الداير يوري يوري والماداير يوري يقرأ للناس الوروا نفسه تنفتح يقوم يوري سمح ؟؟ ..

أسمحي لي
وحات عينيك
أقوليك كلمة في خاطري
أترجم ليكي أشواق زول
بعاين ليكي من زمن بدري
عارفه متين ؟؟
أكون كضاب
لو أنا العارف
بداية الريد
لأنه سؤال صعب بلحيل ؟؟
ــــــــــــــــــــ

أهه يا ناس يالدخلتوا دنياالجداد فيكم وما جداد
والقدمو شوية
ويالدخلتوها وبقيتو مارقين منها على المعاش
كدي قولوا البدايات الحلوة كانت كيف ؟؟ ..
والذكريات صادقة وجميلة ويلا نجدد خلاياها ..

هلا هلا والله .. عودة ديجانقو ..

يا معتصم لو ما كنت كتب عنوان زي ده ما كنت ح أعرفك ..
وتبياناً لحسن النية ، فأقبل مشاركتي البسيطة في نصك الشعري ده.
(ميزان الشعر عندك فيهو خلل) كدي شوف قصيدتك بعد التعديل وتعال ناقشني فيها .. OK؟


أسمحي لي
وحات عينيك
أقول ليك كلمة في خاطري
أترجم ليكي أشواق زول
بعاين ليكي من بدري
عارفه متين بدت ريدتي؟؟
لو عارف بداية الريد..
أكون كضاب
لأنه سؤال صعب بلحيل ؟؟

أها يا حاج ما أنفع ( منقحاتي ) ؟؟

معتصِم مكاوي ...

ياخ إنت عندك مُشكِلة كبيرة في < العناوين > عِنوانك دايماً طويل وبِغَيِب
مُحتوي البوست ... معقول عِنوانك ده الواحِد مُمكِن يتَوقع إنو فوقو شِعر
الداير يوري يوري والماداير يوري يقرأ للناس الوروا نفسه تنفتح يقوم يوري سمح
عملتها لينا كُلها < يوري > < يوري > < يوري > < يوري > أربعة يا مُفتري
13 كلِمة فيها أربعة < يوري > وواحِد مُشتق يوري < الوروا > وزاتا غلط +
إتنين < دايِر > ...

غايتو الشِعر مُش بطال لو راعينا السِن ومكان السكن ...

ــــــــــــــــــ
شكُراً لِلمُنقحاتي ...

ياصلاح يا خوي
أنا أول ماني عامله قصيدتاً
عشان ميزانها الشعري لأنه لو
كان كدي كان الوضع حيتغير أكيد
بس أنا عامله مدخل لرحلة أخرى وأحلا
في حياة الزول وكل زول بيقرأ
بس بيني منقحاتي ونص
ينقحنا الله في حبو !!!