Post: #1
Title: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:19 AM
هل تدرون بان للقصائد مرايس...؟؟
كما كان في الزمن الغابر المرايس قصائد
|
Post: #2
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:20 AM
Parent: #1
صديقي سائق التركتر الحريف كان في لحظات كاس الاول تراه حالفا بالطلاق
حرم اقووول ليكم بيت شعر....
ليقول بيته الذي لقطه من احد الافندية
صائحا يا غاطسا في الطين
مع انو البيت الحقيقي...
كان يا غافلا في التيه
|
Post: #3
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:22 AM
Parent: #2
وفي ليلة قمرية وكان هو من يقود العربة الشهيرة حجة هجرة وهو بوكس 78
اراد ان ياتي بحكمة من القران فقال فيما قال
خيرا شرا تكرهو
وكان يقصد عسي ان تكرهو شيئا فهو خير لكم
|
Post: #4
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:26 AM
Parent: #3
كانت عاملة بسيطة في مشتل الاشجار...
وكان هو افنديا زراعيا لايشق لاله غبار وشاعرا ينظم الكلمات بلغة عالية
احبها
احبته
ياتي في المساء ليكتب لها شعرا يمخول براسه الذي كان يلعب به الخندريس وبلغة عالية
كانت تقراء وتفك بعض الحروف... ولاترد
وعندما قررت الرد عليه بقصيدة كان عنوانها
حبيبتك الشتلة الزابلة
|
Post: #5
Title: Re: اديني بقة يا مرايس القصائد....!!!
Author: ابو جهينة
Date: 05-16-2009, 09:28 AM
Parent: #3
عبد الكريم
سلام كبير ياخي
ضحكت هذا الصباح رغم الدبرسة ، أضحك الله سنك بكل خير
أها
Quote: وفي ليلة قمرية وكان هو من يقود العربة الشهيرة حجة هجرة وهو بوكس 78
اراد ان ياتي بحكمة من القران فقال فيما قال
خيرا شرا تكرهو
وكان يقصد عسي ان تكرهو شيئا فهو خير لكم |
زولك دة علا يكون ماخد شفطة ماكنة .. دي ما عمايل بُقة ..
دة ذكرني يزول عندنا في الشمالية ..
عندما ينضج مشروب الدكاي المصنوع من التمر المسمى DOKON.. و يصير في قوة النبيذ .. يأخذ أول رشفة ثم يقول و هو يغمض عينا : سبحان الخلاق
دمتم
|
Post: #6
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:34 AM
Parent: #5
| Quote: عندما ينضج مشروب الدكاي المصنوع من التمر المسمى DOKON.. و يصير في قوة النبيذ .. يأخذ أول رشفة ثم يقول و هو يغمض عينا : سبحان الخلاق |
ههههه
سلام يا ريس
وزولي ده ياخي حكايتو عجيبة واحسن زول تراقبو وهو بشفط متعة الشفط...
مرة شبك في كلمة (اه من نحلك) برضو لقطها من مثقفاتي كان بقولها في القعدة...
اها صحبي ده اي زول في الليلة ديك بلقاهو مطرف بقول ليهو الليلة (الا تقول اه من نحلك) وباصرار عجيب..!!!
اها في واحد غتيت كده قال ليهو (ياخي انا ما بقول ليك حسع لكن بكرة الصباح ممكن اقولها ليك)..
تخيل الراجل مشي نام..
اليوم التاني قبل اذان الصبح جاء تورو من النوم
يافلان اصحي
يافلان اصحي
اها فلان صحا تعبان ونعسان وقال ليهو مالك يا زول..
زولنا قال ليهو (قول اه من نحلك)...
ههههه
الخندريس عجيابو عجائب ياخي
|
Post: #7
Title: Re: اديني بقة يا مرايس القصائد....!!!
Author: khaleel
Date: 05-16-2009, 09:38 AM
Parent: #6
تقتل طالب نكتل امك
والقصائد مرايس وعرقوب
مع تحيات عبد الله ابو تو
|
Post: #8
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:44 AM
Parent: #7
هلا ياخلي
وحبابك في قصائد المرايس...
كان نحل قعدات وحريف ويسكي خطير...
جلسة ما بين مهندسين وعينه علي القزازة النضيفة دي وداير يقوم بيها براااهو هههه
شبكهم ليك..
انتو يا جماعة الفرق ما بين الهندسة المدنية والزراعية شنو..؟؟
ليسترسل المهندسين في الرد والاسهاب... ويسرق صاحبنا اللعب ويكب لروحو كاس طووووويل..!!
واها طيب
البسو الطرق والمجاري ديل منوووووووو؟؟؟
ويسترسل المهندسين الفارات ...ويسرق صاحبنا اللعب ويشفط كاس اخر شحمان خلاص..
وعندما افاق المهندسين من الاجابة علي الاسئلة المفخخة..
وجدا القزازة في الزيق الاخيرررررررر هههههه
ليصيح احدهم بغضب من ضاعت قزازته
وليقول لذلك الشافط النحلنجي الحريف........
وديني تمشي حسسسسسع اقرب اجزخانة وتجيب حقنة وتعال نشفط ليك الفي راسنا ده
هههه
|
Post: #9
Title: Re: اديني بقة يا مرايس القصائد....!!!
Author: khaleel
Date: 05-16-2009, 09:49 AM
Parent: #8
الهرس كان عملاقا في شرب العرقي ونسيبه الطيب جون لا يدري انه معلم وشريب
فملا له كاس كبير من الشري ابو تلاتة نجوم وطلب منه ان يقزقز به
ولكن الهرس شفط الكاس في مرة واحدة حتي بدون (قصة)
نظر الطيب جون للهرس وقال له
(سمحة العافية)
|
Post: #10
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 09:56 AM
Parent: #9
Quote: نظر الطيب جون للهرس وقال له
(سمحة العافية) |
كان هو البت شاويش المسئوول عن نقطة البوليس..
وكان اكثر زول لغلاغ عندما يدور الكاسات...
ومن اول كاس كان بشكر العرقي... (ويقول هيييييع ياخي المادة كم كده ماعارف ..كان بذكر رقم المادة بتاعة صناعة الخمور)
وتاني كاس برضو بقول هييييييع ياخي (وبرضو بقول مادة السكر)
ولحدي ما يقيف لط بكون ذكر زي ديشليون مادة كده مربوطة بالعرقي وصناعة والاتجار فيه..
وطبعا نهاية السكرة القصة بتجوط وبلخبط المواد..
هههههه
ولو قلت ليهو يا زول القصة (ماكده) فطوالي ممكن يلفها معاك
ويقول ليكم حسسع دي ح اعمل ليكم اجرااات هههه (اسمو طبعا فلان اجرااات)
|
Post: #11
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 10:01 AM
Parent: #10
خليل بكون راجي ومنتظر
حكاية (انا ما شيطان ... انا عمكم فلان ادوني كاس) هههه
|
Post: #12
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-16-2009, 10:09 AM
Parent: #11
سكير وشريب له ضل وشهرته فاقت كل الانادي والمحطات الضخ..
سافر الي ليبيا لفترة طويلة وفي غيابه تغيرت خارطة المدينة السكرية
وقامت بيوت واختفت بيوت..
وعندما عاد ذهب الي احدي المحطات الجديدة وبعد ان نفض الغبار عن قزازته الشهيرة..
قال لست العرقي كبي في القزازة دي
كبت ليهو فيها وملتها فل..
في وقفتو ديك شربها ووون قوووووووو
زغردت ست العرقي من الدهشة وهذا النمط العجيب...
ومنحته طيلة فترة اجازته قزازة يوماتي مجاني شرطا ان يشربها امامها بهذه الطريقة
|
Post: #13
Title: Re: اديني بقة يا مرايس القصائد....!!!
Author: khaleel
Date: 05-17-2009, 02:59 PM
Parent: #12
| Quote: حكاية (انا ما شيطان ... انا عمكم فلان ادوني كاس) هههه |
حاضرين يا كيكي عشان خاطرك بس
العمدة شرب العرقي حتي كل متنه واصابه بالشلل التام
منزله بالقرب من النيل
وكان ناس عبدالروؤف ومرقة وكديس وود العطا يتناولون العرقي عند النيل تحت (القيف ) الذي كان عاليا
وكانو قد مرو بجوار منزل العمدة الذي كان يراقبهم
وفجاة عاوده الحنين وقرر ان يذهب اليهم حبوا
فقطع كل المسافة حبوا وعندما قارب القيف سقط من فوق القيف في مكان قعدة السكرجية
هرب الجميع وصرخوا واي واي الشيطان جانا
وهنا صاح العمدة تعالو يا اولادي انا ما شيطان
انا عمكم العمدة ادوني معاكم كاس
|
Post: #14
Title: Re: اديني بقة يا مرايس القصائد....!!!
Author: ibrahim kojan
Date: 05-17-2009, 07:45 PM
Parent: #13
هق
هق
انتو الجمل دا مالو بيكاكي ؟
(واحد سكران شاف الجداده قايله جمل!)
|
Post: #16
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-17-2009, 09:12 PM
Parent: #14
هلا يا كوجان
وسكرة بتشوف الجدادة جمل دي بالتاكيد فانها سكرة طيري
وعرقيها بكري وحسب اخر احصائية ما بتلقي الا عند (حواء ليمون)
|
Post: #15
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-17-2009, 08:48 PM
Parent: #13
| Quote: انا عمكم العمدة ادوني معاكم كاس |
عمك العمدة بكون مسكتو كاروشة تقيلة
|
Post: #17
Title: Re: اديني بقة يا مرايس القصائد....!!!
Author: د.نجاة محمود
Date: 05-18-2009, 02:04 AM
Parent: #15
| Quote: تقتل طالب نكتل امك |
شنو يسا خلي بطل المظاهرات دي
اسع نجي نحرق ليكم لستك هنا...
كيكي كالعادة بوست في السلك..
|
Post: #18
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-18-2009, 09:01 AM
Parent: #17
هلا يا بيان وشرفتي ساحة قصائد المرايس
وتحياتي ياخي
|
Post: #19
Title: Re: اديني بقة يا مرايس القصائد....!!!
Author: ALZOLZATOO
Date: 05-18-2009, 12:01 PM
Parent: #18
ياكيكي قصائدك في السلك بس تطمم البطن
اها واحد من ناسك ديل اسمو محمد بعدين اخوهو جاب ولد سماهو محمد خلال ليلة شعرية قال لي اخوهو انت الولد عايز تسميهو منو اخوهو قال ليهو محمد قال ليهو اكان سميتو على اسمي انا مصاريف السماية كلها علي انا لكن لو سميتو محمد على زول تاني تاكل نارك لوووووول يكه
واحد قريبنا مغترب بتاع ليالي شعرية يوم جه البيت طاشم اها قام رقد بعد ساعة كده قام من السرير وبيحاول بيلبس في الجزمة ومدخل كراعو الشمال في فردة الجزمة ا ليمين وانا بعاين ليهو وعامل نايم
اها لمن الموضوع طول معاهو قال تف دي بلد دي الجزمة ماعايزه تتلبس فيهو لووووول يكه
تحياتي
زاتووووو
|
Post: #20
Title: Re: اديني بقة يا مرايس القصائد....!!!
Author: GamarBoBa
Date: 05-18-2009, 12:50 PM
Parent: #19
Quote: عندما ينضج مشروب الدكاي المصنوع من التمر المسمى DOKON.. و يصير في قوة النبيذ .. يأخذ أول رشفة ثم يقول و هو يغمض عينا : سبحان الخلاق
|
كيكي زي ما حكي ليك ابوجهينه برضو ده من عندينا
اتنين قاعدين بلططوا في الرملة ووقفوا لمبة...واحد منهم ما قدر يمشي قام ولده عتله في ضهره والتاني الكان معاه ما عندي وجيع كان بحبي في الواطه عشان يصل
الشايلنه في الكتف فوق قال لصحبه البحبي ياخي ما قلنا ليك أشرب قدرك ..مشي ما قادر تمشي.
تاني في السعودية ايام الرسيفرات القديمة
بتكون الاذاعة السودانية شغالة والصورة صورة تلفزيون السودان
عمك جا من برة الجمعية شالع واقف ككو
عاين للتلفزيون لقي زيدان بغني بدا يدندن معاه
بعد شوية ركز في الصورة لقي متولي الشعرواي لامي الناس حوله
قال ليهم يا جماعة الزول ده بقي يغني لزيدان من متين
|
Post: #25
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-18-2009, 03:38 PM
Parent: #20
| Quote: الشايلنه في الكتف فوق قال لصحبه البحبي ياخي ما قلنا ليك أشرب قدرك ..مشي ما قادر تمشي |
هلا يا قمر بوبا ومشتاقين ياخي
وحتي في انقاذ السكاري هناك ازمة في توزيع السلطة والثروة ..
وبالله شفت الشايلنو في الكتف ده لديح كيف ههههه
تعرف لو كان شاربين بنقو
كان البحبا حيقول لبتاع الكتف
ديششششك بقيت تطير يا عمك ولاشنو ههه
|
Post: #21
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-18-2009, 01:36 PM
Parent: #19
| Quote: اها لمن الموضوع طول معاهو قال تف دي بلد دي الجزمة ماعايزه تتلبس فيهو لووووول يكه |
هههه
هلا يا زاااتو..
دي زي حكاية ياعيش ماتدفر
اللاطش دائما حجتو قريبة خلاص
|
Post: #22
Title: Re: اديني بقة يا مرايس القصائد....!!!
Author: احمد التجانى احمد
Date: 05-18-2009, 02:34 PM
Parent: #21
| Quote: كيكي كالعادة بوست في السلك.. |
يا دكتورة شفت نوع الكلام دة الخلى الزول دة ينداح وياخد راحته فينا بالطريقة دى
يا اخى ارسيت ورسخت ثقافة المرايس والكنابى والاندايات فى هذا المكان
يعنى مثلا ناس زينا كدة لايعرفون مدلولات هذه الثقافة ولغتها وادواتها يعملوا
شنو لما يلقوا المنبر كلو بقى ناس حليمة جربكس وحاجة بنتو وماكردة
و ود اللادو نقعد مسطحين ولا نعمل شنو
|
Post: #23
Title: Re: اديني بقة يا مرايس القصائد....!!!
Author: khaleel
Date: 05-18-2009, 02:38 PM
Parent: #22
Quote: يعنى مثلا ناس زينا كدة لايعرفون مدلولات هذه الثقافة ولغتها وادواتها يعملوا
شنو لما يلقوا المنبر كلو بقى ناس حليمة جربكس وحاجة بنتو وماكردة
|
والله يا احمد التجاني
ما عارف كيكي بجيب اسماء الاسبيرات دي من وين
قال جبارة الله قال
|
Post: #24
Title: Re: اديني بقة يا مرايس القصائد....!!!
Author: khaleel
Date: 05-18-2009, 03:35 PM
Parent: #23
عثمان الدكتور وود العمدة استاذ الثانوي
يشربان العرقي ملح عند الست (مجدة)
المقابل ان يقوم عثمان بتدريس بنت مجدة الاحياء وود العمدة الرياضيات
ودا اجمل عرقي ملح اشوفو
|
Post: #31
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-19-2009, 08:38 PM
Parent: #24
Quote: المقابل ان يقوم عثمان بتدريس بنت مجدة الاحياء وود العمدة الرياضيات
ودا اجمل عرقي ملح اشوفو |
دي يا خلي
اتفاقية الراس مقابل الكراس
|
Post: #26
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-18-2009, 03:41 PM
Parent: #22
Quote: يعنى مثلا ناس زينا كدة لايعرفون مدلولات هذه الثقافة ولغتها وادواتها يعملوا
شنو لما يلقوا المنبر كلو بقى ناس حليمة جربكس وحاجة بنتو وماكردة
و ود اللادو نقعد مسطحين ولا نعمل شنو |
ههههه
خلااااص يا بول سلامة هههه
يا ابو صلعة لولا مجانية التعليم يا صحبي كنا انا وانت شيوخ اندايات كبار في تخوم بلاد السودان
ههه
|
Post: #27
Title: Re: اديني بقة يا مرايس القصائد....!!!
Author: ابو جهينة
Date: 05-18-2009, 09:01 PM
Parent: #26
عبد الكريم
سلام تاني
عمنا أبو السيد كل يوم يمشي الإنداية و يشرب لامن يقيف لط
يجي في شارع بيتهم من بدايتو يكتب إسمو بالبول ( طبعا المريسة بتخلي الكلية تشتغل برضو لط )
و بعد داك يسلم على جاره إبراهيم المسطول القاعد قدام بيتو في الكرسي و يدخل يديها نومة
يوم أبو السيد كعادنو كل يوم جا سكران لط و كتب إسمو ...
ثم نادى على إبراهيم المسطول و قال ليهو : إبراهيم .. عليك الله تعال أكتب باقي إسمي عشان بولي كِمِل ..
فقال له إبراهيم : أنا خطي بطال
***
تصدق عمنا أبو السيد لفترة طويلة كان زعلان من إبراهيم عشان ما جاملو في المقال اليومي
( وجه مكفهر من سوء الخط )
|
Post: #28
Title: Re: اديني بقة يا مرايس القصائد....!!!
Author: حبيب نورة
Date: 05-18-2009, 10:01 PM
Parent: #27
جميل يا جميل
يديك العافية
|
Post: #29
Title: Re: اديني بقة يا مرايس القصائد....!!!
Author: الحاج حمد الحاج
Date: 05-18-2009, 10:56 PM
Parent: #28
عبد الكريم
بوست رهيب متابعين و مستمتعين بس ما يجي واحد يقع جنبنا...
القمر بوبا
Quote: تاني في السعودية ايام الرسيفرات القديمة
بتكون الاذاعة السودانية شغالة والصورة صورة تلفزيون السودان
عمك جا من برة الجمعية شالع واقف ككو
عاين للتلفزيون لقي زيدان بغني بدا يدندن معاه
بعد شوية ركز في الصورة لقي متولي الشعرواي لامي الناس حوله
قال ليهم يا جماعة الزول ده بقي يغني لزيدان من متين |
قوييييييية
|
Post: #30
Title: Re: اديني بقة يا مرايس القصائد....!!!
Author: Tabaldina
Date: 05-19-2009, 08:04 AM
Parent: #29
..
.
والله قلت اجى اخد بقة مريسه
يمين يا كيكى
عاد بيكـ الحنين واشتقت ليك
لعابر الا العنوان دا ما جاى من فراغ
_________
اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!!
|
Post: #35
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 08:39 AM
Parent: #30
Quote: اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!! |
ههههه
لذيذة ومواكبة
يا تبلدينا فعلا عاد بينا الحنين والاشواق للمشك ...
فيا اهل الداخل هل من بقة هل..؟؟
حتي ولو اتتشمانت في الاميل بتاع الياهو هههه
|
Post: #34
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 08:36 AM
Parent: #29
| Quote: بوست رهيب متابعين و مستمتعين بس ما يجي واحد يقع جنبنا... |
هلا ياحاج حمد
وحالتو لسع ما لقينا يدنا للعبابير في البوست ده
فعشان كده بننصح الناس الراس خفيف يعملو ساتر هههه
|
Post: #33
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 08:34 AM
Parent: #28
Quote: جميل يا جميل
يديك العافية |
هلا يا حبيب نورة وانت دوما هو الاجمل ياخي
وياريت نلقي مساحة وزمن عشان نفرفر اوراق قصائد المرايس دي
|
Post: #32
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 08:29 AM
Parent: #27
Quote: تصدق عمنا أبو السيد لفترة طويلة كان زعلان من إبراهيم عشان ما جاملو في المقال اليومي
( وجه مكفهر من سوء الخط ) |
هههههه
والخوف القلم يبقي كوبية ههههه
مبروك الماجستير يا ريس وعقبال الدكتوراة ياخي
|
Post: #36
Title: Re: اديني بقة يا مرايس القصائد....!!!
Author: Siham Elmugammar
Date: 05-20-2009, 09:03 AM
Parent: #32
Quote: (يعنى مثلا ناس زينا كدة لايعرفون مدلولات هذه الثقافة ولغتها وادواتها يعملوا
شنو لما يلقوا المنبر كلو بقى ناس حليمة جربكس وحاجة بنتو وماكردة)
والله يا احمد التجاني
ما عارف كيكي بجيب اسماء الاسبيرات دي من وين
قال جبارة الله قال |
يا خليل ضحكت حتى بانت بقية سنيناتى
سلام يا كيكى
واحد قريبنا صلااااااى لكن بيشرب كل يوم
قالو بيكون راجى متين العشاء يأذن
يقوم سريع يختفو
واول ما يقعد للشراب
يقول اللهم لا كفر و لا فسوق :)
|
Post: #37
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 09:46 AM
Parent: #36
Quote: واول ما يقعد للشراب
يقول اللهم لا كفر و لا فسوق :) |
ياخ الشعب ده فعلا شعب اسطي ياااااخي
|
Post: #38
Title: Re: اديني بقة يا مرايس القصائد....!!!
Author: abuguta
Date: 05-20-2009, 09:52 AM
Parent: #36
اتنين بقاقيين مريسة من عرب بلدنا,,,وبقهم كله يومين فى الاسبوع يعنى يوم الانبراجة هو يوم سوق المنطقة
كانو شايلين لهيم جدادة عشان يبيعوها ويمشو بيها الانداية لان الدنيا درت مو مسور
باعو الجدادة لكن ثمنها ما بتم حق البق ,,وفى اثنا ءبحثهم لاخو بنات قابلهم شحاد قال ليهم كرامة لله
نط احدهم قال ليه اديه ثمن الجدادة ونحن,,قال ليه نح الله كريم,ممكن الزول دا يطلع نبى الله الخضر ,
,اها تابعو لفهم فى سوق الله اكبر
لم يجدو شىء عندهم قربيهم جزار مشو ادينو منه كيلو لحم,,وقالو يمشو يدينو من ست الاندية ما دام مى طالباهم
وعند دخولهم حوش الانداية لقو شحادهم خاتىا صفيحة مرايس كاملة قدامو,,,شب الخر قال ليه ااازول شووووف خضرك؟؟؟؟؟
لكن ما مرت عليك حكوة بت الكلب القضارف ام مريسة موية
عموما واصل بققك ما دام مرقى
اطربنا من ادب المرايس
|
Post: #39
Title: Re: اديني بقة يا مرايس القصائد....!!!
Author: عبدالكريم الامين احمد
Date: 05-20-2009, 10:15 AM
Parent: #38
| Quote: قال ليه ااازول شووووف خضرك؟؟؟؟؟ |
هههههههههههه
هلا يا ابوقوتة والخضر شفت شديد ياخي هههه
وحكاية القضارف دي بالله شوتها لينا هنا وتطرشني والله مع حبي للقضارف...
تعرف يا ابو قوتة
زمااان واحنا صغار كده كان عندنا تور عجيب كده وبعدين قرب يفطس وناس البيت خافو من لحمو
اها قمنا انا وود خالي ضبحناه قبل ان يموت فطيس وقلنا نمشي بالدس نبيعو في الاندايات ...
اها شلنا اللحمة ومشينا كومناها ونحن عاملين اجرااات امنية مشددة عشان ما يشوفنا زول شمشامي ويجيب لينا هواء ساااكت...
اها فجاة كده جاء زول كان نازل في الخلوة بتاعتنا وعامل اشاعة انو فكي وصلااااااي خلاص.. جاء المنطقة دي وهو راكب كارو
وعملنا منو ساتر وهو سريع سريع انقطع في اقرب انداية...
انا قلت لقريبي الفكي ده بكون جااي يبيع عروقو دي لستات الاندايات ديل,,,
اها بعد كملنا لحمتنا (السمي فطيس) ومشينا نكشف نشوف الحاصل شنو
لقينا زولنا خاتي ليهو جردل كبيرررررر وبقول في دوبيت كمان
وعيونو حمر خلااص ههههههه
بالجد ورغم قروش البيعة التي كانت ما بطالة
الا اننا دبرسنا دبرسة شديد ياخي للفكي الذي وجدناه في الانداية وهو حاضن جردل ليهو ضل
هههه
|
|