل و لابعرف عثمان النو ولا شاف السديم ولا النفير ولا الاصدقاء ولا بعرف قاسم ابوذيد ولا قرنى ولا طاف ولا شاف اعمال اولاد قصر الشباب الكلهم طلاب لى اساتذة خريجين المعهد المفترى عليه وعلى تاريخه,

اها انا لميتهم ليك الاتنين صغيرووووني وما بسمع اغاني كيف ليك ؟؟
يلا تعااالي انتي يا الكبيرونة وبتسمعي اغاني ورينا الفوق ديل شن سوو ؟؟
والله مجهوداتهم مقدددرة وفوق راسنا من فوق لكنها تظل اعمال مووقلة (عاارفا غلط الكلمة دي بس عاجباني) في المحلية وونستك دي تشبه للحد البعيييد ونسة ناس زمان عن كورتنا في الخمسينات والستينات والتي لم يفلح الله بها علينا بانجاز غير وحيييييد سنة 70 ولمن تسمع الكلام عن الفترة ديك تححلف تقول شلنا كاس العالم !!!!!
سمندل بعرفا دحين دي مش الكان مفيها الفاتح حسين بتاع الجيتار؟؟؟وفيها ناس احمد باص وميرغني الزين في الكمنجات وفيها مريم عثمان البشير في البيانو وفيها ماهر تاج السر في الاورغ ؟؟ وكانو بيلبسو بنطلون اسود وقميص ابيض مع فيونكا سوداء وجاكيت جينز منقرط ولا كيف كيف ما عارف؟؟
مش بيعزفو كانو الممبو السوداااني وماهر يقعد يلعب في الاورغن وهناي داك(ما بعرف اسمو) بي الكشاكيش...
والله بعرفهم ما تشوفيني صغيييرووني كده بعرفهم ..
دحين مش السمندل دي اتفرتقت؟؟؟ يلا تعااالي اديتك مساحة عشان تجيني بي الاسطوانة بتاعت انهم حاربوا المبدعون وهاجر المبدعون وسافر من سافر وهاجر من هاجر اها الهاجروا ديل مش بيحبو الموسيقى راجعيهم وشوفي كان واااااااحد بس شغال بي الموسيقى اسة ؟؟؟
الفاتح حسين يشيل وينطط مرة فرقة السودان ومرة عزف منفرد ومرة يتشخصن على العازفين فيهجروه ويشتموه ومرة ومرات ..
بالمناسبة غاندي الما صاحبي ده ارجو من الموصل الجيد للكهرباء يوصل ليهو الكلام وبالمرة يسألو ويقول ليهو مالك خليت الفرقة القومية للفاتح حسين واتباعه ؟؟
عقد الجلاد ديل منو ؟؟؟
بري يا يمة يطرشني ويعمي جيراني كان سمعت بيهم ؟؟
ناس انور ومجاهد وعثمان النو ومنال بدر الدين وعركي وشمت وحواء المنصوري ولاحقا جوهم ناس نمارق وانضم عمر بانقا وحمزة سليمان واسة بقوا يلقطو الشباب من كورالات الجامعات ؟؟
والله بعرفهم ما تشوفيني صغيروووني كده ؟؟ مش البيلبسو تركواز مع بنطلون اسود وللا هو لون زينب ما بعرفو ..
معجب بيهم ايما اعجاب وانا بسمع احتاج دوزنة وبيدخل لي صوت عوض الله جووووة وهو بيقول مهوززاً رقبته وعيونه خجلانة ويااااا ليلة ليييلك جنننننننة زينسرب صزت عمر بانقا مع حاجة امنة اتصبري غير انني اتعجب حتى الان من تلحين ايدينا يااا ولد ايدينا للبلد مع التوزيع الغريب اللي خلى مسدار ابو السرة تاني ما تتغنا في الحفلات بعد ما رسخت في ذهن الناس بي صوت الدابي وام رخم الله وتكمل كووتة التمباك ويبلعوا الناس الجرة ..
عقد الجلاد الحالية وصل فيها عدد المغنين الغير متخرجين من المعهد كمغنيين اساسيين لي اربعة ولسة عقد الجلاد شغالة
الموصلي الوااااحد المعانا ده ؟؟؟
هييييييييييع ابوها يا هديل والله بعرررفو واسة قاااعد في امريكيا (يا قول خالتي) عندو اغنية لطييفة اسمها سهم طاااايش وشكرا ليهو في بكتب ليك رسالة طويييلة يا امي وللمرة المليون بقول الاماني السندسية ليها وقع خاص في نفسي بالرغم مناني مااا بسمع غنا اها ومالو الموصلي ؟؟؟؟؟
ووين اسة الموووصلي ؟؟
مصطفى سيد احمد رحمه الله ده الزول الشعرو خنننننفس داك ؟؟
الكان سجل حلقة مع الراحل محجوب عبد الحفيظ ولابس قميص تحرمني منك ونضارات سوود داك ؟؟
والله بعرفو ياخ ما تشوفيني صغيرووووني كده ؟؟
وطالما اني صغيروني فلا بأس بي السلبطة في مصطفى سيد احمد حتى انضم للمثقفاتية واعمل ليك حركات البرالمة واقول ليك بسمع لي مصطفى والله نحن مع الطيييووور الما بتعرف ليها خرطة ..وكتتر خير نادي الموردة اللي خلى الناس تسمع الاغنية دي في احتفالية نادي الموردة بفوزه بكاس السودان على حساب المريخ 3-1 ..

بجيك لسة ان شاء الله مضطر اقطع المداخلة

Quote: ناس انور ومجاهد وعثمان النو ومنال بدر الدين وعركي وشمت وحواء المنصوري ولاحقا جوهم ناس نمارق وانضم عمر بانقا وحمزة سليمان واسة بقوا يلقطو الشباب من كورالات الجامعات ؟؟

يعني يجيبوهم من وين
من الغابة؟؟؟
والله ضحكتني ياعمر
ياخي هذا هو الدليل الاعظم لعظمة الخريجين
ولبعد نظرهم واخذهم بايدي الشباب الجديدوانت برغم
اني عارف انو ذوقك عالي الا انني اعرف انك مصاب بهبوط القلب الفني كيتا في الناس
والماعاجبو يشرب من بحر (القلزم)

Quote: حكمتو بااالغة ووضع لينا كل البيض في بوست واحد ..

دي اسمها جوز ما يخسر.

تحايا للجميع وود
انا يا عمر الفاروق لا اشتهرتا لا عرفني زول بس عماد ببو وغاندي ديل
اصحابي من قصر الشباب والاطفال ولحدي كلية الموسيقى والدرما ودفعتي لو درستهم
اي كان ثقافة اسلامية انجليزي عربي ... والله يديك الصحة والعافية استاذة / سامية المشرف
اقول ليك لو درستا ببو وغاندي انت درستني بس وريني درستني شنو ؟
وداير اوريك في حاجة انتا ما عارفا انو اشطر طلاب في المعهد هم من درس الموسيقى والمسرح
في قصر الشباب والاطفال قسم الموسيقى والدراما والفنون لناس كلية الفنون الجميلة
عمر الفاروق
خليك عادي وريلاكس انت افاك من الدرجة الاولى والله الكلمة دي اول مره اقولا لي زول في المنبر ده
حاقولا ليك انت العامل فيها ابو النقد وبتبخس في الناس شمال ويمين قول لينا الدراما والموسيقى
وكل الفنون والفنانين في السودان ( بيق زيرو ) انت سويت شنو ؟
تعرف مشكلة المنبر ده شنو ؟ خلا اي زول ممكن يجي يقيم تجارب زاحــه بعمره بس يقول ليك
انا قريتا مع فلان وانا صاحب فلان ...
دينا كيتافي الفاروق اخصك بتحايا ( اذا مرت بالجبال عملت ليها شنو كده واذا مرت بالبحار
كمان برضو عملت ليها شنو كده
ولا اقول ليك يا دينا .....واااااااااااااااي يا دينا بحبك موووووووووووووووت

يا فاروق انصحك امشي اكتب في ناس قلق وعمار مرق وفك درب الناس العندها فهم دي

ناس غاندي وببو ديل في اسكيل ( لا ماينر ) معليش يا ناس موسيقى دي حركة مني ساكت



يا غاندي انت صاحب الزول ده والله ده طرفي منك

عارف يا عمر انك براك قلت الكلام المابيهو انته
اعضاء فرقة عقد الجلاد الخريجين فيهم اربعة
وبلقطو العازفين من الجامعات
طيب ما ده الكلام السمح هو المعهد ده معمول ليه انت قايل؟
اوعك تكون فاكر انو اكتشاف المواهب وتدريب الفنانين ده ما شغل ولا انجاز؟
يا عمك ما ده الشغل الدايرنو نحن , يعنى عقد الجلاد دى لو ما فيها خريجين كان بقت صحوه
واتفرتقت بعدها بقت فنانين هجيج وكشف لو ما فى مايسترو فنان وخريج تفتكر كان استمرت؟
بعدين الاسباب بتاعت شتات الفنانين بتعرفه براك ولا محتاج اقولة ليك ماك حكيم وعارف,
فرتقوهم عشان يجو اولاد الكيذان واولاد محاسيب الحكومة وازيال وارزال والمرضى عنهم
يمسكو مجال الفن والاعلام بعد ما اكتشفو الانقاذيين والكيذان أن المجالات دى مؤثرة
قلبو الفكرة من التحريم لى التحليل ثم التفنيدوالغربله ثم التمكين
مش فى حاجة قالو اسمها التمكين فى عرف الجماعة,( يا رب ما تمكن ظالم ولا مستهبل ولا متسلبط ولا متشعلق/(النوعين عشان الشعلقة دى تخصص نسائى ورجالى))
بعدين فى ذمتك دى انت بتعرف الناس بى قمصانهم والوان البناطلين ده كل المارق بيه من العمليه,
ونستى فعلا بتشبه ونسه ناس امدرمان الذمان وانا لاقياهم وين والوصلنى ليهم شنو شن جاب لى جاب
عارف يا عمر انا التهريج ده اعلمك ليهو قايلنى قاريه وين ماءءءءءءءءءءء فى المعهدوكمان أيام كان معهد,
سؤال والله للمعرفة لو تحب تجاوب أنت كنت مدرس شنو فى المكان ده؟

اييييييييييييييييييييييه



يا عمر الفاروق
يا خى ما تكون انت الاستاذ بتاع الدراسات الاسلامية واللى جا وعمل منهج غريب سماهو موسيقى اسلامية واللى وحياتك من اول محاضرة قام طردنى وقال لى تانى ما اشوفك فى المادة بتاعتى تانى عشان زنقتو زنقة ينى لما كان بيحاول يوضح انو الناس فى تلك العصور كانوا ضخام الجثة وعشان كدا الآلات الموسيقية كانت كبيرة الحجم وإستدل على كلاموا بإنو سيدنا على بن ابوطالب سيفه كان 14 راجل ما بيقدروا يرفعوهوا من الواطة فسألته ببساطه انو سيدنا على كان بيركب بى سيفه دا فى حصان؟فأجاب نعم فقلت ليهوا يا استاذ دا ما كان حصان فقال لى يعنى حيكون بيركب شنو فأجبت دا بيكون زد واى عدييييل كدا فهاج و ماج وطردنى شر طرده من مادته .عموما هذا الاستاذ بعد المحاضرة ديك طفش وتانى ما شفنا وشو اوع اوع تكون دا انت الذول دا.

معتصم ود الجمام :

إنت زول لفاااااااااااااح كده مالك ياخ ؟؟
تعرف فعلاً انت اثبت إنو قرار ادخال اللغة العربية والتربية الاسلامية اصصصصصلو ما غلط في المنهج عشان مرات في ناس ملقووفة زيك كده بتقابض سااااي وتقوول الناس كلام ما قالتو مع إنو مكتوب بي العربي البسييييط ده ..
عاين واقرا وافهم كلامي الكتبتو فوق داك كويييس وتعل وريني انا وين قلت انا درست غاندي وعماد ؟؟؟
ولا اقول ليك اجيبو ليك عديييل وانت سف وقارن سمح ؟

Quote: انا يا عمر الفاروق لا اشتهرتا لا عرفني زول بس عماد ببو وغاندي ديل اصحابي من قصر الشباب والاطفال ولحدي كلية الموسيقى والدرما ودفعتي لو درستهم اي كان ثقافة اسلامية انجليزي عربي ... والله يديك الصحة والعافية استاذة / سامية المشرف اقول ليك لو درستا ببو وغاندي انت درستني بس وريني درستني شنو ؟

اها ده كلامي:

Quote: وكمان ابشرك وانا طالب في الجامعة كل اصحابي واصدقائي من كلية الدراما والموسيقى ومن كلية الفنون ولايفوتني هنا ان ارسل التحيات الصالحات لي حبيبنا عازف الفلوت غاندي وعبره لفرقته الجميلة وقتها بقيادة عماد ببو ..

ده مش كلامي ولا انا بتاع تزوير؟؟
وانا طااااااااااااااالب ..طااااا طالب طااااا طييرة طاااااااا طااااؤووووووس فهمت ؟؟؟
ده كوم براهو ..
انت لانك زول لفاااااح مشيت عست الابري بي الحلو مر ودخلت حكاية اني درست كمساعد تدريس دي مع موضوع الجماعة ديل..
اها كده فهمت النقطة العامل فيها فرحااان بيها ونظام بتزرزر فيني؟؟؟؟
الله يرضى عليك سييب اللفحي واقرا كويس تاني سمح؟؟
بس ده ما بيمنع اني درست طلاب كليتكم المصون وما لازم اي زول درس عندكم يكون درس غاندي وسيدنا عماد رضي الله عنه ..
كويس معاك ؟
اها ده الاتو الفالقنا بيهو حتيناهو ليك ووريناك انك شغال كلام الطير في الباقير يلا امرق من الحتة دي وتعال للموضوع الاساسي عشان تراك ابلشتنا وذبحتنا بي وانا زاملت غاندي وانا درست معه في القصر وانا انتقلت معه للعيش في جادة صقلية ..

تخريمة :
يا ملاسي ارجو إضافة ود الجمام لي اللستة اياها ..

هشام كمال:
اووووووووووو ياخ حسين اها الشغلانة ما بقت بي الجوز لالالا تريسات ساااااااي ومن سي وجهار وانت طالع .. سلتنا عمرت ..
هشام قبل ما ارد عليك وعشان ما الخبط الكيمان ياخ انت عندو وش فيري فيري فيري كيوت وشكلك من النوع الحبوب وبتنفع تتصاحب يلا ده كلام براهوووو شيلو على جمب ما تشتغل بيهو وخلينا في الكلام التاني.
هشام كمال دحين انت مش الزول الفي الكليب بتاع الايدز ؟؟؟
ودحين انت مش الزول الجابوهو في النيل الازرق مع منى جحا في مقلب ولا شنو داك؟؟
اها يا هشام وانت الصادق ياهم ديل تجربتينك الطلعت بيهم من المعهد وتاني يعميني ويطرش جيراني كان سمعت بيك ..
واسسسة اسسسسسة تعال نعمل استفتاء جوووة المنبر ده واتحداااك لو الناس ديل عارفينك انك فنان يغني ويطلع العدادات ويقدم للفن مثقال ذرة !!!!
حتى الاوبريت العملتهو كان على شاكلة الاخوانيات والمغتربين الجايين اجازة وعايزين يستعيدو نشاطهم ديلك ..
انت يا هشام مشكووور على انك الوحيد الاثبت لي بيان بي العمل إنو المعهد او الجامعة اكدت اهمية إنو الشخص حتى لو ما موهوب بي الفطرة يستطيع إنو يغني ويبقا فنان اكاديمي فشكرا ليك كتير لاني حا احتاج ليك لي قدام كتير في اثبات نظرياتي حول الموضوع ده ..

Quote: عشان زنقتو زنقة

مش قلت ليك انت زولي واكاديمي بحت ..حباااابك ياخ والله انت الاول ..
بالله هو ده انت الزنقتني الزنقة دي؟؟؟
وانا اقوووووووووووول شايفك وين ..
لكن تعرف يا هشام اسمح لي انا يادووب اكتشفت انو سؤالك كان سؤال غير ذكي(شوفت اللولوة؟) لأنو ياخ دي ما عايزة ليها اجتهاد لأنو اكيييد حصان زمان ما زي حصان اسة زي ما سيف زمان ما زي سيف اسة و كرعين زمان ما قدر كرعين اسة وطول سيدنا ادم زمان ما زي طول ناس هشام اسة وهشام الكان في كلية الدراما وهو بي شنباتو لو مشى اسة حا يلاقي الطلاب بيلعبوا حرب حرب في حرم الجامعة والبنات بيلعبو سك سك من طفولتهم ..

تخريمة :
غايتو يا هشام في اجازة الصيف دي لو لقيت طريقة انزل السودان لانو غااالبا حا يتعمل اوبريت انفولنزا الخنازير فاحجز مقعدك ..

Quote: يا ملاسي ارجو إضافة ود الجمام لي اللستة اياها ..

تمت الإضافة.

هادية :

Quote: عارف يا عمر انا التهريج ده اعلمك ليهو قايلنى قاريه وين ماءءءءءءءءءءء فى المعهدوكمان أيام كان معهد,

جااات منك يا مسجد !!!!
بركة البرااااك قلتي انو المعهد بتاع تهريج وبيعلم التهريج ..
وااااخد بالك يا حج ابرااااااهيم ؟؟؟؟
هو انا أووولت حاااااقة ؟؟
سمح ..
المشكلة في التواصل بيانتنا عارف حا تكون صعبة فانتي كبيرووونة وانا صغيروووني وزي ما قال هاني رمزي في اختلاف في السرعات والاحصنة ..
لكن حا احوال ابذل قصااارى جهدي لنقل فكرتي وتهريجي لمعاليكم ..
تصدقي فعلا ده الطلعت بيهو من معاينة الفنانين ..قمصان وبناطلين وشعر ..
مش كان عندي صاحبي شهادة عربية قلت ليهو هاك اسمع مصطفى سيد احمد في رائعته عم عبد الرحيم جاني بكرة شايلة الشريط ورماهو لي قال لي يا عمر ياخ تديني اغنية بسمع فيها في النهاية تطلع القصة كللللللها انو الحمار ماااات !!!!
ومرة صحبتنا حنكوشة كانت باكية في ولد دفعتنا جابت ليهو شريط مصطفى سيد احم رحمه الله فيهو ناس يا ضلنا وحاجة فيك والحزن النبيل نظام شرك وطعم ليهو بكرة سالتو اها يا مبارك سمعت الشريط؟؟؟
قال ليهو ايووة ..
اها واكتتتر اغنية عجبتك فيهو شنو ؟
قال ليها : طوريتك ..!!

اها بس شوفتي اها ديل جنس الناس البعرفهم الغنا في وادي ونحن في وادي ناس بناطلين وخنفس وشعر ساااااااي ..
بعدين ياخ اهو جمبك مثال واااضح للعيان جانا براااهو بي كرعينو اخونا اللطيف هشام كمال لا اكتشفو زول لا ابداع لا يحزنون زول حس انو عايز يغني قدم للمعهد ولا الجامعة ما عارف واسة فنان زيييو زي محمود عبد العزيز ..
انتو عايشين في الكضبة الكبيييرة بتاعت القصص الخرافية حقت خواجة سمع قصيدة ادريس جماع انت السماء بدت لنا فقال :
إن من يقول مثل هذا الكلام إما مجنون أو مات ..
فرد له الجليس :
اي والله حاليا ادريس جماع في يعاني مشاكل نفسية ..بخ بخ لك
وانتو ناس وجاااء الكوريين فسألوا عن من لحن الشوق والريد والمهرجان ورحلة في طيارة وقالوا لااابد إنو الزول ده درس نوتة في اعظم المعاهد ولابد من ان نقابل هذا العبقري الذي ربما درس في اعظم الجامعات فقال لهم الجليس:
إنه لا يفك الخط وهو امي !!!!
إنتو ناس وعندما انتهت مباراة سانتوس البرازيلي ضد الهلال السوداني سأل كارلوس عن اللاعب رقم 7في الهلال فقالوا له هذ الفاتح النقر فقال لهم لابد ان هذا اللعب يحترف في اعظم اندية العالم فرد الجليس:
بل هو خريج الحواري والشوارع والازقة ..
فلقتووووووووووووووووووووونا بي القصص والعبقرية وانتو خرم ابقرة ما قادرين تقدوهو والناس فووووووووووو كسسسحت فيكم ...
ياخ انا بعرف الاتية اسماؤهم قدموا للفن بدون معهد وبدون نوتة بي الكبريتة والاصابعين والخشم سااااي واللي جو بعدهم من ناس علم النوتة وعلم التلحين ما عملوا التكككككككتح :
زعيمهم الراحل الكاشف (بدون الكوريين وقصصهم)
الراحل عبد العزيز محمد داؤوود ..
الراحل ابراهيم عوض..
الراحل عثمان حسين ..
الراحل التاج مصطفى ..
الراحل الكحلاوي ..
الراحل محمد احمد عوض..
العايش محمد وردي (قبل وبعد ان انضم للمعهد)..
العايش زيدان ابراهيم ..
العايش محمود عبد العزيز ..
واهو ناس هشام القرو في المعهد لافين ساااي ما قدمو للفن حق العلم ايي شي (مش قلت ليك يا هشام حا تفيديني في الامثلة لتسريع الفهم؟)
محمدية بي كبرو ده ياادوب قال عايز يتعلم النوتة فلا هي اضافت ولا اخرت نفففس العزف ونفس الابداع ..
عربي يلحن ويعزف لا نوتة لا كراس..
عامر ساكس بيطلع اي صولة ربنا خلقا ..
عثمان محي الدين دخل المعهد وطلع وياهو ياهو عثمان محي الدين ساحر الكمنجة ..
مجدي صالح بيضرب فلوت زي الورد مشيت اجازتي الفاتت لقيتو اتخرج وبقت عندو الشهادة لكن ياهو ياهو مجدي صالح المن زمااان موهوب ..

تخريمة :
لكن عليك الله شوفتي عثمان حسين رحمه الله انيق كيف؟؟ والعجب الحبشية الكانت معاهو في الفيديو كليب حق الخمسينات داك ..

Quote: بس هم عايزين التعليم زاااتو يكون بي مزاجهم يعني الفي الجامعة حقت السودان كلية الدراما ديل ما متعلمين ديل انقاذيين والتعليم يا المعهد يا في ستيين .

اذا برغم انك استاذ ياعمر ولكنك لم تعرف البتة عن (ديموقراطية التعليم)
احيلك الي كتاب
Democracy and Education
وكاتبه
John Dewey:

التعليم من الشعب وللشعب

عمر انت بتعذب في نفسك صدقني

Quote: عثمان محي الدين دخل المعهد وطلع وياهو ياهو عثمان محي الدين ساحر الكمنجة .. مجدي صالح بيضرب فلوت زي الورد مشيت اجازتي الفاتت لقيتو اتخرج وبقت عندو الشهادة لكن ياهو ياهو مجدي صالح المن زمااان موهوب ..

عثمان محي الدين الفنان ده انا الوصيت علي دخوله المعهد وافخر بذلك وبعدها تطور لانه تعلم حيث اخذ بيده الكثيرين وعلي راسهم الراحل عبد الله ابراهيم اميقو
عازف الكلارنيت خريج معهد الموسيقي وابنه البار (حذاراك من تاريخ الفن ياعمر)
ان كنت تريد ان تبخس من تعليم الموسيقي فحذاراك
اها محمديه ده انت ما كنت واقع فيهو شوت هسع مالك رجعت تضرب بيهو المثل
ومنو القاليك انو عبد الله عربي ما درس موسيقي؟؟؟؟
ليس بالضرورة في المعهد طبعا
انا قاعد وحارسك ومستعد

Quote: هشام كمال: اووووووووووو ياخ حسين اها الشغلانة ما بقت بي الجوز لالالا تريسات ساااااااي ومن سي وجهار وانت طالع .. سلتنا عمرت .. هشام قبل ما ارد عليك وعشان ما الخبط الكيمان ياخ انت عندو وش فيري فيري فيري كيوت وشكلك من النوع الحبوب وبتنفع تتصاحب يلا ده كلام براهوووو شيلو على جمب ما تشتغل بيهو وخلينا في الكلام التاني. هشام كمال دحين انت مش الزول الفي الكليب بتاع الايدز ؟؟؟ ودحين انت مش الزول الجابوهو في النيل الازرق مع منى جحا في مقلب ولا شنو داك؟؟ اها يا هشام وانت الصادق ياهم ديل تجربتينك الطلعت بيهم من المعهد وتاني يعميني ويطرش جيراني كان سمعت بيك .. واسسسة اسسسسسة تعال نعمل استفتاء جوووة المنبر ده واتحداااك لو الناس ديل عارفينك انك فنان يغني ويطلع العدادات ويقدم للفن مثقال ذرة !!!!.

هشام كمال
عنك استشهد بالعميري الراحل المبدع بن المعهد البار حينما قال
اكون كضاب لو اترددت شان استقبلك جواي
انت اكبر من اي كلام
(نقتف)
احبك واحب مزيقتك واحب صوتك
وانت احد الذين يجب ان تتوكل الموسيقي السودانية
في مستقبلها عليهم بعد الله
======
عمر الفاروق
اقول قولي هذا واستغفر الله لك
لا تنغمس في العداوة كما الرغيفة في موية الفول الغرقانه في الزيت وموية الجبنه
ياصديقي العزيز

والله يا عمر إنت زول بتاع لولوا نمرة صفر عديل

لولوا دى كده صاح

أنا عارفك هسه إنت فارز الكلام ده كله وفايت أضانك وواصل البطحا

أقول ليك شى يا فاروق

هسه أنا بعزف عود كويس جدا وممكن اشتغل ليك لى برعى ذات نفسه لو عايز

لكين والله خجلان، قول لى ليه

قلت لى ليه ؟

لأنه ما عارف أنا بعمل فى شنو وليه مثلا النغمة دى جات كده، وإسمها شنو

ياخ أوتار العود إسمها أو ترتيبها شنو والله ما عارفها

من شدة ريدتى للمزيكا زمان وأنا فى الرياض شلت لى كتاب كامل كله نوته موسيقية لأجمل المقطوعات الفى الدنيا، شى فالسات من عمك اشتراوس وشى سوناتات من شوبرت وتشيكوفسكى وشوبان وكمان شوية سبمفونيات من رحمانوف وفاغنر ومنو ومنو، والله يا عمر لحد هسه أنا محتفظ بالكتاب ده على أمل يوم أتعلم وأقرا المزيكا واشتغل بيانو كمان

ومرة كمان سمعت ابو اللمين بقول إنه لحن زاد الشجون من الستينات، لكين ما كان ممكن يطلعا للناس لأنه كانت عايزه عازفين يكونو فارزين الشغلانة، وبعد ما ناس الفاتح حسين وميرغنى الزين وعثمان النو وسعد الدين وفايز مليجى جو المعهد وقرو شوية، ظبطو ليك الأغنية زى السلام عليكم

تقول لى الناس ما يقرو مزيكا

تعرف اصح شى شنو ؟

إنه يتعمل أكاديمية شاملة للفنون كلها ويكون من ضمنها قسم خاص للمزيكا يسموهو معهد يسموهو خلوة ولا كونسرفتوار المهم يكون فارز عيشته براهو، لكين ما تكون تابعة لأى جيهة أكاديمية تانى

والأهم من ده كله

تفكير وعقلية الناس الفوق الممكن يعملو قرار زى ده، تكون بقت فوق ويعرفو إنه الفنون والآداب دى زيها زى البترول والقمح والفتريتة، واحتمال أهم كمان

أما بعد

مبروك علينا ياخ الكوبا ديل رى وكأس الليغا كمان

وحنلاقيكم يوم الأربعاء الجاى ونخلى ريحتكن طير طير

يعنى يبقن عليك تلاتة

متخلف موسيقيا
وبتشجع المان يونايتد
وإن شاء الله إن شاء الله
مغلوب واحد صفر

والقون يجيبه إنيستا كمان ولا ميسى ولا ايتو

التعديل الإتعمل ده عشان نسيت اقول ليك كتاب النوتات الموسيقية ادانى ليهو واحد يابانى، عارفك حتقول لى كتاب زى ده لقيته وين فى الرياض، شارع غبيرا العام ما فيهو غير الكسرة والباسطة والتياب

يا سلاااااام ياخ ابو ذر في بيتنا ..
في حضرة جلالك يطيب الجلوس ياخ وتتربع اليدين ونقول سمعا وطاعة ياخ ..
كلامي يا مطر ما انو الناس ما تتعمل ابدددددددددا وحاشا لله من قول كده ..
بس هم عايزين التعليم زاااتو يكون بي مزاجهم يعني الفي الجامعة حقت السودان كلية الدراما ديل ما متعلمين ديل انقاذيين والتعليم يا المعهد يا في ستيين ..
انا قلت ليهم طيب اهو انتو الاتعلمتو في المعهد عملتو شنو؟؟؟
ولااااا شي..
قلت ليهم الغنا القايم سمح وجميل ده قام على اكتاف ناس الفطرة وانتو الشابكننا المعهد المعهد ما طورتو ولا نقلتو الاغنية السودانية شبر..
يعني المعهد = كلية الدرامايعني الاتنين بيق بيق زيرو ..
بالمناسبة السير فريجسون قال الكورة حا تنتهي من تلاتة وانت طالع اي نعم ما قال لي منو لكن واااضحة ..
اجنحتكم مكسورة لا الفيس لا ابيدال يعني روني ورونالدو فسحة الفسحة وزارة التخطيط بس..
بيوول ده غايتو الا يطير..
انييستا ولدنا ولو جاب قون انا زاااتي بنطط..
لكن شايف مناديلكم البيضا طلعت مننننن امبارح ..
يوم الاربعاء جيبوها لي مسح الدموع مش لي الاحتجاج..
تخريمة :
عودك رناااااان :)

يا عمر ياخ ما تظلم الناس ساى

الشغل العملوهو خريجين المعهد القدام ممكن يتعزف فى أى مكان فى العالم، وأى اوركسترا ممكن تشتغله وبكل سهولة لأنه معمول صاح وبالطريقة العلمية

يعنى عندك مثلا حبيبنا الموصلى وزع البومات كتيرة وأغنيات تديها فرقة فى هندراوس ممكن تشتغلها ليك زى الترتيب، يعنى لو شالوها ناس الخرطوم جنوب ولا اوركسترا نيويورك السيمفونى فى الحالتين حتطلع حاجة حلوة ومرتبة، وزى الموصلى كتار طبعا وأنا قلته ليك على سبيل المثال والمحبة زى ما كان بقول اخونا البرنس

بعدين فى شى مهم برضه

النوستالجيا يا عمر ياخ

أى زول بحن لموطنه الأصلى العنده فيه ذكريات وحياة كاملة، عشان كده من حق ناس المعهد يحنو للمعهد وايامه وذكرياته وحياتهم هناك، وده بالضرورة بصطحب معاه باقى الحاجات كلها، ويمكن كمان عشان المعهد كان شى مميز وعنده نكهة وطعم غير الفى المؤسسات التعليمية التانية

بالله هسه المعهد ده لو ما خرج لينا أى زول غير أبوعركى ده

مش كفاية

بنتلاقى يوم الخميس بعد الماتش ونشوف كلام فيرغسكيكن المخرف ده

ما تعصر على هشام كمال شديد يا عمر؛ لهشام مشروع؛
احتمال صوتو ما يكون كويس بس هو ملحن و موزع ممتاز.

مطرنا :

Quote: يعنى عندك مثلا حبيبنا الموصلى وزع البومات كتيرة وأغنيات تديها فرقة فى هندراوس ممكن تشتغلها ليك زى الترتيب،

ما هو دي المشكلة زوووووووووتا ...يا قول حبوبتي..
لحدي اسة ناس هندراوس ديل ما شالو ليهم نوتة حقتنا عزفوها غايتو الا تحانيس والا شغل بي القروش وبعدها نجي نسمع القصص الخرافية حقت الفاتح حسين مع الروس وما ادراك ما فناني المفضل محمود عبد العزيز ..
غنانا حقنا وسمممح عارفنو بس يظل حبيس حقنا دي ولا نوتة طوورت فيهو ولا نوتة قدمت فيهو فلا ابو عركي الله يديهو العافية طلع بي غنانا برة ولا الموصلي مرق بي غنانا شبر ..
بعدين ياخ الليحنو بس ما يهاجمو وتوووشك توووشك المعهد وكلية الدراما ..
انا بقول ليهم حادة واحدة وده كان غرضي من البوست المعهد وكلية الدراما نفففس الاوت بوت سييم سييم صديق احمد وحاج احمد والبيت جمب الجامع..
تخريمة :
الخميس بعدي خليها الاربعاء بالليل..

تااااانى اتلميتوا فى الولد الصغير ده ؟
يا عمر كان عصروك شديد شيل حجار

Quote: يا خى ما تكون انت الاستاذ بتاع الدراسات الاسلامية واللى جا وعمل منهج غريب سماهو موسيقى اسلامية

شخ شخ شخ (ضحكه شريره)
الادعاء بأسلمة الموسيقى لن يساهم فى استرجاع الاسم القديم للكليه























اسمع انت دينا دى مالها ومال الناس ديل ؟
شايفها محرره البكاء ده شديييييييييد
طبعا أنا قولت وكلمت ليها ببو
قلت لى فى واحده ما بتعرفك ::)
اخوك قووووووووووووووال

Quote: تااااانى اتلميتوا فى الولد الصغير ده ؟ يا عمر كان عصروك شديد شيل حجار

هههههههههههههههههه
كااااااااااااااااااكــ
والله يا مزمل انا ضحكت في (الصغيروني - إتلميتو - شيل حجار) لمن الجيران قربوا يجيبو لي البوليس




يا زملاء سلام
فعلا والله عمر الفاروق ده يا قول حبوبة (ينشبكـ في العدو)
لكنو زول كويس والله . طيب و بحب السودان و مزيكتو
بس للاسف بنتقدها من منطقة (الشاب المُرطب القاعد في آخر محطة في الحِلة)
رغم انو عمرالليلة منطقتو مختلفه او هكذا افترض
فحقو حتي نقدو يكون بطريقة (مقبولة) تخلي الهدف المُنتقد بتاعو يقبل نقدو
ده إذا كان فعلا حريص علي الوسط الموسيقي
لكن بطريقتو دي طبيعي انو القراء حا يصنفوهو كطالب شهرة علي حساب الموسيقيين
اتمني يا عمر انكـ تفكر في كلامي ده بعقل

وتحياتي ليكم جَت عليكم





__
طبعا يا عمر تحت تحت انا شمتان فيكـ في زرتكـ دي

Quote: متخلف موسيقيا وبتشجع المان يونايتد وإن شاء الله إن شاء الله مغلوب واحد صفر

لا بصراحه ما بتفق معاك في متخلف موسيقيا دي
عمر مشكلتو
انو
بغالط نفسو في اصرار ويقول يمكن (هوا) الماجا
وانا ختيت ليك الالف مع الواو ليمكنك من تمديده
او الاحتمال الثاني ان يكون في محل الالف المقصورة!!!!
عمر داير يثبت لينا انو الشمس بتطلع من المغرب
ودا بعدو

تحياتي
يامطر العشم

Quote: الناس البتقرا في المعهد حاسة بي روحا فوووق الجميع وكانهم صفوة الصفوة

اي صفوة
بالمناسبه ياناس الوجعة كده بتنسو الهدف الاساسي

عليش اخوي
ما تخاف نحن شغالين
Multi track recording
وعايزين نشوف عداوة نتاج المعهد دي حدها وين
كل الود

Quote: ياخ انا بعرف الاتية اسماؤهم قدموا للفن بدون معهد وبدون نوتة بي الكبريتة والاصابعين والخشم سااااي واللي جو بعدهم من ناس علم النوتة وعلم التلحين ما عملوا التكككككككتح : زعيمهم الراحل الكاشف (بدون الكوريين وقصصهم)

الكاشف حبيبنا الاولاني
لكن انت ماتزيف التاريخ
فالكاشف تم تقويم موسيقاه بواسطة الدارسين
اخص هنا الاستاذ الموسيقي المصري مصطفي كامل
قلنا ليك تاريخ موسيقانا ده حذاراك منو ومن تزييفو لمصلحة وجهة نظرك وهجمتك المشينه
بعدين الكوريين ديل ده مدار ابعد منو لان موسيقاهم
لو عصروا خليجكم النايمين فيهو وبترولو قطره قطره
موسيقيا فهو لن يطال ولا العتبة الكورية الاولي حيث ان بنت عمرها عشر سنوات
تقف علي المنضدة وتعزف الكونتراباص كما لم يعزفه احد هناك
عمر اخوي ماتنضم نضما مابتعرفو
خليك في مزيكتنا احسن

عمر الفاروق
ممكن تحكى لينا عن تجربتك فى المعهد او كلية الموسيقى والدراما


ولوتفضلت اشرح ليا ما بين القوسين

(واتحداااك لو الناس ديل عارفينك انك فنان يغني ويطلع العدادات ويقدم للفن مثقال ذرة !!!!.)
هشام كمال

خدر يا حبوب:
والله ووالله ووالله وماااك طالبني حليفة شدت انا ما مستمتع بي البوست ده لمممن عايز احلف لي بكري يختتو لي فوووق هنووووك يا قول جدي في البوستات المعلقة ..
بوست شحماااان وعندي فيهو كلام كتيييييييير لي ناس كتاااااااااار بس ما لاقي طريقة ارد لي مشكلة في الجهاز العندي عشان كده بتاااوق بس واعض اصابع الندم واقول اححححححححححيييييييييييييي
والله ما مزرور يا خدر ومبسوووط خوووولص خووووووولص يا قول جارتنا الحنكوووشة ..
ولو في شي مزعلني فهو عدم ردي لي كل الناس المتداخلين بي انتظام فليهم العتبى حتى يرضو وبجيهم كان ربنا هوون ..

Quote: (واتحداااك لو الناس ديل عارفينك انك فنان يغني ويطلع العدادات ويقدم للفن مثقال ذرة !!!!.) هشام كمال

هو عليك الله ياهشام (الطلع ميتين) الموسيقي السودانيه شنو وبهدله غير
عدادات السجم والرماد الماجايبه همها
والكلام ده انا قلتو في نهاية السبعينات
وعداداتي كانت تقول ياليل
والفنانين زعلو مني
ماهي الا اضرار بصحة الفنان وبحنجرته
وقتل متعمد للوقت
لكنها للاسف كانت ومازالت المصدر الاول للفنان السوداني
===================
وانت ياود الفاروق

Quote: خدر يا حبوب: والله ووالله ووالله وماااك طالبني حليفة شدت انا ما مستمتع بي البوست ده لمممن عايز احلف لي بكري يختتو لي فوووق هنووووك يا قول جدي في البوستات المعلقة .. بوست شحماااان وعندي فيهو كلام كتيييييييير لي ناس كتاااااااااار بس ما لاقي طريقة ارد لي مشكلة في الجهاز العندي عشان كده بتاااوق بس واعض اصابع الندم واقول اححححححححححيييييييييييييي والله ما مزرور يا خدر ومبسوووط خوووولص خووووووولص يا قول جارتنا الحنكوووشة .. ولو في شي مزعلني فهو عدم ردي لي كل الناس المتداخلين بي انتظام فليهم العتبى حتى يرضو وبجيهم كان ربنا هوون

من شدة نيتنا المبيته ليك
اخدنا ليك اجازه عديل وقاعدين مع ناس هديل في ايوا
وركبنا تلاته ساعات طيران
حارسنك
عايتو مابحلك مني الا السفر بعد بكره والعودة الي مكان العمل

اوووووووووووووووووو النقر جا ؟؟؟؟
( مع فارق الجيه فى الحالتين ) .
عـــــــــــــو مــــــــــر !
اوووول حاجة لستتكم دى بلوها اشربوا مويتها ..
المفيد المختصر قالو ليك استاذنا الموصلى ..
( عمر ياخى انت بتعذب فى روحك ) الناس ديل رووحك
ونفسك .. بطل الحركات ،، بتحببببهم ودا شكل حب ساى
انت قول ليهم بالواضح كدا ياخى تركتوا فراغ ..
تعالوا ... الدنيا غيركم كوم تراب .. قول ليهم بلدا
مافيها اسد يقدل فيها الورل .. احكى ليهم بالواضح
بدل لولوتك وراسك الكنكروج دا !!

طيب يا سيدى .. مش المعهد براهو .. جات ثورة التعليم العالى
ودمرت الطلاب والجامعات والدراسات العليا كلها ..
بزيادة ضخمة جدا فى عدد الخريجين .. ما عملوا ايييييو حاجة
ذى ما بتقول انت .. بل بالعكس الناس النجحت وذاع سيطها
وبقت فى الواجهة بتاعت المجتمعات لو كانت ادبية ولا علمية
ولا اقتصادية ولا فنية ولا دينية ذاتو .. ناس من بره المؤسسات دى
لا قرو لا بحملو شهادات ..
ودا انعكاس لاوضاع شايهه وماهو معناه انو الفطرة بتنتج
ناس احسن من الدراسة وحملة الشهادات ..
دى ما معناها دعوة لانو نقول الجامعات دى كلام فارغ قفلوها
هى ودراساتها العليا لاننا ما محتاجين ليها .. لانو الفطرة
وبلااااااا تعليم خلت اسماء لامعهة تقبض الجو وتفرض نفسها
الناس دى ما فرضت نفسها وبقت حاجاتها الاولى الا لاختلال
فى السيستم كلو ... بتظل الدعوة الصحيحه هى اصلاح هذا
السيستم لتعود الامور الى نصابها ... ومش الدعوه لى انو هى
ما عاملة حاجة وما محتاجين ليها .. ومن غيرها الفن مشى
والناس ال من براها احسن من الجواها ... وكلام مدمر كتير !!

يا عمر .... صعود ناس ما درست فى قمة الغناء ،، دا نتاج
خلل فى المسيرة الفنية ( ودا البتكلمو عنو ناس الموصلى هسه
بحدب شديد) خلللللل يا مخلول وماهو وضع طبيعى يمكننا القياس
عليه ... وماهو دليل على انو الفطرة وعدم الدراسة تفوقت على
الدراسة ... اوووووع تجى تكتب لى مليون سطر .. تخلينا نحن
نصرف عربى اكتر من دا .. سمح ؟



















ـــــــــــ
اها كمبيوترك ذااااااااتو ابى كلامك
خلينا نحن ! لى خير لى خير ..

ما استغرب له هنا وبعيد جداً عن ما خطه الزميل عمر هو الأستاذ ملاسي !!!
الأستاذ ملاسي من الاستغراب ان تكون مداخلات عمر محط أنظارك ، وأنت لا تعوزك الفطنة أو الخبرة في تقيم المعهد بعيد عن حديث عمر الذي تفوقه سنين عددا...!!!
لا اعتقد إن الموضوع محصور في شخص بعينه أو يتم إختزالها بهذا الشكل لتقيم تجربة كاملة...
عمر كاتب كلام أنا عايز اقعد القى وكت انبش مابين سطوره، ليس لمعرفة ولكن لكي يستبين لي الفهم أكثر فأكثر...

الغالية دينا ازيك يافردة عمر ده خليهو يتم كلامو نشوف بعدين المحصلة شنو او حنطلع بي شنو وزي ما قلتي للوكت داك اسرحي وامرحي يا بتي..

التحايا النواضر...

Quote: الأستاذ ملاسي من الاستغراب ان تكون مداخلات عمر محط أنظارك ، وأنت لا تعوزك الفطنة أو الخبرة في تقيم المعهد بعيد عن حديث عمر الذي تفوقه سنين عددا...!!!.

ولدنا الحلو تروتسكي
معليش خلي اخونا ملاسي يسرح بي كيفو
اعتقد انو شاف
احمد حسن جمعه
بتاع البوست ده
محتاج لي
ميرغني مامون
فقرر ان يكونه

Quote: للوكت داك اسرحي وامرحي يا بتي..

وضمانك شنوو؟

بيق زغبير

Quote: ولدنا الحلو تروتسكي معليش خلي اخونا ملاسي يسرح بي كيفو اعتقد انو شاف احمد حسن جمعه بتاع البوست ده محتاج لي ميرغني مامون فقرر ان يكونه

تعرف يا موصلي .. أنا متأكد إنو ما تحته خط هو الخلاك تكتب كلامك الفوق دا.

Quote: ما تعصر على هشام كمال شديد يا عمر؛ لهشام مشروع؛ احتمال صوتو ما يكون كويس بس هو ملحن و موزع ممتاز.

تعرف .. مرة و عقب أداء عبد الوهاب وردي لوصلته الأولى بمركز الخاتم عدلان فتح الباب
لنقاش ما قدم؛ الناس كلها قعدت تلف و تدور .. الألحان .. التوزيع .. التجديد .. الخ .. الخ
زول بالغلط جاب سيرة صوتو مافي .. أها لمن اثيرت مسألة صوتو قام حمزة سليمان اتحنفش
و مافضل ليهو إلا يضارب!!

المهم .. كان هشام .. كان حمزة .. كان عبد الوهاب وردي .. كلهم زي بعض؛
و حظهم كويس إنو لجان إجازتهم – إن أجيزوا – ما فيها عبد الفتاح الله جابو

_____
عليك أمان الله عبد الوهاب وردي
و هو بيغني ما تقدر تفرزو من اللمبي.

معهد الموسيقي

يكفي انه طور موسيقي وردي وعركي ومحمد الامين وتطور فيه محمد ميرغني واخرين

اجمل ما في البوست انو دينا لاعبة لعمر الفاروق باك قاطع نار منقدر
موية ما تمشي


هاهاهاهاهاهاهاهاهاهاهاها

خالص التعازي للزميل عمر الفاروق ... ولآل عبدالباقي وآل العجب

وليد ؟ او (فاتن) حمامة !!

Quote: اجمل ما في البوست انو دينا لاعبة لعمر الفاروق باك قاطع نار منقدر موية ما تمشي

حرررررراش لقيتك ..
انا بكتب يد بره ويد ججوووه
هو ما ناقص .. هسه بجى يتغابى فينا العرفة ..
انا ذاتى ما عارفاهو قاعد بعد حبوبتو دى فى الدنيا
يسوى شنو ؟ 25 مايو كان يوم مناسب يمشى فيه ..








ـــــــــــــ
تصدق وتامن قبيل الصباح كنت بصدد فتح بوست
ليك باسمك وبس ! اتوحشناك يا قول المستلبين
لى كم يوم بفتش فيك عدييييييل كدا .. خرمناك
ما تختفى كدا ... ( على شاكلة بوست عزاز او هكذا بوستات )
لووووووووووووول وتانى لووول .

ليه ما فتحتيه؟
كان اتجدع بيه شوية على دكين

بالغتي

نتوقف قليلا
من اجل واجب التعزية للصديق عمر واسرته
فقد انتقلت جدته الي الدار الباقيه
عليها شابيب الرحمة

Quote: تعرف يا موصلي .. أنا متأكد إنو ما تحته خط هو الخلاك تكتب كلامك الفوق دا. Quote: ما تعصر على هشام كمال شديد يا عمر؛ لهشام مشروع؛ احتمال صوتو ما يكون كويس بس هو ملحن و موزع ممتاز. تعرف .. مرة و عقب أداء عبد الوهاب وردي لوصلته الأولى بمركز الخاتم عدلان فتح الباب لنقاش ما قدم؛ الناس كلها قعدت تلف و تدور .. الألحان .. التوزيع .. التجديد .. الخ .. الخ زول بالغلط جاب سيرة صوتو مافي .. أها لمن اثيرت مسألة صوتو قام حمزة سليمان اتحنفش و مافضل ليهو إلا يضارب!! المهم .. كان هشام .. كان حمزة .. كان عبد الوهاب وردي .. كلهم زي بعض؛ و حظهم كويس إنو لجان إجازتهم – إن أجيزوا – ما فيها عبد الفتاح الله جابو

الصديق ملاسي
عليك الله
دع عمنا عبد الفتاح الله جابو
يعيش في امان في لحده الفني
ولا تجرجرنه الي معركة فوق طاقته
ولا قبل له بها

يا موصلي قلبك ما يكون أسود كدا ياخ

Quote: عليك أمان الله عبد الوهاب وردي و هو بيغني ما تقدر تفرزو من اللمبي.

Quote: يا موصلي قلبك ما يكون أسود كدا ياخ

لا والله بس انا داير احافظ عليه
واحميه من شر (الموصلي المستطير)
اصلهم عارفين جنو الكلكي من ابام مجلة الاذاعه
حماهم الله

كل المتداخلين تحياتي ..
وشكرا لكل من قام بواجب العزاء..
ومعليش للانقطاعة ...
حانواصل ان شاء الله

Quote: نتوقف قليلا من اجل واجب التعزية للصديق عمر واسرته فقد انتقلت جدته الي الدار الباقيه عليها شابيب الرحمة

البركة فيكم أخ عمر
إبراهيم عبد الحليم