Post: #1
Title: د/ عــثمان الريح كزول هلاك !
Author: خضر حسين خليل
Date: 05-16-2009, 12:13 PM
Parent: #0
د/ عــثمان الريح كزول هلاك !
تنوية : العنوان أعلاه تم استخدامه من قبل مع هلاك آخر وهو الأستاذ أبو رزقة
تنويه تاني : دي أول وآخر مرة أكتب ليك يا دكتور عثمان
طيب :
يا عزيزي عثمان الريح وكما تري نحنا ما عندي جيهة نقبل عليها سوي أسافير الله هذي
أنا خضر تغربت من بلادنا مكرهاً أخاك لا بطل ذلك بعد أن ضاق الحال ولم أجد في المليون
ميل مربع فرصة عمل أنفذ من خلاله للمستقبل الذي لطالما (سمعت عنه) .
المهم شاءت الأقدار أن أهاجر كملايين الناس الهاجروا إبتغاء مرضاة المعايش ومن يومها
عذراً ومن قبل ذلك لم يستشيرني أحداً طوال سني حياتي في أمر السلطة أو الثروة أو حتي
بخصوص مستقبلي كشاب سوداني بمعني آخر كنت وحتي خروجي الميمون يوم ذاك أنام علي سلطة
وأصحوا علي سلطة حتي ظننت إنو مسائل السلطة في ما يسمي بالوطن السوداني ليس لي الحق
في تناول أمره وبذلكأصبحت موقناً بأن المسائل دي ما عندي بيها علاقة تذكر .
المهم يا عثمان بعد داك استبشرت ببرنامج الانتخابي خيراً وعجبتني الفكرة التي سقتها خصوصاً
وإننا ننتمي للجيل (الثالث عالي السرعة) زينا وزي الموتريلا والنوكيا والسيمنس والخ الخ الخ
الذي عجبني يا عثمان استفادتك القصوي لما جادت به الثورة التكنلوجية .
مؤخراً بدأت أتحاشي الدخول لسودانيز أونلاين وللفيس بوك ومرات مرات للبريد الالكتروني (تخوفاً)
من الدعايات الطائرة وما انا بحمل كل ذلك يا رجل . فأمر صوتي محسوم لو اتيحت لي الفرصة
للترشيح (خلي اليجي بس بعد داك كلو هين).
ما أود قوله يا عثمان إنني أصبحت مؤخراً أصاب بحالة من فوران الدم اي والله أري الدم يغلي في
عروقي وجبهتي حال رؤيتي لبوست من بوستاتك اياها . ياخ بطريقتك دي حتجيب أجلي يا عثمان
وحتفركش لي برنامجي الجاي . وبالتالي ستساهم في ترميل عروس قبيل موعد زفافها وهي لا ذنب
لها كما تري ولا علاقة لها بسودانيز أونلاين فرقاً بها ورفقاً بي ورفقاً بالشعب السوداني المنشر
في الاسافير ورفقاً بمجلس الوزراء ورفقاً بنانسي عجاج والكابلي وزيدان ابراهيم وزين الدين زيدان
وأجاثا كرستي وحيدر الزين وقمر بوبا وكل الذين نصحوك تحت الشجرة والتابعين وتابعي التابعين
ورفقاً بكيكي .
وشكر الله سعيك ولا أرانا الله اياك رئيساً لشعبنا .
ـــــــــــ
* بالمناسبة حتي جلسات الخميس التي غالباً ما كانت للترويح أصبحنا نناقش حالتك يا رجل
فرفقاً بخمايس شعبنا .
* ابو رزقة أعلاه المعني به أخانا عبدالرازق الطالب
|
Post: #2
Title: Re: د/ عــثمان الريح كزول هلاك !
Author: HAIDER ALZAIN
Date: 05-16-2009, 12:21 PM
Parent: #1
Quote: بالمناسبة حتي جلسات الخميس التي غالباً ما كانت للترويح أصبحنا نناقش حالتك يا رجل
فرفقاً بخمايس شعبنا |
اي والله ...
بل وصل بي الحال يا أن اصبحت كوابيسي الليلة تتمحور حول هذه البوستات ..
تاتي في شكل الطوفان فتحيل خضرة بوستات سودانيز الي يباس عصمان الريح ..
يا دكتور والله هلكنا ياخ ..
|
Post: #3
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:25 PM
Parent: #2
يا حيدر
والله انا اصلاً مؤخراً بقي ما بجيني نوم لي دة كوابيس ما معانا ياعمك
لكن الشهادة لله قبل اسبوع كدة جاتني نعسة فرأيت فيما يري الناعس
بوستاً من البوستات اياها ، طوالي صحيت ما بدهاااااش يا عمنا
|
Post: #7
Title: Re: د/ عــثمان الريح كزول هلاك !
Author: الطاهر ساتي
Date: 05-16-2009, 12:35 PM
Parent: #3
بوست حسادة ..
............
ياود الريح ماتشتغل بالناس ديل ..
واصل شغلك ..
|
Post: #14
Title: Re: د/ عــثمان الريح كزول هلاك !
Author: عاطف مكاوى
Date: 05-16-2009, 12:48 PM
Parent: #3
أنا ما في حاجة ممغصاني
غير كتابته لعناوين بوستات
باسمه ليسبق الاسم حرف (الدال)
وأقارن بينه ودكتور بشرى الفاضل
لأجد فراسخا بين من يود أن يكون رئيسنا نحن الشعب
الملطشة ..... وبين من يحكي عن بنتنا التي طارت عصافيرها
* مرة كنت مع والدى والوقت كان مغربية فصاح أحد أصدقائه
من خارج البيت (يا حاج مكاوى ....يا حاج مكاوى) فرد الوالد
منو ده ؟
جاءه الرد من الصائح :
أنا (حاج) عبدالرازق
وكان رد والدى عليه عبر الحائط :
يا (حاج ) عبدالرازق أخوى ....(ماتخلي الناس يحججوك)
بتحجج روحك براك مالك ؟ !!!!!
فكلما أقرأ عنوانا أو جملة لهذا الدكتور ..أتذكر الحوار الذى
الذى دار بين الوالد والعم المرحوم عبدالرازق له المغفرة.
|
Post: #4
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:28 PM
Parent: #1
بما انو الغربة حارة واي زول شغال بي جنبة بنتلم كسودانيين مغلوب علي أمرهم
يوم الخميس من كل اسبوع . أها تصدق وتؤمن بالله يا عثمان انك بتكون معانا
(ما بتغيب عن عيني لحظة)
ياخ يا هداك القصر الجمهوري والمفوضية بتاعت الانتخابات وياهو داك السودان
القديم وجمبوا مباشرة بتلقي السودان الجديد أمش عوس هناك ياخ .
|
Post: #5
Title: Re: د/ عــثمان الريح كزول هلاك !
Author: HAIDER ALZAIN
Date: 05-16-2009, 12:33 PM
Parent: #4
Quote: ياخ يا هداك القصر الجمهوري والمفوضية بتاعت الانتخابات وياهو داك السودان
القديم وجمبوا مباشرة بتلقي السودان الجديد أمش عوس هناك ياخ . |
الشئ الفهمته انا انه الزول دا لسع ما قبلوهو رسمياً كمرشح ..
يعني دا ترويج بس ..
كدي اتخيل بعدين ...
ثم اول مرة اشوف دعاية انتخابية لرئيس بيترشح عبر سودانيز اونلاين
لاقي الزمن دا كلو وين المرشح الهمام ..؟؟
|
Post: #8
Title: Re: د/ عــثمان الريح كزول هلاك !
Author: HAIDER ALZAIN
Date: 05-16-2009, 12:36 PM
Parent: #5
عرفت ليه يا دكتور الناس بتكتب ليك في الحيط ...
اكيد .. اكيد .. بيكونوا ما لقوا فرقة يكتبوا معاك في سودانيز ..
فقالوا اخير نكتبها في حيطتك ..
اذا اردت حيط نظيفة .. فرجاءاً خلي فرصة للناس تكتب وتقرا هنا بدون ما تلوث ليها الاسافير ..
|
Post: #11
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:39 PM
Parent: #5
Quote: يعني دا ترويج بس ..
كدي اتخيل بعدين ...
|
قلت لي دي مناظر بس يعني ! انا لله
والله معناتها يا حيدر الفلم دة حيكون عجيب وشكلو حصري برضو علي قناة سودانيز اونلاين
رأيك شنو نعمل مظاهرات ياود عطبرة ؟
|
Post: #6
Title: Re: د/ عــثمان الريح كزول هلاك !
Author: حنين للبلد
Date: 05-16-2009, 12:34 PM
Parent: #4
يا خضر
عليكم ببكري ابوبكر هو سبب البحصل علينا ده كله..
يابكري البتسوي في ده ياخي حرام عديل كدة...لابد من محاسبة المسؤولين عن هذه المأساة...
|
Post: #9
Title: Re: د/ عــثمان الريح كزول هلاك !
Author: مزمل خيرى
Date: 05-16-2009, 12:36 PM
Parent: #6
خضـر
انجـدنا .. الحل شـنو.؟؟
|
Post: #13
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:45 PM
Parent: #9
| Quote: انجـدنا .. الحل شـنو.؟؟ |
والله يامزمل اخوك بقت عليهو (جيتك ياعبد المعين تعين)
طيب ياخوانا ما نشوف حل للقصة دي
الزول دة لا قدر الله لو مسك السلطة حينشف ريقنا
علي الايمان بوستات ساي ما نلقي جيهة نقع عليها
خلونا في المكرفونات والخطب أهو الواحد بدخل بي جاي
بمرق بي جاي !
|
Post: #10
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:38 PM
Parent: #6
| Quote: يابكري البتسوي في ده ياخي حرام عديل كدة...لابد من محاسبة المسؤولين عن هذه المأساة... |
كامل تضامني معك ياحنين
جعلها الله آخر الأحزان
|
Post: #12
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 12:41 PM
الطاهر حسادة شنو
والله اخوك مرات بفكر يدخل المنبر من وراء حجاب عديل كدة
الصورة دي بالمناسبة معبرة خالص
لمحنتنا دي .
|
Post: #15
Title: Re: د/ عــثمان الريح كزول هلاك !
Author: HAIDER ALZAIN
Date: 05-16-2009, 12:52 PM
Parent: #12
| Quote: رأيك شنو نعمل مظاهرات ياود عطبرة ؟ |
مظاهرات .. ؟
مظاهرات دي بتأثر في زول بيراعي للرأي العام ..
هسع شوف في كم بوست بتنتقد الزول دا وهو ولا عليهو .. دي بي طينة والتاتنية باسمنت...
والله دا الا يقوم بيهو لغم .. ولغم اليات ثقيلة ما بشري ..
|
Post: #16
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 01:00 PM
Parent: #15
طيب نقابة كيف ياحيدر
اي حاجة
ياخي اي حاجة نوقف بيها ( نهر البوستات ) المفتوحة دي
والله انا بي صراحة بقيت ما مستحمل
|
Post: #17
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 01:22 PM
Parent: #16
أدركنا الرجل في الفيس بوك فهجرناه مكرهين
فأدركنا الرجل في سودانيز اونلاين فاستبشرنا
خيراً بإعلان ذهابه يومذاك . فإذا به يعود من
جديد .
غايتو الانسان والكون حالة صعبة يا معتصم يا ود الجمام
|
Post: #18
Title: Re: د/ عــثمان الريح كزول هلاك !
Author: الشفيع عوض شوشتا
Date: 05-16-2009, 03:04 PM
Parent: #17
مين عثمان الريح ده؟
|
Post: #19
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 06:52 PM
Parent: #18
| Quote: مين عثمان الريح ده؟ |
عثمان ياخ
عثماااااااااااان يا شوشتا
|
Post: #20
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 07:07 PM
Parent: #19
طبعاً وبما انو لا مستحيل تحت الشمس يا عثمان وبعد قراءتي ان المسجلين مع من خارج شعوب الاسافير
773 الف شخص فوالله الواحد بقي يلاوز منك عديل .
والله يا عثمان لو حكمتنا أنا قد إتوفي عديل مغصة ساي
|
Post: #21
Title: Re: د/ عــثمان الريح كزول هلاك !
Author: بدر الدين اسحاق احمد
Date: 05-16-2009, 07:38 PM
Parent: #19
يا اخوانـــا الزول ده سلاحـــه الكلمة فقط ...
عايزين تفرطقوهو بيه لــغم اليـــات ثقيلــة ..
البلد دى ما فيها حقوق مرشحين ولا شنو ..
Quote: هسع شوف في كم بوست بتنتقد الزول دا وهو ولا عليهو .. دي بي طينة والتاتنية باسمنت...
والله دا الا يقوم بيهو لغم .. ولغم اليات ثقيلة ما بشري .. |
|
Post: #22
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 08:29 PM
Parent: #21
يا بدر الدين
هو بالله حقوق المرشحين بس المافي في البلد (ديك)
بالمناسبة انا والله بقي عندي احساس يا بدر
انو الزول دة عادي الفين وعشرة اشوفوا في نشرة العاشرة مساء
وقد صرح سيادته وما الي ذلك ولا كيف يا الطاهر ؟
|
Post: #23
Title: Re: د/ عــثمان الريح كزول هلاك !
Author: ناذر محمد الخليفة
Date: 05-16-2009, 08:39 PM
Parent: #22
!!!
Quote: بالمناسبة حتي جلسات الخميس التي غالباً ما كانت للترويح أصبحنا نناقش حالتك يا رجل
فرفقاً بخمايس شعبنا |
ما قلت إلا الحق !!
يوم الخميس الفات كان قدري إنو يكون مع بعض من أعضاء وقراء سودانيز اون لاين !!
وبدل الكلام السمح والشعر البيرقص والغنا البيساعد ، كان كلامنا عن عثمان الريح طوال الليل ..!
وخميسنا طرشق لدرجة إني بفكر أرفع عليهو قضية تعويض بتاعات ...!!
وقضية صحو مبكر حضرت فيهو جنة الاطفال في تلفزيون أمدرمان ..!!
صنفرة :
أوعك تكون من النوع البيشيل بقجة غباينو ويحوم بالبوستات يا خضر ..!!
|
Post: #38
Title: Re: د/ عــثمان الريح كزول هلاك !
Author: خضر حسين خليل
Date: 05-17-2009, 10:44 AM
Parent: #23
ناذر ازاي الحال ياخ
وتهانينا بالمولودة جعلها الله رئيسة لزمانها
باركنا ليك بهناك لكنك شخط كأن لم يكن
الشهادة لله يا ناذر كلما قرأت للرجل
تذكرت (أبو خليل جاكم ) داك
البطولة في الفلم داك كان علي ما أظن جمال حسن سعيد
الحلقات كلها تقريباً كانت بتركز علي قضية
البرايين والفاكينها في نفسهم
والفنانين (بتاعين العود يا ناذر)
المهم أرفع أي قضية وستجدني انشاء الله من الداعمين
موز موز حياة حياة
ــــــــــــــــ
غبينة شنو النشيلها بين البوستات انا مرارتي
اتفقعت عديل ! غايتو ربنا يجازي الزومة الكاتب
بتاع السوداني داك هو برضو كان بجيب لي نفس
الاعراض الي ان هجرت السوداني وبعد ذلك خليت ليهو
السودان زاتووأ .
|
Post: #24
Title: Re: د/ عــثمان الريح كزول هلاك !
Author: Ahmed Abdallah
Date: 05-16-2009, 08:45 PM
Parent: #22
Quote: بالمناسبة حتي جلسات الخميس التي غالباً ما كانت للترويح أصبحنا نناقش حالتك يا رجل
فرفقاً بخمايس شعبنا |
هو عثمان الجن ده بلا خمايسكم المهببة دي
الخلاهو يترشح شنو ??
_________________
مسكين ياخضر عثمان
ما عارف الخمايس و نوع
المجازفات الفيها
شكيتكـ على الله يا عثمان
|
Post: #25
Title: Re: د/ عــثمان الريح كزول هلاك !
Author: Yassir Bainwi
Date: 05-16-2009, 08:58 PM
Parent: #24
Quote: * بالمناسبة حتي جلسات الخميس التي غالباً ما كانت للترويح أصبحنا نناقش حالتك يا رجل
فرفقاً بخمايس شعبنا . |
ولمات البورداب وقعدات اتنيه وحليوة وحتي قندهار برضو
فرفقا بنا
خدر سلام
|
Post: #26
Title: Re: د/ عــثمان الريح كزول هلاك !
Author: محمد عبداللطيف إدريس
Date: 05-16-2009, 09:19 PM
Parent: #25
|
Post: #27
Title: Re: د/ عــثمان الريح كزول هلاك !
Author: خضر حسين خليل
Date: 05-16-2009, 09:48 PM
Parent: #26
الاشكال يا عثمان انك اصبحت مهدداً حتي لليالي السبت
من قبيل بنتناقش في الغرفة الزول دة عايز يصل لي شنو؟
حيرتنا يا رجل
|
Post: #28
Title: Re: د/ عــثمان الريح كزول هلاك !
Author: ibrahim kojan
Date: 05-16-2009, 10:12 PM
Parent: #27
'p;oliyjhtgfewqsasdfghjhsgzfdgfsdfdhnnjfgnsafgnannafgbnzfhafhartjm,kjhbgtrfdsew12345678
خضر شفت الكلام الفوق دا ؟؟
فهمتو؟؟؟ وانا كان فهمتو الحس المكوه الحاره !!!
انا والله ما عارف الزول دا عايز مننا شنو؟؟؟؟؟؟؟؟؟؟؟؟؟؟؟؟؟؟؟؟
وبعدين مع الزول قال إنو دكتور ولا طبيب ما عارف..
يمكن إكتشف طريقه جديده يعذب بيها خلق الله!
أحكي ليك حاجه.... واحد من عنكم كان ما بيحب علي الريح بتاع برنامج الرياضه
المهم يوم ركب ليك البص من كسلا وجا لغاية التلفزيون وما لاقي علي الريح ؟؟ مشي ليهو لغاية البيت وسأل علي الريح وين؟؟
اها الجماعه قالو ليهو اهو داك؟؟
طلع ليك سكينو وقال ليهو : يا علي الريح والله كان شفتك في التفزيون يوم الجمعه بجيك وبضبحك عديل كدا .. ياخ كرهتنا الجمعه والكوره والتلفزيون والجن الاحمر..
انا غايتو لو لاقيتو ح أعمل فيهو نفس العمله
والي كل المتداخلين كامل التعاطف معكم اخ منك يا دتور والله كمية المرارات الانفقعت تعمل كمونيه في المنبر دا
الله في يا خضر..
|
Post: #29
Title: Re: د/ عــثمان الريح كزول هلاك !
Author: بدر الدين اسحاق احمد
Date: 05-16-2009, 10:44 PM
Parent: #28
اكبر هدية يمكن ان تقدمها الانقاذ لاهــل هذا المنبر وناس الخمايس هذا المرشح الرئاســــى
فاقعين منرارتنا ...الله حاب لينـــا البيفقع مرارتكم .
وبرضــو :
|
Post: #30
Title: Re: د/ عــثمان الريح كزول هلاك !
Author: بدر الدين اسحاق احمد
Date: 05-16-2009, 11:47 PM
Parent: #29
ود الزين ..شكيتك على الله ..ساهرت بيــه خليتنى اساسك بيه وراك من بوست ليه بوست
عليك الله ماتذكرو الحيطان يقوم يقبل عليها .. شاشة كمبيوتر تكتب عليها تانى تلقاها مافى ..
وبرضو :
( الله فى )
Quote: عرفت ليه يا دكتور الناس بتكتب ليك في الحيط ...
اكيد .. اكيد .. بيكونوا ما لقوا فرقة يكتبوا معاك في سودانيز ..
فقالوا اخير نكتبها في حيطتك ..
اذا اردت حيط نظيفة .. فرجاءاً خلي فرصة للناس تكتب وتقرا هنا بدون ما تلوث ليها الاسافير .. |
|
Post: #31
Title: Re: د/ عــثمان الريح كزول هلاك !
Author: كمال علي الزين
Date: 05-17-2009, 01:15 AM
Parent: #30
(*)
خضر .. يا تعمل مسكول ضروري
يا تراجع إيميك كمان ..
ده بعيداً عن أي زول هلاك
):
|
Post: #32
Title: Re: د/ عــثمان الريح كزول هلاك !
Author: Safia Mohamed
Date: 05-17-2009, 01:32 AM
Parent: #31
خضر سلام
والمساهرين كلهم
ياخي الزول داير يستخدم الكنولوجيا الحديثة في الانتخابات سمع تحت تحت انه اوباما فاز عشان استخدم الاعلام الحديث في حملته الانتخابية
المهم غايتو انا مرارتي ولا مفقوعة ولا حاجة لاني حرمت سودانيز والفس بوك الى حين نتهاء الانتخابات
مرة مرة بتاوق اشوف عيالي كيف
دة الحالة ما قريت ليه ولا نص كلمة الابوست الانسحاب .... لكن جا تاري تني
المهم
على قول تبارك
مساء سعيد
صفية
خراج النص:
كنت ناوية استعمل الاعلام الحديث في حملتي الا..... لكن بعد الشفته الله اعلم
|
Post: #33
Title: Re: د/ عــثمان الريح كزول هلاك !
Author: HAIDER ALZAIN
Date: 05-17-2009, 06:21 AM
Parent: #32
بدر الدين صباح الخير ...
وأرجو انك ما تكون قريت آخر ردود الرئاسي عثمان الريح لو عاوز يومك يكون خير وما تفتح يومك بغثيان ..
قريت رده على الاستاذة نانسي عجاج حول الدعم .. ؟؟
في هلاك اكتر من ده ..!!
Quote: ود الزين ..شكيتك على الله ..ساهرت بيــه خليتنى اساسك بيه وراك من بوست ليه بوست
عليك الله ماتذكرو الحيطان يقوم يقبل عليها .. شاشة كمبيوتر تكتب عليها تانى تلقاها مافى ..
وبرضو :
( الله فى )
|
|
Post: #34
Title: Re: د/ عــثمان الريح كزول هلاك !
Author: عبد المنعم سليمان
Date: 05-17-2009, 06:45 AM
Parent: #33
كامل التضامن مع المناضل خضر حسين خليل ضد مرشحي البطش والعدوان
|
Post: #35
Title: Re: د/ عــثمان الريح كزول هلاك !
Author: سفيان بشير نابرى
Date: 05-17-2009, 08:07 AM
Parent: #34
((ولو كنتم في بروجاً مشيدة))
سير سير يا عثمان
نحنا معاك علي السودان
- نحنا الفوق دي المقصود بيها أنا وراوية-
|
Post: #36
Title: Re: د/ عــثمان الريح كزول هلاك !
Author: بدر الدين اسحاق احمد
Date: 05-17-2009, 08:23 AM
Parent: #35
ود نابرى ...
شكيتك على الله انت والمعاك ..
| Quote: - نحنا الفوق دي المقصود بيها أنا وراوية- |
|
Post: #37
Title: Re: د/ عــثمان الريح كزول هلاك !
Author: خدر
Date: 05-17-2009, 09:40 AM
Parent: #36
« والكاظمين الغيظ والعافين عن الناس »
القصة دي فيها أجر يا صاحب
طول بالكـ و احتسب
اهو إمتحان زيو و زي الازمة الاقتصادية و المؤتمر الوطني و رئيسكـ في الشغل
|
Post: #40
Title: Re: د/ عــثمان الريح كزول هلاك !
Author: خضر حسين خليل
Date: 05-17-2009, 01:30 PM
Parent: #25
| Quote: ولمات البورداب وقعدات اتنيه وحليوة وحتي قندهار برضو |
بيناوي ازيك ياخ
قلت لي المواطن دة إيدو لحقت اتني وحليوة
اللهم انا لا نسألك رد القضاء لكن نسألك اللطف فيه
انه سميع مجيب
|
Post: #39
Title: Re: د/ عــثمان الريح كزول هلاك !
Author: خضر حسين خليل
Date: 05-17-2009, 11:11 AM
Parent: #24
Quote: مسكين ياخضر عثمان
ما عارف الخمايس و نوع
المجازفات الفيها
شكيتكـ على الله يا عثمان |
والله يا أبو حميد كان ما عارف مفروض
تنوروهو المسألة بقت صعبة شديد
يعني ما زي زمان .
أنا بس عايز اعرف السبعمية تلاتة وتلاتين ألف مواطن
القال مرشحينوا ديل وصلوا المراحل المتأخرة دي متين ؟
كلو من غانا
|
Post: #41
Title: Re: د/ عــثمان الريح كزول هلاك !
Author: GamarBoBa
Date: 05-17-2009, 01:48 PM
Parent: #39
حرشوا ليه -بوتا-
ده حسب رواية محمد عادل شال حقة كاش من وليد مادبو
|
Post: #42
Title: Re: د/ عــثمان الريح كزول هلاك !
Author: ناذر محمد الخليفة
Date: 05-18-2009, 11:51 AM
Parent: #41
خضر ..
بالمناسة أنا سمعت إنو الزومة برضو مرشح نفسو للرئاسة ..
ورسل كم مرة لي بكري عشان يديهو عضوية هنا يبدأ بيها حملتو الغنتخابية زيو وزي غيرو ..!!
إنتو سودانيز أون لاين دي خلاص أعلنوها دائرة إنتخابية ولا شنو ؟!!
Quote: البطولة في الفلم داك كان علي ما أظن جمال حسن سعيد
|
على ما أظن كان فيصل احند سعد ؟!!
|
|