Post: #1
Title: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-12-2009, 12:09 PM
تقدمت الموردة بشكوى رسمية ضد فريق الهلال طاعنة في صحة مشاركة اللاعبيْن
مهند الطاهر ومدثر كاريكا في مباراة الأمس التي انتهت بفوز الهلال بأربعة
أهداف دون رد، على أساس أن اللاعبيْن المذكورين مسجلان بكشوفات المريخ..
هذا وقد ذكر مسؤول كبير لمندوبنا بأن الموردة ستكسب الشكوى والنقاط الثلاث
ستكون في رصيد الموردة بعد اجتماع لجنة الشكاوى التابعة للاتحاد العام..
|
Post: #2
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-12-2009, 12:19 PM
Parent: #1
كيف تقع إدارة الهلال في مثل هذا الخطأ الكبير وتشرك لاعبين مسجلين
في كشوفات فريق آخر منافس في نفس البطولة؟
أرجو ألا ترتكب إدارة الهلال نفس الخطأ في مباراة الهلال القادمة أمام
فريق هلال كادقلي وتقوم بإشراك هيثم مصطفى أو أحمد عادل فيقفد الهلال
النقاط الثلاث..
عليكم الانتباه يا ناس الهلال لمثل هذه الأخطاء..
|
Post: #3
Title: Re: الموردة تتقدم بشكوى ضد الهلال وتطالب بنقاط المباراة
Author: السمؤال بدرالدين
Date: 05-12-2009, 12:24 PM
Parent: #2
اناموش قلت ليك قبل كدة
انت اكر ماااااسورة في المنبر ده
|
Post: #4
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-12-2009, 12:43 PM
Parent: #3
Quote: اناموش قلت ليك قبل كدة
انت اكر ماااااسورة في المنبر ده |
يا سموأل عليك الله حكاية الموسرة بتاعتي دي هسه خليها،
بقيت كيف من الغبار؟ إن شاء الله يكون قلبك هلالابي..
جيت جاري يا النجيض قايل الخبر صحيح..
السنة أتوحموا على الدوري بس..
|
Post: #5
Title: Re: الموردة تتقدم بشكوى ضد الهلال وتطالب بنقاط المباراة
Author: abuguta
Date: 05-12-2009, 01:39 PM
Parent: #4
Quote: اناموش قلت ليك قبل كدة
انت اكر ماااااسورة في المنبر ده |
سموال
خمس سنوات خلت اكبر ماسورة وبدون منازع المدعو طلحة
يعنى زى الوصافة
لكن صورتك شرط,,,خليك مصاقر جكس البورد الجديد
تسلم
وسلام لصاحب البوست
|
Post: #6
Title: Re: الموردة تتقدم بشكوى ضد الهلال وتطالب بنقاط المباراة
Author: على محمد على بشير
Date: 05-12-2009, 02:00 PM
Parent: #5
| Quote: السنة أتوحموا على الدوري بس.. |
بالجمبه كدا ..
مشتاقين ياخ ..
|
Post: #7
Title: Re: الموردة تتقدم بشكوى ضد الهلال وتطالب بنقاط المباراة
Author: khaleel
Date: 05-12-2009, 02:07 PM
Parent: #6
لكن امبارح الهلال ضرب كفر تاريخي
|
Post: #8
Title: Re: الموردة تتقدم بشكوى ضد الهلال وتطالب بنقاط المباراة
Author: طارق الكوتش
Date: 05-12-2009, 02:20 PM
Parent: #7
شكل الفريق رائع
وبكره حيكون اكتر روعه
وجعلت الاعلام الاحمر يهضرب
______
راجعوا كتابات طلحه هنا و مزمز بالصدى
جنس هضربه و تناقض
_________
ونتمنى من جميع الكتاب هنا الوقوف بجانب الهلال
فانه يحتاج لابنائه المخلصين و سط هذا الاعلام الاحمر المدمر
يعنى فتح بوستات تساعد فى رفع الروح المعنويه ياهلالاب
|
Post: #9
Title: Re: الموردة تتقدم بشكوى ضد الهلال وتطالب بنقاط المباراة
Author: عثمان جلال الدين
Date: 05-12-2009, 06:24 PM
Parent: #8
المزملاب جو جاريين
غايتو جنس شرك.. وين هارون
جرستكم بدت بدري ,, عارفين حمام كمبالا مافي ..
أوعكم:
أمبيلي جاكم
احتراماتي
|
Post: #16
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 07:37 AM
Parent: #9
Quote: المزملاب جو جاريين
غايتو جنس شرك.. وين هارون
|
تحياتي يا عثمان
شفت كيف كانت خيبة الأمل اللي أصابت المتداخل الأول؟
من غيظو الشديد قال ليْ إنت ماسورة..
هارون ده تعرف رجل راقي ضل طريقه للمريخ..
ربنا يهديهو ويقودو لحضن الهلال..
|
Post: #13
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 06:22 AM
Parent: #8
Quote: ونتمنى من جميع الكتاب هنا الوقوف بجانب الهلال
فانه يحتاج لابنائه المخلصين و سط هذا الاعلام الاحمر المدمر
يعنى فتح بوستات تساعد فى رفع الروح المعنويه ياهلالاب |
مرحبا يا طارق الكوتش وسعيدين بالطلة..
هذا البوست رد على البوست البهناك واللي اتداخلتو فيهو إنت وأبو قوتة
أنا طبعاً الراجل داك قاطعو معاهو ناشف وما قاعد اتداخل معاهو..
الهلالاب يا طارق قادرين يردوا على كل افتراء واستهبال..
|
Post: #12
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 06:03 AM
Parent: #7
| Quote: لكن امبارح الهلال ضرب كفر تاريخي |
فعلاً يا خليل الهلال أدى مباراة كبيرة وجادة
لكن برغم فرحتي بالنتيجة، إلا إني حزين لخسارة الموردة الكبيرة..
الدوري بقى بلا طعم حيث انعدمت الندية والتنافس بين الهلال والمريخ
وبقية فرق الممتاز، والنتائج أصبحت مضمونة في جيب فريقي القمة..
يا اخ حتى الإعلام والتحكيم بقى ضد فرق الممتاز الباقية..
|
Post: #11
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 04:07 AM
Parent: #6
Quote: بالجمبه كدا ..
مشتاقين ياخ .. |
كيفك يا علي وعساك بخير يا حبيب
طلتك معانا هنا بقت بالقطارة،
إن شاء الله تكون بقيت بتاع بيزنس..
|
Post: #10
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 03:57 AM
Parent: #5
| Quote: وسلام لصاحب البوست |
تحياتي يا أحمد أبو قوتة
وكل سنة وإنت والهلال بخير وعافية..
|
Post: #14
Title: Re: الموردة تتقدم بشكوى ضد الهلال وتطالب بنقاط المباراة
Author: عبدالله كع
Date: 05-13-2009, 07:12 AM
Parent: #10
سلام يا حلوين
ولدي المشوطن احمد الصغير طالع لامو .. مريخابي (( مجنتر )) . !!
شاف معاي مبارة القراير ام اربعه ..
اتخيلو رجع لي صوابو .. وبقي يقول لي اخوه .. انا هلال انا هلال
الهلال لمن يكون .......... مافي قبلو ولا بعدو
قمة قمة
|
Post: #15
Title: Re: الموردة تتقدم بشكوى ضد الهلال وتطالب بنقاط المباراة
Author: MOHAMMED ELSHEIKH
Date: 05-13-2009, 07:29 AM
Parent: #14
انتو بتغشو نفسكم؟
قمة شنو؟
من هو قمة الدوري الممتاز الذي يحتفظ الآن بالكاس؟
من هو بطل كاس السودان؟
من هوقمة مجموعة الأولى لأبطال افريقيا؟
من هو صاحب الترتيب 78 ومن صاحب 147؟
الدوري الممتاز مازال طفلا يحبو وعيز حكم من زمبابوى
|
Post: #17
Title: Re: الموردة تتقدم بشكوى ضد الهلال وتطالب بنقاط المباراة
Author: وليد التلب
Date: 05-13-2009, 07:44 AM
Parent: #15
Quote:
من هو قمة الدوري الممتاز الذي يحتفظ الآن بالكاس؟ |
البقرأ يحتفظ دي يقول شايلنو خمسة سنة متتالية ...
|
Post: #19
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 11:02 AM
Parent: #15
Quote: انتو بتغشو نفسكم؟
قمة شنو؟
من هو قمة الدوري الممتاز الذي يحتفظ الآن بالكاس؟
من هو بطل كاس السودان؟
من هوقمة مجموعة الأولى لأبطال افريقيا؟
من هو صاحب الترتيب 78 ومن صاحب 147؟] |
سلام يا محمد الشيخ
كأس الدوري الممتاز إنتو أخدتوهو بعد غياب خمس سنوات، كان الفرق بيننا في
خلال سنة من السنوات 18 نقطة.
لا ننكر أن المريخ هو بطل كاس السودان ولا نغالط أو نكابر في هذه الحقيقة..
أما تصنيفكم على رأس المجموعة فهذه لعبة من الاتحاد الأفريقي، جعل فيها مجموع
النقاط في بطولتي الأندية والفيدرالية هي المعيار حتى يجنب الأهلي المصري التصنيف
في مجموعة أدني في الكونفيدرالية لأن الأهلي لم يسبق له أن شارك فيها وحتى لا يقع
مع وفاق سطيف في نفس المجموعة، الاتحاد الأفريقي أراد أن يخدم الأهلي فظلم الهلال..
أما عن ترتيب الأندية عالمياً وفي القارة، فالهلال عندما دخل ضمن أفضل ثلاثة أندية
في أفريقيا كان إعلامكم يسخر من هذا التصنيف ولا يعترف به، ولم تعترفوا بهذا التصنيف
إلا بعد أن حقق المريخ نتائج طيبة.
وهذا التصنيف لا يعني الأفضلية المطلقة للأندية عند الشهر الذي تم فيه التصنيف،
فهل إذا كان تصنيف المريخ لهذا الشهر مثلاً قبل الأهلي المصري، هل يعني هذا أن
المريخ أفضل من الأهلي وأنه أحرز بطولات أكثر منه؟ مرات في أندية بيتأخر ترتيبها
في شهر ما لعشرين مركز وبيكون السبب أنها ابتعدت عن اللعب التنافسي لهذا الشهر
أو أن الفريق لعب مباراة واحدة في هذا الشهر خارج أرضه وخسرها بهدف واحد بس.
| Quote: الدوري الممتاز مازال طفلا يحبو وعيز حكم من زمبابوى |
طبعاً التحكيم ده إنتو ما تتكلموا عنو لا في الدوري الممتاز ولا في
المشاركات الأفريقية والإرشيف مليان بقصصكم..
|
Post: #18
Title: Re: الموردة تتقدم بشكوى ضد الهلال وتطالب بنقاط المباراة
Author: Nasruddin Al Basheer
Date: 05-13-2009, 08:47 AM
Parent: #14
Quote: سلام يا حلوين
ولدي المشوطن احمد الصغير طالع لامو .. مريخابي (( مجنتر )) . !!
شاف معاي مبارة القراير ام اربعه ..
اتخيلو رجع لي صوابو .. وبقي يقول لي اخوه .. انا هلال انا هلال
الهلال لمن يكون .......... مافي قبلو ولا بعدو
|
سلام يا عبد الله كع
الحمد لله ربنا هدى ولدك لطريق الحق وأعاده لحضن الهلال الدافيء..
أي سوداني يا عبد الله بيولد هلالابي، والمريخاب ديل ولدوا هلالاب لكن تعرضوا
في صغرهم للغش والتغبيش من بعض الناس والبعض منهم زعلوا من أخوانهم وانضموا
للمريخ، عشان كده ولاؤهم ضعيف لفريقهم وأقل هزيمة تلقى عدد كبير رجعوا لطريق
الحق أفواجاً، وشفت معاي في مباراة المريخ والصفاقسي بتاعة الأربعة، واحد مريخابي
قبل ما المباراة ما تنتهي قلع الفنيلة وقنع من حاجة اسمها المريخ على مرأى ومسمع
من المشاهدين..
زواج الهلالاب من مريخابيات فيهو مجازفة ربما يتحمل تبعاتها الأبناء في المستقبل، لأن
ابتعاد وغياب الأب عن البيت ربما يجعل الأم والأخوال يأثروا سلباً على ولاء الأبناء..
أنا ذاتي زوجتي مريخابية وقاعدة تقول لي أنا خليت المريخ وأنا ما بصدق الكلام ده،
والآن سافرت للسودان وبقيت خايف على الولد من جو البيت المريخابي ، فكل يوم بتصل
واطلب منها تودي الولد لأعمامو وحبوبتو لأنهم والحمد لله هلالاب بالطبيعة..
نحن كهلالاب بنحتاج نعمل لينا مؤتمر نناقش فيه مسألة ولاءات أبنائنا ونحارب المحاولات
اليائسة التي يقوم بها الصهاينة لصهينة أولادنا أولاد الهلال، خاصة في عهد تدفق أموال
الدولة في أيدي ناس المريخ وربما يغروا الأطفال بالألعاب والهدايا والبلاي استيشن من
أجل ضمهم للمريخ..
الانتباه لازم وخلوا بالكم من أولادكم..
|
|