Post: #1
Title: البشمرقة يودعون نادية عثمان بالدموع (توجد صور)..!!
Author: عمر الفاروق
Date: 05-10-2009, 06:43 AM
Parent: #0
والجمــــــــــــــــــــــــــــاعة لبدوا ..
التياب نااااااااااااااااااااار والدروع ماااا بتحلكم ..
استاذتنا نادية إعلامية وقشيييرة يعني ما بتتخم ليكم بي اي توب من الحا تغشوا بيهم امي لمن تجو تودعوها ..
انا الايام دي حااااايم في السوق المطرز بي 700 بعد التخفيض والتحنيس ..
التوتل ربط حسب الخامة وبيصل معاكم لي 600 ريال ..
التوتل كامل نادية ما بتلبسو عشان بيقع منها وده الكان ممكن يحلكم لانو اسعارو هااادئة واشكالو جميلة ..
زماااااااان في التسينات سنة 87 نادية دي قالت عايزة لاب توب يومها تورط صلاح غريبة وقال ليها اببببببشري يا نادية بس تعالي لينا الرياض واللاب توب تنقيهو انتي اها خم وصر قايل نادية ما بتجي ؟؟؟ والله كاميرتك مااااا بتحلك ولو في حاجة بتحلك عليك بي العرقي والسكر وتعمل رايح كما بورداب الرياض يومها على قولك :)
وطالما الشغلانة جابت ليها تياب فالبلوزات البودي يجب ان تكون حاضرة ومطقمة والايام دي في طقوم جديدة طالعة البلوزة بي 140 ريال ..
ودي مقدووور عليها لكن والله الشباشب دي قصصصصصة تانية وعشان تقدوا تتموا ليكم لبسة مطقققمة ومجيييهة محتاجين تلفوا ليكم زي طفشطاشر سوق الشبشب من اسواق طيبة والبلوزة من سوق حجاب والتوب من اسواق المتنبئ ..
وده كلللللللللو كوم والدهب الطاير السما ده كوم تاااني ..
ونادية زولة ذوق ومن لازوردي وانت طالع وماا سائلة ليكم في نانسي عجرم ولااا في اليسا يعني ما تخموها بي دهب ابو مرين داك ..
افترض والله اعلم ان تقيم كلللل الكيانات احتفالية وداع للاستاذة نادية عثمان فهذا هو ديدن الشعب السوداني الاصيل يفتقدك اكثر لحظة الوداع اكثر من فرحه بك لحظة القدوم ..
يستقبلك بالدروع والوشاحات فرحاً ويودعك بالذهب والهدايا باكياً ..
وها قد تحققت الأولى ونحن في انتظار الثانية ..
البشمرقة وحدهم كانوا هناك مع الاستاذة نادية صديقة المجموعة واقمنا لها احتفالية جميييلة غنينا واتونسنا وضحكنا ..
رافقتك السلامة يا صديقة مجموعة البشمرقة وكم كم سنفتقدك وتمشي وتجينا بي السلامة وخايف اتورط معاك زي صلاح غريبة واقول ليك المرة الجاية لمن تجي بهدي ليك ال سي دي 42 بوصة تقومي تجي وابقا في التخارجني :)
تخريمة :
تصلي بي السلامة يا زولة وتحياتنا لي كل الاهل وانا جاي القاهرة كدي ابقي مرا وما تلمي لي البشمارقويات عندكم ..
|
Post: #2
Title: Re: البشمرقة يودعون نادية عثمان بالدموع (توجد صور)..!!
Author: عماد محمود علي
Date: 05-10-2009, 06:53 AM
Parent: #1
من الباشمرقة ( 3 ) إلى الباشمرقة ( 1 ) حول......
| Quote: انا الايام دي حااااايم في السوق المطرز بي 700 بعد التخفيض والتحنيس .. |
إنشاء الله تكون إشتريت ليها( 3 ) حبات منهم وكده ... عارف الباشمرقة لازم ينالوا شرف الفوز بهذا التكريم الوداعي .
أبو محمد أزيك ......
|
Post: #3
Title: Re: البشمرقة يودعون نادية عثمان بالدموع (توجد صور)..!!
Author: doma
Date: 05-10-2009, 06:53 AM
Parent: #1
عسل كالعاده اتحاد البشمرقه
غايتوا كان هداياكم قدر دا ؟؟
ياني الجايه الحج
|
Post: #4
Title: Re: البشمرقة يودعون نادية عثمان بالدموع (توجد صور)..!!
Author: محمد سنى دفع الله
Date: 05-10-2009, 07:05 AM
Parent: #3
اها لوجات هنا صور تمبس
بتمسحوها ولا بتنزلوها
بالله نزلوا لينا صور تمبس بالكوم
وداعا
|
Post: #5
Title: Re: البشمرقة يودعون نادية عثمان بالدموع (توجد صور)..!!
Author: عمر الفاروق
Date: 05-10-2009, 03:36 PM
Parent: #4
عمدة يا حنين :
| Quote: من الباشمرقة ( 3 ) إلى الباشمرقة ( 1 ) حول...... |
اها شوفت التحويل ده زااااااااااااااااتو البيخلي الناس تلبد ..
شوف ليك اي كلمة تانية ياخ واصل ..قول....عبّر ..
قال حول قال..
كان بحوول ليك ..
|
Post: #6
Title: Re: البشمرقة يودعون نادية عثمان بالدموع (توجد صور)..!!
Author: عمر الفاروق
Date: 05-10-2009, 03:39 PM
Parent: #5
دومة بت حامد :
| Quote: عسل كالعاده اتحاد البشمرقه |
والله العسل عندكم انتو نحن النحل غايتو ..
Quote: غايتوا كان هداياكم قدر دا ؟؟
ياني الجايه الحج |
يا زولة البرادو تسمع فيييييي كلامك تعالي ساي غايتو عندك من هنا لحددددي شهر شعبان لحقتي حجيتي حجيتي ما لحقتي حجيتي البرادو طارت عليك وبعد ده البشمرقة ما في يدهم الا يعملوا ليك شاي بي اللبن وكيكة بعد المغرب..
|
Post: #11
Title: Re: البشمرقة يودعون نادية عثمان بالدموع (توجد صور)..!!
Author: doma
Date: 05-10-2009, 06:49 PM
Parent: #6
| Quote: يا زولة البرادو تسمع فيييييي كلامك تعالي ساي غايتو عندك من هنا لحددددي شهر شعبان لحقتي حجيتي حجيتي ما لحقتي حجيتي البرادو طارت عليك وبعد ده البشمرقة ما في يدهم الا يعملوا ليك شاي بي اللبن وكيكة بعد المغرب.. |
غايتو يا عمر ولدي اقعد من شعبان للحج ؟؟؟
الا تكون داير حاج دوم يرسل لي الورقه
لا الم في البرادو لا البريدو .
انت مش قالوا الحج عرفه ؟؟؟
خلاص بجي في شعبان واطلع عرفه
لكين يا خوي غير لي اسم العربيه دي ما نافع معاي
انا ما بحج الا تحضروا الفراري وبالعدم Marcedes >
|
Post: #7
Title: Re: البشمرقة يودعون نادية عثمان بالدموع (توجد صور)..!!
Author: أبوذر بابكر
Date: 05-10-2009, 03:45 PM
Parent: #1
الفاروق يا ألذ زول
كيفك يا حاج
إنت زول ممتع ياخ
عاين
أنا عندى ليك حفل وداع سمح جدا
عارف وين ؟
فى الأستاد الأولمبى فى روما
يوم 27 مايو
يعنى زى الأعراس الزمان بعملوها ايام نميرى ديك فى عيد مايو
فاهم قصدى طبعا
|
Post: #8
Title: Re: البشمرقة يودعون نادية عثمان بالدموع (توجد صور)..!!
Author: khaleel
Date: 05-10-2009, 03:48 PM
Parent: #7
Quote: انا الايام دي حااااايم في السوق المطرز بي 700 بعد التخفيض والتحنيس ..
التوتل ربط حسب الخامة وبيصل معاكم لي 600 ريال ..
التوتل كامل نادية ما بتلبسو عشان بيقع منها وده الكان ممكن يحلكم لانو اسعارو هااادئة واشكالو جميلة ..
زماااااااان في التسينات سنة 87 نادية دي قالت عايزة لاب توب يومها تورط صلاح غريبة وقال ليها اببببببشري يا نادية بس تعالي لينا الرياض واللاب توب تنقيهو انتي اها خم وصر قايل نادية ما بتجي ؟؟؟ والله كاميرتك مااااا بتحلك ولو في حاجة بتحلك عليك بي العرقي والسكر وتعمل رايح كما بورداب الرياض يومها على قولك :)
وطالما الشغلانة جابت ليها تياب فالبلوزات البودي يجب ان تكون حاضرة ومطقمة والايام دي في طقوم جديدة طالعة البلوزة بي 140 ريال ..
|
عمر الفاروق
مبالغة المبالغة
اسمع نادية ما جاية الدوحة
|
Post: #9
Title: Re: البشمرقة يودعون نادية عثمان بالدموع (توجد صور)..!!
Author: Rawia
Date: 05-10-2009, 03:55 PM
ماعاوزة أفتح نفسي في البوست زي المرة الفاتت ونبقى في صلوا على النبي وأسمعوا الكلام
لكن حكاية البودي ابو مية واربعين دي مغرية
عندي لون ناقص
إقتصد في البامبرز بتاع ابوحميد واللبن أمسكوا إيدكم فيهو شوية وجيب لي البودي
|
Post: #10
Title: Re: البشمرقة يودعون نادية عثمان بالدموع (توجد صور)..!!
Author: دينا خالد
Date: 05-10-2009, 04:31 PM
Parent: #9
عــــــــــــــمــــــــــر ومواصلة مسلسل البياخات
عارف ياعمر دا عبث بمشاعر انسانية راقية
ودى مقارنات بابخس الاثمان ....... السودانيين عمرررهم
ما بقيسوا الحاجات دى كدا ولا بتكلموا فيها حتى مع روحهم
ما صاح منك وبوســـــــت اخر غير موفق !!
ــــــــــــــــ
انت نادية دى بتهضرب بيها كدا مالك ؟؟ الموضوع بسيط باخ
الحق شوفها قبل ما شوقها يودرك .. فى زول بصحى 7 صباحا
يتذكر نادية ويفتح ليها بوست ؟؟ نيابة عن نادية بقول ليك
الهدية ما مشكلة تعال نتشاوف الدنيا ما معروفة !! وندوية دى
لو جيت شايل ليها محمد فى يدك .. احسن ليها من مليون هدية
جرب بس !
والله يجازى ال كان سبب عدم ملاقاتك ليها ..( وشووووووش )
|
Post: #12
Title: Re: البشمرقة يودعون نادية عثمان بالدموع (توجد صور)..!!
Author: حمد فتح الرحمن
Date: 05-10-2009, 08:17 PM
Parent: #10
علي قول دينا فعلا دا بوست غير موفق
ياخ بالجد التياب وصلت للاسعار دي ؟
|
Post: #13
Title: Re: البشمرقة يودعون نادية عثمان بالدموع (توجد صور)..!!
Author: Abdelmuhsin Said
Date: 05-15-2009, 12:42 PM
Parent: #12
|
|