ظاهرة بريم الشعر المنتشره بين جيل شباب الجامعات والشوارع اليومين ديل بريم دقااااااق وبريم كبار , المهم .. الولد اليوم كلو ايدو فوق راسو ويبرم في الاول ظنيتها حاله نفسيه ذي اكل الاظافر كدا والموضوع دا حارقني خصوصاً انو اخوي ود امي وابوي عاملها .. جيت يوم اناقشو في القصه دي يا اخوي دا ما مظهر جادي ولا مسئول .. يعني حسه انت شايف نفسك رهيب الرد مختصر : وانتِ دخلك شنو ؟ حاولت مع ود عمتي برلوم الجامعه الجديد يا وليد الحكايه شنو .. انت كدا ما بتعجب الجكس ياخ رد متحمساً : والله البنات بي عضمة لسانهم قالو لي الشعر المبرم حلو الظاهر كدا الاولاد قايمين بيها والبنات مستحسننها قدر ما اجتهدت عشان اعرف الموضه دي طالعه من وين ما عرفتا
بس .. يوم مشيت عرس بأحمد الصادق ( الامبراطور ) لقيت شعرو مبرم وحولينو قيامة اولاد مبرمين اظن والله اعلم الموضه دي نابعه من اعماق الفنانين الجداد
صورة الامبراطور
05-07-2009, 11:41 AM
Dalal Ezzaldin Dalal Ezzaldin
تاريخ التسجيل: 06-19-2008
مجموع المشاركات: 1406
Quote: اظن والله اعلم الموضه دي نابعه من اعماق الفنانين الجداد
ان بعض الظن اثم.. رد اخوك منطقي.. اعتقد انه ده شأن خاص.. في المقام الاول.. (يمكنك ان تجوب داخل حدود حريتك براحه كبيره مادمت لا تؤذي الاخرين)... زمان كان في (الخنفس) زمن قمصان تحرمني منك وريحة بت السودان.. والصحابه كانوا (عندهم ضفاير عديل كده).. يعني اي زول شعره في راسه.. يبرم (مقاسه)..
_______________________________ واحد مبرم شعره وناوي يضفره كمان
05-09-2009, 07:19 AM
Dalal Ezzaldin Dalal Ezzaldin
تاريخ التسجيل: 06-19-2008
مجموع المشاركات: 1406
Quote: اعتقد انه ده شأن خاص.. في المقام الاول.. (يمكنك ان تجوب داخل حدود حريتك براحه كبيره مادمت لا تؤذي الاخرين)...
أبدى رايك لشخص يهمك ما فيهو تعدي على الحريات .. كان تنصح اختك مثلاً ما تلبس لبس غريب .. البريم دا وان كان موضه هو في نظري موضه ماجاده وبتديني احساس بعدم المسئوليه
ياخي معقوله البلح الساوينو في راسكم دا ارحموا نفسكم شويه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Dalal Ezzaldin
naeem ali
فيس بوك
تويتر
انستقرام
يوتيوب
بنتيريست