Post: #1
Title: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 01:15 AM
Parent: #0
صديقي النصف مسخوط في جلسة سمر تجاذبنا فيها أطراف
الحديث عن التناول الشرقي البحت للعلاقات الزوجية
في أطارها السوداني...
لحدي هنا نحن كويسين!!
ولكن عندما سألني فجأةً
وانت مع أسرتك في البيت
يوم من الأيام حسيت بي العلاقة الزوجية بين أمك ووالدك ؟؟
بمعني!!
يعني هل حصلت ألتمست أشياء تدل علي أنو في تهيئ لخلوة
أو صنع جو رومانسي بيوحي أنو ستحدث العلاقة في هذه الليلة بالذات!!
....!!!
حاولت أن أجد أجابة لسؤاله
وانا أتخندق بحيائي من الخوض في مثل هذه المواضيع الشائكة
فأردف منفعلاً :
ياخي انا أمي كانت ساهي لو عايزة (تولع حفرة الدخان ) ليلة خميس
كانت بتتحجج بي الدخان كوسيلة للعلاج!
تقول ليك يا ولدي الرطوبة !!!!
وواحدة تانية تقول ليك:
يا ود أمي مالي بقعد مبشتنة هسة لو جاتني مرقة في الحلة ساهي
الناس يشيلوا حالي!!!
لكن عمرها ما بتعترف أنها بتتدخن عشان زوجها!!!
قلت ليه والله أنا عمري ما فكرت في الكلام دة من الزاوية دي
لكن فعلاً هو واقع معاش!!
قال لي حاجة حيرتني أكتر!!
قال لي أنا الوالدة ربنا يديها الصحة
كانت لمأ أبوي يكون ما بايت في الشغل
مخصوص بتلبس جلابيتها القديمة البتعوس بيها الكسرة
لحدي ما ننوم نحن
الصباح وانا طالع للشغل
بلقاها لابسة جلابيتها الحرير الجابتها ليها خالتي من الكويت!
يعني بحس أنها بتحاول أنكار هذا الشئ مع أنو من حقها
يعني لولبست الفستان الأحمر دة
وولعت ليها لمبة سهارة
فينا زول بقول ليها عملتي كدة ليه !!؟؟؟
ـــــــ
حاولت أن أكون محايداً وأنا أنقل نص الحوار من الذاكرة
ودة طبعاً بعد موافقة صديقي هذا علي ذلك
كرهان بيننا !!!!
والآن نتسائل مرة أخري!
جهل السودانيات بتقنية الفستان الأحمر جهلُ أم حياء ؟؟!
|
Post: #2
Title: Re: جهل السودانيات بتقنية الفستان الأحمر جهلُ أم حياء؟
Author: عبد الناصر الخطيب
Date: 05-16-2009, 05:32 AM
Parent: #1
حبيب نورة
صباحك زين
------------------------------------------------------------
Quote:
جهل السودانيات بتقنية الفستان الأحمر جهلُ أم حياء ؟؟! |
بالعكس فهم عالى للالوان وما يتناسب مع لون البشرة السمراء في الغالب الاعم
فانت هنا تتكلم عن تقنيات أصحاب البشرة البيضاء
إذا لاجهل ولا حياء فهم ومتقدم كمان 
صحي اليومين ديل البورد ده مالو من موجت السراير ديك .... ماكسب خير
تقديري
|
Post: #3
Title: Re: جهل السودانيات بتقنية الفستان الأحمر جهلُ أم حياء؟
Author: معتز تروتسكى
Date: 05-16-2009, 12:00 PM
Parent: #2
حبيبو سلامات وعوافي ود امي...
وابن العم عبد الناصر ...
اخباركم...
| Quote: صحي اليومين ديل البورد ده مالو من موجت السراير ديك .... ماكسب خير |
بس ياهو انا عشان افهم الحاصل سنو قعدته لمن قلبي وجعنى..
الواحد يغيب ويجي كل مرة يلقى المنبر بي وش لكن الدور ده شيتا من الصُره وتحت...
انا ده لو هين صادفنى بوست للاستاذ حيدر قاسم بتاع الانتصاب داك طليت عليهو سريع تعرف لاحظت بالرغم من ثقتى الكامله في استاذ حيدر وطرحو انو البوست اصلو ما من يكون خرمة وبطريقة علمية ، وفعلا كما توقعت بس ولا امرأة ساي بالغلط ما جات شاركت ..
يعنى لو قلنا ده بوست سجيمان ولا زولا اخر كان ممن شويه نلقى عذر لكن حيدر قاسم، شيتنا تاني...
يبقى جاني سؤال ليه لمن يكون في موضوع عن الاجهزة التناسلية عن المرأة او كل ما يتعلق بها يازول الناس تتطاقش زي المولد وبوست حيدر قاسم داك بقى عامل زي جامعة القران الكريم وامدردمان الاسلامية عزابه صرررر...
غايتو انا استنارة زي دي ما بتفع معاي اتبلبته تعوم طوالى والكلام موجه للنساء بشكل خاص...
المهم كلامى ده ماعايز زول يحملو اي تحميل او تؤيل اخر انا مافى الكلام اقصده بل وضوح...
دي نرجع تاني نخستك ، انتو ياشباب في بوست حيدر داك لقيتو نفسكم وين وماتقول عبد الناصر متزوج واخونا ده برضو متزوج عُرفي...
التحايا النواضر...
|
Post: #4
Title: Re: جهل السودانيات بتقنية الفستان الأحمر جهلُ أم حياء؟
Author: عبد الناصر الخطيب
Date: 05-16-2009, 12:16 PM
Parent: #3
دكتور / معتز
كتير السلام والتحايا
ومالك قاطع أخبارك
من زمن الرجعة للسودان والشغل بره الخرطوم ومن ديك
شكلك اتشغلته وأنا أتشغلته
لكين ملحوقة
بوست حيدر مشيت على بس يتقال في شنو ؟؟؟
بوست حبيب نورة ممكن تدي في وجهة نظر الارتباط الحاصل بين اللون ( الاحمر ) والعلاقة الخاصة
مسألة ذوقية وليست غريزية يعني ما لازم يكون في لون أحمر يجيب التور جاري /B]
قبل الالوان يتجيبو حاجات تانية
التقنيات الاخري المذكورة من رواية ( النصف مسخوت ) زي (تولع حفرة الدخان )
للاسف الشديد والشديد كميات ... شهراً مالى في نفقة عشان كدة ما عادي أياموا
- البوست الهناك نخلى للتنظير _
تقديري ,,,
|
Post: #5
Title: Re: جهل السودانيات بتقنية الفستان الأحمر جهلُ أم حياء؟
Author: عوض محمد احمد
Date: 05-16-2009, 01:36 PM
Parent: #4
تسلم يا تروتا
|
Post: #6
Title: Re: جهل السودانيات بتقنية الفستان الأحمر جهلُ أم حياء؟
Author: معتز تروتسكى
Date: 05-16-2009, 02:10 PM
Parent: #5
دكتورنا الجميل عوض
تسلم انت يابا
ود الخطيب وحبيبو بجيكم لاحقا..
اصلو حبيب نورا ده زي الخفاش بظهر بالليل..
نبقى نحن لى جنس الحالة دي؟!؟
ياشبابو من استطاع منكم الباءة فليتزوج، ومن لم يستطع فعليه بالصوم...
اولا اقعوا البحر...
|
Post: #10
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 07:18 PM
Parent: #5
عوض محمد أحمد
تسلم يا عمك
تشكرون
|
Post: #11
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 07:24 PM
Parent: #4
عبد الناصر
كلاكيت لتاني مرة
Quote:
قبل الالوان يتجيبو حاجات تانية
التقنيات الاخري المذكورة من رواية ( النصف مسخوت ) زي (تولع حفرة الدخان )
للاسف الشديد والشديد كميات ... شهراً مالى في نفقة عشان كدة ما عادي أياموا
|
كدة جبت التور من ديلو
زي ما بقولوا أهلنا المصريين
المتبني الايام ديل ثقافتهم
|
Post: #9
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 07:09 PM
Parent: #3
تروتسكي القبيح
قبل ما أرد عليك
بقول ليك حليل العشرة الما قدر عشانا
نسانا حبيبنا الما منظور ينسانا
ـــ
وبالنسبة لي مداخلاتك
اول حاجة انا كنت متحفظ شوية من تنزيل البوست دة
لكن في النهاية رضخت لي عناد صديقي
بعد ما قال لي مش بتقولوا منبر حر!!
انا أتحفظت عشان أنفلونزا السرير
المنتشرة اليومين ديل في البورد
Quote: الواحد يغيب ويجي كل مرة يلقى المنبر بي وش لكن الدور ده شيتا من الصُره وتحت...
انا ده لو هين صادفنى بوست للاستاذ حيدر قاسم بتاع الانتصاب داك طليت عليهو سريع |
وأحب أقول ليك حاجة
انا يمكن بتستهويني العناوين البراقة الجاذبة
لكن في مجالي الأدبي فقط!!
عارف انا بعمل في شنو و بهبب شنو!
| Quote: والكلام موجه للنساء بشكل خاص |
الكلام موجه للجميع!!
ـــ
ويا كريه عايزك في مسينجر
أو رسل لي حاجة!!!
|
Post: #8
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 06:58 PM
Parent: #2
عبد الناصر الخطيب
تحية طيبة
Quote: بالعكس فهم عالى للالوان وما يتناسب مع لون البشرة السمراء في الغالب الاعم
فانت هنا تتكلم عن تقنيات أصحاب البشرة البيضاء
إذا لاجهل ولا حياء فهم ومتقدم كمان
|
بالنسبة للجزئية دي
نحن رمزنا بي الفستان الأحمر
لي دلالتو التي لا تخفي عليك
س حمراء
راية حمراء
وكدة
عموماً تسلم والله
شكرن كتيرن!
|
Post: #14
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-18-2009, 09:03 PM
Parent: #2
فوق
|
Post: #7
Title: Re: جهل السودانيات بتقنية الفستان الأحمر جهلُ أم حياء؟
Author: باسط المكي
Date: 05-16-2009, 06:32 PM
Parent: #1
Quote: يعني لولبست الفستان الأحمر دة
وولعت ليها لمبة سهارة
فينا زول بقول ليها عملتي كدة ليه !!؟؟؟
|
حبيب نورة
تحياتي ..ياخي الموضوع كبير وعايز نفاش
المشكلة انو نحن كشعب سوداني ..بنمارس عادت جلد الذات .
ومابنعبر عن حاجتنا بصورة مباشرة
حتي ولو اتمنيت شي تتمني بالدس
وربجع ليك
|
Post: #12
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-16-2009, 07:31 PM
باسط المكي
عارف بالنسبة للكلام دة
Quote: المشكلة انو نحن كشعب سوداني ..بنمارس عادت جلد الذات .
ومابنعبر عن حاجتنا بصورة مباشرة
حتي ولو اتمنيت شي تتمني بالدس |
في الحتة دي أنت بتتواطأ فكرياً مع صديقي هذا
وشايفك أتخندقت معاه في فهم واحد
وانا من وجهة نظري شايفوا كلام مقبول منطقياً
ودي حقيقة مهما دفنا صدقنا في الرمال
لكن مصير الحقيقة تبين
شكرن كتيرن!
|
Post: #13
Title: Re: جهل السودانيات بتقنية الفستان الأحمر جهلُ أم حياء؟
Author: حبيب نورة
Date: 05-17-2009, 10:05 PM
Parent: #1
وماذال السؤال مطروحا!
|
|