احلام مؤجلة ..

النار في المنقد ادفى
من ناساً قاسية ومختلفة

دُغشاً بدري
قبال يصحى الضو
باقي الاذان لسع في الجو
وفي الايدين باقي وضو
مطمنه ما ليها خصيم
ولا ليها عدو

صحت ..

دقشت شارع نصو ضلام
ما كمل النوم الفي عيونا
ولا حضرت اخر الاحلام
حتى الاحلام المجنونة
ما حضرت يوم ليها نهاية
ما بين هز الكانون وتمير الكباية
لبن الشفع قش الغنماية
لحام لسرير الولدين
او خيت تلتق بيه ملاية
ضاع اليوم
واتاجلت الاحلام لي بكره
او للايام الجاية

ووين الايام الجاية ؟

ما عندها اياماً جاية
صادرتها الكشة!
مع بنبر وكفتيرة عشة
البت عشة .. لحلوحة
بتدفع وترجع حاجاتا
شن تدفع هي
عشان ما ترجع روحا؟!

وليد ؟؟

جادى انت ؟

شعر عديييييل كدا !!













ـــــــــــــــ

Quote: بتدفع وترجع حاجاتا شن تدفع هي عشان ما ترجع روحا؟

المعانى جميلة ... ارى ان تعطيها
لى واحد بتاع سراير يصلللحها ويرجعها ليك ..

يعني يا دينا نقعد اليوم كله نصلح في سراير الناس

موش جنس البسوا فيه ده ؟!

كلنا بنعرفوا

اها ....

سجمى سجمى يا وليد !
يعنى الكلام طلع صاح ؟

اذن فلنشمر ساعدنا للنقد

ياخ ما تمرضنا هى احلام ومؤجلة كمان ؟
المئجل ليها شنو ؟

طيب نجى نشوف النص

Quote: لحام لسرير الولدين

دايما فى الشعر الامبريالى المموسق يجب ان تحافظ على رهافة النص ياخ
(السرير) فى شعر التمريرة الحداثى لايكون للولدين يا رجل !

Quote: قبال يصحى الضو باقي الاذان لسع في الجو

تشبيه الاذان هنا بالذخيرة او الكتاحه غير موفق
تعال بتشبيهات هادئة بالله ..

ونواصـــــــــــــــل













ــــــــــــــــــــ
لو واحد جاء نقد معاى هنا ( بحرد) .. وبفوت
ولا بواصل ولا حاجة ..

الشفيفة دينا خالد
جوه المسام
انا بعد

لو كنتي ترين ما بين ضلعي الرابع والخامس .. لفهمتيني يا عززتي
لكن بما ان النساء لديهم عقده من الضلوع ( قصة الضلع الاعود)
لن تستطيعي تفهم كلامي بسبب العقده النفسية والاسقاط

عليه ساحاول ان ابين لك بعضا من خيوط معلقتي السرمدية

بالنسبة للتأجيل
طبعا هو اخير من كشف الحال والبوليس والمحاكم .. فرصة لي بكره حتى اسالي بتاعين الشيكات والديانه

سرير الولدين ..
قد قيل في الاثر .. وفرقوا بينهم في المضاجع ويقصدون الاولاد والبنات
فلاذم يكون سرير ولدين ولا تبقى مشكلة

بالنسبة للتشبيه بالاذان
انت بتصلي ...؟!
طيب مالك ومال المسليمن
هل هو هجوم على الاسلام والسلام

Quote: ـــــــــ لو واحد جاء نقد معاى هنا ( بحرد) .. وبفوت ولا بواصل ولا حاجة ..

النَاقدَ دينا {بطريقة الدُجاج}

وهاهو إقتباسك اعلاه بـِ(ضُبانَتِه) ننقله هنا كتوثيق للإرهاب الذي
تمارِسِِنهو ! في حق الأعضاء النُقَاد ... {بنفس الطريقة الدُجاجية اعلاه .. مع زيادة قليل من التوم والملح} ..
وكما تلاحظين تعمدنا وجود خَطَك المشبوه .. اعلا النص .. لتعمدك وجوده! ، لمزيد من الإرهاب ..

فأرهاب النساء .. اسمى وأغلا ..


يبنتي
إن ارتي .. ان تَنقُِدي نص ـ وليد الشفت ـ ، فَنقّدتك لوحدها لاتكفي .. ومحتاجة مزيد من النِقيد .. ومن
قَدادِيم يكسوها الحديد والنار مروراً بعطبرة ..

ونَقدَة لنَقدَة .. بتعمليها خُرُم .. نستطيع ان نرى من خلاله .. النص .. ولاشنو؟!! ..


يعني مثالاً

Quote: وفي الايدين باقي وضو

الا تِشتمين معي رئحة (ملاح خُضرا) قادم من هذا النص ..
واليس في ذلك تجني واضح وصريح للــ(وضوء والسُنن) ..



وإن عاوتم عاودنا .. لنَنقُد ..







ــــ
يــــاولــــيد من انت؟!! لتقول لدينا خالد!!!

Quote: انت بتصلي ...؟!

Quote: بالنسبة للتشبيه بالاذان انت بتصلي ...؟! طيب مالك ومال المسليمن هل هو هجوم على الاسلام والسلام

هههههههههههههههههههههههههههههههههههههههه !!
ياخى دى قفزتها كيف ؟
فععععععععلا الكلام ببدا ست شاى بنتهى صلاة ..

ساحاول ان اصلى ابتداءا من ظهر الجمعة حتى
استطيع المواصلة ..

محمد الجزولى !! من فضلك لا تنقد معى ..
مارقة وجاياك ..... سمح ؟

كت .. كُت .. كُت


كر


يا جِدَاد

السيد محمد الجزولي

هذا ليس مكانك
اخرج

ولبس ولدك ده ردا وفنيلة حتين تعال لينا
ده بوست مودرن

يا وليد متى ينجض عقلك ياخ !

فاتنى ان اضحك كتيييييير هنا

Quote: لن تستطيعي تفهم كلامي بسبب العقده النفسية والاسقاط

عجبتنى .. حاول فى السرد .. اكتشف نفسك
مافى داعى لى اىىىىىى كلومبوس ...

دع الجزولى وشانه فلديه رؤية نقدية باصرة
ح تجهجك وتحرجك مرة اخرى .. هسه انت عرفتو داير يقول شنو ؟

الزميلة دينا خالد

لازلت في جهجهتك الفكرية نزحفين نو موتك الاسفيري

اما عن اخونا الجزولي فاقول ليك

( بطلي المقابضة )

Quote: النار في المنقد وادفى من ناساً قاسية ومختلفة دُغشاً بدري قبال يصحى الضو باقي الاذان لسع في الجو وفي الايدين باقي وضو مطمنه ما ليها خصيم ولا ليها عدو صحت .. دقشت شارع نصو ضلام ما كمل النوم الفي عيونا ولا حضرت اخر الاحلام حتى الاحلام المجنونة ما حضرت يوم ليها نهاية ما بين هز الكانون وتمير الكباية لبن الشفع قش الغنماية لحام لسرير الولدين او خيت تلتق بيه ملاية ضاع اليوم واتاجلت الاحلام لي بكره او للايام الجاية ووين الايام الجاية ؟

نص جميل جداً جداً ..

يذكرني بشعر سميح القاسم* ..





* بقي بقروش كمان ..








واصل يا وليد هذا الابداع المتفرد .. احسن ليك من تشجيع المريخ

غايتو ياولي

شايفك من يوم ما والدتك الكريمة عايزه تجيب ليك منافس في البيت شايف ابداعك ظهر لوووول يكه

بعدين المطمنه دي مربوطة ولا شنو

تحياتي


زاتوووو

Quote: بعدين المطمنه دي مربوطة ولا شنو

اسمع يا معلم
التسمية يا عديل ولا بندكها

مربوطة .. قول مربوطة عدييييييييييل

اها يا دينا الجمهور جا


حي انا ...


_____________

يا حيدر عز الدين
والله تكون طالبني عدييييييييييييييل كده
كيفتني
خليني اتجدع في المعجبة دينا دي

وليد الانتقال الفجائى من السريالية الى الراندوك
يضر بتناغم النص وامكن يعوقو كمان .. احترس
امامك جمهور .. واولادك فى انتظارك
تحرك فى محيط ضيق
استعدل احلامك .. عجل بها ..
استعدل بالمرة كدا صورتك .. طفش خلق الله واستنى
استنى يا شبه المريخ ..











ــــــــــــ
البجوو ديل كللللللهم خليك منهم ... وركز سمح؟

الزميلة دينا
ما قلتو الدنيا فن
والفنان لاذم يعبر عن نفسه بادواته وادوات مجتمعه
لو ما انغمس في المجتمع وادواته المنها مفرداته بكون منفصم
عشان كده في العصماء دي عبرنا عن مكنونا بالعندنا

لو ما قدرتي تفهميني تبقى مشكلتك

انا ما ممكن اكون ( حرفي ) لاذم اكون زول ( فنان ) المصدر بوست اساسي



______________
ههههاااااااااااااااااااااااااااااااااااع
خلي زول يجي يغالطني

هي بقت كدة؟
كلنا بنقرض الشعر
هاك دي

وأنا في السراير الصافية وكتين القلوب تملاك محبة وقوس قزح
وكتين تفاصيل المكان تدخلك جواك وتتنسم عبير عطرك فرح
يالمهدي وين غزواته و الشعر اسود يغازل اغانيك يالخليل يا ود فرح
وآآآآآآآآه ياخليل شبكونا من بعدك غناوي التشتتشة وشطة وملح
ويا حسرة المتدسي في بيته والنيل بجابد حسنه فيضان قد طمح
مــــح
مــــــــح
مــــــــــــح






_
جن كلكي:لو حنستوني وقلتو لي ده شعر بركب ليكم مكنة شاعر زي حقة ودالريح المرشح الرئاسي...والله تاني الا يفصلني بكري..ولو فصلني بعمل منبر والفيس بوك ما بفصل له زول

هاهاهاهاهاهاهاهاهاهع

يا بوبا حبابك ياخ
اي اطرش لينا الكلام السمح ده


يلا يا دينا المحللة
تعالي حللي

وشوفي الزول ده عنده ملاريا ولا ما عنده

يا وليد
ملارية شنو ياخي
ده شنو الاحباط ده؟؟؟

أها خليتو ليكم الشعر





دينا؟
ولا كلمة في شعري ده ..شعري وانا حر فيه وصلعتي دي ذاتا حر فيها

يا حبيبنا ما تتحسس
انت ما عارف انه اكتر وكت بكون الانسان فيه حساس بتين

1) وكت يكون عيان
2) وكت يكون مشوكش


ولانه شعرك ده معبر جدا فانا افتكرت انو انت ماري بمرحلة حرجة وغير
عموما اسف شديد الزميل بوبا
ولا تحرمنا من شعرك يا جهبوز



_____
شعرك دي السين مكسورة والعين مسكونه
عشلن نفرزها من صلتك

العزيز بوبا !! يا لك من شاعر مفتان !

تقرض الشعر كما تقرض اى عيشة بايتة ..
من اين امطرت لنا بك السماء ؟ الله الله .

يا وليد ... دا شعر يا بالعضل او قررش
ما تحاول تموصو وتشرب مويتو .. بعمل ليك غرغرينا !
تيك كيير !! دا شعر فووووق لى جزمتى ..











ـــــــــــ
غايتو يا بوبا كللللللو كوم .. ومح مــــــح مــــــــح
دى كوم تانى !! فقد راح كل الجمهور بعدها فى غيبوبة .
الله يكتلك من الضحك قول اميين ..

Quote: فقد راح كل الجمهور بعدها فى غيبوبة

ده عشان تآمنو بس
ودي الحالة ما كنت لابس نضارة ولا ببحلق في الافق
والليلة بمش جنب البحر














_
كدي في الاول ادونا لايسنس لمزاولة المهنة لانو برة في كشات وكدة عشان ما نجي جارين حفايا هنا- الشرح:
برة في محسن خالد:في بوست السرير داك عامل صورته المستغربة ديك فتح ليك زي 18 برطمانية مسك اي زول فيه ريحة نقد ولا لغة دخله في البرطمانية وحبس نفسه وشتت....غايتو ياناس اللغة يا تبقوا زي محسن ده او تخلوا الشغلة دي...والشقي فيكم الينطط قدامه .