Post: #2
Title: Re: يا أخوانا قصة عثمان الريح دي شنو ؟؟؟
Author: حنين للبلد
Date: 05-14-2009, 09:00 PM
Parent: #1
لو فهمت...فهمنا
|
Post: #3
Title: Re: يا أخوانا قصة عثمان الريح دي شنو ؟؟؟
Author: Ahmed musa
Date: 05-14-2009, 09:03 PM
Parent: #2
لو فهمت كنت فتحت بوست يا حنين ؟؟!!
عموماً شكراً لمحاولات المساعدة ...
|
Post: #4
Title: Re: يا أخوانا قصة عثمان الريح دي شنو ؟؟؟
Author: مزمل خيرى
Date: 05-14-2009, 09:09 PM
Parent: #3
احمد
ربنا يلزمنا الصبر بس .!!
|
Post: #10
Title: Re: يا أخوانا قصة عثمان الريح دي شنو ؟؟؟
Author: Ahmed musa
Date: 05-16-2009, 08:59 PM
Parent: #4
Quote: احمد
ربنا يلزمنا الصبر بس .!! |
والله يا عمك دي كلها حركات أوباما ... قصة تعمل حملة بالنت دي شكلها مشت في ناس كتار
لكن أوباما داك خش الفيس بوك والفيس حمّال أسية المشكلة في سودانزنا دي ما بتتحمل
تبقى عليها الباندويث والهكر وعثمان الريح ؟؟؟!!!!
|
Post: #5
Title: Re: يا أخوانا قصة عثمان الريح دي شنو ؟؟؟
Author: Mushal Allam
Date: 05-14-2009, 09:16 PM
Parent: #2
دي اكبر ماسوره اتكسرت في المنبر ده
والله الهكر كان ارحم وعندو دم
لكن عمك ده دموا بقري
بلغنا ناس الهيئه القوميه للمياه عشان يصلحوا العطل
وآهو منتظرين
بكره اذا اصبحت الصباح ولقيت المنبر غرقان بي بوستاتوا ما تستغرب
وما تتعجب اذا لقيتو بعد شويه جوه بوستك ده زاتو
بي فرمالاتو زي:
Quote: الاخوة اعضاء المنبر
أشتقت لكم
آخر اخبار مسلسل المضايقات التى تنسف اهم مبادىء التحول الديمقراطى ، فبرغم من تحقق بعض الانتصارات فى اماكن معينة الا ان مسلسل المؤامرات لا ينتهى وذلك يرجع لوجود فئات لا تستوعب معنى التحول الديمقراطى والتداول السلمى للسلطة ، بل ان البعض يظن ان دولة السودان اصبحت ملكه خصوصا بعدما تم تركيع غالبية السياسين اما بسطوة المال واما بأختراق بعض الاحزاب وتفتيتها واما لعامل السن حيث ان اغلب السياسين قد استكانوا وذلك يرجع لعامل السن واما بأفقار البعض واما بالهيمنة والسيطرة على مفاصل الدولة وامتلاك عصب الحياة الا وهو المال وذلك بتحويل البنية التحتية لشركات خاصة يمتلك الحزب الحاكم غالبية اسهمها .ولكن اطمئنكم ان زوال هذا الحكم قد ازف ، كل الذى يحتاج له هذا النظام نفس طويل وشباب وسياسة مدروسة ونهج علمى للسياسة الحديثة غير الموجودة حاليا حيث ان اغلب الاحزاب الموجودة لم تتطور لتواكب التطور من حولها .
اما الانتصارات فلقد قامت الهيئة القومية للأتصالات بأرجاع اللينك والمواقع بالفيس بوك ، ولكنها عادت وحظرت البوست وذلك يرجع لوجود بعض من عناصر حزب المؤتمر الشعبى الذين قاموا بالترويج لبعض الجروبات الداعمة للجنايات الدولية .
الانتصار الثانى ، عندما علمت بعض الجهات الخطوات التى اتخذتها بخصوص قطع المياه بمنزلى وتأكيد احد المهندسين والعامل الذى قام بالحفر وتبين انه لايوجد مايسد وصول المياه ، ثم من بعد ذلك رجوع المياه خلسة فى يوم العطلة ( السبت ) ، مما ينفى احتمال انسداد البلف الموصل ، حيث لا يمكن ان يفتح دون تدخل من الفنيين مما يعنى ان الذى قام بقفله قام خلسة بفتحه ، ثانيا ومما يؤكد وجود فعل كيدى هو كذب المهندس المسؤل الذى تزامن سفره للقاهرة مع هذا العمل ، وكذبه بتبريره ان العطل سببه انفجار فى شبكة المياه ببحرى ، هل الانفجار يقوم بقطع المياه من بيت واحد ؟؟؟؟؟؟؟؟
=====================================================
PLEASE JOIN THIS GROUP
الرجاء الانضمام لهذه المجموعة
http://www.facebook.com/group.php?gid=35341701967&ref=mf
Also please visit this websites
http://www.ajrasalhurriya.net/ar/news_view_2030.html
http://www.sudaneseinus.com/forums/showthread.php?t=388
http://www.tagged.com/profile.html
دعوة للمناظرة بين د/ عثمان الريح والرئيس عمر البشير وباقى مرشحى الرئاسة
========================================================
ايضا مواصلة مسلسل المضايقات الآن وهو تأكيد شركة كنار من ان هيئة التصالات تقوم بفلترة بعض المواقع مما يسبب بطأ فى سرعتها ، حيث اننى قد لاحظت ان خدمة الانترنت اصبحت فى ثقيلة جدا خصوصا لبعض المواقع التى تشكل منافسة للحزب الحاكم ، مما جعلنى اتأكد من ذلك بتوصيل جهاز لاب توب وهو يعمل بسرعة جيدة .
ملحوظة :
شركة كنار تؤكد ان هذا ليس بيدها ولكنه بيد هيئة الاتصالات . |
انا ماعارف المشتاق ليهو منو
الحمدلله بس
|
Post: #6
Title: Re: يا أخوانا قصة عثمان الريح دي شنو ؟؟؟
Author: عبد اللطيف بكري أحمد
Date: 05-14-2009, 09:25 PM
Parent: #5
دا شرح عملي للمثل البقول : شال أصبعو وطبظ بيهو عينو!!
دا شرح وافي لكيفية التحمل والصبر على المكاره،،
دا يا أحمد إمتحان من الله ، بس الصبر،،
|
Post: #7
Title: Re: يا أخوانا قصة عثمان الريح دي شنو ؟؟؟
Author: Mohamed Foto7li
Date: 05-14-2009, 10:21 PM
Parent: #6
الصبر
|
Post: #8
Title: Re: يا أخوانا قصة عثمان الريح دي شنو ؟؟؟
Author: سمير شيخ ادريس
Date: 05-15-2009, 00:27 AM
Parent: #7
الأخ د. عثمان الريح
تحية طيبة
أحترم قرار ترشيحك للرئاسة وحقك فى تقديم نفسك لناخبيك وأحيى فيك روح الديمقراطية التى تبشر بها لكنك للاسف كنت أول من سقط فى امتحان الديمقراطية عندما لم تستجب لنداءات وتوسلات غالبية أعضاء المنبر بأن ترحمهم طلتك حتى أن البعض شكى لك من المعاناة من المرض غير أنك لم تستجب .
مرفق لك ما قمت بحصره من ردود واجابات بعض القراء حول بوستاتك وهو ما كان يجب أن يقوم به فريق عملك التابع لمكتبك السياسى أو الاعلامى ليوضح لك صدى حملاتك ومدى قبول الناخبين لك وها أنا أقوم بهذا العمل نيابة عنهم دون انتظار جزاء منك ..وربما أن زمنك لم يسمح لك بمطالعة جميع البوستات لكنك تجدها أمامك ويقينى أنه اذا لديك ذرة من الاحساس بعد قراءتها لغادرت فورا دون رجعة .. وقد قمت بتقسيم مجمل الردود التى قيلت لك لثلاثة أقسام هى :-
1/ ردود الذين فقعت مرارتهم وفشفاشهم وهم (حنين للبلد- مزمل خيرى – سارة على – نادر ابوكدوك ) ويقينى أن خللا ما أصاب صحتهم النفسية الآن من شدة المرارة والوجع الملاحظ فى كلماتهم وهم شباب كانو كالورود والنسيم يتراوحون فى فضاء المنبر وسوف يسالك الله عنهم .
2/ ردود من تنفسوا الصعداء بعد ان أعلنت رحيلك عن المنبر وما لهجت به السنتهم من شكر لله لمفارقة طلتك البهية .. وصدمتهم الكبيرة عند اكتشافهم أن رحيلك لم يكن الا لساعات وعدت اكثر فتكا وضراوة .
3/ ردود الساخرين من برنامجك ومنك بعد ان تاكد لهم أن ما تفعله سلوك غير جاد وغير مسئول ولا يمكن أخذه الا بمحمل الهزء والسخرية.
(كما سأمدك بأجمل التعليقات وأطرفها )
أولا: ردود الذين فقعت مرارتهم وفشفاشهم :-1/
حنين للبلد :-
- حسبى الله ونعم الوكيل .. شكيتك للأقوى منك ومنى .. يا ريس حرام عليك .. والله بكيتنا بدموعنا
- ما ممكن كتمة النفس دى .. اتخنقنا جد .. ما ممكن اصدق انه دة طرح جادى لمرشح رئاسى جادى فى بلد جادة
- اللهم لا راد لقضائك .. امتحان عسير.. ربى لا نسألك رد القضاء.. الطف علينا يارب – الله يسامحك يا بكرى ابوبكر
- خلاااااااااااااص فقدنا السوائل ذاتها .. يا ريس الله يهديك ويهدينا .. مش وادعتنا .. الشى شنو
- أحيييييييي يا فشفاشى
- يا جماعة فى زول حاسي بى
( لا أدرى كيف هى صحة حنين الآن لكن يقينى أنها لم تعد تشبه صورة بروفايلها الهاشة المبتسمة ولابد ان وحهها متورما الان من أثر وجع الفشفاش والمرارة وفقع الطحال )
2/ مزمل خيرى :-
- يحلنا منك الحلة بلة يا دكتور .. هريتنا هرى والله .. فى أعضاء عندهم ضغط وسكرى حتسمع واحد اتلحس بسببك .. أرحمنا عليك الله
- عليك الله فكنا والله يا دكتور انت بقيت لينا فى العزيزة
- الليلة الجمعة ودة يوم راحة ريحنا عليك الله وريح الاعضاء اليوم دة بس.. تعال لينا يوم الاحد .. الله لا جاب يوم عقابك
- ياخى انت زول مؤلم جدا
- والله انت الا تترشح ريس مركب فى النيل
- جانى احساس انه الزول دة مخبول ما عارف ليه
3/سارة على :-
Quote: - الزول دة فتلنا نفسيا .. انا متاكدة حتكون فى حالات طلاق حصلت بسببه
- الفضل لى صدمة واحدة بتاعت هارت اتاك النبى فيك لو ما جبتها لى ومشيت وااااااااااااااااى
- ما غلطتك لكن غلطة بكرى الشكله عاجباه اللياقة دى
- وكمان قال شنو ( قود باى) كمان بتكلم لغات ..هزلت |
4/ نادر أبوكدوك :-
| Quote: عليك الله يا دكتور أرحمنا.. النبى فيك .. أستحلفك بكل غالى .. عليك الله أرحمنا.. أرحمنا .. أرحمنا .. أرحمنا |
( ورغم أن نداء نادر كان وحيدا لكن يستشف منه حجم الوجع والمعاناة التى صدرت منها هذه الآهات)
|
Post: #9
Title: Re: يا أخوانا قصة عثمان الريح دي شنو ؟؟؟
Author: Ahmed musa
Date: 05-15-2009, 07:39 PM
Parent: #8
انا الليل كلوا بفكر ... إنو الريس ده ما حافظ على الباندويث حيحافظ على وحدة السودان كيف ؟؟؟!!!
ثُم ثانياً نحن زي في إتفاق بيننا والريس السابق (عمر) إنو نخلي ليه التلفزيون ويخلي لينا النت
أها عمنا ده بداها لينا من مضايقة نت ... ربك يستر
|
Post: #11
Title: Re: يا أخوانا قصة عثمان الريح دي شنو ؟؟؟
Author: Ahmed musa
Date: 05-17-2009, 07:54 PM
Parent: #5
Quote: دي اكبر ماسوره اتكسرت في المنبر ده
والله الهكر كان ارحم وعندو دم
|
اخوي mushal والله أنا وصلت مرحلة قربت أمشي للجماعة بتاعين الإنتخابات دي وأعمل ليهم إقرار مشفوع باليمين إني أديت صوتي للدكتور عشان نخلص ... بعدين الهكر أهو قصتو معروفة وحدودو واضحة لكن الريس ده غايتو ربك يستر
|
Post: #12
Title: Re: يا أخوانا قصة عثمان الريح دي شنو ؟؟؟
Author: Anwar Ahmed
Date: 05-17-2009, 08:37 PM
Parent: #11
هنالك مخطط واضح ومكشوف
الزول ده مابفككم كان ماقلتوا
.............ووووووووب ووووووووب ووووووووب................
.............الأنقاذ أفضل لينا.............................
أفهموها بقا
|
Post: #13
Title: Re: يا أخوانا قصة عثمان الريح دي شنو ؟؟؟
Author: Ahmed musa
Date: 05-17-2009, 09:09 PM
Parent: #12
Quote: هنالك مخطط واضح ومكشوف
الزول ده مابفككم كان ماقلتوا
.............ووووووووب ووووووووب ووووووووب................
.............الأنقاذ أفضل لينا.............................
|
.............ووووووووب ووووووووب ووووووووب................
.............الأنقاذ أفضل لينا.............................
.............ووووووووب ووووووووب ووووووووب................
.............الأنقاذ أفضل لينا.............................
.............ووووووووب ووووووووب ووووووووب................
.............الأنقاذ أفضل لينا.............................
اها يا أنوار قصرنا ؟؟؟ يحلنا الحل بلة من القيد والذلة
ووووووووب الثانية والثالثة للتاكيد الشديد
|
|