Post: #1
Title: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 11:29 AM
Parent: #0
Quote: منعت سلطات مطار الخرطوم زوجة القائم بأعمال السفارة الامريكية في الخرطوم بالرتو فرنانديز من اصطحاب قطتين الي البلاد لتجهش بالبكاء بعد ان اصرت علي اصطحاب القطتين، الامر الذي دفع السفارة الي تكثيف الاتصالات مع وزارة الخارجية السودانية لحل الازمة. واعتذر الدبلوماسي السوداني المختص بحسب صحيفة الوطن السودانية عن دخول القطط، وقال نعتذر للسيدة الفضلي وسنعوضها بعشرين قطة سودانية، وعزت السلطات المختصة في الخرطوم الاجراء الي التحوط من انفلونزا الخنازير
|
http://www.raya.com/site/topics/article.asp?cu_no=2&ite...id=123&parent_id=122
|
Post: #2
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Isa
Date: 05-11-2009, 11:40 AM
Parent: #1
مـنع دخـول القطط، خوفا من إنفلونزا الخنازير!..
سمعنا أن انفلونزا الخنازير تنتقل من الخنازير للإنسان، أو من إنسان لآخر، لكن من الخنازير للكدايس، أو من الإنسان للكدايس، أو العكس، فدي لسه ما أدونا ليها.. كان من باب أولى إذن أن يتم منع السيدة وقططها معا، أو السماح لهم بالدخول كلهم وفحصهم للتأكد من سلامتهم.. مش ناس الحكومة فالوا الدوا متوفر؟، يبقى المفروض برضو يكون تشخيص المرض متوفر.. تحية يا شبكة..
|
Post: #4
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 11:48 AM
Parent: #2
| Quote: كان من باب أولى إذن أن يتم منع السيدة وقططها معا، أو السماح لهم بالدخول كلهم وفحصهم للتأكد من سلامتهم |
عيسى
حسب الشي العرفناهو عن انفلونزا الخنازير كان يمنعوا المرة زاتها ويدخلوا الكدايس
لكن الما ادونا ليهو كتير
نسوي شنو
|
Post: #5
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Hassan Makkawi
Date: 05-11-2009, 11:49 AM
Parent: #2
Quote: وعزت السلطات المختصة في الخرطوم الاجراء الي التحوط من انفلونزا الخنازير
|
شبكة
وغير أعلاة
القوانين تلزم أى ( حيوان ) بالبقاء فى الحجر الصحى
لمدة إسبوعين قبل التمكن من دخول البلد!!!
ولا هم فاكرين ما عندنا قانون؟
|
Post: #8
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 11:52 AM
Parent: #5
| Quote: ولا هم فاكرين ما عندنا قانون؟ |
عندنا قانون لكن ماشي بيهو الزول العاملو بس
وخلاف ذلك لا أحد
|
Post: #3
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: عبد اللطيف بكري أحمد
Date: 05-11-2009, 11:43 AM
Parent: #1
والله انتي فعلا شبكة،،
=
هسي قلنا المدام رق قلبها لحظات السفر ،،
زي أهلي في كريمة: جوة القطر يبكو ، والواقفين في الرصيف يبكو،،
=
يعني الموضوع كلو كديستين؟؟
=
يستاهلو الخواجات ديل : تلات مطارات كلو مرة ياخدو مني (قنينة) عطر بمبلغ
وقدره بحجة منع السوائل في الطائرات ، والطائرات كلها كحول وزجاجات تباع
على عينك ياتاجر،،
=
تعاطفي هنا مع القطتين فقط : تغيير الجو وكهرباء ود الباوقة،،
الباقي كلو مايهمنا : تنفلق:
وسلامنا ليك شبيكة!!!
|
Post: #6
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 11:49 AM
Parent: #3
Quote: تعاطفي هنا مع القطتين فقط : تغيير الجو وكهرباء ود الباوقة،،
|
لكن سمك السد كويس معاهم بعوض عن التغيير الحصل ليهم
مودتي وتقديري لك
|
Post: #7
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 11:50 AM
Parent: #6
كدايس الديم تلتقي بقطط واشنطون
..!
عادل سيدأحمد
الذي يهمني في خبر «قطط زوجة القائم بالأعمال الأمريكي، بالخرطوم»، والتي رفضت السلطات السودانية دخولها إلى الخرطوم، خوفاً من أنفلونزا الخنازير.
وقد علمت، من مصادري الخاصة، أَنَّ هناك «وساطة»، ومساعٍ«حثيثة» للسماح بمنح الفيزا، لـ «القطتين» الأمريكيتين..!.. بعد أَنْ أصيبت زوجة البرتو فرناديز بـ «خيبة أمل وتوتر وصداع وأرق»، فأجشهت بالبكاء..!.
أَنا مهموم بالحالة النفسية لـ «القطتين».. فعدم قدرتهما على التعبير «مثل زوجة القائم بالأعمال».. ربما يسبب لهما «إكتئاب»..!!.
والإكتئاب نفسه، وهو مرض، يبدأ نفسياً، وينتهي عضوياً.. إذْ:
- يؤدي إلى تلف في خلايا المخ.
- يرفع ضغط الدم، وضيق في الشرايين، يسبب آلاماً بسبب إرتفاع نسبة الكروسترول في الدم..!.
- تأثيرات سالبة على الأنسولين والبولينا..!.
لا أستبعد مطلقاً.. بل وأنا على يقين تام، أَنَّ مسز البرتو، وعائلتها، في حالة «stand bay»، قصوى.. وأنهم أعلنوا حالة الطواريء «بنسبة 001%»..!.
وأَنَّ هذه السيدة، - «تكاتل»، حتى آخر رمق، في سبيل أَنْ تصل معالي «القطتين» للخرطوم..!.
ومعلوم أَنَّ الحيوانات، لا سيما الكلب والقطة، يمثلان مكانة مرموقة عند الغربيين... بيد أَنَّ ترتيبهما يأتي في قمة قائمة الكائنات الحية «قبل الرجل»:
المرأة ثم الزهور، ثم الكلب والقطة، وأخيراً الرجل..!!.
وأَنا واثق، كذلك، أَنَّ مسز فرناديز، على استعداد لأن تلغي فكرة المجيء للسودان، إذا لم يسمح «للقطتين» أَنْ تكونا معها «الحجل بالرجل»..!.
وأَنا أنصح السلطات السودانية، ألا تضيف لأزماتنا، أزمة جديدة مع الأمريكان.. الناس ديل «متلقين حجج»..!.
على أَنَّ الأمر، لا يحتمل تكوين «لجنة».. لأن صحة « القطتين» الأمريكتين، لا تحتمل.. وهي «خط أحمر»..!.
وأصلاً فإن القطتين ستعانيان..
وكفاية رحلة السفر، التي تستغرق نحو 81 ساعة، من واشنطون إلى الخرطوم..!!.
أَما الشيء الآخر، والذي يشغلني، في حال وصول «قطتي» زوجة القائم بالأعمال الأمريكي:
ماهي الاجراءات الأمنية، التي تحول دون وصول كدايس الديم، لـ «قطط» مسز فرناديز؟؟!.
أَنا لا أتوقع أَنْ «تهبر» قط فرناديز، للديوم الشرقية.. فهي قطط «مؤدبة ومدربة».
ولكني أخشى عليها من كدايس الديم... وهي كدايس «مقرمة ومدردحة».. و«الضكر» منها «شفت»، يعرف كيف يصل للأُنثى..؟.. ولديه قدرات عالية في القفز، وتجاوز كلّ الأسوار..!.
بجانب تمتعه بنشاط رهيب، بفضل الأكل المستمر لـ «الكوارع»... ويقيني أن الكوارع، تحتوي على طاقة تفوق طاقة ثلاث حبات، «فياجرا»..!.
إِنَّ، علاقات البلدين ستتأثر أكثر، لو أَنَّ «كدايس الديم»، اختلطت بـ «قطط واشنطن»..!.
إذْ من الصعب جداً أَنَّ نقنع الأمريكان بأنَّ «Baby» كدايسنا من قططهم، يصلح، كبادرة لـ «التطبيع»، وأظهار حسن النوايا..!.
بيد أَنَّ «الجنيات»، ستكون رصيداً لـ «مجهولي الأبوين»، بحسب فتوى محتملة من «مجمع الفقه»..!.
أو أَنْ يطلب الأمريكان حمايتهم بواسطة قوات اليوناميد..!!.
إِلى أَنْ يسمح لهم بدخول أمريكا، بعد وصول الفيزا... ثم منحهم الـ «قرين كارد»..!!.
آخر الكلام:-
- أولاد الخواجات ديل، بتاعين بدع..!.
- يا ربي المرا دي ما نصيحة.. ولاَّ نحن عورا..؟!.
- الناس في شنو.. والأمريكانية في شنو..؟؟!.
بقلم : عادل سيد أحمد
جريدة الوطن
|
Post: #9
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: الفاتح شلبي
Date: 05-11-2009, 11:59 AM
Parent: #6
| Quote: واعتذر الدبلوماسي السوداني المختص بحسب صحيفة الوطن السودانية عن دخول القطط، |
يا شبكة الشبكة الحقيقة الان فى القطط دي ... يعملوا ليهن شنو ؟ يعدموهن ول يدوهن خروج نهائي وفى حالة الخروج النهائي من سيرافقهن الى والولايات المتحدة ؟
أها ... دي ما شبكة يا شبكة
|
Post: #10
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حامد محمد حامد
Date: 05-11-2009, 12:08 PM
Parent: #9
شبكة
قصتك شنو الليلة مع الكدايس......
تضامنا ورفقا بالحيوانات نحمل سلطات مطار الخرطوم الغير دولى من اية اصابات تلحق بالكديستين
|
Post: #12
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 12:20 PM
Parent: #10
| Quote: تضامنا ورفقا بالحيوانات نحمل سلطات مطار الخرطوم الغير دولى من اية اصابات تلحق بالكديستين |
الكديستين ديل عندهن جواز امريكي الحبة ما بتجيهن
عندي نية اسجل مع ناس الرفق بالكدايس
اسجل ليك معاي ؟؟؟
|
Post: #17
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حامد محمد حامد
Date: 05-11-2009, 02:03 PM
Parent: #12
سجلى وانا يهمنى!!1
على شرط مع الكدايس الامريكان
|
Post: #18
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 03:06 PM
Parent: #17
Quote: سجلى وانا يهمنى!!1
|
ياواد ياواثق من نفسك انت
| Quote: على شرط مع الكدايس الامريكان |
جوازك لونو شنو؟
|
Post: #11
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 12:18 PM
Parent: #9
ديل امريكيات
مافي خروج نهائي ولا شي بجيهن
| Quote: سيرافقهن الى والولايات المتحدة |
السفارة مش مسئولة عن رعاياها
اها دي محنتها
| Quote: دي ما شبكة يا شبكة |
والله انت شبكتها شبيكة
|
Post: #13
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: ابو جهينة
Date: 05-11-2009, 12:27 PM
Parent: #11
شبكة سلام
كامل تضامني مع كدايس الأمريكية
و مع دموع الأمريكية التي لن تجد أنيسا في الخرطوم إلا هاتين الهرتين .. و حلِّك لغاية ما تلقى ليها جارة تونسها و تتونس معاها.
تنويه : منع الكديستين من دخول أراضينا هو إجراء إحترازي متقدم جدا .. فهاتين الكديستين ربما كانتا على علاقة بخنازير ( جيراناً ليهم ) ... أو أكلتا من طعام القطط المعلب و المصنوع من لحم الخنازير علما بأن طعام القطط هناك تكون Smoked يعني الجراثيم ما بتموت بسهولة ...
|
Post: #14
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: عليش
Date: 05-11-2009, 12:57 PM
Parent: #13
هوووي ياشبكه
كدي اصبري النحدسك بالثاء
ولااا يجيبو ليك
الكدايس ديل هنا السوا البسوها علي بالايمان وزير الثروة الحيوانيه مايسوا
الكدايس هنا ياشبكه اريتن كدايس السرور لايفوتن لايموتن
الاكل المنظم
اللبس الملون الماخمج
السلسله في الرقبه مابتلقاها في شيله عريس موظف
ده غير المهارات الالبكتونية وفتح التلفزيون واستخدام الريموت
هسي يابتي كان الجماعه ديل فكرو سويه كدي
كان استفادوا من الكدايس دي لاكتساب كدايسنا المحليه من خبرات الاجانب دي
وزي الاغنيه لتقول:
احيي متين اشوف كدايس الخرتوم
المشكله في الاخلاق ياشبكه
شكرا للمتابعه
مراسلكم من واشنطن
|
Post: #20
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 03:19 PM
Parent: #14
Quote: كان استفادوا من الكدايس دي لاكتساب كدايسنا المحليه من خبرات الاجانب دي
|
كدايسنا خليهم من التكنولوجيا
احنا عندنا نسا الله يعلم كدايسنا اخير منهم فما بالك بكدايس بجوازات
يامراسلنا ماقصرت اديتنا حق الزعل على ناسنا وكدايسنا
|
Post: #15
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Abdlaziz Eisa
Date: 05-11-2009, 12:59 PM
Parent: #13
شبكة
سلام
لو كانت الكديستين نازلات في ماليزيا او اندونيسيا لكان فرشوا ليهن بساط أحمر..
الناس بيحبوا القطط بشكل غريب..
الأمريكان بيحبوا الكلاب.. زي ما شفنا كيف كلب ناس اوباما وجد الإهتمام عند دخوله البيت الأبيض..
يا ريت يلقو ليهن مخارجة قبل البيت الأبيض يصدر بيان بشأنهن وغلاة دموع هذه السيدة..
تحياتي
|
Post: #21
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 03:22 PM
Parent: #15
Quote: يا ريت يلقو ليهن مخارجة قبل البيت الأبيض يصدر بيان بشأنهن وغلاة دموع هذه السيدة..
|
عشان كدا انا خايفة على العلاقات بين البلدين من البوظان بسبب الكديستين ديل
عبد العزيز
لك احترامي
|
Post: #16
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Zomrawi Alweli
Date: 05-11-2009, 01:02 PM
Parent: #13
الغريب ان الامريكان ديل ما بتعظوا
احنا مش قلنا كديسة ما بنسلمها لاي زول
ليه جايبين كدايس؟؟
عالم ما بتفهمش؟؟
تبكي كديستها تبكي روحها انشاءالله
يقال ان الامريكيين قاعدين يبنوا هيئة دبلوماسية جنوب الخرطوم على مساحة 40 كيلومتر مربع
يعني زي 9 افدنة وبعد كدا حيجوا خاشين بكل حيواناتهم بطائراتهم الخاصة واحتمال يبنوا ليهم جوانتناموا خاص بينا كمان.
يا شبكة حقوا نكلم المرا دي عشان تنتظر كم سنة عشان تجينا بغوريللا كمان
وساعتها لن يمنعها أحد.
|
Post: #22
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 03:24 PM
Parent: #16
Quote: يا شبكة حقوا نكلم المرا دي عشان تنتظر كم سنة عشان تجينا بغوريللا كمان
|
قالت لي المرة اناه خايفة الزمن داك يكون في مرض زهايمر الشمبانزي وما يدخلوا ليها الغوريلا بتاعتها
وبعد داك بالجد العلاقات حتبوظ بين البلدين لانو حتكون في سابقة الكدايس
شكرا زمراوي
|
Post: #19
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 03:15 PM
Parent: #13
Quote: و مع دموع الأمريكية التي لن تجد أنيسا في الخرطوم إلا هاتين الهرتين .. و حلِّك لغاية ما تلقى ليها جارة تونسها و تتونس معاها.
|
طيب ما كويس انها ما تلقى ونيس
عشان تتونس مع جارتها على الاقل تساعدها وتساعد اولاد جارتها في تعليم اللغة الانجليزية
لمحو اثار التعريب
Quote:
تنويه : منع الكديستين من دخول أراضينا هو إجراء إحترازي متقدم جدا .. فهاتين الكديستين ربما كانتا على علاقة بخنازير ( جيراناً ليهم ) ... أو أكلتا من طعام القطط المعلب و المصنوع من لحم الخنازير علما بأن طعام القطط هناك تكون Smoked يعني الجراثيم ما بتموت بسهولة ...
|
لكن كدايس تنقل انفلونزا الخنازير ما اظن انها بتتنقل عن طريق اي حيوان خلاف الخنزير
شكرا استاذي
|
Post: #23
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: ناصر النعمان البدوي
Date: 05-11-2009, 04:10 PM
Parent: #19
شبكه:
ممكن تزويدنا بتصريح الناطق الرسمي
بإسم وزارة الخارجية الأمريكية حيال هذا الأمر الجلل..
ورد مندوب السودان الدائم لدي المنظمة الدولية!!!
|
Post: #24
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Mushal Allam
Date: 05-11-2009, 04:59 PM
Parent: #23
الدبلوماسي السوداني قال :نديها بدل الكديسه عشرين (ده كلام دبلوماسي عليكم الله؟)
علي العموم انا متبرع ليها بكديستي
افو انحنا مآهل كرم كمان
|
Post: #26
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 09:41 PM
Parent: #24
Quote: علي العموم انا متبرع ليها بكديستي
افو انحنا مآهل كرم كمان
|
كديستك المضحي بيها دي
امها منو ؟
ابوها منو ؟
اتولدت وين ؟
عندها ياتو جواز ؟
بتاكل شنو؟
بتلبس من ياتو ماركة ؟
خليك دقيق يامشعل
|
Post: #25
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-11-2009, 09:39 PM
Parent: #23
Quote: بإسم وزارة الخارجية الأمريكية حيال هذا الأمر الجلل..
|
وانت الصادق
احنا عايزين الناطق الرسمي باسم حديقة الحيوان
او مفوض الاسد للشئون الخارجية
|
Post: #30
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 05:01 AM
Parent: #27
يامها
الرابط دا الا اشوفه من البيت من المكتب ماراضي يفتح
|
Post: #28
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: محمد الطيب حسن
Date: 05-11-2009, 10:43 PM
Parent: #25
| Quote: او مفوض الاسد للشئون الخارجية |
ده اخو حافظ الاسد ؟؟؟؟
|
Post: #29
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: صديق الموج
Date: 05-11-2009, 11:09 PM
Parent: #28
طيب المرة المفعوصه دى ما كانت تقدم لوترى للكدايس ديل عشان يدخلوا السودان.
ناس ما تعرف النظام ابدا...
بعدين البلد كلها تماسيح المرة دى ماشة بالكدايس وين؟؟
|
Post: #32
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 05:12 AM
Parent: #29
Quote: ما كانت تقدم لوترى للكدايس ديل عشان يدخلوا السودان.
|
دا كلام ناس المطار زاتو ...
انو الدخول للكدايس ديل بفيزا او زيارة او بالعدم لوتري
وما تكون مزورة يعني ما تكون فيزا (راعي) معليش قاصدة فيزا كديسة
ويدخل بيها خنزير (دكتور)
| Quote: بعدين البلد كلها تماسيح المرة دى ماشة بالكدايس وين؟؟ |
دا كلام ناس سودانيز اون لاين من امس في الموضوع دا
لكن تقول شنو ناس زي ما قلت ما بتعرف النظام
|
Post: #33
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: سيف اليزل جعفر عبد الرحمن
Date: 05-12-2009, 05:53 AM
Parent: #29
سلام يا شيبكة
ان شاء الله الاسبوع القادم برسل الديناصور ( كلبي ) مخصوص للسودان عشان لو كديسة القائم بالأعمال طلعت من بيت الخواجه ده .. كلبي يشكل ليها حراسه ويخوض كل المعارك مع الكلاب و يحميها من كلاب السودان .. ولما القائم بالأعمال المهمة بتاعتو تنهي و يكون راجع نهائي لامريكا ... كديستهم تحلف ما ترجع بدون الديناصور ( كلبي ) و الديناصور يحلف انه ما يمشي امريكا بدوني ... وهنا حا اتجدع بمزاااااج ... واطلع قائمة الطلبات بتاعتي للقائم بالاعمال
1- منح تاشيرات دخول لــ 52 شخص فقط من الاهل و الاصدقاء
2- مشاركتي في حل قضية دارفور
3- مشاركتي في حل كل قضايا الشرق الاوسط
4- القائم بالاعمال الجديد يستاجر منزلنا في الكلاكلة القبة
5- يعرسو لي شاكيرا ( ده غير قابل للنقاش )
الديناصور كلب المهمات الصعبه
لو فيه اي زول عندو طلب يلحق سريع قبل تقديم القائمة للحكومة الامريكية
|
Post: #34
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 06:03 AM
Parent: #33
سيف
انت لقيتها وكلبك لقاها
|
Post: #35
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: سيف اليزل جعفر عبد الرحمن
Date: 05-12-2009, 06:12 AM
Parent: #34
6- ايقاف شيبكة من الشيبك
|
Post: #36
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 07:16 AM
Parent: #35
| Quote: ايقاف شيبكة من الشيبك |
ليه دا اصلو كلب ولي مشرف
|
Post: #31
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 05:05 AM
Parent: #28
| Quote: ده اخو حافظ الاسد ؟؟؟؟ |
بالله بتعرفو
عليك الله بتعر قريبهم بابو نمر برضو؟
|
Post: #37
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: وليد محمد المبارك
Date: 05-12-2009, 07:22 AM
Parent: #31
يا حرام
|
Post: #38
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-12-2009, 08:14 AM
Parent: #37
حننتك ولى شنو ياوليد؟
|
Post: #39
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Abdlaziz Eisa
Date: 05-13-2009, 05:41 AM
Parent: #38
Quote:
عشان كدا انا خايفة على العلاقات بين البلدين من البوظان بسبب الكديستين ديل
|
العزيزة الأخت/ شبكة
سلام
الصين في إشارة ود لتطبيع علاقاتها مع تايوان بعثت بدبين جميلين إليها..
يبدو أن القطتين ديل هن سفيرات فوق العادة لتطبيع العلاقات, بس الخطأ تحركن قبل صدور قرار تفويضهن
من البيت الأبيض..
مودتي
عبدالعزيز
|
Post: #40
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 05:47 AM
Parent: #39
Quote: يبدو أن القطتين ديل هن سفيرات فوق العادة لتطبيع العلاقات, بس الخطأ تحركن قبل صدور قرار تفويضهن
من البيت الأبيض..
|
انت عارف بعد شوية حنلقى انو القصر الجمهوري بقى حديقة حيوانات
لانو كل دولة عايز تعمل تطبيع علاقات ولي تقوي علاقات حترسل حيوان او اتنين
اها القصة حتجر بعد شوية
لكن كويس لانو احنا اصلا ما عندنا حديقة حيوان
شوية شوية بنعمر لينا واحدة
بالله عاين جنس المحنة البقينا فيها
بالمناسبة :
الدبين هسة عايشين في ياتو قصر قلت لي؟؟؟؟
شكرا عبد العزيز على المعلومة اللي اكيد هي مفيدة للمعرفة
|
Post: #41
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Emad Abdulla
Date: 05-13-2009, 06:30 AM
Parent: #40
إنت زول شبكة جد جد ..
هسه جايب سيرة كدايس الديم فوق كم ؟
.....
الصورة أعلاه لكديسة ديامية : بُرّه بت فِس ( بريسلي ) .
و هي كديسة ناس مبارك الباشا ..
خلاسية من أب ديامي و كديسة من حي بروكلين النيويوركي ، عباس أخو مبارك جابا معاهو لما كان شغال بحار - الوكت داك كان في وباء ( زِكمة القعونجات ) - و السفير الأمريكي كان راجل ضكر صاحب كلاب ..
و لم تكن أمريكا قد دنا عذابها .. كانت ياداب داون داون يو إس إيه .
بالله شوف نُبل الملامح و الوجاهة الأفرنجية ..
|
Post: #42
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 07:22 AM
Parent: #41
Quote: إنت زول شبكة جد جد ..
|
والله انت زول تستاهل يتشبكوا معاك
تجيني في مكتبي وتشرب شايي وتنكرني
وتتكلم معاي بصيغة الولد
Quote: هسه جايب سيرة كدايس الديم فوق كم ؟
|
ناس حلتنا ما بندور غيرهم
على وزن ناس معزتنا ما بنريد غيرهم
Quote: و لم تكن أمريكا قد دنا عذابها .. كانت ياداب داون داون يو إس إيه .
|
ياخي من الزمن داك
Quote: بالله شوف نُبل الملامح و الوجاهة الأفرنجية ..
|
واضح من الملامح الخاتف لونين من السمار والبياض وشناة المناخير
|
Post: #43
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حسن عبدالله
Date: 05-13-2009, 08:06 AM
Parent: #42
نعم والف نعم....
تمنع من الدخول بكدايسها....
ولو عايزه كدايس البلد مليناه....
ولو سمحوا ليها بالكدايس المرةالقادم سوف تاتي ومعاها فيل...
برضو يسمحوا ليه ولا شنو؟؟؟؟؟
بعدين الناس ديل كلهم جاين عشان يتكلوا عن دارفور...
وبدخول الكدايس سوف يزيد عدد الذين يتكلموا عن دارفور ...
لذا يجب منهم من الدخول ولو ممكن تمنع هي ايضا من الدخول...
|
Post: #44
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 08:23 AM
Parent: #43
Quote: نعم والف نعم....
تمنع من الدخول بكدايسها....
ولو عايزه كدايس البلد مليناه.... |
يعني انت تدين وتشجب وتقر بان الفعل دا غير محمود من قِبل الولية
Quote: ولو سمحوا ليها بالكدايس المرةالقادم سوف تاتي ومعاها فيل...
|
ياحسن ياخوي
كل ما زاد حجم الحيون(الله يعزك) زادت اواصر القوة بين البلدين دي معلومة عرفناها مؤخراً
Quote: بعدين الناس ديل كلهم جاين عشان يتكلوا عن دارفور...
وبدخول الكدايس سوف يزيد عدد الذين يتكلموا عن دارفور ...
لذا يجب منهم من الدخول ولو ممكن تمنع هي ايضا من الدخول... |
تتكلم عن دارفور ولي كردفان
هي داخلة داخلة
بس الكلام دا لكترة الكلام ليس الا
|
Post: #45
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Abdlaziz Eisa
Date: 05-13-2009, 09:31 AM
Quote:
انت عارف بعد شوية حنلقى انو القصر الجمهوري بقى حديقة حيوانات
لانو كل دولة عايز تعمل تطبيع علاقات ولي تقوي علاقات حترسل حيوان او اتنين
اها القصة حتجر بعد شوية
لكن كويس لانو احنا اصلا ما عندنا حديقة حيوان
شوية شوية بنعمر لينا واحدة
بالله عاين جنس المحنة البقينا فيها
|
شبكة الشبايك..
معذرة, كنت عايز أقول شبكة الشبيك لكن لساني شبك
يا أستاذة..
حديقة حيوان عديل كده.. دي فكرة رائعة جدا..
ساحة القصر الكنا نستمتع لما ود اللمين يقول ليها: يا حقل النار.. اها مع الشبك دي حتتحول الى
انترناشيونال زوو.. ما شعبنا المثقف مفجر الثورات ذهب بلا رجعة وما محتاجين لشغب وانتفاضات..
وفي الحديقة دي طبعا كل حيوان لازم يرفع علم بلده.. وفي الحتة دي عايزين تمثيل سوداني أيضا.. بس ما من كدايس الديم لانه حسب علمي طبعها زي الدبابين.. تقتحم السفارات الحيوانية الأجنبية وتسبب لينا عقد دبلوماسية جديدة.. هذا اذا اكتفت بإستدعاء حيواناتنا الممثلات لديها ولم ترفع لينا بلاوي جنائية جديدة في لاهاي..
وبعدين تمثيلنا الدبلوماسي ده يكون في حدود القائم بالأعمال يعني قطط بس ونحن عندنا تماسيح من النوع العشاري..
وعندنا ورلات (جمع ورل) ودي قناصل في البلاد الفيها تمثيلنا أقل من درجة تمساح.. عشان يقدل طبعا..
طبعا لازم نتحرى المؤهلات الدبلوماسية لسفرائنا وسفيراتنا.. يعني الأسود والنمور تمثلنا في افريقيا ونرسل الغزلان الى الدول الإسكندنافية.. وشوية سحالي الى الدول العربية..
وعايزين حرباء ماكرة في نيويورك..
Quote:
بالمناسبة :
الدبين هسة عايشين في ياتو قصر قلت لي؟؟؟؟
شكرا عبد العزيز على المعلومة اللي اكيد هي مفيدة للمعرفة |
نحن محظوظين نتابع أخبار الدبين.. أكل وشرب, نوم وصحة.. وهذه لزوم اكتساب الخبرات الأجنبية في غربتنا هذه.. خاصة أن هذين الدبان يعيشا رغد العيش والرضا الشئ الذي يعكس قوة العلاقات بين الشعبين..
مودتي
عبدالعزيز
|
Post: #46
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حمزه بابكر الكوبي
Date: 05-13-2009, 11:39 AM
Parent: #45
Quote: الكديستين ديل عندهن جواز امريكي الحبة ما بتجيهن
عندي نية اسجل مع ناس الرفق بالكدايس
اسجل ليك معاي ؟؟؟ |
شبكه وقت فيها تسجيل سجل لي معاكم واحجز لي بطوبه كمان في اول الصف
|
Post: #48
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 12:09 PM
Parent: #46
| Quote: شبكه وقت فيها تسجيل سجل لي معاكم واحجز لي بطوبه كمان في اول الصف |
حمزة
مبروك فكوك
التجسي قرب ينتهي والمركز الاول بالاولوية
بشوف ليك طريقة قدام لكن ما الاول
اتفقنا؟
|
Post: #47
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 11:53 AM
Parent: #45
والله ياعبد العزيز
عملت تصور واضح وجميل للمكان وللحالة المتوقعة وبالتالي حاكون لجنة
للنظر في المطلوب لتاهيل المكان ولتاهيل الحيوانات(الله يعزك) عشان يكون التمثيل يكون بالشكل المطلوب
ليقابل المرحلة الجاية الحيوانية
بالله دي حالة دي؟؟؟
Quote: نحن محظوظين نتابع أخبار الدبين.. أكل وشرب, نوم وصحة.. وهذه لزوم اكتساب الخبرات الأجنبية في غربتنا هذه.. خاصة أن هذين الدبان يعيشا رغد العيش والرضا الشئ الذي يعكس قوة العلاقات بين الشعبين..
|
يازول احنا مغتربين عشان نعلم واحد من عشرة من القصر القاعدين فيهو الاخوة الاجلاء ديل
|
Post: #49
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Tabaldina
Date: 05-13-2009, 12:15 PM
Parent: #47
..
.
| Quote: زوجة الدبلوماسي الأمريكي تجهش بالبكاء في مطار الخرطوم! |
سجمنا
مالها الزعلا منووو؟؟
ولا يكون الغبار ملا عويناتها الخدر ديل
________
غايتو انحنا ناس عربية الفرملة
والله غير العنوان ما قريت سطر ..
|
Post: #50
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حامد محمد حامد
Date: 05-13-2009, 12:30 PM
Parent: #49
تنوى سفارة بلد الكديستين برفع شكوى ضد سودانيزاونلاين ممثلة فى بكرى ابوبكر فى القبض على شبكة الشبيكة على شيل حس الكديستين, وما زالت المحاولات جارية لثنيها من المضى قدما نحو رفع القضية.
احتمال التراضى فى ان تحتضن الدوحة الكديستين مع الزام شبكة بتغطية نفقات الاقامة من ماكل ومشرب
وعلى كدة نطلب من الجميع التبرع لشبكة والا فسوف بنخرب.............ميزانيتها
|
Post: #51
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: الامين جبارة الله التوم
Date: 05-13-2009, 12:40 PM
Parent: #50
شيبكة كيفك.....
عشان كديستها عيونها خضر زي عيون الصورة الفي برفايلك ده سبب المنع
تحياتي
الامين
|
Post: #54
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 03:18 PM
Parent: #51
Quote: عشان كديستها عيونها خضر زي عيون الصورة الفي برفايلك ده سبب المنع
|
انت عارف يا الامين سبب صورة بروفايلي دي
كل زول يدخل يشبكني يافلان (مذكر)
قلت اجيب البت عشان يرّكزوا
لقيت الحكاية دي ما نافعة
بقيت اي زول يغلط اتشبك فيهو
لامن الناس تستعدل
|
Post: #53
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 03:14 PM
Parent: #50
حامد
Quote: تنوى سفارة بلد الكديستين برفع شكوى ضد سودانيزاونلاين ممثلة فى بكرى ابوبكر فى القبض على شبكة الشبيكة على شيل حس الكديستين, وما زالت المحاولات جارية لثنيها من المضى قدما نحو رفع القضية.
|
هو بالعكس هسة عايزين بمساعدة اخونا عبد العزيز نقلب القصر الجمهوري الي حديقة حيوانات
عشان الكديستين ديل ما يحسوا بالغربة في بلد كلها ناس زرق وغبار وحر
وهم ما متعودات على كدا
Quote: احتمال التراضى فى ان تحتضن الدوحة الكديستين مع الزام شبكة بتغطية نفقات الاقامة من ماكل ومشرب
|
الدوحة تطير عيشتها
الدوحة تراضي ناس غزة
ولي تراضي خليل
ولي تراضي ناس دارفور
تسوي شنو هي الدوحة
| Quote: وعلى كدة نطلب من الجميع التبرع لشبكة |
في دي كلم الناس كلهم لكن في
| Quote: والا فسوف بنخرب.............ميزانيتها |
ما تكلم زول
|
Post: #52
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-13-2009, 03:06 PM
Parent: #49
Quote: مالها الزعلا منووو؟؟
|
والله ياتبلدينا
مافي شي
بس شالوا منها كدايسها وزي ما انت عارف
انو دا شي ما رحيم ابدا بالحيونات
Quote: غايتو انحنا ناس عربية الفرملة
|
الفرملة دي المرقتك من الدكاترة
| Quote: والله غير العنوان ما قريت سطر .. |
الاستعجال دا ياهو الرماك في يدالدكاترة
|
Post: #55
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Abdlaziz Eisa
Date: 05-13-2009, 05:14 PM
Parent: #52
Quote:
والله ياعبد العزيز
عملت تصور واضح وجميل للمكان وللحالة المتوقعة وبالتالي حاكون لجنة
للنظر في المطلوب لتاهيل المكان ولتاهيل الحيوانات(الله يعزك) عشان يكون التمثيل يكون بالشكل المطلوب
ليقابل المرحلة الجاية الحيوانية
بالله دي حالة دي؟؟؟
|
العزيزة شبكة
اووه لجنة...
دي مشكلة كبيرة..
وربما نجلس سنين حتي نصل لمن يكون في اللجينة, ثم سنينا أخرى لنعرف مهمام اللجنة.. ثم ننتظر سنين لنعرف مقترحات اللجنة..
ومنها نكون لجان لدراسة مقترحات اللجنة..
ثم نكون لجنة لبحث آلية تنفيذ المقترحات..
ةقتها تكون كدايس أمريكا قد حبلت من رفيقاتها السودانيات.. وندخل في دوامة القرين كارد والإقامة..
وعندما تعود قططنا ذات القرين كارد لأمريكا نكون وقتها قد حققنا هدف: يا أمريكا لمي جدادك..
بس حكاية الآذان في الفاتيكان دي عايزا ليها مخارجة
مودتي
عبدالعزيز
|
Post: #56
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Amira Elsheikh
Date: 05-13-2009, 08:29 PM
Parent: #55
بركة المنعوهم ياشبكة...
انا زاتى جن وجن الكدايس...
|
Post: #57
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: محمد سنى دفع الله
Date: 05-13-2009, 08:41 PM
Parent: #56
سؤال برئي
لوكان معاها
الكدترة بتاعة زوجها في شنطتها
هل بيسمحوا ليها بدخول الكدارة ؟؟
ومعروف انو الكدارة فيها عدد من الكدايس .؟؟
ما العمل ؟؟؟
|
Post: #58
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: وليد الطيب قسم السيد
Date: 05-13-2009, 08:46 PM
Parent: #57
خليها زوجة الدبلومسى
انتى قصتك شنو مع الكدايس الايام دى؟؟؟؟؟
|
Post: #62
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 05:50 AM
Parent: #58
| Quote: انتى قصتك شنو مع الكدايس الايام دى؟؟؟؟؟ |
بلقاهم في سكتي وبجيبهم
وبالصدفة طلعوا كلهم كدايس في كدايس مع اختلاف الجنسيات
|
Post: #61
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 05:47 AM
Parent: #57
Quote: سؤال برئي
لوكان معاها
الكدترة بتاعة زوجها في شنطتها
هل بيسمحوا ليها بدخول الكدارة ؟؟
ومعروف انو الكدارة فيها عدد من الكدايس .؟؟
ما العمل ؟؟؟ |
استاذنا
الموضوع بختلف
حسب عدد الكدايس ونوع الكدارة والمباراة الماشي يلعبها زوجها
ومكان التمرين
الموضوع ما ساي
|
Post: #60
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 05:45 AM
Parent: #56
Quote: بركة المنعوهم ياشبكة...
|
يا اميرة المنع دا
بياثر على الاقتصاد السوداني مستقبلا
دي المشكلة هنا
|
Post: #59
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 05:44 AM
Parent: #55
عبد العزيز
Quote: دي مشكلة كبيرة..
وربما نجلس سنين حتي نصل لمن يكون في اللجينة, ثم سنينا أخرى لنعرف مهمام اللجنة.. ثم ننتظر سنين لنعرف مقترحات اللجنة..
ومنها نكون لجان لدراسة مقترحات اللجنة..
ثم نكون لجنة لبحث آلية تنفيذ المقترحات..
|
تكوين اللجان عندنا عادة
ومن خلا عادتو قلت سعادتو
دا مثل مهم عندنا
Quote: ةقتها تكون كدايس أمريكا قد حبلت من رفيقاتها السودانيات.. وندخل في دوامة القرين كارد والإقامة..
|
بالعكس
كدا كدايسنا طوالي بياخدوا الجنسية
وكل سيد كديسة بدخل امريكا ويقيم مع كديستو عشان يراعيها
وبالتالي هو زاتو بياخد الجنسية
ياخي دا رزق كتير جاي
اصبر بس
Quote: بس حكاية الآذان في الفاتيكان دي عايزا ليها مخارجة
|
دايرة مخارجة شديد
وحنكون لجنة تبحث دخول بابا الفاتيكان المسجد في الاردن بشبشبو
لما سالوه ليه
قال اللجنة المشرفة على الزيارة ما كلمتو انو دا ما صاح
اها دي لجان جديدة ومخصصات جديدة
رزق رزق رزق
|
Post: #63
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Emad Abdulla
Date: 05-14-2009, 09:28 AM
Parent: #59
هوووووي يا ناس الكدايس ..
القانون الأمريكاني بيمنع تصدير إناث الكدايس ..
يكونوا كديسات أنثايات يا ربي ؟
برضو جايز ..
علم الله واسع .
.....
بعدين شاي شنو الشربتو معاك يا برعي ؟
أنا بتاع شاي أنا ؟
|
Post: #64
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Ahmed Yousif Abu Harira
Date: 05-14-2009, 09:39 AM
Parent: #63
كان البرتو فرنانديس متزوج بت عمو
يبقى مرتو كووووووووبية .
اها التمشي هافانا ، النشوف بدخلو ليها كدايسها ديل وللا لأأأأ
|
Post: #66
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 09:48 AM
Parent: #64
| Quote: اها التمشي هافانا ، النشوف بدخلو ليها كدايسها ديل وللا لأأأأ |
ياخوي ديل كدايس ما خنازير
في اي حتة بدخلوا بجوازهم دا
الا السودان خوفا من انفلونزا الخنازير
|
Post: #65
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 09:46 AM
Parent: #63
دا تكالة كبيرة
اتكل فيها اي شي يتتحمل
Quote: بعدين شاي شنو الشربتو معاك يا برعي ؟
أنا بتاع شاي أنا ؟
|
قريت كلامك دا
سالت الكرسي الفي مكتبي
الكرسي الشمال
قلت ليهو مش عماد عبد الله كان قاعد هنا
قال لي ايووووووووووووووة
اها تعال غالط الكرسي والمكتب والإدارة والبوابة والباركينغ
|
Post: #69
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Emad Abdulla
Date: 05-14-2009, 10:21 AM
Parent: #65
إنا لله ..
كهرماء ؟؟
و شايك الكعب داك و الأوفيس بوي بتاعكم الشاقي شعرو جنباوي ؟
هو دي إنتي !!
الديامية بالمشاهرة ؟
.....
ولا كلمة ..
الأمنية بتاعت كهربتي وين ؟
|
Post: #70
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 10:48 AM
Parent: #69
Quote: إنا لله ..
كهرماء ؟؟
و شايك الكعب داك و الأوفيس بوي بتاعكم الشاقي شعرو جنباوي ؟
هو دي إنتي !!
الديامية بالمشاهرة ؟
|
اوفيس بوي وشعرو عاجبو
وشقاهو
دي ما عندنا فيها لفت نظر واسال منها الموارد البشرية
لكن شايو الكعب دا بترفد بسببو
اما بخصوص
Quote: الأمنية بتاعت كهربتي وين ؟
|
هسة بجيب ليك توقيع الشالها وبعد دا تمشوا المحكمة الاتنين
|
Post: #73
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Salah Abdulla
Date: 05-14-2009, 12:01 PM
Parent: #70
| Quote: هسة بجيب ليك توقيع الشالها وبعد دا تمشوا المحكمة الاتنين |
يعميني فيها ..
غايتو الشوايقة ديل صعبين خلاص..
(عدل بواسطة SHIBKA on 14-05-2009, 10:50 ص)
عدلتي شنو ؟؟؟
|
Post: #74
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 12:27 PM
Parent: #73
Quote: غايتو الشوايقة ديل صعبين خلاص..
|
في زول كح هنا ولي شنو؟
Quote:
(عدل بواسطة SHIBKA on 14-05-2009, 10:50 ص)
عدلتي شنو ؟؟؟ |
عدلت شي بجيب لي الشبك
|
Post: #67
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: عاطف عمر
Date: 05-14-2009, 09:58 AM
Parent: #1
| Quote: كدايس الديم تلتقي بقطط واشنطون |
الخلى ( الدياميات ) كدايس و ( الواشنطونيات ) قطط شنو ؟؟
مخير الله في حكمو
نظرية الرجل والكراع
سلامات يا شبكة
تذكرت قصة صديقنا ( .. )
كنا نسكن معاً في داخليات الجامعة في النصف الأول من ثمانينات القرن الماضي ( التاريخ مهم ستعرفي ذلك في سياق القصة لاحقاً )
صديقنا هو إبن أخت المرحوم البروف عبدالله الطيب
طلب البروف ذات مرة من صديقنا أن يقيم بمنزله لمدة إسبوع بسبب سفره لحضور مؤتمر خارج السودان ترافقه زوجته .
أوصوه الوصايا الروتينية الخاصة بالمسكن وأعطوه مبلغ ( 40 ) جنيه ، منها ( 25 ) جنيه للأكل الخاص بكلب السيدة الفضلى حرم البروف وأعطوه Menu بالمأكولات المفضلة للسيد الكلب ومبلغ ( 15 ) جنيه مصاريف لصديقنا .
أتى صديقنا للداخلية حزيناً لهذا الوضع وهذه القسمة غير العادلة . حاولنا أن نهون الأمر عليه وقلنا له
" ياخي هسع الجامعة بتدينا إعانة في الشهر ( 5 ) جنيهات وهو مبلغ كاف لـ ( نغنغتنا ) الشهر كله"
أجاب صاحبنا في ألم حقيقي
" يا أخوانا أنا عارف الـ ( 15 ) جنيه ما شوية ، لكين الغايظني أنو نصيب الكلب أكتر من نصيبي ، طيب هسع لو خالي دا ساواني مع الكلب والله ما كنت بزعل "
|
Post: #68
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 10:11 AM
Parent: #67
| Quote: طيب هسع لو خالي دا ساواني مع الكلب والله ما كنت بزعل " |
عدم المساواة دا زاتو
Quote: الخلى ( الدياميات ) كدايس و ( الواشنطونيات ) قطط شنو ؟؟
|
ما تخش في السياسة ياعاطف
دي دولة عظمي ودي دولة نامية
اها ديل يتساوا كيف
لا في الدنيا لا في الاخرة ما بتساوو
|
Post: #71
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: الامين جبارة الله التوم
Date: 05-14-2009, 11:38 AM
Parent: #68
Quote: انت عارف يا الامين سبب صورة بروفايلي دي
كل زول يدخل يشبكني يافلان (مذكر)
قلت اجيب البت عشان يرّكزوا
لقيت الحكاية دي ما نافعة
بقيت اي زول يغلط اتشبك فيهو
لامن الناس تستعدل |
وانا من الناس الاستعدلت. سبق لي في مداخلي لي
قلت ليك الاخ...
تحياتي شيبكة
الامين
|
Post: #72
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 11:52 AM
Parent: #71
Quote: وانا من الناس الاستعدلت. سبق لي في مداخلي لي
قلت ليك الاخ...
|
ما متذكرة الكلام دا
وما اتشبكت فيك لما قلت لي كدا(وش بحاول يتذكر)
|
Post: #75
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: Abdlaziz Eisa
Date: 05-14-2009, 12:39 PM
Parent: #72
Quote: اها دي لجان جديدة ومخصصات جديدة
رزق رزق رزق |
شبكة
سلام
لجان جديدة..
ونخاف ان تنبثق منها لجان ولجان.. غير الشعبية, الأهلية, الحزبية.. الإقليمية وهلماجرا..
يعني البابا الجديد ده لو زار السودان المرة هذه ستكون هنالك لجان لتصميم الصليب..
لأن صليب البابا الراحل ما دخل موسوعة جينيس::
وحتكون في لجان لإختيار الخشب
لجان لإختيار المقاييس
وأخرى للمسامير
وأخرى
وكلها ارزاق يا شبكة
تحياتي
عبدالعزيز
|
Post: #77
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 03:47 PM
Parent: #75
Quote: يعني البابا الجديد ده لو زار السودان المرة هذه ستكون هنالك لجان لتصميم الصليب..
|
عبد العزيز
البابا لسة ما نوى ولا صرح انو جاي السودان
لكن في لجان اتكونت عشان تبحث في شبشبو الدخل بيهو المسجد في الاردن
Quote: وكلها ارزاق يا شبكة
|
كلها ارزاق واسبابها لجان
قصرت معانا الحكومة دي؟
|
Post: #76
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: مها عبد الله
Date: 05-14-2009, 12:43 PM
Parent: #72
مياو مياو مياو SHIBKA
الترجمة ( إزيك إزيك إزيك يا SHIBKA )
تضامني الكامل مع القطط المسكينه لو دخلت القصر الجمهوري وخوفي عليها من ( فئران ) القصر
الجمهوري
الرابط لسه ما شفتيهو ؟
|
Post: #78
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-14-2009, 03:51 PM
Parent: #76
| Quote: مياو مياو مياو SHIBKA |
والله يامها اليومين ديل الثقافة بقت كدايس ساي
الله يستر علينا بس
لكن كان بقت قطط هينة القصة
Quote: تضامني الكامل مع القطط المسكينه لو دخلت القصر الجمهوري وخوفي عليها من ( فئران ) القصر
الجمهوري
|
اكيد حتكون في استراتيجية والية للحد من شراسة الفئران مع هذه القطط ذات الجنسية الامريكية
خليك قريبة يامها
عشان تعرفي الاليات شنو
|
Post: #79
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حمزه بابكر الكوبي
Date: 05-14-2009, 04:31 PM
Parent: #78
فكوا مني الحظر ياشبكه وجاي استثمر في البوست ده وعندي كدايس داير ابيعها
اها دي مطلوبه فيها 500 يورو بنات حفره واحده يعني مليون ونص وشوية كسور بالسوداني
والسبب لانها بريطانية الاصل
http://www.zoekertjesweb.be/brits-kort-en-langhaar-kittens-367886.html
|
Post: #81
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-15-2009, 04:24 PM
Parent: #80
حمزة
جيب كدايسك للبيع
وانا حقى برة
واهو كلنا نستفيد
|
Post: #82
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حمزه بابكر الكوبي
Date: 05-15-2009, 04:48 PM
Parent: #81
حقك بعدين لما نبدا نبيع كدايس الديم .......ال 100 كديسه بي يورو و احد ولك النص
لكن الكدايس الخواجاتيه دي نووووووووووووووووووو
|
Post: #83
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-15-2009, 05:54 PM
Parent: #82
Quote: كدايس الديم .......ال 100 كديسه بي يورو و احد ولك النص
|
دي كدايس بتجيب حقها براها ما دايرة ليها منابر
اما
| Quote: الكدايس الخواجاتيه |
بجيب انا حقها براااااااااااااي وامكن اديك الربع
لما استلم حقها
|
Post: #84
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: حمزه بابكر الكوبي
Date: 05-15-2009, 06:20 PM
Parent: #83
Quote: بجيب انا حقها براااااااااااااي وامكن اديك الربع
لما استلم حقها |
انا لو ما استلمت حقها ما برسلها من هنا ........الكنترول هنا ( وجه ضاحك ومطلع لسانه لبره)
|
Post: #85
Title: Re: زوجة الدبلوماسي الأمريكي تجهش بالبكاء في مطار الخرطوم!
Author: SHIBKA
Date: 05-15-2009, 07:38 PM
Parent: #84
| Quote: انا لو ما استلمت حقها ما برسلها من هنا ........الكنترول هنا |
الدنيا غدارة وما تضمنها ولا تضمني
(وش بعاين ليك بالجنبة )
|
|
