Post: #1
Title: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: رهف
Date: 05-18-2009, 11:37 AM
اصدرت ادارة الخدمة الوطنية قرار با ستدعاء الموظفات لاداء الخدمةالوطنية وهددت بايقاف الرواتب فى حالة عدم قبول الاستدعاء اعتبارا من 1/5 لاشك ان الخدمة الوطنية واجب وطنى ولكن
لماذا لم يكن اداء الخدمة الوطنية قبل التعييين بعد التخرج من الجامعة مباشرة ايام كانت الخدمة الوطنية ملزمة لكليات بعينها وهى الطب والتربية والدراسات الطبية الاخرى وكانت بعض الكليات غير خاضعة للخدمة الوطنية وكانت تللك الفترة مناسبة لاداء الخدمة والاستفادة من الخريج العاطل عن العمل. وبعد كل هذه السنوات تاتى الخدمة الوطنية باثر رجعى وتطالبنا باداء الخدمة الوطنية وبعد نهاية الدوام حتى دون الحصول على تفريغ ولو جزئى فى ظروف السودان الغريبة والتى تعانى فيها اغلب الموظفات عن عدم وجود ترحيل لنقل الموظفات من والى منازلهم
الشى الاخر هناك الاف من الخريجات لم يجدن جهات تستوعبن لاداء الخدمة الوطنية التى اصبح اداها يعتمد على الواسطة والمحسوبية فمن باب اولى اتاحة الفرصة لهولاء حتى لا يضيع منهم العمر الانتاجى فى الهث وراء موسسة تستوعبنهن لاداء الخدمة وان يتم استعيابهم والاستفادة منهم فى مجالات تخدم المواطن السودانى وان تضع استرتيجية محددة للاستفادة من التخصصات المختلفة فلامعنى لان يستفاد من مجند الخدمة الوطنية خريج الهندسة او الزراعة فى تعليم الكبار ومحو الامية وهناك الاف من خريجى التربية هى فى الاصل مهمتهم وتخصصهم او استعيابهم فى حملات التشجير والتى لا تحتاج لتخصص بعينه. امل ان تتم مراجعة الخدمة الوطنية بحيث لا تصبح مصدر لهدر الطاقات وزيادة الاعباء على هذا المواطن المغلوب على امره
|
Post: #2
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: سلمى الشيخ سلامة
Date: 05-18-2009, 01:32 PM
Parent: #1
| Quote: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب |
واشمعنى الموظفات ؟
|
Post: #14
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: رهف
Date: 05-19-2009, 11:05 AM
Parent: #2
شكرا على المرور
ولو القصة عندها علاقة بالا نتخابات فالنتيجة عكسية لانه الكل تضجر من القرار ومن بيروقراطية الاجراءت الموظفات الاستدعوهم كل يوم مقيلات فى مكاتب الخدمة الوطنية خوفا من ايقاف الراتب والجدير بالذكر تم توزيع استمارات للحصر وفى سؤال محير بسالوا عن القبيلة ما فاهمة علاقتها باداء الخدمةالوطنية شنو افتونا
|
Post: #3
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: خالد عبد الله محمود
Date: 05-18-2009, 01:33 PM
Parent: #1
والأصوات الإنتخابية دي يجيبوها كيف يا رهف ؟؟
ما لازم يودوكم معسكر يعملو ليكم غسيل مخ
أقطع دراعي لو ما كان لهذا الأمر علاقة بالإنتخابات !!!
|
Post: #4
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: Amira Elsheikh
Date: 05-18-2009, 01:44 PM
Parent: #3
يارهف...
شيلو شيلتكم...
الله يصبركن يابنات امى...
اللهم لاشماتة.....
|
Post: #5
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: مرتضى الكجم
Date: 05-18-2009, 04:28 PM
Parent: #4
يعنى بقت على الموظفات
الحكومة عينا فى الفيل ..تطعن فى الضل .........لى متين
..
هذا زمان المهازل
|
Post: #6
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: بدر الدين اسحاق احمد
Date: 05-18-2009, 04:52 PM
Parent: #5
غسيل المخ ده اسمو تربية وطنية فى كل الدنـــيا...
Quote: والأصوات الإنتخابية دي يجيبوها كيف يا رهف ؟؟
ما لازم يودوكم معسكر يعملو ليكم غسيل مخ
|
|
Post: #7
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: مجدى محمد مصطفى
Date: 05-19-2009, 00:20 AM
Parent: #6
| Quote: غسيل المخ ده اسمو تربية وطنية فى كل الدنـــيا... |
تربيه و وطنيه كمان .
برز الثعلب يوما في ثياب الواعظين ومشى في الأرض يهدى ويسب الماكرين .
|
Post: #8
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: Egbal Elmardi
Date: 05-19-2009, 00:20 AM
Parent: #6
الشئ البعرفو أنا ...زمان الكان بجو من معسكرات الخدمه الإلزاميه ديل
كان بجو الوطن طالع ليهم من نفسهم الا غالبهم البقولو.................................................
|
Post: #9
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: Egbal Elmardi
Date: 05-19-2009, 00:33 AM
Parent: #8
بعدين هى شقية الحال دى ما قالو مكانها البيت..
وتربية الأطفال ؟؟؟
حسى الأطفال ديل البيغديهم منو؟؟؟
ومنو البيحميهم لما يجو من المدرسه ؟؟
ومنو البحل معاهم الواجب...؟؟؟
ولا يجرجو يلعبو فى الشارع لحدى ما ماما تجى؟؟؟
ده غير ماما بتجى حيلها مهدود من سؤ الأكل وسؤ المعامله...!!!!!
وبعدين مسؤلية الزوج دى ما قلتو بودو فيها الجنه؟؟
حسى قنعتو من خيراً فيها..
والله يا أولاد الناس حيرتونا فى راسنا ده!!!!
|
Post: #10
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: Egbal Elmardi
Date: 05-19-2009, 00:40 AM
Parent: #9
واشمعنى الموظفات ؟
-----------------
ياسلمى يا بت امى نظام حقاره بس..
نقول شنو..
وإن كان لو عملوها موظفين وموظفات ...بس ببقى موت الكتيره عرس...
|
Post: #11
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: عز الدين بيلو
Date: 05-19-2009, 04:43 AM
Parent: #10
الحمد لله
الآن تحققت العدالة للجميع
فما معقول الرجال يقضوا الإلزامية
والنساء لا
ما نحن سواسية
ولا ما كدة يا دعاة الجندرة
|
Post: #12
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: SHIBKA
Date: 05-19-2009, 05:12 AM
Parent: #11
اشمعنى الموظفات دي واحد
اتنين بعد ساعات الدوام دي كيف يعني؟
يعني ترجع بيتهم الساعة كم عشان تعمل للعمل القرار دا الفدا ولي العشا ولي الوجبة
اها الاطفال ديل البراعيهم منو (اظنو العمل القرار)
الخدمة الالزامية كملت الاولاد قبلت على البنات
والله القرارات دي لما يختوها الناس ديل ما اظنهم في كامل وعيهم بكونوا
|
Post: #13
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: عز الدين بيلو
Date: 05-19-2009, 05:26 AM
Parent: #12
أتمنى أن لا يكون القرار بأن تؤدي الموظفات الخدمة بعد الدوام اليومي
وإنما يتم تفريغ لهم من مؤسساتهم
كما تفعل الخدمة مع الموظفين الرجال
فحكاية بعد الدوام دي ما جاية
|
Post: #15
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: رهف
Date: 05-19-2009, 11:26 AM
Parent: #3
الاخ خالد لك التحية اكونوا دقسوا لو عايزين يستفيدوا منها فى قصة الانتخابات دا بمثابة اهدار للطاقات وللزمن فمثلا مهندس زراعى الخدمة بتاعتها فى انه تزرع خمسة شجرات فى مرفق حكومى وتحرسهم كل يوم بعد نهاية الدوام وهذا زمانك يا مهازل
|
Post: #16
Title: Re: دفار الخدمة الوطنية يجتاح موسسات الخدمة المدنية ويطارد الموظفات والتهديد بايقاف الرواتب
Author: Nasruddin Al Basheer
Date: 05-19-2009, 11:57 AM
Parent: #15
| Quote: دفار الخدمة الوطنية يجتاح موسسات الخدمة المدنية |
هو ذاتو وينو الوطن البأدوا ليهو خدمة وطنية؟
الوطن الآن أصبح مملوكاً لمجموعة من اللصوص والدجالين..
المفروض هم من يدافعوا عنو لأنو البلد بلدهم وهم أسيادو..
|
|