|
هاااام وعاجل لبورداب الدوحة .. كيوتل والاتصال الدولي بالسودان!!
|
لاحظته من الأسبوع الفات إنو الاتصال بالسودان صعب جدا ويمكن يفتح معاك الخط وما تسمع حاجة .. وتحسب عليك مدة المكالمة وبعد سؤال عدد من الذين اتصل بهم في السودان من اخوة وأهل وجدت أن الرقم الذي يظهر لهم هو 888 .. يعني ما بيجيهم اسمي (صلاح) وسألت عدد من أصحابي هنا في الدوحة وقالو نفس الشيء..
وبعد التمحيص والفحص اكتشفت التالي.. ومع خبرتي السابقة من العمل في سوداتل تبين أن كيوتل تستخدم تقنية ال VOIP وهي الاتصال الهاتفي عن طريق بروتكولات الانترنت وهي اتصالات رخيصة التكلفة وغير واضحة ومشوشة .. يعني ال Out going Call بيطلع من موبايلك ويدخل في سيرفر في كيوتل ويتم تحويله إلى بروتوكول الاتصالات عبر الانترنت ومنو يتحول إلى السودان..
وبالتالي فإن كيوتل تقدم خدمة مقابل قيمة المكالمات الدولية التي ندفعها وبالمقابل لا تُحاسب من جهة السودان .. لانو الاتصال جاي عن طريق النت.. على عينك يا تاجر !!!!
عايزين خطوات عملية .. ونشوف نعمل شنو ؟؟؟
|
|
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: احمد عمر)
|
Quote: المشكلة دي مش في الدوحة بس .. نحن هنا في اليمن نعاني
من هذه الاشكالية لمدة شهرين تقريبا .. |
الله يعين يا احمد على شركات الاتصالات وبالذات لما تكون واحدة ومحتكرة..
والسئ في الاتصال عبر بروتوكولات الانترنت غير عدم وضوح الصوت والتقطيع هو إنو هذه البروتوكولات لا تحمل هوية المتصل يعني رقمك ما بيظهر للجانب الآخر.
بس المستغرب إنو الحاجة دي حتعدي كيف على شركات الاتصال بالسودان فمن المعروف إن توجد مقاصة بين الدول في Outgoing وال Incoming يعني شوية كده وشركات الاتصال في السودان ما حتلقى اي حساب في رصيدها من المكالمات الواردة..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: عثمان جلال الدين)
|
Quote: تعرف يا ليون أنا ذاتي لا حظت المسألة دي كم اتصال بالسودان الخط افتح ويبدأ العداد والجرس لا زال يرن ولارد.. وفي بعضها يرن الجرس ويبدأ العداد ويتوقف الجرس ولا حياة لمن تنادي.. |
صح يا عثمان وطبعا الحاجة دي في كرت دولي الزول ما بيلاحظ ليها وبيعتبر إنو المشكلة في شبكة السودان .. لكن المشكلة من هنا وهسه نحنا الطامة الكبرى ما في كرت الدولي لا في الاتصال الدولي المباشر المن موبايلك والبتتحاسب عليهو 2 ريال في الدقيقة ده وبعد ده كلو تكون الخدمة بالطريقة دي..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: عبدالكريم الامين احمد)
|
Quote: سلام يا الليون والجميع وفعلا الاتصال بالسودان اليومين دي حكايته حكاية والقصة دي بالله يا الليون بدها تفيكيك تقني عشان كيوتل ما تاكلنا حنك ساااكت |
هلا كيكي.. القصة دي فككتها ليك من زمن كده.. وانت عارف طبعا انا عندي حبة خبرة في الاتصالات دي.. يعني مما اضرب رقم واخت الموبايل في اضاني كل التكتكات لغاية ما الخط يشبك بكون عارفها دي عبارة عن شنو..
وانا مما بديت اعاني من حتة الاتصالات دي طوالي مشيت سألت ليك مهندس هنا في كيوتل كان معانا زمان في سوداتل وبي كل براءة سالتو ليك من حتة هل عندهم نظام ال VOIP وقال لي نعم عندنا وبنستخدمو في الاعياد لما الخطوط تكون فل.. ومن هنا عرفت ليك الشغلة طوالي .. وحنمشي ورا الموضوع ده ونشوف آخرو..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: SHIBKA)
|
Quote: الليلة راجعت الفاتورة في النت لقيت كل المكالمات دي محسوبة علي يعني خط فاتح في الفاضي ومحاسبين عليهو |
نعم يا شبكة .. ده هو زاتو نفس البيحصل لما تكون المكالمة عن طريق الانترنت وطبعا الحاجة دي ما حيلاحظه إلا البيستخدمو الانترنت كتير في المكالمات .. عادي يعني من كم محاولة كده يكون الخط فتح والعداد ماشي عليك لكن مافي اي حاجة بي هناك.. وطبعا في حالة الانترنت والمكالمات الرخيصة جدا بالنسبة للمكالمات التلفونية الحاجات الصغيرة دي ما بتأثر على رصيد الواحد.. بكرة بعمل اتصالاتي واشوف الحاصل.. تحياتي.. للجميع..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: Omar Bob)
|
السلام عليكم..
يا عمر بوب المشكلة الاتنين معاً
وبعدين نحنا بندفع لي خدمة اتصال هاتفي يعني الخط يكون واضح ومافيهو تقطيع..
ونحنا خدمة ال VOIP دي بنستخدمها في الونسة ولما تكون المكالمة طوويلة جدا ورخيصة لكن لما تجي تتكلم مع الحجاج الكبار في السن .. بالانترنت ما بيسمعو ليك اي حاجة.. وعشان كده الواحد طوالي بيفتح موبايلو ويضرب ليهم .. ورينا تقدر تساعد كيف..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: Mushal Allam)
|
Quote: نفس المشكله عندنا هنا في جنوب افريقيا |
الاخ مشعل من المعروف عن شركات الاتصالات أنها تستخدم تقنية ال VOIP ولكنها تستخدمها بعد ان تستنفد كافة خطوطها يعني لو في شركة عندها اتفاقية مع السودان بيكون في عدد من الخطوط مباشرة بينها ودي بتاخد Priority وبعد ان تخلص كل هذه بيكون في route تاني بي أي دولة حسب الاتفاقيات وبعد ده كلو تجي في المرحلة الثالثة ال VOIP وده كلو عشان يضمنو مافي مكالمة تطير منهم.. لكن هنا في الدوحة الظاهر ال Priority أصبح لمسارات ال VOIP
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: ناذر محمد الخليفة)
|
Quote: 1. الاتصال يكون صعب جدا 2. توجد اكثر من محاولة يكون فيها العداد شغال ومافي زول سامعك بهناك 3. رقمك بعد كل هذه المحاولات ما بيظهر للطرف الآخر 4. بعد ما يضبط معاك اتصال بيكون ما واضح وفيهو تقطيع |
يا صلاح المشاكل القلتهادي كلها متعلقه بتقنيه VOIP ودي مشاكل واضحة المعالم ويمكن مناقشتها بعد كتابه البوست قمت بالاتصال ياداره الموبايل في كيوتل لمعرفه هل بيستخدموا هذه التقنيه ام لا ,وحولوني لاداره الانترناشونال قيت ووي وهي الجهه المسؤله عن المكالمات الدوليه لم اجد الشخص المسؤؤل وساحدثه حال ان اجده وانقل له المشكلات المتعلقه بالتقنيه اما بخصوص انو كيوتل بتسخدم التقنيه ذات نفسها فده trend ماشه عليه كل شركات الاتصال في العالم نسبه لانو تكلفتو رخيصه جدا (وليس مجان. مافي خدمه في الدنيا مجان) والمتوقع انو خلال التلات سنوات القادمه انو هذه التقنيه completely take over
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: Omar Bob)
|
Quote: يا صلاح المشاكل القلتهادي كلها متعلقه بتقنيه VOIP ودي مشاكل واضحة المعالم ويمكن مناقشتها بعد كتابه البوست قمت بالاتصال ياداره الموبايل في كيوتل لمعرفه هل بيستخدموا هذه التقنيه ام لا ,وحولوني لاداره الانترناشونال قيت ووي وهي الجهه المسؤله عن المكالمات الدوليه لم اجد الشخص المسؤؤل وساحدثه حال ان اجده وانقل له المشكلات المتعلقه بالتقنيه |
يا عمر انا وجدت الشخص المسؤول وتكلمت معه وقال إنو الاسبوع الفات ده بالتحديد كانو بيجربو في خطوط هاتفية جديدة مع شركة زين .. يعني لغاية الخميس الفات قال مفروض الخدمة تكون اتصلحت مش خربت وفعلا اديتو رقمي البضرب ليهو في السودان ووجد إنو عدد المحاولات كتير جدا .. وتاني كلمتو عن رداءة المكالمة وعدم ظهور الرقم .. بالاول حاول انو يقول الحاجة دي من هناك لكن بعد ما اكدته ليهو انو ناس كتييرين بيحصل ليهم كده قال لي خليني بس اراجع حاجات كده وبرجع ليك
طوالي بعد ما رجع لي .. وقال لي خلاص كده اوكي .. طوالي ضربته وجربته السودان .. وسالتهم لقيت الرقم ظهر عندهم والصوت واضح واوكي وتمام ..
يصبح الحصل هو كالتالي وده الحينكروهو واصلو ما حيعترفو بيهو إنو أثناء عمل الخطوط الجديدة دي كان جادعننا على ال VOIP وبعد ما عملو الخطوط الجديدة نسونا بي هناك ..
على اي حال مشكورين الجماعة في كيوتل .. يعني بيصلحو ليك الحاجة لكن مما ممكن يقولو انهم كانو غلطانين يعني عرب اخير من عرب..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: صلاح ليون)
|
طبعا كان من المفترض أن تبدأ فودافون فعلياً في تشغيل خدماتها في شهر مارس السابق .. حسب الاعلان التالي..Quote: فودافون قطر بدأت تشغيل شبكة الهاتف المحمول في 01 مارس 2009 و ذلك له قيمة كبيرة لعملائها من خلال توفير مجموعة من المنتجات والخدمات المثيرة. وتشمل هذه الخدمات: الجوال ، والهاتف الثابت والانترنت والترفيه. |
وسمعنا بالمزاد الذي تم فيه بيع الأرقام المميزة .. 777777777 ... ودي ارقام موبايلات فودافون .. لكن لليوم لا حس لا خبر.. ما شفنا لينا زول شايل رقم سبعات ولا في زول ضرب لينا من سبعات.. العندو معلومات اكتر يفيدنا عشان التحول قادم يا كيوتل..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: صلاح ليون)
|
سلامات يا صلاح انا لست بمعرض الدفاع عن كيوتل فقط لانني اعمل بها ولكن اري ان هناك قفزات نوعيه وكميه حدثت لكيوتل في جميع الاصعده جزء من ذلك مرده لللاستشعار الداخلي من الشركه للتطور والجزء الاخر من المنافسه الخارجيه واكاد اجزم ان كيوتل الان في وضع يمكنها منافسه اي شركه في العالم من حيث الخدمه (هذا بالطبع لا يعني انها يجب ان تتطور اكثر واكثر في خدمة العملاء) هذا جانب هناك جانب اخر مرتبط بالتسعيره و التسعيره خاصه العالميه غلاءها جزء كبير منه مرده لقله سكان قطر و بالتالي قله المشتركيين بمعني اخر يعني انت لمن تعمل اتفاق مع دوله ال Trafic منها 2 مليون مكالمه بيخلتف لمن تعمل نفس المعاهده مع دوله بيجي منها 10 مليون مكالمه ولكن مما لاشك فيه انو المنافسه فيالسوق المستفيد الاول منها هو الزبون وهذا الكلام ينطبق علي كيوتل وفودا فون او اي شركة خدمات في اي مكان لكن المستغرب ليهو يا صلاح استبشارك بفودافون وكانها ستقدم خدمه افضل من كيوتل. شركه تاخرت عن الموعد الذي اعلنته عن بدء تشغيلها اكثر من مره و غرموها عشره مليون ريال عشان اتاخرت في التشغيل يبقي علي اي اساس انت باني كلامك انو حتقدم خدمه افضل علي حسب ما فهمته انا من كلامك
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: Omar Bob)
|
Quote: حتقدم خدمه افضل علي حسب ما فهمته انا من كلامك |
لا لم اقصد هذا .. ولكن اتمنى أن تقدم خدمة أفضل ولكن هدفي كان إنو المنافسة وذهاب جزء من عملاء كيوتل إلى شركة فودافون سيخفض أولاً من سعر المكالمات .. ليست الدولية فحسب بل حتى المكالمات الداخلية من موبايل لي موبايل وبعد هذا الانخفاض في أسعار الشركتين معا يكون الفيصل .. جودة الخدمة ..
| |
|
|
|
|
|
|
Re: هاااام وعاجل لبورداب الدوحة .. كيوتل والاتصال الدولي بالسودان!! (Re: عثمان جلال الدين)
|
Quote: ياخ ديل ما سمعوا بعروض شركة اتصالات بتاعت السعودية واكرامها لمشتركيها بعروض متجددة وحقيقية شهرياً ياخي ديل ماسمعوا بحكاية انو الرخيص يكثر المكالمات ويحقق عائد أكبر .. وين ناس التخطيط الاستراتيجي لكيوتل؟؟؟ |
اخي عثمان فعلا السعودية بها عروض مذهلة .. وجدة غير الواضح في كلام عمر بوب إنه عزى إرتفاع الأسعار لقلة السكان لكن يا عثمان ويا عمر بوب ما ملاحظين إنو أرباح كيوتل تفوق معظم الشركات الصناعية والخدمية هنا بالدوحة .. وهي ارباح خيالية .. يعني الحكاية من سكان يا بوب .. دي فيها شوية جشع..
| |
|
|
|
|
|
|
|