كمال عبد اللطيف والنعيم الوارف

بحثت عما قاله الوزير ولم أجده في كل بقاع السودان

علي من يجده أن يقسم لينا شوية علنا نرفل في هذا النعيم

يا أخوانا نسبة الفقر كم في السودان عشان يكون في نعيم

وكمان وارف أو كما يقول خالد ماسا (النعيم .. الوريف)

هل الملاريا إنقرضت من السودان

هل السل إنتهي في الشرق أم إنتهي منهم

هل الناس مرتاحة وضاربة النوم تحت المكيفات

هل كل السكان ينعمون بالمأكل والعلاج المجاني والتعليم المجاني

هل الحروب إنتهت خلاص وسكت الرصاص

أين هذا النعيم الوارف يا سعادة الوزير؟ أريد إجابة شافية

وزير أخر يقول الشعب السوداني شحات

آخر يقول صنعنا طائرات من غير طيار

ثم يقول متناقضا مع نفسه(أسلحة الجيش من زمن اللإنجليز)

وزعيمهم قال في البداية الشهداء مع الحور العين

ثم يأتي ويقول ماتو فطيس

قوش يقول كنا متشددين وحنقطع الأوصال

الرقابة القبلية علي الصحف (ما كلها طبعا)

نادية تموت في الكشة وأحدهم يقول خبر كاذب (والخبر صحيح)

الريس مطلوب دوليا ومعاهو واحد وزير

الريس يقول حننصف ناس المناصير البؤس والغرق بيزيد

ياله من نعيم..

أنا غايتو عفرت هو وين

في القصور المشيدة وليس عند البئر المعطلة

هل القاعة المكيفة والصرف البذخي علي هذا

المؤتمر هو ما يقصده الوزير بالنعيم الوارف

ربما.. البعرفو أنا الخريف جاي ومافي أي ترتيبا

لإستقباله في كل السودان وسيتفاجأ المسئولين بأن

الأمطار نزلت دون ان يتحسبوا لها ..

سمعت ان الإسهالات المائية إنتشرت في القضارف

والنيل الأبيض والجنوب ونقص حاد في مادة الكلور

الشاف موية كوستي يحدثنا عنها...

هل دار فور خارج هذا النعيم الوارف؟