تحية من د/ عثمان الريح مرشح الرئاسة للفنانين السودانين خصوصا

بسم الله الرحمن الرحيم
اخوة المنتدى
السلام عليكم ورحمة الله وبركاته
تحيات عطرات لكل من دعم مجموعاتى لرئاسة الجمهورية فى موقع الفيس بوك
واخص منهم :
الاستاذ عبد الكريم الكابلى ( سفير النوايا الحسنة )
الاستاذة نانسى عجاج
الاستاذة شروق ابو الناس
الاستاذ سامى المغربى
الاستاذ وليد زاكى الدين

الأخ د. عثمان الريح
تحية طيبة
أحترم قرار ترشيحك للرئاسة وحقك فى تقديم نفسك لناخبيك وأحيى فيك روح الديمقراطية التى تبشر بها لكنك للاسف كنت أول من سقط فى امتحان الديمقراطية عندما لم تستجب لنداءات وتوسلات غالبية أعضاء المنبر بأن ترحمهم طلتك حتى أن البعض شكى لك من المعاناة من المرض غير أنك لم تستجب .
مرفق لك ما قمت بحصره من ردود واجابات بعض القراء حول بوستاتك وهو ما كان يجب أن يقوم به فريق عملك التابع لمكتبك السياسى أو الاعلامى ليوضح لك صدى حملاتك ومدى قبول الناخبين لك وها أنا أقوم بهذا العمل نيابة عنهم دون انتظار جزاء منك ..وربما أن زمنك لم يسمح لك بمطالعة جميع البوستات لكنك تجدها أمامك ويقينى أنه اذا لديك ذرة من الاحساس بعد قراءتها لغادرت فورا دون رجعة .. وقد قمت بتقسيم مجمل الردود التى قيلت لك لثلاثة أقسام هى :-
1/ ردود الذين فقعت مرارتهم وفشفاشهم وهم (حنين للبلد- مزمل خيرى – سارة على – نادر ابوكدوك ) ويقينى أن خللا ما أصاب صحتهم النفسية الآن من شدة المرارة والوجع الملاحظ فى كلماتهم وهم شباب كانو كالورود والنسيم يتراوحون فى فضاء المنبر وسوف يسالك الله عنهم .
2/ ردود من تنفسوا الصعداء بعد ان أعلنت رحيلك عن المنبر وما لهجت به السنتهم من شكر لله لمفارقة طلتك البهية .. وصدمتهم الكبيرة عند اكتشافهم أن رحيلك لم يكن الا لساعات وعدت اكثر فتكا وضراوة .
3/ ردود الساخرين من برنامجك ومنك بعد ان تاكد لهم أن ما تفعله سلوك غير جاد وغير مسئول ولا يمكن أخذه الا بمحمل الهزء والسخرية.
(كما سأمدك بأجمل التعليقات وأطرفها )
أولا: ردود الذين فقعت مرارتهم وفشفاشهم :-

Quote: 1/ حنين للبلد :- - حسبى الله ونعم الوكيل .. شكيتك للأقوى منك ومنى .. يا ريس حرام عليك .. والله بكيتنا بدموعنا - ما ممكن كتمة النفس دى .. اتخنقنا جد .. ما ممكن اصدق انه دة طرح جادى لمرشح رئاسى جادى فى بلد جادة - اللهم لا راد لقضائك .. امتحان عسير.. ربى لا نسألك رد القضاء.. الطف علينا يارب – الله يسامحك يا بكرى ابوبكر - خلاااااااااااااص فقدنا السوائل ذاتها .. يا ريس الله يهديك ويهدينا .. مش وادعتنا .. الشى شنو - أحيييييييي يا فشفاشى - يا جماعة فى زول حاسي بى

( لا أدرى كيف هى صحة حنين الآن لكن يقينى أنها لم تعد تشبه صورة بروفايلها الهاشة المبتسمة ولابد ان وحهها متورما الان من أثر وجع الفشفاش والمرارة وفقع الطحال )

Quote: 2/ مزمل خيرى :- - يحلنا منك الحلة بلة يا دكتور .. هريتنا هرى والله .. فى أعضاء عندهم ضغط وسكرى حتسمع واحد اتلحس بسببك .. أرحمنا عليك الله - عليك الله فكنا والله يا دكتور انت بقيت لينا فى العزيزة - الليلة الجمعة ودة يوم راحة ريحنا عليك الله وريح الاعضاء اليوم دة بس.. تعال لينا يوم الاحد .. الله لا جاب يوم عقابك - ياخى انت زول مؤلم جدا - والله انت الا تترشح ريس مركب فى النيل - جانى احساس انه الزول دة مخبول ما عارف ليه

3/

Quote: سارة على :- - الزول دة فتلنا نفسيا .. انا متاكدة حتكون فى حالات طلاق حصلت بسببه - الفضل لى صدمة واحدة بتاعت هارت اتاك النبى فيك لو ما جبتها لى ومشيت وااااااااااااااااى - ما غلطتك لكن غلطة بكرى الشكله عاجباه اللياقة دى - وكمان قال شنو ( قود باى) كمان بتكلم لغات ..هزلت

4/

Quote: نادر أبوكدوك :- عليك الله يا دكتور أرحمنا.. النبى فيك .. أستحلفك بكل غالى .. عليك الله أرحمنا.. أرحمنا .. أرحمنا .. أرحمنا

(
ورغم أن نداء نادر كان وحيدا لكن يستشف منه حجم الوجع والمعاناة التى صدرت منها هذه الآهات)
ثانيا : ردود ما بعد اعلان قرار الرحيل المرجوع عنه :-

Quote: - قطر عجيب يودى ما يجيب . - الله يوفقه ويبعدنا من نيرانه - ودعوه ياخ نشف جركاناتنا - ودعناك الله سيدى الرئيس قديتنا وفقعت مرارتنا - الحمد ليك يا سيد العباد واقول المنبر بقى نسمة عليلة ليه - البعض أصبح يلهج بالشكر لذهابك - ودع ناس الفيس بوك كمان لانهم برضو تعبوا منك - قشة ما تعتر ليك وهاك ديل حاكسرهم وراك (صورة خمسة قلل) - نحن كفاعدة شعبية وبريدات الكترونية لا نفقد الا عدم رؤياكم الغالية - رجع الوجع - مشى لكن قبل ما يصل جا راجع - ياخ انت قلت مشتت الجابك راجع شنو - هو انت لسة فاعد حيرتوا القراد ذاتو

( ارجو ان تجلس بمفردك جلسة صفاء مع النفس وتتأمل هذه الكلمات بمفردك دون اجهزتك ومستشاريك اللذين يبدو أنهم مضللين وتحكم ضميرك وحسك الانسانى والدينى بكل الآيات التى دعت للرحمة والرأفة بالعباد ثم تقرر ونحن بانتظارك.. والا ساتيك بالمزيد )

ياريس

شكلك بهجه والناس الحلوه من الفنانين فقط هي الداعمة بس طلع منهم وليد زاكي الدين راسه كبير ومفتول العضلات وناشف فى غناه!!

والظاهر اليوم الوطني سيكون فى 14 فبراير..

ياسعادة الرئيس رفقاً بشعبك ,, واترك لهم بعض عقلهم حتى تحكم شعب سوي ومعافا من الخلل الدماغي والنفسي إن قدر لك الفوز ستجد كل شعبك الأعمي يحمل الكسيح باحثا عن طلب اللجوء الإنساني في الشتات بحثا عن الأمن والآمان من الظعيط والمعيط الكلامي .. وااااي يابنكرياسي..

وربنا يجعل كلامنا عليك بااااارد إن حكمت السودان..

http://www.sudaneseonline.com/vb/showthread.php?t=64883

اخوة المنبر الاعزاء

أؤكد لكم اننا سنعمل على اعطاء السودانيين المقيمين خارج السودان الفرصة فى الانتخاب ، ثانيا أؤكد لكم اننى حرصت على المواصلة معكم بنفسى طيلة هذه المدة لثلاثة اسباب ، الاول لأعرفكم على نفسى ليعلم كل سودانى ان كان داخل السودان او خارجه ان هنالك جيل جديد وسياسة علمية جديدة فى السودان .
ثانيا لأعادة ثقة المواطن السودانى فى ساسته ووطنه ولكى احض السياسين فى السودان ان يحترموا عقلية المواطن السودانى وليساعدوه لكى يكون فاعلا وان يشارك فى صنع القرار بدلا من ان يفضل الغربة على الرجوع لوطنه .
ثالثا حرصت على ان ارد بنفسى على اسئلتكم لكى اعبر لكم عن الفكر الذى احمله بين جنبى ولا اظن ان احدا سيوصله بالنيابة عنى ، ولعلمى بلهفة السودانين المغتربين الذين يحلمون بتغيير افضل لواقع بلدهم المرير ، وما يؤكد ذلك انه وبالرغم من طلبى اكثر من مرة من الذين يختلفون معى فى ايدلوجياتى وسياستى فى المنبر ، بالرغم من اننى قلت لهم ان كانت بوستاتى تضايقكم فيمكنكم ان تمروا فيها ولا تفتحوها فهنالك متصفحون غير مشتركين فى المنبر يريدون قراءة البرنامج الانتخابى كما ان هنالك اسئلة ارد عليها ، اجدهم وللهفتهم بشؤون السودان يعودون ويفتحون البوستات دون ان يشعروا بالرغم من ان هنالك عشرات البوستات التى تعاد وقد وصل عدد القراء فيها 57 الف ولكن لأنها لا تحمل معنى التنافس السياسى لم يعترض عليها احد
=======================================================================

اريد ان اعلمكم ان ما نقوم به فى موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين ، لا يمثل كل مجهودنا فى صنع الحملة الاعلامية ، فهو مجرد خلق شعبية فى مواقع الانترنت ، وهنالك من يقوم بعرض البرنامج الانتخابى فى الاقاليم ، للمواطنين الذين لا يتعاملون مع الانترنت ، فلقد بلغ عدد المسجلين لدينا حوالى 722 الف مواطن .
اما عن الحملات الانتخابية الحقيقية فهى لم تبدأ بعد ، وستقوم بمجرد التقديم للترشح وتقديم الناخبين للتزكية .
اما مانقوم به فهو لا مثيل له هنا فى السودان ، فباقى الاحزاب السياسية لا تبذل ربع ما نقوم به من دعاية ، ولا داعى ان نقارن انفسنا مع دول الغرب وامريكا فظروفنا وامكانياتنا تختلف ، كما ان شعبنا يختلف. اما ان كنتم خارج السودان فيجب ان اعلمكم ان التحول الديمقراطى هنا يسير ببطء وما نقوم به يعتبر انجازا ضخما رغم المعوقات التى تضربها الحكومة فهى مسيطرة على الاموال والاعلام ، كما انك لا تسلم من المضايقات التى تنسف كلام الرئيس البشير الذى قال فى حوار صحفى فى صحيفة الصحافة : انه لا توجد مضايقات سياسية ولا توجد بيوت اشباح

Quote: وبالرغم من طلبى اكثر من مرة من الذين يختلفون معى فى ايدلوجياتى وسياستى فى المنبر

ممكن يادكتور تشرح لي ""إيدلوجياتك "" دي شنو بالضبط!!



تحياتي

Quote: تحيات عطرات لكل من دعم مجموعاتى لرئاسة الجمهورية فى موقع الفيس بوك واخص منهم : الاستاذ عبد الكريم الكابلى ( سفير النوايا الحسنة ) الاستاذة نانسى عجاج الاستاذة شروق ابو الناس الاستاذ سامى المغربى الاستاذ وليد زاكى الدين

السيد عثمان الريح
انا نانسي عجاج ، لم انضم لاي مجموعة من مجموعاتك .
ولا اعرفك ولا ادعم توجهاتك.
الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا
وشكراً

Quote: السيد عثمان الريح انا نانسي عجاج ، لم انضم لاي مجموعة من مجموعاتك . ولا اعرفك ولا ادعم توجهاتك. الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا وشكراً

اها دى نانسى ذاااتة جاتك وقالت كدة .!!
يعنى طلعت مرشح كذاب ..!







والله حرام عليك الناس دى فترت .. تعمل معاك شنو ؟؟

Quote: السيد عثمان الريح انا نانسي عجاج ، لم انضم لاي مجموعة من مجموعاتك . ولا اعرفك ولا ادعم توجهاتك. الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا وشكراً

أجي؟

بالغت يا ريس ياخ

!

وكمان بقيت تلطش اسماء الناس وتتاجر بيها
جابت ليها كذب كمان بعد الثقالة وتقل الدم


حقيقى يا دكتور
انت منو ؟ وبتعمل كدة ليه ؟
ولمصلحة منو ؟
وانت جادى فى البتعمل فيه دة ؟
ولا عندك اشكال نفسى؟

كدة كويس في حقك يا الرئيس المستقبلي ..

Quote: السيد عثمان الريح انا نانسي عجاج ، لم انضم لاي مجموعة من مجموعاتك . ولا اعرفك ولا ادعم توجهاتك. الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا وشكراً

تصدق انا من اول قلت يستحيل زولة جميلة زي نانسي عجاج تدعم واحد براي وفتّال زيك ..

التحية ليك يا استاذة نانسي عجاج ..

ويلالا يا دكتور اشطب الزولة دي سريع ..

السيد عثمان الريح
انا نانسي عجاج ، لم انضم لاي مجموعة من مجموعاتك .
ولا اعرفك ولا ادعم توجهاتك.
الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا
وشكراً

ما تجي اقول دي نانسي عجاج تانية وتشابه اسماء زي ما حدث ليك مع الصحيفة ...
يمكن ان يكون هنالك اكثر من عثمان الريح ولكن لا اعتقد ان هنالك اكثر من نانسي عجاج ..


اشطب وبطل كذب وافتراء على الخلق ...



ياخ انت قبل شهر مش قلت مع السلامة ؟؟ الجابك شنو تاني ؟

Quote: تصدق انا من اول قلت يستحيل زولة جميلة زي نانسي عجاج تدعم واحد براي وفتّال زيك ..

يا ريييييييييت من اوووول يوم وريتنا انك ممكن تكوووون حاااااااااقد للدرجة دي يا حيدر يا زين ووييييييينك انت


يا دكترة ود اللمين كيف ؟؟

ياخوانا فتشو لينا صلاح غريبة وين انا والله شاكي انهم شخصية وااااااحده

ود العمدة يا حبيب ..


الزول دا مورم فشفاشنا عديل ياخي ..


بعدين قدر ما اتصلنا الخط شابك حاصل شنو ؟؟

عندك شنو ما تلفونات الدمام دي ..


بالغت لكن ...

Quote: ياخوانا فتشو لينا صلاح غريبة وين انا والله شاكي انهم شخصية وااااااحده

Quote: السيد عثمان الريح انا نانسي عجاج ، لم انضم لاي مجموعة من مجموعاتك . ولا اعرفك ولا ادعم توجهاتك. الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا وشكراً ما تجي اقول دي نانسي عجاج تانية وتشابه اسماء زي ما حدث ليك مع الصحيفة ... يمكن ان يكون هنالك اكثر من عثمان الريح ولكن لا اعتقد ان هنالك اكثر من نانسي عجاج .. اشطب وبطل كذب وافتراء على الخلق ... ياخ انت قبل شهر مش قلت مع السلامة ؟؟ الجابك شنو تاني ؟

هههههههههههههههههههههههههههههههههه حيمورة

تحية طيبة ،

Quote: الاستاذ عبد الكريم الكابلى ( سفير النوايا الحسنة ) الاستاذة نانسى عجاج الاستاذة شروق ابو الناس الاستاذ سامى المغربى الاستاذ وليد زاكى الدين

اعتقد ان هولاء الفنانين ضموك فى الفيس بوك فقط من باب المعرفة العامة او لانهم لا يحبون

ان يخذلو معجبيهم ، و هذا من شيم الفنانيين ، و لكن هذا لا يعنى بشكل من الاشكال دعهم لك !

فارجو ان تعتذر لهم عن هذا الخلط، لانى متاكد ان جميع الاسماء اعلاه لو اتيحت لها الفرصة

لـ قالوا مثل ما قالت الفنانة نانسى عجاج

Quote: ياخ انت قبل شهر مش قلت مع السلامة ؟؟ الجابك شنو تاني ؟

علاء الدين
والله انا ذاااتى داير أسال السؤال دة ..؟؟










الله يمرضك زى مامرضتنا ..
على قول صاحبنا داك ( أنت زول مؤلم بالمناسبة )

اسه في داعي لي زي دا ؟؟؟؟؟














بكري علق البوست دا في عتبه المنبر بالله ...





كامل تضامني مع العرديب

الدكطور حط رجلو ولا شنو يا ود الزين

غياتو جنس احراجات !!!

احبائى تحياتىلكم وللفنانين السودانين بكل مشاربهم ان اعطونى صوتهم او لم يعطونى ، هذه حرية شخصية لكل فرد الحرية فى اختيار من يريد ، ولكن يبدو ان احد العاملين فى فريق عملى بالفيس بوك قال ان هذه الاسماء من نجوم الغناء السودانى انضمت الى مجموعاتى فى الفيس بوك ورأيت ما قالوا وعلى كل مرحبا بهم جميعا سواء كانوا معى ام لا فهذه هى الديمقراطية
السيناتور عثمان الريح خلي الانتخابات وتعال بي انقلاب !!
هذه المشاركة تثبت ان هنالك من ينصف ويدعم الديمقراطية الليبرالية ضد الشمولية

الريس واضان الحامل الطرشاء

Quote: وعلى كل مرحبا بهم جميعا سواء كانوا معى ام لا فهذه هى الديمقراطية

حلوة منك

Quote: ولكن يبدو ان احد العاملين فى فريق عملى بالفيس بوك قال ان هذه الاسماء من نجوم الغناء السودانى انضمت الى مجموعاتى فى الفيس بوك ورأيت ما قالوا

السيد عثمان الريح

مرة اخري اؤكد انا نانسي عجاج ان لدي بروفايل واحد(Nancy Agage) في الفيسبوك واني لست عضوة في اي من مجموعاتك
وعليك ان تتاكد من الحقائق بنفسك قبل ان تزج باسماء لناس في دعايتك
الرجاء مرة ثانية حذف اسمي من القائمة اعلاه
وشكراً

يا نانسي

خلاص كفاية انك قمتي بنفي الكلام
بعد كده ازالة اسمك من القائمة لن يزيد أو ينقص
فشوية شوية على الراجل

Quote: السيد عثمان الريح مرة اخري اؤكد انا نانسي عجاج ان لدي بروفايل واحد(Nancy Agage) في الفيسبوك واني لست عضوة في اي من مجموعاتك وعليك ان تتاكد من الحقائق بنفسك قبل ان تزج باسماء لناس في دعايتك الرجاء مرة ثانية حذف اسمي من القائمة اعلاه وشكراً

يا دكطرة اعمل حسابك بعد دا واحسن ليك تخارج نفسك باعتذار سريع قبل ما ناس حيدر الزين وهشام ادم وخضوري يصحو من النوم

انت زول مترتح رئاسي حقو تؤسس لعمل اخلاقي في المقام الاول وتظبط ليك اعتذار كااااااارب لنانسي واقترح تعمل بوست خاص بذلك كان يشفع ليك