هـويـنـاكـ ...

هويناكـ قبل مانعرفكـ

ونعرف منبع الإنسـان ...

كُناكـ قبل ماتكونى

وتتصور ملامحكـ شـــأن ...

عبدناكـ وإنتِ لسه روح

وألفناكـ معنى للإلهـام ...

سرجناكـ للمقاصد خيل

وفزناكـ فى الخليقه غمام ...

فرشناكـ لى عشقنا حرير

ونُمناكـ للمحبه أمـان ...

لقيناكـ فى دهاليز العشيات

تمطّرى لى نفوسنا حنان ...

وتتواصل عطاياكـ طل

وتفرحى لى ورود الكــــون

وترطنى زى صغير مفطوم

بسأل عن سراب اللون ...

عيونكـ زى غياب الشمس


إسرق مننا النــــظرات


عيونكـ زى ولاد إبليس


إجرجروا فينا للإلـــحاد


عيونكـ ديل مطار عُمراً


بسافر فيهو دون أخـــتار

حواجبكـ زى جريد نخلاً


إهدّل فى عريس هيمان ...



وثغركـ زى سراب أنهار


إغشغش كل ضال ولهان ...



ده جيدكـ حيّر الغزلان


وولع فيها غيره زمـان ...



وشعركـ زى أماسى شتاء


تطــــّول فينا تبقى دهور ...

وصدركـ فيهو جوز رمان


وروعتو تدهش الولهان ...


وخصركـ فى ضمورو خيال


وأنامل طفله تطوى حصار ...



قوامكـ إبقى بان ميل


وفدعتو تشّفق النسمات ...



وروحكـ نورا إدى أمان


إبعثر فىّ شعاع الحـــق ...



وطيفكـ إبقى لى سلوى


وأناجى فى وجودو الحــُب ...