عزيزنا .. الزول ذاااااتو .. وزيراً للسياحة والأشغال العامـــة ..

في العهد الديموقراطي القادم ... !!

وذكرت المصادر ان الزول ذاااتو اصبح من ابرز المُرشحين لهذا المنصب ..

خاصة بعد تقارير صادرة عن رضا السيناتور الرئاسي عنه بعد الدعم اللوجيستي الذي قدمه ذاتو ..


الجدير بالذكر ان السيناتور المُرشح عن ولاية شرق النيل يُعد من اقوي المنافسين على منصب رئاسة الجمهورية.. خاصة وسط بورداب سودانيز اونلاين للتخلص منه بلا عودة في حالة فوزه بالمنصب وذلك للمهام الرئاسية الكبيرة التي ستكون ملقاة على عاتقه ...

بينما ذكر محللون اسفيريون آخرون متابعين لحملة المرشح عن قرب انه من غير الوارد ان يغادر هذا المرشح منبر سودانيزاونلاين حتي ولو جمع الي مهامه الرئاسية الامانة العامة للامم المتحدة مع قيادة حيلف النيتو بالاضافة لرئاسة مجموعة دول عدم الانحياذ والاتحاد الاوروبي ومحكمة الحريري إضافة للجنة الشعبية لحي مرزوق وادارة نادي الهلال العاصمي ..

وعلل المحللون ذلك بان وجود الرئياسي بسودانيز هو غاية في حد ذاته بغض النظر عما يحققه من نتائج وبرروا ذلك ببوست الوداع الشهير لمخاطبة القاعدة الشعبية ..

وحول التقارب المفاجئ بين الزول ذاااتو والرئاسي قال المحللون هذا امر عجيب غريب .. !!!



فاصل ونواصل

يا حيدر
دكتور زاتو شنو اليمسك الوزارة دي...
ياخي ده علي العليه الايام دي (مفلس) بضم الميم زي ما قال
راجع بوسته بتاع برشلونة

Quote: دكتور زاتو شنو اليمسك الوزارة دي... ياخي ده علي العليه الايام دي (مفلس) بضم الميم زي ما قال

عزيزنا قمر بوبا ..

لقيت متابع والله والظاهر هنا في فضيحة تجسس ( الزول ذاااتو قييت )

ففلس ذااتو دا كان من اول الاسباب الادي للتقارب بينه وبين السيناتور حسب كلام المحللين ( والمصادر السرية بتاعة ذاااتو قييت ) ..

خاصة بعد الهجوم الشرس والتهديد بالهلاك الجاء للسيناتور من رئيس المليشيات المسلحة المقدم خضر حسين خليل وقائد تحالف القبائل الرائد سمير شيخ ادريس ومن عاونهم من كارهي الديمقراطية وحرية التعبير .. وقام ذاتو بتوفير مدرعات ومصفحات من جنرال موتورز و (G . M .C ) في سبيل تامين الحماية للسيناتور وإحتياطياً للإنقلاب على الشرعية في حالة الفشل ..

..

حبيبنا حيدر،

ياخي احبطت طموحاتي انا كنت خاتي لي نفسي من وزارة الداخلية وانت طالع تقوم تديني وزارة سياحة دي ماقالوا محتكرنها اخوانا الجنوبيين لووول يكه عندنا صاحبنا من الجنوب الحبيب اها بعد جينا من اجازة العيد باركنا ليهو العيد وجاء صاحبنا برضو جنوبي قال ليهو كل سنة وانت طيب السنة الجاية ان شاء الله وزير الثروة الحيوانية لووووووووووول يكه

اها يامعلم يا داخلية ياخارجية يامستشار الرئيس لكن لو قعدت تفتح لي في البوستات كده ح اطالب بي مستشار الامن القومي وتاني السودان ده ماحتشوفو الا في نشرة الاحوال الجوية لوووووووووووول يكه

كامل تضامنا مع الرئيس

زاتووووو

Quote: ياخي احبطت طموحاتي انا كنت خاتي لي نفسي من وزارة الداخلية وانت طالع تقوم تديني وزارة سياحة

وزيرنا ذاااتو ..

مالك بهم الداخلية والتمردات وكدة ..
اسمع كلام السيناتور دا احسن من الترطيب في السياحة واللف برة البلد واستقبال الوفود الكريمة الزائرة مافي ..

بعدبن الراجل عارف مصلحتك كيف مع إعلان الفلس دا خت ليك وزارة الاشغال العامة .. يعني تصاديق سااااكت تفك الكُربة دي ..

ياحبيبنا حيدر

ياخي مفهوم السياحة زاتوووو غريب وعجيب ومربوط بي حاجات تانية انا شخصيا مابقدر اوفرها يعني انت قايل السياح ديل بيمشو يشوفوا قرود وطيور بس لازم كمان في حاجات تانية حامياني نحن ماعندنا وان شاء الله ماساحوا

بعدين ياحبيبنا افرض وصل وفد سياح زائر من اروبا مثلا وجات كتاحه ماتديك الدرب انا اودي وشي وين لوول يكه بعدين الرئيس يقوم يعزلنا يقول زاتو ماوفر المناخ المناسب للسياح

اها كمان لو جاك وفد من الدول المجاورة وشبه المجاورة تمشي توديهم حديقة الدندر وبالليل يجي يشربوا حلو مر ويرقدو خميسهم ضكران مابتجي

عشان كده الوزارة دي مابتنفع معاي يامعلم ومنصرفاتها ح تكون اكتر من الايرادات .

بعدين المشكلة وزارة دفاع ماموجودة في زمنا لانو ح نغير الخطة بتاعة اللعب وح نهاجم بدل ندافع


تحياتي

زاتوووو

Quote: ياخي مفهوم السياحة زاتوووو غريب وعجيب ومربوط بي حاجات تانية انا شخصيا مابقدر اوفرها يعني انت قايل السياح ديل بيمشو يشوفوا قرود وطيور بس لازم كمان في حاجات تانية حامياني نحن ماعندنا وان شاء الله ماساحوا

ما تصعبها شديد يا ذاااتو ..

إنت ناسي انه برنامج مرشحنا ديمقراطي ليبرالي ،،،


* بالله سؤال طالما انك الآن من القريبين من الزول ديمقراطي ليبرالي يعني شنو ؟!!

Quote: كامل تضامنا مع الرئيس

زااااتو ؟


خذلتني ..خذلتني ..يازول



دفعو ليك كم ؟



ما مشكلة عندك خيار العودة الطوعية ..لكن سرييييع .


................


حيدر الزين سلامات

السيناتورة داليا

ماخذلتك لكن من يوم شفتك علقتي صورتك مع خطيبك عرفت الحقائب الوزارية طلعت من يدك لووول يكه

قلنا نجي لي حبيبنا ود الريح ده ماعندو وزراء لسع قلنا نحجز لينا حقيبة ان شاء الله شنطة يد لووول يكه

انتي اكدي لي موضوع الوزارات لسع في يدك وبنجيك طائع ومتكسر كمان

تحياتي

زاتوووو

Quote: ماخذلتك لكن من يوم شفتك علقتي صورتك مع خطيبك عرفت الحقائب الوزارية طلعت من يدك

ياخ دي دعاية إنتخابية لزوم هو واقف معاي وكدة !



بعدين ما بيناتنا (شنط) !






شبط كيف ؟ جديد وبراند كمان ..شبطا مضمون ولا شنطة مجهجة ..لووووول .


....................


حيدر اخوي ارجا الراجيك ..

Quote: خذلتني ..خذلتني ..يازول

يا حيدراقطع دراعي لو الزول زاتو ما فتح بلاغ في ود الريح ذاتو او سكاه بالمقشاشة
ياخي ده مرة في بوست شاي قال لينا انتو يالاولاد اتخارجوا لينا
كدة يمش لداليا انشاء الله يشتغل ديدبان.










داليا سلام

يا زاتو...
رد بالدور لو سمحت

Quote: يا زاتو... رد بالدور لو سمحت

يا قمر بوبا

في اوتيكيت رئاسي لازم يُتبع ..
ويمكن تكتيك عرض حلف بين المرشحين ..

غايتو لو نجحت فك الازمة من حول سيناتور شرق النيل اكيد ليك حقيبة الدبلوماسية الخارجية يا ذاااتو ...

حبيبنا قمر بوبا

ياخي يوم متين كان الفلس عيب انا مفلس نعم ماديا لكن ممكن انفعكم كويس بعدين نفسيا ساكت لو قلت لي ناس البيت الوزير زاتوو صاحبي مش حاجة جميلة ناهيك عن الحاجات التانية ، وزاتو كمان ما ح يقصر معاك لو اتصلحت شوية ح ندعوك لي اي مؤتمر بتاع صحفيين بتاع كتاب بتاع مفكرين اول واحد ح نقدم ليك الدعوة وبعد داك عايز تحضر تحضر ماعايز تشوف ناس بيتكم واهلكم المهم تكون اخدت ليك تذاكر مجان ورقاد في الفندق الماخمج وكمان يجيبوك في البرنامج في النيل الازرق مع ميم النسوة المكرهني بيها .

بعدين ياخي انا مش قلت ليك في موضوع الشاي انا بديك موضوع كويس ممكن تفتحو بي عنوان صلصة الوادي انا صلصلة تركية وقلت ليك الموضوع ده ياجاب ليك الجكس كلو ياكمان جاب ليك حيرقان لوول يكه .

كدي طالما انت زول صاحبنا ورينا احسن وزارة فيها لبع شنو عندي مرشح مايخرش الموية

طبعا رديت عليك في الاخر عشان نقزقز بيك

زاتوووو

سلامات داليا حافظ ..

Quote: زااااتو ؟ خذلتني ..خذلتني ..يازول

خذلك .. وخذلني .. وخذل جميع المقهورين والفشافيشهم وارمة .. والعندهم طُمام
والعاوزين ينتحروا .. والجاهم سكري .. والالغوا مشاريع زواجهم .. والرفعوا ايدهم بالشكية لربهم ..

وللمزيد راجعي اللستة العملها سمير شيخ ادريس ..

بس اعملي حسابك طلع غواصة ويطلع من حكومتكم المرتقبة فوراً ..

تحياتي

**

Quote: ما تصعبها شديد يا ذاااتو .. إنت ناسي انه برنامج مرشحنا ديمقراطي ليبرالي ،،، * بالله سؤال طالما انك الآن من القريبين من الزول ديمقراطي ليبرالي يعني شنو ؟!!

حبيبنا حيدر لا تسالوا عن اشياء ان تبدو لكم تسؤكم

انت في الاول رشح الرئيس وبعدين ح تعرف كل حاجة

تحياتي

زاتوووو

Quote: ياخ دي دعاية إنتخابية لزوم هو واقف معاي وكدة ! بعدين ما بيناتنا (شنط) ! شبط كيف ؟ جديد وبراند كمان ..شبطا مضمون ولا شنطة مجهجة ..لووووول .

ياداليا صباحك بقدونس

اكيد خطيبك ح يكون واقف معاك مش قالوا ورا كل مرشحة عظيمة رجل يعني لو خطيبك ما وقف معاك تاني ح تلاقي صوت منو لوووول انتي قايلة اغنية حبيبي فاكرك معاي ويييييين حبيبي فاكرك معاك تسعد بي سعادتي وتشقى عشان شقايا عملوها في انتخابات ولا شنو لوووووول

كدي ورونا العرس متين ووين عشان نودي بدلة العرس المغسلة لوووول يكه

تحياتي

زاتوووو

الزول زولي..
أنا أول من اعترفت بقدراته وامكانياته الظاهرة والمستترة..
لقيادة هذا الشعب..
نصيحتي ليك.. وزير اشغال ما بطال..
انت دخل كراعك في الأول.. وباقي الخطة بتمشي زي ما عايزين..
نحنا عايزنك لاكبر من كده..
بس بعدين بتنطط في الوزارات زي سبدرات.. لوووووول يكه...
اسه ما شايف سيف مساوي كل يوم في خانة..
مرة في الارتكاز ومرة قلب دفاع ومرة باك يمين..
اها اصلو السودان ده كلو كده.. عندهم نظام التوليف والتأليف..
لوووووووووووووول يكا يكا..

حبيبنا ايمن دياب

انت زول مفتح وعارف التكتيك كويس واهم حاجة الواحد يدخل كراعو بعد داك كلما تحصل مصيبة في وزارتو يعمل زعلان ويحرد الشغلانة اها طوالي يقومو يرقوك لي وزارة اعلى منها لوووول يكه .

بعدين دي اسمها الروتيشن يعني تبديل الوزارات عشان اي وزير يكون عارف شغل الوزارة التانية عشان لو واحد وزير ( نزل او طلع ) اجازة الوزير التاني يسد مكانو لحدي مايجي بالسلامة ولو وزير انتقل الى رحمة مولاه يكون في تصعيد وزاري واقل وزارة يدوها لي واحد من الاحتياطي لووول يكه اصلو ماشفته ليك حافلة ركباب مركبين ليها ماكينة هايلوكس .

نشكرك على ثقتك فينا وحضر نفسك لي اي مؤتمر ينعقد داخليا وخارجيا اشتري ليك تلاته بدل من شارع الوزير وخلي الفواتير الاصلية معاك بس ماتخلي ود الموج يشوفهم لووووووووووووووووول يكه

تحياتي

زاتوووو