Post: #1
Title: معاناة في استخراج الجواز الالكتروني بمجمع امدرمان
Author: وليد الطيب قسم السيد
Date: 05-12-2009, 10:56 AM
Parent: #0
اشتكى عدد من المتعاملين مع مجمعات استخراج الجواز الالكتروني الجديد من تعقيدات في استخراج ومعاناة امتدت بهم لعدد من الساعات. ومن مجمع امدرمان للجوازات يقول الزين ابراهيم: جئت الى المجمع وفي تقديري ان لا تتجاوز معاملتي الساعة بحسبان اني حضرت كشاهد فقط مع شقيقي ولكن امتد الوقت في سيناريو ممل من الانتظار مررنا خلاله على اكثر من نافذة منذ الساعة الخامسة صباحاً وحتى الخامسة والنصف مساءً. ويقول ادريس حضرت فقط للاستلام ولكن ذقت الامرين بعد ان ابرزت ورقة الاستلام ولكن قيل لي الاستلام بعد الساعة العاشرة ولكن دام انتظاري حتى الساعة الحادية عشرة والنصف. ويضيف رغم ان الجواز الالكتروني مشروع جديد وحضاري الا ان الاجراءات تستغرق زمناً طويلاً كما ان قيمة رسوم الجواز مرتفعة جداً «420» جنيهاً ولابد لجهات الاختصاص من الوقف على هذه الاشياء ومعالجتها.
|
Post: #2
Title: Re: معاناة في استخراج الجواز الالكتروني بمجمع امدرمان
Author: وليد الطيب قسم السيد
Date: 05-12-2009, 10:58 AM
Parent: #1
«420» جنيهاً
اى 420 الف
مبلغ كبير ويحتاج لمراجعة اكيدة
|
Post: #3
Title: Re: معاناة في استخراج الجواز الالكتروني بمجمع امدرمان
Author: الزنجي
Date: 05-12-2009, 12:59 PM
Parent: #2
يعني ما قيمتة 160 دولار
|
Post: #5
Title: Re: معاناة في استخراج الجواز الالكتروني بمجمع امدرمان
Author: د.نجاة محمود
Date: 05-12-2009, 03:08 PM
يجب استبدال الجوازت مجانيا
خاصة اننا دفعنا رسوم جوازتنا القديمة لمدة 10 سنوات
فما ممكن زول يطلع جواز قبل سنة ويغيرو ليهو بقروش
والحاجة دي حصلت في كروت الحمى الصفراء
طلعنها بالشي الفلاني
واتلغت عشان ندفع تاني...
يعني اسرة فيها 8 يدفعو مرتب سنة عشان جوازات؟
يجب رفع قضية على الحكومة..
لنصبها وغشها
للمواطن
...
|
Post: #6
Title: Re: معاناة في استخراج الجواز الالكتروني بمجمع امدرمان
Author: Mushal Allam
Date: 05-12-2009, 04:35 PM
Parent: #1
والله يا آخوانا كونوا مرقوا الجواز الجديد ده نعمه براها..... انتو ما قدريين تتخبلوا المعاناه البنعانيها انحنا البره البلد، انتو عارفين انا بمشي اي حته بجوازي بخجل والله ؟ الموظف بيسالك وين اسمك ؟الاسم في صفحه والصوره في صفحه والبيانات في صفحه والتجديد في صفحه وكمان المغسه في محلات يقولوا ليك معليش ده جواز ؟ تقول ليهم ايوه يقولوا ليك جواز مكتوب بي خط اليد كيف؟ معليش ما بنقدر نخدمك!!! ادوك احساس كآنك مزوروا!!! ياخي الصوماليين الماعندهم حكومه لي مليون سنه جوازهم الكتروني!!!!! والعجب لمن تجي تجدد الاقامه الحمدلله بس!!!
السؤال اسع الجواز الجديد ده صالح لي كم سنه؟؟ آوعه تقولوا لي سنتين!!!!!!!!
واذا عندي اقامات في جوازي القديم المعالجه هتكون كيف؟ هنكون شايلين جوازين ؟؟ ده كمان عشان تقنع بيها زول مشكله!!!
اخيرا اخي وليد مشكور علي البوست المهم ده
اخوك
مشعل علام
كيب تاون -جنوب افريقيا
|
Post: #7
Title: Re: معاناة في استخراج الجواز الالكتروني بمجمع امدرمان
Author: عبدالعزيز الفاضلابى
Date: 05-12-2009, 05:42 PM
Parent: #6
الجواز اللكترونى ده غير الجواز العرفى?
ود بتكاليفو دى رأى الشرع فيه شنو?
|
Post: #8
Title: Re: معاناة في استخراج الجواز الالكتروني بمجمع امدرمان
Author: عثمان جلال الدين
Date: 05-12-2009, 07:10 PM
Parent: #7
والله بلد عجيبة كلو زول
افرض رسوم وازيدها واغيرها زي ما داير..
قبل شهر جددت جوازين وفوجئت بزيادة في قيمة الرسوم
الجواز الواحد 90 ألف
والغريبة التجديد لمدة سنة ونص وليس سنتين
دولة جبايات وآتاوات لاخير في من يحكمها فهم عبارة عن ناس بأمنوافي مستقبلهم مستقبل أولادهم
وبرضو هي لله..
داخل النص: في الميناء البري بالخرطوم
تذكرة الدخول كانت 1000 لصالخ النفيدي تم زيادتها بدون احم او دستور الى 1500
مليارات وكوميشنات لمن يوقع القرارات...
|
Post: #9
Title: Re: معاناة في استخراج الجواز الالكتروني بمجمع امدرمان
Author: لقمان حسن همام
Date: 05-12-2009, 10:08 PM
Parent: #6
Quote: السؤال اسع الجواز الجديد ده صالح لي كم سنه؟؟ آوعه تقولوا لي سنتين!!!!!!!!
|
خمس سنوات يا باشا ..
ومتأثر بالجواز الأمريكي
من حيث اللون وعدد الصفحات والصور في خلفية الأوراق الداخلية؛
باستثناء الكتابة بالعربية في صدره (جمهورية السودان) ..
يعني لو مسحت من الجواز صدره
ممكن تدخل أمريكا بـــ(......)
والله أعلم !!!!
|
Post: #10
Title: Re: معاناة في استخراج الجواز الالكتروني بمجمع امدرمان
Author: Haitham Elsiddiq
Date: 05-13-2009, 01:54 AM
Parent: #9
الأخوة الكرام
الجواز الرقمي أو الذكيe-passport or smart passport كما يعرف يكلف حوالي 10 إلي 15 دولار كحد أقصي
هذا المبلغ يحتوي علي الكتيب وأجهزة الإصدار. فإذا أضفنا مباني وإتصالات وصلت التكلفة إلي 20 دولار...
كيف يمكن للحكومة أن تربح 160 إلي 180 دولار...لو أن هذا ليس نهبا مسلحا لا أدري ماأسمية
الفائز بجائزة أفضل جواز رقمي هو الجواز البرتغالي وتكلفتة 80 دولار
هناك 40 إلي 50 دولة فقط تصدر الجواز الرقمي ولولا الضغط الأمريكي لصار العدد أقل من النصف (For the Visa waver program)
الجواز القديم مهزلة وكان يجب تبديلة قبل 10 سنوات...بجواز يقرأ بالمكنة(MRD or Machine Readable Document)..فهو لا يكلف أكثر من 5 دولار...لكن هذا هو السودان
By the way I didn't make this up... I have worked in this area for over 12 years and it is my especiality.... I have worked in the design, management and production of over 30 different national passport projects around the globe
|
Post: #11
Title: Re: معاناة في استخراج الجواز الالكتروني بمجمع امدرمان
Author: نوفل عبد الرحيم حسن
Date: 05-13-2009, 02:29 AM
Parent: #10
جميل ان يتم تغيير الجواز القديم بجواز ألكتروني
التكلفه غير منطقيه ويجب مراجعتها
420 جنيه دي نهب عديل كدا
|
Post: #12
Title: Re: معاناة في استخراج الجواز الالكتروني بمجمع امدرمان
Author: وليد الطيب قسم السيد
Date: 05-13-2009, 12:02 PM
Parent: #11
لكم تحياتى
ونتمنى ان يعاد النظر فى الرسوم
|
|