وينكم يا بورداب الرياض

موضوع للنقاش المدارس السودانية بالرياض المشكلة والحل
نزلت البوست ده من يومين للنقاش وما في اي زول عبرني
يعني ما عندكم مشاكل مع المدارس السودانية ولا الحاصل شنو؟
ولا امكن عشان برلوم في المنتدى ومطنشني

استعرضت المنتدى ولم اجد اي طرح لمشاكل محلية
شكلكم مبسوطين ع الآحر
فقط موضوع وليد دارفور الذي انقلب لمعركة تاريخية
على الاقل خلونا نتعرف عليكم طالما مبسوطين وما عندكم مشاكل او عندكم حلول لكل المشاكل


انا خايف يكون من كترة المشاكل ما قادرين تردوا
تحياتي

الشفيع أخوي
إزيك

اتخايل لي الناس ديل كلهم عندهم أبناء في المدارس
وعاملين نايمين لأنو أصلا المدرسة بتكون "مدسوسة" وما عاوزين يكشفوا الموضوع
اعتقد ذلك
غايتو نحن لسا ما وصلنا مرحلة المدارس

وأهلا بيك بالمناسبة دي برضو
ويا ألف مرحب

المدارس معلنة ومعروفة لدى الجميع واعلانتها مالية البلد

مشكور على المرور
وكتر خيرك على الترحاب
و الله يعينك لمن تصل المرحلة دي، وان شاء الله نكون الوقت داك عدينا بي هناك
ربنا يصلح البلد والحال

حيا الله الأخ الكريم / الشفيع وراق تحياتى


اعقد هذا موضوع فى عاية الأهمية بس كده قول
لينا وجهة نظرك هشان نشاركك الرؤية ربنا
ينجح لك أبناؤك كما أتمنى أسمع بقرار فورى
بمجانية التعليم لأبناء المغتربين ولا عدمناك
بعدين مافى حاجة هنا إسمها برلوم رؤيتك هى الهدف
وما تقدمه من فكر ثر هو مبتغانا فتك بعافية


,,,,,

هنا الموضوع اخي آدم
موضوع للنقاش المدارس السودانية بالرياض المشكلة والحل

كل من له ابن في المراحل الدراسية المتقدمة بالتأكيد عانى أو سيعاني من هذه المشكلة وحتماٍ سيقع بين مطرقة المدارس السعودية وعدم التمكن من ضمان قبول عام في الجامعات السودانية وسندان المدارس السودانية القائمة التي تفلح فقط في شفط مدخراتنا دون تحقيق مطامعنا في تدريس ابناءنا بحرفية ومهنية
خلال العامين الماضيين سنحت لي فرصة الاحتكاك عن قرب من نشاط إحدى المدارس بحكم انتخابي من قبل مجلس الآباء لمراقبة أداء المدرسة وألخص هنا ما لمسته:
أساس قيام المدارس تجاري بحت ، الربح ثم الربح ثم الربح
40% من الايرادات تذهب لكفيل المدرسة
لا توجد اسس او معايير لاختيار المعلمين فقط المتاح و الأرخص
ما يخصص كرواتب للمعلمين قليل ولا يتجاوز 20% من الدخل
لا توجد اي رقابة او اشراف من اي جهة عليا
هدف المعلم من التدريس في المدرسة هو التعرف على الطلاب لتشكيل مجموعات تقوية دخلها يعادل خمسة اضعاف راتبه وده كمان شفط تاني للمدخرات
السفارة السودانية رفعت يدها بالكامل عن الموضوع وتوارت خلف قرارات القمة العربية التي تمنع انشاء مدارس عربية في الدول العربية وطبعاً ده الشيء الوحيد الذي اتفق عليه الاخوة الرؤساء وتم تنفيذه بالاجماع

الحل يكمن في ان تنشأ وتدار المدرسة بواسطة اولياء الأمور بالكامل أقصد مالياً وأكاديمياً وإشرافياً
قد يرى البعض هذا الحل مثالي وصعب التطبيق ولكن الواقع يقول ان حالياً جميع مجموعات التقوية تدار بواسطة أولياء الأمور وبقليل من المجهود سوف يتم ذلك

كخطوة أولية قرر بعض أولياء الأمور تأسيس فصل نموذجي يستهدف شريحة متفوقة من الطلبة الذين سيجلسون لإمتحان الشهادة العام القادم والآن في مرحلة وضع الضوابط والأسس التي سيتم تأسيس هذا الفصل وسيتم الإعلان عن ذلك قريباً (غالباً غدا)
مشكور على الاهتمام