Post: #1
Title: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: نادية عثمان
Date: 05-07-2009, 02:03 AM
Parent: #0
نسب الذكاء بين البشر تتفاوت مابين ذكي جداً ومتوسط الذكاء
وقليل الذكاء وغبــــــــي !!
ولكن هل يعرف الذكي جداً أنه ذكياً بهذه النسبة الكبيرة من تلقاء نفسه ؟!
والغبي جداً هل يعرف أنه علي هذه الحالة من نفسه ودون إشارة وتعريف بذلك من أحد ؟!!
وماهو رأيكم في من منحه الله نسبة من ذكاء فصار يفترض الغباء في الآخرين ؟!!
|
Post: #2
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: نادية عثمان
Date: 05-07-2009, 02:25 AM
Parent: #1
خلونا نقول أمثلة بالدارجي البسيط كده سمح ؟
من علامات إفتراض الغباء في الآخرين :
مثلاً :
زول بتعرف كتابتو زي جوع بطنك وبتعرف أساليبه كويس !
يعني وين بيضع علامة الإستفهام وكيف بيكتر علامات التعجب
لما عايز يدي المسألة غموض وكده !
زول من كترة مابتعرف طريقتو في الكتابة لو عمل ( شولة) بتعرفها شولته !
يقوم الزول ده يكتب باسم زول تاني ومتوقع إنو إنت غبي وماحتعرفو طالما إسم الزول التاني موضوع على المكتوب على كتابة الزول الأولاني أياّ كان نوع الكتابة!
طيب هو بالله زول زي ده أسهل ليهو يحاول يغير ( الشولة) وأساليب كتابتو لو ( بيقدر)
ولا يتوهم ويفترض في الآخرين إنهم أغبياء ومابفهموا ؟؟!
|
Post: #3
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: Galaleldin Abdalla
Date: 05-07-2009, 02:26 AM
Parent: #1
when you asume people ie less inteligant than you than mean you are stupid
if you feel people are nothing you are ignorant
if you think people not borne yet , you will never exist
this what I beleive.......
treat people the way you want them to treat you
Galal
|
Post: #4
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: حنين للبلد
Date: 05-07-2009, 02:31 AM
Parent: #3
نادية...
مالك الايام أسئلتك كترت؟؟؟؟؟؟؟
|
Post: #6
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: نادية عثمان
Date: 05-07-2009, 03:07 AM
Parent: #4
الحبيبة حنين للبلد
مع إني ماعارفة وين أسئلتي كترت لكن
مالو موش الأسئلة بتعلّم الإنسان وتديهو أجوبة مابيكون عارفها
وتزيد من رصيدو المعرفي وحصيلتو من المعلومات في الدنيا أم قدود دي ؟؟
بعدين ماتنسي إنو أربعتاشر سنة من عمري الصحفي تخليني ( نكير ) عديل
وجني أسئلة ولا شنو ؟ ( وش باسم خلقة الله ) !
ياريت أعرف رأيك في موضوع البوست ياحبيبة سمح ؟
|
Post: #8
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: حنين للبلد
Date: 05-07-2009, 03:17 AM
Parent: #6
ردي يا نادية على البوست ده,,,,,
انه زمنك اقيم من انك تضيعيه....
مافي شيء بستاهل تضيعي زمنك في....
والرد على مالا يسوى هو تحجيمه وتجاهله...
اكسبي زمنك وماتنجري وراء المهاترات......فالجدال مع الاحمق يجعل الآخرون لا يميزون بينك وبينه...
وماتفتحي ليك جبهات ماحتستفيدي منها...
مودتي التي تعلمين...
"رغم اني ماعارفة الحاصل شنو تحديدا"
|
Post: #9
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: نادية عثمان
Date: 05-07-2009, 03:28 AM
Parent: #8
الحبيبة حنين
طيب إنتي ليه إفترضتي إنو في حاجة
حاصلة من أساسه طالما إنك بتقولي
ماعارفة الحاصل شنو تحديداً ؟؟!!
والرد على مايسوى هو تحجيمه بالتجاهل دي
مافهمتها ياحبيبة كيف ( تحجيم) و( تجاهل) في نفس الوقت ؟!
هو التحجيم ده موش معناه ( الردع) ولا مقصود بيهو شنو؟
ياحنين
السؤال بتاع إفتراض الغباء في الآخرين ده من زمان
بيلح في رأسي ولاجل ذلك فتحت هذا البوست وأتيت بمثال وأحد
لكن ماعارفة الخلاك تظني إنو البوست ده مضيعة زمن لي وجري خلف المهاترات
والنزول لمستوى الأحمق شنو ؟!
مودتي وعميق تقديري الذي تعلمين
|
Post: #10
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: حنين للبلد
Date: 05-07-2009, 03:46 AM
Parent: #9
يابت مالك بقيتي شكالة كدة انتي يومك الدايرة تتعلمي الشكل تبدي بي انا (:
Quote: الحبيب حنين
طيب إنتي ليه إفترضتي إنو في حاجة
حاصلة من أساسه طالما إنك بتقولي
ماعارفة الحاصل شنو تحديداً ؟؟!! |
فياقة مني (:
يا ندو انا قصدت اني ماعارفة تحديدا البوست ده انتي فاتحاه لي منو بالتحديد ..لانه شكله كدة بوست موجه وان بدا غير ذلك..
Quote: والرد على مايسوى تحجيمه بالتجاهل دي
مافهمتها ياحبيبة كيف ( تحجيم) و( تجاهل) في نفس الوقت ؟! |
الزول لما تتجاهلي بتحجمي "نظرية مجربة"
Quote:
هو التحجيم ده موش معناه ( الردع) ولا مقصود بيهو شنو |
؟
لا التحجيم ما معناها الردع، لما زول انا دايرة احجمه مابقيمه بي بوست من زمني الغالي ولا بضيع في زمن...او لو دايرة افتح لي بوست بجيه مباشرة..لكن ماببقى اسمه تحجيم ببقى اسمه فش غبينة "مرات انا بسويها وبجي اندم اني ضيعت زمني"
Quote: ياحنين
السؤال بتاع إفتراض الغباء في الآخرين ده من زمان
بيلح في راسي ولاجل ذلك فتحت هذا البوست وأتيت بمثال وأحد
لكن ماعارفة الخلاك تظني إنو البوست ده مضيعة زمن لي وجري خلف المهاترات
والنزول لمستوى الأحمق شنو ؟! |
قلتي عندك امثلة!!! عموما انا قريته كدة امكن أخطات القراية
| Quote: مودتي وعميق تقديري الذي تعلمين |
لك مثلها.....
"انت الظاهر عليك روحك محرقاك/ والله مابعبر لي زول مابستاهل ولا برد علي ولا بدخل لي بوست مش لو كتب فوقه نادية عثمان لو أذن في مكة والمدينة مابشتغل بي الشغلة، مابقيم الا الحوار الجاد المثمر المفيد البناء.
|
Post: #13
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: نادية عثمان
Date: 05-07-2009, 03:54 PM
Parent: #3
أستاذ جلال سلامات
وشكرا لمداخلتك الثرة
وبالفعل عندما يفترض أحدهم في الآخرين الغباء فهو الغبي الوحيد !
وإن إنتباني شعور بأن الناس لاشئ فعلي بمراجعة طبيب نفسي بالتأكيد !!
ليت أمثال هؤلاء يحاولون معالجة مواطن الخلل في نفوسهم المريضة !
|
Post: #5
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: قاسم المهداوى
Date: 05-07-2009, 02:34 AM
Parent: #1
فى البدء سلاااام
والسلام امان ومؤشر جيد لطمأنة النفس
لذا نبدأ دوما بالسلام فى اى شىء .. وكمثال توضيحى
لقاء يبدأ بالسلام ... ورساله تبدأ بالسلام وايضا نهاية كل حر ب هى السلام
اليس كذلك ... كما يوقل بتاع ... البى بى سى عن كل لقاء ...
عامة
وكما ذكر علما البرا سايكيلويجى
ان البشر ينقسمون الى
5% هم منقوليين ... اى المتاخرين زهنيا الذين يشبهون بعضهم البعض فى كل بقاع الدنيا
شكلا وتفكيرا وحركة وقد اسميناهم ( المنقوليين )
وايضا 5% وهم العلماء صانعى ومبتكرى كل ما هو جديد واطلق عليهم اسم الشواذ .. وهذى ليس
مقصود بها الشواذ (جنسيا ) بل المقصود بها المقدرة العقلية الفائقة .. التى تتجاوز مقدرة البشر
العاديين
ما تبقى من البشر هم 90% مقسمين على جزئين 30% ما يطلق عليه جيد جدا و60% ما يطلق عليه من الممكن ان يرتقى لمستوى جيد ان اجتهد والباقى سيظل كما هو ... لسبب بسيط لان نعمعة العقل عندما
منحها الخالق للبشر كان فيها حكمة ... يعلمها الله وحده
معزرة ... ثقافة كل انسان مستمدة من اطلاعة وايضا قراْءآآآآته ... وما لغة الكلام والكتابة الا تفريغ
لما هو مخزون بمستودع الدماغ من اطلاع وقرآءة ....
قاسم المهداوى
|
Post: #7
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: Galaleldin Abdalla
Date: 05-07-2009, 03:16 AM
Parent: #5
why not ?
ask as much as you can
that how people learn
even in bussiness they said
KYC know your customer
how ?
by asking questions
you learn and we learn
thanks for giving us the apportiunity to learn by asking those question
Galal
|
Post: #11
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: معتصم مكاوي
Date: 05-07-2009, 06:50 AM
Parent: #1
وما هن شويه
يا نادية أختي
|
Post: #12
Title: Re: إفتراض الغباء في الآخرين كيف ترآه عزيزي البوردابي وغاليتي البوردابية ؟( يوجد أمثلة) !!
Author: العوض المسلمي
Date: 05-07-2009, 02:24 PM
Parent: #11
الاستاذه ناديه سلام
معليش المنبر ده كثيرين يقولوا انه سودان مصغر ,, ولكني اختلف معهم في ان بعض العضويه هنا تقول كلام لاتستطيع التفوه به
في اي مكان مهما قل مكانة المكان وتواضع محتواه "......." في المجتمع ,,
والبعض هنا نعرفهم خارج المنبر ونعرف ماهي حدود معرفتهم ,, فياتوا هنا ويتحدثون وكانهم مبدعي زمانهم ,,,
قد تكوني ابتليت باحدهم او بعضهم ..,, ولكن افتراضهم الغباء بالاخرين هو دليل انهم لايفهمون الكثير عن البورد ,,,
ففي هذا البورد يقراون الاسم ويتسابقون في ان فلان هذا سيكتب كذا وعن فلان ,, وعندما يدخلون البوست المعني يموتوت من الضحك
فلا يبعد عن توقعاتهم شيئا ,,, وكانهم كانوا حاضرين حين كتب ذلك الزميل البوست ,,,
يعني افتراض الغباء هذا لايمر في البوست مرور عادي ,,,
وبالتاكيد لاهمية الموضوع فالامثله متعدده ,, اكيد لي اكثر من عوده ,,,
|
|