جنس وجع قلب (شعر) !!!

أسيبك أنا ..
ده بس معقول ..
وأسيبك ليه ..
كمان معقول ..
أنسى الدنيا بي حالها ..
وأعانق لي فرح تاني ..
ده مش ممكن ..
وحاتك أصلو ما ممكن ..
وما معقول أخلي الشوق ..
يعربد في دواخلي كمان ..
وإنتي هناك راجياني ..
عيون ساكناهن الجنة ..
حدائق ريد ..
وفا وإخلاص ..
مروج من فرحة كاسياني ..
تهدهد فيني كم مرات ..
أجيك والفرحة بارياني ..
أشيلك غنوه في خاطري ..
ألحن ليك مشاتل حب مروية ..
أسيك أنا ..
ده بس معقول ..
أروح لي مين ..
وأقول يا مين ..
أخلي المرسى في عينيك ..
وأخليك يا حضن دافيء ..
أفتش في موانيء الناس ..
شنو التبرير ..
وإنتي الصحبة واللمة ..
وإنتي قراية في خاطري ..
محبرة بي مداد الشوق ..
كتبتك يا رفيقة الدرب ..
عمر أول ..
وعمر تاني ..
وكل مسارب المشوار ..
ولي آخرو ..
أسيبك أنا ..
وأسيبك ليه ..
ده بس معقول ..

ماشي كويس،!!

المهم قلبك كان ما وجعك ..
يبقى مفيش فايده !!
تسلم ..