Post: #1
Title: إحــــــــراج ....
Author: وليد محمد المبارك
Date: 05-13-2009, 12:55 PM
تعرضتُ اليوم لموقف محرج جدا ..!
خرجت متأخراً قاصدا مستشفي في الخرطوم شرق تدعى ( امبريال ) تقع شمال مركز سلت للغات والمركز الفرنسي وصحيفة الصحافة ، جنوب قون وشرق الالماني ...
اختى تجري فحوصات في هذه المستشفى كانت معها والدتي وكنت في طريقي اليهما .. امام المستشفى تماما اوقفني شاب دون العشرين .. مليح الوجه حسن الهندام يحمل على كتفه شنطة سوداء .. قال لي :
ياخ لو سمحت انا بقرأ في مدرسة فلان الفلاني وانا من مدينة عطبره ... مشيت لي اخوي ......... وعاوز.
قبل ان يختم حديثة اخرجت الف جنية وهي الوحيده في جيبي .. وقلت له ياخ دي اخر الف جنية معاي
اخذها ولم يعلق ...
خلفنا مباشرة كان هناك رجل رث الثياب كبير السن يظهر من شكله انه شحاد ... وفعلا مد يده الي الشاب ... الذي اعطيته الالف جنية
ما كان من الشاب الا وان اعطاها اليه ...
!!!!!!!!!!!!!!!!!!!!!!!
استوقفته وقلت له : انت قصتك شنو يا زول شايل الف جنيهي الواحدة ومديها للراجل ده ؟
قال لي انا ما شحاد وما حبيت احرجك ، انا بفتش لي شغل ما بفتش لي قروش .. ووكت مرقت منكك الاف جنية انا اتضايقت .. لكن اكلتها باعتبار انك قاصد خير ...
حقيقي اتوهمت وما عرفت ارد
وهو ما استناني زاتو مشي في طريقه لا يلوي على شي
في اللحظة دي خرجت اختي ومعها والدتي من المستشفي .. وكان يبدو على شكل التوتر .. سالتني الوالده مالك ، حكيت ليها الموقف
قالت لي النبي فيك امشي فتشو الولد ده خلي يجي يقعد معانا في البيت لحدي ما اموره تتصلح الولد ده ود ناس الدنية جايره بيه .. نادية يقد معانا في البيت لحدي ما نشوف امره .
جريت في الاتجاه الذي ذهب فيه
فتشت سلقط ملقط ما لقيتو
ولحدي هسع انا مُحرج ومغيوظ من نفسي
لكن حركت الشحاد النضيف دي كترت في البلد
وانا افتكرته واحد منهم ..!
ميتيني انا ياخ
|
Post: #2
Title: Re: إحــــــــراج ....
Author: khaleel
Date: 05-13-2009, 01:00 PM
Parent: #1
Quote: قالت لي النبي فيك امشي فتشو الولد ده خلي يجي يقعد معانا في البيت لحدي ما اموره تتصلح الولد ده ود ناس الدنية جايره بيه .. نادية يقد معانا في البيت لحدي ما نشوف امره .
|
جميلة ونبيلة والدتك يا وليد
واعط السائل حتي لو جاء علي ظهر فرس
|
Post: #3
Title: Re: إحــــــــراج ....
Author: HAIDER ALZAIN
Date: 05-13-2009, 01:03 PM
Parent: #2
| Quote: ياخ لو سمحت انا بقرأ في مدرسة فلان الفلاني وانا من مدينة عطبره ... مشيت لي اخوي ......... |
من قال لك كدي يا وليدالمبارك ما كان مفروض تدخل يدك في جيبك ... بس اهو رزق المحتاج عند المستعجل ..
** ربنا يقدرك على عمل الخير
|
Post: #7
Title: Re: إحــــــــراج ....
Author: osman righeem
Date: 05-13-2009, 01:10 PM
Parent: #3
ثبت الله أجرك
والشاب نال أجر المناولة
عارف من زمان بسمع تعبير دخلت في ضفوري
أهي دي الحاجه البتعمل كده فعلا
المهم الاعمال بالنيات
و عاشت بلد التكافل
|
Post: #10
Title: Re: إحــــــــراج ....
Author: وليد محمد المبارك
Date: 05-13-2009, 01:16 PM
Parent: #7
والله يا رغيم
مزاجي معكر لحدي هسع
|
Post: #9
Title: Re: إحــــــــراج ....
Author: وليد محمد المبارك
Date: 05-13-2009, 01:12 PM
Parent: #3
كلامك سليم يا حيدر
والغلط راكبني من كرعيني لي راسي
لكن والله في ناس بنفس مواصفاته دي بشحدو
لكن برضو كان مفروض اديه وكته كامل وما كان استعجل واتساخف
|
Post: #23
Title: Re: إحــــــــراج ....
Author: عمر الفاروق
Date: 05-13-2009, 01:39 PM
Parent: #4
واحدة من الحكاوي المتداولة في الغربة وبي روايات مختلفة واي زول بيقول ليك حصلت لي دكتور جارنا في السكن المهم ما علينا لكن فيها نفس الفهم مع انها واحدة من قدات السودانيين هنا..
قالوا مرة بروف سوداني كان بيغسل في عربيتو قدام العمارة السكنية اللي هو فيها ..
جا سعودي وقف عربيتو وكان داخل لي زول في شقة من نفس العمارة ..
لمن لقا السوداني ده بيغسل في العربية رمى ليهو المفتاح وقال ليهو بعد تنتهي من دي غسل لي عربيتي ..
البروف السوداني ولاااا نضم شال منو المفتاح وفعلاً بعد ما خلص العربية جاهو السعودي صاحب العربية ومعاهو الراجل السعودي صاحب الشقة .
فما كان من السعودي صاحب الشقة الا وسلم عليهو يا بروف (ابو فلان) وحي الله الربع والعلوم والاخبار ..
فما كان من الزول سيد العربية الا وبقا يعتذر ليهو ووالله انا قايلاك غسال ووالله انا افتكرتك ووالله انا والله معليش وووو
البروف قال ليهو انت جيت لقيتني بغسل وقلت لي بعد تنتهي من عربيتك غسل لي عربيتي وانا اسة غسلت ليك عربيتك وين المشكلة ؟؟؟؟
اها يا وليد شوفت الخففففة الكتلت اممممم تففففففففة ؟؟
بعدين امك دي ما جادة ؟؟؟؟!!!!!!!
زول طييب زي ده تجيبو تسكنو معاك ؟؟؟
بعدين يا فردة زولك ده كان المفروض توووشك يخش ليك في بفتش لي شغل وما كان في داعي للمقدمات الطويلة في رايي..
تخريمة :
الالف جنيه دي بي القديم ولا الجديد؟؟ غايتو كان يب الجديد فيا فردة اخوك من دغشاً بددددري حا تلقاهو امبريال
|
Post: #36
Title: Re: إحــــــــراج ....
Author: وليد محمد المبارك
Date: 05-13-2009, 04:01 PM
Parent: #23
عمر يا فرده
قلت لي بالجديد
هاهاهاهاااااااااااااااااااااااااع
انا لو عندي في جيبي وانا مارق الف جنيه بالجديد كل يوم
وبوزعها صدقات
بجي اكتب معاكم هنا
والله انا قاعد اكتب هنا فلسة بس
لكم لو لقيت قروش
بشخت ليكم
عاااااااااااااااااااااااادي
|
Post: #33
Title: Re: إحــــــــراج ....
Author: وليد محمد المبارك
Date: 05-13-2009, 03:41 PM
Parent: #4
والله يا ابو علوه
وانا بفتش في الزول جيت في بالي
قلت لو لقيتو
بسكنوا معانا
وبطل منك تشغلوا عندك
لكن ما لقيتو
|
Post: #5
Title: Re: إحــــــــراج ....
Author: وليد محمد المبارك
Date: 05-13-2009, 01:07 PM
Parent: #2
المشكلة يا خليل ما كان سائل
الولد كان بفتش في شغل بضراعه
وانا افتكرتو شحاد
وكان اكرم مني بي 100 مرة
ما قال لي انا ما شحاد
ولا حتى رجع لي القروش
راعي لي مشاعري يا خليل
وقبل وادى القروش للشحاد الحقيقي
يعني ده تصرم كريم لدرجة 100000000000000000000000000000
عديل كده
فضل انه يتحرج هو وقطعها في قلبه
على انه يحرجني انا
|
Post: #6
Title: Re: إحــــــــراج ....
Author: خضر حسين خليل
Date: 05-13-2009, 01:07 PM
Parent: #2
انت من كترة قروشك يعني ولا شنو
زول لسع بحكي ليك في قصتوا بتتلايق مالك
انتظروا حيقول شنو وبعد داك اتصرف !
عليك بالاعتذار لمدينة عطبرة 
|
Post: #13
Title: Re: إحــــــــراج ....
Author: حمزاوي
Date: 05-13-2009, 01:20 PM
Parent: #6
وليد الشفت قريبي
مسكاقمي
انت مستعجل ليه ما تخلي الزول يكمل كلامو وبعدين تقرر
مرات مرات كدا يجيني شعور ان فيك خصلة رشاشه
تحياتي للوالدة
ونسأل الله ان يشفيها ويحفظها
|
Post: #40
Title: Re: إحــــــــراج ....
Author: وليد محمد المبارك
Date: 05-13-2009, 04:40 PM
Parent: #13
حمزاوي يا قريبي
والله الليلة فعلا كنت رشاشة في تصرفي
لتوصل التحايا
|
Post: #72
Title: Re: إحــــــــراج ....
Author: جمال المنصوري
Date: 05-14-2009, 03:45 PM
Parent: #40
يا وليد عليك الله سلم لي علي امك دي كتير، وقول ليها ان شاء الله تكوني ام لجميع السودانين، ابقي عليها عشرة والله يديها ليك العفو والعافية
سلام لها في الدارين
|
Post: #19
Title: Re: إحــــــــراج ....
Author: GamarBoBa
Date: 05-13-2009, 01:33 PM
Parent: #6
الامانة لله يا وليد انت في وضع عايز تطمئن علي اختك و(سلامتها الف سلامتها) وجري الفحوصات ما ملام انك تقطع الف جنيهك وتتتخارج عشان تحصل....خاصة انو في شباب حقيقي بتلقاهم قاطعين خاصة بالليل في حتات ما عندهم حق المواصلات...فعادي عادي.
اكرر
| Quote: عليك بالاعتذار لمدينة عطبرة |
مع النسخ الآتية
CC :الشحادين النضاف
BCC :مصطفي عثمان مستشار الشحاتين
FWD :الشباب العاطل
|
Post: #41
Title: Re: إحــــــــراج ....
Author: وليد محمد المبارك
Date: 05-13-2009, 04:47 PM
Parent: #19
يا قمر بوبه
شكرا يا حبة على المواساة والتبرير
اخير من غيرك
اها فرزنا الناس
تاني رش تقيل اي رشاني هنا
|
Post: #38
Title: Re: إحــــــــراج ....
Author: وليد محمد المبارك
Date: 05-13-2009, 04:35 PM
Parent: #6
يا خضر
عتبره تفتخر بولدها ده
بخصوص ما انتظر
والله يا خضر انا بخجل من الشحادين
تصدق الكلام ده
ما اظن تصدقوا..!
لكن بحاول اتجنبهم.. لمن اكون مفلس
ولو زنفني في لفه بديه
الا لو سكلوا مستهبل او مر بي قبل كده
|
Post: #11
Title: Re: إحــــــــراج ....
Author: ALazhary2
Date: 05-13-2009, 01:18 PM
Parent: #2
.
.
الحبيب وليد
ربنا يملاك عافية ووالدتك الكريمة .
والله دمعت عيني حزناً على هذا الشاب طيب المعدن وكذلك على موقف والدتكم الشهم الأصيل .
قال المصطفى الأمجد والنبي المؤيد والرسول المسدد حبيب إله العالمين أبي القاسم محمد صلى الله عليه وآله وسلم (الخير فيّ وفي أمتي إلى يوم القيامة).
وقال صلى الله عليه وآله وسلم(ألا إنكم ولاة هذا الأمر من بعدي فلا أعرفن ما شققتم على أمتي ، اللهم من شق على أمتي فشق عليه )
( اللهم من ولي من أمر أمتي شيئا فرفق بهم فارفق به ، ومن خرق فاخرق به )
(من ولاه الله أمراً من أمر أمتي فاحتجب عن خُلَّتِهم وحاجتهم احتجب الله عن خُلَّتِه وحاجته يوم القيامة)
ياولاة الأمر في السودان إرقبوا محمداً صلى الله عليه وآله وسلم في أمته .
.
.
|
Post: #42
Title: Re: إحــــــــراج ....
Author: وليد محمد المبارك
Date: 05-13-2009, 05:17 PM
Parent: #11
الازهري 2 تسلم ياراقي
|
Post: #16
Title: Re: إحــــــــراج ....
Author: كمال سالم
Date: 05-13-2009, 01:26 PM
Parent: #2
إبن أختى وليد ,, تحياتى ,,
لم يشغلنى الإحراج الذى تعرضت له بقدر ما أثارت فى كلمات والدتك
التى أعرف نبلها وطيبتها , فقد شهدت لها مواقف كثيره مماثله وأشهد
الله إنها من أعظم النساء اللأى قابلتهن فى حياتى فقد رأيتها بأم عينى
وهى تطعم كل من يطرق باب بيتكم لدرجة إنك عندما تعود لاتجد ماتتغدى به .
أسأل الله أن يحفظها ويمد فى عمرها ويوفقك فى برها .
وأرجو أن تنقل لها تحياتى .
|
Post: #45
Title: Re: إحــــــــراج ....
Author: وليد محمد المبارك
Date: 05-13-2009, 06:07 PM
Parent: #16
الخال كمال سالم
تحياتي
وشكرا على الكلمات الطيبات في حق الوالدة
ستصل التحايا
تسلم
|
Post: #18
Title: Re: إحــــــــراج ....
Author: الطاهر ساتي
Date: 05-13-2009, 01:28 PM
Parent: #2
| Quote: واعط السائل حتي لو جاء علي ظهر فرس |
بالغت يا خليل ، خليك واقعي ..!!
.........
لو جانى على ظهر فرس ماحيلقى منى غير ( السوط )
يمكن جاى غائر ..!!
|
Post: #8
Title: Re: إحــــــــراج ....
Author: ALZOLZATOO
Date: 05-13-2009, 01:12 PM
Parent: #1
حبيبنا وليد
الاستعجال ده زاتووو الطفش محمد فرح من البورد ياخي ماتخلي الزول يكمل كلامو اسع ده لو زول بتاع مشاكل كان اداك بونيه
لكن امك طلعت ارجل منك لووووووول يكه
غاتو ضيعت النبي الخضر منك ساااكت
تحياتي لي امك
زاتوووو
|
Post: #12
Title: Re: إحــــــــراج ....
Author: عز الدين بيلو
Date: 05-13-2009, 01:19 PM
Parent: #8
أولاً: سلامة أختك يا وليد.. أها إن شاء الله الكتور طمنكم عليها ؟؟
ثانياً: ولا يهمك يا عم
بتحصل كتير
ما تتحسس أكتر من اللازم
ثالثاً: التحايا لوالدتك العظيمة
|
Post: #15
Title: Re: إحــــــــراج ....
Author: الطاهر ساتي
Date: 05-13-2009, 01:24 PM
Parent: #12
خرجت متأخراً قاصدا مستشفي في الخرطوم شرق تدعى ( امبريال ) تقع شمال مركز سلت للغات والمركز الفرنسي وصحيفة الصحافة
طيب ليه ماجبت معاك كتاب الدوبيت..؟
ولا قايلني نسيت .؟؟
...........
قال احراج
بالله انت بتتحرج ..؟
|
Post: #49
Title: Re: إحــــــــراج ....
Author: وليد محمد المبارك
Date: 05-13-2009, 06:53 PM
Parent: #15
الطاهر ساتي
ياخ بطنك غريقة
هاهاهاهاهاهاهاهاهاهاهاها
|
Post: #17
Title: Re: إحــــــــراج ....
Author: ALazhary2
Date: 05-13-2009, 01:28 PM
Parent: #12
.
.
تعرف ياوليد حكاية الشاب الكريم ده والأف جنيه الأداها للشحاد ذكرتني قصة وردت في التاريخ حدثت لعبد الله بن جعفر بن أبي طالب عليه السلام وكان من أكرم الناس وأجودهم :
خرج عبد الله بن جعفر يوماً إلى ضياعه وبساتينه يتفقدها وينظر إليها ، فإذا في بستان لنسيب له غلام أسود مملوك ، بيده رغيف وهو يأكل لقمة ، ويطرح لكلب بجواره لقمة.
فلما رأى ذلك استحسنه ، فقال : يا غلام، لمن أنت ؟ قال : لمصعب بن الزبير . قال : وهذا البستان لمن؟ فقال الغلام : لمصعب بن الزبير . قال : لقد رأيت منك عجبا ، تأكل لقمة ، وتطرح للكلب لقمة ، قال الغلام : إني لأستحيي من عين تنظر إلي أن أوثر نفسي عليها .
فرجع عبد الله بن جعفرإلى المدنية ، فاشترى الضيعة والغلام ، ثم رجع ، وإذا بالغلام ، فقال : يا غلام ، إني قد اشتريتك من مصعب . فوثب قائماً ، وقال : جعلني الله عليك ميمون الطلعة . قال : وإني اشتريت هذه الضيعة . فقال : أكمل الله لك خيرها . قال : وإني أشهد أنك حر لوجه الله . قال : أحسن الله جزاءك .
قال عبد الله بن جعفر : وأشهد الله أن الضيعة مني هدية إليك . فقال الغلام : جزاك الله بالحسنى . ثم قال الغلام : فأشهد الله وأشهدك أن هذه الضيعة وقف مني على الفقراء .
فرجع عبد الله بن جعفر وهو يقول : الغلام أكرم منا .
ربنا يفّرج كرب هذا الشاب السوداني ويرزقه من فضله بجاه الرسول الكريم .
.
.
|
Post: #51
Title: Re: إحــــــــراج ....
Author: وليد محمد المبارك
Date: 05-13-2009, 07:08 PM
Parent: #17
وقد كان الصبي اكرم مني
|
Post: #21
Title: Re: إحــــــــراج ....
Author: Dalal Ezzaldin
Date: 05-13-2009, 01:36 PM
Parent: #12
Quote: قال لي انا ما شحاد وما حبيت احرجك ، انا بفتش لي شغل ما بفتش لي قروش .. ووكت مرقت منكك الاف جنية انا اتضايقت .. لكن اكلتها باعتبار انك قاصد خير ...
|
احراج شنو يا وليد .. دا ياخ احلى موقف
الليله الصباح وانا مارقه الشغل كانت الشمس عامله منظر عجيب
قعدت افكر في نفسي .. ياخ السودان دا مليان خير والناس لسه باصلها
والدنيا امان .. وزعلت انو في ناس بتحاول تشوه الحاجات دي
معليش ما تقول البت دي لافه صينيه وفاهمه الموضوع غلط .. بس موقفك وموقف الولد والوالده
كلو بقول انو بلدنا بخير
السلام امانه في رقبتك للوالده
|
Post: #52
Title: Re: إحــــــــراج ....
Author: وليد محمد المبارك
Date: 05-13-2009, 07:28 PM
Parent: #21
دلال عز الدين
الخير في القلب البحس والعقل البفهم معنى الخير يا دلال
انت ما لافة صينية
انت ماشة دغري
|
Post: #22
Title: Re: إحــــــــراج ....
Author: ودقاسم
Date: 05-13-2009, 01:37 PM
Parent: #12
وليد
سلام
عايز اختلف معاك ومع الآخرين ، لأن الشاب ضاع عنك واختفى ، ولن تجده مرة أخرى ، لكن هناك أمران ينقلنا إليهما هذا البوست ليتحول من بوست عاطفي إلى بوست مفيد ..
أولا : كثرت أنواع التسول وتعددت طرائقه وربما أن الشحاذ والشاب يعملان سويا بهذه الطريقة ( طبعا ربما لا )
ثانيا : كثرت العطالة وتمددت شرورها وستؤثر في سلوك الكثير من أفراد مجتمعنا ..
إليكم قصة تسول حقيقية حدثت معي :
كنت أقود عربتي بشارع الجامعة ، فأوقفني أحد الشباب وكان يؤشر بيده في إصرار جعلني أتوقف ، فلحق بي وركب معي ، وكنت أقترب من كبري النيل الأبيض ، فعرفني بنفسه ، وقال إنه طالب بجامعة الخرطوم ، تعاطفت معه ، وسألته إن كان سيرافقني إلى أم درمان ، فقال لا ، لدي كتب سأستلمها من بعض الشباب في موقع قريب من هنا . ثم بعد دقيقتين أستوقفني ، وقبل أن ينزل من العربة قال لي :
معليش يا أستاذ ، ممكن أطلب منك طلب ؟ فقلت تفضل ، قال : عايز منك حق المواصلات ، منحته ما قسمه الله له ، فشكرني ونزل ..
وبعد يومين رأيته واقفا في نفس المكان الذي أخذته منه .
فقررت أن لا أتوقف لحمل أحد من بعده ...
|
Post: #55
Title: Re: إحــــــــراج ....
Author: وليد محمد المبارك
Date: 05-14-2009, 07:44 AM
Parent: #22
ود قاسم حبابك
انا زاتي مرت بي مواقف مشابهة
مرة ماشين بعربية الصاح الخرطوم
لقينا زول سايق كريسيدا بنية واقف وشايل باغة بنزين فاضية وباشر
وقفنا
شرح موقفو انه العربية جديدة واجباها من زول وما عاين للبنزين وما شايل قروس معاه
وفي طرمبة قريبة من محل واقف
طبعا اي زول بيدية قروش عشان يجيب بنزين من الطرمبة بدل الشفط
وده العملناه
بعد كم يوم اتلقى واقف تحت كبري بحري ونفس الموقف
لكن موقف الشاب ده مختلف
صدقني
وده الماثرني
|
Post: #48
Title: Re: إحــــــــراج ....
Author: وليد محمد المبارك
Date: 05-13-2009, 06:44 PM
Parent: #12
بلو يا حبيبنا
يديك العافية ياخ
|
Post: #14
Title: Re: إحــــــــراج ....
Author: علاء الدين حيموره
Date: 05-13-2009, 01:23 PM
Parent: #8
الاخ / وليد
Quote: والغلط راكبني من كرعيني لي راسي
|
هو اصلا الموقف ما كان فيه غلط طالما توفرت حسن النية ..
التحية للوالدة الكريمة
|
Post: #56
Title: Re: إحــــــــراج ....
Author: وليد محمد المبارك
Date: 05-14-2009, 07:52 AM
Parent: #14
تسلم يا حيمورة
تسلم كتير
|
Post: #20
Title: Re: إحــــــــراج ....
Author: Abdelmuhsin Said
Date: 05-13-2009, 01:34 PM
Parent: #8
Quote: قالت لي النبي فيك امشي فتشو الولد ده خلي يجي يقعد معانا
في البيت لحدي ما اموره تتصلح الولد ده ود ناس الدنية جايره بيه ..
نادية يقد معانا في البيت لحدي ما نشوف امره .
|
طلعتا زول اي كلام يعنى زول فالصو امك تطلع ارجل منك (خالتى عافى منها )
ثم ثانى قروش الرحله العاوز تجيبهم لى انعام ال40جنيه من وين ياحصره ده بس الفالح لى فيه ....
|
Post: #24
Title: Re: إحــــــــراج ....
Author: Abdel Aati
Date: 05-13-2009, 01:41 PM
Parent: #20
وليد اصلك ما تدبرس ..
انت عملتا حاجة كويسة ...
كما قال لك هذا الشاب انت قاصد خير
ولم تهزأ من هذا الشاب ولم ترده رغم شبابه ونضافته
وتصرفت بكرم وشهامة - حسب ما فهمته - وانما الاعمال بالنيات .
يا سيدي التحية لهذا الشاب العطبراوي الاصيل
والتحية لك
والتحية اولا واخيرا لوالدتك الكريمة .
وسلامة اختك وكفارة ليها .
عادل
|
Post: #25
Title: Re: إحــــــــراج ....
Author: عماد محمود علي
Date: 05-13-2009, 02:15 PM
Parent: #24
Quote: فضل انه يتحرج هو وقطعها في قلبه
على انه يحرجني انا |
ياشفت ... لانك شهم والجواب بعرفوه من عنوانه قرر هذا الشاب عدم إحراجك .. الاعمال بالنيات يامان ...
من الله على أختنا بالشفاء وبارك في الوالدة الأصيلة التي أثبتت القول الثابت للمصطفى عليه أفضل الصلاة والسلام ( الخير في أمتي إلى يوم القيامة ) .... لك وللوالدة الكريمة والعطبراوي كل المحبة والتقدير والاحترام ......
كونوا بخير ياأهل الخير ....
مودتي ...
|
Post: #59
Title: Re: إحــــــــراج ....
Author: وليد محمد المبارك
Date: 05-14-2009, 08:28 AM
Parent: #25
عماد على محمد
تسلم كتير يا ذوق
يديك العافية
|
Post: #26
Title: Re: إحــــــــراج ....
Author: Abdelmuhsin Said
Date: 05-13-2009, 02:17 PM
Parent: #24
Quote: يا سيدي التحية لهذا الشاب العطبراوي الاصيل
والتحية لك
والتحية اولا واخيرا لوالدتك الكريمة .
|
عادل عبدالعاطى سلامات . هوي ياعادل وليد شين سوا عشان تدوه التحيه
يعلم الله التحيه لى خالتى الفارسه ثم التحيه لولدنا بتاع ادبره ..
|
Post: #28
Title: Re: إحــــــــراج ....
Author: Abdelmuhsin Said
Date: 05-13-2009, 02:29 PM
Parent: #26
القصيده دى مهداء للزميل ALazhary2
لى الشاعر بديوي الوقداني وهو من اشهر شعراء عتيبة
أيــامــنــا والـلـيـــالي كــم نعــا تـبـها *** شـبـنا وشـا بت وعـفنا بعـض الاحوالي
تاعــد مواعــيـد والجـاهــل مـكــذبها *** واللي عــرف حــدها مـن هــمها سـالي
إن اقـبـلـت يـوم ما تـصفى مـشـاربها *** تـقـبـل وتـقـفـي وما دامـت عـلى حـالي
فـي كـل يــوم تــوريــنا عـجـــايــبـها *** والـيـوم الاول تـراه احـسـن مـن التالي
أيـــام فـي غـلــبـها وايـــام نـغــلــبـها *** وايـام فــيـها ســوى وا لـدهـــر مـيـالي
جـربـت الايـام ومـثـلي مـن يـجـربها *** تـجــريـب عـاقــل ذاق الـمـر والحـالي
نضحـك مـع النـاس والـدنيـا نلاعـبها *** نمـشـي مع الفي طـوعا حـيث ما مالي
كــم مـن علــوم وكــم آداب نـكـسـبها *** والشــعــر مـازون مـثــقـال بـمـثـقا لي
أعرف حروف الهجا بالرمزواكـتـبها *** عاقـل ومجـنون حـاوي كـل الاشـكـالي
لا شك حـظي ردي والـروح متـعـبها *** مـا فـادني حـســن تـاديبي مـع امـثـالي
إن جيت ابي حـاجة عـزت مـطـالـبها *** العفـو ماحـد عـن المـخـلــوق بـيـســالي
قــوم اليـا جــيـتـهم صكـت حـواجـبها *** وابـد ت لي البغـض في مقـفاي واقبالي
وقــوم اليـا جـيـتـهم رفـت شــوا ربها *** بالضـحـك واقـلـوبها فـيها الحـسـد كالي
مــا كـني مـســوي حـا ل مـغــضــبها *** والـكـل في عـشــرتي مـاكــر ودجــالي
يا حـيـف تـخـفي امور كـنت حـا سبها *** واللـي عـلى بـالــهـم كــلـه عــلى بــالي
الجــار جـافـي وكــم قـــوم نـحـــاربها *** والاهــل واصـحـا بنا والـدون والعـالي
والروح وش عـذرها في ترك واجـبها *** راح الحسب والنسب في جمع الاموالي
نـفـسي تبى العـز والحاجا ت تغـضبها *** وتــرمـي بــها بــين اجــاويـد وانــذالي
الـمـــال يـحـي رجـــا ل لا حـيـــاة بها *** كالســيـل يحـي الهشـيم الـدمـدم البـالي
عـفـت الـمـنـازل وروحي يـوم اجـنبها *** مـنـها غـنـيـمـه وعـنـها الـبـعـد اولالي
لا خــير في ديرة يـجـفى العـزيز ابها *** يـمــشــي مــع النـاس فـي هـم واذلالي
دار بــها الخـــوف دايــم ما يـغــا يـبها *** والجـوع فـيها معه من بعض الاحوالي
جـوعـا سـراحـيـنـها شـبـعـا ثـعـــالـبها *** والـكــلـب والـهـر يـقــدم كـل ريـبـالي
عـز الـفـتى را س ماله مـن مكـاســبها *** يا مـرتـضـى الهـون لا عـز ولا مـالي
دللت بالـروح لـين ارخـصـت واجـبها *** وانا عــتـيـبـي عـريـب الجـد والخـالي
قــوم تـدوس الافــاعي مـع عـقــاربها *** ولـها عــزايـم تـهـــد الشــامخ الـعـالي
كـب الـمـنـا زل وقـل للـبـيـن يــنــدبها *** تـشـكي علـيـها بـدمـع العــين هطالي
لا تــعــمـر الـدار والـقــالـة تـخـــربها *** بيـع الردي بالخسـارة واشـتر الغـالي
ما ضاقت الارض وا شـتبت شبـا يبها *** مـن كـل حر شهر في راس ما طالي
دار بــــدار وجــيـــــران نــقــــــاربها *** وارض بـارض واطــلال باطــلالي
والنـاس اجـانـيـب لـين انك تصـاحـبها *** تـكـون مـنـهم كـما قـالـوا بالامـثـالي
الارض للـه نـمــشـي فــي مـنــاكـــبها *** والـلــه قــــدر لــنا ارزاق واجــــالي
حـث الـمـطــايا وشــرقــها وغــــربها *** واقــطــع بـها كـل فــج دارس خالي
واطـعـن نحـور الـفـيافي مـع تـرايـبها *** وابـعــد عن الهـم تمسي خالي البالي
مـع كـل عـمـلـيـة تـقــطـــع بـراكــبها *** فــدافــد الـبــيــد درهـــام وزرفــالي
تـبـعـدك عـن دار قــوم ودار تـقــربها *** واخــتر لـنـفسك عن المنزل منزالي
لـو مــت فـي ديـرة قـفــرة جـوا نــبها *** فـيـها السـباع القـبس مدهالي
اخــير من ديـرة يـجـفـاك صــاحــبها *** كـم ذا الجــفـا والتـجـافي والتحلالي
دوس المخـاطـر ولا تخـشى عوا قبها *** المـوت واحــد ولا عن الحذر جالي
ان الـمـنــيـة اذا مـــدت مـخــــالـــبها *** تدرك لو كـنت في جو السما العالي
ما فـرت الاســد فـي عـالي مـراقـبها *** تسعى للارزاق ما حـنت للاشبـالي
والشمـس في برجـها والغـيم يحجـبها *** تـقـفي وتـقـبـل لـها بالـفـلك مجدالي
|
Post: #50
Title: Re: إحــــــــراج ....
Author: ALazhary2
Date: 05-13-2009, 07:06 PM
Parent: #28
.
.
أخي الكريم عبد المحسن
أشكرك جزيل الشكر على هذا الإهداء الجميل .
وتقبل خالص الود والتقدير
.
.
|
Post: #30
Title: Re: إحــــــــراج ....
Author: اسامة دفع الله ابوالحسن
Date: 05-13-2009, 02:31 PM
Parent: #26
الاخ / عمر الفاروق تحياتي
Quote: قالوا مرة بروف سوداني كان بيغسل في عربيتو قدام العمارة السكنية اللي هو فيها ..
جا سعودي وقف عربيتو وكان داخل لي زول في شقة من نفس العمارة ..
لمن لقا السوداني ده بيغسل في العربية رمى ليهو المفتاح وقال ليهو بعد تنتهي من دي غسل لي عربيتي ..
البروف السوداني ولاااا نضم شال منو المفتاح وفعلاً بعد ما خلص العربية جاهو السعودي صاحب العربية ومعاهو الراجل السعودي صاحب الشقة .
فما كان من السعودي صاحب الشقة الا وسلم عليهو يا بروف (ابو فلان) وحي الله الربع والعلوم والاخبار ..
فما كان من الزول سيد العربية الا وبقا يعتذر ليهو ووالله انا قايلاك غسال ووالله انا افتكرتك ووالله انا والله معليش وووو
البروف قال ليهو انت جيت لقيتني بغسل وقلت لي بعد تنتهي من عربيتك غسل لي عربيتي وانا اسة غسلت ليك عربيتك وين المشكلة ؟؟؟؟
|
هذه القصة بحذافيرها حقيقية
ولكن احداثها وقعت بالسودان
وصحابها
البروفسر محمد عبد الله الريح (حساس محمد حساس)
وقد حكاها هو بنفسه علي ماأعتقد
أو كتب عنها
وكانت بمباني الجامعة بشمبات
اسامة
|
Post: #63
Title: Re: إحــــــــراج ....
Author: وليد محمد المبارك
Date: 05-14-2009, 11:04 AM
Parent: #30
اسامة دفع الله
اسعدنا مرورك
تسلم
|
Post: #27
Title: Re: إحــــــــراج ....
Author: محمد أبوالعزائم أبوالريش
Date: 05-13-2009, 02:25 PM
Parent: #24
عارف يا وليد ... مرة كنت في إجازة في السودان، وماشي مشوار في أمدرمان .. جيت قدام مستشفى أمدرمان. لاقاني واحد بمواصفات الشاب بتاعك ده ... مرتبك و(يبدو) عليه الحرج .. وقال لي إنو جاي من وين ما عارف ووالدته في المستشفى منتظرة يعملوا ليها عملية .. وهو عايز يكمل حق العملية عشان يلحق ينقذها. ما وقفت معاهو كتير .. وأديتو الفيها النصيب ومشيت.
موقف عادي بيحصل كل يوم ... عشان كده نسيتو تماماً. تلف الأيام وتدور، وبعد حوالي سنتين .. كنت برضو في إجازة .. ويتكرر نفس الموقف .. من نفس الشخص .. وفي نفس المكان (وبرضو أمو في العملية). طبعاً قمت إتذكرتو، وبدون ما أشعر قلت ليهو (لا حولااااااا ... إنت لحدي هسة أمك في العملية؟) ... الراجل قام فاكي البيرق واختفى وسط الزحمة.
قلنا يمكن الحادثة دي تخفف ليك الحرج شوية.
|
Post: #64
Title: Re: إحــــــــراج ....
Author: وليد محمد المبارك
Date: 05-14-2009, 11:15 AM
Parent: #27
| Quote: قلنا يمكن الحادثة دي تخفف ليك الحرج شوية. |
تسلم كتير يا محمد ابو العزائم
وشكرا على الاهتمام
|
Post: #29
Title: Re: إحــــــــراج ....
Author: محمد الجزولي
Date: 05-13-2009, 02:29 PM
Parent: #24
| Quote: قالت لي النبي فيك امشي فتشو الولد ده خلي يجي يقعد معانا في البيت لحدي ما اموره تتصلح الولد ده ود ناس الدنية جايره بيه .. نادية يقد معانا في البيت لحدي ما نشوف امره . |
الله .. ياشفت ..
شكراً الدخلت لي أمك .. (أمنا) الغالية وحنوووونة ، عندي .. في غربتي البعيدة دي ..
شكراً يا (حجة) انك هنا .. شكراً بجد ..
الله .. الله ..
ونحن كده عااااائشين في الدنيا دي ..
وحبي ياولي ليك ، و لكل امهاتنا ..
ــــ
لكن الزول ده الحمد لله المالقيتو! .. عشان تسوقو يسكن معاك! .. كان نشَفتَ رِيقو 
|
Post: #31
Title: Re: إحــــــــراج ....
Author: Rihab Khalifa
Date: 05-13-2009, 03:19 PM
Parent: #29
Quote: واحدة من الحكاوي المتداولة في الغربة وبي روايات مختلفة واي زول بيقول ليك حصلت لي دكتور جارنا في السكن المهم ما علينا لكن فيها نفس الفهم مع انها واحدة من قدات السودانيين هنا..
قالوا مرة بروف سوداني كان بيغسل في عربيتو قدام العمارة السكنية اللي هو فيها ..
جا سعودي وقف عربيتو وكان داخل لي زول في شقة من نفس العمارة ..
لمن لقا السوداني ده بيغسل في العربية رمى ليهو المفتاح وقال ليهو بعد تنتهي من دي غسل لي عربيتي ..
البروف السوداني ولاااا نضم شال منو المفتاح وفعلاً بعد ما خلص العربية جاهو السعودي صاحب العربية ومعاهو الراجل السعودي صاحب الشقة .
فما كان من السعودي صاحب الشقة الا وسلم عليهو يا بروف (ابو فلان) وحي الله الربع والعلوم والاخبار ..
فما كان من الزول سيد العربية الا وبقا يعتذر ليهو ووالله انا قايلاك غسال ووالله انا افتكرتك ووالله انا والله معليش وووو
البروف قال ليهو انت جيت لقيتني بغسل وقلت لي بعد تنتهي من عربيتك غسل لي عربيتي وانا اسة غسلت ليك عربيتك وين المشكلة ؟؟؟؟ |
عفيت منو..
قصه في حكاية الحكم بالمظاهر دي
لي زميل بالجامعة بانجلترا، يدرس معي ماده من المواد، و هو رجل انجليزي كبير السن نسبيا ودائما لابس بدلة
و متشيك اخر شياكة و تحس بيهو مالي مركزه كده، و هو في منتهي اللباقة و اللطف و رتبته الاكاديمية مساعد
تدريس و انا مديرة الكورس و مسؤله عن الاستاذ حسب درجتي العلميه، الكورس يتم فية دعوه بعض المحامين
لالقاء محاضرات، ما حصل دعينا زول ما افتكرني انا مساعدة التدريس و رسلوني اجيب ليهم قهوة او اصور
ورق، و يشيلو و يونسو عمو ديفيد ده، و هو عاجباهو الحكايه و انا زااتي عاجباني بيني و بينك يا وليد، عشان
كميه الاعتذارات البعد داك، زي وليد ده اسي
|
Post: #32
Title: Re: إحــــــــراج ....
Author: SHIBKA
Date: 05-13-2009, 03:29 PM
Parent: #31
وليد
استعجالك وقلقك على اختك خلاك ما تسمع باقي كلام الولد
وربنا اداهو معاك حسنات بالمناولة اللي هو عملها
استغفر ربك وحاول تنسى الموضوع
ياما مرت بالناس مواقف
|
Post: #34
Title: Re: إحــــــــراج ....
Author: خدر
Date: 05-13-2009, 03:49 PM
Parent: #32
كامل التضامن مع الالف جنية
|
Post: #68
Title: Re: إحــــــــراج ....
Author: وليد محمد المبارك
Date: 05-14-2009, 01:17 PM
Parent: #34
يا خدر
كده ما بنفع تضامن ساكت
يا تطلع مظاهرات او تعتصم او تصوم
|
Post: #67
Title: Re: إحــــــــراج ....
Author: وليد محمد المبارك
Date: 05-14-2009, 12:40 PM
Parent: #32
| Quote: استغفر ربك وحاول تنسى الموضوع |
استغفرنا يا شبكه
ونسيناه الموضوع
وربنا يوقف الولد داك
|
Post: #35
Title: Re: إحــــــــراج ....
Author: ismeil abbas
Date: 05-13-2009, 03:53 PM
Parent: #31
ألأخ/وليد...السلام عليكم...
والتحية لك وللوالدة وربنا يكتب سلامة ألأخت يارب..
Quote: ولحدي هسع انا مُحرج ومغيوظ من نفسي
|
ألأحراج جاء من العجلة..ولكن تصرفك سليم حسب ما ظنيت وربنا يجزيك خير على ذلك..ويثاب ألمرء رغم انفه..
الله يرحم موتانا وموتاك وجميع موتى المسلمين..
Quote: والغلط راكبني من كرعيني لي راسي
لكن والله في ناس بنفس مواصفاته دي بشحدو
لكن برضو كان مفروض اديه وكته كامل وما كان استعجل واتساخف |
والله ده كلام منك جميل أهو إنت بررت لنفسك كمان بأنو فى ناس زى كده بشحدوا.اللهم أعطى كل سائل سؤله يارب ياكريم
وعفف شبابنا وشباب المسلمين..
أها شوف ألأحراج بتاعك ده جاب لينا الحاجات السمحة دى كيف من أخونا ألأزهرى..
Quote: فرجع عبد الله بن جعفر وهو يقول : الغلام أكرم منا .
ربنا يفّرج كرب هذا الشاب السوداني ويرزقه من فضله بجاه الرسول الكريم .
.
|
تسلم ياوليد وتسلم أمك الفيها كل صفات ألأم الكريمة الطيبة الحنونة..الله يحفظكم...................إسماعيل محمد احمد عباس...
|
Post: #37
Title: Re: إحــــــــراج ....
Author: Yassir Tayfour
Date: 05-13-2009, 04:12 PM
Parent: #35
Quote: يا سيدي التحية لهذا الشاب العطبراوي الاصيل
والتحية لك
والتحية اولا واخيرا لوالدتك الكريمة .
وسلامة اختك وكفارة ليها . |
|
Post: #73
Title: Re: إحــــــــراج ....
Author: وليد محمد المبارك
Date: 05-14-2009, 03:53 PM
Parent: #37
تسلم يا طيفور
|
Post: #39
Title: Re: إحــــــــراج ....
Author: Adam Mousa
Date: 05-13-2009, 04:37 PM
Parent: #35
| Quote: من قال لك كدي يا وليدالمبارك ما كان مفروض تدخل يدك في جيبك ... بس اهو رزق المحتاج عند المستعجل .. |
Quote: شليق
ياخ أنا خِجلتة خلي إنتة |
| Quote: اها يا وليد شوفت الخففففة الكتلت اممممم تففففففففة ؟؟ |
Quote: انت من كترة قروشك يعني ولا شنو
زول لسع بحكي ليك في قصتوا بتتلايق مالك |
| Quote: مرات مرات كدا يجيني شعور ان فيك خصلة رشاشه |
| Quote: ماتخلي الزول يكمل كلامو اسع ده لو زول بتاع مشاكل كان اداك بونيه |
Quote: طيب ليه ماجبت معاك كتاب الدوبيت..؟
ولا قايلني نسيت .؟؟
قال احراج
بالله انت بتتحرج ..؟ |
| Quote: طلعتا زول اي كلام يعنى زول فالصو |
لا حولااااااااا.. وليد قال ليكم محرج.. محرج.. محرج .. تواسوه مش تردموه جنس الردم
تحياتى لك وللوالده الكريمه التى ارضعتك تلك الخصال النبيله..
|
Post: #43
Title: Re: إحــــــــراج ....
Author: طارق الأمين
Date: 05-13-2009, 05:24 PM
Parent: #39
الاخ المحرج
وليد الشفت
سلامي وتحياتي للام الاصيله
وامنياتي بشفاء اخت وليد الشغت
اما بعد
الحرجه بتصلح المشيه
داير احكي ليك قصه ماتمت ليها اسبوع
وقف قدامي شاب في شارع القصر وانا مستعجل لدخول شركه ال جي
_الحمد لله اللاقيتك يا استاذ
واعمالكم اتوقفت ووين الجديد الخ
ختاني ليك في شخصيه استاذ عظيم جدا ومد لي روشته
_هاك عليك الله اقر الروشته دي
قريتا مكتوب ادويه بي 119 الف جنيه واسم المريضه امراه
دخل يدو في جيبو طلع قروش قال عليك الله تعدها
ولمن حلفني عديتا 104 جنيه
قال لي انا واقف راجي ود حلال اتم قروش الدوا لي امي
ظهرت لي طبعا مليون ام
وطلعت ليهو 15 الف جنيه بدون تردد كود عامل فيها حنين وكريم
شكرني شكر السنين ومشي
دخلت الشركه ومرقت بعد نص ساعه
لقيتو موقف ليهو زول بحلف فيهو بي صوت عالي
_اكنك عد القروش دي بس
ضحكت
وكادت ان تتبدد امالي في دخول الجنه
|
Post: #44
Title: Re: إحــــــــراج ....
Author: حامد محمد حامد
Date: 05-13-2009, 05:50 PM
Parent: #43
وليد لك التحية
ولربما حدث كل هذا من اجل ان تنال الوالدة دعاء كل من مر بهذا البوست
وليكتبها الله لك حسنات تجدها فى الاخرة
وربنا يخلى ليك الوالدة ويدى الصحة لاختك
ولا تبتئس يا اخى
|
Post: #77
Title: Re: إحــــــــراج ....
Author: وليد محمد المبارك
Date: 05-14-2009, 06:35 PM
Parent: #44
حامد محمد حامد
Quote: ولربما حدث كل هذا من اجل ان تنال الوالدة دعاء كل من مر بهذا البوست
وليكتبها الله لك حسنات تجدها فى الاخرة |
ياخ يديك العافية
انت والوالده وجميع المتداخلين
|
Post: #76
Title: Re: إحــــــــراج ....
Author: وليد محمد المبارك
Date: 05-14-2009, 05:24 PM
Parent: #43
طارق اللمين يا صديق
قلت لي الحرجة بتصلح المشية
والخيل تجقلب والشكر لي امي
|
Post: #75
Title: Re: إحــــــــراج ....
Author: وليد محمد المبارك
Date: 05-14-2009, 05:02 PM
Parent: #39
حبيبنا ادم موسى
سيبهم يا حبه
بلم فيهم
هم قايلين البورد ده حا يقفل بعد الموضوع ده
يصبروا
|
Post: #71
Title: Re: إحــــــــراج ....
Author: وليد محمد المبارك
Date: 05-14-2009, 03:01 PM
Parent: #35
العم اسماعيل عباس
شكرا كتير
وسعيد بمداخلتك
تسلم
|
Post: #66
Title: Re: إحــــــــراج ....
Author: وليد محمد المبارك
Date: 05-14-2009, 12:28 PM
Parent: #31
Quote: عشان
كميه الاعتذارات البعد داك، زي وليد ده اسي |
معقولة يا رحاب
تجي منك انت يا ست الاسم
الكلام ده اتوقعته من المطاميس
علاء الدين وعمر وعبد المحسن وباقي كوم الشُمات
اصبري
|
Post: #65
Title: Re: إحــــــــراج ....
Author: وليد محمد المبارك
Date: 05-14-2009, 12:13 PM
Parent: #29
يا ود الجزولي
تشكر يا حبه
_________
| Quote: لكن الزول ده الحمد لله المالقيتو! .. عشان تسوقو يسكن معاك! .. كان نشَفتَ رِيقو |
هاهاهاهاهاهاها
الله مرقو
|
Post: #58
Title: Re: إحــــــــراج ....
Author: وليد محمد المبارك
Date: 05-14-2009, 08:13 AM
Parent: #24
عادل عبد العاطي
تسلم يا صديق
وتحياتي معاك لذلك الشاب العطبرواي العفيف
|
Post: #57
Title: Re: إحــــــــراج ....
Author: وليد محمد المبارك
Date: 05-14-2009, 07:59 AM
Parent: #20
يا عبد المحسن
اصبر
صريتها ليك 
|
Post: #46
Title: Re: إحــــــــراج ....
Author: وليد محمد المبارك
Date: 05-13-2009, 06:27 PM
Parent: #8
يا زاتو
انت قايلتي محمد فرح
قاعد في حلقومك
ياخ انا بكري طردني 3 مرات
ورجع توشك
اصلي ما بفوت
|
Post: #47
Title: Re: إحــــــــراج ....
Author: خالد عبد الله محمود
Date: 05-13-2009, 06:40 PM
Parent: #46
| Quote: قالت لي النبي فيك امشي فتشو الولد ده خلي يجي يقعد معانا في البيت لحدي ما اموره تتصلح الولد ده ود ناس الدنية جايره بيه .. نادية يقد معانا في البيت لحدي ما نشوف امره . |
وليد يا عمكـ ...
ياخ عليكـ الله سلم لي على الحاجة دي بصورة خاصة كده و قوليها والله العظيم عندك ولد في الرياض جيتو السودان حتكوني أول زول يجيهو زيارة إنشاء الله
|
Post: #53
Title: Re: إحــــــــراج ....
Author: طارق الكوتش
Date: 05-13-2009, 07:54 PM
Parent: #47
سلامات وليد وتحايا عطره
والتحية لهذا الشاب العطبراوي الاصيل,
والتحية من قبل ومن بعد لوالدتك الكريمة .
وربنا يكتب العافيه لاختك ولجميع افراد اسرتك
تخريمه
صورتك المقلوبه واحده من الاسباب التى وضعتك فى هذا الموقف المحرج
غير السبب الرئيسى و المعروف للجميع .... سلم تسلم من المواقف البايخه و الحرجه
احتراماتى
|
Post: #54
Title: Re: إحــــــــراج ....
Author: محمد سنى دفع الله
Date: 05-13-2009, 08:04 PM
Parent: #53
اخوي وليد
حاي تعبان من تصوير مسلسل لي رمضان بنصور من الساعة 10 صباحا لحدي عشرة مساء
قلت ارد على الناس في بوست فاتحو للوالده امنا ستونة بت سلمان
لقيت موقفك وموقف امك الحنون البتقول لي هسة امشي حصلوا وخلي ابيت معان في البيت
ياخي انصر الوالدة دنيا واخرة واسمخ لي اهنيها في بوستي
لوسمحت
محبتي ليها بدون حدود
|
Post: #60
Title: Re: إحــــــــراج ....
Author: فدوى الشريف
Date: 05-14-2009, 08:36 AM
Parent: #54
انت كمان زول طيب وكريم
وما عليك حاجة
أي نعم شليق شوية لكن تسوي شنو؟ نيتك كانت سمحة.
فعلاً الشحادين اللابسين نضيف كترو ، والشحادات برضو..ياخي في واحدة لاقتني في الشارع في الخرطوم أنا كنت قايلاها قرت معاي ولا كانت بت جيرانا ، أها لمن قالت لي مزنوقة ودايرة لي قروش لمن راسي لف.
كمان انت يا وليد وصاف جنس وصف...!
| Quote: خرجت متأخراً قاصدا مستشفي في الخرطوم شرق تدعى ( امبريال ) تقع شمال مركز سلت للغات والمركز الفرنسي وصحيفة الصحافة ، جنوب قون وشرق الالماني ... |
كان في حتة وصفوها لي وغلبتني بجيك
|
Post: #61
Title: Re: إحــــــــراج ....
Author: دينا خالد
Date: 05-14-2009, 09:46 AM
Parent: #60
وليد صاحبى ؟؟
يعنى هسه قلت لى الناس الفى بيتكم ديل كللللللهم
قاعدين بالطريقة دى ؟؟
،ــــــ
كمال سالم تعال ياخ كلمنا بقصة وليد دا
جابو من وين .. وقعد كيف؟ ياخى دا احراج لمممن بى هناك ..
|
Post: #86
Title: Re: إحــــــــراج ....
Author: وليد محمد المبارك
Date: 05-17-2009, 10:24 AM
Parent: #61
دينا يا فردة
| Quote: ياخى دا احراج لمممن بى هناك .. |
هاهاهاهاهاها
شمتانة موش ؟
|
Post: #62
Title: Re: إحــــــــراج ....
Author: Khalid Saeed
Date: 05-14-2009, 10:18 AM
Parent: #60
الأخ العزيز وليد ..
التحيات الطيبات لك .. وللوالدة السودانية الأًصيلة .. وتمنياتنا بالشفاء لأختك .
موقفك هذا مايهمني فيه .. الإحساس بالمروة تجاه الغير ..
عن نفسى لايهمنى الذي يقف أمامي إن كان صادقاً أم كاذباً ..
إنما أنظر إلى الوضع الذي فيه .. فقناعتي الشخصية إن من إضطرته الظروف لكي يتسول الناس [ إن كان صادقاً أو كاذباً ] لابد أنه يمر بضيق ليس بعده ضيق وهو الذي دفعه لهذا الفعل .
أما عن المواقف التي تشابه موقفك .. فأسمع هذه القصة التي حدثت لي :
كنت مع الوالدة عند دكتور إسمه أحمد [ عيادته مقابلة لمطار الخرطوم ] لإجراء بعض الفحوصات ..
دخل رجل يحمل إبنه الذي يبدوا عليه أثار التعب .. فقال للبنت المسئولة عن النمر .. إبني تعبان ويحتاج لمقابلة الدكتور فوراً .. وإستأذن الحضور بأن يسمحوا له بأن يدخل إبنه .. وقد كان ..
وعندما خرج من عند الطبيب قالت له المسئولة عن الكاشير .. يجب عمل تخطيط قلب وبعض الفحوصات .. والمبلغ المطلوب 300 ألف جنيه [ بالقديم ] .. فأخرج من جيبه 200 ألف جنيه .. وقال لها خذيها .. وأمنحيني 5 دقائق أذهب إلى العربية وأحضر باقي القروش ..
رفضت المسئولة عن الحسابات وقالت ممنوع يا أستاذ [ قال لها يابت الحلال 5 دقائق الولد تعبان ] .. قالت لا أترك إبنك هنا .. وأذهب وأحضر القروش ..
فقمت أنا من مقعدى .. وذهبت إلى الرجل وقلت له أنا من [ عطبرة ] .. وكحال الكثيرون الذين يأتون من خارج العاصمة في بعض الأحيان تحدث ظروف طارئة .. لانكون نتوقعها .. فخذ هذه الـ 100 ألف ..
فقال لي لا والله .. القروش فعلاً موجودة في العربية .. لاكين الثقــة إتعدمت ياولدي .
قابلنا الدكتور أنا والوالودة ..
وبعد أن نزلت إلى الطريق العام لكي أركب تاكسي يوصلني إلى بيت عمتى في الحلة الجديدة .. فإذا بي أتفاجأ بالرجل يقف أمامي وأصر أن يوصلني بعربتة من ماركة [ لاندكروزر ] ..
وإتضح إنه ميسور الحال ..
تحياتي،
أخوك/ ألأرباب
|
Post: #88
Title: Re: إحــــــــراج ....
Author: وليد محمد المبارك
Date: 05-17-2009, 11:19 AM
Parent: #62
يا ارباب
تسلم ياخ
وموقفك انت الفيه شهامة
تحياتي ليك ولوالدتك
|
Post: #85
Title: Re: إحــــــــراج ....
Author: وليد محمد المبارك
Date: 05-15-2009, 08:25 AM
Parent: #60
يا فدوى ازيك ياخ
شليق انا يا كوزة
تحياتي يا اختنا العزيزة
|
Post: #82
Title: Re: إحــــــــراج ....
Author: وليد محمد المبارك
Date: 05-15-2009, 01:07 AM
Parent: #54
استاذ السني
معقولة
نحن لاقين وين تذكرنا
تسلم يا فنان
|
Post: #81
Title: Re: إحــــــــراج ....
Author: وليد محمد المبارك
Date: 05-15-2009, 00:08 AM
Parent: #53
يا كوتش
نبشرك انو الوالده هلالابية
ابسط يا عم
|
Post: #79
Title: Re: إحــــــــراج ....
Author: وليد محمد المبارك
Date: 05-14-2009, 11:41 PM
Parent: #47
يا خالد تشرفنا ياخ
بعدين انت في الرياض
والله انا قايك في اوربا
ولابس بدلة
هسع الرياض دي عاوزه بدلة
|
Post: #69
Title: Re: إحــــــــراج ....
Author: عاطف عمر
Date: 05-14-2009, 01:31 PM
Parent: #1
سلام يا وليد
شوف القصة دي حصلت سنة 1981
بطلها هسع أستاذ في جامعة الخرطوم
Quote: منح الله تعالى صديقنا عثمان بسطة في الجسم وروحاً سمحة وطبعاً يحب النظام . حرمنا ونحن نسكن معاً في داخليات الجامعة من ممارسة الفوضى داخل الغرفة . كان يحرجنا بأخلاقه الرفيعة فكان لا يقول لك مثلاً " رتب ملايتك " بل يقوم بنفسه فيرتبها لك . يحسب لكل شئ حساباً بأسوأ الفروض . يوم خميس وهو اليوم الذي يزور فيه الطلبة الإقليميون ( أمثالنا ) أقرباءهم ، جهز صاحبنا نفسه مادياً و( مظهرياً ) لزيارة أهله في مدينة الثورة . عندما أنزله باص أبورجيلة في المحطة الوسطى بأمدرمان اكتشف أن محفظته بكل ما فيها من نقود وبطاقات قد نشلت منه داخل البص . لم يجد تاكسياً يأخذه ( طلب ) ليرجع به للبركس . رأى شابين يقفان قريباً منه فتوسم فيهما خيراً و ( شباب زى بعض وبنفهم بعض ) وشرح لهما ما حدث معه وطلب منهما ( خمسين قرش ) يرجع بهما للبركس فالتفت أحد الشابين قائلاً لزميله
" تصدق إنو الزول دا زاتو أمس لاقاني في السوق الشعبي بالخرطوم وقال لى نفس القصة دي "
أحس صاحبنا بغصة في حلقه وأخذ المشوار من المحطة الوسطى بأمدرمان لحدي البركس بجامعة الخرطوم مشياً على أقدامه . |
غايتو يا وليد الحاجة البتفرح وسط ( الإحراج ) بتاعك دا
أن المتغيرات الكتيرة و( الشحادين النضاف ) و.......
كلو ديل لم يغيروا من طبع الوالدة الأصيل
وتتعامل لا تزال بطبع زمنها السمح زمنها الجميل
|
Post: #70
Title: Re: إحــــــــراج ....
Author: Tabaldina
Date: 05-14-2009, 01:59 PM
Parent: #69
..
.
والله موقف مؤثر
وبهز الواحد من جوه ..
قصة قصيرة ..تعبر عن موقف محرج
نعم .. محرج
ولكن يعكس لنا صور وظواهر متعددة وعديدة لمجتمعنا هذا
..
مشكلة ومعاناة الخريج - العاطل - الذى يبحث عن عمل بكل السبل ويطرق جميع الابواب.
( خريج يستفسر فى الطرقات عن الوظائف )
الكرم الشهامة والكبرياء السودانى الاصيل الذى ما زال باقياً فينا..
( كرم بمنح اخر الف جنيه /و منح ما منح اليه الى شخص احوج منه )
مشكلة الفقراء الشحادين المحتاجين
( اباء يفترشون امام المستشفيات بحثاً عن سد الرمق )
ظاهرة الاحتيال والشحادة بطرق عديدة
( سحاد له سيارة واخر انيق وثالث بجلباب ابيض ناصع وبنطلون راق )
الطبع الاصيل والاسر الكريمة فى هذالزمن الصعب
( موقف والده الشفت )
وشفقة السودانى المعروفة :)
( الشفت زاتوووووووو ) قرقر قرقر
_____________
ريللى ات تطش مى ..
( اليومين دى الواحد خاشى معهد بريطانى )
تعديل مكرر ..
|
Post: #74
Title: Re: إحــــــــراج ....
Author: كمال عكود
Date: 05-14-2009, 03:54 PM
Parent: #70
| Quote: قالت لي النبي فيك امشي فتشو الولد ده خلي يجي يقعد معانا في البيت لحدي ما اموره تتصلح الولد ده ود ناس الدنية جايره بيه .. نادية يقد معانا في البيت لحدي ما نشوف امره . |
البتخلي العين تدمع كلمة أمك دي سبحان الله !! يا خي شوف الناس الكبار ديل؟؟؟ وشوف الأصالة التي تجري في دماءهم ؟؟؟ ياخي بارك الله في أمك وبارك الله في عمرها وخلها بالله تدعي لنا
|
Post: #78
Title: Re: إحــــــــراج ....
Author: EL fahal Abdelatif
Date: 05-14-2009, 09:17 PM
Parent: #74
وليد سلامات
هذه علامات خير ابتداء منك وانتهاء بالشحاد الشالا (يعنى الشحاد لو ما شالا لما اكتملت دورة الخير هذه )
وخاتمتها والدتك التى تنضح خيرا .
التحايا لكم جميعا
|
Post: #80
Title: Re: إحــــــــراج ....
Author: naeem ali
Date: 05-14-2009, 11:56 PM
Parent: #78
يا شفت تحياتي للوالده وانشاء الله تكون بلغت العافيه
_____________
انا زاتي اتحرجت ليك جنس حريج
|
Post: #83
Title: Re: إحــــــــراج ....
Author: محمد الطيب يوسف
Date: 05-15-2009, 01:48 AM
Parent: #80
القصة دي حصلت لي انا شخصياًودي أول مرة احكيها علي الاطلاق
ماعارف من الخجل ولا من شنو
أثناء أدائي للخدمة الوطنية (عزة السودان الأولي) كانت ارانيك التقديم للجامعة
وصلتنا متأخرة شديد ولما مليت الاورنيك حقي عشان امشي اقدم كان ده آخر يوم في التقديم
ركبت المواصلات من مقر الكتيبة الرابعة في الشجرة ولما نزلت في السوق العربي لقيت ماعندي ولاقرش
المهم اتمحنت أعمل شنو وقتها كانت الساعة حوالي اتناشر يعني ساعة والناس دي حتقفل
المهم في نص حيرتي دي عاينت لقيت راجل كبير واقف بي عربيتو قريب مني
مشيت وحكيت ليهو الحاصل كلو واني عاوز حق المواصلات قال لي مواثلات شنو أركب ياولدي
وصلني لحدي مكتب التقديم وانتظرني لما قدمت ورجعنيالكتيبة وغمت لي عشرة الف يدي
وتاني ماشفتو من اليوم داك
بعد فضل اله تعالي الراجل ده كان عندو دور كبير في اني اقدم وادخل الجامعة بدون ماتضيع سنة من عمري
|
Post: #93
Title: Re: إحــــــــراج ....
Author: وليد محمد المبارك
Date: 05-17-2009, 05:36 PM
Parent: #80
يانعيم
| Quote: انا زاتي اتحرجت ليك جنس حريج |
موش كده بالله
|
Post: #92
Title: Re: إحــــــــراج ....
Author: وليد محمد المبارك
Date: 05-17-2009, 01:04 PM
Parent: #78
الفحل يا حبيب
تسلم يا حبه
|
Post: #91
Title: Re: إحــــــــراج ....
Author: وليد محمد المبارك
Date: 05-17-2009, 12:51 PM
Parent: #74
كمال عكود
يديك العافية يا ذوق
يديك العافية
|
Post: #90
Title: Re: إحــــــــراج ....
Author: وليد محمد المبارك
Date: 05-17-2009, 12:30 PM
Parent: #70
تبلدينا
سانكيو ماي برازر
|
Post: #89
Title: Re: إحــــــــراج ....
Author: وليد محمد المبارك
Date: 05-17-2009, 11:52 AM
Parent: #69
عاطف عمر تحياتي
تسلم يا زوق
وفعلا قصة معبرة جدا وبتوري انه ممكن في لحظة تتخلط الاوراق وتظلم زول
تحياتي
|
Post: #84
Title: Re: إحــــــــراج ....
Author: Gaafar Ismail
Date: 05-15-2009, 02:07 AM
Parent: #1
يا وليد
أبقاك الله واسرتك ذخرا للمكرمات[/]
|
Post: #87
Title: Re: إحــــــــراج ....
Author: BitAlhana
Date: 05-17-2009, 10:38 AM
Parent: #84
وليد سلام و بعد حق الله بق الله
اولاً انت غلتااااااااااااااااااااان
و يبدو لي انه فيك صفات الجماعه اياهم ... يعني ممكن تكون صاحب كريشه ... تعني انك تمساح
أو دقينه ... فانت من أصحاب الدقون...
و الا البخلي الزول ده يقول ليك شغلني شنو؟
ثانيا انت حكاك ... مالك حاكيها معاه كده ... وليه شلت القروش مني و أديتها للشحاد
ما خلاس يمكن شايفه محتاج اكتر منه ...
خوفي تكون مشيت قلعتها من الزول التاني!!!
|
Post: #94
Title: Re: إحــــــــراج ....
Author: Yasir Aloob
Date: 05-18-2009, 11:18 AM
Parent: #87
يا وليد انا شايفك مركب مكنة الفنان و شكلها عاملة فيك عمايل ذى صحبك المرشح داك و العملوا فيك (الررررررررررروب يا كبير), عليك الله شوف الحاصل حولينك (بق و كشف) حا تلقى القصص المؤلمة ذى حقتك دى كتيرة جداً.
بس تعرف الشحاد دة لو شافك اديت الاف للزول المهندم دة و سمع كلام والدتك حا يمشى يعمل نفس الحاجة و طبعاً هو حا يكون عشمان فى السكن المجانى و الاكل المجانى و و و
بعدين احتمال صحبك دة كانعشمان فى اكتر من الف بس لمن لقاك (مفلس) ركب ليك مكنة (ديزل) بتاعت عاوز شغل و كدة. و فى احتمال كبير انوا يكون عاوز قروش القسط بتاعت الجامعة و لا سعر التزكرة و لا و لا و لا. و ذى ما قالوا ليك انتا ليك الاجر و هو ليهو اجر المناولة. و تانى ما تعاين وراك
...........................................
سلامات و تحيات
|
|