Post: #1
Title: مكانك ..... زين !!؟؟
Author: ودقاسم
Date: 05-13-2009, 11:14 AM
هل أنت مشترك في خدمة زين ؟ هل أنت مشترك على نظام الدفع المقدم ؟
إذن جرّب ، اطلب أي رقم في شبكة زين ، ستجد نفسك في حالة انتظار ،
وأنت تستمع إجباري لصوت نسائي يبدأك هكذا:
مكانك زين
ثم يفيدك أنك ستحصل على خصم يصل إلى 90% ، ولا أعلم كم بالضبط زمن الانتظار ،
لكني أقدره بدقيقة كاملة ... أوبالنسبة لي فإنه على الأقل يسبب لي مللا مدته أكثر من خمس دقائق ..
وفي هذا الأمر مضيعة لوقت المشتركين الذين هم جزء من مجموع المنتجين بالوطن ،
وإجمالي الزمن المستقطع والذي يضيع في هذا الإعلان يعتبر خصما على الانتاج في البلاد ،
كما أنه يسبب مللا وكدرا لقطاعات واسعة من البشر .
بين زين ومشتركيها عقد ، وهو عقد تقديم خدمة هاتفية من طرف الشركة إلى مشتركيها ..
إذن ، هل هناك فقرة في العقد تمنح شركة زين حق الإعلان عبر جهاز المشترك ،
أو عبر خطه الهاتفي الذي يدفع أجرته ؟
أنا شخصيا لا أعرف تفاصيل العقد بيني وبين شركة زين ، لكن لو أنها لديها هذا الحق بموجب العقد فإني على استعداد لإلغاء هذا العقد واستبداله بعقد آخر من شركة أخرى شريطة أن لا تبث إعلاناتها عبر هاتفي ، وأن لا تستقطع من زمني ، وأن لا تسبب لي الملل والكدر .
وإن كانت كل الشركات تفعل هذا فلا سبيل لنا إلا أن نهجر الاتصالات الهاتفية ...
آمل أن تتوقف شركة زين عن بث هذا الإعلان عبر خطوط المشتركين ، وأن تتجه للإعلان عن طريق الصحف ، والقنوات الفضائية والإذاعية ، وعبر اللوحات ، وعبر فرق التسويق الخاصة بها ..
لكن أن تستخدم هواتفنا كوسيلة لإعلان ممل أو حتى غير ممل فهذا مرفوض ..
|
Post: #2
Title: Re: مكانك ..... زين !!؟؟
Author: مزمل خيرى
Date: 05-13-2009, 11:21 AM
Parent: #1
ود قاسـم
سلامات
هسع بيجى واحـد صاحبنا ناطى ويستلم بوستك دا بوضع اليد ..!!
عرفتو ؟؟
فعـلا وسيلة سخيفة للاعلان ..
|
Post: #3
Title: Re: مكانك ..... زين !!؟؟
Author: GamarBoBa
Date: 05-13-2009, 12:01 PM
Parent: #2
يا ود وقاسم
تحياتي...
وقعت لي في جرح والله...
هاك دي الليلة حصلت
مشيت قبل يومين في زين العماراتعشان ادفع الفاتورة...ما يجي واحد ينط يقول لي سددها اسكراتش لانو في اسباب بتخليك تدفعها وتشيل منهم فاتورة.
خليتهم ومشيت لكثرة المنتظرين
رجعت ليهم الليلة من الصباح...
الجماعة نظام يعني خلاص بجودوا في الخدمة عملوا مكنة تذاكر ..التقول طيران لوفتهانزا محرسنها لاتنين من ناس الهدف الواحد عاجباه المكنة اول ما تمشي يديك عدد واحد برنت اوت ويقول ليك انتظر بجاي
انتظر بجاي دي المشكلة..
اول بالتبادي في كاونترين مقبلات ضهر الزول عشان الزول يعرف هو ماشي علي ياتو كاونتر ما بتعرف
عدد الكاونترات المفتوحة وشغالة اكثر من عشرة والشغالين تلاتة بس...
وهاك ياجوطة عشان تدفع قروش تضيع نص يومك...صدق لحدي هسة ما دفعت وقالوا القطع بعد 48 ساعة حسب اخر رسالة جات منهم
دي افتتاحية يا ود قاسم
حنقل ليك مداخلاتي الكتبتها في زين من بوست ناذر بعد اذن ناذر
حنتكلم عن السرعة المضروبة لزين كونكت
وعن رداءتها في عده مناطق
وجايين بالمهله
يا مزمل انا رخيت بوستيك داك عشان في زين و(ما يضروك) لكن ما دام انت جيت ونابل في نفس الاتجاه يبقي ده خيارك
|
Post: #5
Title: Re: مكانك ..... زين !!؟؟
Author: مزمل خيرى
Date: 05-13-2009, 12:28 PM
Parent: #3
| Quote: يا مزمل انا رخيت بوستيك داك عشان في زين و(ما يضروك) لكن ما دام انت جيت ونابل في نفس الاتجاه يبقي ده خيارك |
انا اتكلمت عن زين من ناحية الايجابيات وكمشترك قديم فى الشركة ليس الأ .!!
واكيد كل شركة ايجابيات وسلبيات وصاحبى داك بيتكلم فى السلبيات بس ، لية نحن مانعاين للحاجة السمحة فى الأول وبعدين نعاين للحاجة الشينة .؟؟
وانا ذاتى بعانى زى كل الناس البيعانو من سوء بعض الخدمات فى الشركة دى .!!
قبل اسبوع تقريبا مشيت ادفع فاتورة فى مكتب الخدمات فى اركويت الموظفة قالت الشركات تدفع فى العمارات بالرغم انو شغلى فى الرياض .!!
ومشيت العمارات مجبور ولقيت
| Quote: عدد الكاونترات المفتوحة وشغالة اكثر من عشرة والشغالين تلاتة بس... |
بس الشهادة لله الزين كونيكت مافيهو اى مشكلة وانا بستعملو من فترة طويلة .
______
ياربى صاحبى ناذر وين ؟؟
|
Post: #7
Title: Re: مكانك ..... زين !!؟؟
Author: ودقاسم
Date: 05-13-2009, 12:46 PM
Parent: #3
قمر بوبا
تحية واحتراما
آمل أن يطلع الاخوة العاملين في زين على ما نكتبه هنا ، وأن يرفعوا الأدى عن مشتركيهم ،
أو أن يتوقعوا نزوحا جماعيا لمشتركيهم في اتجاه المشغلين الآخرين..
|
Post: #4
Title: Re: مكانك ..... زين !!؟؟
Author: ودقاسم
Date: 05-13-2009, 12:19 PM
Parent: #2
مزمل
مكانك ودقاسم
وجدتك في مكان آخر كتبت عن زين كأحسن شركة ...
أنا شخصيا أريدها أن تكون أحسن شركة اتصالات في العالم عشان أن واحد من مشتركيها ،
وهو مكسب لي أن أكون مشتركا في أحسن شركة اتصالات في العالم ..
بس يبطلوا إعلاناتهم المملة دي .
وينك يا ناذر لسة ما جيت ؟
|
Post: #6
Title: Re: مكانك ..... زين !!؟؟
Author: مزمل خيرى
Date: 05-13-2009, 12:33 PM
Parent: #4
ود قاسم
Quote:
وجدتك في مكان آخر كتبت عن زين كأحسن شركة ... |
انا نزلت خبر لزين وقلت ان الخبر تناقلتة معظم صحف الخرطوم الصادرة امس .!!
لكن انا ماقلت انها احسن شركة .. وقلت انو جهاز الانترنت شغال زى العجب بس .!!
الزول دة لســع ماظهر .؟؟
|
Post: #8
Title: Re: مكانك ..... زين !!؟؟
Author: GamarBoBa
Date: 05-13-2009, 12:56 PM
Parent: #6
يا مزمل تحياتي...
بس الرجاء انك تواصل معانا وما تقطع زي عملوا ناس كنار في موضوع نازك الطيب وحنسوهم للرد وما ردوا
ما تجيك تعليمات من فوق يقولوا ليك كما كت
سرعة زين كونكت المعلنة كم والحقيقية كم يا مزمل
حبة جبة
|
Post: #9
Title: Re: مكانك ..... زين !!؟؟
Author: مزمل خيرى
Date: 05-13-2009, 12:59 PM
Parent: #8
ياقمـرنا
انا عندى 7.2
|
Post: #10
Title: Re: مكانك ..... زين !!؟؟
Author: GamarBoBa
Date: 05-13-2009, 01:00 PM
Parent: #8
سؤال في نفس السياق
من اين تستاجر شركة زين مخارج الانترنت..بمعني ماهي الشركة التي تزود زين بخدمة الانترنت من داخل السودان
|
Post: #11
Title: Re: مكانك ..... زين !!؟؟
Author: ودقاسم
Date: 05-13-2009, 01:05 PM
Parent: #6
Quote: انا نزلت خبر لزين وقلت ان الخبر تناقلتة معظم صحف الخرطوم الصادرة امس .!!
لكن انا ماقلت انها احسن شركة .. |
مزمل
هذا ما فهمته أنا بالضبط ، لكن ربما أنني لم أوصله بدقة ..
|
Post: #12
Title: Re: مكانك ..... زين !!؟؟
Author: مزمل خيرى
Date: 05-13-2009, 01:10 PM
Parent: #11
| Quote: من اين تستاجر شركة زين مخارج الانترنت..بمعني ماهي الشركة التي تزود زين بخدمة الانترنت من داخل السودان |
من سوداتيل على حسب علمى .!!
|
Post: #13
Title: Re: مكانك ..... زين !!؟؟
Author: GamarBoBa
Date: 05-13-2009, 02:27 PM
Parent: #12
كلنا عندنا 7.2 ياالحبيب...
السرعة الفعلية القاعدين نتصفح بيها كم لكن
بحساب السوق السرعة الفوق دي لو الكونكتر بتاعي خرطوش ومدخله في سيرفر جدة مباشرة ما بحصل السرعة دي
| Quote: من سوداتيل على حسب علمى .!! |
لا اعتقد راجع المعلومة
بحساب ردك برضو
هل سوداتل نفسها تمتلك او تعلن عن هذه السرعة؟؟
ومع ذلك نمش خطوة قدام
7.2Mbps=7200 Kbps
يعني اسرع من المودم ابو 28.8 Kbps القديم ابو 50 الف داك بـ 250 مرة
تعرف السرعة الفوق ديك لما تفتح سودانيز اون لاين المفروض تمش تفتح ليك موضوع جديدباقتباسه ويعمل ليه برفيوويعمل ليك signout في كم ثانية؟؟؟
خش الموقع ده ياحبيب واعمل تست ينفسك
speedtest.net
ودي النتيجة...
بجي بفرتق اي معلومة لاي زول مافاهم النتائج لكن الفكرة واضحة
وعشان تقتنع اكتر جرب اي كونكتر تاني
ولو برضو ما مقتنع يالحبيب لسة في حاجات جاية في السكة
نواصل
_
المعلومات اعلاه قابلة للجرخ والتعديل من الاعضاء ونتقبل التصحيح ونمشي عليه دون اي (غلات)
|
Post: #14
Title: Re: مكانك ..... زين !!؟؟
Author: GamarBoBa
Date: 05-13-2009, 02:41 PM
Parent: #13
ود قاسم معليش لو احتلينا بوستك ده
زي حكاية زول نكته الله يرحمه في مناطقنا النوبية في جزيرة صاي اسمه سيد تلول
وصاي من الجزر الغنية بنخلات القنديلة العزيزة علي اهلنا (حرقوا نصها الله يجازي السدود والنكبات العلينا)
المهم عمكم سيد مشي حتي غريبة كدة كل نخيلها من نوع اسمه (جاو) ورخيص وماسمح
بين الاشجار دي كلها لقي ليه نخلة قنديلة واحدة قالوا حضنها وفكا بكية كاربه وقال ليها انتي زرعوكي ولا جيتي زايرة زينا
المهم بين البوستات لقينا بوستك ده واحتمال ننقرش فيه شوية...حسب العرض والطلب من مزمل او اي متداخل تاني من زين
_
مزمل ترجم النكتة دي يا (كركد)..عارفك فهمتها
|
Post: #15
Title: Re: مكانك ..... زين !!؟؟
Author: ناذر محمد الخليفة
Date: 05-13-2009, 03:31 PM
Parent: #14
أنا جيت ..
Quote: هسع بيجى واحـد صاحبنا ناطى ويستلم بوستك دا بوضع اليد ..!!
عرفتو ؟؟
|
طبعا بيعرفو الخال ..
مع إنو موضوعك دا يا خال بح صوتنا فيهو من خلال كم بوست ، لكن دي فرصة الواحد يستلم بوستك دا (بوضع اليد برضو) ويعمل فيهو أب أب لحدي ما واحد من المسئواين يقراهو ولحدي ما نحن برضو نعرف هل مكاننا زين ولا لا ..!!
من الغرائب يا ود قاسم واحد من المسئولين في شركة زين أرسل لي رسالة عرفني فيها بي نفسو ووضع رقم هاتفو برضو .. نفى أن يكون ذلك الإعلان يبث في كل محاولات الإتصال .. حيث ذكر ان الإعلان يبث فقط في حالة الطرف المراد الإتصال به مشغول !! فرددت عليه وقلت له تاكد بنفسك .. وعاد في رسالة أخرى ليقول أنه يقصد أن الإعلان يبث في عدة حالات إحداهما حالة الإنتظار !!
قكتبت له طالبا منه ومن خلفه التوقف عن ممارسة التضليل وخداع العملاء .. ومنها لم يرد علي مرة اخرى !!
تخيل مسئول في الشركة العملاقة لا يعلم شيئا عن القضية التي أثرناها هنا ومع ذلك يريد ان ينصب نفسه مدافعا عن الشركة بالباطل ودون وجه حق !!
صنفرة :
إستلمت البوست من الان فصاعدا يا خال ..!
|
Post: #16
Title: Re: مكانك ..... زين !!؟؟
Author: ناذر محمد الخليفة
Date: 05-13-2009, 04:03 PM
Parent: #15
بعدين إيه حكاية الإعلان المفروض فرض يسمعوهو ناس فئة الدفع المقدم قبل أي إتصال ؟؟!!
هل فرض الشركة على عملائها سماع إعلاناتها الترويجية يعتبر قانونياً ؟!!
يا خي أفرض عندي مكالمة عاجلة تتعلق بي إنقاذ حياة مريض أو ما شابه ..
ذنبي شنو أستمع لي إعلان مهما كانت قصر مدته هو أطول من دهر بالنسبة للظرف الأنا فيهو ؟!!
دا مش إستهانة وعدم إحترام لي زمن المواطن ؟؟!!
البيحصل من زين في الحتة دي لو حصل في أمريكا أو أي دولة غربية كان المواطنين قاضوا الشركة وحلبوا منها تعويضات مليونية ..
ونحن في السودان لينا الله ..!!
|
Post: #17
Title: Re: مكانك ..... زين !!؟؟
Author: أيمن دياب
Date: 05-13-2009, 06:42 PM
Parent: #16
بصراحة ياناذر.. عارفك بتدق الخيمة وتقعد في الموضوع ده..
عشان كده عايز اجيب ليك حاجة ظريفة..
بما إنك راجل مميز..
الليلة عدد مشاركاتك برضو مميز..
|
Post: #18
Title: Re: مكانك ..... زين !!؟؟
Author: ناذر محمد الخليفة
Date: 05-14-2009, 07:36 AM
Parent: #17
شكرا يا أيمن دياب ..
حقيقة زي الحاجات دي مرات بتفوت علي ومرات بكون ملاحظا ..
وعشان إنت زول ظريف وراقي حا أديك بوست من الارشيف يتعلق بمتابعتي لي عدد المشاركات وربطها بالأحداث .
حدث في مثل (مجموع المشاركات) لهذا اليوم !!!
|
Post: #19
Title: Re: مكانك ..... زين !!؟؟
Author: GamarBoBa
Date: 05-14-2009, 09:11 AM
Parent: #18
11 ونص زين العمارات السيستم داون
والليلة يوم القطع
ويوم الجمعة والسبت اجازة...
تعالوا نعبي ليكم بلح
|
Post: #20
Title: Re: مكانك ..... زين !!؟؟
Author: مزمل خيرى
Date: 05-14-2009, 09:47 AM
Parent: #19
Quote: زين العمارات السيستم داون
|
كلنا نعانى يا صاحب ..
|
Post: #21
Title: Re: مكانك ..... زين !!؟؟
Author: حمزاوي
Date: 05-14-2009, 09:54 AM
Parent: #20
زين عالم شين
|
Post: #22
Title: Re: مكانك ..... زين !!؟؟
Author: ودقاسم
Date: 05-14-2009, 01:16 PM
Parent: #20
مزمل
قمربوبا
ناذر
أيمن
لكم التحية ،
والشكر لكم على مشاركتكم لنا امتعاضنا عن الخدمة الهاتفية ، ومن جانبي سأهجر زين إذا لم تتخلى عن إزعاجي وإضاعة وقتي .
ليتكم تشيرون علينا بخدمة بديلة لا إزعاج فيها ...
|
Post: #23
Title: Re: مكانك ..... زين !!؟؟
Author: GamarBoBa
Date: 05-14-2009, 01:35 PM
Parent: #22
اعتقد المشكلة في الدفع الآجل غير موجودة
لانو ما عندي المشكلة دي
المشكلة يا ود قاسم البديل حيكلف الحيتصلوا عليك
لانو الناس القدام اغلبهم شايلين شرائح موبتيل سابقا...وفوق ده خدمة الاتصال نفسها كويسة مقارنة بالبدائل
حاول اعمل خط لانو بريحك من المشاكل دي
تحياتي
|
Post: #24
Title: Re: مكانك ..... زين !!؟؟
Author: مزمل خيرى
Date: 05-14-2009, 01:42 PM
Parent: #23
قمر بوبا
| Quote: اعمل خط لانو بريحك |
بينى وبينك الخط ارحم ، بس العذاب من ناس المسكولات ، والواحد بكل ( بجاحة ) يقول ليك تلفونك ما خط ..!!
مايبقى خط .!! .. الخط قالو بالمجــان .؟؟
ناس غريبة والله ، دى حاجة من الحاجات البتزهج الزول الشايل خط .!!!
|
Post: #25
Title: Re: مكانك ..... زين !!؟؟
Author: ناذر محمد الخليفة
Date: 05-15-2009, 12:24 PM
Parent: #24
|
Post: #26
Title: Re: مكانك ..... زين !!؟؟
Author: ناذر محمد الخليفة
Date: 05-16-2009, 04:32 PM
Parent: #25
|
Post: #27
Title: Re: مكانك ..... زين !!؟؟
Author: ناذر محمد الخليفة
Date: 05-18-2009, 11:06 AM
Parent: #22
|
Post: #28
Title: Re: مكانك ..... زين !!؟؟
Author: ناذر محمد الخليفة
Date: 06-24-2009, 07:46 PM
Parent: #1
|
|