تضامنوا مع المرشح الرئاسي عثمان الريح من اجل عودة المياه لمجاريها ...

عشان ما يذل ناس حلتهم بانه هو الدخل ليهم الموية في بيوتهم ..

وكمان عشان ما يذلنا نحن بكترة البوستات ...

وما يذل المهندس عادل بانه مشي اجازة

مداخلة واحدة كوبي اند بيست لحداشر بوست في ظرف دقيقتين


انا يا ناس الجبت الموية لناس حلتنا وكان ما انا كان العطش قتلهم ،،،

وأنا يا ناس ناس حلتنا كلها جارين الموية من توصيلتي..

وانا يا ناس بسدد الفواتير اول باول ..

وانا يا ناس يا ني انا ..

المرشح الرئاسي الهمام قال انه سوف يعود بين الحين والاخر لعرض اخر المستجدات السياسية بالساحة

وكان المستجد السياسي الجديد بالحوش السوداني هو قطع المياه عن منزله بشرق النيل ..

هاك اها عشان بعدين ما تتعب

Quote: آخر الاخبار اليوم الجمعة فبعد فشل الحزب الحاكم فى محاولته تركيعى من خلال المضايقات التى ذكرتها سابقا من حظر لمواقع بها مجموعات لى وسرقة البريد الالكترونى الخاص بى والتجسس على تلفوناتى وارسال البعض لتشويه الطلاء الخارجى لمنزلى ، الا انهم استحدثوا امرا يتعارض مع اقل واجبات الانسانية الا وهى مد الانسان لأخيه بالماء ، الناس شركاء فى ثلاث ، لقد قام المهندس عادل المسؤل عن مياه شرق النيل بقطع الماء من منزلى فقط ، اما الجيران فلديهم ماء علما اننى من ادخل المياه لهذا الحى الحديث وكل الجيران اخذوا من التوصيلة الخاصة بى واستغل عطلة آخر يوم الخميس والجمعة والسبت وادعى انه قد دخل فى اجازة ، علما اننى مواظب على دفع فاتورة المياه بصورة منتظمة . وهذا كله كمحاولة فاشلة اخرى للمضايقات فمن يفشل فى مقابلة الحجة بالحجة يلجأ لهذا الاسلوب الرخيص ، الا اننى اعدكم ان هذه المحاولات لا تزيدننى الا مزيدا من الاصرار ومواصلة كشف هذه الاساليب للرأى العام ، وتقديم كل المتآمرين للقضاء . ملحوظة : حجب هذه الجروبات والمواقع من داخل الفيس بوك فقط ، فيمكن فتح هذه الجروبات والمواقع خارج الفيس بوك

كدي نقرا آخر المستجدات في الساحة السياسية السودانية ..

Quote: آخر الاخبار اليوم الجمعة

Quote: حظر لمواقع بها مجموعات لى

Quote: وسرقة البريد الالكترونى الخاص بى

Quote: والتجسس على تلفوناتى

Quote: تشويه الطلاء الخارجى لمنزلى

أما اهم مُستجد على الساحة السياسية السودانية ليوم الجمعة فقد كان

Quote: قطع الماء من منزلى فقط

بالغت والله يا دكتور في عرضك لاخر المستجدات السياسية بالسودان

ثم يا دكتور ..

يا أيها المرشح الرئاسي والمتطلع لدور كبير في العمل العام

دي كان في ليها داعي تقولها ...

Quote: علما اننى من ادخل المياه لهذا الحى الحديث وكل الجيران اخذوا من التوصيلة الخاصة بى

يعني شنو انت الدخلت الموية للحي .. ما سورة انت ؟

كويس هب مثلاً انك أنتخب وفزت بالرئاسة هل ستكون جميع خطاباتك وممارساتك بهذا المستوي

ستذل المواطنيين كما فعل الوزير الهمام الآخر عندما وصف الشعب الشحادين وانهم من وفروا له اللقمة

واغنوه عن ذل السؤال والوقوف بالصفوف بقرعاتهم الممدودة .. ؟؟

هل سنسمع خطابات من شاكلة أن الشعب كان عطشان وميت عطشاً وانك من قام بتوفير المياه له .. ؟

عندما وصفت انت بهذا المنبر بانك فاكيها في نفسك ومضخم ليها الكلام دا ما كان عبث ..

كدي شوف سلوكك وخطابك السابق دا عن قطع الموية من منزلك .. ايوة علمنا انك الدخلتها والجيران شالوا من عندك عمنا خلاص -

كدي يا سيدنا المرشح شوف انت كتبت الكلام دا في كم بوست ..

ورغم انك قلت انك سوف توافي الناس باخر المستجدات السياسية بالساحة شوف المستجدات دي كانت شنو ؟؟

عبارة عن اخبارك الخاصة جداً والتي لا تهمني ( انا ) مثلاً فمالي ومال قطعت مويتك والسودان اكثر من 80% من مواطنيه لا يجدون ماء صالح للشرب ولا توفر لهم خدمة الماء في منازلهم ..
يهمني شنو انا بقطع الماء عن منزلك والسكان على مرمي حجر من نهر النيل يحصلون على مياه الشرب من الابار الجوفية ..

يهمني شنو من قطع الماء عنك كمستجد بالساحة السياسية وهل الفعل بالغ الاهمية حتي تخبرني به في خمستاشر بوست واقراه واعرفه غصباً عني ؟؟

ديكتاتورية معلوماتية والا ايه ؟

من باب اولي كان انت نفسك كحامل لهم المواطنين بدل تقول عنهم اخدوا الموية من توصيلتك الخاصة تقطع الموية من منزلك وتعفّ عنها وما تدخل الا بعد ما كل منزل بالسودان يحصل على ماء شرب نظيف وصحي ..

مش تجي تشحد التضامن والمؤازرة ...

حيدر سلامات
مشكله د عثمان مع التعبير راعى الضان فى الخلاء عارفه(بما انو جذء من القاعده الشعبيه هههههههههههه)
لكن ما دا مابنفى انو المهندس عادل دا راجل ثقيل والمفروض يحول لى الازهرى 2 يتفاهم معاه
وبعدين الراجل عاوز يوضح ليك انو مستهدف لكن استهداف على قدروا كدا (ما اعتقالات وكدا)
كامل التضمن مع حله د عثمان لحدى مويته تجى

هلا يا رغيم

تحياتي لك

Quote: وبعدين الراجل عاوز يوضح ليك انو مستهدف لكن استهداف على قدروا كدا

فعلاً وعلى قدر اهل العزم تأتي العزائم ...

ناس يعتقلوهم وناس يشخبطوا حيطهم .. لوووول يا دكتور

ههههههههههههههههههههه
ياخ ما تبالغ
كتب كده ؟
ياخ و الله العظيم الزول ده انا حبيتو من جوه قلبي و عفيت ليو الورم الورمنا ليو
ياخ ده راجل فنان ياخ


نطالب بعودة المهندس عادل من الاجازة فورا ..

ايوة والله ياحمور زيادة كتب كدة .. وين ؟

في خمستاشر بوست يعني حريص تماماً انه كل زول يعرف انه الجاب الموية لناس الحلة

دا تجرد المرشح الرئاسي للعمل العام

حيطي شخبطوها والموية قطعوها والجيران الشايلين الموية مني عندهم موية

يعني لو قطعوها من الجيران كان سكت والا كيف ..؟

غايتو ما عارف يا حمور لكن وقت قريت انك عفيت ليهو الورم دا كلو حسيت زي البتقول

يا ناس ما تزعلوا الزول دا ما منه من العليهو .. لوووووووول

و الله يا حيدر انا بديت اعاين ليو بالمقولة غير المأثورة البتقول : الرئيس في ذمة الشعب.

و بعدين بصراحة الزول ده لا بيحس لا بيفهم لا بيسمع لا بيتأثر بالعوامل الخارجية لا التعرية لا الاحتباس الحراري.
الزول ده من كتابتو و ردودو ظاهر انو داير في فلك روحو.
عنزة و لو طارت.
و هسه هو عامل فينا كده و لسه دي مجرد فكرة للترشيح .. اتخيل يوم لجنة الانتخابات تقبلو كمرشح حيعمل فينا شنو ؟
و لمن الحملات تبدا.
يا عزيزي نحن لسه راجينا ورم فظيع كان الله ما لحقنا ببكري وله الهكر ايهما اقرب.
فانا قلت اعفي ليو الفات عشان اجهز نفسي للجاي بروح طيبة.
لأنو لو شلت في نفسي من هسه ما بتم معاكم الحملة الانتاخبية .. بتفقع .. و انا زول صاحب عيا.






ـــــــــــــ
عودة المياه الى مجاريها دي ذكرتني قصة لطيفة.
ابو سن رقد في المستشفى بحبس بول الله يكرمك و يعيذك .. فصاحبو محمد حاجي حسين الاديب الامدرماني الظريف رسل ليو برقية (يعني زي الsms هسه ) قال ليو :
" ما بال شيخ العرب في المستشفى ؟ "
ابو سن قعد يضحك شديد لامن الله عافاهو و قام طوالي رد ببرقية :
"برسالتكم عادت المياه الى مجاريها "

Quote: الزول ده من كتابتو و ردودو ظاهر انو داير في فلك روحو

صدقت يا حمور في دي ..

وقدامنا مستجدات الساحة السياسية في السودان كلها تتكلم عن محاربة المؤتمر الوطني لفارس عصره عثمان الريح ..

وشوف جنس المحاربة يا قول رغيم بتجي على قدرو - شخبطة في الحيطة -

بالله في زول يقول ليك انا بيحاربوني بالشخبطة على حيطتنا ..

دا بيسمع لنانسي عجرم والا شنو - شخبط شخابيط لخبط لخابيط ..
اكيد بيسمع ليها واقترح عليهو انه شعار مرحلتو الانتخابية يكون الاغنية دي

وياريت كل ناخب يهدي ليهو كاسيت لنانسي عجرم مع وعد بصورة مع الفنانة ..


غايتو انا فشفاشي ورم زمان وجاتني سكتة ووقت جاء وقال وداعاً يا ناس وجود باي وانا ماشي ازور ولايات السودان يادوب ارتحت وعيوني فتحت ..
وعشان نشوف الاستهبال مشي تلاتة يوم بس ( نتجاوز انه كل يوم بيرفع بوستاته ) وبعد تلاتة يوم جاء يقول

عمل قاعدة شعبية ..

قاعدة شعبية في تلاتة يوم يا دكتور والله الا تكون عملت قعدة مش قاعدة ..
ياخي قاعدة اكسس ما تعملها في تلاتة يوم .. !!

مكرر

Quote: يعني شنو انت الدخلت الموية للحي .. ما سورة انت ؟

صدقت والله

سؤال مفاجئ جا في بالي يا حيدر ..
الدكتور هو من مد الجيران بالموية و كلهم شايلين من الخط بتاعو.
طيب ليه هسه الجيران ما ادوهو موية و مدو ليو من بيوتم ؟

يكون الجيران ماتو من الورم ؟

يا دوك اشتري مويه الصحه للشراب
وكم ترله مويه للحمام
والملابسي ودوهم المغاسل

الي حين عوده عادل من عطلته الاضطراريه .

ياحيدر

تحياتي؛؛


طيب ياجماعة نحنا البتضامن معانا منو في ورم فشافيشنا منو؟


المرارة انفقعت وخلصت مادايرة تضامن.


خلي الدكتور ده يشيل جردلو ويرد البحر قريب منو .

المهندس عادل

خليك مرطب في اجازتكـ ؛ولو كانت بدون مرتب بيكون احسن.

مرحب يا بشير احمد

الدكتور المرشح الرئاسي لو سمع كلامك يقول ليك انت دا اقع البحر لو كلامي ما عاجبك ..

اصلاً هو عاوز يعجب الناس بكيفهم او غصب عنهم مارياسي كمان ..!!!

تصدق يا ود البشري الراجل طلع ماسورة ملساء بالجد .. اخير منه ووارغو

Quote: يا دوك اشتري مويه الصحه للشراب وكم ترله مويه للحمام والملابسي ودوهم المغاسل الي حين عوده عادل من عطلته الاضطراريه

بس كان يعمل كدة يا دومة بدل يقعد يذل جيرانه ويشيل حسهم في الاسافير ..

هسع اتخيل يا دكتور جيرانك ديل دخلوا سودانيز وشافوك كاتب عنهم كدة ..

تتخيل حايدوك اصواتهم .. بس لحقوق الجيرة ساكت ما اظن يدوك صوتهم لانك قبلاً ماراعيت الحق دا ..

خمستاشر بوست في موضوع قطعوا مويتي ..

امال لو قطعوا رزقك زي ما عملوا مع ناس الصالح العام كان عملت شنو .. تفتح سودانيز اونلاين جديد ؟؟

يا حيدر الزين (أخونا في الإسم) سلام

التوثيق .. موضوع التوثيق ما تنسا

اختنا هدير ..

عليكم السلام والبركة ..

Quote: التوثيق .. موضوع التوثيق ما تنسا

باقيلك عندي سعة بال قدر دي لامن اباري الماكينة الاسفيرية المسمي عثمان الريح

الليلة بس انا عديت ليهو 15 بوست في ظرف دقيقتين

ثم الخبرة .. الخبرة واجبة في الاعمال دي

مش المصاري بيقولوا ادو العيش لخبازو ولو .....


احترامي وتقديري ،،،

بنسأل الدكتور المحترم عن آخر المستجدات السياسية واهمها طبعاً ..

هل عادت المياه .. ؟؟؟

هل رجع المهندس عادل من إجازته .. ؟؟

ما اظن في مستجد اهم من كدة ..

السيد مرشح رئاسة الجمهورية.قف. أرجو اطلاعنا على اخر المستجدات. قف.
هل عاد المهندس عادل من الاجازة ؟قف.
التوقيع:
جماهير القاعدة الشعبية

حمور يا قاعدة يا شعبي

الزول دا مكرهنا المكنبر ليهو زمن

هسع وقت قلنا نتضامن معاهو وبقينا نسألوا من المستجدات اختفي من المنبر ..

نستاهل نحن يا دكتور

بس اهم حاجة طمنا على الموية ..

وعادل رجع والا لا ؟

وورينا اذا لم تعود المياه لمواسيرها هل امدكم الجيران الذين ( سلف ) وان امددتهم انت بالماء ..

كما نتمني من سيادتكم ان توضح لنا هل تم تجييير حايطكم مرة اخري بعد شخبطته ولخبطتته

ولم تعطينا رايك يا سعادتك في تعيين الاستاذة نانسي عجرم كتعويذة الحظ لحملتكم اللانتخابية ..

ثم اتمني من سعادتكم ان تطمننا على الكهرباء والانترنت وكل ما يدخل ( بيتكم ) عبر الاسلاك والمواسير والفواتير ..


مخلصكم من القاعدة الشعبية

يا سعادتك .. !!

ما وريتنا ياخ آخر المُستجدات شنو .. ؟؟

وهل عادت المياه لمواسيرها أم لا .. ؟

ثم موقف الجيران الدخلت ليهم الموية شنو متضامين او لسع .. !!

يا سعادتك .. !!

ما وريتنا ياخ آخر المُستجدات شنو .. ؟؟

وهل عادت المياه لمواسيرها أم لا .. ؟

ثم موقف الجيران الدخلت ليهم الموية شنو متضامين او لسع .. !!