ليس (هما) للسرير فقط ..

وبما إنو الموجة والسعرة (بفتح التاء) ، سراير (حديد) ساكت ..

فأنا أرى انهما الجوز اي اعني (هي وهو) انهما ليس للسرير فقط ..
فهما للمرازق .. والأطفال .. والواجبات البيتيه ، والمابيتيه ..
ويقوما يلفا كده ولا كده ..
والسرير ده يشما قدحة ..
ويأتيانه وهم في قمة
الإرهاق
والتعب
ولا يستمتعان
حتى بالنوم
نهيك
عن اشياء
أخر

وبث


ود نعمة وأبوها ..
رئيس رابطة الزوجاتهم ماعيشين معاهم ..







لماذا يُلاحقني هذا التعديل اللعين ..

Quote: لماذا يُلاحقني هذا التعديل اللعين ..

ياخ كلامك جميل وزي الدفسيبه..

والله أحبك عديل كدا ولي وجه الله عندك كلام؟؟؟؟

Quote: الدفسيبه

حبيبنا (كُوجان) ..
هو سريراً من غير (الدفسيبة) يدخل علينا بالساحِق والماحِق ..


ــــ

ويأأخي هو (حُب) وفي (الله) تاني بِكُسُلوُ (كلام) ..
حِب ساااكت ده المارقِلُوُ .. للربا والتلاف ..


وجميل حبي

ود الجزولي..
تعال هنا، السرير ده الناس مابياهو مالا رجاجييل علي نساوين؟؟؟
هم يلزو السرير هنا هن يلزَّن فيهو هناك..

يعني لو واحد قال هن ليس "للأكل" فقط، هل الجماعة ديل ضكور وأناتي، كان قالوا أي حاجة؟؟؟
نحن كمجتمع سوادني عندنا مشكلة "تعاطي" مع الجنس، وتعاطي مقصود بيها تثقيف، موش التعاطي في حد ذاتو يا ناس السراير..

المهم يا محد أخوي بوستيك ده بكرة ويكند كان الله هون القواسي، وما لقينا لينا سريراً نرقد فيهو مع جديع السراير والنوم "قوى" الحاصل في المنبر ده، بنجي نخوض مع الخائضين، وقد نجيكم المنبر بسريرنا، لأنو بالطريقة دي العندو فضل سرير ما ظنيتو يسر به من لا سرير له، والعياذ بالله من رقاد الواطة..


___
لي باكر يا صاحب..

bالاخ محمد
بمناسـبة السراير و العناقريب
بتاع تصليح عناقريب حايم جوة الحلة يقول باعلى صوتة

المعاة عنقريب لتصليح
جاتة مرة طالعة زعلانة شديد
قالتة لية امشى شوف ليك شغلة
ياحليل الرجال البكسرو العناقرب
انت من زمنهم

شكراً
هدى عبدالمنعم


على مرورك .. تسلمي يارب ..

ناصع الود

Quote: المهم يا محد أخوي بوستيك ده بكرة ويكند كان الله هون القواسي، وما لقينا لينا سريراً نرقد فيهو مع جديع السراير والنوم "قوى" الحاصل في المنبر ده، بنجي نخوض مع الخائضين، وقد نجيكم المنبر بسريرنا، لأنو بالطريقة دي العندو فضل سرير ما ظنيتو يسر به من لا سرير له، والعياذ بالله من رقاد الواطة..

صاحبنا (الكنداوي) ..
ود طيفور


يازول مرحب حبابك .. ويكندكم لسة ماجاء؟ انحن دفق بقادي! ..
وانت بس ابقى داخل ، والسراير على قفا من يشِيل ..
ومنور




ـــ
حكمة سريرية(زكورية) بحتة ..

Quote: رقاد الواطة

ولا الزوجة الفسلة ..

ولدنا محمد

كيف حالك وأحوالك مع طول المدة وعدم المشاهدة

أنا ما جابني السرير لكن عجبني توقيعك في إحدى المرات
حين كتبت (ود نعمة) وقلت امكن طلتي تعيد ليك الذكريات

مع ودي وصادق تحياتي

صلاح يوسف

Quote: حين كتبت (ود نعمة) وقلت امكن طلتي تعيد ليك الذكريات

يااااااه .. الخال الحبيب
صلاح يوسف


الذكريات .. ولا تحتاح كثير عناء، بعد طلة على( وجههكم الكريم) .. الموردة ، بانت ، قصر الشباب
والأطفال .. حبوبة امنة .. هاشم وسعاد .. أمي نفيسة .. جدي سيداحمد وبدرية .. و و و و و و و ..

و جميل مرورك علينا ..

وتسلم كتير ياخال ..




و




ــــــ
الباقي في الماسنجر ..

Quote: بتاع تصليح عناقريب حايم جوة الحلة يقول باعلى صوتة المعاة عنقريب لتصليح جاتة مرة طالعة زعلانة شديد قالتة لية امشى شوف ليك شغلة ياحليل الرجال البكسرو العناقرب انت من زمنهم

ويحسبون انها ( نكته) وهي في الأصل مُؤلفَة تأليف دقيق ، ومفخخ ..
للتشكيك ، والإستهزاء ، بنا نحن معشر الرجال .. فلا والف لا ..

وسنتطلقها من هنا داوية وصريحة ــــ حليل النسوان البِكسُربيهَم العناقريب ..

عزيزي محمد الجزولي

شكرا على ردك المفعم حنية ووفاء

يبدو أن الفارق الزمني بين استراليا والسعودية إضافة إلى طاحونة العمل يجعل
التخاطب بالماسنجر عصيا0
أرجو مراسلتي على الإيميل الموجود بالبروفايل فأنا في شوق لمعرفة أخبارك علما
بأنني أتابع أخبار وكتابات كمال ودكتور حسن ومجدي ودكتور مصطفى مدثر ومنى
ومتى سنحت الفرصة بإجازة للسودان أزور كمال وأميرة ومحجوب شريف0
ولعل أخبار عبد المنعم الجزولي ومها مقطوعة عني0

وعودا إلى موضوع البوست أقول بأن الدنيا بخيرها ولا زال حتى في هذا المنبر رجال يكسرون العناقريب0

لك صادق التحية والود

صلاح يوسف