هل هى خطوة فى اتجاه المصالحة؟؟ اخيرا الرئيس يعترف ( ببيوت الاشباح )!!

على مراى ومسمع من العالم كله وللمره الاولى
اقر الرئيس بممارسات بيوت الاشباح وتشريد العاملين
فى الخدمة المدنية ... عندما قال فى مؤتمر الاعلاميين بالامس::
( لقد ولى زمن بيوت الاشباح والفصل للصالح العام )


هى خطوة فى الطريق الصحيح لمصالحة هذا الشعب ...

















ـــــــــــــــ
اها الجماعة الكانوا طوال 20 سنه بينفوا فى الكلام دا
وبقولوا انو دى ترهات مناضلين واكاذيب .. ح يمشوا ويييييين ؟؟؟

مرحب دينا
حقيقي المهم الان التاكد من الحديث وصدقة والتفكير بالمستقبل

في رائي انه النظام في تطور كويس منذ 1998م
قبل دي الامور كانت مظلمة

بعد 98 قلت الاعتقالات كثيرا
وحدثت اتفاقية سلام الجنوب التي ما كانت تحدث في ظل النظام قبل 98

حتى حر دارفور من اسبابها الاساسة الطرف التاني في الحكومة قبل 98 العدل والمساواة


هسع مفروض التامد هل الدهوة دي حقيقية ولا لا قبل اي شي

ما تزنق الكديسة بتخربشك

Quote: ح يمشوا ويييييين ؟؟؟ بيوت الأشباح كيفك ..دينا...

Quote: هى خطوة فى الطريق الصحيح لمصالحة هذا الشعب ...

دة مجرد كلام في غرف مغلقة

قبل عدة شهور قال نفس الكلام للمشاركين في مؤتمر العاملين بالمنظمات الدولية

في الدعوة بمنزل الرئيس قبل أن يبدأ (الحت) مع حسين شندي..

هل انتهت ممارسات التعذيب؟؟ الإجابة بالقطع لا..ودونك حديث تقطيع الأوصال علناً

أشباح بيوت الأشباح تتم مكافأتهم الآن بالمناصب في السفارات

شكرا دينا على ايراد النبأ

لم نتعود أن يقول الرئيس كلاما و يصبح هذا الكلام واقعا

لا ادرى اين العيب فى الرئيس أم النظام ام الاثنين معا

اذا كان عهد بيوت الاشباح قد ولى

ماذا عن الذين كانو هم الضحايا؟

هل سيتم الاعتراف بكل الانتهاكات ضدهم ومن ثم يتم تعويضهم عما لحق بهم من ضرر

ثم ماذا عن المجرمين مرتكبى تلك الانتهاكات هل سيتم محاكمتهم ام سفلتوا بجرائمهم

الجرائم ضد الانسانية و من بينها التعذيب لا تسقط بالتقادم سيدى الرئيس

والله ماف شبح في الا انت..
الناس لا فارزنك مرا لا فارزنك راجل لا فارزنك في السودان لا فارزنك في ما السودان تشيل وتضحك وتهظر معاك وعاملين فيها اصحابك..
بختك الرئيس اعترف إنو عندك بيت ..جرررررررري اجري لي ناس الاراضي وثبتي حقك وان شاااااء الله بيتك ده يطلع ناصية فاتح على تلاتة شوارع وبتجي جمبو المواصلات وبعد سنتين يعملوا جمبو مطار طيارات الرش..

تخريمة :

Quote: وبقولوا انو دى ترهات

وفقر فاه ..

Quote: لقد ولى زمن بيوت الاشباح والفصل للصالح العام

البشير اخر من يعلم حقائق الاشياء
اذا تحدثنا عن بيوت الاشباح كان هذا البشير ينفي وجود بيوت الاشباح عليه و بنفس المنطق علينا
ان لا ناخذا بحديثه هذا
لانه اخر من يعلم ويفتى في هذا
اما الفصل للصالح العام فمن الطبيعي و المنطقي ان لا يكون فصل
الانقاذ لا تفصل ابنائها من العام
العام لم يعد عاما
الانقاذا حولت العام الى خاص

الإعتراف
حتى بصيغته التعبانة تلك
مقبول

بس يجب ان يكون واضح وصريح وكامل وشامل

وان تتبعه خطوات اخرى لرفع المظالم وردها

من ضمنها :
1-الكشف عن الحقائق كاملة
2-ذكر اسماء كل المسئولين عن ماتم في بيوت الأشباح من خطط ومن امر ومن نفذ
ومن زور في تقرير رسمي

3-التعويض المناسب

اهو ده الكلام الفاهم

مفروض الناس تمسك في الاعتراف ده ونكنكش فيه بافتراض حسن النيه
هشان لو كان في حسن نيه يبقى في حسن نية وتبقى مافي طريقة للتملص منو
وتضخموا اعلاميا لحدي ما يترسخ

ما حاجة هينة رئيس دولة يعترف بوجود معتقلات تعذيب في فترة حكمة

بعد ما نرسخ الحته دي ونثبت اعترافة

نحاول نستفيد منه بالكلام القلتوه ده

موش نقعد نكورك

كضاب كضاب كضاب

وندية مبرر للتنكر عن اعترافه والمستحقات المفروض تترتب على الاعتراف ده

Quote: الرئيس يعترف ( ببيوت الاشباح )

وان كان قصد الاعتراف .. بس العاده انو خطابات الرئيس دائما حماسيه ومرتجله
وبيفضل كلامو كلام ما دام رجاله ما بطبقوهو
ياريت الرئيس يبطل استعراض بالانجازات والح ينجز ويخلينا نحس بالتحسن ملموس

دي خطوة كويسة
يلا يا محامين قومو كدي ارفعو قضية باسم الضحايا
طالبوا
بكشف عمن عذب واجرم في حق ابناء الشعب
وكشف اسماء كل الضحايا لا يتركوا احدا
في الاقاليم او العاصمة

بعداك يردو ليهم اعتبارهم ويعوضوهم


التعويض المناسب...
طبعا الريس هنا عايز يتكلم عن ما قبل فنقلة الترابي وكدا..

Quote: لقد ولى زمن بيوت الاشباح والفصل للصالح العام

بعد خراب البيوت وتشريد الكفاءات وتدمير الخدمة المدنية والظلم الذى حاق بالاف السودانيين!

بعد خراب مالطا

المرارات لن تنتهى!

وليد صاحبى ...
ياخ الواحد بقرا ليك بمزااااج حتى لما يكون مختلف معاك
فكيف لما يكون عفاريتك نازلة وبتتكلم دوغرى ؟؟
كلامك صاح شديد ،، الاهم الان تثبيت كلام الرئيس
حتى لو كان بدون اى تبعات ...... مش دى مرحلة جديدة
انو يعترف ؟ كنا فيييييين وبقينا فين
وكان خربشنا ال يخربشنا لووووول ..

حلييم ..

ياخى ذى ما قال ليك وليد نحن فى عضم الكلام ذااااااتو
الرئيس يقول كان فى بيوت اشباح ؟ ... دا مش كلام جديد ؟
مش ممكن تنبنى عليه حاجات كتيرة ؟ مش على الواقع البعيد داك
فى اذهان بعض الناس على الاقل الما كانو مصدقين

بشير جبريل !!
انا كويسة .. انت شديد ؟
رايك شنو فى الكلام دا بعد 20 سنة ؟


هشام اخو صاحبتى سهام !

Quote: لا ادرى اين العيب فى الرئيس أم النظام ام الاثنين معا

العيب انو النظام هو الرئيس ،، والرئيس هو النظام
يمهل ولا يهمل .. العقاب ات لا ريب فيه ..

Quote: هل هى خطوة فى اتجاه المصالحة؟؟ اخيرا الرئيس يعترف ( ببيوت الاشباح )

السلام عليكم ورحمة الله وبركاته
دينا خالد والإخوة والأخوات الزوار....تحية.....وهل كان الشعب السوداني في إنتظار إعتراف أخينا البشير?....وبعد أن أدانه العالم أجمع?....وأصبح مطاردآ عالميآ....لا يا إخوتي....فالشعب السوداني أذكي من ذلك....كل ما في الأمر أن البشير يأمل في فتح صفحة جديدة مع الشعب السوداني الطيب...لأن الإنتخابات علي الأبواب....يعني بعد أن كمل كل الإستعباط علي الشعب بالقوة....عايز يجرب الإستعباط بالدبلوماسية....مجرم

راشد

عمـــــــــــــر الفاروق ؟؟
ياخى وانا حالتى معتمده عليك فى نفى الترهات دى
وكنت مؤجلة افادتك ،، تطلع برضو مغرض ذى ناس كدا
لوووووووول ... حلوة منك لكن .. وملعوبة

وانت ما خطفت رجلك جيت مع الاعلاميين لييه؟؟
خوفت من بوستات السمانى ؟ لووووب ..

يعنى انت ما اعلامى ولا ما اعلامى كمان ؟ بس جات منك انت ؟

اها انت هربت من السؤال البخصك .. النبى فيك كان ما جاوبت

Quote: اها الجماعة الكانوا طوال 20 سنه بينفوا فى الكلام دا وبقولوا انو دى ترهات مناضلين واكاذيب .. ح يمشوا ويييييين ؟؟؟

والرئيس ذااااااتو مريخابى ما تجى تقول لالا وكان رئيس
نادى كوبر وكان وكان .. ما بتضمنو الليلة هلالابى بكرة ممكن
يكون مريخابى ... مش رئيس ؟؟

علاء الدين صلاح

حاجه مهمة انهم يقولو ايوة حصلت ..
ظلوا طوال الفترة السابقة يرددوا ( التحول الديمقراطى ) مع المعارضين
فى اعتراف بيين انو نظام ال 20 سنة كان شمولى وبكلامهم
هم مش بكلام اىىىىىى زول تانى ..

ابونا وساندرا
مساءك نوور

ما تحلموا بعالم سعيد ،، نحن هسه فرحانين
وداقين الكيتا بس فى الكلام ذاتو ..

Quote: من ضمنها : 1-الكشف عن الحقائق كاملة 2-ذكر اسماء كل المسئولين عن ماتم في بيوت الأشباح من خطط ومن امر ومن نفذ ومن زور في تقرير رسمي 3-التعويض المناسب

كمان انت يا ابو ساندرا قول المعقول !! اراك شطحت

Quote: العقاب ات لا ريب فيه ..

ده الكلام المفيد ,, بـس متين ؟؟




وينك من يوم ماولعتى النار فى
أم درمان تانى ماشفناك ؟
بعدين كده كلنتون حتزعل , رجعى
الصوره , عايزه كمان تعملى لينا
مشكله مع (ام) ريكا ؟ مش كفايـه
(أم) درمان ؟








عمر الفاروق ,, إنت مامصدقنى ياخ
مش قلت ليك (الشبح) ده جانا فـى
الدوحه وقابلناهو ؟ ياريتك لو كنت
معانا عشان تأأأأمن .
ياخى فى أشباح بتكتب وترد وتواصل
وتتواصل ؟
حيرتنى عديل فى شوفى الشفتو !!!

Quote: ما حاجة هينة رئيس دولة يعترف بوجود معتقلات تعذيب في فترة حكمة بعد ما نرسخ الحته دي ونثبت اعترافة نحاول نستفيد منه بالكلام القلتوه ده موش نقعد نكورك كضاب كضاب كضاب

حكمة الله مرات بيتنزل عليك الوحى ! فتنثر دررا

دلال ع العزيز
القول ذاااااتو مرحلة .. كنا فين وبقينا فييين ؟

د. نجاة !

Quote: يلا يا محامين قومو كدي ارفعو قضية باسم الضحايا طالبوا بكشف عمن عذب واجرم في حق ابناء الشعب وكشف اسماء كل الضحايا لا يتركوا احدا في الاقاليم او العاصمة

ما عصرتى علينا شديد ؟؟ لووووووول .
ما قدر دا كمان .. هسه نحن فى الاعتراف ذات نفسو







ــــــــــــ
دى انتى يا دكتورة ال فى الصورة دى ؟
زكرتنى صورة تراجى مع اوباما قبل الفوز ..

يا دينا
دا زول عبيط ساكت
راجل اهبل و بنضم ساي
هو اصلو الترابي جابوه عشان هو زول هبلون

دا كلام خطير لكن تقولي شنو

المهم الزفة بتين لسجن لاهاي

التمباك علينا غايتو ما بنقصر معاه

و البنقو على الكيزان

سلامات

Quote: ما حاجة هينة رئيس دولة يعترف بوجود معتقلات تعذيب في فترة حكمة بعد ما نرسخ الحته دي ونثبت اعترافة نحاول نستفيد منه بالكلام القلتوه ده

الكلام اعلاه كلام جميل ويجب ان يسجل ....بالصوت والصورة هنا...وطبعا يعتبر هذا الاقرار ادانة للمؤيدين
الذين يسارعو لتكذيب المعارضين بلا روية وكثيراً مايأخذهم الحماس الي ابعد من النفي ...كتهمة العمالة
والمعارضة الفارهة (خمس نجوم) ويرمون المخالفون بالكذب ...ومنهم من ادعي بان بيوت الاشباح هذه من
بيوت افكار المعارضين ليس الغرض منها الكسب السياسي فحسب وانما نيل اللجوء السياسي في دول الاستكبار..
ولو كنت محل هؤلاء لسجلت اعتذار رسمي في كل مكان كتابة ولفظاً ..
كما ان مثل هذه التصريحات كثيراً ما تكون خصماً علي النظام ...مثل تصريح موتي دارفور العشرة الاف فقط ...
لذا ارجو ان تمدونا بالتصريح ...والرابط...
حتي اذا كان الغرض منه اهانة حليفه السابق الترابي فهو لم يكن مشارك في النظام فحسب انماجزءاً اساسي منه
المؤتمر الوطني والشعبي لا يستطيعان التنكر من هذا التاريخ ...

على بدرى حاج !

لقد دفعتم ضريبة اوطانكم شرفا ..
والحساب يجمع !! هون عليك .

Quote: هل هى خطوة فى اتجاه المصالحة؟؟ اخيرا الرئيس يعترف ( ببيوت الاشباح )!!

استغرب احتفاءك بتصريح الرئيس ..
كم مرة صرح الرئيس ؟ ولم تترجم تصريحاته والتي هي في الهواء الطلق لافعال ..
استعجب جدا وانتي قانونية - كما بالبروفايل- ان تؤيدي التصريح ولا تنادي بما يترتب على مثل ذلك التصريح ..
اعترفت اليابان رسميا بعد زمنا طويل بفتيات المتعة من الصينيات وطولبت عالميا بدعم هذا التصريح وما زالت تدفع بالاعتذارات والتعويضات
هذا عن اليابان التي يفوق عمر ما ارتكبته ستون عاما فما بالك بتسعة عشر عاما او قولي اقل من عام حسب مدة تعذيب حميدة ومنعم الجاك ..!!
وما الذي سنقوله لاسرة علي فضل ؟
هل نقول يا بختنا الرئيس اعترف فاليرقد ابنكم علي فضل وعبدالمنعم سلمان ووو .. وحسن اولئك رفيقا فاليرقدو بسلام لان الرئيس اعترف ..!!
وماذا سنقول لزميلنا عضو المنبر ود الريح ؟ هل نقول له اعترف الريس فانهض وتحرك وانسى عذاباتك ؟ اليس هذا نصرا للجلاد على حساب الضحية ؟ هل اقوال الرئيس وما (اكثرها) اصبحت نصرا يجب الاحتفاء به ؟ اذن هذا اختلال لمعايير النصر ولمعاييرنا الاخلاقية ايضاوليبارك الرب المؤمنين الجدد ..!!
هذا عن التعذيب
و ماذا عن الذين شردو بغير حق من وظائفهم سوى انهم قالو انا نخاف الله ولا نرضى مخالفته ونحن الديمقراطية دينا .. ماذا عنهم ؟
ماذا عن الاف الاسر التي شردت ؟ وماذا عن الاف الفتيات اللاتي اصبحن بأكلن من اثدائهن بفعل ذلك القرار المتوحش - هذا باعتراف الكاتب الاسلامي محمدطه محمد احمد نفسه رحمه الله - فماذا سنقول لهن ولهم؟ وهل تصريح الرئيس هو البروة التي يمكن ان تغسل احزان المعذبين والثكالى ؟!!
ان الاحتفاء يمثل هكذا اقوال لا تسمن ولا تغني من جوع بالاضافة الى انه يعمق جراحات المظلومين فانه يساعد الظالم ويجعله يستمرأ الظلم
وعلى اقله فان هذا الحديث لا يمكن ان يجد قبولا في السودان ودارفور ما زالت مشتعلة ..!! اليست المطالم قائمة يا افوكاتو الهناء ؟
ان من هلل لتصريح الرئيس عليه ان يعرف ان الرئيس اعلن اكثر من مرة قراره برفع الجبايات من على الطريق القومي - وااحد الخرطوم بورتسودان - وكل ما صرح تصريحابهذا الخصوص بنى القوم نقطة جديدة للجباية على الطريق نخشى بيوت اشباح جديدة بعد هذا التصريح ..
هذا عن الجبايات للتذكير ,
كيف تحكمون ؟ِ
__
ما هو الشي الذي جعل المناضل الجسور يترك البلاد ويقرر العيش بلندن اليس هو تهديده بالبتر ان ايد المحكمة الجنائية (تصريحا) هذا ما قاله لي الاستاذ على محمود حسنين شخصيا وهو بالمناسبة قانوني ضليع تعرفه كاتبة الموضوع كحالة درست او كقانوني رقم طالما هي من اهل القانون !!

لقد دخلت القوات الدولية ليست علي جثته أو طلاقه كما قال ولكن ... في وضح النهار...وعلي أنغام رقصاته.

إنه لمن السذاجة أن نفكر بأن ما يحدث الان ليس سوي محاولة بائسة لخلق وحدة داخلية لمقاومة المحكمة الدولية.
لقد عشنا أكثر من عشرون عاما لم نسمع فيها سوي .. الكذب والبهتان .. والقتل والتشريد ...
لم نري فيها سوي مزيد من الانحطاط بكرامة الإنسان ...

إن السؤال ترف لا نقدر عليه
لكنني اسأل أليس من الأجدي للمصداقية أن يفتح ملفات التصفيات والتعذيب ...
أن يحقق في أحداث من ماتوا تحت سياط كلابه ..
إنها موثقة ولا تموت ..

لذاكرة الشعب: بيوت سيئة السمعة ...

سنتلوها عليهم كل يوم

راشد الحاج

اقدر كلامك جدا ..

كمال سالم
دا حالتك لسة ما شفتا؟ .. تحياتى عبرك للود بطرفكم


منعم سلمان ...
السؤال فى العنوان هو تساؤل عن غرض
التصريح ... من وين جبت الاحتفاء دا؟؟
احترم جدا مداخلتك الطويلة .. ومشاعرك تجاه من
راحوا ضحايا تلك البيوت سيئة السمعه ..

والثابته في كل ما قلت كانت بهذا الاعتراف ..
وهو كما نسميه (فى القانون) سيدالادلة
والذى سيغنى من كل البراهين وعن مثل الحكى الكتيييييير
القلتو انت هسه .. دا بقينا ما محتاجين ليه .. عرفت كيف
اننا ما مختلفين ؟

Quote: اليست المطالم قائمة يا افوكاتو الهناء ؟

الكلام دا معاى انا ؟؟

اولا اعتذر عن كلمة (افوكاتو الهناء) لم تكن ضرورية ولا لائقة
اما الاحتفاء جبتو من ووين ؟
بقول ليك ..
كان العنوان في شكل تساؤل هل هي خطوة في الاتجاة الصحيح
والتي سرعان ما تحولت (الجملة) من تساؤل لواقع يجب العمل به من خلال ردودك ( راجعي ردودك اعلاه وشي احسن من شي وخلافه )
ثم حديثك الذي افتتحتي به البوست :

Quote: على مراى ومسمع من العالم كله وللمره الاولى اقر الرئيس بممارسات بيوت الاشباح وتشريد العاملين فى الخدمة المدنية ... عندما قال فى مؤتمر الاعلاميين بالامس:: ( لقد ولى زمن بيوت الاشباح والفصل للصالح العام ) هى خطوة فى الطريق الصحيح لمصالحة هذا الشعب ...

ثروتنا القومية !!
احوالك مشتاقين

نحن قصتنا فى الاعتراف نفسه دا
بقصر علينا مشاوير طويلة ذى ما قال النعيم ..

ابراهيم النعممه

Quote: الكلام اعلاه كلام جميل ويجب ان يسجل ....بالصوت والصورة هنا...وطبعا يعتبر هذا الاقرار ادانة للمؤيدين الذين يسارعو لتكذيب المعارضين بلا روية وكثيراً مايأخذهم الحماس الي ابعد من النفي ...كتهمة العمالة والمعارضة الفارهة (خمس نجوم) ويرمون المخالفون بالكذب ...ومنهم من ادعي بان بيوت الاشباح هذه من بيوت افكار المعارضين ليس الغرض منها الكسب السياسي فحسب وانما نيل اللجوء السياسي في دول الاستكبار.. ولو كنت محل هؤلاء لسجلت اعتذار رسمي في كل مكان كتابة ولفظاً

ايوااااااااااا ,,,, دى اول فوائد الاعتراف ..
الكلام يا ابراهيم موجود بكل صحف الامس
انا شوفتو فى الاحداث ..

جعــــــــفر بشـــــــــير

Quote: إنه لمن السذاجة أن نفكر بأن ما يحدث الان ليس سوي محاولة بائسة لخلق وحدة داخلية لمقاومة المحكمة الدولية.

بل هو ذاك هو ذاك ، ليس هو سوى محاولة يائسة لخلق وحدة داخلية لمقاومة
المحكمة الدولية

بل من السذاجة ان نفكر فى انها خطوة للمصالحة وتصحيح الاوضاع !

القصة كلها ذى ما وصفتها انت ... بالضبط

منعم .. ولا يهمك ياخ
واضح انك مستفز منهم ودى مقدره والله ..
عارف قدر ما اقرا مداخلتك
ما بقدر اشوف اختلاف بيننا

امكن سوء الفهم جايى من فهمك لكلمة مصالحة بتاعتى دى

اها مصالحتى دى الله لا وراك ليها ..
وهم طبعا اخير ليهم منها الحرب ( بكسر الراء )

المصالحة كمصطلح حديث لا تعنى المسامحة ولا العفو ..
المصارحة والمصالحة لهما شروطهما ومستحقاتهما التى تحفظ
لكل الضحايا حقوقهم ...

ربما تكون هي خطوة للإعتراف بحقائق قامت
على الأرض, فيما كانت منكرة من جانب البشير
وحزبه, وهي وعلى هذه القامة المتواضعة من
الإعتراف, فهي تمثل بحد ذاتها نصر معنويا
لشعب السودان ولمناضيله ولقواه الوطنية
التي إختارت المعارضة والمواجهة حينها.
لكن قضية بهذا الحجم, ألم تكن تحتاج إلى
إعتراف أكثر رسمية وعبر خطاب مباشر من
من رأس الدولة, ثم ألم يكن هذا الإعتراف
مستوجبا للإعتذار, بل ألم يكن مستوجبا
لبعض مما يجبر الخاطر, على الأقل كشف
حالات التعذيب وضحايا ومن شاركوا فيها,
كما أليس مهما؟... أن ترفع الحالات المزمنة
إلى حيز المساعدة المباشرة ماديا ومعنويا.
على كل لا أستبعد أن يكون ذلك ضمن حزمة
حوافز فضل المؤتمر الوطني أن يقدمها للناس,
لمكافحة الجنائية والإستعداد للإنتخابات, لكننا
وفي كل الأحوال, قبضنا على الإعتراف ومن قمة
هرم السلطة وهذا مهم, كما مهم أيضا إضافة
القيمة السياسية لهذا الإعتراف, للمكونات
والمؤونات المستحقة لإنجاز مهمة التحول الديمقراطي,
لكوني أنا أرى هنا مكسبا على الطريق.

شكرا دينا ... وووييين الحي بيك, ولا أخفي إنزعاجي
مما صرح به عمر الفاروق, لأني ما أزال فاكرك بنت
صغيرة وحلوة ومستنيرة ... فأقرط على كده ول لا...؟

القاصي قبل الداني
الصغير قبل الكبير
الكل يعلم هذا
هذه الخطوه ليست مقدمه لمصالحه اساسها
-تفكيك امتيازات حزب الراسماليه الطفيليه لصالح مجموع جماهير شعبنا- بقدر
ما هي غزل لبعض القوي السياسيه ومد يدالتحالف لها
ولكن هيهات والجميع الان يتكلم ويتفق علي انفاذ مستحقات الاتفاقيات الموقعه مع الحركه التجمع الشرق مناوي
الغاء القوانين المقيده للحريات
وخاضت اغلب التنظيمات معارك كثيره
اساسها الغاء كافة القيود المفروضه علي كافه مؤسسات المجتمع السياسيه النقابيه والمدنيه
واحترام دستور 2005

المستنير حيدر قاسم !
حبابك مليون وكلماتك الفارهه

Quote: وفي كل الأحوال, قبضنا على الإعتراف ومن قمة هرم السلطة وهذا مهم,

مهم جدا .. ولكنه كما قلت ليس كافى















ـــــــــــ
حيدرنا !! فى اتنين فى المنبر دا لو قالوا ليك دا اليمين
تاكد انو دا النهار اى الشرق .. طيب هم عرفوا
كييييييف ؟ لو ما بعرفونى ؟